ЙИСАТ УLА, АРТНАТ УLА, ХАНТЫ МИРЭВ НУПТАH ЯСАH! Яlаптаl тыlащ хутмет хатl 2001-мет таl вуш эваlт этты питас
Российская Федерация Ямало-Ненецкий автономный округ
вет щимащ нэпек миям, щи кутан сот хус нэпек па хон мув тутаhхопата постам. Кат щёрс хусмет таl унты Севморпуть грузооборот яh пуш энамты вер уlтаl, кимет миллион шупаl эlты ветхощьяh миллион тонна арата. Порт Сабетта эlты ищи ун потар ус. Там таl нийl тыlащ сыс ветсот еша антом щёрс тонна пормас тувам. Туняl эlты артаlаман, ищи хуlам пуш аршак груз тувам. Хоты ястас Александр Ольшевский, Сабеттайн шеhк lавlасlат, хун завод по сжижению газа рупитты питаl. Щи порайн сжиженный природный газ щи кеша lэщатам тутаh-хопатан па хон мувата тутlыты питlа. Там тыlащ оlаhмет хатаlан премьер-министр РФ Дмитрий Медведев постамаl ох lэщатты нэпек lапатъяh миллиард соlкова арат Сабетта порт еllы рупитты ураhан. Щи проект охат кат щёрс хусмет таl унты иса вера lэщатты мосlат.
Щёхр тыlащ оlаhмет хатl вуш эlты газетаята па журналата 2015-мет таlа ханшlтыты пора ёхтас. «LУХ АВТ» газетая кашh куртан, кашh вошан уlты почтаян ханшlтыты рахаl. Таlа ханшlтыты тын 96 соlкува, индекс 29925 Таl шупа ханшlтыты тын 48 соlкува, индекс 84611 Газетаев редакцияйн ханшlтыты ищи рахаl, ёхтыlыяты. Муh адресэв: Пулhавт вош, Подшибякина вошхулы, 17-мет хот.
Касlыты няврэмат ищи утаlтыlат Марина Яр верам хор
Москва вошан няlмет пуш международный Арктический нефтегазовый неделя ус. Ученый хоятат, нефтегазовый, транспортный па консалтинговый компанияйт Россия, Норвегия па Финляндия хон муват эlты потар версат, хоты газ па нефть вуйман Арктика муван еllы рупитты. Ёхтыlыйм хоятат хуlмет хатl таlаh тэlан Северный морской путь эlты потар тусэl. Айкеl верас Северный морской путь администрация куща ху Александр Ольшевский. Lув ястас, туняl таl сыс щи юш хуват няl щёрс тонна пормас тувам, там таl ищи арат кем. Там lуh эlты Новопортовский месторождений эlты нефть танкератан тутlыты питlа. Ин хуlмет танкер Европая lэщатты питщам. Еllы щимащ терминал пушты вер уl, хоlща таlаh таl хуват нефть эсаlты питlа. Щи ураhан ёхатты тутаhхопат разрешение нэпек тайты верэl уl. Туняl таl сыс хутсот няlъяh пеlа
•Айкеlат
Ямал муван касlыты ёх ай няврэмат ураhан lэщатам хотат (кочевой садикат) ветхощьяh арата ювмаl. Иуlтыя щи хотата сот хус няврэм ханшlтыман уllа. Тазовский, Приуральский, Пуровский, Шурышкарский па Ямальский районатан щимащ кочевой группайт рупитlат. Ищи вошатан рупитты садикат иты щита
Марина Яр верам хор
Ун юшат, воlаh верат
○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○
Газета №41 (719) Lапат хутмет (суббота), Ай тахайт потты тыlащ (октябрь) 11-мет хатl 2014-мет таl
няврэмат утаlтыlат па ёнтlат. Урокатан рут ясаh утаlтыlат па рут мувеl эlты потарlат. Пуровский районан, «Lангувичи – Большая Хаслета» стойбище хоща «Вепяку» группайн эвет па похат актыlыlайт. Ашкуlая хоlна ант уйм lапат няврэм пиlан щита уlты хуlам ун хоят рупиттаl.
Фактория «Паюта» хоща уlты касlыты ашкуlа
○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○
Тонты ёнтты вер нумаlмиlэв Там сус Санкт-Петербург вошан международный литературный конкурс верса. Рущ мир писатель Виктор Голявкин шуhат имеlан щи конкурс lэщатам. Щита нох питам хоятат кутан Зинаида Лонгортова нэм ищи уl. Lув щи конкурса «У синеводной Оби» ханшам нэпекаl китыlымаl. Юхат lув ун воша вохиlыса па диплом мойlапса пиlан ёхlы ёхтас. Хоты ястас ЗинаЗ.В.Лонгортова ёхтыlыйм хоятlаl пиlан ида Викторовна, конкурс вер эlты lув lуhатмаl «Невский альманах» журналан. «Ли- эlты пормасат ёнтты хоят воlаh антератор Ямала» общественный орга- том, вераl ёрэмиты питса. Щишан, низация эlты ханшам нэпекlаl кит- яха ёхтыlыйм хоятат катра вер ты нётамат, щи номасан, щаха па нумаlмисэl, вератсат па щит эlты хоlна регионатан там муван ханшты нэпе- кино ханшсат. Нэпекаl па кинойl и кат эlты ат уйтlа. Иуlты щи кон- нэм тайты питlатан, «Солнечные бликурса сот моlтас книга Россия, Ан- ки бересты». Щи вераl ищи шитам глия, Беларусь, Германия, Израиль грант охан lэщатмаl. Шеhк ям па ун па Украина хон муват эlты китам. вер вермаl Зинаида Викторовна, щи Тампуш Зинаида Лонгортова хоlна ураhан ун пумащипа ясаh lувеl ястаи книга па кино вер етшаптаты ты мосаl. Еllы па щиты самаhа ат номас тайl. Хащам lуh Кушеват рупитаl. Lув потраl еllы ханшты куртаlан тонты вер уйтты хоятат газетаева понlэв. lув актыlыйс. Там порайн тонты Клавдия МАКАРОВА ИА «Север-Пресс» эlты толмащам айкеlат
2
№41 (719) Lапат хутмет (суббота), Ай тахайт потты тыlащ 11-мет хатl 2014-мет таl
Катравож – йис вос Ямало-Ненецкий округан кат районан йис тэlан ханты хоятат уllат, щит Шурышкарский па Приуральский районhан. Там порайн наука щиран lэрамтам, ханты мир там муван уlты вер каматса щёрс таlа ювмаl. Щишан, ин уlты куртlув-вошlув юхат ёхтам хоятатан воllы сэр тахаятан ант верыlысайт. Катра курт воl, катра вош хар хоща хот омасты ищипа кеншак, войхуl веlпасlыты юшат ищи яlпа каншты ант мосаl. Щит иса мув опсантам тэlан щиты манты вер, там муватан ищи щиты ус. Приуральский районан Собь ёхан и пелакан Катравож курт уl. Нэмаl эlты моштаты рахаl, щит катра вош, катра вос. Ин уlты куртаh мохет ун хоятlаl эlты хуllымеl, хоты щи муван вош тыймаl. Антонина Егоровна Сязи, эви опращнэмаl Серасхова, там порайн Пулhаватан уl. Lув муh газетаева Катравож куртаl эlты потар верас.
Кев вур эlты овты Собь ёхан
Катравос тыйс кат сот таl тумпина, щита вуl вос уlмаl, катра вос. Каlаh ёх Сязи, посlаh ёх Серасховат, Юhк восаh ёх, вуlы тащlаl Кев пеlа востытэl порайна, хойтыlаl каlаhlаl сымаllы йиlат, щи нэhхуйlаl нык киllат, хуl веlтыйи. Каlаhlаl касlыты ан верытlат. Щи нэhхет урхотан оlаhhа уllат, щаlта юх хотат верlат, lуhан хуl веllат. Щаlта Кевна яhхам каlаhlаl сусан парта йитэlан, катаllыllаl па таlан касlыман яhхlат. Товийн па Катравосна хащlат, уllат. Катравос щи порайн шеhк вуllы ювиlымаl. Хуl веlты ёх, вой веlты ёх па каlаh нэhхуят арпелак щита уlмеl. Имосайна ляль ёхатаl. Ур ёх ляль. Катравос нэhхуят ким этlат па вантlэl па, lорэl, Катравос хоща уlты lорэl, каlаh ухаl эlты путыя ювмаl. Ур ёхlаl lув пеlаеl орытты питlат па турмеl нёl эlты путыя йиl. Lув тыйщ таха орытlат, Катравос нэhхуят тохещ таха орытlат. Ям вой веlты ёх, япсыя орытты хосlат. Ур ёхатан lорэl таlаhа лап вуям па щиты лялясlат. Хув-ван лялясlат. Катравос нэhхуят восэl тумпийн ур уl, хуl юхат, наhкат. Япсыя lохна яhхты нэhхуят, восэl тум пелак эlты манlат па ур ёх лап еhитlаllаl. Ур ёхlаl таl вос пеlа манlат па юх хотlаl, ур хотlат нох вущитlаllаl. Восэl пайlыя верlа. Щаlта хантэтан еhитман орытты питlайт. Ур ёхlаl щи таха эlты еl ан манмеl. Щи lорэl хоща ур ёхат, каlаhlаl пиlан, ухаllаl пиlан хащlат, паратlайт. Катравос нэhхуятан еlащ ант эсаllайт, Питlорат, Lорвошат пеlа. Итта моlа кем хащам ур ёх манlат щи вуш эваlт. Щи юпийн хантэт, ур ёхат, Lуhх Ават хоща йир версат, вур пиlна. Ур ёх ястатмеl еllы нохащ
тохи ан манты. Манlат ки, lув хощаеl камн атом вер этты питаl. Lуhхlаl хоща йир версат. Йир вермеl, каlаhат хормеl, мусат, lоват хормеl. Щит катсот таl хищас. Ин щи мувеl пайlыя верlэl, ин лялясам тахаеl. Сот-катсот таl нэмоlты хоят щита хот ант верыlыйс. Муваl яма ювам унты. Касlыты нэhхуят тохеl Кев пеlа мантэlан няврэмlаlа щи верат эlты потартlат, парта мантэlан па потарlат. Щи ясаhlаl, там Катравос хоща вуl ляль ус, шеhк ар ур манас. Щи lор нэмаl итта тэlан Ур ёх lор. Щита lув ухаllаl lойсат. Щи катсот таl манам юпина онасlаl ищи щи юш хуват яhхсат, тыйщ яhхlат, тохащ яhхlат. Интам иты щи порайн товийн каlаhат ищи курыlат, каlаhат ищи хаllат. Хуlаh ёхан хоща пуращшак нэhхуйlаl хайlыlаl, каlаhlы питам нэhхуят хащlат. Оlаhна ур хот верlат, щиты уlтэl эlты юх хотат омасlат. Ин там порайн ханты верат эlты каlаhан яhхты хоятат туп яма уйтlат. Советский власть порайн ун поселок ус. Улицайт тайс, коlхос имени Кирова, Ленина. Катравосан арпелак ёхтам нэhхуят уllат. Газетайн ханшам, Катравож в 50-е годы основали. Щит анта щиты, рущат ёхтаман курт ус. Юхат па каlаh нэhхуйlув Питляр пеlа мансат. Катравосан оlаhан уlты питсат Серасховы, Тарымовы, Сязи, Реври. И саран ики ус, Апри ики. Серасховы па Сязи ун рутат усат. Щи ляль юпийн хантэт ай куртатан уlмитмеl. Катравос пуhаlан Тови пухаl, щаlта Собь, Сус пухаl. Серасховат тайты фамилия нэhхуят кутэlан рута ан уllат. Итат Сус пухаlан усат, кимет Тови пухаlан, хуlметlаl па касlысат.
Катравож садик няврэмат Приуральский район карта Клавдия МАКАРОВА lэщатам потар «Приуралье-жемчужина Ямала» фотоальбом эlты понам хорат
3
№41 (719) Lапат хутмет (суббота), Ай тахайт потты тыlащ 11-мет хатl 2014-мет таl
«Туром Аhки вураh lонщ кутн» («Божья матерь в кровавых снегах») Еремей Айпин нэм кашаh хоятан муh мувевн уятlа. Щёрс яртьяhсот ветьяh пеlа нийlмет таlан ущ тыlащ хольмаh пеlа lапатмет хатаlн Сургут район Варьеган куртан lув сэма питас. Ащеl веlпасlоман ус. 1971 таllуhан Суматвош педагогический училищайн утаlтаты верlаl етшоптасlы, щаlта 1976 таllуhан унты lув А.М. Горький нэм тайты Литературный институтн утаlтыйс. Lув куш рущ ясаhан, куш ханты ясаhан иса туhа ханшаl. Lув яма ханшты верlаl эlты Заслуженный деятель культуры Ханты-Мансийского автономного округа нэман 1998-мет таl-lуhан маса, Министерства культуры знакан «За отличную работу» па па мойlыlыса. «Туром Аhки вура lыlтом lонщ кутн» – щимащ нэмпи роман Еремей Айпин тайl. 2009 таllуhан щи роман хуват режиссер Олег Фесенко кина верыlыйс. Оlаh пуш Ветмет всемирный финноугорский конгрессан щи кина вантlтаса. Еремей Айпин романан щи эlты потар lойl, хоты Советска власьт порайн ханты мир хоятат пошкан ёша вуйлимеl па и яха власьт ещаlт нох lойиlымеl. Ольга Ерныхова, хой щи верат эlты номпсат нэпека поныlыйс, щиты ханшиlыйс: «Касом ёх нох lойм верэl
(1933-1934-мет таllуhатн) советская власть хон куща ёх щиты аяlтсэl – «Касом ёх пошкан ёха вуйлийм вер». Щи верат эlты хонна нэмоlты хоят ант потартыйс па номасlаl нэпека ант ханшиlысlы. Рущ ёх нэпекат кутн туп каматса пуш щи эlты потар этлиlыйс па хонна щи верат эlты история верат уятты кандидат В.В. Веселкина диссертация ханшиlымаl. Мет шопаh мосты воlаh нэпекат, хота щимащ верат эlты потрат lойсат, щи порайн хоятата lуhатты ант мийлисайт, lый эlтэlа щимащ пос понман ус «Lуhатты ант рахаl». 90-мет таllуhатн, хун хон мувев уlопса верат па щирашик вантты питсайт, щи Касом ёх пошкан пиlн нох lойм вер ищи па щирншик вантты питса. Еремей Айпин «Туром Аhки вура lыlтом lонщ кутн» ханшмаl порайн шепан хоят пиlн щи верат эlты потрэмийс, рущ мир ханшом нэпекат щи вер эlты туhащира вантсаllы, хоятат пиlн ар потрэмийс. Хоятат ястыlат, роман умща, хошман ханшман уlтаl. Романан анта икет эlты потар lойl, нэ хоят сам юр эlты щата ясаh туlа, няврэмlаl эlты нэhие нумасl, lыеl эlты питlаllы, еl ант хонтаl, вурая питаl, мосты порайн па пошкан ёша вуl.
Хун Еремей Айпин хоятатн инщасlа, хоты lув мув хоятат эlты щикем яма, тусаhа ханшас, lув ястаl, нэпекаl ханштаl эlты иса lув ван рут хоятlаl эlты нумасас: аhкеl эlты, ащеl эlты, акиlаl-имайlаl эlты. Нумасас, хоты lый там вератн, тум вератн усат, муй ястаты вератсат, хоты lый номасlаl lарпиlысат. Нэпек lуhтом хоятат шек умащ ясhат ястыlыlат па нэпека номасlаl поныlысlаl: рут муваl история ураhан lув шек ун онтас вертмаl, ханты хоят уlопса эlты яма торlы ханшас, шоши мираl уlопса воlаhа щи уятмаl. Александр Игумнов щиты ханшаl: «Еремей Айпин роман «Туром Аhки вураh lонщ кутн» хоятат lуhатсат па ар щи эlты потартсат. Анта туп щи эlты потар lойс, хоты lув номпсаhа роман ханшсаllы, щи эlты потар lойс, история верат эlты щи роман ханшман уl, ханты хоят lаварт уlопса эlты потар lойl, па щи эlты lуhтар ханшты хоят ханшаl, хоты щи пора уlопса арщира lойс». Доминик Самсон Норман де Шамбур, ар мир хоят ханшом верат эlты яма уятты хоят, нэпекат толмащты ху, Восточный ясhат па цивилизацияйт государственный институтн рупитты доктор щиты нэпекlаlн хан-
Ханты хоят уlапса пормасат
шиlыйс: «Хун ма Еремей Айпин роман «Туром Аhки вураh lонщ кутн» толмащсэм, ма клятва-ясаh манэма ма щирэмн ястасом. Анта мойпар юрн, анта перна пос юрн, анта Библия юрн. Ма щи эlты иса нумассом, хоты Анна, Роман, Мария нови lонщ хорпи момайт ёшlамн вощхисlам. Номпсэмн ёшн вурlэрlам эватсаllам, вурэм няврэмат аhкэl вур пиlн яха lыlатсэм, щаlта па ма юрлы ляль тохlаh вой иlпия ракатсом, щи тохlаh вой тохаllаlн Туром Аhки хорамаh венш лап кератсаllы, щаlта ма, иса вура lыlтасман, нох lойсом па рут мувем хуват шушмисом, lыlhа хащом хоятат ма хощема вохсаllам, аlмунтыки Туром Ащев па вана воhхсом». Еремей Айпин ханшом романан «Туром Аhки вура lыlтом lонщ кутн» – пошкан ёша вуйман нох lойм Касом ёх эlты – иса ханты хоят, рущ хоят щи пора уlопса эlты шома торlы ханшман уllа. Щит анта туп и хоят lаварт вер, щит иса хон мув хоятlав lаварт верат. Щи номпсаh хоят Еремей Айпин уlтмаl. Щимащ ун па мосты вер рут мув хоятlаl ураhан вертмаl. Ма па сэмйиhк муhхман, роман щи lуhатсэм. Надежда КОНЕВА потар ханшас
•Хорат потарlат
Там хоратан Семен Александрович Айпин верам пормасат, с. Варьёган, Нижневартовский район, Ханты-Мансийский округ
Керан Митры верам хорат.
Няlмет лопасан хорат па уllат
4
№41 (719) Lапат хутмет (суббота), Ай тахайт потты тыlащ 11-мет хатl 2014-мет таl
Мис шавиты ёх арат
Кантэлэтар
Мисат шавиты – муй атом?
Элиас Лённрот актам карел мир арат
(потар оlаh №40 газетайн уl)
Мисат шавиты – муй атом? Ошат шавиты – муй атом? Кевшуп эlты опсыlыlув, Ванши эlты кератлиlув. Хатl пиlн киллиlыlув, Эпlаh мурах lэвантыlув, Сыстам вутаh ёхан эlты Сыстам йиhк муh йинщиlыlув. Вурты рых самаhа lэlув, Сыстам ёхан йиhк муh йинщlув, Ёшlав юраhа ат йиlат, Курlав вевlы ат ат питlат.
Унтат хуват, ёхан хуват Щищки тураl ант па щащаl, Куккук ими па ант lуяl, Нэмоlт хоят ант нарасlаl. Тамащ хатlан ма хощема Эвем, lуlан, ёхтомтыйс, Сорни эвем, омеh эвем, Ма пиlэман потрэмийс. Нарсъюхем, lуlн, вусэм – Щищкет арlаl туты питсат, Юхат, торнат па ар вусат, Лыптат ищи арэмисат.
Мис шавиты нэ, сора ёхта
Сам вошемн тайты похем юшl тата поныlымаl
Мис шавиты умащ эви, Ма хощема сора ёхта, Мисlамн яха шавиllаман, Кат хоятн вантlаllаман. Тата ханшаh мисат уllат, Луhханщапlаl хува щащlат, Нови мисат ищи уllат, Хува хоят эlт ант манlат. Вурты рыхат тата уllат, Тохтаh рых па тата энмаl. Щищки рыхев тата эпlаh, Тохтаh рыхев ищи маваh. Мис шавиты умащ эви, Ма хощема сора ёхта, Мисlамн яха шавиllаман, Кат хоятн вантlаllаман. Хува мисат ант па мантlат. Муй канштыя хува мантlат? Ванши тата тэlыева, Сохаl иты, торнат lойlат. Рэп вурамн юхат lойlат, Кев пелакн нохар юхат, Хаlэвт пелка аhкармаlн Щата сумат юхат lойlат. Мис шавиты умащ эви, Ма хощема сора ёхта, Мисlамн яха шавиllаман, Кат хоятн вантlаllаман. Тата Туром партом похен Мисlаl вантман, опсыlыйl, Яха энмом наh пиlыен, Lавlман, ошlы питыlыйl. Сам вошемн тайты эви, Ям хув наhен lавlыlыlэм. Шек манэма мосты эви, Такан наhен апаlтмаlэм.
Сам вошемн тайты похем Юшl тата поныlымаl, Самн вана тайты похем Маном юшl тата хащмаl. Ваншет тата пуртыlымаl, Кевшуп эlты опсыlымаl. Мува иl па опсыlымаl, Кевшупатн ёнтыlымаl. Сумтат тата – хорам эвет, Нохар юхат – вещкат похат. Мосты похем тата манмаl, Омеh похем тата шушмаl.
Сора ма хощема ёхта Юхат кутн, лыптат кутн Ай щищкие араl туllы, Пиlаl каншаl, рутаl каншаl, Арал ара понылыллы. Ма па ищи, щищки иты, Эвем каншlэм, пилэм каншlэм, Хорам арат тувемиты, Нопсаh ясаh ястыlыты. Пиl нэhием, сора ёхта, Верlан эlты ястыlыя, Наh пиlэнан потар туlман, Номас яха поныlыlман, Воlаh верат, молты верат Эlты яма потрэмиlман. Сора ёхта, пурlомтыя, Lаhкрэм эlты опсомтыя, Рапат иты, щищкет иты, Ёшпатэма lатомтыя. Наhен шавиты ма питlэм, Мин кутэмн яма уlтман, Ояh таlат, ояh lуhат Наh пиlэнан щиты туlман.
Эвем мата мувн уl?
Эвев хотl пеlа эсlы
Хатl этты пелакн, амуй, Хатl омасты пелакн, мосаh – Туром партом омеh эвем Мата мувн уллиlыйl?
Хатl найе, ям вер вера! Эвев сора ёхlы эсlы, Сохlаl йиhкет – сораlтаlн, Курlаl потмат – хошмаlтаlн.
Мосты вер эвиев тайл – Мисат эвев шавилыйl. Пох щи мисат шавиlыйl, Эви щата шук тутлийl. Найе, сора ил олэма, Нёта еша муh эвева: Lэтот ёlн ат кавартыйl, Щайпутл кура опсыйl. Lопас эlты lэтот ат туl, Курэк пошах ат кавартаl, Хуlаh нянь пасана омсаl, Соlамат ана ат хонаl. Мисвой ана ат понтlаllы, Мис йиhк пасан сура туllы, Пирэк нянят, пуращ нёхи, Пасан сура ат аlтlаllы.
Хатlат сорашик ат партlат Хатlат сорашик ат партlат, Lаптат сорашик ат хатlат, Хатl най, юхат сая пита, Lэпсаh юхат сая хата. Варсат кута иlшик lоhа, Торнат кута ханемия, Етн сора ат ёхатаl, Ата сорашик ат питаl. Мис шавиты похев шома Эlаl потlа, самаl вохlа. Мис йиhк, lуlн, lэвемас Хащом нянь шукl lуhхlэмас. Кущайlаl, щит ампат хорпет, Похан – иса машак шашl, Питы кевшуп, потом кевшуп Эви сам юкана тайl. Мис кущайт яма lэвмеl: Эпlаh мисвой, потом хуlвой, Эпlаh нянят lый lухаlтмеl: Хуlаh нянят ищи lэвмеl. Мис шавиман, тайты похеl Хошак йиhкшук йинщемийl, Сором нянькар порэмийl, Таl туп lоват шепемийl. Куща ики номсlаl арат, Ар пелкаlн иса атмат. Похев lэты кумн ант маlа, Нялэl ёшl эlтыя вуlа, Няняl па нох нярэмаlа. Сэhкты ищи сэhкиlыlа, Юхшупатн ворскиlыlа. Куща имеl щикем lыкаh: Куш муй верlан, иса атом, Атом сэмн хоят пеlа Иса иlта вантыlыйl, Номпсlаl иlта тутлиlыйl. Lыкаh ими ёшlаl-курlаl Lовlаl lув ат саlтатlаllы, Lаhкраl эlты курпат унты Lовlаl lув ат шукатlаllы. (еllы па уl) Надежда КОНЕВА толмащас
○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○
Ханты хоят уlапса пормасат
Газета
«LУХ АВТ» Адрес редакции: 629008, ЯНАО, г.Салехард, ул. Подшибякина, 17 (34922) 4-68-03, 4-68-63 Е- mail: luhavt@yandex. ru
Учредитель (соучредитель) Департамент внутренней политики Ямало-Ненецкого автономного округа (ЯНАО, г.Салехард, пр-кт Молодёжи, д. 9) Газета зарегистрирована Управлением федеральной службы по надзору в сфере связи, информационных технологий и массовых коммуникаций по Тюменской области, ХМАО-Югре и ЯНАО 19 апреля 2012 года Регистрационный ПИ № ТУ72-00558
Тираж 700 Заказ 0705 Подписные индексы: на год - 29925, на полугодие - 84611
Газета вышла в свет 11 октября 2014г. Подписано в печать 9 октября 2014г. по графику: 17.00 фактически: 17.00 Газета выходит по субботам Цена годовой подписки 96 руб., в розницу не распространяется
•Хорат потарlат
Издатель Департамент внутренней политики ЯНАО (629008, Тюменская область, ЯНАО, г.Салехард, пр-кт Молодёжи, д. 9) Отпечатано в типографии ГУ «Северное издательство» (629008, г.Салехард ул. Ямальская, 14)
И.о.главного редактора К.П.Макарова