ЙИСАТ УLА, АРТНАТ УLА, ХАНТЫ МИРЭВ НУПТАH ЯСАH! Яlаптаl тыlащ хутмет хатl 2001-мет таl вуш эваlт этты питас
Российская Федерация Ямало-Ненецкий автономный округ
От всей души поздравляю вас с Днём Воздушного флота России!
Для Ямала этот праздник особый: ямальская авиация имеет первостепенное значение в обеспечении достойного уровня жизни населения, успешно и эффективно выполняет задачи социально-экономического развития и промышленного освоения Арктического региона. Несмотря на суровые климатические условия, представители этой благородной профессии ежегодно демонстрируют пример ответственного служения Ямалу, России, пользуются заслуженным уважением и почётом у жителей округа. В день праздника – особые слова благодарности ветеранам, стоявшим у истоков становления авиационной школы Заполярья, формирования её крепких и незыблемых традиций. Спасибо вам за самоотверженный труд, за преданность делу и высокий профессионализм. Убеждён, что нынешнее поколение авиаторов – пилотов, специалистов инженерно-технических служб и сервисного обслуживания, успешно справится с поставленными задачами в деле обеспечения безопасности полётов, укрепления сферы транспортных услуг, динамичного развития экономического потенциала Ямала. Всем, кто связан с авиацией, всем пассажирам искренне желаю здоровья, благополучия, чистого неба и мягких посадок. Врио Губернатора Ямало-Ненецкого автономного округа Д.Н. КОБЫЛКИН
Lапат тыlащ сыс 3,5 щёрас тонна хуl мощатса Шеhк яма рупитсат Тазовский па Lорвош районан хуl веlпасlаты ёх. Оlаh тахая этас Горковский рыбозавод, lув тамхатlатан 483,3 тонна хуl lэщатсат. Щит 173 тонна аршак туняl эlты артаlаман. Кимет тахая этас «Тазагрорыбпром», lув 414,8 тонна хуl мощатсат – щит туняl эlты артаlаман 89 тонна аршак. Аксаркайн ноптаlты ёх 331,1 тонна мощатсат. МП «Новопортовский рыбозавод» мощатам хуlаl 234,6 тонная хойс. Салемальский рыбозавод 217 тонна lэщатас. Щи тумпийн яма рупитсат МСП «Мужевское» па «Байдарацкий» совхоз. Аратаlан округ lоватан 19 рыбозавод па 12 совхоз хуl веlпасlаlат. Щи тумпийн Овс мув шимlаh мир общинаятан кат щёрас хоят ищи рупитаl хуl веlпасlаман.
Няврэмат ашкуlая Емаhхатlан пиlан акатlайт Унтlор тыlащ хольмаh пеlа ветмет хатаl эlты муh округев lоватан овс мув шимlаh мир хоятат няврэмат ашкуlая акатты питlайт. Арпелак щи няврэмат, хой аhкиlаl-ащиlаl тащ хотан яhхlат, ноптаlты панатан хуl веlпасlаlат. Аратаlан округ lоватан мосаl няl щёрас няврэм акатты. Щи ураhан тохlаhхоп мийман уllа. Щи тумпийн, йиhк эlты яhхты хопатан, поездан, машинайн тутlыты питlайт.
Аллина ТОЯРОВА lэщатам лопас
Марина ЯР мийм хор
Хоты сахат рупата каншты
Кашаh хоят lаhхаl: lуlн няврэмlаl, ашкуlа етшатэl юпийн, еllы ям тахая утаlтыты мантсат. Щит эlты lув еllы уlапсаеl lойl. Мет шопаh рупата канштэl порайн: специальность щиран па ох рупата ёша паватты щиран. Там йисан рупата каншты щир кеншака йис. Ванты, Интернета lоhlан па вантlан: муй рупата наhена мосаl, муй арат охан сохаптаlайн. Ин мосванна щи кеша портал пуншса «Работа в России» trudvsem.ru адрес хуват каншты рахаl. Там таl ас нопатты тыlащн муh округеван пуншса – РАБОТА.ЯНАО.РФ муй па rabota.yanao.ru. Тамащ мутра сахат кеншак нынан мосты рупата уятты па мохты телефон хуват потарты рупата маты хоятат пиlан, резюме китты. Ин округеван щёрас нийlсот моlтас рупата ант тайты хоят, хольмаh пеlа няl щёрас рупата лот уl. Арпелак куртаh хоятат рупата ант тайlат.
Хабэча Яунгад мийм хор
Дорогие друзья!
○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○
Газета №33 (763) Lапат хутмет (суббота), Унтlор тыlащ (август) 15-мет хатl 2015-мет таl
Округ бюджет эlты там верты рупатая ветьяh миллион соlкува эсаlман уllа. Щёхар тыlащ яhмет хатаl унты няврэмат ашкуlаята туlайт. Аратаlан округев lоватан хольмаh пеlа няl ашкуlа-интернат рупитаl. Овс мув шимlаh мир хоятат няврэмат щита уllат яртьяh па ихощьяh класс етшаптатэl унты. Ашкуlа-интернатан рупитты хоятат ар юур понlат, lуlн, няврэмат йис уlапсаеl ант ёрэмисэl, вераттыщукщатты щират утаlтасэl.
Там тыlащ хутхощьяhмет хатаlн муh хонмувев lоватан тохlаhхоп хоща рупитты хоятат емаhхатlэl постаlэl. Мет шопаh муh Ямал мувев хоща вертолётат шеhк мосlат куртат хуват яhхтыя. Муh округеван веlщи мувшув каншам порайн шеhк нётсат «Ми-6А» нэмпи тохlаhхопат. 1998-мет таlн щи тохlаhхопат эватсайт па карты маты тахая масайт. Кат щёрас ветмет таlн, тохlаhхопат музей хоща, щи ун тохlаhхоп Тюмень воош эlты туса. Ин куртат хуват таlн пурlамтыlув «МИ-8» тохlаhхопан. Lув онтасэlан муh кат щёс мар кашh курта ёхатты верытlув. Лётчикат, инженерат, техникат онтасан муh пурlамтыlув. Ун пумащипа щи хоятата, хой рупитаl тамащ рупатайн. Тумтак ёш, тумтак кур уlаты!
Куртна хотlы уlты шуук Воошан уllув па, кашh хатl сэмlув аhкармиlат яlпа омасты хотат пеlа. Хой хот ёша паватты кеша очередян lойl – кашh пуш нумасыйl, мата районан уlты питаl. Номпсаlна яlап хот lыпийн пормасlаl омпсыlыllы, поныlыllы. Хоты па нэрыты куртатна уlты хоятата? Мет шопаh, хой хув тэlан вой па хуl веlпасlаl lув ёра куртаlан. Lувеl касаlты муй па lэтот-пормас lутты ёхтыlытаl порайн хот мосаl. Шеhк lуlан ям ус, хун щимащ хоятата яlап хотат курт lыпийн мийlысайт. Ванты, яlап хотатна хошам маты турат уllат. Щи онтасан кур аllыты ант мосаl. Щимащ уlапсайн шеhк мосты вер: хотэн ант потlа, йиhкен ант потlа. Нумастэман, еllы хатlатан, куртаh кущайт яма-ки рупитты питlат вер туhмаlаl.
2
№33 (763) Lапат хутмет (суббота), Унтlор тыlащ 15-мет хатl 2015-мет таl
Шоши мират емаh хатl Унтlор тыlащ яртъяhмет хатl мир lоватан уlты шоши мирата постаман уl. Тампуш там емаhхатl Пулhаватан оlаhан верса, щаlта па щутщаты хатаlан Канащкуртан хоятат актащисат. Щи хатl музейно-этнографический комплекс эlты вош унты мойh хоятат тутlыман автобус яhхас. Хатl кутапан МВК им. Шемановского пуhаlан автобус lаваlман ям арат хоят акмас. Ёхтам машиная хоl ат lэпсат, хащам хоятат па машина каншты питсат. Ветlэм таlа йис, хоты Канащкуртан щи емаhхатl верты питса, щишан курт унты яhхты каш вантты хоятат уllат. Щишан, манты юшев эlты еша ёхи хащсув. Тохи ёхатмеван, концерт верты питам. Мойlапса ясhат ястаты ёхтыlыйс Ас-
Канащкурта там емаhхатаlан ар мойh хоят ёхтыlыйс
ский районан мет ар арсыр мир хоят уlтаl, няlъяh моlтаскем мир рут. Щишан, шеhк ям, хун хоятат тамащ емаhхатlатан уйтантыlат, щутщаlат,
Канащ ики пиlан хор вуты рахас
социация «Ямал-потомкам» Приуральский отделение куща ху Андрей Сергеевич Харючи. Хоты lув ястас, Ямал муван Приураль-
lухсаhа йиlат. Хус таl сайн тамащ емаhхатl постаса Организация Объединённых Наций хоща. Щи пора эlты кашаh таl нэман щи
кеша постам ясаh щиран манаl, 2015-мет таl ястаса шоши мират тумтака па туhащира уlты таlа. Рущ ясаhан ки, «…центром внимания станет вопрос о доступе коренных народов к услугам здравоохранения, поскольку улучшение здоровья коренных народов остаётся важной задачей и общим для коренных народов государств-членов ООН». Канащкуртан ям тынасхар верыlыса. Хуl, вонщамот, толах, хорам щашканат, охшамат, сакпаlат тынысайт. Ёхтам хоятат эпlаh шарытам нёхийн, кавартам хошакан lапатсайт, шайн ищаlтасайт. Урхотатан мастер-класс верам хоятат усат, мойh хоятат тонты эlты пормасат ёнтсат, юх эlты нёхарты утаlтысат. Центр национальных культур эlты арыты ёхтыlысат Антонина Ануфриева, Владислав Озелов па Валентин Вальгамов. Lувиlаlа ун пумащипа ясаh ястаты мосаl, шеhк яма арыlат па якlат, умащ хуlатты па вантты. Антонина Константи-
новна арыямн ай эвиет, ай похиет lув пиlаlан якты lоямтыlат, щи арат таhха арыты соваl сама рахаl. Мув lоватан уlты шоши мират емаhхатl Ямал муван утhат постаlа. Щит шеhк ям, ошаh номас щита уl. Там муван шошия уlты хоятат интам унты катра йис уlапсаеl тайlэl, хуlвой веlман уllат, вуlы тащат шавиlат. Ёхтам па мир хоятат газнефть каншман рупитlат, хойтат ёхlы манlат, хойтат тата мувемаlайт. Государства эlты, ун кущайт эlты нётапса уl, за-
Галина Ребась эвиеl пиlан сувенир мойlапсайт тыныстан
конат щиран ханшман уllа, хоты там муван туhащира рупитты мосаl, lэваса накlат ант верты. Туп щиты яха нётасман, яха рупитман рахаl мувев шавиты, йис уlапсаев ант уштаты па кутэван lухсаhа уlты. Щишан, тамащ найh хошам емаhхатlат Канащкуртан па ат верыlыlайт, катра ханты мува хоятат мойlыты ат ёхтыlыlат.
Семён Севли па Александр Сотруев мастер-класс этаlтыстан
Клавдия МАКАРОВА ханшам потар па верам хорат
3
№33 (763) Lапат хутмет (суббота), Унтlор тыlащ 15-мет хатl 2015-мет таl
Хув порайя йис, хун ляль етшас. Ин там порайн няврэмат ляль эlты уятlат, анта ляля яhхам хоятат эlты, lув шеhк шимlа йисат. Щи пораят эlты муh уятlув ляль пора няврэмат эlты, нэпекат па киноят эlты. Ляль пора уятты мосаl! Тампуш lапатъяh таlа йис ляль етшам хатl эlты. Щит ун емаhхатl, щи емаhхатаlан муh аматlув па хоllаlув: муh нумаlмаlув, муй арат хоят антома йис – хус lапат миллион хоят, па щит ун амтатlыты хатl – муh хонмувев нох питас, муh ошаhшака па юраhшака уlты верытсув. Щи lавар порайн Lорвош мув эlты шеhк ар хоят ляля туса – щёрас няlсоткем хоят. Там мувеван антом щимащ семья, хоlща хоятат лялясты ант тутlысаят. Ма семьяеман ищи ус ляля янхам хоят. Щит ма ащем ащикеl – Александр Фёдорович Пугурчин. Муh семьяеван lув эlтэl шеhк ар ант уятlув. Lув сэма питас щёрас яртъяhсот ветмет таlн ущ ёхатты тыlащан ветхосьяhмет хатаlн Хорпункуртан. Шеhк шаль, анта ма, анта ма ащем lувеl ант вантсув. Lув уlмаl пора эlты муh уятсув ма ун антев потрат эlты. Хун ма хуlатсам ун антем потрат, ма нумассам, муй хорпи паlтапlы ус ма ун-ун ащикем. Ун антев lув эlтэl потартас шеhк самаhа, lувеl шеhк тынаh ус нумаlматы ащеl эlты. Lув хотаlан шависман тайсаllы ащеl лялян яhхам напекат, хорат. Ун антем потартыяс: щёрас яртъяhсот хольмаhкем таlатан, хун этты питсат колхоз тащ вуlэт, ма ун-ун ащикем манас рупитты тащ хота. Щаlта вуlэт нох вусаят, lув каматса таl кущая оlаh тащан рупитас. Щаlта па юхатшак хуl веlман па щаlта унт хотан рупитас. Lув ляля туса щёрас яртъяhсот няlъяh кимет таlан ущ ёхатты тыlащан ветхосьяhмет хатаlан, lув щи порайн кат няврэм таяс. Ма ун антем ус айшак, lувеl туп нияl таl ус, хун lув ащеl ляля туса. Lув ёхи нэпек ханшас: lув лялястаl кимет ударный армияйн, сот ярсот оlаh миномётный полкан, ус Ленинград вошан оборонайн. Кат пуш lув мушмаlтыса, госпиталя тутlыса щаlта па лялястыя маныlыяс. Хуlмет пуш шеhк мушмаlтыса охаlа, щаlта па нэмоlты нэпек lув эlтэl ёхи ант ёхтыlыяс. Ун-ун ащикем антома йис ущ ёхатты тыlащан хус яртъяhмет хатаlан щёрас яртъяhсот няlъяh няlмет таlан. Щимащ ус ма ащем ун ащики! Ин ма ащикем катра хорат ёшан тайlам па нумасlам: муй арат lаварт, шук тус lув па муh хон мувев хоятат. Ма иса питlам номасан тайтыя, па хуцы еllы ма няврэмlама потарты питlам. Ляль етшам порайя йис lапатъяh таl. Муh щи верат нэмоlты пораян ант ёрэмиllув. Муh шеhк ун пумащипа ястаlув лялян яhхам па ляль порайн рупитам хоятата, ин щит ураhан муh яма уllув. Ин ма ханшты етшатэм еlпийн lаhхаlаям тамиты ястаты: «Тамащ ляль атат ус нэмоlты порайн, турмев иса сыстам па восты ат ус, най иса хутlыяс, антиlув атат хоllыlат, иса нумсаты, муй тын щиран муh мирэв нох питас. Шавияlан муh мирэв! Шавияlан нопсэв!» Юлия ВАЛЬГАМОВА, яhмет класс, Овкурт
Клавдия МАКАРОВА мийм хор
Ляльна ма ант усам, Туп нопсэман шумlамтас, Хун щи айкеl туса, Хатlэн хутlамтас. Овс мув ханты курта Lов шашн ёхтам ху, Lув па мирна куртна, Матты пеlhа кутна, Lапемаса ёхн… Р.П.Ругин «Нох питам хатl»
Ма рутlам ляль порайн Нопсэм хося хасяс манам лялен, Нэмоlтына нох ат уlэн lувеl, Юха сэврам нюлам иты, самемн Мортаh ишна кашеl сита хувlаl. Р.П. Ругин
«Ляль номас»
Ляль… Щит иса атам вер. Ма па потарты утщиlам мет ун ляль эlты. Щи Ун ляль ёхтас кашаh хота, кашаh хот эlты ёх манас лялясты. Щёрскем хоят шукащман щи порайн усат, туп ищипа нох питсат! Нох питсат мет lавар лялян, щимащ ляль хонна антом ус муh Мувеван. Ляль эlты ма ар lуhатсам нэпек па вантсам кина. Туп шеhк сама питас антем ястам потрат, щи потрат lувеlа ун антем потартыйс. Антем кат рутаl Ун ляля тусайтан, ит антеl яй, кимет па ащеl яй. Ма нумастэман хоl няврэмат ун хоятат уlтэl порайн ат инщасlат муй щиран lый усат. Ант ки питlув инщасты муh нэмоlты ант питlув уятты. Антем потрат хуват ма уятlэм – хун ма антимем яй ляля туса lув шеhк яма нумlаllы, щикуш ай щи порайн ус. Антимем яй, Андрей Григорьевич Лонгортов, lув ляля яhхас па ёхи ёхтас, рупитас па антома ис Овкуртан. Lув муй щиран лялясас шеhк ар ант потартас, потартас туп – ар хоят кашаh хатаl щита парас, муhева иса мосаl щит эlты нумасты па ант ёрэмиты щи хоятат. Ащикем яйl, Филипп Алексеевич Талигин, ляля туса мет оlаh таlн, хун ляль питас – 1941, lув ёхи ант ёхтас, муh рутlув хув ант уятсат хота па хун lув антома йис, хота lув лоттыса. Ин там вананшак, муh уятты питсэв, lув лялясас Ленинград вош пуhаlан па щита антома йис. Ма нумасlам муhев мосаl уятты щи ляль эlты аршак, па потарты муh няврэмlува. Иса муh Мувеван ант ат питаl щимащ ляль. Уlаты хоятат яма, ант мосаl Мувева па ляль!!!
Муh мувев lоват ус ун емаhхатl. Ляль етшам пора эlты lапатъяh таl хащас. Ляль няl моlтас таl ус. Хонмув хоятlув мантсат мувев шавиты, вуракат воштаты. Хой пиращ икет, нэhат па няврэмат уlты вошlаlан па куртlаlан рупитсат. Овс мув хоятат хуl веlсат, вуlы шависат. Нэhат хошам сох ёнтсат. Щаlта хуl, нёхи, хошам сох муh соlтанlув ураhан китсаят. Ма па рут хоятэм ищи ляля яhхас. Lув нэмаl Иван Семёнович Рохтымов. Lув сэма питас щёрас яртъяhсот няlмет таlн Еврикуртан. Хун lув ляля вуса, lувеl ус хольмаh нийl таl. Ляль питты унты lув имеl пиlн Татьяна Ивановна Рохтымова (эви опращаl Питласова) вуlы хотан рупитсатан. Татьяна Ивановна хув уlапса ус. Lув уlмаlна ар пуш потартас lув икеl эlты: хоты lын яха уlты питсатан, муй хорпи lаварт пораят усат, туп lув ищипа няхман потартас щи верат эlты. Lув щи порайн энамты хоятат усат. Lый вет няврэм тайсат: Пётр, Борис, Анна, Ульяна, Анатолий. Щаlта турмеl ищимет патлама йис– ун ляль ёхтас, атам хоятат муh мувева ёхатсат. Овс мув куртат па вошат эlты энамты пох няврэмат па уншак хоятат ляля китсаят. Щаня ёхан Евркурт эlты каматса хоят китамат ун ляля. Щи хоятат кутн ма ун-ун ащем ищи ус. Ёlан хащам няврэмlаl антеlа нётсат. Эвиlаl сох ёнтсат, похlаl вуlы шависат. Ма ун-ун ащем Иван Семёнович Рохтымов ляля вуса щёрас яртъяhсот няlъяh кимет таlн. Lув званияяl гвардии рядовой, lапатъяh ветмет гвардейский стрелковый полкан, хус хутмет гвардейской стрелковой дивизийн лялясас. Lув антома йис па хон муван – Литовский хонмуван. Lув нэмаl «Книга памяти Lорвош муван» ханшман уl. Щи пораят эlты ма ун антем хощтаман потартас. Lув потарlаl эlты муh уятlув, муй хорпи ун шук lув lакраlа питас. Lув семьяйlаl хув тащ хотан яhхсат. Ин lапатъяh таlа йис ляль нох питам вер эlты. Муh иса питlув нумты щи хатl. Мув тэl хоят аматlат па шук туlат щи хатаlан. Кашh куртан, вошан хоятат яха актащlат па потарlат емаhхатl эlты па номас верlат яма, тумтака еllы уlты.
Роман ЛОНГОРТОВ, яhмет класс, Овкурт
Диана КОНКИНА, яhмет класс, Овкурт
Ляль пора пормасат па хорат Канащ пухаlан шавиlаят
Ма
Интернет эlты понам хор
Ма ун-ун ащикем – Воlаh хонмув ляль соlтан
рутlам ищи ляляссат
4
№33 (763) Lапат хутмет (суббота), Унтlор тыlащ 15-мет хатl 2015-мет таl
Тус ясаh - тус потар
Тумаяh охсар ими (Эскимос мир монщ) Щиты ус. Йи пуhаlан охсар ими, евр, мойпар па кураhвой усат. Ипуш охсар ими щарс пан питар хуват шушаl па вантlаllы, хомпатан хуl пан питаран уlты еhка вощкам. Охсар ими амтас: – Ямас щи lавемаlам! Хуlаl пеhкlаlаlан шомармасlы па еllы манас. Евар ики ещаl йиl. Еваран инщасlа: – Хоlща, наh, хуl туlан? Охсар ёхlы ястаl: – Щарасан мощатсэм! Еhк эlты омассам, пушем йиhка эсlапсэм, таlаh ат омассам, аlаhсахат щи арат хуl пушема порэмамаl, ма ямас lэсам па хонна хащас. Евар вохаl: – Манэм мийя! Охсар ими ястаl: – Вохтыя, наhен, еlэм антом? Наh ма эlтаем хонна хувшак пуши тайlан! Вуясlан-ки – мет аршак мощатlан! Охсар ими нюрам пеlа хухаlмас, хотаl пеlа. Евар икия хоты нэрытыя? Щарас пеlа манас, пушеl потам йиhка хошкасlы па lавlасты питас. Хув омпсас, нумасаl – хуl мощатаl. Хутlаты питас. Евар ики вутщисlы пушеl йиhк эlты таlтыя, туп еhк хоща ямас потам! Таканшак сухтасlы па, пушеl нох менэмасlы. Кашеl эlты хоllаты питас. Охсар имеl каlтам хуват ху-
хаlмас. «Ин, – нумасаl, – ма наhен туhа щира утаlтаlэм!» Охсарые хотl lыпийн омасаl. Евар ёхтамтас, lув пеlайl потартаl: – Веllэм наhен, няlмимен ураhан! Хуl ант мощатсам, пушиlы хащсам! Тумаяh охсарые йи сэмаl ващашак версаllы па потартаl: – Муй ураhан манэм веlты вутщиlэн? Муй нур ма наhен тусам? Евар ики уваl: – Наh урhенан ма пушиlы хащсам! Охсарые ястаl: – Наhена муй ант ныlа, ма йи сэм туп тайlам па, пан питара хонна ант яhхиlыlам?! Наh ёвра нумасlан. Вантсэм ма, хоты моlхатаl ма хотэм еlпийн па охсар маныlыйс. Щитэнан щи няlмисайн! Ямашак lувеl канши. Евар хухаlмас, охсар ими – lув юпеlан. Евар хухlас, хухlас, метас па ракнас. Щиты антома щи йис. Охсар ими нюрам хуват хухаlаl, ещаl кураhвой этас. Кураhвойн охсарые инщасlа: – Ант уятlэн, охсарые, хота тата нёта энамаl? Охсарые ястаl: – Тум рэп lоhlа манlаман. Альlэм, ма наhен, хота ар нёта энамаl. Рэп lоhlа нох хуhхсаhан, охсар щи потартаl: – Щита, иlан, пайlы тахайн, нёта иса тэlые! Манlаман, ма оlhа иl
охаllам, наh ма юпеман. Охсарые иl охlащас па кураhвой пеlа уваl: – Эй наh, оhтаh от! Хускем курам ям пелкен пеlа вера па иl охlа! Тата ямшак. Кураhвойн ямас хуlантса, па иllы охаlты питас. Туп щита рува ус. Кураhвой ямас катlасты ант верытас, рувайl эlты иl манамтас, ракнас па щита антома йис. Охсарые амтатlыйl: «Щи арат нёхи, щи арат вой, ма емаhхатlэм щи ёхтас! Отшам оhтаh от сам lэтота йис!» Охсар ими ямас lавемас. Патан кураhвой суlат вус па нюрам хуват манас. Ещаl мойпар йиl. Охсараl кащаlас па вохаl: – Охсарые, манэм еша суl тахты мийя! Охсар ими ястаl: – Там ма суllам ким таlсам. Lаhхаlайн-ки, ищиты вера. Мойпар ястаl: – Каши ант уl! – Ма наhен нётlэм. Наh туп верыта! – Питщаlман, – мойпар ястаl. Охсар ими мойпар хон катна кушна таlсаllы, суllаl ким таlты питсаllы. Мойпар уваl: – Ой, ант верытlам, щикем каши! Охсарые амтатlыйl, потартаl: – Вот, апщие, ма наhен щи веlсэм! Щиты мойпар сормаl ёхтас. Охсар ими па таlаh таlа тэlые нёхи па вой сопасlас. Аллина ЯКОВЛЕВА тоlмащам монщ «Сказки и мифы эскимосов» lуhтап эlты
○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○
Няврэмат ханты курта яhхсат
•Хорат потарlат
Мув lоватан уlты шоши мирата постам хатаlан ар рут мир хоятат Канащкурта ёхтыlысат. Няврэмlаlхиlыlаl пиlан щита емаhхатаl версат. Энамты няврэма умащ сыстам муван шушиlыты, моlты яlап верат нопса понты. Хоты няврэмат щутщасат, хора вусlув.
Инесса Макарова верам хорат
Газета
«LУХ АВТ» Адрес редакции: 629008, ЯНАО, г.Салехард, ул. Подшибякина, 17 (34922) 4-68-03, 4-68-63 Е- mail: luhavt@yandex. ru
Учредитель (соучредитель) Департамент внутренней политики Ямало-Ненецкого автономного округа (ЯНАО, г.Салехард, пр-кт Молодёжи, д. 9) Газета зарегистрирована Управлением федеральной службы по надзору в сфере связи, информационных технологий и массовых коммуникаций по Тюменской области, ХМАО-Югре и ЯНАО 19 апреля 2012 года Регистрационный ПИ № ТУ72-00558
Тираж 700 Заказ 0571 Подписные индексы: на год - 29925, на полугодие - 84611
Газета вышла в свет 15 августа 2015г. Подписано в печать 13 августа 2015г. по графику: 16.00 фактически: 12.00 Газета выходит по субботам Цена годовой подписки 96 руб., в розницу не распространяется
Издатель Департамент внутренней политики ЯНАО (629008, Тюменская область, ЯНАО, г.Салехард, пр-кт Молодёжи, д. 9) Отпечатано в типографии ГУ «Северное издательство» (629008, г.Салехард ул. Ямальская, 14)
И.о. главного редактора А.К. Яковлева