ЙИСАТ УLА, АРТНАТ УLА, ХАНТЫ МИРЭВ НУПТАH ЯСАH! Яlаптаl тыlащ хутмет хатl 2001-мет таl вуш эваlт этты питас
Российская Федерация Ямало-Ненецкий автономный округ Газета №36 (714) Lапат хутмет (суббота), Щёхар тыlащ (сентябрь) 6-мет хатl 2014-мет таl
Белый остров эlты экологический экспедиция ёхтас. Ямаl мувев губернатор lаhкар ху Александр Мажаров экспедиция волонтерат пиlн мосванан уйтантыйс. Волонтерат lув щи эlты инщассаllы, мосаh, рупатайеl вермеl ураhан lыеl ох сохоптаты мосаl, хоты верат lойсат, айкеl туты ёх ульняя торас ант верыlыйс? Волонтерат губернатора ястасат, нэмоlты хоят lый хощеlа ант ёвартыйс, моlты верат lый иса туhа версаllаl. Щи эlты потар па lойс, муй острован уlты катра маяк пиlн верты, амуй нох шукатты, амуй яlпа lэщатты. Щи маяк 1933 таllуhан омасман ус. Волонтерат щиты нумасlат, маяк нох lэщатты мосаl, тут па щата нох понты мосаl: Северный морской путь хуват манты катьрата юш щи эlты яма ат ныса. Волонтерат хонна щимащ номас масат, Белый острован моlты пос верты мосаl, мир хоятат ат уятlат, Белый Остров - щит Россий-ский Федераций муват. Александр Мажаров щи эlты ясаh па тус, острован ученый хоятат рупитты питlат. «Муh щи эlты уятты lаhхаlаюв, муйщир торнат-лыптат щата эномlат, муйщир воойт острован уllат, - губернатор lаhкар ху еllы потраl тусlы.- Ин там таlатн муh торlы щи эlты уятlув, анта туп яlоп ох шитты вер эlты нумасты мосаl, сыстама шавиты муват-йинкат эlты па яма нумасты мосаl». Александр Мажаров волонтерата ишакты нэпекат мойlас па хонна кашаh ху, ёшн тайты щесан юкатса, хота часовня па мойпар хорат понман уllат. Волонтерата lув хонна щи эlты ястас, нётопса мосты порайн нётопса ат вохlат. Волонтерат шеhк ар рупата острован вермеl. «Муй ма моlхатl Белый острован вантсом, щит эlты номасlам яма исат. Щи арат рупата волонтерат вермеl – моlты хулэт, ант мосты харhаяh карты шупат иса нох акатмеl, мув харат иса сыстама lэщатмеl. Lуhан, хун па экспедиция верlув, щи ант мосты шупат иса нох вуlайт, еllы туlайт, мосты щира lэщатlайт, -
Архив эlты уйм хор
Овас мув шавиты номасан
Мув вантты аhкаl Александр Мажаров еllы па ястыlыйс. – Вер па хонна щата lойl – муя муh щит верlув, муя Дмитрий Кобылкин губернаторэв щимащ номас верас? И ясаhан ястаты рахаl: – Белый остров - щит муh мувев, щит ураhа муh lувеl сыстама верlэв. Номсат па щи эlты яма lойlат – щимащ хоятат уllат, хой lый шоши отпускlаl порайн анта щутщаты питсат, острова рупитты матсат. Lый апщиlаl, няврэмlаl па lый пеlэlа вантман, ищи мувеl сыстама шавиты питlэl, ант мосты пормасат, карты шупат ульняя ёваlты ант питlат, йиhкев-мувев сыстама тайты питlэl» Александр Мажаров щи эlты ястас, экспедицияйт па еllы верыlыты питlайт, Белый остров иса сыстама ат иl. Рупата хонна щата уl, куш шеhк ар вер ин там lуhан верса. Волонтерат хонна эlты мув сох lэщатсэl, па таlн щата няр торн эномты питаl.
Айкеl
Нефть па газ каншман, мувев сыстама тайlэв Нефть па газ мощатты компанияйт щи эlты ватты питlайт, хоты lый рупатаеl верман, муват-йиhкат сыстама тайlат. Щимащ номас Россия па консультационная группа «Креон Энерджи» вертсат, национальный рейтинговый агентство па щи вер туhа верты ураhан мосты нэпекат lэщатаl, щи ун вер туhа паятты ураhан яlоп программа «Здравый смысл» верса. Рупатаеl верман, ин кущайт щи нэпек пеlа яма ватты питlат. Проект хаштыты ученоят экспертат пиlн, «Газпром», «Сургутнефтегаз», «Сахалин Энерджи» «Ямал СПГ», «НОВАТЭК» компанияйт экологат пиlн щи верат эlты яма потарсат. Российскии Федераций Роспотребнадзор пиlн щи верат ищи туhа lэщатсайт, Роспотребнадзора ищи уятты мосаl, хоты хон мувев нефтегазовый отраслян верат lойlат. Щёхар тыlащ эlты рупатайт верты щи питщаlайт. Оlhа щи вер lаварта манты питаl: анта кашаh предприятий па отрасль щимащ нэпекат тайl, хота иса туhа хашман уllа, хоты щи предприятий, верат верман, йиhкатмуват сыстама тайlаllы па мосты порайн сыстама lэщатlаllы. Щимащ нэпекат ант тайты компанияйт ватты верн ёlта щи хащlат. Щи вер туhашик верман, проект верты кущайт компанията нэпекат китсат, щёхар тыlащ хольмаh пеlа ветмет хатl унты интернет ресурсат хоща мосты нэпекат понты. «Креон Энэрджи» консультационный группа куща ху Фарес Кильзие щиты ястыlыйс: «Нумастэман, «Здравый смысл» проект – щит шеhк воlаh вер, щи проект юурн нефть па газ мосты щирн мощатты питlа па кущайт иса щи эlты нумасты питlат, хоты йиhкатмуват сыстама тайты, па хой щи вер атма верты питl, моlты накlата пайтты верытlа. Кашаh таllуh «Нефтегазопереработка в России» международный форум верыlыты питlув па щи эlты потарты питlув, хоты мув па йиhк сыстама тайты верат lойlат, мата компанияйт муват-йиhкат яма шавиlат, хой па хонна щи вер атма верlаllы». Там йисан симась пора ёхтас, муват йиhкат шавиман тайты мосlат.
Надежда КОНЕВА lэсятам лопас
2
№36 (714) Lапат хутмет (суббота), Щёхар тыlащ 6-мет хатl 2014-мет таl
Вер тамиты ус
Овс турам няха аl таяlан Таlан уlтыя lуhан мосаl lэсятытыя. Сишан и потар понlув, ситан lуhаттан юпийн, моса тарам иськи таl порайн, таlта оша пайтам верlанна нётlайты. Т у н я l в а н х а т l а п Хот эваlт ким этмаlат т ы l щ е в х у в а т а l а н (тата ки) мохты си ищки вус. Хольмаh гра- шохармаlайт иськийн. дус эваlт ищкеl мортаh Шошэh муваh мират хатаlан лэньмийс. хоятат ин там иськеОшаh хоят тамась ис- тан араl иса нюки хокийн ёlан омасаl. тан вуllат. Хот эваlт Хуцы сяха турам ям ким этlат – молщаh, хатаl маl. Ныты сор- сах па вай lуматlат. ма муя уратlа. Там Там lуматты сохат ван кут хуllыйм ан- моlхатаl хун тайты том – кураl-ёшаl питсайт? Lуматlыlан потаlтам хоят антом. па исимет иськи анЕlпишак хоты хуl- том. Омайн ёнтом порlыlам си. Хойтэн ант масан эlэн ант потlа, хурыман хоlты пеlа курэн ант потlа. Аl потарты хоты манаl сэр тахая. Сиhанся, потаlтыйl. муйl ун онтас. Тухаl Ойlы ки сорма питаl. порайн хоlна ханты Овс мув турам няха сохна уlман рахаl вера тайты ант мосаl. Там питтыя. Там йисан ванкут па муват эваlт каман хорпи мутра араl хоят ёхатты пи- этаl. Вуlы ухаl юкатас. Ищкеh муван ант на lонщхопатна яhхты хошlат вуlтыя. Симась питсув. Каман хорпи мохэт вера питlат. машина этас. Си мутЁхтам отата мосаl райт овас мув шоши шошэh муваh мират мирата, ямас ки артаэваlт утаlтытыя, хот- lаман, сэмна ныты сат там муван вуlтыя. сорам. Си мутрайт Овас мув шошеh ми- онтасна муh ханты рат, монсь порайт вуш сиран уlты верlув векэваlт, lув сэма питам кеша ёрэматы питмувеlан туhа сира саllув. (Lукашаl сит уlмитсат. Па муватан па вер, сит па номас). Вер тамиты ус. И мират каман хорпи хотат оматlат, каман т а м п о р а к е м а н . хорпи курат аllыlат, Веlпасlаман lонщхоновитутан похаптаllаl. пан яhхlам. Ханты
соха lуматlыман, антаптыман. Иськеl хольмаh градус кем. Каlмат каншман лэпак каlма хойlам. Нюхаllэм. Каlмаl хув па ващ тув шоппи уlмаl. Тува питlам. Тувем кутпаl кеман lонщхопем путъйиhка lоhэмаl. Ин картшуп кур понапты норам вушкеман йиhка lоhас. Нох шитты ант вертlэм. Муй вертыя? Мосаl ванна уlты хот унты шуштыя па нётап вохтыя. Сяlта йиhк хуват тупаран ситы руксам. Хота ёхатмем унты курhаlам хась потсайhан. Йиhкан пошам вайhан юх иты истан, кур поняма тохи ханапсатан. Сит ям хотан хоятат вуlмеl. Нётсайм. Ситы си хась курlы хасьсам – Овс турам няха таймем ураhан. Сиhанся, кучам ки вусам? Юухат си нумасыlам: «Няр куран уты ки руhкапсам, пут йиhк хуват, потам lонсь эlты, lуlан, курhаlам еша моса потмасайhан – вайhаlам сорма хасьсатан. Соорам кешан, соорам вайн аlпа ямшак». Геннадий КЕЛЬЧИН ханшам потар
428 таl lоват воош Тюмень вош, Ямал па Югра катра тэlн иса яха lойlат. Ямал па Югра Тюменский область хоща lоhман уllатан. Щит ураhан муй вер верыlыlув, куш ун вер, куш ай вер, вертlув ищи иса яха lойlат. Ешауl муh Тюменская область губернатор пирыты питlув. Щит ураhан, Тюмень воош эlты муh потар шуп тата понтсув. Тюмень там lуhан 428 таllуhаl постасlы. Тюмень вош герб эlты 1635 таllуh эlты рущ йис нэпекатн потар lойl, щи гербан охсар па бобр понман уlман. Тюмень вош – щит Тюменский область хося мет ёра уl, Тура ёхан питарн омасаl. Тюмень вош мохты ар камн хорпи юш понман ус: караван юш Средний Азий элты Поволжье пеlа оlас, ёханат хуват Хатл этты пелак эlты Овс муват пеlа юшат таlассат. Си юшат хуват муй туп ант таllыса? Сорни эваlт верам анат, пошканат, камн сыр сяшкан. Патарох элты шошмам хорам лыптат. тасяh онасат таlассат. Оlhа вош омпсом таlатн хатанят па каlмекат ляль пиlн воша ёхтыlымеl. Тюмень воош хуват Транссибирская магистраль понтса, щи эlты заводат па фабрикайт иса омасты питсайт. Ун ляль порайн заводат па фабрикайт мет ара йисат: Кев тум пеlак эlты яlоп отат тый па тусайт. Щи порайн Ленин ики мома па Тюмень воша тутлийм – Мавзолей щи хотн верыlыйм, хота ин Тюменская государственная сельскохозяйственная академия уl. 1944 таllуh эlты Тюмень вош область центра верман уl. 1960 таllуhан па Тюменский область хоща па нефть па газ артан тайты тахайт уятсайт. Щи пора эlты Тюмень вош ун нефтесервисный центра ис. Ин там таlатн Тюмень вош анта туп нефть па газ центр, ин lув Западный Сибирь lоватан ун образовательный па культурный центр. Мир хуват инвесторат Тюмень воша аl таллиlайт, 78 ун банк вошн уl, яlоп заводат омасlайт, хота машинайт, тохlаhхопат, приборат вертlайт. «Тюменская губерния» газет эlты Надежда КОНЕВА потар вусlы па толмащсаllы
Яlап речной вокзал
КЕРАН Митры верам хор
Яlап вокзал оматlа Яlап речной вокзал оматты вер хуван номас тайса. Туп век кеша хотась ронса. И кут питаl, вератты пормас лутты ох антом, кимет кут питаl ант уйтlа муй тахайн каlнаh вертыя. Еlпи, Пулhавт воош каlнаh тайс. Паl саhхам lоhаlан кат хунпи хот опсас. Хоятат сита хоlты верытсат, шай исьты хот ят тайс, столовый ус. Каlнаhа, тутаhхопата lэllыты охlытыя ар шумlаh норам тайс. Сит си lаварт, пормасы тэlан нох яhхтыя. Юухат си хот шукатса. Lув опсам тахаяlан «Обдорский острог» оматса. Си юпина каматса lуh, хоятат шуук тувман, яhхlат. Ин кат таl сыс яlап речной вокзал верты питса. Ёхан пелак эlты вантман шеhк хорама вантасты питас. Ешауl, иlампа, па lуh унты яlап хот таlаhа верlа. АЙХОП Павель ханшам потар
3
№36 (714) Lапат хутмет (суббота), Щёхар тыlащ 6-мет хатl 2014-мет таl
эlты нови сохl нох ушиlа, щаlта яха сыхмаllа, нохр юх lэран яха ярlа па ун кевпута эсаllа. Рат тут нох понтlа па щиты ай тутн аяlта кавартман и-кат хатl йиhкан оllат, щаlта па йирlаl кератlайт па и-кат хатl щиты ай тутн тайlайт. Щи юпийн тонты кевпут эlты нох таllа, сыхмат нох lарпитlайт, туh тахая понтlайт па моlты lаварт отн эlты нёратlайт. Ищи и-кат
АЙХОП Павель верам хор
Геннадий Ефремович Хартаганов иси тунты эlты пормас верты тус
Тунты шароhтат, сотпат
АЙХОП Павель верам хор
Тунты урхот ован
Надежда КОНЕВА верам хор
хатl щиты тайlайт. Тухаl порайн Хуl хошакан тонты каварlа. Ханты нэhат кутн хонна тус ёш нэhат уllат, хой тонты эlты пормасат верыlыйl. Щит Lупхары воошн уlты Наталья Марковна Русмиленко, Овкуртна уlты Евдокия Александровна Тыликова,Генадий Ефремович Хартаганов.
АЙХОП Павель верам хор
Катра порайн щиты ханты нэhат товийн lый кутэlн ванкутlы потартысат. Кашаh товийн нэhат унта яhхсат па тонты хортсат. Тонты эlты катрайн моlты иса верыlыса. Мет воlаh вер ус – тонты хорты па хот лаhкопса ёнтты. Ансун тонты эlты верыlыса, хинтат ёнтсайт, йиhlат. Няврэмие шавиты па тонты эlты онтопат ёнтыlысайт. Моlты тонты эlты вером пормасат иса хоран поныlысайт. Ма па щи эlты ястаты вутщиlом – ин анта кашаh нэ тонты lэщатты хошаl. Катра порайн кашаh ими, кашаh нэ щи эlты уйтас, щи вер ёшн тайсаllы. Оlhа тонты эlты
АЙХОП Павель верам хор
«Тонты хорты яhхlоман…»
«Хушавт» община нэнат па тонты эlты моlты пормасат верыlыты питсат. Зинаида Викторовна Лонгортова щата куща нэhа уl. Щит шеhк ям вер. Ханты хоят йис эlты верыlыйм вер ант ушаl. Эномты няврэмат ки утаlтаlайт щи вера, lый щаха вер па еllы туlэl. Умащ тонты анат-сунат па умащlоман, шавиты еllы питlув. Надежда КОНЕВА потар ханшас
Тунты сун
Суматвоош. Меньшиков лоттам лот
Хоты Меньшиков хантэт кутн ус Порайн хоят уlопса иса па щира питты вератаl. «Алексашка» Меньшиков Петра хонэвн шеhк ванна тайса, пиl юкана lын устан. Па щаlта амуй lын хоты йистан, Меньшиков Суматвоша (Березово) исая уlты китlа. Моlты тащlаl, ульня уlопса иса шаншан хащсат... Па ма тата щи эlты ястаты вутщиlом, муh хошом сохlав юурн ин рущ ики Овс мувн ищкийн ант потса, няврэмlаl па ант потсайт, ям хув lув хонна ус. Историкат Меньшиковат Суматвошн уlопсаеl эlты щиты ханшиlысат: «Ащеl пиlн Александр похиеl юх эlты ун омасты пасан (кресло) версатан, няхман, щи пасан lый «трона» аяlсэl. Етнаятн, кура хошом эвтом вай lуматман, lаhкра па хошом вуlы сох эlты ёнтом ханшаh сах понман, Александр Меньшиков щи «тронан» опсас па хуlантас, хоты хоят lувеl церковнославянский нэпекат lуhтас па хонна lув самаhа эвиlаlапохlаlа катра уlопсайl эlты потартыйс». Сумат вошн Меньшиковат охранайн шеhк ант вантсайт. Хоятат,
нумастэман, щи эlты па ант уятlат, Меньшиков эви Мария Александровна 1728 таllуhан Обдорский ярмаркая ёхтыlымаl. Щит ураhан хус вуlы ухаl кирыlыйм. Пулhавта манман, атн хоятат Муши воошн хоlмеl. Lый ёхатты верэl эlты уятса, щит ураhан хотат lэщатсайт, анатсунат волиты унты нох лёхитсайт, ям эпlаh lэтот каварса, оlты тахайт па lэщатсайт. 280 таllуhкем хащас щи пора эlты, хун Мария Александровна Меньшикова Пулhавт вошхуlэт хуват шушиlыйс. Lув Пулhавта воевода пиlн па вана тайты пиlнэhаl пиlн ёхтыlымаl. Ма па няврэмlам пиlн Суматвооша яhхмеман, Меньшиков памятник хоща усув. Кератман сумат юхат па нохар юхат энамlат. Мувеl паl тахайн уl,сорам па ваншина энмам тахты. Симась тахайн lойтэн порайн, амуй молты рувна исимет пошlайн. Ям. Мария эвеl могилка – лоттам лотаl пуhаlн lойсув. Там хоран нын щит вантlаты. Надежда КОНЕВА потар ханшас
4
№36 (714) Lапат хутмет (суббота), Щёхар тыlащ 6-мет хатl 2014-мет таl
Тус ясаh – тус потар Кат суурс паlат эвие (Саран мир монщ)
Ёма-пукан ими питы тохлаh воойт наh хощена пурlаlат – lант сэман вощкаlы. Ант кетомlайн. Ёмапукан ими опи наh юпенан хухаlты питаl – оlhа куншоп вощка, щи юпийн lэщтан, мет юухат – уhхаh сун. Эвие Ёма-пукан ими опи хоща ёхтас. Пукан имийн инщасlа: – Муя ма хощема ёхатсан? – Йома – имем ими, Йома – имем ими! Наh апщен тонты сун вохас! – Тонты сун? Маlэм щи. Наh иl омса, еша шутща! Ма па lопаса яhхlам. Ин ими пеhкlаl lохатты щи питас. Эви щит хуlас, тата щи паратlа. Щаlта еl хухаlмас. Ов пеlа хухаlмас, ов ант пуншанщас. Войн ов щары нёсэмасlы – ов нох пуншанщас. Ким питмаl порайн Ёмапукан ими питы тохlаh воойт lув хощеlа пурlаlат, сэмlаl ин щи нох куншlайт. Lант сэман вощкасlы, тохлаh вооятн хайса. Щаlта эвие сора еllы хухаlмас. Ёма-пукан ими опи пеhкlаl lохатсаllы, lопас эlты ким этас – эви па антом! Ов пеlа хухаlмас па оваl пеlа лявататты питас: – Муя эви лэhки ким
эсаlсэн? Ов па ястаl: – Муя па ма lувеl катаllэм? Наh пиlэнан няльяh таl уllом, наh и пуш нэш манэм войн ант нёсытысэн! Ёма-пукан ими опи ким питас па тохlаh воойlаl ляватты питас: – Муя эви лэhки эсаlсаllан? Муя сэмlаl нох ант караlасlан? Тохlаh воойт па ястаlат: – Муя па эви сэмат караlаты? Lув муhев lант сэматн lапатсаllы. Наh пиlэнан няльяh таl уllув, и пуш муhев lант сэм ант мийлисан. Ёма-пукан ими опи яhхты сунаlа опсас, юх шупаlн сунад рэскемаllы. Унт хуват эви юпийн щи нюхlасаl. Ин щи эlты ёхатlа! Эвие куншапаl вощкасlы па уваlтас: – Юх эlты вером куншпием, шик унта вераса! Ма юпеман, Ёма-пукан ими еlпийн! – Lэщтаныем, lэщтаныем! Кев рэпа вераса! Ма юпеман, Ёма-пукан ими еlпийн! Ун кев рэп этас – паlhат lовата: эвие юпийн, Ёмапукан ими еlпийн! Ин ими па щи ёхlы хухlас, lаймаl вутыя. Кев сэварты щи питщас, юш щи верас. Щищкетн кащаlаlа, lый па щи увты питсат: – Наh ханятlэн – муh
вантlув. Муh вантlув – па вооята па тохlаh вооята ястаlув! Ёма-пукан ими опи щищкет пеlа ликащас: – Сэмlын щи каlэт! Моlты иса шияlаlты! Lаймаl юватсаllы – хотаl пуляh па щи ракнас. Эви ин щи эl ёхатlаllы… Эви уhхаh сунаl ёваlмас па уваlтас: – Уhхаh суныем! Уhх ёхана вераса! Ма еlпеман, Ёма-пукан ими юпийн! Ясаhlаl па ёвра ястасlы. Щит ураhан эви па Ёма-пукан ими и уhхи ёхана питсатан. Эвие ворhа ими кащаlас: – Ворhа нэhие, – эвие ястаl, – ащем хоща мана, аhкем хоща мана, яста: «Эвиян уhх ёханан тахарlас, Ёмапукан ими пиlн. Ветьяh киlа lаварт порли ат вуlтан, тут патн ат вуlтан па тый ат хухаllатан!» орhа ими пиращ икеhан хоща манас, ишни хоп эlты омсас па эви ясhат иса торlы ястасlы. Имеhан– икеhан па пирщамасайтан, торlы ворhа ими ясhат ант па хуl-саllан. Эви аhкеl–ащеl щи lавlас, щи lавlас, lын ант па ёхатсатан. Щаlта эви ун хулах кащаlас: – Хуlах акие! – эвие уваlтас. – Аhкем-ащем хоща яhха
па яста: эвиян уhх ёханан тахарlас. Ма хощаем ат хухаllатан! Патн тут па лаварт порли карты ат вултан! Хулах ики пиращ икеhан хоща ёхтас па такан уваlтас: – Курк-курк! Эван Ёмапукан ими эlты хухаlман, уhх ёхана питас! Ёма-пукан ими ищи щи ёхана ракнас! Эван нётопса вохаl. Lаварт порли па тут патн вуяты! Хуlах ики куl турсый тайl, пиращ имеhан–икеhан хулах ясhат хуlсатан, карты порли па тут патн вустан па эван атом вер эlты нох паятты хухаlмастан. Хуваlта Ёма-пукан ими пиращ имеhан–икеhан кащаlасlы па уваlтас: – Омеh хоятhан! Минэман таlта нох таlалlан! Эван пиlн нын хощаен моя йисман па уhх ёхана питсаман! – Аhкие–ащие! Ёма имия аl эвlатан! – эван уваlтас. – Lув манэм нюхалсаllы, паратты вутщасlы! Пиращ ики порлеl вус па Ёма-пукан ими уhхи ёхана иl сэhксаllы. Щаlта тут понас, уhх нох lоlтас па эвеl уhхи ёхан эlты нох таlсаllы. Таlаhа ёхlы ёхат-сат, амат, няхкаш. Па щиты яма еllы уlты питсат. Надежда КОНЕВАЙН ханты ясhа кератса
Хорат потарlат
Газета
«LУХ АВТ» Адрес редакции: 629008, ЯНАО, г.Салехард, ул. Подшибякина, 17 (34922) 4-68-03, 4-68-63 Е- mail: luhavt@yandex. ru
Учредитель (соучредитель) Департамент внутренней политики Ямало-Ненецкого автономного округа (ЯНАО, г.Салехард, пр-кт Молодёжи, д. 9) Газета зарегистрирована Управлением федеральной службы по надзору в сфере связи, информационных технологий и массовых коммуникаций по Тюменской области, ХМАО-Югре и ЯНАО 19 апреля 2012 года Регистрационный ПИ № ТУ72-00558
Сак лопасhан
Тираж 700 Заказ 0595 Подписные индексы: на год - 29925, на полугодие - 84611
Газета вышла в свет 6 сентября 2014г. Подписано в печать 4 сентября 2014г. по графику: 17.00 фактически: 17.00 Газета выходит по субботам Цена годовой подписки 96 руб., в розницу не распространяется
КЕРАН Митры верам хор
Сак лопасhан
КЕРАН Митры верам хор
Кешhан
КЕРАН Митры верам хор
Тайты сохlан ханты мир ханшина хорамтаlан. Вантты умась, тайты каш!
Кешhан
Издатель Департамент внутренней политики ЯНАО (629008, Тюменская область, ЯНАО, г.Салехард, пр-кт Молодёжи, д. 9) Отпечатано в типографии ГУ «Северное издательство» (629008, г.Салехард ул. Ямальская, 14)
КЕРАН Митры верам хор
(Оlаh шупаl №35 газетан lуhтаlан)
Главный редактор Кельчин Г.П.