ЙИСАТ УLА, АРТНАТ УLА, ХАНТЫ МИРЭВ НУПТАH ЯСАH! Яlаптаl тыlащ хутмет хатl 2001-мет таl вуш эваlт этты питас
Российская Федерация Ямало-Ненецкий автономный округ Газета №36 (766) Lапат хутмет (суббота), Щёхр тыlащ (сентябрь) 5-мет хатl 2015-мет таl
Няврэмат ашкуlая акатlайт lат, хота интернатат уllат. Хольмаh пеlа хуlам ашкуlа-интернат, вет интернат эlты няврэмат куртаh ашкуlая яhхlат, щаlта йи санаторно-лесная ашкуlа Тарко-Сале вошан па коррекционная ашкуlа Горкийн. Няврэмат ашкуlая тохlаhхопан, тутаhхопан, карты юш хуват па машинаятан туlайт. Аратаlан округ lоватан 6752 няврэм интернатан уl. Оlаhмет класса 836 няврэм манаl.
Пулhавт вош 420-мет таllуhаl постаl Щёхар тыlащ хуlамхощьяhмет хатаlн Пулhавт вош 420-мет таllуhаl постаl. Кимет таl вошев емаhхатl пирасты хатlа питаl. Щишан, полиция хоща рупитты хоятат рупатаеl катпуш ара йиl. Пирасты тахаятан па емаhхатl постаты лотатан манты верат вантты питlат. – Емаhхатlэва шеhк такан lэщатыlув, – ястаl вошаh куща Иван Кононенко.– Пирасты тахаятан вошаh хоятат, lуlан, ищи емаhхатl уlты щирэl щащн ат ус. Щи ураhан муh ищи рупитlув. Аратаlан емаhхатlэв манты питаl: Ямальской вошхулыйн, Станция юных техников, Городской сад, Обдорский острог, мет ун емаhхатl «Геолог» пуhаlан верlа. Тата ёшан верам пормасат тыныlайт, якlа па арыlа «Мы гордимся тобой, Салехард», файер-шоу, Москва вош эlты арыты хоятат па вохсув. пресс-служба Губернатора ЯНАО китам айкеlhан
Газетая ханшlтыяты! Щёхар тыlща щи йис. Яlпа «LУХ АВТ» газетая ханшlтыты пора ёхтас. Газетая ханшlтыты нын верытlаты почтайн, таlшупа ханшlтыты рахаl 84611 индекс хуват – 48 соlкува, таlаh таlа ханшlтыты рахаl 29925 индекс хуват – 96 соlкува. Щаlта «LУХ АВТ» газетая нын верытlаты Интернет хуват ханшlтытыя северноеиздательство.рф сайт хоща. Мет оlаh лопасан этаl «Подписчикам». «Жмите» кнопка нёраттан юпийн этаl газета пирыты лотые. «LУХ АВТ» хоща нёртапlаllан па далее. Щаlта хуlам ят этаl: йи тыlща, таl шупа, таlаh таlа. Щаlта иlта пелакан этаl Январь-декабрь 2016г. Парта пелакан этты квадратика нёртапlаты па мосты арат охан ким лакнапаl. Щи юпийн адресан, нэман, телефонан ханшlаllан. Еllы нёртапlаllан па нынан кеншак сохаптаты щират этlат. Щи тумпийн рахаl редакцияйн ханшlтыты: Пулhавт вош, Подшибякина вошхулы, 17 хот. Ханшlтыяты, ёхтыlыяты, потарlан тувиlыяты! Еllы яха понасман ханты ясhев еllы туlэв, ханты монщев монщlэв!
Унтlор тыlащ хусмет хатаlан Приуральский районан уlты Чапаевск куртан Марина Гавриловна Тоболько сотмет таlаl постас. Lув сэма питам хатlаl ураhан няврэмlаl, хиlыlаl, хиlыlаl няврэмат па мойh хоятат актащсат.
хиlыса, lув аhкем пиlан иса яhхиlыйс», – няврэмlаl потарlат. Марина Гавриловна ханты хоятат уlапса шеhк яма шавиман тайlаllы. Семьяйн туhа щира уlты щир няврэмlаlн, хиlыlаlн еllы туlа. Няврэмlаl па хиlыlаl утаlтасlы
хоlты уштаман уllат, моlты порайн ханшиlыйм нэпекат пиlан. Овс мув шимlаh мир хоятат департамент па Ассоциация «Ямал-потомкам!» хоща рупитты хоятат таllаl ара ювам имеl хоща яhхсат мойlапса ясаh киттыя па мойlаптатыя.
Прасковья ФИЛАНТ мийм хор
Муh округев lоватан овс мув шимlаh мир хоятат няврэмат ашкуlая акатты питсайт. Lуh порайн арпелак няврэмат аhкиlаl-ащиlаl пиlан ноптаlты панатан уllат, вуlы тащатан яhхlат. Яlап утаlтыты таlан lапат районан па Муравленко вошан 4288 няврэм акатlа, щи аратаl эlты 4253 няврэм овс мув шимlаh мир хоятат пеlа lуhтасlат. Аратаlан хольмаh ашкуlайн утаlтыты пит-
Сот таlаl постас
М.Г. Тоболько кутопан омасаl
Марина Гавриловна аhкеl-ащеl вуlы тащ шавиман усат. Там сэма питам хатlаlн ёхтам хоятlаlа потартас, хоты lув аhкеl-ащеl пиlан тащ шавийс, хоты ащеl Ун Ляля туса, хоты машьяйн па сора хуl мощатысат фин имет пиlан, мощатыйм хуllаl лялясам хоятата китыlысlаl. Юхат сэмlы ханты шепан ики хоща нэhа манас. Lув ханты ясhаl утаlтасlы, lув уlапсайl вана вусlы. «Lув ун шепан ус. Округ lоватан иса уятса. Хоlта хоятатан во-
энмам па уlты мувеl шавитыя, рут ясhеl уяттыя, ханты уlапса щир па емаh верат ант ёрэмитыя. Lув миям мутрайl онтасан няврэмlаlн, хиlыlаlн шеhк мосман, самаhа тайlа. Куш сот таlа йис па, рупатайlы омасты ант верытаl. «Аl щиты омасты – уlапса хун, рупиттэнан – уlапсаен еllы хатаl, уlапсаен еllы манаl. Нэмоlты ант-ки верты, хоят ант уl, аl щиты ранийl», – Марина Тоболько ястаl. Марина Гавриловна сот таlа йис туп паспорт хуват. Кат таlаl
Щаlта Приуральский район куща Андрей Никонорович Нестерук, Законодательный Собрание депутат Сергей Миронович Ямкин ищи яhхсат Марина Гавриловна мойlапсайн ёша паваттыя. Ямало-Ненецкий автономный округ Губернатор Дмитрий Николаевич Кобылкин партам щиран Марина Гавриловна Тоболько «Материнская слава Ямала» медальн маса. Департамент КМНС китам айкеl
Яlап утаlтыты таl пиlн! Там lапат оlаhмет хатаlн кашh куртан-вошан няврэмат ашкуlая мантсат. Мет умащ ус ванттыя веlщи ашкуlая манам няврэмат пеlа. Хоl хорамаhат, ёшан аня лыптат оlаh утаlтыты нэhеl ураhан, аhкиlаlнащиlаlн ёш эlты катаlман туlайт. Хонна аят-па щикем умащ lув пеlаеl ванттыя. Lув яlап юша питсат, йихощьяh таl ашкуlайн утаlтытэl эlты архорпи пищат-верат lув уlапсайlаlн тыйlат. Йи верна йихощьяhмет класса манты няврэмата – там хащам яlап утаlтыты таl. Ашкуlа юпийн lув па тахетан утаlтыты питlат. Хонна таl сыс нумасты питlат, хоlта еllы утаlтыты манты. Хоты хащам таl сыс ашкуlа етшаптаты экзаменат маты. Хоl ашкуlая манам па уншак тахетан утаlтыты няврэмат, утаlтыты нэhат-ёхат муh яlап утаlтыты таl кеша мойlап ясаh китlув. Яма утаlтыяты, кутlанна lухсатыяты, утаlтыты верlан-щирlан кентат ат манlат. Тумтак ёш па тумтак кур! Аллина ТОЯРОВА lэщатам лопас
2
№36 (766) Lапат хутмет (суббота), Щёхр тыlащ 5-мет хатl 2015-мет таl
Хантыlув ищи кино верlат Хоl муh кино вантты самаhат. Туп шимаl хоят уятаl ханты хоятат кино верты тахайн рупитам щир. Ханты хоятlув кино верман ищи рупитlат. Щит эlты там потрэм ханшlэм. Муh ханты хоятlув эlты кинайн рахаl кашаh пуш кащаlаты Александр Баширов. Lув актёр па режиссёр. Александр Николаевич сэма питас щёхар тыlащ хольмаh пеlа няlмет хатаlн 1955-мет таllуhан Согом нэмпи куртан Ханты-Мансийский автономный округан.
тар хуват «Записки Лопатина». Щита щи Вениамин Ильич муh яма уйтты актёрlув Юрий Никулин па Людмила Гурченко пиlан уйтантыйс па рупитас. Щи хоятlаl lувеl мийlыйм хорlаlн автографат понтсат. Юрий Никулин ёшпосна поныlыйм хор ун эвеl хоща Яlап Уренгойн уl. Там верам рупатаеl ищи Ун Ляля постаман уllа. 1942-мет таl. Окопатан омасты хоятат нумасlат хошам хотlаl эlты, ай няврэмlаl, имиlаl па аhкиlаl эlты. Майор Лопатин (Юрий Никулин) лялясам тахайl эlты хуlам lапта ёхи манаl Ташкент воша. Хота lув
Роман Григорьевич Кельчин Александр Николаевич Баширов
1990-мет таlн ВГИК хоща режиссёрский факультетан утаlтыты етшас. Оlаhмет кат таl Игорь Таланкин хоща утаlтыйс, щи юпийн Анатолий Васильев хоща. Юхат манас Нью-Йорк воша па «Бергхоф-студияйн» рупитас. В 1996мет таlн Баширов lув ёра «киностудия «Дебошир Фильм» верас. Мет оlаh пуш lув киная питас 1986мет таlн – Чудик рольна ус Сергей Соловьёв верам кино хоща «Чужая белая и Рябой», щи юпийн усат «АССА», «Игла», «Прибытие поезда», «Мама, не горюй!», «Хрусталёв, машину!», «Даун Хаус», «Сёстры», «Штрафбат», «9 рота», «Жмурки», «Питер FM», «Груз 200». Мет ун рупата lув верас «Золотой век» нэмпи кино хоща, хота lув император Павел I роляl шеhк яма версаllы, щаlта па кот Бегемот «Мастер и Маргарита» хоща. В 2009-мет таlн Еремей Айпин ханшам «Божья матерь в кровавых снегах» lуhтап хуват кино верса. Щита Александр Николаевич Баширов ищи рупитас. Кимет хоятэв округан шеhк яма уйтlа. Щит – Роман Григорьевич Кельчин. Сэма питас айкер тыlащ ихощьяhмет хатаlн 1942-мет таlн Lорвошан. Ащеl – Григорий Николаевич Кельчин хуl веlпасlаман ус. Ун Ляль порайн ащеl па хоятат пиlан артаlаман шеhк яма вой-хуl веlпасlас. Аhкеl – Акулина Прокопьевна Кельчина ийикеlа хуl веlпасlаты нётас. Яма рупитмеl ураhан кимантак «За трудовую доблесть» медальна мийман усhан. 1949-мет таlн Роман ашкуlая манас. «Щи пораятан ханты няврэмат ашкуlая яhхты ант lаhхасайт. Ма нэман верантысам, матты-ки хоllысам, – а иlта нопсэман нумасlам – ашкуlа па хота? Таhха щи пора эlты артист ма lыпеман уlты питас». Роман Кельчин lапат класс етшамаl юпийн Пулhавт вошан педагогический училищайн утаlтыйс. Утаlтымаl юпийн воспитателя рупитас, интернат кущая, няврэмат ханты
ясhа утаlтасlы. Хольмаh моlтас таl lув няврэмат пиlан рупитас. Роман Григорьевич шеhк монщаh па араh хоят. Lув хоятата алиlысlы щимащ монщат: «Мойпар па шовар», «Хорам ворhа ими», «Мойпар па мув вой». Lув хоятата мосты рупатайl ураhан округ Губернаторан «За успехи в создании, сохранении и пропаганде культурных ценностей коренных малочисленных народов Севера» медальн мойlаса. Юхат ёша паватсаllы «Серебрянная гагара – 2012». 2005-мет таlн А. Рогожкин верам «Перегон» нэмпи киная вохса. Щита lув Семёна ус. Роман Григорьевич щита ёнтмаl ураhан, мет шопаh няврэмат, щи кинаеl каматса пуш вантlэl. Хуlмет хоятэв, щит ма акем (аhкем яй) – Вениамин Ильич Уксюмов. Lув сэма питас унщ тыlащ хутмет хатаlн 1955-мет таlн Кунавт муван. Lопхары ашкуlайн утаlтыйс нийlмет класс унты, щи юпийн Горки вошан 9-10 мет класс етшаптас. Щаlта еllы утаlтыты манас Калининрад воша. Щита lув «Балтийский государственный рыбопромысловый флот академияйн» мастер лова специальность щиран утаlтыйс. Утаlтымаl порайн lув академияйl эlты хоятат кина верты тахая вохиlысайт. 1975-мет таlн Алексей Герман Калининград вошан кина верас «Двадцать дней без войны». Константин Михайлович Симонов ханшам по-
Вениамин Ильич Уксюмов
потраl хуват кина верlа, щи кинайl вантты ураhан манаl. Щита lув ийимеl пиlан уйтантыйl, па сама рахты хоят уятаl Людмила Гурченко. Аратаlан там кина ляль пора эlты па ляль ванан
«20 дней без войны», Ю.В. Никулин кутопан
антом. Ляль порайн рупитам хоятат уlапса альlа. Акем lыlаh-ки ус, ма lуlн, аршак ханшсам акем киная питыlыйм вераl эlты. Lув аlаh антома йис. Кат эви тайl. Ун эвеl – Олеся Вениаминовна Уксюмова Яlап Уренгойн уl, педиатра рупитаl. Ай эвеl – Анастасия Вениаминовна Рылова Lопхарыйн уl, садикан воспитателя рупитаl. Вениамин Ильич эlты потартыйс Альбина Александровна Уксюмова, lув ийимеl. Ям кина вантаты, тумтака уlаты! Хой па моlты ханты актёрат эlты уятаl – муhев ханшаты, телефон хуват потартаты. Аллина ЯКОВЛЕВА lэщатам лопас
В.И. Уксюмов кутопан
№36 (766) Lапат хутмет (суббота), Щёхр тыlащ 5-мет хатl 2015-мет таl
Тампуш вонщам от яма энмас. Оlаhан мурах акатсув, щаlта восты рых, сэвапса, урты рых акатты пора ёхтас. Толах пеlа самаh хоятат кашаh хатl толха яhхlат. Щаlта актам lэвпас туhащира шавиты мосаl. Там порайн вонщам от эlты варенье кавартlа, рахаl холодильникан потаlтаты, соlыты от па соlытlа. Хоты катра порайн вонщам от шавиlыса, щит эlты потартас Федосья Ивановна Дьячкова:
– Вонщам от катра ант кавартыса. Саккар щи порайн шай пиlан инщты lутыlыlа, вонщам от пиlан ант lыlатlа. Ма нумтэман, юх ай пущкаиет тайсув. Щимащ пущкайн мурах шависа. Актам
Таl кеша сопас актыlыlув. Аhкеман ая эватlыlа па соlыlа, ищи таl хуват lавантысув. Камн хорпи шай лыпат актыlыса. Урты рых лыпат, щищки рых лыпат, питы шупши лыптат, мята, душица, иван-шай лыптат па. Щаlта уш
мурах пущка lыпийн сохан эlты катlапlа, потты унты щиты омасаl. Хун ищкия йиl, щи сохаl нох аlэмаlэн, мурхен воllы ям, lэва па lэва. Щаlта ун кеванат усат, амуй вой пиlан lутыlысайт, тураl ващшак, шай ан lоват. Аl тайс, тынаhкев аl. Щи кевана мурах ищи
Йис Lуhан па сусан вер уйтты имиет каман хорпи портун торнат lэщатlат таl кеша. Портун акатты вер эlты айшак хоятат шимаl уйтlат. Моlты муш яммаlты ураhан аптека ванан уl, там йис хоятат тохи вевемаlат. Катра порайн хоятат портун торнат сопасlыман тайсат, щитlаlан яммаlтысат. «Ван рутат» фестиваль 2012-мет таlан верам порайн ХантыМуши куртан ханты хоятlув хув пасан lэщатысат. Камн хорпи торан, вонщам от, унт lэвпас щита понман ус. Ханты мир рущ портун этам еlпийн муйн яммаlтысат, щит эlты ёхтам нэhат потартсат, катра портунат па lэвпасат этаlтысат. Овкурт эlты Мария Александровна Ковалёва ус, lув потраl газетая понтсэв: – Ма ин потарты
3 иши акатlа, чага. Ёхи туlа, lув lэпат, нёхарlа, ваща нёхарlа, сораl па lув шукаlаl, щаlта лыпат пиlан lыlатlа. Антем лыптат уйтас, щишан иса lэщатыйс. Сораllайт па щашкан хирыетан шавиlайт.
понlа, таl хуват омасаl, нэмоlты хоты ант йиl, аса ям. Щи порайн мурах ар. Ун неводник хопа ар хоят lэllув па ун пухрата яhхlув. Мурах вощlув, сэвапса, тохтаh рых. Щищки рых вощты муh няврэмат утща яhхиlыlув. Щаlта вуlы хотан Кеван уlтэван, дикий лук
портунат
Пасан верыlыйм нэhат
питlам, муй хорпи торнат муй муш эlты уllат. Там рущ ясаhан иван-чай, катра уlмеван шая кавартыйм лыпат. Уш ищи шая кавартlа. «Кровохлёбка» ищи шай, хон каши эlты, яlап торн эlты салат lэтота верты рахаl, огурец эпаl тайl. Тата щи ёш ятlув эlты, кур ятlув
эlты ям портун. Унши яlпа энамты ай нохрыет кавартlаllан, ёш, кур нёсытты рахаl, ёхи инщты рахаl. Тами шупши, витамин ар тайl, тами варенье шиповник эlты, ищи витамин ар тайl. Ромашка тур каши эlты. «Золотой корень» ин хоятатан яма уйтlа, ар муш эlты, кутраh йиhк пиlан верты рахаl, каварты па рахаl, щаlта инщlа па эlа нёсытlа. Нохар эпlаh lэтот, ищи ар мосты от тайl. Сабельник торан ищи ёш-кур муш эlты. Щищки рых эlты эпlаh шай кавартlа, щит хоятатан уйтlа. Там нэрп юх (ольха) хон каши эlты. Щакна тайlан ки, одуванчик торанан нэрты рахаl. Там поlт, няврэм онтпа понlа, верты сох ищи нёсытlа.
Елена Алексеевна Шульгина Асов курт эlты ёхтыlыйс, ищи камн вер уятаl: – Люм юх лыпатlаl нэман акатlаllам. Осам хир сох уlам, ким этlам па лыпатlаl lыпия паркатlаllам. Щаlта нох сораllаllам, каврам йиhкан эlты понlаllам, щаlта пеhкат,
уhаl лёхитты рахаl. Ун хоятlув катра lувиlаl lув портун верыlысат, хоятlаl яммаlты хошсат. Аhкаhкем ими, антем анти, пукан антия ус. Шеhк ар пукан тайс, ин хоlна lув пуканlаl уllат, антеман юхат пукна тайсайт. Катра хоятат lыпиlаl тумтакат усат, ун щащем ими сот кат таl ус. Ун пумащипа щи пасан верыlыйм хоятlува, ант уйтам верат lэрапсаlув, иса яма этаlтысаюв па потартсаюв. Щит шеhк мосты потар, муh мувеван энамты торнат, юхат уйтты щи мосаl, катра хоятlув щитатан lувиlаl яммаlтысат, муш ант тайсат, сот таl унты усат. Клавдия МАКАРОВА ханшам потарhан па верам хорат
4
Ими Хиlы (Монщ ар) Вуншарн Ими Хиlы уl. Ёшаl-кураl таlаhа йис, Lоваl-сомаl энаммаl. Вой веlман шушиlыяl, Каншатман яhхаl. Щиты, щиты щи яhхиlыяl-ёё, Ар унтыеl-уу, хараl хащиlыяl-ёё, Щиты шушиlытаl-уу, шушиlытаl-уу, Унтар сохаl-ёё хаймаl, хаиlымаl-ёёё, Каман саhхам-уу, ар ёхана-юю, Пуhlан хащиlытэl-ууу, Щиты маныlытаl-ууу, Lув таhха каlтмаl яhхиlытаl-ююю Вояl антом уlтаl-ууу, Щиты шушиlыяl-ююю, Тумеl керас нёl, ар ки керас нёl, Няр вешпи-ююю, керас нёlа-юю, Тохи ки ёхтыlымаl-ююю, Тохи маныlымаl-ие-ууу, Щиты шушиlымаl-ие-ююю, Ун йиhк овман-ууу, Ун соям пеlа-ууу. Хар соям нёlаl, тайl соям унты Унтар нымаl-уу, ай lохиеlан-ее. Щиты шушиlытаl ныlа-ие-ю. Ун шик юхпи унт, соям таяlан-аа Щита ныlа-юю, ныlа, ныlа-юю, Тохи, таяlа, нох ма ёхтыlыlам-ее, Тохи хоты, кат тыхаl юх пиlан, Торlы lаhки хотые ныlа, хотые-ёё. Ищипа уlыlытаl, ищипа. Там наяh хатаl, тови хатаl Шушиlытаl-ёё. Пуваl тэlан-ууу кашия ювантымаl. Наяl-уу lоhты питыlымаl. Тохи ки ёхтыlымаl-ие-ю. Матты вой ищипа кащаlыlом-ёё. Имоlтыян тохи щи ёхтыlымаl-ёё Нярьюх юхпи ун юхаl-ююю Щита ныlа-ёё, ныlа, ныlа-ёё Вана ёхтамтыты питаl-ёё, Няра сахпи-юю, рахи нэ-ююю, Щита lоиlытаl ныlа-ёё, Нови ермак понмаh нэ-юю, Щита lоиlытаl ныlа-ие-ю, Имоlтына щиты щи-ие, Унтар сох-ю, ай нымlыlа-ю, Кентан аl катlыllы сары нох, Ёшаl, кураl кентан катlыlыllы-ю, Аяlта ки-ё, тохи ёхтыlымаl-ю, Муй вой-ие-ю, катlыlыlэм-о, Щитэм ки-ие-ю, катlыlыlэм-о, Ун апаlан lуlан, муй хорпия, ма, Рахи сахпи-ё, рахи нэ-э-ю, Щита lоиlыlам-ие-ю, Нёхас вой ки, каlтам антом-ю, Понам ермак охшам Поныlыям рахи нэ. Моlты щиран lуlан ма, ун апаlан-о, Щитан апаlмиlэм-ие-ю, Имоlтыян вана щи ёхтыlыяl-е, Аяlта-ё, рахаlтытаl-ее, Щаlта щи-о, апаlмитаl-ее, Апаlмитаl па, lыям сумат аhкаl Уlмаl-ие-ю,
Газета
«LУХ АВТ» Адрес редакции: 629008, ЯНАО, г.Салехард, ул. Подшибякина, 17 (34922) 4-68-03, 4-68-63 Е- mail: luhavt@yandex. ru
Хоlты еlмиlыlа-ие-ю, Манэм вантты-ю хоят, еlта уlмаl-ё. Мир нях па щи па уlыlымаl-ю. Хоты вертыя-ююю, таlаh тови хатl-ю, наяh хатl-ю, патлатыя-ю, шушиlымаl-ёё. Нэмоlты ант па-ёё, мощатымаl-ёё. Еlма питыlымаl-ю. Ёlта юшаl, наяl ки lоhмаl юпина. Вой каlтам хун па ныты-ю, Ёхи шушамтыяl-юю. Таlаh тови хатаl, шушамтытаl-юю. Мув нараl па ат па уйтамтыllы-ю. Каман ёхан хоl питамтытэl-ю. Торlы па-ё, уйтаlтыllы-ю. Тыlащ новия, хатаl-ие-ю. Турам ар ки ар хусыеl-о. Щиты lоиlытэl итэl-ие-ю. Вой хусаl ки-ю, щиты нытэl-а. Вой Ошни хусаl, уlтаl ки, иса нытаl-у. Ущ хусаl ки, иса lоиlытаl-ёё. Аттыя ки-ю, ёхи шушамтытаl-ю, Lув уlтыя, lув шошеlа-ю, Ат хуват па ёхи маныlымаl-ю. Щиты маныlымаl-ёё. Каман соям нёl, ар ёханаl-ёё, Араl хащиlымаl итаl-ёё, Шик юхпиета, ун ёхмиета-ёё. Ара хащиlытаl итаl-ие-ю, Каман вошар ёхан ар, ар нёlыиlаl Щиты маныlымаl-ёё, шушиlытаl-юю. Имоlтыян lув моштантыйl Хотэма ки-ю, вана ёхаттэм ныlа-ю, Таlта ки-ёё шушамтыlам-ёё, Каматса нюрам лот хащиlымаl-уу. Щиты шушиlытаl иты-ёё. Хота маныlыяl. Иса воllы Торlы пеlантыяl-ие-ю, Хотаl, нюки лакман хотаlа, Щёlан хотаlа, lоймаh хотаl хоща-ю, Ёхи-я ёхтыlытаl-юю, Ветаl сохаl понмаh хотаlа, Пелкаl хоща lув ёхтыlытаl-ю, Ехи ёхтыlытаl-ю. Имеl ими-я ястыlытаl-яя: – Щи па-ие-ю, lавlыщимем-ю, lавlыщимем-ю. Ат хутlытаl-уу, ванамитаl-уу. Щи па щи яhхиlымен-у, яhхиlымен-у. – Мув ар араl lарытымем-юю. Ий тахайн-о, ма нумасlам, рахи най-о, Lоиlытаl-о. Няра вой сахпи нэ, рахи нэ-оо, Ма ванттэман щита lойтаl-ёё, Ёшем-курэм кена lойтыlымем-ё, Тохи рахиlымем-ёё. Апаlмасэм па-ё, Lыям сумат аhкаl уlмаl-ёё. Щиhанща, ёхи маныlысам-ёё, Щиты патлыlысам-ёё. Муваl хун ант уятlам ма, Муваl lарытман ёхи шушамтысам-оо. Роман Иванович САНДРИН шуhат арыйс Зинаида ЛОНГОРТОВА ханшсаllы
Учредитель (соучредитель) Департамент внутренней политики Ямало-Ненецкого автономного округа (ЯНАО, г.Салехард, пр-кт Молодёжи, д. 9) Газета зарегистрирована Управлением федеральной службы по надзору в сфере связи, информационных технологий и массовых коммуникаций по Тюменской области, ХМАО-Югре и ЯНАО 19 апреля 2012 года Регистрационный ПИ № ТУ72-00558
Тираж 700 Заказ 0724 Подписные индексы: на год - 29925, на полугодие - 84611
Газета вышла в свет 5 сентября 2015г. Подписано в печать 3 сентября 2015г. по графику: 16.00 фактически: 12.00 Газета выходит по субботам Цена годовой подписки 96 руб., в розницу не распространяется
○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○
№36 (766) Lапат хутмет (суббота), Щёхр тыlащ 5-мет хатl 2015-мет таl
Хорам сакпаlат Ханты эвет, ханты нэhат сакпаlат, саклопсат тайlат. Кашаh нэ lув нопсаl щиран хорам вераl. Щишан, муй ханши lувеl рахаl, щиты сэвlаlы, каратlаlы. Вера Макаровна Нензелова Овкурт вошан уl. Там хоратан lув картам сакпаllаl понтсув.
Клавдия МАКАРОВА верам хорат
Издатель Департамент внутренней политики ЯНАО (629008, Тюменская область, ЯНАО, г.Салехард, пр-кт Молодёжи, д. 9) Отпечатано в типографии ГУ «Северное издательство» (629008, г.Салехард ул. Ямальская, 14)
И.о. главного редактора А.К.Яковлева