ЙИСАТ УLА, АРТНАТ УLА, ХАНТЫ МИРЭВ НУПТАH ЯСАH! Яlаптаl тыlащ хутмет хатl 2001-мет таl вуш эваlт этты питас
Российская Федерация Ямало-Ненецкий автономный округ Газета №3 (733) Lапат хутмет (суббота), Яlап таl тыlащ (январь) 17-мет хатl 2015-мет таl
Сыйh сыйн сыймаlтам айкеlат Там хатаl, муh, нынан lуhатты ураhан, сыйh сыйн сыймаlтам айкеlат понlув. Муй хорпи мет нопса па сама хойм вер хасям таllуhан ус.
Пулhават вошан кашh таl катра порайн омтам хот шимlа иты питас. Тухаl хотаl шалитlайт, тухаl хотаl лосытlайт-шукатlайт. Хасям таl, сус леп, рабочийт купец хот шукаlам па lыйм местайlаl яма верты уйсмеl тахайн, кат катра икона мосятмеl. Русь ясаhан lын «Пресвятая Богородица па Иисус Христоса» нэмиlайhан. Хув-хув lын ханятман уlман, хот пуhlа сохаlан лап сэкман. Катра хот лосытты ант ки питса ин там хатаl унты, lуlн, там иконайhан мир сэма ант питсатан. Матты ки там иконайhан, моlты порайн, Пулhаватан Петра па Павела юкантам турам хотан уlман. Муй сиран lын Терентьев купец хота питсатан – сит турам патлам. Уйтты хоятат яста-
Усаh мув Нын аl хоlся вантсаllан па моса хуllысlан, там хасям таllуhан, муh Ямал мувеван, вантыlаhаl ус мосятса. Си ус Владимир Пушкарёван хораl верам. Си верам хораl мув lоватан лакки манман, мув lован уlты хоятатан вантами. Lув верам хораl хут хор кутан мет ям хор уlмаl.
lат, иконайhан хуlам сот таllуh сайн Ишим вошан уlам хор туса ханшты хоятатан ханшамhан. Си хув кут сыс мосятам иконайhан хоlна яма вантастан, шеhк такан ант шакман. Си тумпина па тамась пормас, там йисан, ун эlты ун тын тайтаl. Си арат таl устан, еllы па ат уllатан, хоята ям номасан нётман, ун онтас верман. Турма эваlты вер муй шукатыйс, муй паратыйс?
Артем Тытюк верам хор
Иконайhан мосятсайhан
Ястаты мосаl, аспотты тыlасьна, Ямал муван этам ус, ученый ёхна каман пелкаl сиран иса вантса. Альпинистат ус lыпия lоhтысат, муй маlат, муй утат иса артаlасэl. Яlпа ёхтам таlан ученый хоятат питlэl артаlаты: муй таха, муй сиран па хотсат там ус этас. Моса хуцы муh мувев иса усаhа иl. Уlты мув ант хасяl. Ястаlат, пора еша хасьтаl юпийн усаl йиhкан тэкамты па сита тув тыйтаl. Аl, таhха, сяха ныты питlа.
Керан Митры верам хор
Ин хоты ям сир этас. Кашh таl таl товина, Пулhаватан, тасятна рупитты хоятат яха актыlыlыйт ун емхатаl поорыlыты ураhан. Ар таха эlты, ар тасят эlты ёх ёхатlат. Каlаh ухаl тэlыя, lонсьхоп тэlыя. Тынасты па касты харат lарпитlайт, хоятат кутlаlан уйтантыlат, хув потар потарlат, ван потар потарlат. Юураh ёх юурlаl артаlаlат, апраh ёх апарlаl артаlаlат. Нэhат тус ёшан ёнтам хорам пормасlаl хоятата этаlтаlат. Там пораятан яlап сир па этмас. Каман хорпи номинаций верlа – касты ураhан. Хой муй веран тус, муй веран ямшак сит артаlаlа. Пулhаватан верам тасяh ёх емхатаl, ар сиран вантам па артаlам юпийн, Россия хон мув lован, нох питмаl. Национаlьный премийн миями. «Лучший проект по популиризации народных традиций и промыслов» номинацийн кимет местая питмаl.
Ксения Макарова верам хор
Данил Колосов верам хор
Па ёх кутан нох питсув
Мет ёхи хасям кут, нийlъяh пеlа кат вош-курт ветьяh пеlа кат регион эlты сот ихосьяh проект этаlтами. Аратаlан, нийlъяh пеlа кат регион эlты ветсот еша-еша (498) антомшак проект уlмаl. Си арат ёх кутан муh Пулhават емхатlэв поорыlыты сир кимет места уймаl. Ун амат. «Север-Пресс» верам айкеlат АЙХОП Павельна ханты ясhа кератсайт
2
№3 (733) Lапат хутмет (суббота), Яlап таl тыlащ 17-мет хатl 2015-мет таl
Муйщир нянь катра хантэт lавантысат? Ханты хоят катра арсыр нянь верыlыйс, аl lант рувтыlыйс, сода пиlн порайн верыlыйс. Хантэт кутн шек самаhа хуlаh нянь тайса, lаhки нянь, вонщомотаh нянь. Вонщомотаh нянь ураhан оlhа вонщомот кавартlа, саккарн, lант шукан руватlа. Ищки порайн, хун хотатн кур аллиlыса, нянь кура омпсыlыса. Lуhан па ким курн, ханты кура нянь омпсыlыса. Тухаl порайн па кевкартанан нянь шарытыlыса.
Хуlаh нянь
Lытпаh нянь кашаh нэ верыlыйс, вураh нянь па. Lытоп яха руватlа, вурlэрlаl нох вуlайт, рущ lант тохи эсаllа, сода, соl. Кевкартан
тута омасlа, войн понтlа, пуlн войн, амуй хуl войн, нянят щи шарытlайт. Катра порайн нянь хонна рат тутн верыlыса, кавром хиш эlты па кавром хиш кута поныlыса. Lуhан lытоп сораlтаса, яха lытпат ярыlысайт, ныра нох сораlты тахартысайт. Щаlта сором lытоп lанта сэhкиlыса, рущ lантшукан эслиlыса па няня верыlыса. Lуhан сораlтом lытоп эlты па таlн хонна lант кавартыlыса. Нянь верты ураhан ай хуl охпушхат па актыlысайт, нох сораlтыlысайт, щаlта lанта сэhкиlысайт, рущ lант пиlн рувтыlысайт па няня верыlысайт. Кевкартана вой (пуlн вой, хуl вой) поныlыса па шарытыlыса па хонна ханты кура омпсыlыса па нянь щиты верыlыса. Юм па нянь верты ураhан
Щанькайт
актыlыса, нох сораlтыlыса, lанта сэhкса, рущ lант пиlн яха lыlтыlыса па щиты няня верыlыса. Ин там хатlатн ханты хоят lэтотlав па верыlыllав: хуlаh нянят, вонщомотаh нянят, вураh нянят па lытоп нянят. Щи эпlаh lэтотые муh щащиlув-опращlув муh урhева хаймеl! Надежда КОНЕВА потар ханшас, «LА» архив эlты понам хорат
Няврэмат lухсаhа ат уllат Там школайн ма рупитlам ветхощьяh таl. Муh ин рупитlув класс щиран. Ма ар класс няврэмат пиlан рупитсам, оlаhмет класс эlты нийlмет класс унты. Кашh таl яlап класс. Ин рупитlам ун няврэмат хоща. Рупатаем кашh таl ар щиран манаl. Щит муй хорпи няврэмат ёхатlат. Тухаl порайн няврэмат шеhк lаhхаlайт моlты верты, тухаl ишан нэмоlты ант lаhхаlайт. Щишан, няврэмат уlапса артаlаман, ма еllы рупитlам. Муh Пулhават вошан оlаhан вош эlты потартlув, камн каш верты
Няврэмат якты утаlтаl
ханшман тайlаlам. Манэм мосаl, lув ат ястаlат, муй lув lаhхаlайт. Щиты потра хущlаlам. Щиканща lув ястаlат, муй емаhхатlат постаты, хоты сэма питам хатlат lэщатты. Щиты таl уlты и номас верlув. Ма рупатаем щиран верыlыlув Сус емаhхатl, День народного единства, Округ емаhхатl, Яlаптаl емаhхатl, товийн Ворhа хатl. Няврэмат
Школа музей урхот
хотата яhхlув. Горнокнязевск пеlа сусн няврэмат тутlыllув. Веlщи ёхатты порайн lув шеhк ёхlы нумасlат, щишан курта тутлиllув, музей хуват яhхlув. Тухаl порайн ма lувиlаl нэман инщасlаllам, муй щиран таl уlты питlув, муй верат верты питlув, уlапсаев каш аат ус. Таl сыс манты верат ма планэман хуван куш
lуhатlат, арыlат па якlат. Ханты арат утаlтаllув. Арlув оlаh шупlаl ханты ясаhан, кимет шупlаl па рущ ясаhан арыllув. Ванты, там хащам таlатан ханты няврэм воllы антом, арпелак иса ур няврэмат ёхтыlыlат муh школаева. Lувиlаl lаварт па ясаhан арыты. Ма lувиlаlа ястаlам, нын школайн английский па немащ ясаh утаlтыlты, ханты ясаh ищи
утаlтыты рахаl. Арыты па якты ма lувиlаl утаlтыllам. Сценая яха якты lойlыlув, щи порайн lув ант паllат па ант еlамlайт. Ма lувиlаlа потартlам, муй хорпи ханты арат па якат уllат, хоты ханты хоятат lуматлиlат, муй хорпи сох тайlат. Ищки щарс пуhаl эlты ёхтам няврэмат ханты хоят тата веlщи вантlат па lувиlаl щит эlты мосаl потарты. Муh ищи школа етшамеван Пулhавта ёхатсув па веlщи ур ёх вуйтты питсаllув. Ма няврэмата ястаlам, ма ханты хоят, тухаl ишан рупатая ханты сохан яhхlам. Щит lувиlаlа умащ. Lув пиlэlан верантlув, сак картlув. Муh, ванты, верты сак паllув школа музея мойlаlув. Щаlта ёнтасlув, аканят ёнтlув. Ёнтасты эвет хошlат, ёlан таhха утаlтыlайт. Ур няврэмат пиlан рупитман, ясhеl еша хошты питсэм, lувиlаl щит ищи ям. Ма рупатаеман ар хоят вохиlыlам няврэмат пиlан уйтантытыя. Ат уйтlат, округ вошан муй рупатаятан хоятlув рупитlат. Хой утаlтыты хоят, хой нэпек ханшаl, хой арыйl, lув иса ат вуйтlэl. Пулhавт вошан няврэмат концертата тутлиllув. Товийн, няврэмат манты еlпийн, Ворhа хатl па порыlыlэв. Санаторный школайн няврэмат и-кат таl уllиlат. Щишан, щаха энамтэlан, ант ат ёрэмаlэl, хоты lув Пулhавт вошан усат па утаlтысат. Зинаида КУЛЬМАМЕТЬЕВА ханшам потар, Клавдия МАКАРОВА верам хорат
3
№3 (733) Lапат хутмет (суббота), Яlап таl тыlащ 17-мет хатl 2015-мет таl
Литературный лопас Там таllуh, Россия хонмув lоватан, «Литература таlа» юкатса. Потар яма ханшты хоятат, lуhтар яма ханшты хоятат питlайт нумман тайты. Питlа каншты, па мосты кеман нётты, яlпа
Владимир Маяковский Ма таllам арашак иlат, Еша уl lапатхосьяh хачаl. Хота ма рупитты питlам, ёша ма муй уlам вер? Шеhк мосты хоятат – столярат па плотникат! Мебель верты лохтаh: оlаhна муh паварт уlув хуваl па лопсахаl соохlата эсаllэв. Эвтам соохlат тами сира верстак-пасанан тапалlэв. Рупитты эlты оhат эватты карты Харhайl питамтас – навия ювамтас. Картыи эватаl – юх раваl lарпитаl. Воlтап ки ёшан – рупата па хорпи: Нуват па мэнайт воlтапан пайтlайт. Ваlщамат вера – ёнттыя ямат. Сяlта, еhта поталы муhэв ки мосмитаl, токар станокан еhтайя эватlэв. Айнайна верlув lарась ки – lарась, кур ки па кур. Си арат версув пасан па омасты уlас! Столяра ям, инженера
–
ямшак, ма ки, хот оматты, lуlн мантсам си вера ки утаlтасайм. Ма оlаhан манэм мосты хот хорасэм нэпака сюратlэм. Мет шопаh, мосаl хораlан ханшты хорасаl хорам, lыlhатам хот шики. Тами питаl еl пелкаl, фасада lув нэмиlа. Тами хойн ант уйтlа – тами ванна, тами сад. Хораl етшас, сяlта кертман сот рупата сёрс ёш кеша этмас. Рупиттыя нётты нормат акlат тайlаl турма хойlат. Ёш ки такlы ант верытlа, сита лебёдкаен нётаl; кен юх иты, lаварт шупат аlмаl. Тутан сорlтам Кирпосиет мосты лота понаl. Lоhlаl сэкса картына. Lоhlаl ёхтас, хотаl етшас. Шеhк ям хот, паlсям ун хот шики. Няl сюh тайl, няl йир тайl. Рахи, lаськам хот lыпина Ар няврэм уlты питаl. Инженера ям, ун леккара – ямшак, ма ки, няврэм мушат ямаlты мантсам си вера ки утаlтасайм.
энамты писателята па поэтат. Ханты кутан иси уllат тус ясаh уйтты хоятат. Сишан хой верытаl, ханшаты муh газетаева, муh верытты кемеван питlаllув, нын ханшам потарlан па ясаhlан,
мира lуhатты кеша поныlыты. Мет оlаhан Владимир Владимирович Маяковский ханшам lуhтар понlув. Русь ясаh нэмаl «Кем быть?». Там lуhтар Керан Митрына ханты ясhа кератса.
Ёша ма муй уlам вер? ияха катаllат. Тута – пусаh, тата – поохал сый. Поохал сыйн тэкатса хот. Ин па, паровоз шики, lавартат lаlман, ким питас. Нынан па муhэв тутlыты кеша версэв. Заводна ям, Трамвайн – Петя хося ёхатсам, Поля хося ёхатсам. – Уся уlат, няврэмиет! Нын хосяйн хойтан мушаh! Уllатты нын хоты, Щел муй антом хонан? – Няаlам тайlан тынаhкев мохты мосты сира вантlаllам. – Няврэмиет, нын меваlпата омтаlан там градусник. Няврэмиет аматман, градусникат меваlпата понlат. – Наhэн, lуlн, шеhк ям ус рав портун lэты, сиhанся, па ай нялына микстур еша исьты. Нынан мосаl иl оlты, па норына войпты, Нынан – хона компресс понты. Си порайн, наh, поорэн унты, муш хорас ант питlан уйтты. Ун леккара ям, рабочия – ямшак, ма ки, lуlн, рабочия мантсам си вера ки утаlтасайм. Нох lоя! Мана! Гудокан вохlайн. Завода муh ёхатlув. Мирыпи ун хот – сёрас па кат сот. Итан ант верlа ки – яха сит верlэв. Кат етlап кешина карты муh эватlув, хув курпи кранан lавартат аlамlув; ун lаварт каврэпан*, пуун кусы иты, рельсат муh мэнатlув. Олово шошамlув, Маашинайт уккеl яма катаllэв. Турам сот рупата – хоlыя мосlат. Ма гайкайт верlам, наh па гайкайт ураhан пинапта* эватlан. Ар ёхан верам кашh ху рупата Сборка цех lыпия акатты китlа. Тус уса lоhlат пинапта lуhкат. Ун шики сюк шупат
ямшак. ма, lуlн, кондуктора мантсам си вера ки утаlтасайм. Кондуктора – ермам юш антом. Lувеl, тучаh хорпи хираl пиlан, кашh пора, таlаh хатаl трамвайна яхты рахаl. – Унат па айт, билетик lутаты ар сыр билетат – муй хорпи lытlаты – си хорпи lутаты. Восты, урты, нави уяты. Манlув рельсатна. Карты юш хоlас. Ким этсув унт сыlна, Опса тут пуhlа, па эlэн хошмаlта. Кондуктора ям, шофёра – ямшак. ма шофёра, lуlн, мантсам си вера ки утаlтасайм. Скорый маашина пуусыйl, пурlаl, волькаl, ям шофёр ма – уи па катlы! Ястаты туп, хоlта нын манlаты – карты юш такlы ёхи ёхатlаты. Манlув, кусьlув: «Хурыман уlа, пуhlа мана!»
Шофёра уlты ям, лётчика – ямшак, ма, lуlн, лётчика мантсам, си вера ки утаlтасайм. Бензин бака понlам ма, Мотур Lыlhаптаlам. «Восты турма манэм туви, Сиськет арыты тахая». Хурыты ант мосаl ертэн, lонсен эlты. Паlhат – мохаllаllам, Пуhаlта манlаllам. Ас халэвен иты Па сяарсата пурlаlам. Кеват – мохаllаllам, Кератман манlаllам. «Туви муhэв, хопиев, Турам хуусат унты, Туви муhэв, хопиев, Тыlась lоhаl унты. Сикуш хуван lойlат lув, Туви, туви, туви хув!»
Летчика ям, матроса – ямшак, ма матроса, lуlн, мантсам, си вера ки утаlтасайм. Ма милэман – сяшкан щелам, Матроскаем – якар хораh. Сяарс йиhкат сыйтlаllам, Lув юурlаl ма артаlаllам. Таl такlы хомпат няаврlаты – Сяарс юш хуват манман, Паршаh хоп паршат эlты Наврlам ма кати иты. Так вот, наh охен аl аlми нох, Lонсяh вотасэн роммаllэм ма! Нум мув ох тая ёхатlам, Ным мув ох тая керlаlам, lампа. Lуhтап* lуhатlан, Оша наh пайтты – Турам сот рупата – рахlат хоlыя, Муй сама питаl сит ёша уя! 2015
таl
Моштантыты ясhат: Каврэпан* – каврэп – ун-ун сяк (молот); Пинапта* – кат сюк яха lарытты ураhан шумаlна эвтам lук (болт); Lуhтап* – lуhатты нэпек (книга).
4
№3 (733) Lапат хутмет (суббота), Яlап таl тыlащ 17-мет хатl 2015-мет таl
Хут курпи курhвой Йис потар Туром Ащевн курhвой хут куран, хут ёшн маса. Туром ай пох щи эlты нумасты питас, хун нови акань, питы акань тыйl, lув курhвой нюхаlты ант верытlаllы, lэllы уlты, аlт па, питаl. Щаlта Туром ай пох нэ тус. Упаl ики, унтпаl ими lув пеlэlа атом сэман вантlатан, lувеl Паннэ хошак хонаh ики, lар хошак хонаh икия нэматсаllан. Туром ай пох ястаl: «Курhвой каншты манlом. Lув ащемн хут куран, хут ёшн маса. Сора хухатлийl. Еша шушиlыlам, lувеl каншlэм. Упаl ики ястаl: – Керыйм хоят курhвой нюхаlты хун верытаl! – Ма ищипа яhхlом! Наh па ма пиlэмам юва! Шаншхирэн lэтотн поны па еllы шушмаlман. – Яhхlом ки, яhхlом! Нёхийн манэм lапатlэн! Муй юрлэhки тайlан, Паннэ хошак хонаh ики, lар хошак хонаh ики! Туром ай пох юша щи манас. Курhвой уlты тахая ёхтас. Курhвой хоща шушмас, курhвой паlтамас па еllы хухаlмас, туп каlтомlаl хашсат. Нёl ющ тайн курhвой каlтомат кетмиlаllы, иса сормеl. Щиты сормеl, нёl аl хенийl, хулах турн уваl. Туром ай пох lыкащас: «Курlан щи сораят, курhвойлэhки! Туп ма
ванашик ёхатсом, наh па хухаlтмасан. Ащемн щи юраhа вермен!» Щаlта па lув щираlн щимащ ясhат ястаl: «Моlты ясhат ма щи хуllом: Емаh ёхан кутопан, опсом мир кутопан тув уl, торн щата ант энмаl, юх щата ант энмаl. Щи тува мана!» Туром ай пох шушас-шушас, тув пуhlа щи ёхтас. Щи тув таlн-lуhан иса еhкан потман уllа. Тув па пелакн курhвой оhтат аl волятсат. – Сора яhхты вой! Наh хоlна щи яhхтэн! Тэрмаlыя! Ма катра lовшукlам хоlна такат! Курhвой питом юх хуват навармас – па тув па пелакан lонщ йиты питас. Туром ай пох па питом юх хуват навармас. Курhвой эlты lонщан питы каlтом хащас, щикем питы, аlмунтыки тутн ёсытом кевпут lойl. – Еllы хухlа, – Туром ай пох ястаl. Туром ай пох еllы манас. Юхат эlты вуlы сох lоват туhкат иllы lойlат. Курhвой тата щи манмаl. Еllы lувеl воштаllы. – Юхlы lойты сыстам тув хоща, торнlы lойты сыстам тув хоща мана, щи тув ёхан патн тахайн lояl, ар хуl тайты ёхан патн lойl. Туром ай пох шушас-шушас, щи тув хоща ёхтас. Курhвоев па тув кутпа питмаl. – Сора яhхты курhвой!
Наh хоlна щи яhхтэн! Тэрмаlыя! Ма катра lовшукlам хоlна такат! Курhвой тув па пелкан иl питом юх хуват навармас, lонщан вурты каlтом хащас. Туром ай пох иl питом юх хуват навармас па хухаlтмас. Па щи хоят турсый хуlтмас: «Емаh ёхан кутопан, опсом мир кутопан, тув уl, торн щита ант энмаl, юх щата ант энмаl. Щи тув пуhlа мана!» Курhвой еl питмаl. Туром ай пох lаhки сэсаh вет унт сайн, нёхас сэсаh вет унт сайн lув каlтамlаl каншты питас. Туром ай пох нумасаl: «Там воем ма эlтаем ки манаl, хоты аl хоятн щаха мощатlа». Туром ай пох ныматlаlа lойс, ныматlаl питы вой хон сохан кератман уllат, хотl пеlа шушмас. И курl нох аlомlаllы – lаhки сэсаh вет унт хаяl, кимет курl нох аlомlаllы – нёхас сэсаh вет унт хаяl. Шушас-шушас, lантаh ёхан оlhа ёхтас, хуlаh ёхан оlhа ёхтас. Торн ант эномты тувн, юх ант эномты тувн паl унт вур lойl. Нох хуhхас – тыеlт вантыlыйl, тохеl вантыlыйl. Курhвойl век ант ныlа. Иllы аhкармийс: курhвой щата шушаl. Нёlн еша хойса. – Сора яhхты вой! Ма хоlна ант метсом! Тув кутопан сором вур уlмаl. Тохи щи lув войl
Надым вош музейн шавиты пормасат
нюхаlтсаllы. Нёlн па щи хойлиlыса – еlта курlаl нох ракатсат: – Няl кур, няl ёш тая. Хут курн, хут ёшн хоятн хун ёхатlайн. Курhвой эlты сохаl нох эватсаllы. Нёхи тува эсаlтсаlсы, туп самl па няlмаl патн вусlы. Сохаl турма ёваlтсаllы: – Нови акань этты порайн, питы акань этты порайн, хутлия пита. Курhвой каlтом па турма нох китlаllы: – Курhвой вевlы ат питыlыйl, хоятан нюхаlты эlты. Кимет хатl па ат нюхаllа. Щаlта хотl пеlа манас. Нумасаl: «Ма мояh хоятэм ма юпемн манас. Ма lувеl курhвой сам па няlом туlэм. Шушас-шушас, упаl ики кащаlас. Кащаlас па lувеl курhвой самаl па няlмаl мас па ястаl: «Наh метсан. Наhен курhвой сам па няlом тусом. Самен вохlа, нык кавартаlн. Ма ехlы манlом». Пиращ ики нох амтас, нёхи кавартты манас. Туром ай пох нумасаl: «Наh ма пеlаем атма усан, куш мин эвен пиlн и номасн усман. Эвен сам вошн тайlэн, манэм па иса lыкан этlэн. Там ат наh парlан, курhвой сам па няlом lэlан па унта манlан, щата тапlан. Исая тапlан». Надежда КОНЕВА lэщатам монщ
•Хорат потарlат
Клавдия Макарова верам хорат
Газета
«LУХ АВТ» Адрес редакции: 629008, ЯНАО, г.Салехард, ул. Подшибякина, 17 (34922) 4-68-03, 4-68-63 Е- mail: luhavt@yandex. ru
Учредитель (соучредитель) Департамент внутренней политики Ямало-Ненецкого автономного округа (ЯНАО, г.Салехард, пр-кт Молодёжи, д. 9) Газета зарегистрирована Управлением федеральной службы по надзору в сфере связи, информационных технологий и массовых коммуникаций по Тюменской области, ХМАО-Югре и ЯНАО 19 апреля 2012 года Регистрационный ПИ № ТУ72-00558
Тираж 700 Заказ 0011 Подписные индексы: на год - 29925, на полугодие - 84611
Газета вышла в свет 17 января 2015г. Подписано в печать 15 января 2015г. по графику: 16.00 фактически: 12.00 Газета выходит по субботам Цена годовой подписки 96 руб., в розницу не распространяется
Издатель Департамент внутренней политики ЯНАО (629008, Тюменская область, ЯНАО, г.Салехард, пр-кт Молодёжи, д. 9) Отпечатано в типографии ГУ «Северное издательство» (629008, г.Салехард ул. Ямальская, 14)
Главный редактор Г.П. Кельчин