ЙИСАТ УLА, АРТНАТ УLА, ХАНТЫ МИРЭВ НУПТАH ЯСАH! Яlаптаl тыlащ хутмет хатl 2001 мет таl вуш эваlт этты питас
Российская Федерация Ямало Ненецкий автономный округ Газета №4 (682) Lапат хутмет (суббота), Яlаптаl тыlащ (январь) 25 мет хатl 2014 мет таl
Яlаптal тыlащ хольмаh пеlа ветмет – студентата юкантам хатаl
ма эваlты керlамеl. Йухат шак па, ситат па паратамат. Татиана Яlаптal тыlащ кат хосьяhмет хатаlан (яlап си ран хатlат lуhатты питам юпийн там хатаl хольмаh
Шеhк утhат порыlыса Тэ тья хатаl Москва вошан. Си хатаlан, мет оlаhан, Мос ковский Университет пуhаlан хоятат актащсат, уна пелак ёх мосты ясhат потарсат, си юпийн вош хулэт хуват ары ман па якман шушиlысат. Сяlта етнайн пасан суран lэсат инщат. Си хатаl ку чам студентат жандарматан ант кетапсайт, мет хоlна шавиман тайсайт, хой кураl вевlы питам отат ёхи туlайт. Урты ёх нох питам юпийн, Тэтья хатаl ям хув хурыман па ханятыман по стыса. Туп, ин там ванан, Советат иl пайтамат юпийн, Московский университетан утаlтыты энамты ёх, па си сонтамас Тэтья хатаl поста ты. Там хатаl, турам хота тан, пойкащты ураhан, тур ма асвеча юкатlа, няврэмат яма ат утаlтыlат, ар ям номас fша ат пайтlат. Хуцы, рупитты питтэlан, яма утаl
вохас. Татиана пойкна ёхат са: мув тарыты па шэхиты питас, таlаh мув сох лакки тохты питас, каман хорпи мув пулат мув иlпия рох няпсат. Си пиlан ин мунты ялань икен иси лакки то хас, си тумпина ар хоятаl парс, иl ракнам турам хот кев шyпат иlпина. Лакки тохам ялань йисхfраl туп манапмаl вантами. Си юпийн Татиана шу катты питами, каман сиран сэhками, каман сиран тапал тыми, урайl туп иl ант пайтами. Шукатам порайн, Татиана па пойкасьты пит маl, турам эваlт няl lуhх ёхатмеl па па моlты сир тур сый хуlмаl. Атом ёх паlтамамеl па христиан тур
пеlа ветмет хатlа ёхатаl) катсот хольмаh пеlа ветмет тalан веlса. Русь ясаhан lув Татья ная айlты питса. Православ ный па католический турма эваlты хоятатан шеhк ванна тайlа па эваllа. Россия мувеван, Елизаве та Петровна Романова хон нэhа омасмаl порайн, Моск вайн энамты ёх утаlтаты ураhан, Яlаптal тыlащ холь маh пеlа ветмет хатаlан, 1775 тalан, университет пуншас. Тэтья хатаl оlаhан универ ситет пуншатам хатаl юка на постыса, йухатшак па, студентата юкантам хатlа порыlыты питса. Еша па, пора хасям юпийн, интелле генция емаhхатlа верса.
Валентина Рохтымова верам хfр
Валентина Рохтымова верам хfр
Катра, монщ йис порая тан, Рима нэмийм муван, тащаh хотан, нэмlан хува сясьты имеhан икеhан хося и эвии сэма питыlымаl. Аhкеhан асеhан христианат турма эваlман уlман, эвиян иси си турам пеlа керlап таман. Ху верты lfвата ювмаl порайн, Татиана, ситы ин мунты эвии нэмиты питса, ясаh верас, нэмаlты порайн ху ант вертыя, хаlты унты вотча уlтыя. Александр Север, Рим муван императора уlмаl по райн, христианат турма эвlам хоятат шеhк атма тайсаllы. Си кут, Татиана иси Алек сандр Север ёша питас, lув ялань пеlа ох понты парса, аl турма эваlтыя учиса ке раттыя. Lув ура верас па Иисус Христос эваlт пойк
Геннадий Кельчин верам хfр
Тэтья хатаl – Татьянин день
тыйм сирэl нётап, унтат ёхlы ёхатаl, ёша пайтты верэl туса верты питlэl. Муh округеван, кашh тal ар энамты няврэм студентат кута lоhаl, уръёх, ханты па селькупат няврэмат си ку тан иси уllат. Туп ин там хатаl унты тащатна рупит ты па хyl вой веlты сирата утаlтыты лот антом. Хоятlаl шимlаh мират ёх, няврэ мииlаl lув ёша кура ант ки утаlтаllаl, lув хошты вер lаlа, ситы си шоши муваh ёх уlапса айкеман хурlаты питаl. Lукашаl, сит па по тар, па номас. Ин утаlтыты няврэмата, там хатlэlан яма утаlтытыя, хув тахайн хотаh хоятlаl эваlт уlты ураhан, шимаl шак марэм ат питаl, ар хоят пиlан lухсаттыя па ям но мас тайман, еllы уlтыя. Геннадий КЕЛЬЧИН потар ханшас
2
№4 (682) Lапат хутмет (суббота), Яlаптаl тыlащ 25 мет хатl 2014 мет таl
Валентина Рохтымова верам хfр
Пулhавт воша ёхтыlыты хоятат моlты вер щиран тухаl ишан муh хощаев ре дакцияя lоhтыlат. Хоя до кумент копия верты мосаl, хой па аl хошмаlтаты lоhе мийl, рупитты хотэв, ван ты, юш пуhаlан уl. Муh шеhк аматlув, хун куртаh хоятlув ёхтыlыlат. Ай по тар кашан шай инщlув, уlапса верат эlты lувиlаl инщасlыlув. Анта шеhк ху ваншак редакцияя и нэ ёхтыlыйс. Надежда Леонть евна Русмиленко Лопхари вошан школайн рупитаl. Щаlта па еllы утаlтыйl, щишан Пулhавта сессияя ёхтыlыйl. Надежда ханты
Н.Л.Русмиленко
ясаhан шеhк яма потараl, уlапсайl эlты, энмам порайl lув щиты ястас: – Хун ма ай усам, ма бабушкайhиlам пиlан энап сам, антем аhки па ащем аhки, аhкаhкем па унаhкем пиlан. Lын манэм шеhк шеhк мосман тайсаlын. Аг рафена Степановна аhкаhкем хоща lуhан Асов курта кани кулыя ёхтыlысам. Аlаhсахат нох верlаlам, пасанан – веlщи пусам мисъйиhк, тво
рог, шарытам хуl. Ким этlам па – восты торн, шупши юхат. Ишни пуhаlан сумат энмас, хорам лыпат тэlыя, иса сыстам сыстам. Щикем ям щита ус. Щаlта покоса яhхlув, щита торн сэварlув. Етнайн па монщан монщ lаюв. Аhкаhкев пуhlа оllув, lув муhев апаllаllы па щи монщаl. Ими Хиlы эlты монщиlыйс па па монщат. Ма пиlэман хоlна кат внучкайhиlаl ёхтыlысhан: Кондыгина Любовь Романов на па Тасьманова Ольга Ро мановна. Щаlта мет ун хиlэl ёхатаl, яlап хуl туl. Нярхуl камн lэlув. Щиты энмам ям пораем нумlэм. Щи уlапса нумаlматэман, манэм щикем ям, хошам, еllы уlты юран ёхатlайм. Кимет бабушкаем, Матрена Владимировна, ащем анти, ищи шеhк ям ими ус. Ханты хоятат lув иса щалятсаllы. Муh щи по райн Лопхарийн катра хо тан усув, хота ин яlап шко ла омасса. Щи порайн щита иса унт, хотэв кертман унт ус. Lуhан унаhкем ёхтыlыйс па хот шаншан урхот lон щиlыйс. Ма lув пиlаlан щита оllымеман монщ хор пи ус. Нохlы вантlан па, питы турам хоща тыlащ па хусат ныlайт. Lув па муhев камн хорпи монщатан па пот ратан потарlаllы. Сусн рых вощты хоятат унт эlты шушlат, lув хощайl ирэ маlат. Иса шайн ищаlтаllы, шумах пиlан. Щимащ ям бабушкайhан хоща муh энап сув. Lын муhев шеhк мос ман тайсаllын. – Антен ащен щи порайн, ванты, рупитlатан? – Антев ащев рупитlатан щи. Ащев, Леонтий Ивано вич, хуl веlман рупитас. Антев па склад хоща пормас уйман ус. Тухаl ишан кать рат атаlан ёхатlат, lув щита ат хуват рупитаl. Ин lын пенсияйн уllатан. Ищипа
Леонид Трофимчук верам хfр
Энмам мувем манэм умащ
Лопхари вош
верlы ант омасlатан. Мис тайlатан, кат ай мис, lов. Щишан, lуhан торн сэварlув. Куртан рупата ар, аl уlты кум антом. Антем, Наталья Марковна, вератты самаh нэ, муhев ёнтасты утаlтысlы. Сах вай вераl, хорам ерна сат ёнтаl, тонты эlты умащ lыпет вераl. Ащем уlэh ухаl верты хошаl, хорамаh lоваh ухlат ищи вераl. – Надежда Леонтьевна, наhена энмам куртэн мет ям, мет хорам? – Лопхари щит шеhк хорамаh курт. Куноватка ёхан и пелакан вошев омасаl. Там порайн хоятат яlап хотат омасlат, хот верты фирмайт па рупитlат. Щишан, вошев энамаl. Мувев ям, огородат, теплицайт тайlув. Муй эн маlты иса рахаl. Хоятат хуl вой веllат, сусн вонщамот тэlыя. Туп мис, lов тайты хоят шимlа йис. Няl вет семья мис хоlна тайlат. Куноватка ёханэв нохlы пеlа ханты куртат уllат. Ай уl меман, Кунавт курта яh хиlысув. Щи порайн щита каматса семья ус. Уна ювам хоятат хоlна усат. Щита хотат эlты еlшак ратхарат
верман уllат, lэтот каварты ураhан. Кунавт унты сотlэм километра. Ащем курт па нохlышак, щит Питтакурт. Сусн хоятат куртlаl пеlа ищипа яhхlат. Ай хоятат лук веllат. Лопхари вошев пуhаlан лукат ищи кащаlыты рахаl. Унта шушиlытэман, питы лукат, ханшаh лукат иса вантыlам. Lаhкет па ванан уllыlат. Там сус, ай тахайт потты тыlащан, шко лайн урокан контрольный диктант ханшсув. Ишни эlты ким аhкармисам па, щита таlаh лук пукат юхат эlты lатмаl. Няврэмlама сора этаlтысlам, lыlаh унт воят ат вантlат. Тампуш хоlна lаhкет артан вошан энамты юхат хуват хухатlыlат, но хар юхат па сумтат хоща. Lаhки хоят кащаlаl па ант хонтаl, омасl, вантаl. Там lуh унтат ёссайт па, мосаh, щишан, войт ванан яhхlат. Щимащ ям потар Надеж да Леонтьевна муhев верас. Уlты муваl lувеl шеhк умащ, шеhк тынаh. Еllы тумтака ат уl па веваhа ат рупитаl. Клавдия МАКАРОВА ханшам потар
«Дорога шамана» альбом этас Екатеринбург вошан кат щfрс няlхощъяhмет тal яlаптal тыlащан Н Урал ары ты группа ар соваh кимет альбом «Дорога шамана» эсаl са. Хуlам тal ар сов верты хоятат рупитсат. Ханты, охаль па рущ ясаhан нийl ар щи альбома ханшсат. Оlаh ханшам альбомlаl эlты яlап араh альбоман ханшам арlаl арсырашак па умащшак хуlаттыя тыйсат. Щи диск хоща «шепан арат» кутан арсыр ар хуlты рахаl. Щи диска арпелак ханты па охаль арат хашlтысайт; ищи ты ханты потар ханшты хо ятат Андрей Ангашупов, Сер гей Кондыгин па Прокопий Саlтыков потрат lэщатман уllайт. Н Урал группа руководи тель па вокалист Юван Зай
цев ястаl: «Хоl арат совlаl арсырат. Кашаh ар lув монщ тайl: хоятат, воят, щищкет уlапса эlты, юхат, торнат эlты…» Ар верты хоятат шэhк ар номас па йур понтсат ар lаlа. Щит ураhан арlаl умща па хорамаhа тыйсат. Иса щи группайн ар ханшты па соваhа lэщатты хоятат Вла димир Ананьев – клавиш ный нарсъюхан ёнтаl, Сер гей Голубенко – гитара нар съюхан ёнтаl, Александр Волков – басист, Сергей Кашин – ударник па Диана Тимощенко – альта нарсъю хан ёнтты нэ пиlан, щи альбом па музыкантат вер сат. «Глухарка доченька» ар арыман, Виталий Владими ров пимак нэмпи индейский нарсъюхан ёнтас, Александ
ра Паниковская флейта нар съюхан ёнтас, Лариса Ми ляхова, щи ар ханшсаllы Ханты Мансийск вошан, арысlы. «Ям номас» аран («Песня тост») Ринат Якупов «Изумруд» группа эlты баян нарсъюхан ёнтаl. Альбом верты охан кат организация нётас. Оlаhн охан нётас Хельсинки уни верситет Студенческий союз финно угор мир ёх верат пиlан рупитты комитет. Щи охат туп арат диска ханшты тарапсат, хоlна сведение, маркетинг па печать верты моссат. Нётты ёхатсат хуван группа пиlан яха рупитты Филиал ГРДНТ «Финно угор ский культурный центр Рос сийской Федерации». Мох ты нётам ураhан альбом мо сты порайн эсаlса.
Обско угорский фольклор хуват рупитты хоятат па яма нётсат. Татьяна Волдина па Наталья Крюкова Андрей Ангашупов «Шануш пох» альбома lэщатсаllын. «Ас хорам нэ» ансамбль Овс мув эlты Екатеринбург воша ханты ясаh Шурышкарский диалектан – «Ям номас» ар («Песня тост) па «Акем ар» (свадебная «Дядина песня») тус. Зоя па Ольга Озело вайhан ар верты ёх араh нэпекан мойlысlын. Хоl арат концертан ары ты питlаят. Музыкантат арlаl Екатеринбург вошан арыlайт па яlап программа щиран па вошатн па арыlайт, мет ямшак арат клипа верlайт. Валентина РОХТЫМОВА айкеl верас
3
№4 (682) Lапат хутмет (суббота), Яlаптаl тыlащ 25 мет хатl 2014 мет таl
Щущие Няврэмиет, ям хув кут хащамтас, нынан lуhатты ураhан, потрат ант ханшиlымев. Айкеlат хуllыlув, мат тыки ханты ясаhан ханшам потар, lуhтар, монщ па ар шеhк шимаl уlтаl. Няврэмиет щущиет сикуш ханты
№1(34)
ясаhан сaмаhа lуhаттыя lаhхаlатэl, па сякапты lэщатам пормас антом. Сишан си муh, газетайн рупитты хо ятат, няврэмата lуhаттыя, кашh тыlащ и пуш, «Щущие» нэмпи потар лопас эсlыlув. Нын там лопасан камн хор
Ким аhкармияты сар. Камн иськеh тal пора. Кен тан lуматlыман камн ханты сир антом. Иськи юпийн исипа хошам тови ёхатаl, си юпийн – найh lуh. Хоты иськеh тal тови пиlан кутаhа ювантысhат сит эваlт Фёдор Тютчев lуhтар lуhтаты.
пи хfр вантlаты, каман хорпи потар па ар lуhаттыя мощатlаты. Муh нынан, там этты лопасан, юхат эваlт lуhаттыя потрат понтсув, аhки хатl эваlт па па арсыр потар. Lуhатты lэщатыят. Михаил Яснов ханшам lуhтар нох ки утаlтаllан, ешауl, аhкет емаhхатаl ёхатаl, си порайн нынан мосмитаl. Вантаlан хоты, похаl аhкеlа ям хорат ханшаl, мойlатыя номас тайман.
Сaмема рахаl шеhк Волиты lонщ киярт. Щищкиет аl lатат, Суматыем аl кетмат, Хорамаh ернасаl, Lонщ соха аl пайтат!
М. Яснов Муй хfр ханшlам аhкема
Ф. Тютчев
Унтан сэма питас хуlыи Унтан сэма питас хуl, Энмас унтан lув. Тalан па lуhан аса ус, Востыя lойс хув. Вотасна арна арыса: «Хуlыи, баю бай» Иськина lонсьна лаhкиса: «Эlыен питаl сай». Хуры тайты ай шоврыи Хуl иlпина наврас, Порайн евр, ликащаh евр Lув лепаlан хухlас. Чу! Шик юхаh унтэв lыпина Lонсь ухаl патына шихараl: Пyнаh курпи ай lfвии Тэрмасьман нёхамтаl.
Амоlты ишан, Россия му ван, Афанасий Фет уlмаl, lуhтарат ханштыя шеhк яма хошмаl. Сумат юх эваlт ар шупии ханшмаl.
А. Фет
Lfвии таlаl ухlыи, Ухаlна опсаl икии. Вfшаl пуляh хуl юхиев, Икина сэварса.
Сумат юх lойl Ма ишнем еlпийн, Ищки ун урайн, Lонщан лап кияртам.
Хfрама верам юхии, Муh емаhхатlэва пиlтасяс, Па араl, араl, араl ой, Няврэмата lув тус.
Lаварт lонщ катаlман, Нувlаl иl минламеl. Сэм амат верlат lув, Хорама вантасlат.
Нэhат емаhхатl кеша Хfр ханшlам аhкема: Восты йиhкпи щарс, Турам паlhат пиlна. Восты йиhкаh щарс леп, Няврна эптам йиhкен, Йиhкиен ям пуhаlна Аhкем хfраl ханшlэм Хорам лыптат пиlан. Тамхатаl ма хоlна, Аhкема юкатlэм. Хfра ханшlэм муh свинкаев – Щарс муh ям нови воев. Кашh хоят ат шияlаl Хfраl ванттаl сахат, Хоты аhкем сaмна тайlэм, Хоты свинка хfраl ханшlэм!
Нын Сергей Есенин аl яма уйтlаllан. Ханшам lуhтарlаl стихlаl муh уlты мувев утатан уйтlайт па арыlайт. Lув Афанасий Фет иты иси сумат эваlт хан шам lуhтар тайl.
С. Есенин
Интернет эlты понам хfр
Там тal, Яlаптal хатаl хащас. Яlап тal хатаlан хуl юх эваlт арат арыlайт. Русь ясаhан «В лесу родилась ёлочка» нэпми ар уl. Муh си ар ханты ясаhан арыты сира кератсэв. Ин нын там ар lуhтаlан, утаlтаlан. Па ишан, Яlап тal хатаl ёхаттаlан, арэмаlан.
Ищкияh Тalэн, lув муйсар ликащас, Таhха, уlты порайl шеhк шимаlшак хащас. Мелак Товии мува ин ёхтас, Ай вот руваlан ишния кетмас. Войт па юхат, па ант похам шуват, Хошмии lайlман, Тal еl воштаlат. Жаворонок щищкет паlа нох хухман, Щиlта, шеhк аматман, щалыман, увlат. Тalэн lув ищки порайl хоlас, Ищипа, хащам йураlан, Товия кетмас. Хошам Товии, няхаh ям веншан, Ищки Тal ещаlт мелак вот китаl… Ищкен, ликащман, па ун ура понман, Lонщаh вотасна Товии шомармас. Вотасна шомарты – муй щит па ун вер! Нох lоlтам lонщ йиhкан, сыстамтас Товии. Lув lумтам сохаlан Ант хащас нёхлыи!
Сумат юх lойl Ма ишнем еlпийн. Лаhкисам lонщаlан Селохан ворlыйl. Кияртам ям нувlаl Lонщ раван руватмаl Ищимет ар кураh Сэваl иl эсаlмаl. Там lуhтарат муh яlпа Щиты щи lойl, этам «Щущие» нэмпи кни Кутпаh ат кутапан, га эваlт усlув па ты понтсаllув. Нын ин уй Оlаман лаhкасман, таlан, симась lуhатты Нови ям сумтыем. нэпек этас. Нэман, айlат Сорни тут луман, няврэмата lуhатты кеша Тыlащан поханман, ханшам нэпек. Номас уl, Lонщсэмат лямпиlат. ханты няврэмат утаlтыты Хоlаhаl ар хутлен, ашкуlаята киттыя, кат рай Там хатаl па этаl, он lоватан – Lорвош па Йохатlа ар lонщен Аксарка районhан. Нувlаlа па питаl. Там лопас Геннадий КЕЛЬЧИННА lэщатса.
4
№4 (682) Lапат хутмет (суббота), Яlаптаl тыlащ 25 мет хатl 2014 мет таl
Хон эви Пиращ ики ус. Хуlам пох тайс. Пиращ ики кашаhа ис па нох lойты ант верытты питас. Няврэмат ащеlа ант нётсат, атмащ вансат lув пеlайl. Юраhhан па хорамhан уншак похhаllаl устан. Ай похаl па еша отшамашака lуhатса. Ащеl ики партаl еlпиян похlаl па тахая касаlты партсаllы. Щаlта хуlам хатl унт хуват шушыlыты, хуlмет хатl lувеl вантты ёхтыlыты. Хуlмет хатl ай похаl ащеl хоща ёхтас. Вантаl: ащеl хотаl торан хота ювмаl. Lыпия lоhас. Ащеl хот ку тапн омасl па инщасаl: – Наh хой? – Ма Юван. – Муя па ун яйен ант ёхтас? – Lув наh эlтэн паlаl. – Па ма хощаем иты порая иl ун яйен ант ёхатаl. Юван ун яйяlан сэhкса па ащеl хоща китса. Ащеl хоща ёхтас, ащеl ястаl: – Пахатl сэр унта, мор унта мана. Щита ува: «Хота ма сорнеh lовем?» Наh хощаен lов ёхатl, сохlан хоlты эhхаlн па еl вощкаlн. Lов тэlыя lоматты сох наhен туl, нох lомтаlн. Щи сохатн lов шанша омпса па Нови хон ики хоща мана. Юван щиты верас. Lов ёхтас. Туп сорнеh lов наншан хорамаh эви омп сас. Ин эви пох веншлохтаl эlты поткасlы па еl навраlтас. Пох туп нюлмаh вешнлохтаl пиlан хащас. Щиты веншлохтаl милан ханятман ёхи шушас ай пох. Ёхи ёхтас, яйhаlаl lын кутlанан потартlатан: –Хаlэват Нови хон ики хоща емаhхатlа манlаман, хон ики эвеl ураhн ху пирыты питаl.
Валентина Рохтымова ханшам хfр
(Эвенкат мир монщ)
Ин эви пох веншлохтаl эlты поткасlы па еl навраlтас Ай апщан lын пеlайн ястаl: – Ма нын пиlанын манlам. Ун яйl ястаl: – Муй наh щита верты питlан? Хой наh пеlайн вантаl? Полщаhаh. Хоятат няхты питlат. Юван хоllыты питас: – Манlам ма… – Ант манlан – яйhаlаl ястастан. Яма lоматlыстан па lов шаншан матсатан. Хайсаlын апщан. Хулэh lув па ай ус. Емаhхатlа ёхатсатан. Хоят тэlыя. Ай апщан lын юпанан таlасаl. Хува ёlта хащс, ищипа ёхтас. Нови хон ики эви шушаlыяl, ёх кутан ху каншаl. Шушаlыяl па вантаl. Хоlыя вантсаllы па ястас: – Тум, еlан lойты, пох ты туваlан. Вана туса. Вантсаllы, милаl нох аlэмасlы па нюлмаh охаlн артаlысlы. Ёшаl эlты катаlсаllы па ёхи ватаlтысlы. Похлэhки щита нох лё
Щаня ёхан хутмет тащ ёх няврэмат
хатса, хорамаh, тынаh соха lоматтаса. Яйhаllаl хоllыты питсатан. Потартlатан: – Муя хон эви щи арат ху эlты полhи нёlпи похlэhки пирыяс? Хоl хоятат ёхи мантсат. Яйhаllаl па ёхи мантсатан. Хон ики вохсаllы веhаl па ястаl: – Веh, сорнеh lов инар (седло), хомщи па щак пиlан уйты па ма хощаем туви. Ант уятlэн ки, эвем наhена ант маlэм. Веhаl ястаl: – Уятlэм! Хон ики веh сэр унта, мор унта манас па питас увты: «Хота ма сорнеh lовем?» Ёхтас lоваl. Юван сорнеh lов Нови хон ики хоща тусlы. – Ин – упl ики ястаl, – унтан уlты пуращ манэм тува. Юван пуращ па хон ики хоща тус. Хон ики ястаl: – Lов шанша омпса па щакн сэhки. Нови хон ики веh lов шаншан манаl па lоваl сэhкlаllы, туп нёхи лакки рыяl. Сэhксаllы, сэhксаllы, lоваl хаlас. Lоваl хаlам ураhан, ин Юван хон икиян ляватты питса: – Ин ма наhен кавраман шарытам певаlты хота омасlэм. Ким ки верытlан этты, питlан ма эвем пиlан уlты. Юван певаlты хот эlты хоlна хо рамашак па тумтакашак ким этас. Хон ики муй верты веhаl ант партсаllы, lув иса хошаl, иса верытаl. Ищипа эвеl Ювана нэhа маты вера ис. Ям хотан масlы. Юван имеl пиlан уlты питас. Яйlаlа иса нётас. Валентина РОХТЫМОВА рущ ясаh эlты толмащсаllы
Хfрат потарlат
Виктория Лонгортова па Владислав Лонгортов
Денис Куртямов
Газета
«LУХ АВТ» Адрес редакции: 629008, ЯНАО, г.Салехард, ул. Подшибякина, 17 (34922) 4 68 03, 4 68 63 Е mail: luhavt@yandex. ru
Валентина РОХТЫМОВА верам хfрат
Учредитель (соучредитель) Департамент внутренней политики Ямало Ненецкого автономного округа (ЯНАО, г.Салехард, пр кт Молодёжи, д. 9) Газета зарегистрирована Управлением федеральной службы по надзору в сфере связи, информационных технологий и массовых коммуникаций по Тюменской области, ХМАО Югре и ЯНАО 19 апреля 2012 года Регистрационный ПИ № ТУ72 00558
Тираж 700 Заказ 0009 Подписные индексы: на год 29925, на полугодие 84611
Газета вышла в свет 25 января 2014г. Подписано в печать 23 января 2014г. по графику: 17.00 фактически: 17.00 Газета выходит по субботам Цена годовой подписки 96 руб., в розницу не распространяется
Тимофей Лонгортов
Издатель Департамент внутренней политики ЯНАО (629008, Тюменская область, ЯНАО, г.Салехард, пр кт Молодёжи, д. 9) Отпечатано в типографии ГУ «Северное издательство» (629008, г.Салехард ул. Ямальская, 14)
Главный редактор Кельчин Г.П.