ЙИСАТ УLА, АРТНАТ УLА, ХАНТЫ МИРЭВ НУПТАH ЯСАH! Яlаптаl тыlащ хутмет хатl 2001-мет таl вуш эваlт этты питас
Российская Федерация Ямало-Ненецкий автономный округ Газета №22 (804) Lапат хутмет (суббота), Унщ тыlащ (июнь) 4-мет хатl 2016-мет таl
Няврэмиет ай куртатна Унсяп тыlась оlаhмет хатаlан Россия хонмув lоватан няврэмат сайlаман па шавиман тайты емхатаl постала. Муh няврэмийlув, сяха, энамтэl юпийн муh уlты сирэв, муh ант верам верlув еllы туllаl. Камн вер нох этаl. Тухаl тахайн няврэмиет апм кеман тайтэт: хойтэт сэhктэт, хойтэт lэllы тайтэт. Няврэмиет сайlатыя, нэман си кеша рупата пуншман уl. Там потрэв си хатlа юкатlэв. Таl сыс, ашкуlайн утаlтыты няврэмат асиlаl – аhкиlаl мортаh порайн вантыllаl; каникулыйн па хун курт па уlы хот эlты ёхтыlыlат асет, омет. Сишна си lуh пора lайlман хась ошlы питlат. Па хотсат ант lайlты? Марэматы сир па уl. Тухаl порайн тасьна рупитты ёх няврэмlаl утаlтыты хоlна ант етшаты еlпина туllаl. Сяlта хасьlат ки, сит сяха карты юш хуват Кева манты шеhк лохтаh вер. Соlхосат тасяh уlам пораятна няврэмат вертолётна аhкиlаl хося тутlысайт. Ин па си вер ёрэматы питса. Вертолётна туты вер сит хоты иси ям. Куш кепа няврэми-
ет утаlтаты верэl патэl вунты туlэl. Па няврэмат паlатна lойты питlат. Аl ситы ёхи хасьlат. Аhки-аси пиlан иси мосаl уlты хувшак па утаlтыты вер па мосман тайты. Там йисан нэпекна такан ант ки хошlан юурэн иси шимаl питаl. Хой, ванты, уншак лотан рупитаl нэпек ош тайl. Ай куртата няврэмиет йиhк шанш хуват хопан ёхатlат. Туп симась ай курт шимаl хасяс. Хайм куртат таl сыс ант уllайт. Товина,
Омийн ишакlа. Хотсат ант ишактыя? Веlпасlаты хоят энмаl, пирсямаlа па куш кепа lапатты питlа. Ситы си похлэhкет ай куртатна хуl веlты утаllат. Си тумпина аси пиlна мотурат хося катlантытэlн – мотур верты утаllат. Там исна хоты мотур верты ант ки хошlан иси атом. Ин вантыlыты няврэмийlам иса карты хося катlантыты хошlат. Верытlат таlаh хатаl карты сюhкат лосытыты па шукаlам мотур вертыя. Там рупата сиран lуhеl ситы си хасяl яlпа ашкуlа пора ёхатты унты. Эвиет йис рупатайlы уlтэl антом. Аhкиlаlа нётlат. Хойтэн ёнтасаl, татlасаl. Апси вантман уl. Ай куртыйlув lуlн хувшак ат усат. Си порайн няврэмlув аси-аhки уlапсая ямашак утаlсат. Йис тэlн тайм верат lув lуlн еllы тусlаl, еllы тайсаllаl. Няврэмlув хантэт йис тэlан тайм вера ки утаlтаllув – ситан си муh lувиlаl шавиllув па сайlаllув.
еhк туты юпина, еlпи сита уlам мохет тохи манlат, уншак куртат эваlт, lуhан сита уlтыя па веlпасlатыя. Ашкуlа lоват няврэмат асиlаlа нётlат. Айшак похат асиlаl пиlан, муй па яйlаl пиlан шаншlупна омасlат, ёваlмиты яhхlат, хоlап вантlат. Сяlта па тухаl похиет асиlаlна айхопна верlайт, хоlап шупиина маlайт. Lув атэl веlпасlаlат, хун пора тайтэlна. Няврэм lув ёша-кура веlам хуlаl ёхи тутаlан муй арат амат.
КЕРАН Митры ханшам потар, Валентина РОХТЫМОВА верам хор
○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○
Хопна яhхты lэсятыят уlа, сапlа охан понlа. Хопна яhхты нэпек шитты лотат уllат. Сита нэман хоятат утаlтаlайт. Утаlтатэт юпийн, экзамен маlат. Уllат аl инсясты сират, уllат па этаlтаты мосаl хоты наh сэвас катаlты хошlан, хоты мушмаlтам хоят нюлмаl, муй па ур lэраl эватмам хоят ураl катаlтыя, русь ясаhан мет оlаh медицинский нётап вертыя хошты мосаl.
Йиhка хоят питаl, йиhк эваlт хоты lувеl нох пайттыя иси хоша. Нох пайтlэн, инсятман ки уl, хотсат симась хоят lыlhаттыя па уйтты мосаl. Кучам хоята, воllы ант рахаl хопан яhхтыя, иси па моlты кута питаl. Хой хопан яhхты нэпек ант тайl, муй па тапаlсаllы ин мосаl МЧС хося яhхтыя па экзамен матыя, хопан яhхты нэпек шитаптатыя.
Валентина Рохтымова верам хор
Товия ис. Морты мув эlты тохlаh воойт ёхатсат. Еhк нопатса Молам сяарс пеlа. Мосты питаl хопат lуhан яhхты кеша lэсяттыя. Хоп тумпина па хоятата иси мосаl, хопан яhхты ураhан нэпек тайтыя. Хасям lуh ар хоят мосятами, хопан яhхты нэпек ант таймеl ураhан. Сяlта, хой хопан яhхты нэпек тайl, па туhа сира, нэпекан парты сира ант уl. Хопа lэlам хоят спасательный жилет нох lуматты вераl уl. Ар пелак хоят хопа lэlаl, lыl сайlаты хоптан ант lуматаl. Камн пуш вер тыйl: хоп хомта манаl, хоятат йиhка питlат. Хой lыl сайlаты хоптан тайl сит нох питаl, хой ант тайl лёхиlаl. Хоптан lуматтыя муй ун юур мосаl? Lуматlэн – мосаh атом вер эваlт lыlhат хасьlан. МЧСан рупитты хоятат уllат, lув нэман си кеша понман, хота муй, хота хой хопна яhхты нэпек ант ки тайl мохты катаllа, хопаl нох
Lуhан па хун кум шитlа. Хой хопан яhхты катра нэпекат ёшан тайl – ситlаl пелаттыя мосlат. Хопан яhхты катра нэпекlаl яlап нэпек пелатты ураhан тамась нэпекат мосlат: удостоверение на право управления маломерным судном, подлежащее замене, личную карточку судоводителя, квитанцию об уплате госпошлины, фотографии 3х4 – 2 штуки, медицинскую справку о годности к управлению маломерным судном. Рахми хоятlам, си lоват ям вераты, хой хопан яhхты нэпек ант тайl, симась нэпек шитаты. Кашh районна МЧС ГИМС хоятат рупитlат, тохи яhхаты, вер lэрамтаты па хопан яhхты нэпек ёша пайтаптаты. Хуl ёхатты порайн, щел йиhк шанш эlтыя яhхтыя туhа сира lэсятыяты. Госинспектор Михаил ИЛЬИН ханшам потар АЙХОП Павельна ханты ясhа керытса
2
№22 (804) Lапат хутмет (суббота), Унщ тыlащ 4-мет хатl 2016-мет таl
Ас нопатты тыlащна хольмаh оlаh хатаlна Интернетконференция ус. Округ департамент образования куща нэ Ирина Сидорова ёхтыlыяс. Ямал мув хоятат инщапса версат, хой няврэмат па ашкуlа эlты потарсат, хой ГИА па ЕГЭ эlты инщассат. Ирина Кенсориновна Сидорова туhа щира потартас па ястас. Игорь, Новый Уренгой эlты: – Там пуш экзамена йиhк па шоколадка lэтот туты ант рахаl. Муя па щиты? Яна ки щиты, хоты ЕГЭ ханшты? – Игорь, кашаh местана, хота няврэмат экзамен ханшlат, пасанатан йиhк па ан уl, хота няврэмат нох lойты па инщты верытlат. Муй арат пуш щимащ вер ус, хун няврэмат ханшты нэпека йиhк иl тэмтыlыlат, щи контрольный измерительный материал мосаl пелытты па яlап вариант маты. Щаlта пелытты ки, пеlытlа, туп щёсэв ёхlы ант маlа, щишан щи няврэмата мосаl сыстама ханшты. Йиhк туты рахаl, туп оlаhна экзамен еlпийн лувиlаl яма вантlаят. Анастасия, Муравленко эlты: – Ирина Кенсориновна,
ёхатты па па щи ханшты. Анастасия, Пулhават эlты: – Ямал муван «Здоровое питание» проект уl. Ашкуlа лагеря манты няврэмат, лэтотат муй щиран вантты? Каши тайты няврэматата диетическое меню мосаl, хун щимащ меню этаl? – Администрация образовательной организации ашкуlа лагерь хоща няврэмат lэтотат туhа щира вантман уllаят. Щи ураhна кашаh ашкуlана бракеражная комиссия версат. Роспотребнадзор Ямал мув хуват иса ашкуlа столовыятна контроль верlат, иса вантман тайlаят, сыстам йиhк па ям lэтот ат ус. Екатерина, Пуровский район эlты: – Хун муh няврэмlув лагеря па регион хоща яhхиlыlат, щита арсыр тематический сменаят уllат. Муй муh мувевн ашкуlа лагерян питаl? Хоты няврэмlув lуhан питlат щутщиты? – Ямал мувеван няльяh няl профильный смена утщиlат верты. Щит катхощьяh образовательный организация хоща (ихощьяh процент). Пулhават вошан щит эколого-краеведческая, твор-
Интернет эlты понам хор
И.К. Сидорова
муй арат таl ЕГЭ результатат шавиты питlаят? – ЕГЭ результатат няl таl оlты питlат, хой манаl программа хуват бакалавриатата па специалитетата утаlтыты. Щишан, хой там пуш экзамен ханшты питаl, lув результатlаl 2020 таl унты питlат уlтыя. Дмитрий, Пулhават эlты инщасас: – Ма там пуш экзамен ханшlам. Ант уятlам, муй хорпи питlат результатат, щаlта ма утаlтыты ант манlам ки, па кимет таlан ма lытlаям ЕГЭ ханшты. Маты результатат рахаl вуты? Маты таl результатат? – Дмитрий, уятман рахаl кимет таlан ЕГЭ ханшты. Результатат Федеральный информационной системаян уllат, хота иса ун вош утаlтыты хотат верытlат вантты. Наh кат па моlтас результат тайlан ки, наhен туп мосаl заявленияна ханшты, маты таlан ханшам результат lытlаян вуты. Михаил, Тарко-Сале эlты: – Ма туняlт ашкуlа етшасам, там пуш ЕГЭ ханшты питlам. Муй арат пуш рахаl ЕГЭ ханшты? – Ханшты рахаl кашаh таl, туп щи еlпийн заявление ванхатlап тыlащ оlаhмет хатl унты ханшты мосаl. Людмила, Новый Уренгой эlты: – Ма похем там пуш яртьяhмет класс етшаl па ГИА ханшты паlаl. Муй питl, хун lув атмащ ханшаl? – Там пуш, хой етшаl яртьяhмет класс, лувиlаl туп рущ ясаh па математика ханшты мосаl – мет мосты предметат, хун техникум па колледжа утаlтыты манlат. Хун атмащ ки ханшаl, lувеl рахаl кимет хатаlна ханшты (унщ тыlащ lапатхощьяhмет хатаlна). Щи хатаlан па атмащ ки ханшаl, lувеl щишан мосаl щёхар тыlащна
Ольга Нензелова верам хорhан
Интернет эlты понам хор
Интернет-конференция ус ческая, спортивно-оздоровительная, историко-краеведческая, художественно-эстетическая сменаят питlат, «Год кино РФ», «Год молодёжных инициатив в ЯНАО», Lапатнаhк вошан спортивнопатриотическая смена питаl; Новый Уренгоян военно-патриотическая «Юный патриот» и туристско-краеведческая сменаят питlат. Муравленко вошан смена верlа «Вокруг света за 21 день», лидерская «Радужная страна», «Спортландия» смена па творческая смена «Киноакадемия», профильная площадка «Юный техник» питlат. Красноселькупский районан – экологическая площадка «Зелёная планета» па социальная площадка – каникулярная школа «Лидер» питlат вертыя. Пуровский районан – профильная площадка «Доброград», «Радуга детства», «Фильм, фильм, фильм», «Классная компания» па «Галактика детства» верlат. Туhа щира образовательный организацияятна па ашкуlаятна вантты па инщасты рахаl. Ольга НЕНЗЕЛОВА ханшам потар
3
№22 (804) Lапат хутмет (суббота), Унщ тыlащ 4-мет хатl 2016-мет таl
Овс мув эlты ханшты нэ
Н.Н. Ядне
Надым вошна уна ювам нэ уl. Lув хорам па тащаh мувев па тата уlты хоятат эlты книгаят ханшаl. Нина Николаевна Антипаютинский нюрам муван сэма питас. Антеl, ащеl ур хоятhан усhан. Щи эвие ашкуlаян утаlтымаlан, интернатна ус. Щаlта МГУ им. Ломоносова, Ленинградский государственный педагогический Герцен нэмпи института утаlтыты манас. Утаlтыты етшимаl юпиян Ямал ашкуlаинтернататна рупитас. Хус таl эlты аршак Надым вошна отдел кадров промышленный предприятие кущая ус. Щи пораян Первый Всесоюзный экологический конференция Надым вошна вер-
М.Я. Бармич, па па хоятат рупитаl. Нина Ядне произведенияйlаl газетаятан, журналатан ханшlаят: «Рабочий Надыма», «Ямальский меридиан», «Красный Север», Тюменский область изданияятан па хон мувеван. Lув ийикеl Дмитрий Петрович шуhат эlты «Дмитрий Верендеев» презентация книгаят верас. Дмитрий Петрович Верендеев ищи ар потраh нэпек ханшас: «Вкус хлеба», «Волк», «Не ожидал» па па нэпекат. Романат ханшас: «На волнах судьбы», «Пути – дороги». 2011-мет талан Дмитрий Петрович антома ис. Нина Николаевна сэма питам хатlаl ураhан, Пулhаватан па Надым вошна хоятат актыlысаят. История па археология музеян «Золотая полка Юбиляра», Центральный библиотекаян вантапсаят версаят. Хоlна «Музыкальный ашкуlаян» емаh хатl верса, щи Надымский район куща хоятат ёхатсат, Нина Николаевна ураhан мойlапса ясаh ястасат, щий вошна уlты хоятат ёхтыlысат, ищи Нина Николаевна ураhан ар ям ясаh ястасат, каш верты хоятат арысат па яксат. Щи вещкат нэ там мувна, Ямал мувна, Россия хон мувна, па па муватна яма хоятатна уятlа. Lув шеhк ар
са, щита lув ясаh ястас, хоты мосаl там мувна уlты, па Ямал шавиты. Щи пораян, тата промышленное освоение верты питса. Lув ястас: «Там тащаh мув, па тата уlты хоятат мосаl шавиты». Нина Николаевна Ядне Надым вошна уятlа, lув нэпек ханшты нэ: тата уlты ур хоятат эlты книгаят па хорат вераl. Там пуш lув юбилеяl ус, lапатьяh таlаl постас. Lув уна ювмаl юпиян потрат ханшты питас. Lув 1995-мет таlан «Я родом из тундры» книга ханшас, «Я родом из тундры» кимет нэпекаl 1999-мет таlан ханшсаllы. Хоlна Нина Николаевна «Древо жизни», «Подарок судьбы», «Избранное» книгаят верас. Lув няврэмат кеша «Ромка», «Сердце, отданное ненецким детям» ханшас. Lув сэма питам тахаяlа, Антипаютинский нюрмата иса яhхиlыяl, щи яhхы юшlаl эlты фотоальбомат верас: «В краю моём, в краю оленьем», «Яркие моменты жизни», «Биография в фотографиях». Щиты ЯНАО, Россия, па па муват изданияятан потарlаl ханшты питсаят. Щита lув ур ёх эlты повести, рассказы, очерки, статьи, йис потрат, монщат ханшас. Нина Николаевна пиlан Р.П. Ругин, Н.В. Цымбалистенко, Н.П. Масальская,
потар, монщ ханшас. Няврэмат Нина Николаевна ханшам нэпекат хуват ашкуlаян утаlтыlат. Центр национальных культур хотан «В краю моём, в краю оленьем…» кашh ет версув. Щита па ар ям ясаh ястаса, каш верты хоятат концерт версат. Нина Николаевна Ядне член Российских писателей, академик международной академии информатизации, lув орден международной академии «За развитие информационного пространства» таяl, лауреат премии ЯНАО, лауреат Всемирной премии имени Михаила Николаевича Юхмы, Почётный гражданин ЯНАО нэмат таяl. Щи уна ювам нэ ветхощьяh книга ханшас, хуlам хораh нэпек (альбом) верас. Там ванан яlап книгаят ханшас: «Дмитрий Верендеев», «Вкус маранги», повесть «Житейская история». Москва вошан уlты нэ Нина Затолочина Нина Николаевна эlты нэпек ханшас «О жизни Нины Ядне и её рода». Lув тумтака ат уl, тата уlты хоятат эlты яlап нэпек ат ханшаl! Потарlаlан муhев амат ат вераl! Галина ГРАБЛЕВСКАЯ ханшам потар, Интернет эlты понам хор
Ищки пора мет ун воят пеши lойты питаl. Вантапса хотан рупитты хоятат мояh хоятата катра мув хорат эlты; мув хорат па мастодонат уlапса утаlтыты хоятат (учёные) эlты потарты питlат. (Мастодонат – ищи хув, еhкаh пора воят, мув хор хорпет усат, туп эllаl хувшакат па курlаl ваншакат). Потрат такlы, Овс мув воев эlты видео этаlтыты питlа.
Интернет эlты понам хор
Унщ тыlащан оlаhмет хатаlан Канада хон муван Британский Колумбия хон вантапса хотан (Королевский музей Британской Колумбии) «Мув хорат – ищки пора мет ун воят» («Мамонты – гиганты Ледникового периода») выставка верlа. Щи вантапса таl хоlаты унты питаl. Мет ныты тахаян, кутапан, Ямалан уйтам, хув порайн момийм Люба нэмпи мув хор
○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○
○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○
Хоlна щи вантапсая ёхтыlыты хоятат Ямал мув, Пулhават, Музейно-выставочный комплекс имени Ивана Шемановского па Люба нэмпи мув хор пеши моми уйтам хоят Юрий Худи эlты уятты питlат. Нумаlмиlэв, 2007-мет таlан Юрибей ёхан пуhаlан уlы шавиты ху Юрий Худи таlаhа хащам, хуван еhки муван момийм мув хор пеши уйтас. Щи пеши Люба нэман маса. Палеонтологат ясаh щиран, 37,5 щёрс таl хащас, хун щи мув хор пошах lыlhа ус. Люба мув хор хоятат ураhан вантты щира lэщатса. Пулhават вантапса хота (МВК) тутлиса, щи юпиян Россия хон мув академия наук зоологический института тутлиса, щита lув консерваторияян ус. Там пора унты щи тынаh экспонат пормас хон мувев вошат хуват тутлиса, Москвая, Хон Петра воша, па хон муватан ищи вантса: СШАян, Геранияян, Японияян, Китаян, Англияян. Валентина РОХТЫМОВА толмащам потар
Емаh хатlа ёхтыlыяты Унщ тыlащ 12-мет хатаlан Россия хон мувев емаh хатl постыlа (День России). Щи хатl Пулhаватан 13:30 щёсан Геолог хот пуhаlан каш верты питlа. Вошан уlты хоятат, вош мояh хоятат ёхтыlыяты, концерт вантаты.
4
№22 (804) Lапат хутмет (суббота), Унщ тыlащ 4-мет хатl 2016-мет таl
ТУС ЯСАH - ТУС ПОТАР
Монщ ныh па Восаh Урт ики ай йик (Ханты мир монщ) Монщ ныh эвеl пиlна усhан. Имосайна lын ур хот сыяlасhан, lын хотан томпина. Щи эваlт щит Пор ныh ими хот lонщмаl. Имосайна Пор ныh ими Монщ ныh хоща ёхтас. Щаlта вохты питсаllы ияха пом сухатты яhхты. Монщ ныh щикус ант lытса Пор ныh ими пиlна манты. Туп Пор ныh ими щиты щи Монщ ныh эви пеlа аhкармияl. Сэмlаl аl волемиlат, ищимет, еса няlмаl ант няlэмияl. Монщ ныh Пор нэ ими пеlа lавас: «Хаlэват яhхlаман». Пор ныh ими ёхlы манас. Монщ ныh эвеl пеlа lаваl: «Эвие хаlэват, ма Пор ныh ими пиlна манlам, пом сухатты. Хой ущаl, lыlhат мосаh ант ёхатlам. Туп наh Пор ныh ими пеlа аl эвlа, хоты кепа, наh пеlаен потарты питаl, Lув пеlаеl аl эвlа, мохты хонта. Lув хощайl ванна аl мана». Эвиеlна па щикус ант эсаlса, Монщ ныh щиты щи манас. Воllы иlайи йис. Lын хоlна ант ёхатсаhан. Имосайна Ай Монщ ныh вантlаllы: Пор ныh ими йитаl ныlа, омеl антом.
Ай Монщ ныh lайlасман lойl. Пор ныh ими утща этас, щикем щуктат аlтасl, вуl поми монтал туl. Ай Монщ ныh инщасlаllы, омеl хота уl. Пор ныh ими нюхмас аlтасман: «Lув хоlна пом сухатl». Ай Монщ ныh иl мукартман манты Пор ныh ими юпина, вантман lойl. Имосайна пом монтал lыпина, Ай Монщ ныh сыяlас, сэв оlаh ким этмаl, Пор ныh ими сасl нёхтытаl эваlт. Ай Монщ ныh мохты мостасlы, омеl хув сэв. Еl уваlтман хоllамтас, щикус уhlаl лап нёртамтыяс. Пор ныh имина ищипа хуlса. Пом монтал иl лоскасlы. Эви пеlа карэмас, мохты эви пеlа нёхамтас. Эви сора еlащ карэмас – ищи ёхан путар пеlа такан нёхамтас. Щита хоп нык поткасlы, тохи lэlамтас, lупатна хоп нык хувемасlы, такан lоваlты питас. Пор ныh ими ищи ёхан путара ёхтамтас. Путарна lойты вуl наhк, lэрlаl пиlна, нох нярэмасlы. Ёхан путарна юватсаllы, ай наhк па менмаl ищи курамна, lуп юканны. Наhк lоhlа навармас, ищи
• Хорат потарlат
такан lоваlты питас, ай наhкна. Ай Монщ ныh воllы нюхаlты питса, щи катlапlа, там катlапlа. Ёсl тэlна, хув кускарlаl пиlна, нох сосамтыты питас, ищимет кунсэматы артащияl. Ай Монщ ныh Ту-
рам пеlа нохащ аhкармас, турам хоща нюр паlаh антом, вот ищи антом. Кев пеlа аhкармас, хота най lоhас, щаlта еl нюхмас: «Там монщем еlащ ки туты верэм уl, Кев томпелак эваlт, хуl сом lоват ай паlаh ат этаl».
Туп щиты нюхмас, ай вот венсаl хоща хойс. Аhкармас Кев пелак пеlа, щита хуl сом lоват ай паlаh этмаl. Щи паlhаl ищи курамна вуllы йиты питас. Йиhк нясармас, хомпат манты питсат. Пор ныh ими воllы ванна ёхтас. Ваhкарэh lуйlаlн Ай Монщ ныh хоп еса ант кунсэмасlы. Щи кумна, ёхан хоща, щи хорпи вуl хомпаhhи ёхан карэмас. Йиhкаl кев пут иты каварты, няварры карэмас. Нумаlта похлат марэмасат, ерт аl сосамты иты манты питас. Пор ныh ими нуваh lэр восаян наhкаl пиlна, вуl хомпатна, еhитман, lарhаlтыман, ёвра карэмаса. Пор ныh ими кус хощ катlасты вутщияl, нэмаса щираl антом, юхаl иl пентыlыяl, нох этлияl, щиты щи вуl хомпатна, пентатlыман туса. Монщ ныh вуl хомпатна вуты ласкаса. (Еlащ хоlна уl) Антонина Егоровна СЯЗИ-СЕРАСХОВА нэпека lэщатам монщ па ханшам хор
Ясhаh ханшет Охаль ясаhан постам ханшет ин нын тата вантlаты. Ханты мир тамась ханши иси тайl. Мосаh тухаl эвтамат па сирнашак нэмиlайт. Кашh ханши lув сираlан потартаl: ястаl хоlта lувеl ёнтты рахаl, хой хоят ураhан ёнтlа, муй мосты пормас хорамаhа моlты сыр эвтамна эватlа. Уйтты хоятэн муй хорпи ханши муй ясаh тайl иса хуllаllы. Хорам оhтаh уlы тайты хуу «Ун хоор оhат» нэмаh ханшина ёнтlа, ар нёхас веlты хошты хуу «Нёхас каlтам» эвтаман ёнтlа. Ёшаl тус нэ ат вантаl, хорам lуматты сох ат ёнтаl. АЙХОП Павель ханшам потар шупии Интернет эlты вуйм хорат
Газета
«LУХ АВТ» Адрес редакции: 629008, ЯНАО, г.Салехард, ул. Подшибякина, 17 (34922) 4-68-03, 4-68-63 Е- mail: luhavt@yandex. ru
Учредитель Департамент внутренней политики Ямало-Ненецкого автономного округа (ЯНАО, г.Салехард, пр-кт Молодёжи, д. 9) Газета зарегистрирована Управлением федеральной службы по надзору в сфере связи, информационных технологий и массовых коммуникаций по Тюменской области, ХМАО-Югре и ЯНАО 19 апреля 2012 года Регистрационный ПИ № ТУ72-00558
Тираж 700 Заказ 0557 Подписные индексы: на год - 29925, на полугодие - 84611
Газета вышла в свет 4 июня 2016г. Подписано в печать 2 июня 2016г. по графику: 16.00 фактически: 12.00 Газета выходит по субботам Цена годовой подписки 96 руб., в розницу не распространяется
Издатель Департамент внутренней политики ЯНАО (629008, Тюменская область, ЯНАО, г.Салехард, пр-кт Молодёжи, д. 9) Отпечатано в типографии ГУ «Северное издательство» (629008, г.Салехард ул. Ямальская, 14)
Главный редактор Г.П. Кельчин