ЙИСАТ УLА, АРТНАТ УLА, ХАНТЫ МИРЭВ НУПТАH ЯСАH! Яlаптаl тыlащ хутмет хатl 2001-мет таl вуш эваlт этты питас
Российская Федерация Ямало-Ненецкий автономный округ Газета №38 (716) Lапат хутмет (суббота), Щёхр тыlащ (сентябрь) 20-мет хатl 2014-мет таl
Воой шавиты сират эlты Округ кущайlав щи эlты потар туты номас версат – хоты заказникатн воой-хуl шавиlа. Территориальный отделение куща ху Денис Шмелев щи эlты ястыlыйс: «Нефть па газ кашты организацияйт ванкутlы заказник мува ёхтыlыlат, тата хольмаh пеlа хут процент Россия мувевн вуты газ эlты вуlа. Муh щи эlты паlтап тайlув, воойlав шавиты муват нох антат вусайт. Закон щирн мет шопаh шавиты тахайт ант щи кетомlайт, муh па еlшик вощкаты вератlаюв. Моlты верты мосаl? Воой веlты тахайlав торlы посн понты мосlат, нэпека ханшты мосlат. Щи эlты муh заказникев тыеl-тохеl ханшиlыlа. Порайн Лукойl пеlа питыlыйl, порайн Мессояханефтегаз пеlа поныlыlа». Куща ху хонна щи эlты потар тус, район администрация Тазовский районан хонна заказникат верты номас тайl. Таз ёхан питар и тахайн метшик шавиты вутщиlа. Овс мув пеlа Юрибей ёхан пуhаlн оlты авт (полуостров) па еllы шавиты вутщиlа. Унт lор тыlащ эlты Воой веlпас эlты хуратты Всероссийский институт щит ураhан нэпекат акатты питаl.
Лэпкат ара исат Мессояхинский заказник эlты матты ясаh па ястаты мосаl. Нётопса щата верты мосаl. Оlаh кордон – Мессо фактория иса катрая йис, 1938 таllуhан омпсыlыйм. Кимет кордонан кат балок-хотые туп lойlатан, хота Мессо ёхан па Индик-Яха ёхан яха питlатан. Йиhк иl питтаl порайн тый хопан ант па ёхатlан, вертолётн туп манты рахаl. Туhа рупата верты ураhан казанка хоп lутты мосаl, па няlъяh юрпи мотор. Рупата хоятат рупитты сохн па ант мийлиlайт. Муh заказникевн щимащ воойт уllат, муйт «Вурты нэпека» (Красная книга) понман уllат: краснозобая казарка, пискулька, сокол сапсан, орлан белохвост, белоклювая гагара, хотhат. Шеhк ар шовар заказникевн хухатлийl, заказникан рупитты хоятат lый урhеlа соl иса хайиlыlыт, и шовар ураhан и тыlща вет киlа соl хайиlыlа. Воой веlты ураhан квота мийиlыlа. Мет ун квота вуlыя мийм – сот па хольмаh вуlы, кураhвооя – хольмаh пеlа ит. Мойпар эlты потар ки туты – иса Ямал мувев хуват хутьяh лицензия маса, Тазовский района хуlом воой рахты питас веlты. Lоlмах веlты па lицензия щирн рахаl – нийl вооя квота маса. Заказникан лэпак шеhк ара ювмаl, нэмоlты хоят лэпак веlты лицензия ант lутаl. Товийн lый бешенство муша питты вератlат. Па хонна щи эlты паlтап – «Вурты нэпека» поном воойт паратты верытlат.
А й к е l а т Яlоп «Здоровья центрат» Ямалн пушlайт Здравоохранение департамент директор Николай Винокуров щи эlты ястыlыйс, ин Ямал мувевн няl щимащ Центр уlтаl – Надым воошн, Пулhаватн, Ноябрьск воошн па Новый-Уренгой воошн. Ноябрьскайн па Новый-Уренгойн центрат туп няврэмат ураhан пушман уllат. Там lапат тыlащ сысн центрата хуlом щёрс сот lапатъяh пеlа хуlом няврэм центра ёхтыlымаl. Туп тухаl няврэм lый кутэlн муш ант тайl. Тухаl няврэмат шеhкшик нёхеhат, тухlат па хахса таlты утаlмеl. Леккарат па щи эlты номасlаl шакlат, няврэмат ун хоятат хахса таlтэl эlты па вана уlтэlн, щи эlты lыеl ищи шеhк атом, аlмантыки lый ищи хахса таllат. Центран леккаратн вантом няврэмат lув ёра планан верlайт па ханшlайт, хоты еllы уlты мосаl, муй верты мосаl, мушlы-кашиlы еllы уlты. Муш тайты няврэмат леккаратн ванкутlы вантыlыlайт, леккар портунан lапатlайт па пора хащман, и пуш па вантlайт. Мосты порайн леккар хотата яммиlтыя поныlыlайт. Хащом таlн сот па нийlхус пеlа няl няврэм физкультура верты центра ёхтыlысат. Здоровье центр леккарат хонна хоятат пиlн рупитlат, лекция верыlыlат. Мосты порайн психологат вохиlыlайт, гигиенистат, пеhклеккарат. Центрат диагностика вертlат. Мосты порайн кашаh хоятат хоща хота яhхты вератlат».
Юураh хахса (наркотик) координационный центр Ямалн верlа Федеральный сlужба контроля за наркотиками управление куща ху Владимир Рогозин айкеl туты хоятата щимащ потар верас: «Юураh хахса таlты хоятат ин округ реабилитационный центр хоща па наркодиспансер отделение хоща яммиlтыты верытlат. Щимащ хоятата па «Ямал без наркотиков» па «Антинаркотический региональный комитет» общественный организацияйт нётlат. Ищипа юураh хахса таlты хоятата нётты мосаl. Щит ураhан ин номас версув, яlоп координационный центр пушты. Туп ям хув яммиlтаты юпийн щимащ хоятат верытlат юураh хахса верэl исая вощкаты. Нэпек щирн Ямал мувевн кимет щёрс шуп хоят юураh хахса таlтаl. Там таl питом эlты полицейският няl соткем хоят мощатыlымеl, хой юураh хахса хоятата тынымеl па хольмаh пеlа lапат киlа юураh хахса lый эlтэlа нох вуймеl.
Надежда КОНЕВА lэсятам лопас
2 Муh нопсэв веськат па ун №38 (716) Lапат хутмет (суббота), Щёхр тыlащ 20-мет хатl 2014-мет таl
Щёхар тыlась хуlмет па няlмет хатаlhанна Карелия нэмпи муван Петрозаводск воошаlан финно-уграт пеlа lуhтасты хоятат актасисат. Нын уйттан сирна, финно-уграт пеlа ар мир lуhтасаl: сит хантэт, охалят, венграт, саранат,
Харючи, Законодательный собраний мет ун куся, Инна Васильевна Сотруева, шоши муваh ёх департамент куся нэ, Александр Вадетович Евай округ депутат, Эдман Хасевтевич Неркаги, «Ямал-потомкам!» ассоциаций пре-
Э.Х. Неркаги, «Ассоциаций «Ямал-потомкам!» куся
удмуртат, марийцат, мордвинат, вепсат, ижорцат, водь, ингерманlадцат, эстонцат, финнат, кореллат, саамат па па мират. Там мират тумпина хоlна усат уръёх па селькупат. Хоятат ар таха эlты ёхтыlысат. Аратаlан ус нийльяh пеlа хут делегат па lапатъяh наблюдатель. Муh Ямало-Ненецкий автономный округев эlты яh хоят: Сергей Николаевич
зидент. Энамты ёх кут эlты устан Кирилл Худи па Александра Худи, селькупат мир эlты уна уlтыя Яков Константинович Андреев китыlыса. Муh саранlув эlты хоят уlам антом. Муй веран си арат хоят сита актасийс? 2015 таlан, Лахти воошан Финляндия муван Всемирный Конгресс финно-уграт пеlа lуhтасты мират пушты номас
тайlат. Сита каман хоят кашh мир эlты тохи вохты, сит lэрапса мет оlаhан. Кимет па сир ус: муй эlты сита потартыя па хотсат еllы финно-угар пеlа lуhтасты мирата уlтыя. Секцияйн потар сов тувам ху – Алексей Конюхов, ар хоят хуlатмаl юпийн, тамась нопсат нох пайтас: ун потраl тамиты нэматса «Финноуграт пеlа lуhтасты мират – ям уlапса сиран еllы уlтыя!» Русь ясаhан ки: «Финноугорские народы – к устойчивому развитию!» Сяlта там номас таlаhа lэсятты сир, хоlна вет потра халытса: «Экономика па муhэв кератман уlты турам (окружающая среда)»; «Аl хоятат па власть муй сиран яха рахман рупитты питlат»; «Хотсат па мув эlты касlам па ёхтам мират хоятата яlап муван еllы уlтыя»; «Ясаh па культура». Там порайн компьютер сиран верты верат па потрат, хорат па ясhат юураhа иты питсат. Там йисан, хой компьютер сират уна ант тайlаllы па ант утаlаl яlап
Ханты па охалят делегаций
мутрайт уlапсая понтыя, си мир воllы пуhlа питаl. Ясhаl ушты верытаl, хоятlаl па мират кутан lыllаlат. Сишан, ветмет потар тамиты нэмиса: «Информационное и вертуальное пространство». Мет юухат, потрат етшам юпийн, ун мирхот финноуграт пеlа lуhтасты хоятата ястасат па парсат: – куш хота, ёlан ки ёlан, рупатайна ки рупатайна рут ясаhат иса потартыя; – финно-уграт ясhатна потартыя няврэмат утаlтатыя ясаh уйтты кутап ар, па кутап ар эlты уншак хоятат; – финно-уграт мират ясhат утhатшак па lарпияшак массовый коммуникаций средствайт хося па социальный сетят хося тайтыя; – апраhа па каркама финно-уграта гражданский общества верман уlтыя, сиlта ун онтас утыя; – Россия па регионат власть пиlан финно-уграт пеlа lуhтасты мирата мосаl хоятlаl шимlа ювам мирата, па мув эlты ёхтам финно-уграт мохэта нётты номас тайман уlтыя. Си кеша нэман
В.П. Марков, финно-уграт Консультативный Совет куся
постам верат таlаhа вертыя. Сяlта финно-угар мират мувlаl кимlат яха хойман ки уllат, lухас сиран, вер яха верты сиран рупиттыя; – юур ант шалитман, номас такапман еlпи мирхотатан нох аlмам нопсат па верат таlаhа верман, ин тыйм нопсат еllы тувман, мосаl еllы уlты па рупитты финно-уграт пеlа lуhтасты мирата.
Финно-уграт пеlа lуhтасты мират и пуш па ястаlат, муh нэмаlты мир пиlан кутаhа уlты ант lытlув па ант питlув. Хой ям номас тайl, хой муhэв онтас верты верытаl, моса матты сиран муh верытlув нёттыя, хурыты ант мосаl – муh нопсэв веськат па ям. Геннадий КЕЛЬЧИН ханшам потар КЕРАН Митры верам хорат
Я.К. Андреев, селькуп мир делегат
А.В. Евай, И.В. Сотруева, С.Н. Харючи
3
№38 (716) Lапат хутмет (суббота), Щёхр тыlащ 20-мет хатl 2014-мет таl
концертат, ма па «Наследие» центран ханты акань верты хоятат утаlтаты вохиlысайт. Муh хуlомхощъяhмет хатаlн Ленин ики нэм тайты воош хулыйн емаh хатl верыlысув. Ар щир пищ па ар щир каш щата ватаlтаса. Ун хоятат па няврэмат
Артем Тытюк верам хор
Хоты хоят нэмаh хатl тайиlыйl, воошат-куртат ин там таlатн па емаh хатlат постаты питсат. Хасям сютщаты хатlатн Пулhавт воошев нэмаh хатl па верыlыса – 419 таllуhа йис. Воошн ар культура хотатн ар щир ощхуль верыlыса, ар пелка
Акань верlат
ураhан моlты ощхулят иса этаlтыlысайт. Окружной дом ремесел, Центр детского творчества «Надежда» сувениратн тынассат, тус ёш выставкайт па этаlтыlысайт. Няврэмат ураhан сот щир нях-каш щата верыlыса: веншlаlа хорат поныlысай (Россия мувев вотвоой хор, хорам лыптат хорат, и тахайн няврэмат кати иты веншlаl олёпан поныlысайт па хонна хорlаl ар сыра верыlысайт – ун ханшом хорам вуса веншlаl тэвlыlысlаl, щи эlты арщир хора питыlысат па щи-ты хорlаl верыlысайт. Па хонна иса нях-каш верты тахаев хуват ар
щир пукан соха lуматлиман, венша паlтап нэпек венш (маска) понман па ходуля эlты нох хухман па уваlтыман, каматса эвипох яhхсат, няврэмата шеhк каш ус, lый па пукант юпийн иса увман тыеl-тохеl хухатлисат. И палатка хоща щащас, хоты ампат хоратсат па катет мявкисат: хоятат эlты актом ай катет-ампат па няврэмата аl мийлисайт. Мин па ОДР эlты уlты нэ пиlн мастер-классат верыlысман, lув оош пун эlты хоятат аканят верты утаlтасlы, ма па хоятат пиlн ханты мир акань версом. Ям ар хоят
Артем Тытюк верам хор
Пулhавт воош емаh хатl
Lыlаh аканьhан акань верты каш тайс, lый кутэlн няврэмат усат, уна пеlа ювом нэhат аканят версат, нэhат эвиlа пиlа па акань верты омпсыlысат. Тухаl нэhат аканьlаl сора яма тыйиlысат, тухlат па каматса пуш яlпа ёвартысlаl. Щиты щи муh ханты аканев русь мир кута питас. Анта туп муh, хантэт, ин
lувеl верыlыlэв, па мир хоятат па муh аканьlав верты lаhхаlайт. Иса яха ветьяhкем хоят акань верты омпсыlыйс. Турмем па анта шеhк ям ус, вот так ус, щашкан шукlав иса ёшн катаlсаllав, вотн туты эlты паlман. Ерт антом ус, щит па ям. Надежда КОНЕВА ханшам потар
окружного департамента по делам коренных малочисленных народов Севера. На школьной линейке сотрудники департамента провели с ребятишками конкурс по отгадыванию загадок на школьную тематику, за правильные ответы воспитанники по-
лучили сладкие призы. Учащимся 9 групп, сформированных в санаторно-лесной школе на новый учебный год были вручены подарки, среди которых конструкторы для уроков труда, соленое тесто, доски для первоклассников, настольные игры,
Эдуард Яунгад потартаl
Лидия Кельчина верам хор
11 сентября начался официальный новый учебный год для маленьких воспитанников ГООУ Ямало-Ненецкого автономного округа «Окружная санаторно-лесная школа». По традиции, поздравить ребятишек и пожелать отличной учебы пришли сотрудники
Лидия Кельчина верам хор
Учебный год начался
Ар таха эlты ёхтам няврэмат скакалки, наборы для творчества, игровые планшеты и множество других полезных подарков, необходимых для учебы и творчества. «К детям санаторно-лесной школы всегда приятно и трепетно приходить «в гости», – замечает первый заместитель директора департамента Эдуард
Яунгад. – Ребята надолго оказываются вдали от дома, от родных и близких, и, мы с коллегами, приходя в санаторно-лесную школу, каждый раз надеемся, что наши редкие встречи поселят в сердцах ребят немного больше уюта, домашнего тепла и радости при мысли от скорой встречи со своими близкими».
Следующая встреча сотрудников департамента с ребятами состоится накануне празднования Нового 2015 года. В рамках встречи также планируется проведение игровой программы, вручение сладких призов и полезных подарков. Лидия КЕЛЬЧИНА
4 Тус ясаh
№38 (716) Lапат хутмет (суббота), Щёхр тыlащ 20-мет хатl 2014-мет таl
тус потар
–
Пиращ ики па эвиlаl Уръёх монсь (Оlаh сортаl №37 газетан lуhтаlан)
Котура таl ан пеlа аhкармас па нэмоlты ант ястас, lэс па иl оlас. Аlаhсахат вуlы кепlат тус па эвия партас кепlат татаlты, тайты сох, вай па посат ёнтты. Котура унта манас, эви па моlты верты питас. Тэрмаlаl, рупатайl сорашак вертыя. Хот ов нох пуншантас па охаl вотом пиращ ими хот lыпия lоhас. – Эви, сэмема моlты питас. Нох таlы! Ма ант верытlам. – Кум ант шитlом, наh сэменан моlты вантты! Мана, торас! Котура унт эlты ёхтас, инщасаl: – Сохlам етшасат? – Етшасат. Котура ёнтом сохат нох lуматlаllы – сохlаl иса ёвра ёнтман уllат. Ликащас Котура, ин ики кутоп эви lонща вощкасlы. Щата lув щи парас. Пиращ ики хотаlн ай эвеl пиlн омасаl, мет сама вана тайты эвеl пиlн. Lаваllатан, хун атом туром етшаl. Атом туром ант па етшаl, хотан ин щи вотн еl туlа… Кутоп эвем ма ясаhlама ант хуlантас! Котура метшак хоятат пеlа ликащас. Эвие, ма наhен мет вана самеман тайlэм. Па ищипа Котура хоща наhен китты мосаl! Ант ки китlэм, хоят рутэв иса lэllы параl. Ин ики ай эвеl иса утаlтасlы, хоlта манты па муй верты. Эви вот ещаlт ухlыеl хатэмасlы па lув юпеlн щиты щи шушмас. Эвие манаl, ащеl ясhат эlты иса нумасаl, нэмоlты ант ёрэмаl. Вотн сах киянlаl
Газета
«LУХ АВТ» Адрес редакции: 629008, ЯНАО, г.Салехард, ул. Подшибякина, 17 (34922) 4-68-03, 4-68-63 Е- mail: luhavt@yandex. ru
нох маншисайт, ант ярlаllы, щиты щи еllы шушаl. Вайlаl lонщн тэl lоhксаят, lонщ нох ант паркатаl. Эви ищкийн иса потса, метас, па ищипа еllы манаl. Ун рэп пуhlа ёхтас, рэп lоhlа хуhхас па lояс. Щаlта сохlаl-вайlаl яма lэщатсаllы, нох паркатсаlёlы, киянlаl лап ярсаllы. Щищкие эвие lаhкра омсас, lув щищкиеl вощхисlы. Щищкие щаlта еl пурlас. Эвие ухlаlа lэlас па иllы хатэмас, Котура ики хот пуляhа. Вуlы хота lоhас па lаваlты питас. Щаlта хот ов пеlки ракнас, па Котура ёхи lоhас. – Наh па муя тый ёхатсан? – Ащемн китсайм, наh атом туром паятты хоштэн . – Муй па омасlан, тут ант понlан, нёхи ант кавартlан? Ма самем вохlа. Эвие сора нёхи кавартас, нёхет хувана понтсаllы па Контура хоща тусlы. Котура щи нёхи кат ана орсаllы, йи ан нёхи lын lэстан, кимет ан па партас пуhаl хота туты. Эви нёхи ан вусlы па ван хота манас. Туром па щи метшак атма ис, каман нэмоlты ант ныlа. Хоlта манты, эви ант па уятаl. Хота ван хот lойl? Эви lойl па нумасаl, хоlта пеlа манты? Щищкиеl кащаlасlы, lув пуhlаlн щи пурlатлийl. Эви lув юпеlн щи манас, ун рэп кащаlас. Хот lоhаlн мисы-куты пай lойl, щаlта пусаh этаl. Пиращ ими ким этас па инщасаl: – Наh па хой? Муй тата каншlан? – Ма наhен нёхи тусом! Пиращ ими нёхи анаl вусlы па хота lоhас. Эвие lояl па lаваlаl. Хув lавlасас. Щаlта ин ими ким этас па тааl анаl ёхlы
Учредитель (соучредитель) Департамент внутренней политики Ямало-Ненецкого автономного округа (ЯНАО, г.Салехард, пр-кт Молодёжи, д. 9) Газета зарегистрирована Управлением федеральной службы по надзору в сфере связи, информационных технологий и массовых коммуникаций по Тюменской области, ХМАО-Югре и ЯНАО 19 апреля 2012 года Регистрационный ПИ № ТУ72-00558
масlы. Эви ёхlы ёхтас, Котура инщасаl: – Нёхен масэн? – Масэм. – Анэн тый мийи, вантlэм. Котура анаl вусlы, щата кешет, сох татаlты пормасат, карты йинтпат. – Моlтыйн иса миймен! Иса мосты питаl! Аlаhсахат Котура ант татlам вуlы сохат тус па эвия партас, етна унты lувеl сох ёнтты, ваят па посат. – Яма ки сохlам ёнтlаllан – нэhа туlэм. – Щиты ястас па унта манас. Эвие ёнтасты питас. Пиращ имеl мойlопса lувеl нётопса щи верас. Па йи хатаlан муй верты вератlан? Щаlта хот ов нох пуншса: пиращ ими ёхи lоhас. Эви моштасlы: щи пиращ ими хоща lув нёхи тутлийс. – Эви, сэмема моlты питас. Нох таlы! Ма ант вератлам. Эви рупатайl йира понтсаllы, пиращ ими сэмаl эlты моlты нох таlас. – Пумащипа, – пиращ ими ястаl, – сэмем ин каши ант тайl. Ям пелак паlэм ванты! Эви па ин ими паlа аhкармас, щаlта паlтамас: эви щата кащаlас. – Муя наh эвии ант
вохlэн, ат нётlайн? Эвие нох амтас, щи эви нётопса верты вохсаllы. Эви ин пиращ ими паl эlты ким навармас, па lув пиlэlн хонна хуlам эви ким питсат. Иса яха Котура ураhан сох ёнтты сонтамасат: хой ёнтаl, хой сох татlаl, хой эвтаl. Сора, ху тэl сох ёнтсат. Ин ими эвиlаl па щи паlа понтсаllы. Етна пелка Котура унт эlты ёхтас, инщасаl: – Ма партом верlам версаllан? – Версаllам. Котура ёнтом сохат вантас, кепlат lэптат, яма татаlман уllат. Сохlаl нох lуматсаllы – иса lувеl ям, туса ёнтман уllат. Котура нопсаl яма йис па ястаl: – Самема наh питсан, ма аhкеман па нэ апщиlамн ищи сама вана вусайн. Моlты верты иса хошlан, иса паlтап ант тайlан: рут хоятlан эlты нумасман, атом туром эlты ант па паlтамасан. Хаща тата! Нэhа наhэн туlэм! Туп щит Котура ястас, туром яммаllас; тарм вотасаl питас, каамн мелка ис. Хоятат хотlаl эlты ким этсат, ищкийн потты ант питсайт. Надежда КОНЕВАЙН русь ясаh эlты ханты ясhа кератса
Lорвоош куртна, нийlъяh моlтас таlа ювам ими ус Ирина Михайловна Кельчина. Щёхар тыlась кутап хатlатан lув антома ис. Уlмаl хуват, Ирина Михайловна, няl няврэм энмаlтас: хуlам пох па и эви. Похlаl па эвеl иси похаhа па эвеhа исат. Тухаl хиlыlаl па няврэман ёхатсайт. Сишан Ирина Михайловна юпийн ар хоят хасяс. Ирина Михайловна шуhат уlмаl хуват иса рупитас: хуl веlас, lоов па мусат тайс, каlаhат па оошат энмаlтас. Lув хот хоятlаl эlты, lув мет ёхи хасиlыйм ими ус. Там айкеl рутlаl эlты ёхтас. Lув ун хоятэl нумlэl, Турам пойкман хасьман уllат. Ун ими па Турма питмаl лотан, тата хасям хоятlаlа онтас верман ат уl.
Тираж 700 Заказ 0597 Подписные индексы: на год - 29925, на полугодие - 84611
Газета вышла в свет 20 сентября 2014г. Подписано в печать 18 сентября 2014г. по графику: 17.00 фактически: 17.00 Газета выходит по субботам Цена годовой подписки 96 руб., в розницу не распространяется
Издатель Департамент внутренней политики ЯНАО (629008, Тюменская область, ЯНАО, г.Салехард, пр-кт Молодёжи, д. 9) Отпечатано в типографии ГУ «Северное издательство» (629008, г.Салехард ул. Ямальская, 14)
Главный редактор Кельчин Г.П.