ЙИСАТ УLА, АРТНАТ УLА, ХАНТЫ МИРЭВ НУПТАH ЯСАH! Яlаптаl тыlащ хутмет хатl 2001-мет таl вуш эваlт этты питас
Российская Федерация Ямало-Ненецкий автономный округ Газета №11 (741) Lапат хутмет (суббота), Айкер тыlащ (март) 14-мет хатl 2015-мет таl
Финно-угор рут мират уйтантысат Айкер тыlащ хуlамхощъяhмет хатаlан Пулhаватн Общероссийский общественный движение «Ассоциация финно-угорских народов Российской Федерации» президиуман рупитты хоятат яха ёхтыlысат. Яха ёхтыlыям хоятат кутан – Министерство культуры Российской Федерации хоща рупитты хоятат, Марий Эл, Мордовия, Карелия, Коми, Удмуртия Республикайт, хоlна Ненецкий автономный округ, Пермский край, Кировская область кущайт па Государственный Дума РФ депутатт. Яха ёхтыlыям тахайн потарса, муй щиран Овс муван уlты финно-угорский па самодийский мир хоятат щират, пищат шавиты нётты па ассоциация там таl рупитты план lэщатса. Хоl об-
○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ Интернет элты понам хор
Ун ляля юкантам потар
щественный движение хоятат па Ямало-Ненецкий автономный округ кущайт Овс муван уlты шоши мир ёх пиlан уйтантыты верэl уl. Ассоциация финно-угорских народов России и щорс яртъяhсот ярсот кимет таlн lэщатса. Щи общественный движение хоща Карелия, Коми, Марий Эл, Мордовия, Удмуртия Республикайт, Ненецкий, Ханты-Мансийский, Ямало-Ненецкий автономный округат па Пермский край lуhтасlат. Lый финно-угорский хоятата щирlаl, пищlаl шавиты, ияха катlасман уlты нётlат. Ассоциация финно-угорских народов Международный конгресс финноугорских народов хоща lуhтасаl, хота Венгрия, Россия, Финляндия па Эстония хон мират lоhман уllат.
Ляля яhхам хоятат иса нумlаlув
Пулhавт вошан айкер тыlащ яhмет хатl унты Ун ляль хащам lапатъяh таl ураhан лялясам, лялясты нётам хоятат медалятан мойlаlаят. Пулhавт администрация куща Иван Кононенко Ун ляль емаh хатl ураhан хут ветерана медаль юкантас. Lый кутlаlан – лялясам хоятат Павел Литвинов, Михаил Муртазин па Елизавета Хабарова, блокадный Ле-
ветерана емаh хатl кеша верам медаль па мойlапса юкантас, хошам ясаh ястас па ляль нох питам ураhан верты емаh хатlата вохсаllы. Ляля яhхам ху хоятат ураhан каматса ям ясаh ястас. Елизавета Хабарова няврэмlаl, хыlыlаl кутан медальн, мойlапсайн па хорам лыптатан юкатса. «Муh иса емаh хатlатан, сэма питам хатlатан, Ун ляль нох пи-
нинградн уlам нэ Эльвира Бронникова па тылан рупитам нэhhан Маргарита Ермакова па Фрида Миллер. Щи церемонияйн по труду и социальной защите населения, городского совета ветеранов войны и труда администрация па департамент, нэпек ханшты хоятат усат. Ярсот няl таlпи Павел Литвинов кашаh, щит ураhан делегация lув хощайl ёхи ёхтыlыяс. Иван Кононенко
там емаh хатаlан лялясам хоятат хоща lоhтыlув. Там хатаl юбилейный медальт мойlыlув. Пумащипа щи юраh хоятата ястыlув», – Иван Кононенко ястас. Медаль мойlыты церемония кат тыlащ питаl. Ас нопатты тыlащ яртьяhмет хатl унты сот няlъяh вет ляля яhхам па лялясты нётам хоят мойlапсайн юкатты вер уl.
○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○
Валентина РОХТЫМОВА верам хор
Пулhавт воша яlап выставка туса. Кат щорс ветхощъяhмет таl айкер тыlащ яhмет хатаlан Музейно–выставочный комплекс им. И.С. Шемановского хоща йиhк иlпиян хор верты нэ Ольга Каменская выставка «Причуды и загадки северных морей. От Белого до Гренландского» пуншlа. Выставка пуншты тахая хор верты нэ ёхатты ант верытас, Антарктидая яlап проектат lэщатты манс. Ольга Каменская Овс мув щарсатан верам хоратан ун монипай шипат, Шпицбер-
Валентина РОХТЫМОВА верам хор
Овс мув щарсат мир уlапса
ген архипелаг кев lоhlат па ун хорам еhк шупат, нови мойпарат па кит икет, Гренландия айсбергат. Щи выставкайн Овс мув щарсат мир уlапса хорамат этаlтыlаят. Энамты хор верты утаlтыты няврэмат щи хорат хуват яlап щират уятты верытlат. Щи нэ Россия хон мув па мир хор верты конкурсатан арпуш нох питыlыяс. Ёхи хащам таlт lув йиhк иlпиян ущиlыты щир (дайвинг) хоща рупитаl. Ольга Каменская йиhк иlпиян хоятат хор верты утаlтыllы.
○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○
«Касlыты семья» касапса
Пуровский районан Ханымей вошан «Касlыты семья» («Кочующая семья») касапса питаl. Щи конкурс няlмет пуш верlа. Ханымей воша Пуровский район вет вош эlты семьяйт ёхатlат. Хоl семьяйт касlыман па вуlы шавиман уllат. Лый муй хошlат верты, ёнтам, нёхрам-эвтам, сэвам пормасlаl этаlтыты питлат, арэмиlат, монщlат. Нэhат lый верты верlаl ишаклат, ёх lый
верlаl этаlтыllаl. Овс мув шоши мир ёх управление куща lаhкар нэ Александра Лиоско ясаh щиран хоl верат яма lэщатман уllат: мойh хоятат хоlты тахайн маты вер эlты утща конкурсат унты. «Касlыты семья» касапса айкер тыlащ хус оlаhмет хатаlан питаl. Еllы питты хатаlан Ханымей вошан Вуlы шавиты ёх емаh хатl lэщатlа.
Валентина РОХТЫМОВА «Север-Пресс» эlты толмащам айкеlат
2
№11 (741) Lапат хутмет (суббота), Айкер тыlащ 14-мет хатl 2015-мет таl Lаhа ясаhна ханшам потар
Вуl Ляль вантам нэhхи
И.С.Погорелов
Муh нынан вуl пелак рущ Иван Сергеевич Погорелов потар lуhаттыя поныlыlэв. Хунты вуl ляль этас, Иван Сергеевич Погорелов рутlаl пиlна Волгоград вос лепна вус. Ай куртыйина, щи курт мохты курты юсат понман усат, па атl-хатl ляль йиты муват эваlт нэhхэт еl китыlысаят. Парта па ляль харат хоща щи курты юсат мохты тусаят нёоlат, танкат па лялястыя, lув яра шоши мувеl аратыты энамты соlтанат. Иван Сергеевич Погорелов ляль юпина аскуlа етсаптамаl. Вуl унlтыты тахайна унlтыяс. Юухат китса рупитты ным мув пеlа Самбург лепа. Каlаhна яhхты уръёх хоща няврэм унlтаман рупиттас. Юухат па китса рупитты муh Катравос куртэвна. Итта ты моса вуl. Ниlьюн моlтас таllы йис, хоты lув ёхатмаl щирна мун куртэвна рупитаl. Оlаh ёхтам пораят эваlт lув пиl lухасы ма ащем – Николай Андреевич Сязи вус. Итта ты моса lув Саранъюс нэмпи куртна уllатан. Йи яха, ванты, вуl пеlакки йиснан. Катравосна lынан щукат уlтыя.
Ма па итта, Иван Сергеевич Погорелов ляль эваlт тувам потраl, еlащ туlэм. Lув яра питlаllы потарты. Ма па тоlмащlэм ханты ясаhна. Иван Сергеевич уlам муваl мохты мет вуl ляль хар манас Сталинградская битвайи аlщиlа. Щи ляль хар хоща немцат ехатсат ущ lор тыlащ lапатьхощьюhмет хатl эваlт па муh соlтанlувна щи Волга нэмпи муват эваlт нюхаlты туп верытсаят ляль питам хуlмет таlна курк тыlащ кимет хатаlна. Иван Сергеевич Погорелов потраl еlащ туllы. – Хунты ляль муh хощаев ёхтас, хатlэв щи хорпи наяh ус. Нэhхэт ляль вер хуlмеl юпина хой хоllаl, хой паlтап роваlна ляль хар эваlт еl манты сохlаl акатты питсаllы. Муh щи порайна морт lоват няврэмат. Турамна, немцат тохlаhхопат пурlыман йиты питтэlна муh рутlув пиlна, мув иlпа нэман щи кусы ханя лотатна иl lаhlув. Йи порайна ма пиlэм, манэм lаваl: «Щимащ моса ляль? Нэмоса воlаh лялястэl антам. Тохlаhхопат эваlт ант орытlат, танкат эваlт ант орытlат». Щи порайна омеlна щи лявотlа: «Моlайи отсам няврэм ляль вохlан». Туп lув щиты lавас, итта немцатна щиты камн лот эваlт орытты питсаюв. Хой хоты верытаl, щиты щи ханятыяl. Ма па щи няврэм эваlт хуlам кем таlна вуlсак усам. Щи порайна ма ниl каlасс етсаптасам. – Иван Сергеевич, немцат сеhк ар атам версат наh уlман тахайна? – Ванты, немцат кутна ищи ар хорпи нэhхэт уllат. Хойтэт атмат, хойтэт ямат. Муh уlам тахаевна lув сеhк атам вер верты кумна ант
масаят. Кус щи кусы ёхатсат эссэсовская бригада, щит мет сыlка юкан немцат. Щитат щи самlаl сеhк такат, нэhхы касы вер lув воlанl мостаты щир ант тайlат. Lув нэман нэhхэт сукатты унlтам отат. Муh уlам куртэвна лялясам немцат lувиlаl щучатты хар версат. Щи ураhна, щи хотlув анта асат нох вущитсаят, па щиlта lув пеlаеl рупитты ёх ищи мосас. – Мун куртэвна куртаh нэhхэт эхатты лотат версаят. Па йи порайна, ма евем, lув комсомолка ус. Lувеl йи немец ики lаваl: «Вантlэн, муh нэнхэт эхатты лотат lэщатсув. Хой комсомол – муh эхатты питlаllув». Щи пуляh турамна муh тохlаhхопев этас. Немцат верыlыям, нэhхэт эхатты вет лот асат мохты орытсаllы. Юухат па нэhхэт эхатты лотат ант верыlысаят. Немцат ищипа ущсат: есауl муh соlтанlув ёхатlат. Паlман щи ураhна усат. Муhев щи верат эваlт lавиlыяс муh пиlэв – Курт нэмпи немец ики. Lув муhев ар вер хоща нётыlыяс, ма lыlэм аратысlы, хунты ма Германия пеlа китты вучисаям. Юухат хоты lув уlты юсаl манс, муh ант ущlув. Еlащ Иван Сергеевич номсаl керытсаllы. Хоты ляль порайна lув семьяеl нётас муh соlтанэв эlты. – Нэмаl ус Николай. Lув сеhк такан мусмаlтман усат курlаl па ёсlаl. Немцатна щи Николай, тонха, ахоlща нянь харат кутна ущса. Вантlэl, lув сеhк мусан. Мусмаlтам лотlаl онтасна нёхаяl нюламlаl lыйты питмеl. Мусlаlна сеhк сукатса. Lувеl lув яра немцат хоща альсаllы. Сыйhотна ат паратса. Немцат, тоhха, ищи ар хорпет. Па ванlэl, щи соlтан нэмоса хоща ант
Лялясам Питlор ёх Катрашак, пионерат усат. Lув си порайн лялян уlам хоятат, ляль хар эlты ёхи ки ёхатсат – верыттэl кеман нётсаllаl. Симась «Тимуровцат». Атэl уlты ун хоята йиhк аllат, юх сэварlат, хотхар лёхитlат, lапкая яhхlат, lэтот па портун lутlат. Ин си рупатайт, ох сахат, социальный работникатан верlайт. Ляля яhхам хоят шимаl хасяс, пирась хоят хоты уl, ситат иси мосаl нётты. Пионерат хотат хуват яhхсат, лялясам хоят каншсат. Сяlта маты хоят маты хот эlты лялясты манас, муй па си хотан уl, хотаl постаlа. Тухаl порайн
рахаl. Амоса щащкан хоща ёварман, танк эlты понман, тусэl куртна па щита lаскасэl. Lув lохи lыlаl lыl па уваl верыттаl кемна: «Мать, Мать». Щитна-ки: «Оме, Оме». Хойтавна туп ант нётса. Муh няврэмат, щи пуляh вана яhхсув, па мохты вуl нэнхэт эlты lавсув. Ма омемна хот lыпина вуса. Муh lувеl ямаlты питсэв. Воlаh пуртун ант тайlув. Няврэм мораlтыты йиhкна нюламlаl омемна па вуl омемна лёхытысаят. Нюламlаl щи кем атмат вусат, неха lыйты эпаlна авты питсат. Щиlта па ма, лялясты харат кутна яhхман, хаlаят эваlт акатсам пуртунат, нэhхыlаl, ванты, парсат. Lувиlаl ищи па щитlаl ант моссат. Щиты Микала Турам юурна ями йис, юухат туп йи курlна сеhк такан нохас. Ванты lувеl хотна вуты вер ищи сенк хуры вер ус. Немцат ёхатlат муh хощаев, инщасlат щит хой? Вуl омем lавl: «Там ма йикам». «Моllаи па lув мусмаlтам лотат таяl?» Вуl омем па lаваl: «Щит орытам порайна нёоlатна тохlанхоп эваlт щиты хойlыса». Щиlта па немцат инщасlат: «Моllайи па соlтанат иты охаl няры lарман уllа?» Вуl омем тумаяh ныh па lавl: «Lув тейтамаh, тейтамаh ус, щи уранна щи муh lувеl нох lарсэв». Северный Казахстан эваlт ус, хоlьюн пеlа ниl таl lоват. Юухат, хунты муh ёхlув ёхатсат, lув lув пиllаlна манас. Муh юухат нумасlув, йина-ки lыlаhты хыщас, юухат lуlн, ляль юпина, муhев ищи па щи ущсаlы. Ясhаl антам ус па ма нумасlам парас ки. (Тами кеман потраl хоlмаl антом. Еllы па оlhитlэв).
Юлия НАКОВАЙН инщасса
•Ляль 70 таlа юкантам потар ханшlа, тухаl хот па аl «звёздочкайн» хот сюhаl сэкlа. Мохты ныlа – там хот эlты моlты порайн ляля яhхам хоят уlмаl. Тамиты постам хот Россия хонмув lоватан шеhк ар ус. Ляля яhхам хоятат антома иlат, хотlаl lыйlат, lув па исипа ант ёрэмаlайт. Кев сохlат нэман верман уllат, си кев сохlата веккеша ляля яhхам хоятат нэмlаl ханшман хасьlат. Сит эlты lув нумты питlайт, сит эlты касьтыlайт. Там хорат Питlоран верман усат. Lуhтаlан па нумаlан. КЕРАН Митры ханшам потар шупии АЙХОП Павель верам хорат
№11 (741) Lапат хутмет (суббота), Айкер тыlащ 14-мет хатl 2015-мет таl
Литература лопас Кантэлэтар
Хорам хотн уlлиlысан, Сорни пасан сурн омасман, Эпlаll lэтот lэвантысан».
(еlпи арат №9 газетайн уllат)
Йис потар арат Виро вошаh митху па куща икеl Щимащ арат ин ма понтlом, Аlмунтыки, хот омастlом. Куща ёхат, куща нэhат, Хуlантаты, муй ястаlом. Куняр хоят уlлиlыйс, Виро вошн уlлиlыйс, Куща икеl хоща хотн Моlты иса верыlыйс. Муйн мит тынl вуйлиlыйс Куняр хоят, иса нуша? Охан еша, нуйн еша, Катра lант сэм шукан еша. Куща икеl номас верас, Lувеl рут муваlа эсlас, Емаh хатl постыlыты, Рутlаl пиlн уйтантаты. Хошом муват пеlа манас, Хотаl пеlа ёхlы манас. Ертан юшн lув ёхатса, Lэпат lонщан иса мортса. Щиты икев иса потса, Lонща-йиhка питыlыйс, Ернаслэhкеl муй рэнь тайс? Ранякия иса lыйс. Lув хощеlа хуlом эви, Туонела муват эlты, Хуlом эви ёхтыlысат, Икилэhкев lыlаl вусат. Якты хота, араh хота, Туром пеlа икев туса, Хой па якас, хой арыйс Ар мутрайн алиlыса. Туром хотэв – иса сорни, Ишни, оват – сельох эlты, Пасан сура икев туса, Вантаl: пасан сорни эlты. «Тыеl опса, воlаh хоят! Мета курн lойиlысан, Мета курн шушиlысан. Мит хоята хув наh усан, Нуша тайман, шук наh тусан. Lаварт верат верыlысан, Хоятата нётыlысан». Сельох умпи тыеlт туса, Сорни умпат па аlтсайт, Эпlаh маваh пува анат Ищи тыеlт аlтыlысайт. «Ям номасан катlомия, Маваh пува йинщемия! Катра уlмен наh порайн Ёхан йиhк туп йинщиlысан, Каллот йиhк туп катлиlысан, Мит хоята наh уlменан, Арат шук наh тувиlысан». Хатlат щиты сора мантсат, Lапат lапт пиlн хащас, Мит хоятэв куща икеl Соромлэhкеl тата ёхтас. Туонела хуlом эви Lув хощеlа хухаlтмасат, Lыlшукаl нох аlэмасат, Щашканшука ёвартмасат, Патлам хота, питы хота Хухаlтсарэпан, lувеl тусат. Тутн lэвом питы хота, Лавма lэвом питы хота Мит ху куща ватаlтаса. Щаlта lувеl патлам хотн Щимащ ясаh ястыlыса: «Еша lоя, уншик хоят! Мета яма опсыlысан,
«Муйн манэм йинщаlтаlэн, Ма па куняр хоятлэhки?» «Йинща, йинща, икилэhки, Мета хоят шукатысан, Мета хоят няlмиlысан, Lыйм нуйн орттыlысlан, Метрашупан мерыlысlан, Lыйм lантан тыныlысlан, Ай мерайн ортыlысlан». Икилэhкев исхорлэhки Иlта муван щиты яhхаl, Юшl кеван понман уllа, Lыйм нуйсых ёшн катlаl, Метра юхшуп патн таяl, Сельох и щепаlн щащаl, Сорни кимет щепан щащаl: «Тыеlт юва, мит хоятэм! Сорни, сельох мосаl? Вуя! Мосаl – кунштэl аlэмия, Мосаl, катlэм кунш наh вуя!» «Нэмоlт ант мосаl, ям хоятэм!» «Нуй па вуя! Хорам нуят! Соткем метра мосаl, вуя» «Нэмоlт ант мосаl, ям хоятэм!» «Питы lантхир, мосаl, вуя, Нови lантхир, мосаl, вуя, Анта и хир, хуlом вуя!» «Нэмоlт ант мосаl, ям хоятэм!» «Lаhхаlайн, мисэм вуйи, Аршик мис йиhк маты мисэм!» «Нэмоlт ант мосаl, ям хоятэм! Катра наh щи таром усан, Lыйм нуен, хулэh нуен Воlаh тынан поныlысэн, Нянь lантсэм па уншик тынан Муhева иса тыныlысэн. Мит юкана ох хун масан? Охшук еша мийлиlысан. Нянь lант сэмат lанта сэhкман, Юрlы иса питыlысом, Торнат сэвартман, па иса Ма па вева ювантысом. Нумассан наh, юх иl питас Ма lовшукlам шукаlысат, Нумассан, кевпул ил ракнас Пеhклэhкиlам кимлы рыйсат, Нумассан, юх ил ракнас, Охем каши щиты щащас. Вура-lанта питыlысом, Шаhкйиhкеман лёхитысом, Мита уlман, ар шук тусом, Самем арпуш вохиlыса, Няlмем арпуш сорыlыса».
Анники эвие Рэпа нох Аннике хуhхас, Щарс пеlа вантыlыйс, Щакляh охпи нови Йиhк хон Щарс хуват яhхиlыйс. Хатl пеlа аhкартмийс, Нови паршхоп кащаlыйс. Па хон пелак муват эlты Тынасты ху ёхтыlыйс, Тащаh восху эви пеlа Щимащ ясhат ястыlыйс: «Хорам эви, тюпаh эви, Ма хощема, юва, эви!» «Наh хощена ма ант йиlом, Ху хоят пиlн ант потартlом, Аhкем ясаh ант ки ястал, Ащем ясаh ант ки понаl. Аhкем катра потартыйс, Щимащ ясhат ястыlыйс: «Эномты наh хорам эви, Щищки хорпи хорам эви, Па мув хоят хоща вана, Куща эви, аl па мана. Ульняя lый авшиlыlат,
3 •Литература таlа юкантам лопас
Таl тахийн полащ туlат, Похат щиты ешащиlат, Апра па lый питыlыlат! Ёхтом похан вощкиlайн, Па мува па ант туlайн!» Тащаh восху lувеl ястаl: «Хорам эви, нэhа вуlэм, Атом номас еllы кита, Мосэмиlэм, апаlтмиlэм, Нэhа хота тувемиlэм!» Тащаh восху пиlн эви, Аhкеl ясhат ёрэмоман, Иса щи lув мосlтантыйl, Иса щи апаlтантыйl. Таl хуват восхуев щиты, Эви пиlн яха уlман, Эпlаh lэтот lэвантыйс, Эпlаh пува йинщиlыйс… Восху хошом хатlат lавlас, Паршаh хопаl lэщатыйс. Хошом мува имеl хоща, Куща няврэмийиlаl хоща Тэрмаlоман, актащийс. Нохар юхат щи эlт паllат – Карlаl нох аll ушиlайт, Сумат юхат щи эlт паllат – Нувlаl нох аl маншиlайт. Хошом хатlат восху lавlас, Хошом хатl ёхтыlыйс, Щарс питара пормас аlтас, Щаlта хопа lэlлиlыйс. Паршаl вота поныlыйс, Сэвса восху опсыlыйс… Эви щит щи утща хащас, Потом кева омсыlыйс. Еllы уlты сотщир номас Эви, тышман, поныlыйс. Щаlта уван увты питас, Ун хоllопа питыlыйс, Укко - Туром Ащи пеlа Хоllоман, lув уваlтыйс: «Укко, ешак Туром Ащи! Вера питсом, манэм нёты, Юраh вот наh китыlыя, Хумпат паlа опсыlыя! Щарс йиhката восхуев Вер ураhан китыlыя!» Укко, ешак Туром Ащи Паlhат иllы эслиlыйс, Юраh вотат китыlыйс. Хумпат ошlы питыlысат, Хопаl такан ёвlыlысат. «Вер сахат ин наh шук туlан, Хоты еllы наh ин уllан? Эви хошом осом хират Сора наh па ёрэмисlан. Хошом лаhкисыты сохат, Аlпа, наh па лаhкиlысlан? Щарс хумпат – ин оlттахаен, Няврат – лаhкисыты сохен, Осма па наh вотэн понтlэн, Укко китом таром вотэн». (еllы па уl) Надежда КОНЕВА толмащам арат
Муh нын пиlанан ищи шук туlув Кат щорс ветхощъяhмет таl айкер тыlащ нийlмет хатаlан Мужи вош – Lорвош юшан Антон Ильич Рохтымов антома йис. Lув Lорвошан ус па ОМВД России по Шурышкарскому району хоща рупитас. Семьяиl: ийимеl Людмила Тимофеевна, похlаl Антон, Владимир, Тимофей, Артем па хиlэl Фёдор пиlан муh ищи шук туlув. Муh ищи самlув хошиlат, lыпиlув шеhк такан хощlат. Уlмаl хуват рутlаlа, lухасlаlа lув ар нётас. Щи вещкат хоят муh иса нумты питlэв. Талигин, Рохтымов па Возелов рутат
4
№11 (741) Lапат хутмет (суббота), Айкер тыlащ 14-мет хатl 2015-мет таl
Порядок проведения конкурса на оказание государственной поддержки в форме гранта в области фольклорной деятельности коренных малочисленных народов Севера в Ямало-Ненецком автономном округе в 2015 году 1. Общие положения 1. Настоящий порядок определяет механизм проведения, а также условия оказания государственной поддержки в области фольклорной деятельности коренных малочисленных народов Севера Ямало-Ненецкого автономного округа департаментом по делам коренных малочисленных народов Севера Ямало-Ненецкого автономного округа (далее – департамент, автономный округ) с целью сохранения и развития фольклорной деятельности коренных малочисленных народов Севера в автономном округе. 2. В Конкурсе принимают участие юридические лица, осуществляющие деятельность в области сохранения и развития фольклора коренных малочисленных народов Севера в автономном округе.
2. Присуждение гранта юридическим лицам 2.1. Размер государственной поддержки, оказываемой юридическим лицам в форме присуждения гранта (целевая денежная субсидия, предоставляемая за счет бюджета автономного округа) составляет 200 000 (двести тысяч) рублей. 2.2. Принятие решения об оказании государственной поддержки в области фольклора коренных малочисленных народов Севера принимается Экспертным советом в области фольклора коренных малочисленных народов Севера автономного округа (далее – Экспертный Совет), созданным при департаменте. 2.3. Оценка проектов (программ) осуществляется по следующим критериям: - соответствие проекта (программы) цели конкурса (реализация мероприятий в области сохранения и развития фольклора коренных малочисленных народов Севера автономного округа);
- актуальность, социальная значимость проекта (программы) для развития национально-культурной самобытности, защиты, восстановления и сохранения исконной историко-культурной среды обитания и традиционного образа жизни коренных малочисленных народов Севера; - новизна/оригинальность идеи; - перспективность проекта; - обоснованность финансовых затрат на реализацию проекта; - наличие фото и видеоматериалов, имеющие непосредственное отношение к проекту. 2.4. Для оценки проектов (программ) применяется следующая Шкала оценивания: 0 - содержание проекта не удовлетворяет данному критерию; 3 - содержание проекта частично удовлетворяет данному критерию; 5 - содержание проекта в полной мере удовлетворяет данному критерию. Итоговый балл оценки проекта определяется по максимальному количеству набранных баллов. 2.5. Победившим признается проект, набравший наибольший итоговый балл.
3. Порядок выдвижения кандидатов на оказание государственной поддержки 3.1. Выдвижение кандидатов на получение государственной поддержки в форме получения гранта осуществляют исполнительные органы государственной власти автономного округа, органы местного самоуправления муниципальных образований в автономном округе, государственные и муниципальные учреждения культуры и искусства автономного округа, творческие союзы, общественные объе-
динения, действующие на территории автономного округа. 3.2. Для участия в Конкурсе на оказание государственной поддержки необходимо направить в департамент заполненную заявку с приложением документов и материалов согласно Приложению №1 к настоящему Порядку. 3.3. Заявки регистрируются специалистом департамента, ответственным за прием документов, в день их поступления. К заявке прилагаются копии документов, заверенные нотариально, либо заверенные специалистом департамента, ответственным за прием документов, на основании оригиналов.
4. Порядок и сроки принятия заявок 4.1. Срок принятия заявок на получение государственной поддержки в форме получения гранта в области фольклорной деятельности коренных малочисленных народов Севера осуществляется с 10 марта по 8 мая 2015 года. Материалы необходимо направлять по адресу: 629008, Ямало-Ненецкий автономный округ, г. Салехард, ул. Гаврюшина, д.17, департамент по делам коренных малочисленных народов Севера ЯмалоНенецкого автономного округа. Контактные телефоны: 8 (34922) 2-27-96 – приемная, 2-27-99, 3-10-16 (Вальгамова Галина Константиновна). 4.2. Рассмотрение заявок и подведение итогов конкурса на оказание государственной поддержки в форме гранта производится Советом не позднее 30 рабочих дней с даты окончания приема заявок. 4.3. Информация об итогах конкурса публикуется в окружных средствах массовой информации и на официальном сайте в течение 15 дней со дня подведения итогов конкурса.
Хорам сэман вантты ишнет Ай куртат хуват яhхтэман, кашh порайн хотат ишнет пеlа вантlам. Хотат lув иси хоятат хорпет. Маттат яма lуматlыты хошаl, маттат па lуматlый – сэм тахрапты таха ант тайl. Хой ёшаl тус, самаl хо-рам пормас верты пеlа оlаl, сит си ернасаl, вайl хорам, хот ишниlаl иси яма па хорама верlаllы. Муh, ханты
Газета
«LУХ АВТ» Адрес редакции: 629008, ЯНАО, г.Салехард, ул. Подшибякина, 17 (34922) 4-68-03, 4-68-63 Е- mail: luhavt@yandex. ru
Учредитель (соучредитель) Департамент внутренней политики Ямало-Ненецкого автономного округа (ЯНАО, г.Салехард, пр-кт Молодёжи, д. 9) Газета зарегистрирована Управлением федеральной службы по надзору в сфере связи, информационных технологий и массовых коммуникаций по Тюменской области, ХМАО-Югре и ЯНАО 19 апреля 2012 года Регистрационный ПИ № ТУ72-00558
•Хорат потарlат
мур мувеван иси хорам хотат уllат, lув ёшlаl тус икетан верlайт. Ям па хорам ишнеh хот, веськат сэман мир пеlа вантаl, ям хоят иты. Там хорlан вантан юпийн, хорам ишнеh хот артат омтаты. КЕРАН Митры ханшам потар шупии АЙХОП Павель верам хорат
Тираж 700 Заказ 0190 Подписные индексы: на год - 29925, на полугодие - 84611
Газета вышла в свет 14 марта 2015г. Подписано в печать 12 марта 2015г. по графику: 16.00 фактически: 12.00 Газета выходит по субботам Цена годовой подписки 96 руб., в розницу не распространяется
Издатель Департамент внутренней политики ЯНАО (629008, Тюменская область, ЯНАО, г.Салехард, пр-кт Молодёжи, д. 9) Отпечатано в типографии ГУ «Северное издательство» (629008, г.Салехард ул. Ямальская, 14)
Главный редактор Г.П. Кельчин