Мэбета вадаваd илаs пананs етриs мэкваd!
№ 44 (4745) 2015 поS октябрь ирыS 31 яля СУББОТА Российская Федерация Ямало-Ненецкий автономный округ
•Сиdив яляхана
Aэдалёрaа Тандаяs тэравы депутатна” округна” тиaгывна aэдалёлыдd. Хэвы си”ив яляхана Эдуард Яунгад Ямална” aарка мароdмана, районdмана aэдалёлыць. Пырдариs нюдя пэвдей ирыs юдимдей яля пиркана aадимда. Ноябрьскан’, Губкинскоян’, Муравленкон’, Надыман’, Новый Уренгоян’, Тарко Салян’, Тазовскоян’ тэворта. Танянанда общественной организация” aэвахана мэна” ненэцие”, aэрм тер” нядабада” , «Ямал- ню”на” я!» ассоциация тер” лаханако нята. Эдуард Хабэчевич тарем’ лахана: -Теда невхы иландо’ нёдана” aэрм тер” несэйвана нядабаaгунаd. Депутат” ненэцяaгаdна aамгэ таравамs сававна теневадоs. Маняd ненэциенаd иламs сибимдева еdэмня манзараваd.
Халэдо’ aавыдоdaа” Вэба ирыхана ты” пэрти”, халядана” ненэцие” серо” таслабада департаментхана конкурсм’ мэ”aаць. Таняна округна” тиaгывна сертабада” aавыдотаd aавар” тэрабиць. Aодиd, сэротавы, сямдаравы халя”, aамза”, нянь, тамна aани aавар” тасламбиць. Сямянхат aавыдота aавар «Лучшее на Ямале» ненадумдаdмамs тадтамба пирта. Aоб” тэравэдо’ «Пур-рыба» предприятий сертабада халя”. Таняна сэротамбада халядо’ сямянхат aавыдоdмы. Тад нерняs предприятийндо’ тер” «Лучшее на Ямале» ненадумдаdмамs мэта”.
Едэй школа aадимда Надымской районхы Ныда хардахана aарка пэвдей ирыхана ервd едэй школам’ нэванзь пэрaаd. Тикадо’ няхар” яaорэй aэда харад. Самбляaг юр” сидя ю” сиднтет aацекэнs таславы. Школаханандо’ сёбарd ненэциетоs лохо яaга нёсавэй aэaгу. Aарка ненэцяd манзараdмитоs пуд aани сянако пиртадо’. Тикы хавна мастерскойдо’ aани таня”. Мирць, панорць пиртадо’. Тохолко мэта лоходо’ невхы школахадандо’ саць вэaго.
Халям’ вадабаaгу” Округна” Саля яв мюня халява” суса. Сюмбак, сявта сяндаaэ хаяхаs. Aадьбятоs луца” халям’ етёd таславы яхана вадабаванзь пэрaадоs. Aоб” тарця халя” заводм’ Собь яха няна сертабидо’. Мэтаваd пона” пудана яляхана манзаралтыd. Таняна вадавы” халэ” ханиd Саля яв итs aэдарамбаaгудоs. Aопой похона юр” миллион ханим’ итs aэдабтамбаaгу”. Нерденаd хани” сидя поs хэdмяхад Собь яха мюня aадимдаd. Си”ив по’ хэdмяхад таняна вадёвыd халяd ёртина” поaгахаd ереберта”.
Мэкад конкурсм’ мэ”aаць Пуровской районхана Тарко - Саля маркана хартоs иландо’ нивандо’ юрвандо’ е”эмня ненэй ненэця” варемдо’ мэdaа”. Мартоs ядхана aэрм тер” няхар” aарка мядм’ мярвыць. «Хозяйка чума» конкурсм’ мэ”aаць. Пыдо’ сямянхат ваdлёй нем’ тэрабиць. Помнандо’ пирдырмы” не” нерде хартоs нямнандо’ вадам’ мэ”aаць. Aамгэмs пэрмамдо’, ханзер” сэдора теневавамдо’ манэ”лабтаць. Пуна хусувэй не мякнанда тумда ханзер” пятабавамда манэ”лабтамбись. Жюрихана мэна” не” сертавы” aавар” хорпиць. Сэдвы паской паныдо’ манэсарaаць. Тодо’ янs хэвандо’ нерня концертм’ манэ”aаць. Хусувэдо’ конкурсхана мэвэдо’ aуда тер” ня”маць. М.Ярs падвыd
Выaгана манзая aока Выaгана иленяd ненэцяd теда манзаямдоs нерня минредоs. Таaы мэтаd ханодоs мале хурэйдонзь. Сыраs мэта мядодоs палaаць. Ядембада хордоs тедахавs пятабиd. Ямал няд aэда Сэротэтто Дмитрий таремs мась: - Мале aахана сыримясь.Сыв мэdманда ханонаd, мядонаd хамедэйнаць. Та ямбанs ханзось. Тынаd aайdaаd. Хадырмаримдоs пэрaаd. Малкода хасаваaэ ваномдоs таслаdмахад мяд някуs мэсетынаd. Aаниd серd aадиберaаd. Тынаd исялворaаd, хаaгулаaгаd. Ниня aадьда хабцяd. Aока яaгу. Таремs хэвы тыd aамзадоs aаворта ниaаd. Хабцямs яхад хомбидоs. Писяd, нохоd aокаd. Хабцямs ядэланаd тиd. Тынаd толабинаd. Тора сыра нимня
мядоdмана aэдалёрaаваd. Малтаваd. Техэ хэвыd тынаd aэсыхат яркыбинаd. Тынаd маdламахаданаd хабарта мэта мятs ядэртаваd. Мядs терd малs таремs ятнаd. Сыраs савовна хаdамва нерня тунаd пяд пэрaаваd. Яха лабтахана неро пальd. Лаaг ниs вадёвы няaота нероs хавдамбиваd. Сидя сян хан терd нероs пахаd мюсева мальaгана саць тараd. Тикы хавна нянзьда салаба нимня поaгарaаваd. Сырамs мадавнзь ятнаваd. Aамзинаd мисоdмахаданаd, нерня мюсева ёльцьaэ ханда. Aамзинаd есямs харад няна няdамаaгунаd. Aахаs ядэрма еdэмня, еся хандаваd пюртаваd. В.Пыриркоs падвы. Сидяaгахаs пыда тадтавэхэюда.
2
НЯРЪЯНА AЭРМ
2015 ПО, ОКТЯБРЬ ИРЫS 31 ЯЛЯ
Халя нямна тасалкуць Россия янаd президент Владимир Путин халя нямна марцьхыда лаханако няdaась. Тикы сермs ханзерd тидхалевамs вадеdaась. Тамальaгана маняd янаd терd мирдатаaгодаd ненэцяd халямs aани яхат вэвавна тэмдабавамs вадеdaась. Таремs ереберaа, aарка янаd терd ненэцяd хартоs пыхыдадоs aавла яdмаd. Хэвняд тэмдабада халя саць миреdaа. Aани яd терd aаворта халянаd мирмs тасламбиd. Няднаd сепедоs саць пандамбидоs. Таремs хаdморпата aоб ни серосd. Хибяри ненэць миретя халямs тэмда яdмада. Нянаd мирдапдидоs ханяaэхана вомыd aэсь пэрaаd. Тикы сермs таслава еdэмня хусувэй округ aэвахыd марцьхыда табедэйдась. Ханяaы янаd вакхана, хибя халямs хадабавадоs тасла сероdaа. Халэd вадаба мэта заводd юрыба ниd серосd. Aарка янаd тиaгывна халянs харванаваd aока. Нюртей няна школаd, садикd, солдатd, палытанаd, МЧС терd aавла тараd. Харdнаd пыхыданаd aавламба пябнаd тара. Минреня экономикаваd савовна тидхалтыd. Илмаd тамна савумда тоdолха aэaгу. В.Пыриркоs падвы
Тазовской районхы ты” пэрта” хэвы си”ив яляхана тыдо’ толабиць. Хабармандидоs таслаць. Aока тыдоs «Тазовскийм’» нюбета агрокомплексхана яхаaгудоs. Тикы комплексдо’ Антипаютахана aа. Aэвахана мэнадо’ Степан Вануйто тарем’ лахана: -Aавнанда Aэдя, Паюте выaгана хартоs илена” ненэця” тыдо’ мерs хабарпавандоs е”эмня комплекс aабтавы. Тюку поs ял ты” пэртярихат мат” ёнар” тым’ хабартава”. Тамна сидя ёнар” тым’ «Антипаютинской» совхоз’ тер” комплексан’ тэвраaгу”. Aокханда няхар” юр” самбляaг ю” тонн aамзамs aыдаванзь пэрaава”. Теда комплекcханандо’ яхана мэdманда aавэдоs хамедамби”. Хахаяда яляs Хальмер Седехад таняна манзараванда” ненэциедоs тиртя aанохана тэвраaгудоs. Хабартавандидоs Паюте’ тер” aэaгуd. Хор” ирыs пудана яляхана нердена тыдо’ тэвраaгудоs. Нюдя пэвдей ирыхана Хальмер Седе няна СПК «Тазовской» предприятий ненэця” комплесамдо’ хамедамбаaгу”. Сидя сиdив яляs хэdмяхад нерденаd тыдо’ тэвраaгудоs. Aарка пэвдей ирыхана «Гыдаагро» предприятий’ тер” яханаaгу”. Хусувэй яханавахана ты” лекар” манзараaгу”. Лекар” хибяндо’ ханяaы комплексхана мэ-
•Ненэця илs
Яхана” вам’ aобтикы таславы. Пыдо’ тытоs вэям’ манэсартаd. Ямальской районхана aобтикы хабарта”. Юрибей факторияхана яханава комплексхана хэвы сиdив яляs яханалавыдаць. Нерде «Панаевской» предприятий’ aэсы тер” тыдо’ пакалмыць. Нюдя пэвдей ирыs нерденя яляхана Яр-Саляхана, Сё - Яхана яхана мэта комплексd манзаралтыдd. Aокханда си”ив ю” ёнар” тым’ хабарта”. Округханана” небоs сидя ёнар” сидя юр” тонн aамзамs хаХаритон Вануйто медавыць.Тюку поs планадо’ тамна юр” кыла пирувна aока aэбта тара. Округна” тиaгывна мат” яханава комплекс манзараd. Ярсалинской, CёЯхинской, Юрибейской
хабарталва” – «Ямальские олени» предприятий комплекс няд падaгдыd. Таняна сямянхат aока тым’ хабарпи”. Тикы хавна Ярсаляхы, Юрибейхы хабарталавахана яхавы” ты” aамза” aани параaода ян’ aэдарамбидоs. Тюку по’ «Ямальские олени» предприятийхана aэвахы aоб” кыла ты aамзам’ юр” сиднтет ю” есявна тэмдабидо’. Тикахад aылнякуй aамза - юр” сидя ю” еся aэaгу. Aаниd хабарталваd Тазовской, Надымской, Приуральской районхана таня”. Теда мале «Паюта» комплесхана тет ю” тонн aамзам ты” пэртя” aыдавыць. Таняна вэба ирыs нюртей яляхана яхана пэйдаць. Таёльцьaгана Валентин Вальгамов хартоs илена” ты” пэртя” комплекс ядувна мюсе ханdaа”. М.Ярs тадтавы сидяaгахана хабармы тыd aамзи маниеда”. М.Яройs падвы
•Ненэця илs Няхарdaэ Итя Aабтеня яв нямна aэдалёрaаваd. Яха нявхана нуваd, туваd пятабиваd. Икад някd aэвариd aадиберaаd. Маняd сиднаd мэкад aамгэaэ маниеd. Aариs тальцюд aабтваd тюнарманs харваd. Пыяридоs манзаяdaаd. Ямб муноциедоs мерцяхад aабтмs няdмарпиd. Идs aылад aадивоdмахадандоs индадмs нэкалпа тэри поснаd. Юрхалаaганидоs саць хахая aадимзетыd. Aариs тикахад сяканд сырта. Париденяd сэврида ялкадартаd. Тарсиd лэрёда. Идs aылs лакриs сакадаaгу. Пуняaы манаханата идмs наdволтада. Идs тянриd хаёдаd. Aаниd нида муaгата тоса пэaгудd. Тэри васартаd. Невхыd похот идs ханесэйd юрта сава aэвы. Сыра ямбанs ненэцяd aавормэдоs. Хобамда саaэ мэdмэдоs. Aамзамда тиd ниня тырамтамбвэдоs. Пуна сяхариs
пирембавэдоs. Лыдоs вэнd aавраaэ таравыd. Aэваридоs яханаdмахана хаюрмыd. Пя маланs aыдабавыдоs. Яв иdмня минреня сехэры тэри тарця ниaаd. Тосакабты. Мима ёльцьaгана хусувэй aамгэмs тасламбиваd, толабиваd. Ехэрана явна миндаaэ сехэрэваd вадеdманда ёльце тара. Мара пыямs сюртемба выдараваd. Aахана идs няна хэвэваd. Мерцяs сахама серs пуняs сюртеваd. Таремs aатенаваd. Aарка итs хаdамва тоdолха ниaаd. Мерця саdaа. Лакриs идs няд, хамбd поaгад aано aадимя. Нерня тамна ниваd пунрюd, ханзерd тарця мерцяхана aано ядэрта. Ёркта яха тер ненэцяaгs aэвэхэs. Лаптандер Такоця хасава нюнда Олеганда няs aанэрмэхэs. Яхаs лаaганs aанонаd якра-
дэйнаd, aамдынаd. Лаханакурaаваd. Вэсако поaгаданаd ямs, явs идмs хаме дамбадамs пю. Нись табаaгs хурка aэваваd хорпи. Малs aобd пирсаваd aэвэваd. Aопойриваd тэри ханева пирувна ямдs хаdмормы. Aарка ненэць сиднаd сянзь, тохоламба лахана: -Я нимня, яв нямна aабцата ядэрць сероdaа. Тикахана харт ямд теневаaгур. Хасена ни тараd. Сехэрэнда сидя таркада. Ханяaы таркамs ханавамдаd хартаd таслаaгураd. Хасава нюниs няs, маниs тэри пяванда сехэрэмдаd вадетамиs. Салоdма яхадандаd тамна тяхакуна мара пыя маха няюs пяраd. Миндаd едs яха хаdморaа. Aопой aэдалава пеля ид няs хэdмяхадандаd, мара пыямs хэрамтамба наaэдя aэдалава мада тара. Я aахакуна aадяaгу. Ямs хахаялтемба пябтаd торавэнs тебаaгудаd. Тикаха-
Ёркта яхаs терd на aаниs идs някуs мэираd. Нерандаd няна aарка саля пыя aадимда. Етя пяираd. Пыдараd aанораd яноdaа. Нерня aэдалава aэсоaгана лата итs хэсь сероdaа. Тандаяs наaэдя aэдалава пиратd пяaгураd. Лакриs мерцямбата ямaгана лыaгара я яaгу. Таслаdмахадандаd нерняриs минзь тара. Пуняs сыраць ни серосd. Таддикахад пирдалева серd нибтаd aаd, пуняs тидхалераd. Таняs нёдаd харваd. Пуна яs пондs еремдадаd. Нерня хэсь яdмаaгураd. Пуняs тось нираd пиратd. Мима ёльцьaгана таремs ерембатаd ни тараd. Aаврадаd, еддаd танябтоs сава. Тикы сэхэ есиd нявмs мадаdмахадандаd, нерандаd няна тарця яs яaгу. Ненза сехэ-
ры. Няби сехэрэраd тарця. Тюкурихид яхако халмана яs нямна хая. Мятюва ёльцьaгана няdавда саць тыя. Мимандаd серs яхако латамда. Сидя сян харамs мадаdмахадандаd тикахана торавэйd таняaгуd. Сяdны aэбта aодd aани ямдs хаdморaа. Няdавда торавэй. Тяхаs лата таб мара aэaгу. Тикы яхако няdавхана aарка яв идмs aателтадаd. Итя това мальaгана идs няриs пяираd. Саць aахаs нёдаd ханьd. Хартаd таслаaгураd. Мима ёльцьaэ ханда. Тэвадана яхандаd тидхалеaгураd. Ядэрмамдаd aэвадалабтаd Ёркта яха мюмня танаaгудаd. Сидя aэдалава хункана мядонаd aаd. Яха нимня еся пул няр лехэб-
3
2015 ПО, ОКТЯБРЬ ИРЫS 31 ЯЛЯ
· Ненэциеd илs
Яхандо’ тэвыдd Тюку илаaгана няхад юнм’ намдава aарка серd ниaа”. Тикы няю’ тэри телефон танябата тара. Тарцянда танябs, ненэцьs ханяриs лаханаaгу. Aани яхана нита ханзер” илевам’ тарем’ намдаaгуда. Хэвы си”ив яляхана ненэциеd лаханако няdaадамзь. Пыдо’ Тазовской районхы Aэдя вымна Майя мюсерaаd. Иван ТэтаОкотэтто кучавич Марюй aаркамбой ненэць. Пыда невхы ирината илам’ нёда. Вымна мюсерaа. Лахарёми’ тарцясь: -Cяхаs сырамs манэцадаd? -Aахана тецьхамясь. Нянзиковна ямs синдадась. Сырада тянё. Лахацяd тамна поръяd, aадиd. Aэдалё та ед ниaа”. Хан ниня тэри санартан. -Сырэй мэлвахата” мюседа”? -Ханзейта тоs терaэ сырэй мэлваханаd янамбовна тэвотава”. Маня” яв’ хэван’ та’ тэворо”махадана” сырэй мэлваханаd яноларэйна”. Нерцюнаd яваd хадуdмэдоs. Нерняs паромба халэта то’ сабе нина” яебтамбю”. Тадaоs тюку поs невхы халэтахатана” нэкалпада поaгна” терсиd.
Aамгэ тарця aэдакы? Тамна нернякуs тэвdмахаданаd aаниs хане хортава”. Халясипойd иле ниваd пирасd. Хусувэхана тына” aаворманs нина” харваd. Тына” хэвдо’ саваd. Маня” яв хэван’ тэворaаваць. Мэдна тэхэртаваd яaгу. Таaгава”. Хардан’ ядеръина” мале”мяхадана”, тамна тяхаs мюселтына”. Ензя няю’ тэвбанаd тара. Таняна илеaгува”. Тэхэна мэнаaэ нянана” Ензя няна иланда тас. Лабка” хахаиd, неро aока. Тадaоs телефон таняд мэць пиртава”. Пудана по’ Aэдя тер” сыра ямбан’ таняна иле пэрaаd. -Яханандаd иленаaэ хабартаaгуда”? -Маня” харdнаd илена ненэцяaэ тарем’ ниваd яебтюd. Тарабата aаябадридва” тев ёльцяaгана хабарпасетыва”. Aавранаd мирd тарабd, сыраs Ензя няю’ хабармы” тына” aамзи мирдацетына”. Сыв мяdамнана” тэмдорта” ненэця” хартоs турцеты”. Тиканда нямна таaгава”. - Няхата” тэворaада”? -Хэвхананаd мюсерта” ни”на” мяк” ядэрaава”.
ямдоs теневадоs ты. Еся сехэры нинамда вэaгалаaгу. Лаханако малемяхаданаdняхаюнаd мякандиs aэдалэйхаs. Няхарdaэ тасалко хаиваd. Харад тер нямиs Пуйко Алексей ханяхартs манзадаванs ни харваd: - Яв няна хамбаd саць aаркаd! Неры лаханавы нихаюниs маaаханзиs, тамна яв хэвхана хонёхарта вэва. Лакамбойs пи тяхаs яха лаaг ниs aобaгуна ненэцяd хонавыдd. Пий еркана яв иs aарковна товы. Малs тиканs яaгумыd. Пирця янs хонаaга сава. Нерня минзь хуркари aэя! Саdнеaгуваd, хаaгуваd. Мань тэвадана яханиs тэввамиs вадеdaадмs. Сехэрымs намдвамиs хэтадмs.
Няби нямиs Неркаги Тимофей. Aавна выaгана илевы ненэць. Таняaы иламда сава юдэдаревs тенеда. Aэсыхана тыd лекараaэ манзаравы. Aэсымдоs тахабтавэдоs. Нита тотревs манзаясиs хаёвы. Хэбидя идмs пэраць самляaг поs ябевы. Мята терd юрвыдаd. Нивы мэdмы иланда тикаривна тасла яdмада. Теда лахана ни манзараd. Янда хобанs тэва, мерця aэвамда сибдада. Сэвда aадимяd. Сехэрэваd тасламба нерня няниs нятась. Тедахавs техэ няханда нята пэйd. Манзь ханада: - Нерня минзь хуркари aэя! Яs няд миндя мерця лакриs теббата aарка идs няs пулаaгунаd. Aановаd мэць яdамаaгуваd. Теда-
НЯРЪЯНА AЭРМ сертахаваaэ илмаd Нум ирихиданаd, харdнаd пыхыдахаданаd паaгады. Нумда сава aэбd, ненэй ненэцяaгваaэ яля ня’ aэдаaэ тына” лэтраaгуна”.
М.Яройs тадтавы сидяaгахаdна Aэдя вымна мюсерта” ненэцие” маниедаd. Я. Марининаs падвы
Малтаванаd сер’ нинаd хосетываd. Тэри хумбанзиd ядэрма ёльць ниaа”. Хаерадs сэв’ тю”уна хэdмяхад aэдалёлаaгава”. Пуна лаханако нята нямиs Ямал’ няна ты” пэрти” ханзер” илевам’ хонрась. Яхана пэвамдо’, нивамдоs намдась. Aамзандо мирмs хонрамбись. Мась: -Тарцяd юн” мякниs турта” няхаdни’ вадетын. Таняна мюсерта” нини” сензd aэвадоs ихиняниs пои. Маня” вымна мю-
Светлана Хороля, Харитон Вануйто
риs ненэцяaгаdна aановаd хаехаваd. Сыра нимня яханда нюхулеиваd. Яs нимня aотаaоs тоена. Еся сехэры няs хаяваd. Aановаd мядоs хэванs пындилабтаваd. Поездмs aателaаваd. Яха лаaг ниня Лаптандер Илья нядэвы. Мякнанда aопой aэвы. Мята терd поездахана хардахаd хэвыd. Тованда сиdивхана aатейда. Тикы ненэцяaгана мядоdaаваd. Хэвхы яs вадеdaа. Хибяs ханямна малковамs хэта. Яхамs, хахаяда томs пядыби. Тыда нида пэръядоs. Хахаяда лабтахана малкодарахаd. Нямэхана aобd тэда aэмда мальвы. Яхаdмахаданда мерцянs aамзида ляaгабтавыда. Aайтаd нелакd наaэдяaэ тырабтавыда. Aамзита пеляхат тиd нид юрида тэсаd. Някунаd нензлаdмахаданаd ниданда маторпиваd. Яв юртs палабтамбиваd. Сэвнаd хая
палебиваd. Ненэй ненэциеd мякад харадd aадиd. Поезд нултаaголава мядоs хэвхана aа. Нисядоs aацекыда малs хэвхананда няdамбида. Aарка хасава нюхуюда мяд терсавэйхаs. Aарка харад няд мирдаdманзь aамгэри тэвабихиs. Вэва сехэры нида табdламбюd. Есиd мадхана сидя хасава нюда нидиs нядабихиs. Нисяндиs табедавы манзаямдиs теневадиs. Aобнзерs ханеd, ватаaгуd. Ханзерd aобкана илевамs нисядоs харта манэdлабтамбида. Ханяaыдоs лабкамs мипдаaэ тараd. Лаптандерd малs манзараd. Хибяхартадоs хэвняs ни сылаaгd. Малs теневаd, пыдоs илаaгадандоs aани сава илs яaгу. Поезданs aамдванаd нерня мякнандоs едваd aамаваd. Aарка ненэцяaгана лаханакоdмахаданаd, aэдалёванаd серs ибедорaаваd. Ямал терaэ aобнзерs
илевамs теневавы aэбdнаd, масиd илмаd сибярка aэaговакы. Сырапd, ханяaыd мядоs терd тодоs яхаd, нув сармикадревs пидяхадандоs пееaгаd. Хибяриндоs идоs ядэртакы, манзьван ябдадмs, нерняна сава иламs хоaгудмs. Похоs хэвняна вайнороdмахаданда таслаaгуда, хэвняна хибяхарт нивэда aатеd. Мякнанда мэвы aэбта, aока сава сермs сертаaгусь. Нида нядабаaгусь. Ниня лэтрамбада пидя тахара пиртада. Мале хибяхарт нивэда aатеd. Тикарихина хамедаaгуда, хусувэй ненэць мята терd лэтрамбабата, сямбата сероdaа. Хусувэдоs манзарабта сероdaа. Нерняs выктана ненэця хэванs вадёданаd нида харваaгуd. В.Пыриркоs падвы.
○ ○
E-MАIL: NN-YNАO@YАNDЕХ.RU
○
○
○
○
○
○
○
○
УПРАВЛЕНИЕМ ФЕДЕРАЛЬНОЙ СЛУЖБЫ ПО НАДЗОРУ В СФЕРЕ СВЯЗИ, ИНФОРМАЦИОННЫХ ТЕХНОЛОГИЙ И МАССОВЫХ КОММУНИКАЦИЙ ПО ТЮМЕНСКОЙ ОБЛАСТИ ХМАО - ЮГРЕ И ЯНАО ОТ 19 АПРЕЛЯ 2012 ГОДА РЕГИСТРАЦИОННЫЙ ПИ № ТУ72 - 00559
○
○
○
○
○
○
○
○
○
○
○
○
○
○
○
○
○
○
○
○
○ ○ ○ ○
○ ○ ○ ○
○ ○
ОТПЕчАТАНО В ТИПОГРАФИИ ГУ «Северное издательство» (629008, г. Салехард, ул. Ямальская, 14)
ГЛАВНЫЙ РЕДАКТОР
○
○
○
○
○
○
○
○
○
○
○
○
○
(Хаёвы пелямда тад тованда номеркана толараd). Н.Вэнго падвы. Сидя сидяaг Х.Яунгадs тадтавэхэs Няхаромдэй сидяaг Н.Вэнгоs тадтавы
Издатель Департамент внутренней политики ЯНАО (629008, Тюменская область, ЯНАО г. Салехард, пр-кт Молодёжи, д. 9)
○
○
○
○
-Ярs вэсаков, тюdу хамедадd! Нюдd хададмs. Яроd Парисеdэ вэсако манзь ханада: - Манзьван aамгэмs налана aулиd нидмs aаd. Тикаханиs хаёбdниs мал aобтикы. Тедахавs сиdмиs иле хаеванs aавэнs харваaгун?
○
○
○
○
○
○ ○
ТИРАЖ 999 ЗАКАЗ 0848 ПОДПИСНЫЕ ИНДЕКСЫ: НА ГОД - 10978, НА ПОЛУГОДИЕ - 54391 № 44 ПОДПИСАНО В ПЕчАТЬ 29.10.2015 Г. ПО ГРАФИКУ: 16.00, ФАКТИчЕСКИ: 12.00. ВЫШЛА В СВЕТ 31.10.2015 Г. ГАЗЕТА ВЫХОДИТ ПО СУББОТАМ ЦЕНА ГОДОВОЙ ПОДПИСКИ 182 РУБ. В РОЗНИЦУ НЕ РАСПРОСТРАНЯЕТСЯ
○
○ ○ ○ ○ ○
(349 22) 4-53-32, 3-08-69 ○
ТЕЛ.
○
сюралъядd. Тиркоs сивня няби сэвда aадимя. Таaар сюдбямs aаниs няdмада. Пэдараs Сюдбя нертембюлыd. Лэмбаранда ниs сиdивs сюртеваs Вэdлимs сюртеда. Сибимдехэнанда Яроd Парисеdэ ханs ладанs сылаaгалыd. Тад мованда ханs ладd тяхаs Ламдик Вэdли aэта ниd нусь хаdмыd. Хаdаммахаданда нянзавэйs ма: -Пэдараs Сюдбя, моётабdнанд ехэраркавэн! Мань сит тохолахарцядмs! Таaар сюдбямs aаниs няdмада. Сюдбямs лэмбаранда ниd ерцелабтада. Ямб сюдбямs aодьриd сюрлабтада. Сюралманда серd, aэда хартоs
○
○
○
○
○
○
○
○
○
○
○
○
○
○
○
○
○
○
○
○
АДРЕС РЕДАКЦИИ: 629008, ЯНАО, Г. САЛЕХАРД, УЛ.ПОДШИБЯКИНА 17
ДЕПАРТАМЕНТ ВНУТРЕННЕЙ ПОЛИТИКИ ЯМАЛО - НЕНЕЦКОГО АВТОНОМНОГО ОКРУГА (ЯНАО, Г. САЛЕХАРД, ПР-КТ МОЛОДёЖИ, Д. 9) ГАЗЕТА ЗАРЕГИСТРИРОВАНА
○
○ ○
«НЯРЪЯНА НГЭРМ» ○
УчрЕДИТЕЛЬ (СОУчРЕДИТЕЛЬ)
○
Газета
раdмарахахаs. Яройкоdя сидяда яйда нярм сотэрахахаs. Ни няраёрd – тальняриs яда. Ламдик Вэdлир индя aылs aаниs таремs ма: «Вэdлив нисяв, ханяна хаян? Сиdмиs нядабцун!» Aобриs хэвриs тирd мюселъядd. Aэваконаd ниd тирd сюралъядd. Тиркоs сивня няби сэвамда хацяs манэdaав. Сюдбя Яройкоdя aаниs няdмада. Ламдик Вэdлимда сидя яйs ниd сюрлабтада. Яр вэсако нисянда ханs ладs ниd сылаaгалыd. Aамгэда aэвна Ламдик Вэdлир сидя ладs тяхаs aэтаd ниd хаdмыd. Яройкоdямs aаниs няdмада. Лэмбаранда ниs сиdивs сюртеваs сюртеда. Сюдбя Яройкоdя сидя aарка aэда вэмдкулъяхаs. Сибимдехэнанда вэноd aасdмы, aэd нялидевы лахацяндs Ламдик Вэdлир сылаaгалыd. Лахацяs ниd Сюдбя Яроймs ханилебтеда. Яройкоdя хухартs ни aаd. Лахацяs ниd хаdамванда серs aобd маркадана танявонда. Сейда aэванда лыd ниd aадимя. Сеймда няdмада. Лэмбаранда едs сеймда юдада. Сэвдаd тоs сэртревs хэвыd. Яроd Парисеdэ тёре пяда: -Пэдараs Сюдбя, ханяна хаян? Маняd ти хаваd! Пэдараs няна пиd марна солыd. Пиd ёнэвна aэвада aадимя. Пэдараs Сюдбя aэaгоданакы – ямбарка aэвы. Пыда тальняриs яда. Ядванда серs таремs ма: - Ламдик Вэdлив, манзьван вунсядмs тутd, мякна
○
○
нинмs aылабтада. Вэdлир идрахая ханs лехэхад aаниs санавыd. Лэмбаранда ниs сиdивs сюртеваs сюртеда. Таaар сюдбяs сидя енядада вымдкулвэхэs. Сибимдехэнанда вэноd aасdмы, aэd нялидевы лахацяндs Ламдик Вэdлир сылаaгалыd. Яроd Исьдеdэ хухартs ни aаd. Лахацяs ниd хаdамванда серs aобd маркадана танявонда. Сейда aэванда лыd ниd aадимя. Сеймда няdмада. Лэмбаранда едs сеймда юдада. Сэвда тоs сэртревs хэвыd. Ярs вэсако мятs тёрибтейd: -Не aацекы, ханяна хаян? Ненэць тоs - некыд хада! Мядs ядувна aэвада aадимя. Aолери неdя сидя нянда вар aамдэды мыдмs яхалавэрахахаs. Сидяда сэвда неро вартеdэ пуно меaгарахахаs. Пыя aэвандада aабтниs харвана тирs пыяраха. Сидяда марцьда табсавэй ваноs лаaга-
мядонда немиs хадан! Немиs нивы aэбат хадаd – нидамзь тутd. Тарсиd тодмs, тедахавs пэхэниs! Ламдик Вэdли мунда нись суd пыда таремs ма: «Вэdлив нисяв, ханяна хаян? Сиdмиs нядахарd!». Тадбэйd тирd мюселъядd. Aэваконаd ниd тирd
○
(Ярабц)
тюdукуs хаяd. Лахацяs ниd ханилебтеда. Хаdамванда серd aобd маркадана танявонда. Сейда aэванда лыd ниs aадимя. Сеймда няdмада, тикы сейда хэвняриs ладарaа. Ламдик Вэdли Пэдараs Сюдбяs хэвхана янs манорdaэ aади. Хан ниs нид тад санаваниs – такы пёднахаs хэванs хаdмыдмs. Хэвняs хунна сеймs aодьриs няdмав. Ламдик Вэdли нянаниs товы. Пыда таремs ма: -Тедахавs сававна няdмав! Хадиd сарвоdaада. Лэмбаранда едs сеймда юдада. Пэдараs Сюдбяs, Пэдараs Aылекаs сэвдаd тоs сэртревs хэвыd. Тикамда хадаdмахаданда мамбdнанда ма:
○
Тюсьляко Вэра
○
(Нерденада 40, 41, 42,43 номеркана толараd) Пилиd моикана aэта ниd хаdмыd. Вэdлир нямда aаниs няdмада. Лэмбаранда ниd сиdив сюртеваs сюртеда. Тайкуна сырасяда париденя лахацьs танявы. Вэноd aасdмы лахацяs ниd ханилебтеда. Лахацяs ниd хухартs ни aаd. Aобd aамгэхав маркадана танявонда. Сейда aэванда лыd ниd aадимя. Сеймда лэмбаранда едs юдада. Ярs ёнэ нюмs aаниs хадада. Яроd Парисеdэ пыда таремs ма: -Яроd Исьдеdэ, ханяна хаян? Няхаюд хада! Aамгэ aотаaодd хынибэрканасиd. Яроd Исьдеdэ хоба мальцяриs мядs ядувна пилибтs aадимя. Таdлеs ядбата сидя марцьs ниd aэва садана. Сидяда марцьда табсавэй ваноs лаaгараdмарахахаs. Aамза лэмбарада ярэй сяdалха. Неры няхаютаs няд тайкабтёвы. Ламдик Вэdли aаниs няdмада: мунотаd нись суd пыда таремs ма: «Вэdлив нисяв, ханяна хаян? Сиdми, нядабцун!» Aобриs хэвриs тирd мюселъядd. Aэваконаd ниd тирd сюралъядd. Тиркоs сивня няби сэвамда хацяs манэdaав. Яроd Исьдеdэ нертембюлыd. Сиdив сюртеваs лэмбаранда ниня Ламдик Вэdлимs сюртеда. Яр вэсако нисянда ханs ладанs сылаaгалыd. Нисянда ханs ладхаd Ламдик Вэdлимда ханилебтеда. Тальняaы нинмs тёбтада. Техэюмs
○
НЯРЪЯНА AЭРМ
2015 ПО, ОКТЯБРЬ ИРЫS 31 ЯЛЯ
○
4
Яунгад Хабэча Хываревич