ЙИСАТ УLА, АРТНАТ УLА, ХАНТЫ МИРЭВ НУПТАH ЯСАH! Яlаптаl тыlащ хутмет хатl 2001-мет таl вуш эваlт этты питас
Российская Федерация Ямало-Ненецкий автономный округ Газета №50 (728) Lапат хутмет (суббота), Ван хатlап тыlащ (декабрь) 13-мет хатl 2014-мет таl
Дорогие
ямальцы!
От всей души поздравляю вас с 84-й годовщиной со дня образования Ямало-Ненецкого автономного округа! За эти годы из окраины России Ямал превратился в крупнейший индустриальный регион, став «энергетическим сердцем» нашего государства. Для ямальцев день округа – особенный праздник, когда сотни тысяч жителей с гордостью осознают свою личную причастность к великим свершениям – к освоению уникальных нефтегазовых месторождений, обустройcтву городов и посёлков на территории автономного округа. Сегодня Ямал – один из успешных субъектов Российской Федерации со стабильной экономикой и огромным потенциалом природных и человеческих ресурсов. При поддержке Правительства автономного округа в регионе эффективно реализуются социально-экономические программы, направленные на благополучие людей. Активно ведётся строительство современных объектов комфортабельного жилья, дорожной и транспортной инфраструктуры, социальной сферы. Уверен, что жители Ямала – и старожилы, и молодёжь, своей заботой, любовью, созидательным трудом, преумножат славу родного края, впишут новые яркие страницы в его историческую летопись. Я искренне благодарен каждому из вас, уважаемые земляки, за трудолюбие, поддержку и настоящий патриотизм. Это основа, духовный стержень, на котором Ямал стоит и стоять будет! В день рождения автономного округа желаю каждой ямальской семье здоровья, счастья, благополучия и успехов во имя процветания родного Ямала!
Ханшам нэпекат ишакты мосlат
Хасям lапат Пулhаватан кат презентаций верса. Оlаhан «На Ямале хороших людей много» нэмпи lуhтап (книга) ишакса. Ханты ясаhан – «Ямал муван ям хоят ар». Комсомольский вош хулы lапатхосьяhмет хотан Центральный библиотекая ар хоят ёхтыlыйс яlпа ханшам lуhтап ишактыя. Книгайl антом и хоятан ханшса. Сита усат корреспондентат, профессиональный журналистат па аl си кеша потар ханшты ант утаlтыйм хоятат. Lуват иса ям хоятат эваlт потар ханшсат па хорат версат. Хойтэн туhа
Д.Н.Кобылкин, губернатор ЯНАО
сира хор верты картыйн па ям ясаhан, хой па воllы ясаhан. Хоят хор антом туп хор верты картыйн верты рахаl, потар ханшты тус хоят си хорпи ям ясаh мосятаl, яха карттаl юпийн умась lуhаттыя. Па и пелак эlты ям хоятат эlты ханшты туlт. Lув иса иси матты кератман ям ясаhан тахарман уllа, потар ханшты хоята туп мосаl си ясhат нох акатты па мосты сира картман ханштыя. Книгайl ханшам хоятат ишактыя Пулhаватна уlты хоятат туп ёхтыlысат. Lув кутэlан потрат ханшам отат: Людмила Фёдоровна Липатова, Нина Владимировна Парфенова, Юрий Петрович Юнкеров, Евгений Викторович Лебедев, Хасана Камиловна Боязитова, Ольга Анатольевна Ефремова, Андрей Дробинин. Lуват иса нох lойlысат па ям хоятат эваlт ям ясhат потарсат – хотсат уйтантысат, муй эваlт ханшсат. Хойм хоятат кутан ханты нэhат па усат. Евгений Викторович Лебедев Евдокия Петровна эваlт шеhк ям потар ханшмаl си нэпекан, потар нэмаl «Ваш доктор Евдокия Петровна Литва». Lуhтаlан там потар.
Дорогие ямальцы! От всей души поздравляю вас с 84-годовщиной со дня образования Ямало-Ненецкого автономного округа! Далекий суровый северный край поразительно изменился. Малообжитая территория Крайнего Севера стала индустриальным сердцем нашей страны. Неизменным остается одно – это люди, трудолюбивые и талантливые, преданные и искренне любящие Ямал. Совершая трудовые подвиги, вы прославляете наш регион. Вами вписано немало славных героических страниц в летопись автономного округа. Сегодня нам есть на кого равняться и к чему стремиться. Уверен, продолжая профессионально выполнять свою работу, вместе мы реализуем государственно важные программы и проекты, внесем свой вклад в процветание округа, сделаем его для людей, без всякого сомнения, еще комфортнее и благоприятнее. Дорогие земляки! Крепкого вам здоровья, счастья, мира, добрых дел во славу округа и всей страны. Председатель Законодательного Собрания Ямало-Ненецкого автономного округа С.Н. Харючи
(еllы хуlмет лопасан lуhтаlан)
Ю.П.Юнкеров па Ю.А.Кукевич
Геннадий КЕЛЬЧИН потар ханшас КЕРАН Митры верам хорат
•Айкеlат
Яlап хотат омасlайт Пельвошан няl яlап хот верты питса. Кашаh хотан кат семья уlты питаl. Щи вер эlты Пулhаватан совещанияйн потартса. Вош администрация куща Иван Кононенко ястам щиран, Пельвош хорамаhа па яма уlты щира lэщатlа. Яlап нови тут маты хот верты проект lэщатlа, ин рупитты нови тут маты хот шукаlам тахайlаl lэщатсайт. Еlпи Пельвошан новитут щёс щиран lэс, там ванан атаh-хатl рупитты питас. Щи тумпийн нянь верты хот па яма lэщатты номас уl.
Хащам lапатан Аксарка вошан Приуральский район администрация куща Андрей Нестерук хус няl семья яlап хот томанан юкатсаllы. Хоl хотат Брусничный яlап микрорайон хоща уllат. Щи хотат автоматический газовый котёлан lэщатман уllайт. Таl хоlаты унты Брусничный микрорайона хоlна ветьяh хуlам семья касаlаl. Хотат кат программа хуват верlайт: «Обеспечение доступным и комфортным жильём населения на 2014-2020 годы» па «Комплексное освоение территорий».
2
№48(728) Lапат хутмет (суббота), Ван хатlап тыlащ 13-мет хатl 2014-мет таl
Хорам ханши ханшты нэ Ханты хоят йис тэlн моlты сохlаl, пормасlаl иса ханшийн поныlыllы, щит, таhха, щит ураhан па верыlыйс, па хоятат ат уятlат, щит там хоят пормас, вуты ант рахаl па кетомты па ант рахаl. Щи эlты вером сохат, пормасат, аlмунтыки, моlты пос тайсат.
«вояh унтэв», хота войт яhхlат, нохр юхат эномтlат, сумтат, хуlат. Хоятат, умащман, lув ханшаh ермакlаl вантlат. Выставка ар мир хоят вантаl, щи ханшет пеlа вантман, муh рут мувев эlты, муh ханты хоятlав эlты аршик номас понтlат, мувев, хоятlав ямашик уятты питlа.
Муй эlты номасlаl мантlат, щи эlты ханши вераl, муй эlты самаl щарыйl, щи эlты па ханши понаl. Александра Юхлымова Округ ремёсел хотн рупитаl. Ям ар пуш выставка верыlыйс, Пулhавт вошн, округев, хон мувев па вошатн па верыlыйс. «Хулаh Асэв» иса lув ханшиlаlн lойl, Александра Юхлымова па lув пос па тайl – рут ханты хоят ханшет анта нюкия понтlаllы, анта щашкана, вуlы соха ёнтlаllы – lув ермак щашкан эlты ханшlаllы. Хоятат ермак щашкан эlты хув тэlн ханшты питсат, Китай щи верн мет оха lойl, щата мет йис порайн шелк-ермак эlты ханшет понты питсайт, аяlта щи вер па мувата манас. Па тухаl тус ёш хоят па lув ханшиlаl ермак эlты понты номас тайl. Щимащ хоят кутн щи Александра Юхлымова lойl. Муhев, ханты хоятата, щит шек умащ: муh рут мув ханшиlав тохи понаl, па анта туп аl понаl, моlты эlты нумасман.
Ин там пуш Александра Юхлымова «Наследие» культура центран выставкайl верыlысlы. «Ма мирэм ханшет» – щиты выставкайl аяlтсаllы. Ар хоят щи выставка вантас, умащ ясhат нэман lэщатом нэпека хайсат. Александра! Муh, ханты хоятат, наh выставкаен эlты шек ун амат тайlув! Еllы па тус ханшиlан вераlн! Хоятат щи эlты ат амтатлиlат! Тус ёш верlан иса туhа ат мантlат! Надежда КОНЕВА потар ханшас, хорlаl па lув вертсаllы
Тус ёш нэ ёхтыlыйс Куш муй мув вуя, кашаh мувн тус ёш ёх уl. Мосванан Марий Эл мув эlты мояh хоятат ёхтыlысат. Lый кутэlн и тус ёш нэ ус.
Щимащ тус ёш хоятат эlты потар туты мосаl. Щит Ираида Александровна Степанова. Lув вантопса (Мари мир хоятат сохат алиlыйс) алиlыйс па мастер-класс верыlыйс. Щи нэ эlты ар ям ясаh ястаты рахаl. Щи номпсаh нэhие, сотщир умащ номас тайl. Потар ки тувемаl, хуlатты lувеl умащ. Вантопсайl пуншом порайн ар
ям ясаh lув рут муваl эlты ястыlыйс. Ернасат ёнтты порайн кашаh ёlа моlты номас понтман уl. Марий мув ёх тайты сохlаl иса хораман поныlыlаl, па анта ульня хораман, щата lыптат lойlат, йис хорат понтман уllат… И хор шома муh хорэв хорпи – йис емаh хор. Па мир йис хорат кутн lув па уллийl, ин рущат щимащ хор «свастикая» аяlтlэl. Щаlта и хорые па умащ. Ираида lувеl емаhвоя (змея) аяllаllы. Щимащ хор нэ соха ёнтыlыlа, щит ураhан
понтlа, емаhвойн нэ ат шавиlа – нэhат няврэм тайиlыlат, няврэмlаl эсоман lапатlаllаl, энмаllаllаl. Щи вой хор юрн нэ мушlыкашиlы таlаhа уl. Ираида Степанова мастеркласса «Мир марийской вышивки» ям ар хоят ёхтыlыйс: Окружной Дом ремесел хоща рупитты нэhат ёхтыlысат, Пулhавт вош ашкуlа няврэмат, Округ санаторно-лесной ашкуlа эlты няврэмат па ёхтыlысат па па хоятат па усат. Lый иса вышивка верты утаlтасат, мари нэhат йис ёlыет щашкан эlты поныlысlаl. Тайты сохат эlты потартас па мари ёх мир пеlа, Туром пеlа вантты вер эlты па потар тутлийс. Lый ищи хантэт иты туром воят-хуlат эlты, торнат-лыптат эlты иса нумман уllат, иса пойкащман уllат. Кашаh рут ищи lув пойкащты таха тайl – щит Емаh унтат (Священные рощи). Ин там хатлатн марийцат па щимащ унтата яhхиlыlат па ох понтlат, ищи Туром эlты ям уlопса вохlат, няврэмlаl таlаhа ат уllат, мувеl Туромн ат шавиlа. Надежда КОНЕВА потар ханшас, хорат па lув вертсаllы.
3
№50(728) Lапат хутмет (суббота), Ван хатlап тыlащ 13-мет хатl 2014-мет таl
Мув вантты няврэм Кашh хоят сэма питам мув тайl. Хой ун вошан, куртан, хой па уlы хотан сэма питас. Си тахайт lув шавиман тайlаllы, па мув хоятата шакатты ант эсаllаllы. Моlты атом отан lув муваl атмась ки тайlа, lув нопсаl шакаl, самаl хошиты питаl. Муваh хоят lув ар сиран муваl вантман тайlаllы: композитор ки – lув арат па ям нарссоват ханшаl, художник ки – вантты умась хорат ханшаl, поэт ки – номас веськатты, сам нёхтаты lуhтарат па арат ханшаl. Рут мувии шалитты, рут мувии вантты сират ай тэlан тыйlат. Аhкинаасина няврэмат этаlтаlайт, хотсат мосаl сэма питам мувен, опрасьlан инсям йиhкен, ляксам хоятlан шушиlыйм мув шанш шавитыя, вантман тайтыя. Пулhаватан Санаторно-лесной ашкуlа уl, сита Артём Салиндер утаlтыйl. Няврэмии Пулhавта Тазовский район эlты тувами. Сэма питам муваl эlты хува туса. Lув хуlмет классна утаlтыйl. Артём марэмаlа, па
Я люблю тебя, мой Ямал! Потому, что ты мал… Всегда мне кажется и снится, Что кричит мой Ямал: «Берегите меня, берегите, Ведь я о-о-очень мал!» Но, я знаю, мой любимый Ямал, Ты, наш единственный, Но сердце твоё велико!
Артём Салиндер потартаl: «Ма шеhк ёхи манты lытlайм, ма кашh хатаl энмам мувев уlаман вантlэм. Ар кут яха питаl па тухаl порайн ошlы питты хорпи. Сишан, еша куш кепа кенашак иты ураhан ма тухаl порайн lуhтарат ханшlам». Артём там ванан «Мой Ямал» нэмпи lуhтар ханшас. Ситы си lув сэма питам муваl сама рахаlман тайlаllы.
Ямал мувем сама рахаlман тайlэм! Сикуш наh па муват вантман ай… Уlаман ма наhэн вантlэм, Исимет, паlтапан ёхатман увlан: «Шавиян манэм нын, шавиян, Ма хоты lаськамем ай!» Ма уйтман, сама рахаllэм, Наh муhэван воllы па ит, Туп самшикен lаськам па ун! Гульсаадат Токторбекова ханшам потар КЕРАН Митрына ханты ясhа кератса
○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○
Ханшам нэпекат ишакты мосlат (потар оlhаl оlаh лопасан уl)
Нын уйтты питlаllан, хоты ун леккара ис Шишаh куртна энмам ай эвии, хоты lув мет оlаhан Айвош куртна мет оlаh пукан эвтас. Си порайн шеhк паlмаl, кертман нётты хоят антом. И нэ ёхатмаl, ханты ими, веlси хун пукан эвтты питас. Камн няврэм пукан эвтас, камн хоят lыlhатас. Си имина си нётами. Евдокия Петровна, ин уlтаlан, вош хулэт хуват шуштаlан, мушlаl ямаlтам хоятlаlан шияlаlа, уся верlа, ям ясаhан ястаlа, тумтака уlты еllы парlа. Муйl атом? Мохты си сам аматаl, хоятат мушlаl ямаlты хошты нэ, си арат таl верам вераl таl такlы ант ушас. Хоятатан уйтlа, хоятатан ванна тайlа, моlты ки каши, моlты ки хошийl, lув хосяйl манlа, lув каншlа. Мира мосты ханты нэ, ханты доктор. Евдокия Петровна, презентаций верам тахая ант ёхтыlыйс.
Мойlаптаса
Ишкам па ям ясаhан ястам и хот хоятат
«Материнская слава Ямала» нэмпи потар Хасана Камиловна Боязитова ханшмаl. Ма там хатань ими яма уйтlэм, мин lув пиlаlан и хот lыпина рупитсаман. Хоят пеlа шеhк ям, потар ханшты тус, потарты хошаl. Lув си Родион Талигин аhки эlты потар ханшмаl. Ястаl, Зинаида Ильинична, уlмаl хуват и тахайн омасты вер ант таймаl. Муйкем верытаl, иса рупитаl. Тась хотан уlтына омасты кум хун уl: тутъюх сэварты мосаl, йиhк аlты мосаl. Тахты па кепаl татаlтыя, ёнтастыя хошlан ки веlщи хотэн хошам питаl, няврэмlан ёшlаlкурlаl ант потlайт, икен, нёпилув молщаh lуматман, карыты питаl. Lув па хорам ханшаh сахан, росэh
урты охшаман шушамтыйl. Мир сэм вантыя умась – вантаlан муй хорпи ёшаl тус нэ, муй хорпи хотаl сыстам нэ уlмаl. Lувеl шияlаlан па исимет найн поханlайн. Няврэмlаl ёнтман па lуматтаман, сыстапман па lапатман уllат. Уlмаl хуват иса па хоят эlты нётты сира ус. Сита си нэпекан, Хасана Боязитова ханшмаl, хоты, Зинаида Ильинична ветхосьяh таl мар уlы хотан рупитмаl. Уlы хотан кутан-кутан ант нётман уlты сир антом. Ху хоят сита ими такlы уlты ант верытаl, нэ хоят ху такlы ант верытаl уlтыя. Кашh хатаl мосты пормас па lуматты сох lапкайн ант lутlан, хоlыя иса наhэна мосаl ёша-кура вертыя. Куш муй уймта – хуван ки –
хуван, вай ки – вай. Русь верам пормас, тухаl ишан ант верытаl. Ханты мир тайты пормасат, тайты местайlаlа аlаh йис порайт эlты ханман уllат. Сишан мосман тайlайт. Зинаида Ильинична си вератан иса хошаl. Хошмаl па хоштаl ураhан, lув книга хося ханшса. «На Ямале хороших людей много» нэмпи книгайн хоlна ар хоят эlты ям потар ханшман уl. Ма па тата кат нэ этаlтасам. Нын там lуhтап иси lуhтаlан, моса нын рутlан, нын уйтты хоятlан эlты сита хорат па потрат па мосятlаты. Геннадий КЕЛЬЧИН потар ханшас КЕРАН Митры верам хорат
4
№50(728) Lапат хутмет (суббота), Ван хатlап тыlащ 13-мет хатl 2014-мет таl
Ими хиlы (Монщ оlаh шупаl №49 (727) газетайн уl)
Ими хиlы па Еманг кев пертыкку ёхатты веран уl. Аяlта ким этlыйс, па тут юх ёхи тус. Путl lэса хоты, яlпа моlсаllы. Уты хатс, иl оlас. Путl туп етшиты питас, катhаllаl ёхи ёхатсатан. Вантlатан – ин отн оlаl, инщасlатан: – Хоты йисан? Ёхм пай хаткку ёхlы ястаl: – Пут карты юхаl таhха шоппи морыйс, путэм иl сохнамтас, шанш ур эlты мантсайм, шаншэм кавраман lэса. – Нэмаlтыя ант катlантыты хоят хоты, щит ураhан щи кавраман lэсайн, – катhаllаl ястаlтан. – Катlантыты хоят кавраман хун lэlа. Щитэlн lэсат, инщсат, иl оlсат. Аlаhсахат па вой веlты манты питсат. Ин Ими хиlы ястаl: – Емаh кев пертыкку, ин наh хатlэн, там хатl ёlан наh хащlан. Итыеман ёlан хащиlыйс, мохты щи ям. Ёхи ёхатсаман – каврам lэтот уl, метам юпиян яма lэсман, инщсаман. Катhан мантсатан. Емаh кев пертыкку ёlан хащс. Тут юх lэщатас, иhк аlтас, унт хор мевl нёхи лакки сэвартсаllы, нёхи моlс. Арыман, монщман тыеl-тохеl шушиlыяl. Путl щи етшиты питс. Тут юх lоhаlты ким этас. Вантаl, хотаl пеlа хуlам хотаh йиl. Сора, сора ёхи lоhас, анlаl, путlаl иl ханятсаllы. Lув па осам хырат иlпия иl ханемас. Хотhат хот ован иl lатсат, хотаh сохlаl хоlт лакемасlаl, хуlам эвия йисат. Ёхи lоhемисат, хотаh сохlаl ёхи lоhаlтсаllаl, ов пуhаlн нох тахартмасlаl. – Тохо, тохо, – ястаlат, – путэв па щи кавартам. Аl Емаh кев пертыкку веlм унтхор мевl нёхи. Ан каншты питсат – ан антом. Lый каншты питсат – lый антом. Емаh кев пертыкку осам патн оlаl, хуlатаl. Ин нэhат уlэl па lувеl нык
(ханты мир монщ) сухтаlэl, хув ан юкана, шаншур хуват каврам нёхийн хонlэl. Щикуш лэhки эhlас, хуlам нэ хоща хун щакаl. Нэhат яма lэсат, инщсат, хотаh сохlаl аlэмисlаl па ким этсат. Каман нох lуматсаllаl, нох пурlысат, щиты щи мантсат. Емаh кев пертыкку уты ваhкас. Еша оlас, хатl кутпа иты питас. Нумасl: «Ешауl катhаlам ёхи ёхатlатан, яlпа пут моllам ки щи». Шанш ураl щикуш каши, аяlта ким этlыяс, па ёхи тут юх тус. Путl lэса хоты, яlпа моlсаllы. Уты хатс, иl оlас. Хущl хурlыты питас, путl етщиты питас. Каман lохпат сэhкты щащl, катhаllаl ёхи ёхатсатан. Антап кеlhаllын lаhкиятн, лукатн лоп ярман, унтхор веlман. Ёхи lоhlатан, вантlатан, ин отн па туп уратыйl, инщасlатан: – Хоты па йисан? Ин отан ёхlы ястаl: – Ехм пай хаткку пут юхаl атма ки lэщатсаllы. Па нох сохнамтас, шанш ур эlты каврам путан мантсайм. Урайн яlпа путэм моlсэм, нох тахартсэм. Шай инщсат, lэсат, иl оlсат. Хуlмет хатl Ими хиlы ястаl: – Там хатl нын веlпасlыты яhхатн, ма шай кавартты ёlан хащиlыlам. Ими хиlы ёlан хащс. Тут юх lэщатас, иhк аlтас, унт хор мевl нёхи лакки сэвартсаllы, нёхи моlс. Хот сыстама lэщатс. Хоl хот рупатайlаl версаllы. Арыман, монщман тыеl-тохеl шушиlыйl. Путl щи етшыты питас. Тут юх lоhаlты ким этас. Аhкармас, хуlам хотаh иl. Ёхи lоhемас, анlаl, путаl эlпа омассаllы. Путl етшас, утышак хатаlтысlы. Нумасl: «Ахоlта ханемиты». Ов хоп сая, иhки норм иlпия ханемас. Ин хотhат, камн щащlат, хотаh сохlаl лакемасlаl. Хуlам нэ ёхи lоhксат, хотаh сохlаl
(еllы па уl) Эрнст КУРТЯМОВ монщам монщ, Валентина РОХТЫМОВА нэпека lэщатсаllы
•Хорат потарлат
Оhтэн хорам рув Тэlаh оhтаh вой пеlа вантты умащ. Кашаh ёхартыеl ханши иты lояl. Хун оhтат хоlт раканlат, хоlт эватlайт па тус ёшпи хоятан мощатlайт, lув щи оhтат эlты моlты эватl-нёхарl. Кашаh хоят lув хораl вераl: вой хорат, лып-
ов пуhlа тахармисlаl. Lый кутlаlан потарlат: – Ей, хотэв сыстама lэщатам. Моlхатl щи хулэhа хаиlысэв, Емаh кев пертыкку шаншур эlты каврам нёхийн хоныlысэв. Пасан омассат, пут хонтсат, вояh унт хор нёхи lэсат, хошк инщсат. Потарlат: – Ям щи, Ими хиlы лэhки унт хор веllымаl, куш кепа яма lэсув. Нэhат манты щи питсат. Ими хиlы норам сай эlты нох lоямтас, хотh сохат ёша аlэмисlы. Хот утпелка lоямтас, нэlаl ов пеlа питсат. Ими хиlы нумасl: «Хотаh сохат ёша катlапсаllам, нэhат хоlта манlат?» Щи пуляh нэhат хотаh сохlаlа щаксат. Хотаh сохат кат пелка таlты питсат. Ими хиlы юураhа ювантыйl – хотаh сохат нэlаl пиlан уты таllаllы, нэlаl юураhа ювантыlат – Ими хиlы ов пеlа таllэl. Ям хув щиты ешащсат. Ими хиlы нумасl: «Там ар, там монщ патыя туты верытlэм ки, там нэ тувемаlэм па, Ёхм пай хаткку оlтахая ат ханапаl». Уllы па, юраlн мет уншак нэhаl тувемиllы, нэhаl Ёхм пай хаткку оlтахая тохи ханапаl. Иl ханс, нох lойты ант верытаl. Я, Ими хиlы кат нэ пиlан щёмаhа щи йис. Нумасl: «Там ар, там монщ патыя туты верытlэм ки, там нэ тувемаlэм па, Емаh кев пертыкку оlтахая ат ханапаl». Щаlта тувемиllы па, и нэhаl Емаh кев пертыкку оlтахая ханапаl, нох lойты ант верытаl. Хуlмет нэhаl па поткиllы, нэhаl lув оlтахаяlа ханапаl. Щи нэhат иl хантсат, хоlта манlат?
тат, хоят хорат… Щи хорат пеlа метшак умащ вантты. «Душа Севера» выставка эlты эвтам-нёхрам хорат газетая lэщатсув. Щи выставка Пулhаватан МВК Шемановского хоща ус.
Валентина Рохтымова верам хорат
Газета
«LУХ АВТ» Адрес редакции: 629008, ЯНАО, г.Салехард, ул. Подшибякина, 17 (34922) 4-68-03, 4-68-63 Е- mail: luhavt@yandex. ru
Учредитель (соучредитель) Департамент внутренней политики Ямало-Ненецкого автономного округа (ЯНАО, г.Салехард, пр-кт Молодёжи, д. 9) Газета зарегистрирована Управлением федеральной службы по надзору в сфере связи, информационных технологий и массовых коммуникаций по Тюменской области, ХМАО-Югре и ЯНАО 19 апреля 2012 года Регистрационный ПИ № ТУ72-00558
Тираж 700 Заказ 0835 Подписные индексы: на год - 29925, на полугодие - 84611
Газета вышла в свет 13 декабря 2014г. Подписано в печать 11 декабря 2014г. по графику: 16.00 фактически: 12.00 Газета выходит по субботам Цена годовой подписки 96 руб., в розницу не распространяется
Издатель Департамент внутренней политики ЯНАО (629008, Тюменская область, ЯНАО, г.Салехард, пр-кт Молодёжи, д. 9) Отпечатано в типографии ГУ «Северное издательство» (629008, г.Салехард ул. Ямальская, 14)
Главный редактор Г.П. Кельчин