ЙИСАТ УLА, АРТНАТ УLА, ХАНТЫ МИРЭВ НУПТАH ЯСАH! Яlаптаl тыlащ хутмет хатl 2001-мет таl вуш эваlт этты питас
Российская Федерация Ямало-Ненецкий автономный округ Газета №20 (750) Lапат хутмет (суббота), Ас нопатты тыlащ (май) 16-мет хатl 2015-мет таl
Тамась хорам па хошам сох тайман...
•Айкеlат
Аснопатты тыlась яhмет хатаlан, «Звезда» нэмпи галаконцерт ус, «Новая звезда» конкурс сиран. Хутхосьяh хоят, муh хонэв ар суh эlты, Национальный центр управления обороной России сцена эlты ляль порайн арыйм арат, кутэlан касты сиран, арысат. Ямаl эваlт ямаl кутна мет яма арыйс па нох питас Пулhават воошаh нэ Елена Лаптандер. Lув сёрсаhсёрс соlкува арат мойlапса ох ус па Александров ики нэмпи арыты ёх пиlан митаlас арыты. Мойlапа уйм охlаl Лена мохты «Подари жизнь» нэмпи благотворительный фонда масlы. Lув си ястаl: «Туhна сира ки ястатыя, муh иса нумассув, каш вантом хоятат, Кууlар, пурыlат, Тыва нэмпи мув суh эlты. Ванты хоятат lувеl кашh порайн нуман тайсэl. Арыйм хоятат кут эlты лаккаты хоят антом, иса ямас арысат, иса верэl туса хошсэl. Тата, ма сирэман ой тайты мосас, ма
Интернет эlты понам хор
Яма арыты нэ
Елена Лаптандер
ой тайсам, Сишан нох питсам. И пелак сиран, ма уlты мувем хоятlаман иси нётсайм, lув и номас уйм сирэlан ма ишаксайм, ар манэм ишкам хоятэм шитсам. Lувиlаl ма ун пумасипа ястаlам. Ма вотся ки ант верытсам нох питтыя, муh и семэван нох питсув».
Ёшаl тус ху Ямал муван уlты ху – Виктор Косинцев, ёшаl шеhк тус хоят. Ун ляль постаты кеша, Екатеринбург воошан, туса верам пормасаl вантопсы сира понмаl. Пормасаl нэм «Виктория», па сиран ки «Победа». Анаl – нюмран сира верман уl. Матты ки, си ан, ляль верам каши па шуук иса lыпия понмаl. Анаl паты кератман ромашка лыпат сёваllамаl. Сит ант хурlам, ант парам lыl шукlаl – шуук ая верты номас. Нюмран аl юкана – рейхстаг, тутан ёсам, еhта хот lоhаl кар. Хот lоhаl кар нумпина «Победа» нэмпи орден хор. Lув кат пелкаl и хорпи хор тайl, ар таха эlты и сира вантасты ураhан ситы эвтами. Нюмранаl наhк киш эlты эватман, тутан ёсам рейхстаг хот lоhаl кар мувхор оhат эlты эватман уl. Орденаl иси мувхор оhат. Нюмранаl и лотан ант lойl, lарыйl. Lыпеl мампасьна
Геннадий КЕЛЬЧИН «Север-Пресс» эваlт толмащам айкеlат
Интернет эlты понам хор
Кентат ёхатты ант верыты, хоятат уlты тахаята постаман хота уllат таl lовата ант ювам няврэмат па патлам хот тайты нэhат, леккарат тасьна рупитты мохэт ураhан маршрут-нэпекат lэсятlат. Маршрут-нэпекат хося постаlа хоlта па хун хоятат касlыты питlат. Вер тыяпты порайн, мохты нётап верты ураhан. Ин там маршрут-нэпекат мет оlаhан lэсятты питсайт Ямальский районна. Сита няl сёрс моlтас семья касlыман уl. Муршрут-картая ханшlа: камн хоят семьяйн, муй юшат хуват касlыlат таlан па lуhан, куртатан уlты рутlаl телефонат па уlты куртат-воошат. Иси кут касlыты хоятата пульница телефонат па ай леккар хотат альlайт. Тамась маршрут-картайт мет оlаhан вермеl Приуральский район леккарат. Lуват кашh касlыты семья уйттэl, муй юшат хуват касlыlат. Маты хотан нэ патлам хотаhа иl, lув мохты леккаратан нох ханшlа. Таl порайн, няврэмаl сэма питты юпийн, аhкеl няврэмаl пиlан леккар хотан тайlайhан. Няврэмаl няl киlа кема итаl юпийн, иса ки тумтак lын ёхи эсаllайhан. Пульницайн уlтан кут, аhкеl сэма питам нэпек-свидетельство вераl, страховой медицинский полис, СНИЛС lэсятаl. Няврэм энмаlты ант хошты аhки няврэмаl lапатты утаlтаlа, lуматтаты, хоты киlтыты па оlтыты, lапатты этаlтаlа, муй сиран няврэм нётты кашина ехатты порайн.
Кашh lапат ветмет хатаlан Аксарка район пульницайн ай леккарат па врачебный амбулаторий леккарат яха актасиlат, верlат «диспетчерский час». Сита си па артаlаlа хоlта касаlсат таl lовата ант ювам няврэмиет. Хой тумтак, хой моса кашаh, хоты па муйн lапатlа, аhки-аси хоты уl – иса оша верlа. Мет ун нётап верlат леккарат, касlыты хоятата, спецтехникайн яhхтэlан. Си хопат тахарlаты вер ант тайlат. Lув хоlта мосаl, хун мосаl, хоят ямаlты хошты верна леккарат, тохи туllаl. Приуральский район кимаlан уlты фельдшерский пунктан – Паюта факторийн, рупитаl Галина Филиппова. Lув кашh касlыты семья уйтlаllы, няльяh пеlа вет таl леккара рупитаl. Няврэмиет иса вантман тайlаllы, мосты порайн уколна понlаllы, мушамтаlна ямаllаllы. Леккарат касlыты юшат яма уйтты хоятат иси нётlат. Елена Халимова кашh семья уйттаl хота уlтаl. Мосмиттаlан lув иса каншиlыты. Сикуш, там йисна, тасян яhхты хоятат сотовый телефонат тайты питсат, спутник связь уl, исипа тухаl ишан мосты хот lаварт мосяттыя кимаllы нюураман. Lаварт кепа канштыя, мостаl порайн lув исипа мосятlайт.
Керан Митры верам хор
Ксения Макарова верам хор
Касlыты хоятат ванан леккаратан тайlайт
«Виктория» нэмпи нюмран
понман. Хой сиlта мампась lэl, сит ойн хувlаlа. Виктор Косинцев тус ёшан верам пормасаl там таlэв соханты унты миран ванты верытlа.
2
№20(750) Lапат хутмет (суббота), Ас нопатты тыlащ 16-мет хатl 2015-мет таl
Кев ёханат ушты щир Вуlы хотан рупитты хоятат касаllат. Касаlты юшlаl хой тахаян ёхан шоппи уllат. Ёханат арсырат уlлиlат: утhат, ващт, маlат, сормат, кеваhат, оваhат... Маl ёханат норм шоппи, порн, хопан уншиlыlайт. Кеваh ёханат уншты еlпийн, онас туты хоятан яма вантlа па щи юпиян, хоятатан онасат lаваlман, уншlайт. Оваh ёханат ищи lаваlман уншlайт. Щи верат эlты совхоз «Мужевский» нялмет тащ вуlы леккар Роман Лонгортов яма уятаl па тамиты ястаl: «Касаlман муh иса ёханат уншиlыlув. Атм тови порайн, тащ ёхан уншаl, хот ёхан сыlа ёхаттаl унты еhк туlа. Хун ёханl ун, щи порайн пор верыlыlа. Щи пора ватухаl lэllа па кимет пелка lойlтыты кеlан таllа. Хун ватухаl кимет пелакн мува сухтыlа, норм ёхlы таllа. Щиты, айнайн хоl онаст атаh-хатl хуват кимет пелка питlат. Хоптэт ищи
кеlа ярман, ущман кимет пелка пайтасlат. Ватухаl эlты эсаllайт па сапаllаl эlты кеlан ярlайт, щиты кимет пелка таllайт. Ипуш товийн (Щаня ёхан утпелакн) Хобна еханн (Кев ёхан) щиты айнайн ёхан шоппи ноптаlсув. Щи таl аяlта касаlсув, ай ёхант па пелки питсат. Шоппи норамн верты вера йис. Норм ёхан шоппи вуlы шавиты ёх тамиты верlат. Оlаhн ёхан питарн lойты кат хуl юх ёхан шоппи пайтlа, онас манты утата понlайтан, щаlта щи юхhан шоппи ващ юхат норlайт, ващ юхат лакки ант ат хатты ураhн, эlты тос юхан сэкlайт, хун катрlук антом, кеlан ярlайт. Товийн, ёхан нопатты порайн, иhк уна ювиlыйl, щи порайн норамlув лакки лосамlат па овн туlайт. Кимет тови па яlпа верты вера йиl. Хой ишн Щаня ёхан хопн уншиlыlув. Овкурт эlты мохет нётты, хопан ёхтыlыlат. Хопат ищи пор иты
тыеl-тохеl таlлиlув. Ватухlат кеlан такан ярlайт ки, иl ант хопемиlат. Хой ишн ухаl верытаl раканты, хун юврашк омасlа, мосаh па юврашк ёхан сыl эlты поткаlа. Ватухаl иhка ки раканаl, щит хоты рупата, сохат хув сораlты мосаl. Lэтотат ки морlайт щит иса вонщаl, lэты щир антом, атма иlат, нянь, вой ки – хышиlыlайт, саккар, соl ки – яха сосl… Хой ишан ул ухаlн онас кимет пелка тутлиlа. Ватухlат, нэhатухlат, курамт итн-итн эlты lэllайт, хуlам хоптыйн кирlайт па ёхан шоппи щиты щи туlайт. Тащ воштыты порайн хой вуlэт ант ущlат, ерщиlат. Нэвуlы кимет пелка манты питаl, суюваl lув юпеlан ёхан шуп унты унщаl, паlтамаl па ёхlы унщаl. Нэвуlы па пелка ёхатl, вантаl, няврэмаl антом, lувеl каншты ёхlы уншаl. Хой авккайт кимет пелка пайтасты ант lаhхаlайт, щи порайн кущайlаlан кеlа, ухаl юпия ярlайт.
Нэhат, няврэмат хой ишан ай хопан туlайт, хой ишан няврэмат нэhатухlа омасlайт, нэhат щёпува омасlат. Ай ампат па ухlа, хопа lэllайт, уншак амп хащаl, хун кущайl кимет пелка пайтасаl, lув щираlан ущаl. Кеван ки уllув, хун ерта йиl, кев ёхан сора эпатl. Тащев ёхан папелакн уlтаlн, ат lавlам ху ёхан шоппи куран уншты ант верытаl, иhка lоhаl ки, мохты ован ёхан ныкlы туlа. Щи порайн ёlан уlты ху резина хоп уl па ёхан нохlы манаl, шэhк ныкlы атат туlа, па хопан уншты таха каншаl. Уятаl па сора кимет пелка lоваlман уншаl. Кимет пеlакн, наман уты хойl. Щаlта кимет пелакн уlты ху пиlан па ёхан нохlы манlатан, щита омасlатн па ищиты щи ёхlы уншlатан». Щи куш Кев ёханат lаварт уншты, тащ шавиты ёх ищипа моlты мутра уятlат. Валентина РОХТЫМОВА ханшам потар, Римма ПЫРЫСЕВА верам хорат
○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○
Мет юраh па апраh няврэмат Ас нопатты тыlащ катхощъяhмет хатаlан Пулhаватан Окружной центр национальных культур хотан детско-юношеский спортивный школа мет юраh па апраh спортсменат мойlапсаян юкатсаят. Щита усат спортивный школа кущайт, няврэмат касты утаlтыты хоятат (тренерат), касапса манты щир вантты хоятат (судьи соревнований) па спортсменат. Ищиты Законодательный Собрание ЯНАО куща Сергей Харючи па департамент по делам коренных малочисленных народов Севера ЯНАО куща lаhкар ху Эдуард Яунгад усhан. Сергей Харючи вуща вермаl порайн ястас, муя энамты няврэмата касапсаята утаlтыты мосаl. «Ма энаммеман, яртъяhсот lапатъяhмет таlа-
тан ищи национальный виды спорта щиран кассам, – lув ястас. – Щи ураhан верытlам ястаты, нын щи порайн энмам няврэмат эlты юураhшакат. Спорт пиlан юураh-
шакат па ураяhшакат питlаты, еllы уlапсайн кеншак уlты питаl». Щи юпиян кат щорс няlхощъяhмет па кат щорс ветхощъяhмет таl-lуhhан
итогат хуват мет сора па мет яма касам няврэмат награждение ус. Мет яма тынщаh сува ёвlам, юх пиlан хухатlыям, мет хува lайм ёвlам, ухаl шоппи наврам спортсменат медалятн, кубокатн, па ишак нэпекатн мойlасаят. Яртъяh няврэм кандидат в мастера спорта по северному многоборью нэпекатан юкатсаят, хоlна няl хоят кимет спортивный разряд норматив хуват касты верытсат. Рекордсменат утщая ишаксаят. Щит Юлия Малыгина, эвет кутан мет ар ухаl шоппи навараl – катсот ветъяh ухаl. Ёх няврэмат кутан Филипп Салиндер курлал мет юраhан – ветсот ухал наварал. Валентина РОХТЫМОВА ханшам потар па верам хор
3
№20(750) Lапат хутмет (суббота), Ас нопатты тыlащ 16-мет хатl 2015-мет таl
Прокопий Салтыков
Асэм еhкаl нёхlас (поэма)
(потар оlhаl №19 газетайн уl)
Руваh хатl. Паlаh антом. Пеlhа яhхты Щащаl сый. Хопат lойlат, Метман намн: Щата антом Хоят ший. Туса ханшам Вурты щашкан Юх хот пуhlа Сэhкам нох. Хот ов пелки. Хоят ар. Овн lойlат Тухаl ёх. Хойтэм, шаншох Морэмаман, Хот харыя Омасмаl иl. Хот онтасн Хойтэм lойl, Катlман ёшн Лыпащ мил. Куl шув хорпи Хахса пусаh Нумн lойl, Еша нёхман; Пусаh эlты Хаlм пеlhа Ишни хоща Щи арат па, Ищиматты ахойтыем Пеlhа пиlн Верас ляль. Пасан сыlн Омпсам Петр Ясаh катlас, Хуlэмиман. Хашты юхl Вусlы ёша, Охсох похал Нёхтас нох. Lоймаl сахат Потар хурlас, Lув пеlайl Вантlат ёх. Моlты тутсэм Сэмн ныса, Вешн хувlас Вурты лот, Аhкармасlы Сэм таяlн, Кушам иты, Тэкнам хот: «Хойтэм вотща Lорт тайс, Коlхоз пеlа Питlат ин. Советска власьн Щиты партса: Сохаптаты Антом тын».– Ясhаl, таhха, Ханамтас мира, Хоты ханl Lыlаh сом. – «Lор хоlпиты Пора питl, Lорэв яха Веllэв муh. Вар ки верты Пора питl,
Яха варэв Верlэв муh». Хахса ёвартты Сыскем хуват Нэмоlты lыlшув Щащl ант: Хой хоты хуlнтас, Щиты омпсас, Омпсас рома, Нёхlас ант. Щаlта айlта, Ропах щирн, Мохет кутн Тыйс сый. Щиты сыйhа Итаl эlты, Щерсаh соры Lусэн иты, Потрэн-ясhен Яха рувмас…» И юр понман, Веlпасlаты (ма щирэмн) Яна ям, – Туlта сахат Нюхмас Юхур. – Ант шукащты Питl сам. Ар хоятэм Пиlтащаl ки, Ерм антом, Ерт па вот: И хоятн Ант эрмаllа Ямшик тахи, Ямшик лот. Веlпас мосl – Коlхоз тайl, Щаlта вуя – Иса ям! Сус порайн Сойп таlты, Еhк веlпасl Питl кен…» «Яна, яна! Юхур ики!» – Камтса хоят Увас ин. Такан хойм Вотэн иты, Па щи хотн Эllас сый… «Антом щиты, Ханм ёхlам! – Увман похнас Ольсаh тур, – Яха щирн Веlпасlаты Нэмаlтыя тыйl ант!»… «– Мит ёх тайман, Катра усн,– Пасан сыlа Этмаl сахат, Юхур ики Ясаh тус. – Ерт хун вантас, Вот хун вантас! Мит ху наhен Вой-хуl тус. Кев тумпийн Тащен яhхаl, Велпас, пормас – Иса наh.
Эlэн-курэн Потом антом: Ханшаh вай Па нёпиlув кеш»… Ясhат соханты Кумеl антом. Тутн щарм Кев пут иты, Ольсаh икен Ювмтас венш. Сэмhан вурн Хатмасайhан, Lык ёхтомтас Антом хув; Машак сыхман, Ворш иты, Юхур хоща Навартмас тый… (еllы па уl)
*** Жара стоит, Ни тучки в небе. Полчища гнуса Над головой. Пристали к берегу Рыбацкие лодки, Мужчины с рыбалки Вернулись домой. А что там на крыше, С рисунком ярким? Из красной ткани Вотвой пошит. Колышет ветер Его легонько, На ветру Полотно шуршит. Люди столпились Стоят стеною. Солнце жарит, Пищат комары, За дверью тоже Люди столпились, Стоят они плотно И вдоль стены. Из махорки Скрутив папиросы, Стенку плечом подпирая, Мужчины ждут Разъяснения, Табачный дым Пуская. А комар от едкого дыма, Падает на пол и на столы, Как будто, Прошло сражение, Где, человек, победитель - ты!.. Из-за стола Тут поднялся Петр, От волнения Кашлянул. Волос пятерней
поправил, И тяжело так Он вздохнул… Приумолкли Люди разом, Ждут они Петра слова. А Петр уж так разволновался, Что краснота По лицу пошла. Оглядел он Помещение: Мысли никак Не идут: «Все озера… Что в округе… К колхозу… Скоро отойдут». Как прилипает К рукам слизь рыбы, Как липнет К ним чешуя Так приняли Близко к сердцу люди Слова душевные Петра: «Сообща поставим сети, Сколько надо, Их возьмем, Вместе сор Мы перекроем – И рыбу Ловить начнем». Петра послушав, Ожили люди, Кто-то газетой Опять зашуршал: Закурить бы Поскорее Пусть Пройдет накал… Люди сидели, Как онемели, Что ждет их дальше, Не могли понять. Немного мысли Приведя в порядок, Разговоры-споры Начались опять. Кто слово скажет, Кто проворчит, Кто мысль подбросит, А кто-то… молчит… А споры Все же разгораются, У кого-то Аж пена у рта, Как халеи над сеткой беснуют, Не слышат Друг друга слова. «Разобьемся Мы в артели, Снасти подберем, Выберем Сора поближе И рыбу Ловить начнем», Мысль Егор Свою продолжил,
Люди слушали его… «Угодья наши Богаты рыбой, Не потеряем мы Ничего. Порой осенней Мы невод бросим Добудем рыбу И на покос! - Мы согласны!Тут кто-то крикнул, Пойдем с тобой мы, Пойдем в «холхоз»! Как ветер в поле Мощь набирает, Так накатился Гул людской. - Постойте, люди, Не спешите! Подал Ольсан тут Голос свой. - Вы рассудите, Умом раскиньте, Как можно рыбу Гурьбой ловить? Не угодишь всем, Будут ссоры… А как потом ее делить? «С батраками Жить неплохо, Ни к чему Весь этот спор, Подойдя к столу Поближе, Ответил ему Егор,- Непогоды Ты не видел, Батраки Все в дом несли. Олени твои За Уралом, Даром тебе Достались они. Ольсан, Ты жары не знаешь, И в мороз Не замерзал: Теплые кисы И малицу В мороз ты Надевал»… Разговоры Не утихали, Почернело Ольсана лицо, От гнева, Злобы и досады Искривилось Даже оно. Глаза его Налились кровью, Был он Яростью озарён, Вмиг скатав Рукава рубашки, На Егора Набросился он… Надежда КОНЕВА рущ ясhа толмащсаllы
○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○
Сувенират - умащ ураhан верты пормасат
Клавдия МАКАРОВА верам хорhан
4
№20(750) Lапат хутмет (суббота), Ас нопатты тыlащ 16-мет хатl 2015-мет таl
Lов па вуlы
Катра порайн Охсар па Мойпар lухасhана устан. Ипуш lын яха ёхатсатан па потрэмистан. – Наh муй эlты паllан? – Мойпар Охсар ими эlты инщисаl. – Ма кат курпи отат эlты шэhк паllам, – Охсар ёхlы ястас. – Муй lый эlтэl
паlты, манэман lый lэщатам lэтот, туп уhlа понты хащас. Lуhан кур иlпи эlты щищкет пурlыlат, lый эlтэl ма мет паllам, – Мойпар ястас. Щи ясhат хуlман, Охсар няхты питас: – Наh нэмаlт верlы щи воят эlты паllан. Тамиты верlаман: наh кат курпи отатн и мув
○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○
Мойпар па Охсар
ус тэкатlэн, ма кимет мув ус паlты щищкиlанан. Мойпар кашащас. Щитн лакки мантсатан. Охсар ими lоматман щищки лэhкет катlас па мув ус тэкатсаllы. Щаlта хоятат хоща Мойпар вантты манас. Шияlас: Мойпар хоятатан охаl-
там па lув урhаlан якты хот верам. Охпушхаl юха тахартам. – Ешак сорние, наh нэмаlт верlы нэш ишкащсан, юр ант нэш таймен. Охсар ими щиты ястас па Мойпар ох иl юватсаllы. Щи пора эlты щи войhан кутаhа йистан.
Хар лотан lов lэвман шушиlыяс. Эпlаh торнаh хар лот ус: щита lов яма lэс па муй арат lаhхаса хухатlыяс. Имоlт пораян хорам оhтаh вуlы щи ёхтас. Вантlаllы ун хар лот: торан lова па lувеlа тармаl. Па иса щита уlты номасн ёхатса. Lова щи номас ант lэщаlс. Lов хар лотаlн утща уlты lаhхаса. Туп муй щиран вуlы воштыты lув ант уйтас. Щишн lув хоят хоща нётапса вохты манс: – Ма вуlы эlты ёхатты ант верытlэм, муй щиран lувеl хар лотэм эlты воштыты?! Хоят ёхlы ястас: – Туп ма щермат наh веншена lуматтаlам ки па шаншэна
омасlам ки – щи порайн lуlан вуlы воштысэм. Lов кашащас. Вуlы хар лот эlты lын воштысlын. Туп
lов уlтаl хуват хоят хоща рупитты хашас. Муй щиран хоят lов шанша опсас, ин там хатl унты lов шаншан яhхаl.
○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○
Lунт па Тор Lор сыlн вояh Lунт опсас. Lув пуhlаlа Тор иl lатас. Тор lунт пуhаlн керыяма вантасас, матты иса ищки тахаян ус. Lунт Тор эlты няхты питас: – Итые, наh шикем керыям, lовlан
эlапн lойlат!.. Матты, наh таlаh lуh нэмаlты ант lэсан… Щи пуляh lын пушканh хоят шияlастан. Щи хоят lор сыl хуват lын хощайн lоматман йис. Кен Тор лэhки пурlыяс па манас. Вояh Lунт ики
хохаllаl лакки пайттаl эlты, пушкан эсаlтса. Ар воян катlам Lунт lор сыlан хашас, щи юкана керыям Тор турамн пурlыман яhхаl.
Валентина РОХТЫМОВА якут монщат рущ ясаh эlты толмащсаllы
Ляль верат нумlайт Ас нопатты тыlащ яртъяhмет хатаlан хон мувев lоватан Ун ляльн нох питам емаh хатl постысув. Мирэв хуват солдатт строй щиран маршируятман шушсат. Кашh тахаян хоят ляля яhхам хоятlаl нумаlмисlы. Пулhаватан «Брусничка» нэмпи садикан щи вер ищи ант постыман ант хайсэl. Емаh хатlэl ас нопатты тыlащ lапатмет хатаlан постысэl. Хоl щи садика яhхты няврэмат па няврэм шавиты нэhат и зала актащсат. Lый хощаеl щи хатl мояh хоятат
•Хорат потарlат
Культурно-деловой центр «Наследие» арыты, якты – каш верты энамты няврэмат ёхтыlысат. Lый ляль пора арат арысат, яксат. Ай няврэмат умащlыман щи концерт вантсат. Щи юпиян и нэ ляля яhхам ун ащеl эlты потартас, хорат этаlтас, муй арат па муй ураhан медальн юкантыса этаlтас. Садик няврэмат lув ийимеl ураhан мойlапса юкатсат. Мет юхат ай няврэмат пумащипа ураhан артистат хорам лыпатан мойlысlаl.
Валентина РОХТЫМОВА ханшам потар шупие па верам хорат
Газета
«LУХ АВТ» Адрес редакции: 629008, ЯНАО, г.Салехард, ул. Подшибякина, 17 (34922) 4-68-03, 4-68-63 Е- mail: luhavt@yandex. ru
Учредитель (соучредитель) Департамент внутренней политики Ямало-Ненецкого автономного округа (ЯНАО, г.Салехард, пр-кт Молодёжи, д. 9) Газета зарегистрирована Управлением федеральной службы по надзору в сфере связи, информационных технологий и массовых коммуникаций по Тюменской области, ХМАО-Югре и ЯНАО 19 апреля 2012 года Регистрационный ПИ № ТУ72-00558
Тираж 700 Заказ 0372 Подписные индексы: на год - 29925, на полугодие - 84611
Газета вышла в свет 16 мая 2015г. Подписано в печать 14 мая 2015г. по графику: 16.00 фактически: 12.00 Газета выходит по субботам Цена годовой подписки 96 руб., в розницу не распространяется
Издатель Департамент внутренней политики ЯНАО (629008, Тюменская область, ЯНАО, г.Салехард, пр-кт Молодёжи, д. 9) Отпечатано в типографии ГУ «Северное издательство» (629008, г.Салехард ул. Ямальская, 14)
Главный редактор Г.П. Кельчин