ЙИСАТ УLА, АРТНАТ УLА, ХАНТЫ МИРЭВ НУПТАH ЯСАH! Яlаптаl тыlащ хутмет хатl 2001-мет таl вуш эваlт этты питас
Российская Федерация Ямало-Ненецкий автономный округ Газета №42 (720) Lапат хутмет (суббота), Ай тахайт потты тыlащ (октябрь) 18-мет хатl 2014-мет таl
Агропром хуlом миллиард соlкува вуl Марина Яр верам хор
питаl», – Ямал губернатор пресс-служба щимащ айкеl тус. Ин там хатlатн Ямал мувевн сот пеlа хут сельхозпредприятия тайlув. Нийlсоткем процент щата шоши мир хоятат рупитlат, арпелак lый хуl веlтман па вуlы шавиман уllат. Кашаh таllуh округевн хоятата хуlмет щёрсшуп тонна вуlы нёхи тыныlа, хуl па – яртьяh щёрскем тонна. Ин там
Марина Яр верам хор
«Там таllуhан Ямал агропрома хон мув касна хот эlты хуlом миллиард соlкува эсаllа, lув «Развитие агропромышленного комплекса, рыбного хозяйства и регулирования рынков сельхозпродукции, сырья и продовольствия» щимащ программа хуват рупитаl. Кашаh регион кашаh таllуhан сельское хозяйство верат верты ураhан ох нийl процента аршик вуты
порайн хуl па ёшакура энмаllты питlа, щит ураhан нэман щимащ хуl рутмиllты хотат омастlайт. Вуlы нёхи эlты, хуl эlты lэтот верты предприятияйт яlпа омастlайт, катра хотат па lэщатlайт. Ин округевн вет яlоп вуlы нёхи lэщатты таха вертман уl, lый вуlы хотат лепан омастман уllат. Хонна кат щимащ таха lэщатlа. Пулhавт вошевн па
НОВАТЭК аршик газ шитты питас «НОВАТЭК» компания эlты айкеl туты нэпекатн ханшман уl, муй арат газ, нефть па конденсат там таllуhан яртьяh тыlащ сыс lув шитас. Иса яха ветьяh пеlа хут миллиард кубометр газ мощатмаl па няl щерскем углеводород. Хащом таllуh пеlа вантман, там таllуhан газ кат процента аршик щата мощатты питом. Нефть па газовый конденсат па хольмаh пеlа и процент эlты аршика ювмаl. Уйтlор тыlащ эlты щехр тыlащ унты ветхощьяh миллиард кубометр газ па кимет щерсшуп тонна конденсат мощатом. Компания пресс-служба ясаh щирн, газовый кон-
денсат «НОВАТЭК-Пуровский ЗПК» завод хоща там таl яртьяh тыlащ сыс ветмет щерсшуп тонна lэщатом, щит хольмаh процент эlты аршик. «НОВАТЭК» компания – щит Россия хон мувевн мет ун газ акатты компания. Lув углеводород нох таlты верн Ямал мувевн няльяh кат лицензия тайl, мувн сопасlаl па хуlомхощьяhмет шуп миллиард нефть барреля lойтэl. Ямал мувевн щи компания газ, нефть па конденсат яртьяh тахайн мув эlты нох таlаl. Мощатом конденсат Пуровский заводн яммиllа па щаlта Балтийский щарса Усть-Луга порта китlа.
Щёхр тыlащ оlаhмет хатl вуш эlты газетаята па журналата 2015-мет таlа ханшlтыты пора ёхтас. «LУХ АВТ» газетая кашh куртан, кашh вошан уlты почтаян рахаl ханшlтыты. Таlа ханшlтыты тын 96 соlкува, индекс 29925. Таl шупа ханшlтыты тын 48 соlкува, индекс 84611. Редакцияйн ханшlтыты ищи рахаl: Пулhавт вош, Подшибякина вошхулы, 17-мет хот.
вуlы нёхи lэщатты яlоп завод пуншса, хота кат-хуlом тонна арщир lэтот вертlа. Картопка Ямал мувевна па энмаlты питlа, 2020-мет таllуh унты яртьяhкем тонна хоятата тыныlа. Картопкайт шавиты хотат па омастlайт. Lапатнаhк па Губкинский вошатн па щищкурэкат энмаlты хотат омастlайт, нийlкем тонна и таllуhан щищкурэк нёхи па караh-
пошах щата lэщатlа. Округ нийl вошан ун мисхотат омастlайт, lапкаятн мис йиhк арашик йиl, яhкем тонна и таllуhан тыныты питlа. Мис нёхи па аршик хоятата тыныты питlа. Сельское хозяйство хоща рупитты хоятат, емаhхатlэl постоман, ишакты нэпекатн мойlысайт па званияйт вусат. «Заслуженный работник сельского хозяйства Ямало-Ненецкого автономного округа» почетный звание Максим Вокуев вус, lув, вуlы шавиман, «Пуровский» совхозан уl. «Заслуженный оленевод Ямало-Ненецкого автономного округа» – щимащ званияйн Евгений Серасхов маса, lув «Горковский» сельхозпредприятияйн рупитаl. Хуlом хоят па губернатор эlты благодарностят вусат.
Ай няврэмат ашкуlая lэщатlайт Ямал губернатор представитель (Ямальский районан) Лидия Вэлло Салемал вошн ашкуlа куща нэ Ирина Огородникова пиlн потрэмийс. Няврэмат утаlтаты ёх яlоп щира питыlытэl (инновационные методы) – аhкиlаlащиlаl вуlы хотн яhхты ай няврэмат, ашкуlая мантэl еlпийн па утаlтыlайт. Ирина Огородникова щи эlты ястыlыйс, оlhа ашкуlая манты няврэмат пиlн щиты рупитlат, ашкуlа верат эlты lый ат ат паllат, потартlайт, хоты интернатн уlты питlат, щаlта lый пиlэlн ёнтlат, ёнтман па моlтыя утаlтыlайт, кашаh няврэм пиlн утща па потрэмаlа. Няврэм утаlтаты хоятат аhкет-ащет пиlн па потартlат, инщасlат, хоты няврэмат пиlн потарты рахаl, муя lыеl утаlтаты рахаl. Щи ашкуlа еlпи верат
туhа верты ураhан концертат верыlыlайт, емаhхатlат постыlайт па па щир верат вертlайт. Лидия Вэлло ашкуlайн музыка урока яhхмаl, хота няврэмат арыты утаlтысайт па, ёнтты кашн, рущ ясhа па утаlтысайт. Lув щи эlты ястыlыйс, ашкуlайн ар вер щи кеша вертlа, утаlтаты ёх ай няврэмат яма утаlтаты ураhан моlты мосты верата иса питыlытэl. Регион куща ху прессслужба хонна щи эlты ястыlыйс, Лидия Вэлло Салемалн хонна хоятат пиlн потрэмомаl, инщасмаl lыеl, хоты уllат, муйщир нётопса хоя мосl. Хоятат уlты хотlаl эlты потар тувмеl, хоты хотlаl хошмаllайт, хоты нови тут lэl па па верат эlты па потар lойс. Надежда КОНЕВА ИА «Север-Пресс» элты толмащам айкелат
2
№42 (720) Lапат хутмет (суббота), Ай тахайт потты тыlащ 18-мет хатl 2014-мет таl
«Солнечные блики бересты» нэмпи нэпек па кино этаl Хащам lуh Кушеват куртаlан Зинаида Викторовна Лонгортова тонты ёнтты вер уйтты хоятат актыlыйс. Там порайн тонты эlты пормас ёнтты хоят воlаh антом, вераl ёрэмиты питса. Щишан, яха ёхтыlыйм хоятат катра вер нумаlмисэl. Яhхам верэl Зинаида Викторовна книгая lэщатсаllы па хоlна киноя версаллы. Нэпекаl па кинойl и нэм тайты питlатан, «Солнечные блики бересты». Тата па lув яhхам верэl эlты потараl: Там lуhан муh хоятат акатсаllув ханты куртэван, Кушавт вошеван. Хоятат вохсув, хой тонты ёнтты хошаl. Тонты эlты йиhlат, вонщапат, хинтат, онтапат катра верыlысайт, щимащ вер уйтты хоятат вохсув. Геннадий Ефремович Хартаганов муh хощаев ёхтыlыйс, ХантыМансийский автономный округ эlты Волдина Галина Семеновна ёхтыlыйс, lув Октябрьский вошн уl. Евдокия Александровна Тыликова Овкурт эlты ищи вохиlысэв, lув ант верытас ёхатты. Мосаh, папуш актащтэван, лув ёхтыlыйl. Жюри рупата туты ёхтас Надежда Михайловна Талигина. Щаlта жюрийн Лидия Павловна Хартаганова ус, lув «Питlор ёх» община хоща куща нэhа уl. Щи хоятат ёхатмеl пищан муh иhlат верты утаlтысув ханты щиран. Муh куртэван хоятат хуван ант уllат, куртэв таl. Горка вош эlты хоятат ёхатсат, хой lаhхаса. Хоят ант ки lаhхаlа, юрн хун вертlэв вохты. Туняl тэlан муh ястыlув, ёхтаты муh хощаев. Муh ханты щиран тата уllув, ханты ясаhан няврэмlув пиlан потартlув. Там пуш па, хун иhlат ёнтты питсув, вошн уlты имет ты вуратты питсат. Щит хоты ям. Муh щита ущ ёхатты тыlащан усув. Щи порайн тонты нови, щишан, шеhк ар пормас вермев антом. Нови тонты эlты иhlат ищи рахаl ёнтты, туп ханши ушиты щираl антом. Щишан, муh утаlтысув иhаl ёнтты, люм юх варс lэщатты. Нохр юх lэрlаl оlаhан мосаl каншты, щаlта lэщатты, щита ищи шеhк ун рупата уl. Тонты хорты утаlтысув. Щи хоятат ёхтам веран муh шоши хоятlув ищи шеhк аматсат. Lувиlаlа ям ус, хоятатан ёхатсаюв. Юхат па утаlтымев юпийн, сус пеlа мастер-класс верты партсаюв. Муh, ванты, грант щиран щи рупатаев версэв. Охан масаюв всероссийский конкурс эlты, «Культурная мозаика малых городов и сел». Щита охев митаlаса книга верты па кино верты. Щаlта округ эlты муh субсидияйн масаюв. Щит хоятат сохаптаты ураhан, хой мастеркласс верас, рупитты пормасат, катлятпи кешет, щи охан
lутыlысув. Щаlта мойlапса юкана ох ищи митаlаса. Щаlта щи охlув ураhан кашаh lапат отчет верты мосаl. Щишан, аршак пормас сора верты мосас, щитlув выставкайн айlытыя, мастерклассатан па хоятат муh утаlтыты верэв уl щи пормасат ёнтты, иhlат па вощпат. Ванты, мастер-класса манlув, щита хой ёхатаl, щитlув утаlтысlув. Оlаhан мин Ирина Макаровна Истомина пиlан вохиlысайман Горнокнязевск курта шоши мират емаhхатlа, 9 августа. Мин щита мастер-класс версаман, тонты тохи тутlысман, щаlта юх lэрат, нохр юх lэрат, люм юх варсат. Хоlна мин инщасlайман, там хоты анта люм юх варсат. Ма ястыlам, нын эпсантыяты, вантаты, хоты аваl. Щаlта щи пормасlаман эlты Ирина Макаровна иhаl верас, вонщап верас, ма па вонщап версам. Айlыlаман, хоты мосаl щи вонщапат верты. Няврэмат ёхтыlысат, энамты хоятат мин хощаеман ёхтыlысат вантты. Щаlта и эвие lув вонщап верамтас, lойтаl эlты. Няlкем щёс мин щита омассаман. Ма lувеl lэпат тонтыйн масэм па lув щёс манман вонщап верамтас. Щаlта ун имет ястыlат, муh ищи lаhхаlаюв нын куртана иhаl верты яhхты, нын телевизор хуват айlысайты. Ма ястыlам, нын lаhхаlайты ки, муй атом, lуhа йиl, телефон хуват айкеl верlув, яха ёхтыlыты ищипа рахаl. Верытlаты ёхатты. Муh нынан айlыlув тамащ мастер-классат.
Щаlта киметты муh вохсаюв Муши воша. Щита па ярмарка ус. Щи ярмаркая хоятат камн хорпи пормас тусат тыныты. Ар курт, ар вош эlты. Арпелак иса хуl, нёхи, мувн энмаlты lэвпасат, вонщам отат, иса ярмаркая тутлисlаl па тынысlаl. Муh ищи щита тынасман lойсув. Щи хатl йиhк хопат яhхты щирэl антом ус, вотаl так ус. Валентина Даниловна Вакуленко ёхатты вераl ус. Ма lувеl аlансахат lаваlсэм, lув па хатl кутап юпийн туп ёхтас, кат няврэм хоlна патан тус. Ювмеl сыс йиhкан тэмамат, каэска ай катеран ёхатсат. Ищипа lув ёхтас, арыйс щита, верам иhаllаl аlиlыйс. Эвеhиlаl ищи ёхтыlыстан. Иhаl ёнтты вер мин щита аяlмеман антом, туп тынассаман. Иуlтыя хольмаh пормас мин тохи тутlысман. И пелак пормасlаман lутсайт. Сот соlковайн ай вонщапат тынысув, ун-
Зинаида Викторовна тонты хораl
шак отlаl ветсотан. Ямшак пормасlув, ун иhаllув вет щёрса опсаlсаllув. Щит, ванты, ант ат lутсайт. Щаха еllы па выставкая туты ураhан. Щи пормасlув еllы финно-угорский выставкая хайсыllув. Щита па айlыты мосаl. Грант щиран рупитман, муhева мосаl кашаh выставкая пормасlув айlыты. Щаlта муh эlтэв газетаятан, телевидение хоща айкеl ат уl, муh щита усув. Щи ураhан муh хоlна пормасlув хоl тыныты ант верытlаllув, кимет выставкая хайты па мосаl. Верантты ураhан ям тонты мосаl. Муh хопитам тонтэв харэl юшаh, харhайl ушиты щираl хоlна антом. Ям харhайl там тыlащан, оlаh lонщ питтаl еlпийн этаl. Тонтэl питыя йиl, щи порайн рахаl хорты. Товийн па хорlа, хотаh-lунт ёхатты тыlащан. Муh па ущ ёхатты тыlащан хорсэв, щи порайн воllы новия йис. Щи тонты хот тонтыя вуты рахаl. Щи тонты каварlа, куш муй пормаса щи тонты рахаl ёнтты. Харhа ант тайl, хорам верты щир ант тайl, ханши ушиты щир ант тайl. Рущат па па щираншак тонты эlты верlат. Lув ханшиlаl эlты тохи аймlыlаl. Щишан, муh тампуш верам пормасlув ищи щиты аймтысlув. Ванты, грант щиран верантlув, сора lэщатыты мосаl. Ин яlап таl унты вет выставка муhев верты мосаl. Сора па сора. Ин муh пормасlув хуlмет выставкая масlув. Хоlна кат выставка хащаl верты, договор щиран lэщатты. Яна щи, грант ох оlаhан шитты мосаl, щаlта па хошман вер сахат посатты. Кашh соlкова отчета ханшты. Зинаида Викторовна щи вер ищи утаlтымаl. Там потраlан lув муhева айlсаllы, хоты грант щиран рахаl рупитты. Хоты lув ястаl, хой грант охан моlты верты утщийl, lув щи хоята нэпек lэщатты нётты верытаl. Туп ям сампи па мираl эlты нумасты хоят щиты ястаl. Хушавтан уйтантыйм вер эlты Надежда Михайловна Талигина юхат тамиты ханшас:
Тамащ вератты тахайт мосlат муй ант мосlат ханты хоят ураhан? Ма ястыlам – ше-ек мосал ханты хоята тамиты актыщитыя па вераттыя, уйтантытыя. Тамащ вератты тахая хоятат ёхтыlытэlан ищи матты катра хуван хащам иша ёхи питамтыlан сора кеша – моlха антеh-ащеh хота и куран пурмиlан па нох верэмиlан. Наh нэш рущ турма хуван-ванан питмен па щита щи уllан. Кушеват курта ёхтыlыйм хоятат
Клавдия МАКАРОВА ханшам потар, Надежда ТАЛИГИНА верам хорат
3 Хота сак оlhа верты питса? №42 (720) Lапат хутмет (суббота), Ай тахайт потты тыlащ 18-мет хатl 2014-мет таl
Ханты па охаль нэhат шек туса сак эlты хорамат каратlат: турлопсат, сакпаlат, саккеlат. Тучаhат сэвlат, ернас lытовlаl хораман ёнтlаllаl, ернас понlаl па сак юрн хораман поныlыllаl. Хольща па катра сак тутлиса? Мата хон муван мет оlhа верты питса? Мата хон муван метшик хорамаh сак верlа? Щи эlты тата потар lойl. Хут щёрс таllуh эlты Древний Египтан, Сирияйн, Индияйн сак эlты пормасат, хорамат верты питсайт. Египет па Сирия хон муват эlты сак оlаh соттаlан Римский империя тутлиты питса. Оlhа сак Александрия вошн верыlыса, щи юпийн Риман па верты питса. Па хон муват Италия, Греция,
Галлия (Франция), Испания, Португалия, Германия щи юпийн па сак пормасат верты утаlтсат. Ветмет соттаlн мет воlаhа па хорамаhа сак Византия хон муван верты питса, тохеl Грек па Ви-
зантия муват эlты тус ёш ёхат па мантсат. Ветхощьяhмет-лапатхощьяhмет соттаlатн Венеция хон муван верты тынаhкеват мир хуват lутlайт, ишакlайт. Щаlта тынаhкев пормасат, сак эlты
вером хорамат. Хатl этты пелка, хатl омасты пелка ун тынан тыныlайт. Щи пораятн хоятат шек ай сак (диаметр 0,5) па сорнийиhкан па селохаh йиhкан поlыйм сак каншlат. Венеция хон мувн сак верты верат па хон мув хоятат эlты ханятман тайса. 1275-мет таllуhан хон ясаh щирн, хоlыева ун заводат, хота сак пормасат верыlыса, Му-
рото пухра Адриатический щарса тусайт. 1275-мет таllуh эlты па хон мувата сак пормасат тыныты ант питсайт: па мув хоятат ант ат уятlат, хоты Венецияйн сак вертlа. Щи пораятн кашаh хоят, хой тынаhкев эlты пормас верас, шек тащаhа ювантыйс. Хутхощьяhмет-lапатхощьяhмет соттаlатн Испания, Португалия, Нидерланды, Франция хон муватн па тынаhкев верты питса. Нийlхощьямет соттаlн Германия хон муван па сак верты питса па хонна фар-
фор. Еша таlат хащман Чехия хон муван па тус ёш ёх мет хорам тынаhкев верты утlас, мет сыстам, мет каlы, щата верты тынаhкев метшик волийс па метшик так ус. Тынаhкев верты верн, щата сода юкана кур хиш понты питса. Щит ураhан Чехияйн вером тынаhкев «унт тынаhкева» аяlты питса. Мет умащман Чехия мув тынаhкев пормасат нийlхощьяhмет соттаlатн lутты питсайт. Хорам олёпан сакат поныlысайт, щаlта анта туп еhтая сакат верыlысайт, йирlаl па
ар щира верыlысайт. Ярхусмет соттаlатн хоятат щимащ машина верты питсат, хота сак верыlыса. Щи пора эlты сак тынаl иl питас. Сорни эlты, сел ох эlты, карты (сталь) эlты Париж вошн сак па верты питса, эlты йирlаl па Германия мувн lэщатыlысайт. Русь хон муван па катра тэlн тынаhкев верыlыса. Йис горо-
шатн па тынаhкев вер еllы туты питса. Тынаhкев эlты сот щир сак па верыlыса, ар щир олёпан эlты поныlыса па йирlаl ищи ар сыра lэщатыlысайт. 1635-мет таllуhан Москва вош пуhаlн Духонино айшик вошн тынаhкев пормас верты завод верса. Ин там уlты порайн метшик ар сак пормас Чехия хон мув
дищаятн, пухратан археологат сак па тынаhкев эlты вером пормасат уйтыlыlат. Яртъяhмет соттаlн Киев вошн щимащ хотат омпсыlысайт, хота тынаhкев эlты анат-сунат верыlысайт, каматса пора хащман па Чернигов, Владимир, Рязань, Галич во-
вераl, lув соткем хон мува сак тыныйl. Япония па Тайвань хон муватн ищи ям ар сак вертlа. Журнал «Сделай сам», №2 1992 г. Э.Н. Литвинц ханшам потар эlты Надежда КОНЕВА толмащас
Клавдия МАКАРОВА верам хорат
4
№42 (720) Lапат хутмет (суббота), Ай тахайт потты тыlащ 18-мет хатl 2014-мет таl
Кантэлэтар Элиас Лённрот актам карел мир арат
•Хорат потарlат
Сакан хорамтам пормасат
(потар оlhаl № 41 газетайн уl)
Вещкат ими тайм эви
Эвет арат Атом номас еllы китlув Эвет, яха актыщиlув, И пуляhа омсомтыlув, Туры сыйlав туса понман, Хорам арlав тувемиlув. Тышты верlав хайиlыllув, Lыкlав еllы вощкиlыllув, Тынан муh па хойн понтlаюв, Хоя муh па тыныlаюв? Тынэв сахат патр ох маlув, Lаhки сохат ёваlтмаlув. Эвет, яха актыщиlув, И пуляhа опсомтыlув, Якты верlав туса понман, Якlав туса тувемиllув. Арlав похатн ат хуllайт, Якат похата ат щащlат, Милlаl ёша вуямтоман, Ов йир сая ханемоман, Ёхи lоhты пищ ант тайlат, Хота шушты юр ант тайlат. Муй эlты па пиращ имет Полащ туты ин па питlат?
Аhки пела вещкат ясаh Якат якты ма тый ёхатсом, Арат арыты тый шушсом, Анта таl тахийн уlты, Анта полащ туты ёхатсом. Якты-арыты ма ёхатсом, Хорам ернасlам па альты, Туром Ащия ох понты, Щимащ ойа ма щи питмем, Пиllам пиlн тата якты. Апраh яка питыlысом, Сыяh ар па арыlысом, Иl па ма ант ханемисом, Якем туса тувемисом. Яком верlам, аром верlам Аhкиема иса туllам, Ащема па ястыlыllам, Хоты апраhа ма яксом, Хоты арlам тувемисlам.
Муя тышlаты нын, похат? Муя тышlаты нын, похат? Мосаh, номасlын щи эlты, Вошаh эвиlын lэl эвет, Карща ант па ювантымеl? Куш lый карща ант па ювмеl Каркам эвет, апраh эвет, Сотщир вер lый верты хошlат, Сотщир пища питыlыlат – Хотхар сохат пусэмиllаl, Пасанат нох лёхемиllаl, Хотхарlаl ант ёрэмиllаl, Нови унты ушиlыllаl. И таl хащаl, кимет хащаl, Хуlмет таl пеlа щи манас, Ин муh хорасаhа йисув, Ин муh карща иса йисув, Шома пошом мурхат хорпет, Шома пошом шупшет хорпет, Пошом аншет, пошом рыхат, Пошом вурты рыхат хорпет. Каращ эвет кутн муh па Метшик карща вантысыlув, Хорам эвет кутн муh па Мет хораса вантысыlув.
Газета
«LУХ АВТ» Адрес редакции: 629008, ЯНАО, г.Салехард, ул. Подшибякина, 17 (34922) 4-68-03, 4-68-63 Е- mail: luhavt@yandex. ru
Тыlащ хойн утаlтаlа? Ясаh хой Хатlэва ястаl? Вещкат ими тайм эви Моlты иса lув щи вераl. Сохом верты lув па хошаl, Щашкан па щи эlты сэваl. Апраhа lув ёшlаl яhхlат, Сохмаl иса ваща тыйl. Щатщащиlаl вером сохмат Эвев ин па веромтыйl, Сохом верты пормас юрн, Ващ сохмие, хошман, сэваl. Сохом верты пормасыеl Аl хенийl, аl арыйl. Ху хоятат инщмаlтыlат, Нэhат ищи инщмаlтыlат: «Муй па щата хениlыйl? Хой па муй щит верыlыйl?» Эвев аhки, ёращманшик, Щиты потраl тувемиllы, Щиты ясhал ястэмиllы: «Сорнеh эвем сохом пуlаl, Тынаh эвем сохом вераl». «Ваща сохом эвен сэваl, Туса сохом эвен вераl?» «Иса туса, иса ваща: Тыlащ эви, таhха, сэвас, Хатl эви, таhха, сэвас. Туром хусат юрн эвем Сохомlаl щи ваща сэвмаl, Па хут курпи кураhвой юрн, Хошман, иса эвем сэвмаl».
Нэ мил
Тасма
Карел мувн ху па антом Там куртэвн ху па антом, Тум куртэвн ищи антом, Нэмолт вошн хоят антом, Кареl мувн хоят антом. Куш нови хатаlн наh ванты, Куш питы атн lыеl канши, Сама мосты пох век антом, Хой па lуема lуйт понаl. Эви сапаl хораптыя Сапlа понты сак па антом, Эви lуят хораптыя Сорни lуйтат ищи антом. Виро мувн хоят каншlом, Саво мувн вантыlыlом, Турку мувт пеlа яhхlом, Выборг мувн каншиlыlом.
Тучаh
Ма паlатэм хоят каншlом Акань онтап
Атом хоят ант па мосаl! Нови веншпи нэhие ма, Хорам хорас нэhие ма. Lэlшик хоят ант па мосаl, Каращ хоят манэм каншlом, Каши-мушlы ат ат lув уl, Lэпат сам па lув ат таяl. Ямат нопсат, хорам ясhат Ху хоятэм ат па таяl. Ма эlтэма нумты питlат Восты сэмh Койтере похат, Токраярви хорам похат, Люлюваара нопсаh похат, Кирсерваара апраh похат Па Сонкая каращ похат. (еllы па уl)
Сакаh сах
Надежда КОНЕВА толмащам арат
Учредитель (соучредитель) Департамент внутренней политики Ямало-Ненецкого автономного округа (ЯНАО, г.Салехард, пр-кт Молодёжи, д. 9) Газета зарегистрирована Управлением федеральной службы по надзору в сфере связи, информационных технологий и массовых коммуникаций по Тюменской области, ХМАО-Югре и ЯНАО 19 апреля 2012 года Регистрационный ПИ № ТУ72-00558
Клавдия МАКАРОВА верам хорат
Тираж 700 Заказ 0706 Подписные индексы: на год - 29925, на полугодие - 84611
Газета вышла в свет 18 октября 2014г. Подписано в печать 16 октября 2014г. по графику: 17.00 фактически: 17.00 Газета выходит по субботам Цена годовой подписки 96 руб., в розницу не распространяется
Издатель Департамент внутренней политики ЯНАО (629008, Тюменская область, ЯНАО, И.о.главного редактора г.Салехард, пр-кт Молодёжи, д. 9)
К.П.Макарова Отпечатано в типографии ГУ «Северное издательство» (629008, г.Салехард ул. Ямальская, 14)