ЙИСАТ УLА, АРТНАТ УLА, ХАНТЫ МИРЭВ НУПТАH ЯСАH! Яlаптаl тыlащ хутмет хатl 2001-мет таl вуш эваlт этты питас
Российская Федерация Ямало-Ненецкий автономный округ Газета №4 (734) Lапат хутмет (суббота), Яlап таl тыlащ (январь) 24-мет хатl 2015-мет таl
цеводство, ланшафтный хозяйства па садоводство хося яlпитам верат этаlтаlайт. Россия мув эlты lапатхосьяh мувсуh-регион эlты сот lапатъяh (170) ар сыр компаний ёхатман уl. Россия делегаций оха сельский хозяйства министр Николай Фёдоров уl, Ямал эlты, тохи манам ёх хося, оха Дмитрий Кобылкин понман.
Александр Бейфус верам хор
Яlаптаl тыlась хутхосьяhмет хатаlан немась ёх Берлин вошан «Зелёная неделя 2015» нэмпи Международный сельскохозяйственный вантопсы пуншантас. Сита Россия павильон иси уl. Вантопсы хося каман сыр АПК пормас этаlтаlа – lэтотат, лесной па деревообрабатывающий промышленность, животноводство па пти-
Александр Бейфус верам хор
Уlы нёхи Финляндийн lутlа
Ясаh уl Финляндий хонмува катсот тонн арат каlаh нёха тыныты ураhан ястантап нэпек (договор) ёшпосан шумаlты-понты. Нёха тыныты ёх «Ямальские олени» нэмпи предприятия – lутты питаl. Мойh ёха па вантопсы вантыlыты ёхтыlыты хоятата Муравленко эlты ёхтам образцовый якты ансамбль «Радуга» («Нуlъюх») каш
Тынат па эllасат
Округ тутхот
Александр Бейфус верам хор
Муh округ губернаторэв Гайдаровский форум хося потар верам порайн инсясса Арктика эlты. Lув ястас: «Арктика хоlна хув па хув Россия экономика унтат онастаты питlаllы. Ма сирэман, муhэв наукаев нох эlамты мосты ки питаl, наукаев овас мув верат утаlтаман аlамты питlэм. Арктика хося шеhк ар еlпи ант вантыйм сир па рупата. Уlтэв сиран ситы тыйс, Ямал муван уlты па рупитты ёх мет оlаhан Арктика мувата шушмасат па сита топливно-энергетический комплекс верты питсат. Там веран муh тумпев антом. Муh Россия экономика курhан юкана уllув. Муh ки ант нётlэв – lув
«ЛА» архив эlты понам хор
Арктика хуцы ун нётап вераl муh такlэв ант верытаl lойтыя. Муh кашh хатаl еllы па еllы курам уlам. Мув эlты йиhка манlув, сита маlвусат порытlув, мув иlпи тасят каншlув, муh еlпеван ант верыlыйм верат верlув. Си веран муh наука онтастаlэв, муh рупата уlапса мантаl сиран еllы туlэв. Муh бизнес юпийн иlув. Бизнес верантаl – муh lувеl нётlэв. Муh моштаман тайlэв, бизнес верты ёх эlты тайман тайты мосlат. Си такlы lув ар атам верты верытlат. Нефтегазовый комплекс пиlан муh и номас уйман уlты питlув. Мет такан мосаl тайты экологий вопросат. Арктика сит муh яра мувев, lувеl сыстама тайlэв».
верты питаl. Си тумпина овас мув сувенират верты сират мастер-классатан этаlтаlайт: хоты верты мосаl «Белый медведь» («Нави мойпар»), «Весёлый олень» («Кашаh каlаh») па «Бурки» нэмпи подвескайhан, «Северное сияние» («Ворlыты-лямпиты опаль тут») па пасан lоhаlна оматты «Чум» (Урхот).
Яlпа питам таlан, Ямало-Ненецкий автономный округ Россия ЖКХ фонд эlты нийlъяh пеlа няl сёрсаhсёрас (миллион) няlсот сёрас соlкувайн посаlтаlа. Там маты охат юуран питlа яlап хотат оматты, хотат яlпитты па катрая ювам хота лосытты па шукатты. Хоятат па яlап хотата lоhаlтыя. Аратаlан, там вер Россия хонмув lоватан нох аlамты ураhан, няlьяh миллиард соlкува эсlами. Капитальный ремонт вертыя няl миллиард соlкува постам матыя.
Ямал мувеван, там хасям хуlам lапат сыс нянь, саккар, сиськурэк караh пошхат, картофель, морковь па капуста тынат нох эllасат. Капуста тын хуlам пушан эllас, няльяh пеlа lапат соlкува арат ёхтас. Приуральский района хутьяh пеlа lапат соlкува киlа капуста – мет тынаh, Ноябрьск вошан хольмаh пеlа lапат соlкува, щит – мет тынlы. Саккар хуlмет шуп процент аратан тынаhашак ювмаl. Кутап ар тынаl – lапатъяh пеlа хуlам соlкува. Мет тынаh саккар тыныlа Ямальский районна – нийlъяh пеlа нийl соlкува, мет тынlы Яlап Уренгойн – хутьяh пеlа хуlам соlкува. Путы нянь тын, хасям lапат сыс, кат процентна эllас. Округ lоватан, кутап ар тынаl – хутъяh пеlа кат соlкува, мет тынаh Надымна – lапатъяh пеlа lапат соlкува, мет тынlы Красноселькуп районна – няльяh па кат соlкува. Ешаина тынlышак ювмеl мус вой па подсолнечный вой, сиськурэк нёха па соl. «Север-Пресс» айкеlат КЕРАН Митрына ханты ясhа кератсайт
2
№4 (734) Lапат хутмет (суббота), Яlап таl тыlащ 24-мет хатl 2015-мет таl
Яlап таl хатl Хой емаh хатl верыlыйс? Кашаh таllуh Шоши ай мир Ямал мув ассоциация «Ямал-потомкам!» шоши мир хоятат ураhан яlоп таl емаh хатl верыlыйl. Пумащипа ясаh Ассоциация кущая Эдман Хасевтевича Неркаги ястаты мосаl. Lув lаhкар ёхlаlа па вуща ясаh ястыlув, щит Борис Григорьевич Шушаков, Елена Николаевна Салиндер, Светлана Падровна Хороля. Емаhхатl кеша Катра яlоп таl хатlатн ОЦНК хоща дискозалн пасанат омпсыlыlайт, кавром шай lэщатlа. Хоятат па ёlн эпlаh lэтот кавартlат па, тый ёхатман, пасана омпсыlыllаl. Там таl шеhк ар хоят емаh хатlа ёхтыlыйс. Тухlат вурайн омасты пасанат мощатысат.
Хой емаh хатlа ёхтыlыйс? Там емаh хатlа кашаh таllуh шоши мир хоятlав ёхтыlыlат. Мет самаhа щи верн Борис Григорьевич Шушаков, Иван Васильевич Ламдо, Аркадий Егорович Романов, Елена Николаевна Салиндер, Светлана Падровна Хороля уllат. Lый рут хоятlаl иса ёхтыlыlат, lухасlаl па ёхтыlыlат. Па вошат-куртат эlты па мояh хоятат усат: Гыда вош эlты, Lор вош эlты, Питlор эlты, Lапатнаhк эlты.
Хой вуща ясаh мояh хоятата ястыlыйс? Мойh хоятата кущайlав па вуща ясhат ястыlысат, щит Шоши ай мир Ямал мув ассоциация «Ямал-потомкам!» куща ху Эдман Хасевтевич Неркаги, Пулhавт вош ассоциация «Ямал-потомкам!» отделение куща нэ Светлана Падровна Хороля па Пулhавт вошн уlты ханты ёх национально-культурный автономия куща ху Геннадий Павлович Кельчин.
Хоты ун хоятат ёнтсат-арысат? Ун хоятат па пасан сурн яма омассат, рут хоятlаl пиlн, lухасlаl пиlн аматман потар тусат. Пасан сур эlты нох lойты каш век ант тайсат. Па ищипа lый ванкутlы ёнта па яка хущиlысайт. Щи верн мет шопаh Порнэhев ус. Аl хун лув Порнэ! Ям ар хоят вурайн хотхар кутпа таlлийс. Ун хоятат кутн па метшик апраh хоят каншиlыса, хой сора ёнтты отl еllы маllы па нэман омпсом омасты пасана омпсыlыйl. Нох питом хоятат моlты мойlопсайт иса шитыlысат. Хоятат пеlа lый шеhк ар ям ясаh ястысат, потартсат, хоты паром таllуh усат, муй эlты еllы нумасlат па ояhапищаhа еllы хоятата уlты партсат. Геннадий Павлович хонна мояh хоятата яlоп ар ай восты хуl юхие эlты мойlас па туса щата тувемисlы. Мояh хоятат па сценая вуратысат, хоятата вуща ясаh ястаты. Ханты хоятат кутн Валентина Лонгортова (Пулhавт эlты) па Ева Шиянова (Питlор эlты) устан.
Хой нях-каш верыlыйс? Кашаh таllуh щи емаhхатl верты ОЦНК хоща рупитты ёх нях-каш верыlыlат, Наталья Михайловна Башева lый кутэlн оха уl. Ин там хатl па lый щиты верэl понтсэl, аlмунтыки хоятат тохlаhхопн арщир монщаh муват хуват яhхlат. Тохlаhхоп кущая Александр Терентьев ус, кат бортпроводник хоятата нётопса вертман устан, щит Наталья Ребась па Александр Кулиш, бортпроводникат кущая Надежда Конева ус. Арсыр монщаh муват хуват яhхман па тохlаhхопа па Порнэ ими (Наталья Башева) lэlлийс, Ошие (Ольга Терентьева) па тохlаhхопа вуратыйс. Няха потар таlтман, бортпроводникат хоятата яма потартсат, хоты тохlаhхопан юшн уlты мосаl, муй верты рахаl, муй верты ант рахаl, вантсат, хоятат иса туhащира ат усат. Порнэ ими Ошие пиlн па хоятат иса няха таlлиlыстан: ёнта lыеl таллислын, яка таlлисlын. Порнэ эlты муй па lаваlты! Тохlаhхопан манты ёх па хонна арат хуlантсат, якат вантсат. Артистат кутн Владислав Озелов, Валентин Вальгамов, Антонина Ануфриева, Наталья Назарукова, Татьяна Лар па Елена Уфимцева усат. Хойтат арысат, хойтат яксат, хойтат па хоятат няхаlтсат. Мояh ёх такан ёшпатlаl сэhксат.
Мата вой поса Китай хон мув ёхн там яlоп таllуhев понтса? Хоты хоятата 2015 туllуhан уlты мосаl? Китай хон мув ёх там яlоп таl Оша юкатман тайlэl. Па муh, lый пеlэlа вантман, ищи щиты нумасlув. Па щи эlты кашаh хоята номпса понты мосаl, хоты 2015 таllуhан уlты мосаl? Хатl этты пелак муватн уlты ёх ястаlат, хоятата там таllуhан туhащира уlты мосаl, хоятат пиlн вещката уlты, номас иса туhа понты, ляватты ант рахаl, эhкрасты ант рахаl. Щемьяйн яма уlты мосаl, имен, икен пиlн яма уlты, няврэмат туhа-щира энмаlты. Няврэмат иса сэма ат питlат, таlаhа ат эномтlат. Хоятат ояhа ат уllат. Хоят щиты вещката ки уl, ар ойн ёхатlа, уlопсайl иса туhа манты питаl. Щи пеlа нумасман, таlэв, аlпа, яма уllэв.
Ёlта хащом ясhат Тынаh хоятыет! Яlоп таlн иса нын уlопсайн яма ат манl! Тумтака уlаты! Муй вера номасlын понтlаты, верlын иса туhа ат йиlат! Манты юшн иса туhа ат lойl. Прокопий Ермолаевич Салтыков ясаhан па ястаты вутщиlом: «Вантаты еllы, аl питат вевlы!» Потар Надежда КОНЕВА ханшас, хорат па Геннадий КЕЛЬЧИН верас
Хоты няврэмат няхмиlтсайт?
Иськи ики – Загид Каминов
Емаhхатlа ям ар няврэм аhкиlаlащиlаl пиlн ёхтыlысат. Ищки ики (Загид Каминов) па lув хиlыеl Lонщ эвие (Алина Герониме) пеlа няврэмат арат арысат, lуhтарт потартсат, Ищки икийн ишаксайт па хирl эlты эпlаh мампащатн мийлисайт. Ошие пиlн няврэмат па умащ як яксат па арысат – «Ма хатl нэпекан щуратlэм» (Я рисую солнце). Па хонна няврэмат, хуl юхие lарытман, умащ арат арысат.
Ошие – Ольга Терентьева
3
№4 (734) Lапат хутмет (суббота), Яlап таl тыlащ 24-мет хатl 2015-мет таl
Литературный лопас Хасям lапат газетаеван муh Владимир Владимирович Маяковский ханшам lуhтар, русь ясаhан нэмиса «Кем быть?», ханты ясаhан ус «Ёша ма муй уlам вер?» lуhтар поныlысув. Си потар еllы оlты
номасан, муh там лопасан кимет стихотворений па понlув. Нэмаl «История про Власа – лентяя и лоботряса», ханты ясаhан «Лэнькащ па лоботряс Влас эlты йистор». Маяковский, ай няврэмата ям номас пон-
ты ураhан, тамась lуhтарат ханшиlыйс. Няврэм тамась ар lуhатlаllы па мохты моштаllы хоты уlты рахаl, хоты ант рахаl. Lуhтаlан, па айкеl вераты – кен муй lаварт lуhатты ус?
Владимир Маяковский
Лэнькащ па лоботряс Влас эlты йистор – Охэм воllы сикем каши. Ситы охэм каши ус, утаlтыты кум ант мас! – Лакатты письмайн ханшаlан, Манэм шуукатты хоятэм!
Влас Прогулкин – тёпаh няврэм, Иl оllыйl, журнал уйман. Си журналаl сикуш вась, Lуhаттыя шеhкшак каш. – Ун ура верlам, исипа lуhатlэм!
Лакатты письма Влас тусlы школая, Сиhанся, хув кут утаlтыты ант яhхас. Ястаты ки энмас Влас – воllы торlы лоботряс. Тааlа хасяс Влас ох веlам, В ВУЗа lув хоlна ант уям. Буквайт яха понтыя уясас, Тамась ясhат вывеска этаlтас: «Кауфёр Симон». Ясhаl парта lуhатсаllы: «Номис» этас, «рёфуак» питас. Вет минуткем нумасыйс, Сиlта еllы шушэмийс. Тата, хотаl хуlмет хунна* Хоlна вывеска «ТЭЖЭ». Lуhатсаllы. Еllы шушмас. Хуlам минут хоlмаl антом Кат витрин кутан верlыя lойс. Тупан, тупан, етна пелка Lув школа хота ёхтас. Асеlан, аhкеlан оlтаты курlа. Па няврэмат нох киlты порана, Аlаh хуутлина иl lув войпlа. Па няврэмат нох киlты порана, Шай исьты омастэl кеман, Асеlан уваllа такан: – Нох киlа сора, таха! Ант хуlты ураhан, паllаl лап понlаllы. Няврэмат школая мантэl юпина, Влас веlси нох киlты пичаl. Школайн ант войпты ураhан, потам йиhкан веншаl лёхитаl. Курhаlаl тупаншак таlман, lэllы ким этаl. Lэllы ким этаl, юш хуват шушаl. Lапка шомайн верlыя lойl. Вантlаllы вывеска – lуhатты мосаl: – Муй ма си lоват шукасьсам!? Ар хатаl школая яhхсам!
Тупан, тупан, ясаh кутан, Рабочия рупиттыя питмаl ун заводан. Влас па, еlпи тэlан утlам сиран, рупиттыя ант lаhхаlаl: ёх рупитlат – поохал марыйl, Прогулкин па аl – норкийl.
Оваl лап томатман. Власэв оваl поткас – Ант эсаllа Власэв класса! – Lайlастыя – онтас антом, Манlам ёнтты, шук охшукlам паркатlаllам! Вет копэка паркатэмас, Еllы метшак хусьты питса. Ох шитты руван ошlы пайтса. Хуlам сёс сыс сора манас, Туп lэваса охаl уштас. Муйl верты – ныты вер си: Карэмас па ёхи манас! Мохэт lэпаlтаты ураhан, Нопсаl шакам хорас верман, Ёхи ёхтас. – Пох лэhкие, хоты исан? Сэмlув вантты ант верытlат.
Ястаlат си, тыlась сайн Lув рупата эlты воштам. Власэв пива исьты питас, Си верна lув оха манас. Кучаман, пушасат пуhаlан, Пуурсят иты, хулэh па маншийм ернасан кератlыйl. Няврэмат, Влас хорпи верат нын нэмаlты порайн – аl верат! Аматман книга нын ёша уяты, Ям няхан няхман, класса манаты! Ар lуhтап-книга lуhта! Ох веlмен ун ошан тэкапты! Школаен такан нуми, Туп lуhтапен пиlан ойяhа иlан! КЕРАН Митрына ханты ясhа кератса. 2015 таl, Пулhават
4
№4 (734) Lапат хутмет (суббота), Яlап таl тыlащ 24-мет хатl 2015-мет таl
Нум муват пеlа, хуван, амуй ванан, хой уятаl, хота Асэв оlhаl вуl, пастэр ёх усат, мосаh ин па уllат. Ипуш кат ху вой веlпаса мантсатан. Па кураhвой кащаlастан. Кураhвой нюхаlты питсатан. Оlаh пастэр ху тохlаh ус, lув туром хуват манас, кимет па курlаl хуват усат, lув хухаlты питас. Куш lув сора хухlас, па ищипа кураhвой нюхаlты ант верытас, пиlаl эlты па ёхlы хащас. Шеhк ёхlы хащас, lый ант нысайтан. Ёхlы керlаты ант lаhхас, щит ураhан ищипа еllы щиты щи хухlас. Хухаlаl ки па ат хухаlаl. Тохlаh отэв па хоlта питас? Тохlаh отэв па кураhвой юпийн щи хухаlаl. Хув хухlас, ван хухlас, нюхаlтсаllы. Нёlаlн кураhвой ёхатса, иl ракнас. Тохlаh отэв па иса юрlы питас. – Щикем метсом, – хоят ястас па кураhвой пуhlа мува иl омсас. Щиты омсас па ар пелка вантыlыйс. «Мувем хуван хащас. Там па амуй мув? Ма там мув ант уятlэм! Хой уятl, каман хатl ма кураhвой юпийн хухаlтсом. Ма lувеl паятсэм па нёхи ищипа ёхlы туты ант верытlэм», – щиты, омасман, lув щираlн нумасас па щаlта нох lояс. Кураhвойl нох хортсаllы, сохаl вусlы, шанш войl нох эватсаllы, вай куровата войl тэваlтсаllы. Нёхи lэпсатан лап лаhксаllы, эlты па хонна анаl понтсаllы. Щаlта ёхlы пурlас, и тохlаlн lонщ еша щурэмасlы, еша манас па нэман lонщ па щурэмасlы. Хув манас, ван манас, и хуйl уйтас. Lув хонна кураhвой юпийн хухаlтмаl.
– Наh воен веlтсэн, амуй, lув хонтас? – хоятl инщасас. – Веlтсэм па нёхеl щиты щи хайсэм. Шеhк хуван мощатсэм. Ма ин хотэм пеlа пурlаlом, наhен нёхи ки мосаl, еllы шуша, – Тохlаh хоят ястас. Lув вой вай куроlhаl эlты нох таlас па пиlаlа мас. Щаlта па ястас: – Ёхlы йитэмн lонщан тохlэмн щуртыlысом, щи эlты кураhвоен уятlэн. Нёхи lэва. Ёхlы амуй ёхатlан, амуй ант ёхатlан, щит шеhк хувн уlты мув. Щимащ ясаh Тохlаh хоятэв ястас па ёхlы пурlас. Кураh хоятэв па еllы шушмас, иса кураhвой вой lэс, щит ураhан самаl ант вохиlыса. Хун войl етшас, кураhвой пуhlа щи ёхтас. «Ма рут мувем яна шеhк хувн хащас, ин ёхlы манты ант па верытlом», – хоят нумасас. Щаlта lув кураhвой нёхи эвтас па lэты питас. «Ма рут мувем шеhк хувн хащас. Хоты па ма ёхlы ёхатlом? Мосаh, тата щахlом. Тата ям тахайт. Ёхlы па ищипа манты ант верытlам. Тата ям муват. Тата хащlом. Хуl тата уl, васы. Тата хащlом». Щиты щи там муватн пастэр ёх уlты питсат. Катра мувl эlты еша уlман иса ёрэмисат. Щиты щи ин тата уllат. Надежда КОНЕВА интернет эlты монщ вусlы па рущ ясаh эlты толмащсаllы
Lор юраh нэhие
○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○
Хоты пастэр ёх тыйсат
Lор юраh нэhие ус. Унтан, ванты, уllат, нюки хотан уllат. Щаlта похие тайс. Икеl тащаl каншты манас. Тащаl каншты манас па иса шиваl щи хоlас. Шиваl хоlас па щи lаваllаllы. Lаваllаllы, lаваllаllы, па иса ант ёхтас. Имоlтыйн овс ур ики ёхтас па ястаl: – Нэhа наhен туlэм. – Ма нэмаlт тахия ант мантlом. Я, хуlом ху ёхтыlыlат. Итl манаl, итl ёхатаl, па хуlмет хуйl па ёхатаl. Имоlтыйн щи кашащас. Щи туса, ванты, нюром пеlа, тащаl, муйl, щи туса, онас ухаllаl, нюки хотlаl муйlаlан щи туса. Щаlта ёхан вуншом тахийн, ин ёханэl lэщатты порайн вантыяl. Щиты вантытаl эlты кащаlыllы – икеl юх тая нох таlом, щата щи пармаl. Па lув нэмоlты ант ястас, аlмунтыки, нэмоlты ант вантас. Ин курта щи туса. Щата пиращ ими уl. Похаl пиlн уl. Нэhев еша ус, щаlта хонтаты номас щи верас. Lув тащаl эlты lув ям вуlэт нох кирас. Ата йис па ухlаl киртсаllы, похиеl аlэмасlы па нюром хоща туп пусаh кавартмияс. Щи манаl. Щаlта вантаl: щи нюхаllа, ур икеlн щи нюхаllа. Щаlта вусlы па аlты кешийн ин сапlаl lув шоппи щи сэвартмасlы. Щаlта кимет от па йиl. Па сапlаl шоппи сэвартмасlы. Хуlмет отаl па сэвартмасlы, хоlыева сэвартсаllы, ипуша еllы щи манас. Касом ёхан тайн, аlпа lув lуhха щи опсас. Ин тащаl, ин ухlаl щиты щи хащас овс урlаlа. Щимащ вер. Тимофей МОЛДАНОВ ханшlтам монщ
Хорам lыт ооват, хорам сах кимlат
Ханты нэhат си хорпи тусат ёнтастыя па куш муй сиран каншата, и хорпи сах, и хорпи вай нэмаlты тахайн ант мосятlан. Нум муван уlты нэhат, ным мув нэhат пиlан артаlаман, еша па сирнашак ёнтасlат. Ным мув нэhат сахlаl понат хувт, вай ох пушахlаl уншакат. Lаськам вайн кур сора ант потlа, тарм иськи порайн. Ным мув иськишак, аl вантман. Муй эlты туп ханши ант эватlа: сак эlты каратlа, сыркеl эlты сэвlа, кепаl эlты
Газета
«LУХ АВТ» Адрес редакции: 629008, ЯНАО, г.Салехард, ул. Подшибякина, 17 (34922) 4-68-03, 4-68-63 Е- mail: luhavt@yandex. ru
Учредитель (соучредитель) Департамент внутренней политики Ямало-Ненецкого автономного округа (ЯНАО, г.Салехард, пр-кт Молодёжи, д. 9) Газета зарегистрирована Управлением федеральной службы по надзору в сфере связи, информационных технологий и массовых коммуникаций по Тюменской области, ХМАО-Югре и ЯНАО 19 апреля 2012 года Регистрационный ПИ № ТУ72-00558
Тираж 700 Заказ 0012 Подписные индексы: на год - 29925, на полугодие - 84611
Газета вышла в свет 24 января 2015г. Подписано в печать 22 января 2015г. по графику: 16.00 фактически: 12.00 Газета выходит по субботам Цена годовой подписки 96 руб., в розницу не распространяется
•Хорат потарlат
эватlа. Ху хоятат хоlна, имиlаlан антапкеllаl сак ханшина кератlайт. Иса хорам, иса вантты умась. Керан Митры ханшам потар шупие Айхоп Павель верам хорат
Издатель Департамент внутренней политики ЯНАО (629008, Тюменская область, ЯНАО, г.Салехард, пр-кт Молодёжи, д. 9) Отпечатано в типографии ГУ «Северное издательство» (629008, г.Салехард ул. Ямальская, 14)
Главный редактор Г.П. Кельчин