ЙИСАТ УLА, АРТНАТ УLА, ХАНТЫ МИРЭВ НУПТАH ЯСАH! Яlаптаl тыlащ хутмет хатl 2001-мет таl вуш эваlт этты питас
Российская Федерация Ямало-Ненецкий автономный округ Газета №48 (726) Lапат хутмет (суббота), Ас потты тыlащ (ноябрь) 29-мет хатl 2014-мет таl
Тащ lуhатса Тампуш ас потты тыlащ няlхощъяh па ветхощъяhмет хатlатан МСХП «Мужевское» хутмет тащн вуlэт lуhатсайт. Ма ас потты тыlащ хуlамхощъяhмет хатаlан тохlаhхопан Овкурт воша ёхатсам,
са. Щи хот хоты ун па, кур яма аlтыйн, lыпеl хошам. Вуlэт пушас унты етан ас потты тыlащ хуlамхощъяhмет хатаlан патлама ювам юпиян воштасайт. Туп ёхатсат мохты пушас lыпия lоhаl-
шай инщсам па ащем пиlан буранан вуlы lуhатты пушас унты мантсаман. Вуlы lуhатты пушас Мек нюрамн уl, Овкурт вош эlты хутьяh километра кеман. Щи унты тащ ёха нётты хоятат буранатан ёхатсат. Щита хоятат щутщиты кат паварт хот уl. И паварт хот катра – и щорс яртьяhсот lапатьяh lапатмет таlн верса. Lыпеl питыя ювмаl, хот щуhlаl хишыlыямат, кураl ира питмаl. Кимет хот яlап – туняlт веlщи вер-
сайт. Ёх нецаты мощатсат, няр нёхи хорсат. Няр нёхи lэсув, шай инщсув. Иl оlты еlпийн ханты монщ хуlатсув. Емельян Кириллович Куртямов монщас. Кимет хатl, туп новия иты питас, ёх вуlы lуhатты питсат. Пушас няl ят тайl. И ятаl ант lуhтам вуlэт ураhан, щиlта вуlэт кимет ята – камерая воштаlайт, щита lуhатlайт, портонан па паllаl биркайн понlайт. Суюват паllаl эватсайт. Камера
lыпийн пирыlайт, маты вуlэт еllы уlты эсаllайт, маты вуlэт хорты эсаllайт. Хутмет тащн lапат ху вуlы шавиlат: Алексей Васильевич Лонгортов – тащ куща, Михаил Ильич Лонгортов, Эрнст Кириллович Куртямов, Эдуард Анатольевич Лонгортов, Станислав Анатольевич Лонгортов, Константин Емельянович Куртямов – вуlы леккар. Ёх вуlы ёша пайтlат, постыlат па катаllат, щи пуляh вуlы леккар портон понаl. Вуlы леккарт куща Алексей Петрович Худи па lувеl нётты Даниил Сиба-
рев Мужи вош эlты ёхтыlыстан, lын вуlы паlат биркайн lонщсаllын. Овкурт вош главный зоотехник Эдуард Кириллович Макаров совхоз вуlэт сохlа ханшсаllы. Хоятат вуlэт Емельян Лазаревич Вальгамов сохlа ханшсаllы. Ветмет тащ вуlы леккар Геннадий Степанович Еприн там таща питам вуlыlаl вантты ёхтыlыйс. Утвош курт эlты Емельян Кириллович Куртямов ийимеl Альбина Николаевна пиlан вуlыlын вантты, авккайlын няньн lапатты ёхтыlыстан. Еlпи lын тащ хотан яhхсатан, ар вуlы
мет тащ куща ху ийимеlан Вера Емельяновна Лонгортовайн шайн ищаlтысаюв. Щита оlсув. Аlаhсахат ёхlы пушаса еllы вуlэт lуhатты ман-
Няlсоткем суюв сэма питас, щит туняlт эlты сот суюва аршак. Вуlэт кашаh таl тапlат. Туняlт эlты вантман, тампуш шимаl вуlы
тсув. Хатl кутапан lуhатты етшасув. Тащ верlаl эlты хутмет тащ
энмаlсатан. Хун куртан уlты хащсатан, туняl таl унты кашh таl вуlыlын курт пуhаlан шавиты катlыстан. Щи хатl пушасн ар хоят ус, паварт хотан щутщиты таха антом. Етн хой мохет пиlан тащ ёха вош эlты тувам пормасат, хуlы хырат туты вуlы хота яhхсув. Щита хут-
куща ху Алексей Васильевич Лонгортов потартас: «Тампуш муh вуlыlув ямшакат, войн еша катаlсайт. Туняl вуlыlув шеhк керыямт усат, пушас lыпия юх оlаhн сэhкман воштысlув. Товиян касаlмеван, ар нэвуlы рыяс. Таl эlты шеhк керысат. Ям, куш тумтак суюват сэма питсат.
ушас. Мойпарт вуlыlув хоща ёхтыlысат. Вуlыlув куш ант кетапсаllаl, щит ям. Онас юшев кев унты яlпа сэварсэв. Щит ураhан касаlты анта lаварт ус. Касаlмеван ар вуlы хащас. Ёхlы керlыlат па Кев пеlа манlат. Щит ураhан ин ант верытlам торlы ястаты, муй арат вуlы тащеван. Хорты сот нийlъяh вуlы катаlсув». Алексей Васильевич армия эlты ёхатмаl юпиян, тащ хотан рупитты питас. Хутмет тащн каматса таl кущая рупитаl, вераl яма уятlаllы, тащl верlаl яма манlат. Тащ шавиты ёхlаl ищи самаhа рупитlат. Манты еlпийн хой нётам ёх хорты вуlы катаlсат. Шай инщсув, lэlтассув па воша lэlапсув. Валентина РОХТЫМОВА ханшам потар па верам хорат
2
№48 (726) Lапат хутмет (суббота), Ас потты тыlащ 29-мет хатl 2014-мет таl
Хатl най эlты потар ус
Ас потты тыlащн хольмаh пеlа хуlмет хатаlн Округ культура хотн хоятат «Возрождение» клубан па актащисат. Кашаh порайн клуба самаhа яhхты хоятат иса нумасlат, муй эlты потар туты. Ин там пуш па Хатl най эlты, Тыlащ па хусат эlты потар туты номас вертсув. Йис эlты Овс мув мир ёх иса Туром пеlа вантман уllат, Хатl эlты, Тыlащ эlты нэмоlты порайн атом ясаh ант па ястаlат. Lый щи эlты торlы уятlат, Хатl най пеlа, Тыlащ пеlа яма уlты мосаl. Хоят уlопса Хатl най щирн понты мосаl: етн, хун Хатl най иl хотаlа lоhаl, хоята па иl оlты мосаl; аlаhсахат, хун Хатl най нох питаl па нох киlты мосаl. Хоят моlты верlаl иса Хатl щирн поныlыllы. Шушl ки, хатl щирн шушl,
щарка ки ортаl па хатl щирн ортаl. Ох понты ки lойl, ищи хатl щирн керlыйl. Няврэмат ай тэlн утаlтыlайт, Хатl пеlа, Тыlащ пеlа lуй шашты ант рахаl, атом ясаh ястаты ант рахаl. Йис порайн ханты хоят уlопсайl па Тыlащ щирн поныlысlы, эномты тыlащн моlты верlаl верыlысlы, етшаты тыlащн па па верlаl верыlысlы. Хоты ур ёх Хатl пеlа, Тыlащ пеlа вертlаl понтlаllаl, щи эlты Татьяна Лар потар тус. Араh хоятат арlаl тусlаl, якаh хоятат якан карэмилысат. Ур ясаhан Нядма Няруй па «Вы’сей» нэмпи группа арыстан. Ханты ясаhан арат па тусайт. Ханты арат арыты группа «Опаль тутые» па хоятата ощхуль вантаlтас: Надежда Егоровна Лонгортова «Найlам» арыйс, нэhат
па ёхат яксат. Антонина Ануфриева щи группа арыты-якты актыlыllы. Вячеслав Озелов ху хоят якат якас, Валентин Вальгамов па нарасъюхан нарасlыйс. Няврэмат «Возрождение» клуба па иса ёхтыlыlат. Щи эlты номас ям – Овс мув мир ясаhlав, йис уlопсаев хоlна хув катаlты питlэв, няврэмlав муh рут ясаhlавн потартlат, lый шоши мир сохlаl lумтыlыllаl, йис арат арыlат, йис якат якlат. Ин там пуш па ар няврэм ус, аhкиlаl-ащиlаl пиlн ёхтыlысат, Округ санаторно-лесной школа эlты па няврэмат Зинаида Васильевна Кульмаметьева пиlн ёхтыlысат. Мояh хоятата йис потар хуват сценка алиlысат. Ям ар хоят «Возрождение» клуба ёхтыlыйс. Хоятат lый кутэlн потрэмисат, шай инщсат, нях-каш вантсат. Ун хоятат па Хатl эlты,
Тыlащ эlты потар тусат. Мояh хоятат ёнта па хущиlысайт, Лилия Морганова па Наталья Ребась хоятат пиlн ёнтсатан. Йис саран арат арыты группа «Обдорянка» ёх па нэhат па арlаl тусlаl. Ольга Кожина lыеl арыты актыlыllы. Тус ёш ёх пормасат па вантопсая актыlысlув. Елена Васильевна Яунгад, Надежда Викторовна Яунгад, Нина Николаевна Вэнго, Антонина Константиновна Ануфриева, Александр Сергеевич Кулиш ёнтом тучаhат хоятата алиlысув. Ар нях-каш ус, ар ям потар щащас, хоятат ям номас пиlн хотlаlа мантсат, муhев пумащипа ясаh па ястыlысат. Надежда КОНЕВА потар ханшас, хорат па lув вертсаllы
Кева яhхам lуh (потар оlhеман №47 газетайн уl)
Щаlта сусан нык итэман па и монщ. Яйм ики па ат lаваlаl, ёlан антом. Щи порайн хоятат ёlан хун уllат. Акаен уты ёхтас, хопан Ёхан курта манмаl. Нык хащам ху, ант верытаl, вуlыlаl хоща йиl. Танюван, ин щита вош щи верса, хуl веlты тахая ухаlан яhхас. Щи Варчато lоран ханты хоятат хуl веlмеl. Щаlта и ики тувмаl, курh вой тупраh ху. Ун тушаh ху. Акайl ики щита уlмаl, уты тувам икеl. Ма lувеl ант уйтlэм, ант вантыlысэм. Иван Иванович ащеl ики. Lув ищи Иван Иванович, антимен ай яйl. Щаlта, курh вой тупраh ху омасаl. Тушlаl хуват. Lув хоты манэм аl уйтlаlы. «Эвие, ты юва, мосlтыlэм». Ма нумасlам: «Хоlна па мосlтантыйl, щимащ моlты ики?». Щаlта ястаl: «Вайlам хоlты эhхаlан». Ма нумасlам: «Е-е, вайlаl па, таhха, мортсайт, курh вой отат». Курh вой
вай хоlты лакемаса… па тупар, вуlы сох тупар. Тумеl, курh вой тупраl щит сопек юкана тайты отаl. Ванты, имиlаlан хоты верты. Ма щимащ вай lумтам вантымем антом, па щита щи вантсам. Курh вой вай эlты, lыпеl ханты тупар. Щаlта шай инщты питlув па, потра питlув па, тётя Маланья ястаl: «Там акаен ики, кат хоят акаеман». Lув уртэl ики, ма акаем. Lув антеl ищи ма антем мет ун опеl. Щаlта ухаllаl тэl хушмеl, хуlан тэl тэваlмеl. Потам хуl. Хоятат щи пораятан щита хуl веllат. Щаlта наh акаен таща яhхас, воша яhхты вуlы катlас. Нык щи манты питlаман, ухlаh вуlыйн катаllайман. Сус порайн сора патлаl. Патламшак ёхи ёхтас па ястаl: «Курта манlаман, мохиlаман lэты вуlыйн туllаман». Щаlта нык манты питсаман. Щи еlпийн, оlанан ма ошан ёхтыlыlайм. Асэвем ай няврэм щи тайl. Уншак похаl, ащем ляксам,
патан туты номас версам. Lувеl хуlам таl урайн. Оlаh тэlан асэвем пиlан тума верlаман. Антеlан моlщаhан верапlа. Lув ищи сора нэ. Етан татlасаl, и моlты хатаlн моlщаhан верапсаllы, похаl моlщаh етшас. Щаlта манты питсам, Ляксам яйм ики ёlан па ант ликмас. Оlаhан хоты потартам антом, ма па няврэм патан туlэм. Ат уl. Щаlта и нэ вуlы, и хопты, мащкаl питы, охаl питы, самарутка хопты, lэтыя нык туlэман. Кат ухаlан щи манlаман. Хуl шитсаман, кат хуlы хир lэlтсаман. Муh куртэван таlан ханты хуl ант веllа. Щаlта нык мантэман, няврэмем хуlантыlэм. Ёхан ова ёхатlув, шай инщса, па манты питса. Ин няврэм щиты яма оlаl, яlап моlщаhаh ху. Па хуlантыlэм, еlпелакан хушман уl. Ант нумасlам, охаl хатщиlа, щимащ номас ант па ёхтыlыйl. Матты ки ма анти. Щаlта щиты курта ёхатсув, похаh нэ нык ёхтас. Антимен ийикеl ляксам па,
Куща Ванька lув ат уl. Щиты похев энмаlты усэв, нови порхайн версэв. Юхат lов тайты питсув, lован воша яха яhхlув, воша тутлиlэв. Ащеl-антеl нык ёхтыlыlтан, няврэм яма тайlа. Ин похев няlмет класс унты муh хощаев щи ус. Щиты щи lуh Кева яhхса, похаh нэ ёхтас, яlап сах верас, Кева хуhхиlыса. Щи. Яна щи, хуван уlам верат ин монщ иты потартыlайт. Хоятlув хоты усат, хоты нумасысат, муй верыlысат – щит эlты муhева уйтты мосаl, еllы няврэмlува па потарты. Щит иса ханты мирэв уlапса. Там йисан хор верты па ханшты мутра ар уl. Кашаh хоят диктофона потар ханшты верытаl, видео эlты кино верты хошаl. Компьютер lыпийн щит иса шавиты рахаl. Хой номас тайl газетая потар понты, муhева китты верытlаты. Клавдия МАКАРОВА ханшам потар
3
№48 (726) Lапат хутмет (суббота), Ас потты тыlащ 29-мет хатl 2014-мет таl
Щущие Тащ хотан уlты няврэмат каман хорпи монщ, ясаh, яна уlам вер уятlат. И эви тамащ вер нумаlмас.
Утаlтыям таlэв щи сохнас. Там товийн антем, ащем тащ хота матсатан. Ёхи хащам пуш ма ай уlмеман вуlы хотан усам, хун манэм кат-хуlам таl ус. Там пуш ма нийlмет классан утаlтыты етшисам. Тащ хотан яhхты няврэмат, аlаh утаlтыты етшиlат. Няврэмат патан утаlтыты хот эlты lуhан верты рупатайн
маlаят, па няврэмат эlты ёхи ант ат хащты ураhан. Арсыр ощхуль касlам вер ус. Мет шопаh, муй ма нумlэм – щит Питы ёхан шоппи касlам вер. Питы ёхан Кев пуhаlн уl. Lув Щаня ёхана оваl. Ма потарlам, хоты мун тащ хот пиlн щи ёхан шоппи уншсув. Щи ёхан йиhкаl ай няврэм сэмйиhк хорпи.
№11 (44)
Муй щиран ма lуhан щутщисам Ёхан патэl ёшпат иты ныlа. Щи тахая муh ат кутапан ёхатсув. Тохи ёхатмеван, ёханэв йиhкаl эпатман ус. Муh lаваlсув, хун lув сухтаlа. Lаваlтэв эlты иl оllысув: хой мува тахты вощкас, хой ухlа щункармас. Ёх
хоятат онас юш lэщатман, ёхан кутапан ун кевшупат нох перытсат. Хун хатl нох этас, ёхан еша сухтыса. Уккеllув, сувlув усlув, Питы ёхан шоппи уншты питсув. Ёхан уншты порайн, хоят ант моштыйl, муй lув
Питы ёхан
пуhlаlан уl: хоят номасlаl, сэмlаl, паllаl и таха пеlа уllат – вуlыlаl, онасlаl па оваh ёхан йиhк пеlа. Ёхан уншты юпийн нопсэн кена йиl, ин аматман lаlтмиты рахаl. Тащн яhхты хоята иса lэщатыман уlты мо-
саl. Хоятат эlты ёхи хащаптаты ант мосаl. Там lуhем тащ хотан янхам щирэм, ма нумастэман, сора ант ёрэмаlэм. Галина ЛОНГОРТОВА, Овкурт вошан 9-мет классан утаlтыты эви ханшам потар па верам хорат
○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○
Сканворд
Няврэмиет, вуlы хот эlты потар еllы туты ураhан, вуlы хотаh ёх тайты пормасат эlты сканворд lэщатсам. Хорат вантаlын па сканворда хоран уlты пормас ханшаlын.
1
3
2
4
7 5
8
6
Валентина РОХТЫМОВА lэщатам лопас
4
Хольмаh кашасаh ясаh ханты монщ Ими Хиlы яйlаl пиlн уl. Хуlам хуйн унтыты манlат. Хув мува, таhха, манlат. Унта ёхатсат па, вантlэl, тут кевеl ёрэмамеl. Тут кевеl ёlан хащмаl: – Тут аlты пищев антом, ун яй, яhха, Меhк акев ики ванан уl, Меhк акев ики эlты тут кев воха. Ун яйl яhхаl, акеl ики хоща. Тохи ёхатаl, акеl ики пеlа ястаl: – Акем ики, тут кев ёрэмасув, муй щирн lэпас харн тут аllув, тут кев мия. – Хольмаh кашасаh ясаh ястаlан ки, – ястаl, – тут кевн маlэм, – Меhк акеl ики ястаl, – хольмаh кашасаh ясаh ант ястаlан ки, тут кев ант маlам. – Па щит хоты, хольща вуям хольмаh кашасаh ясhем, ант уятlам. Ёхlы, хуйhаlаl хоща ёхтас, ястаl: – Акем ики хольман кашасаh ясаh вохаl, ма хоты щимащ ясаh ант щи уятlам. – Кутап яй, наh яhха, туhа щира воха, муя ант маllы тут кевl, ат маllы, тутlы муй щирн уllув? Кимет хуйl манаl. Па акеl ики эlты тут кев вохиlыяl: – Акем ики, – ястаl, – тут кевев ёlан ёрэмасэв, тут кев мия. Акеl ики ястаl: – Хольмаh кашасаh ясаh потартlан ки, хиlые, тут кев маlам. Ант ки ястаlан, ант маlэм. Ин яйl ёхи ёхатаl, ястаl: – Акем ики хольмаh кашасаh ясаh вохаl, ма хольща щимащ ясаh вуlам? – Я, ма яhхlам, – Ими Хиlы ястаl, – муй щирн ант маl? Хоят муй щирн ант маl, тутlы муй щирн оllув? Катра пора отат, ванта, тут кевн тут аllыlат. Манаl. Акеl ики пеlа ястаl: – Тут кевев ёlан хащас, тутlы муй щирн оllув, тут мосаl, тут кев мия. – Хиlые, – акеl ики ястаl, – наh хольмаh кашасаh ясаh ястаlан ки, ма тут кевн маlэм. – Па щаlта ястаlам ки – ястаlам, – Ими Хиlы ястаl. – Пеlhаят энмаlтты питсам. Пеlhаят энмаlтсаllам, энмаlтсаllам, щаlта порты питсаям, хоlта туты? Хира понтсаllам. Пирмат энмаlтсам. Щи пирмат щикем порщатты питсат, ара йисат. Па хира понтсаllам. Щаlта па ай пеlhаят энмаlтсам. Ай пеlhайlам ара йисат. Сэма lоhlат, муй уhlа lоhlат. Хира понтсаllам. Сэрэт энмаlтсам. Сэрыlамн лап-лап пощlайм, лап пощты питсаям. Па хира понтсаllам. Щаlта тохlаh lуhхат, куран lуhхат хунхиlыты хомтэп эlты Турам ащема нох тусlам:
Газета
«LУХ АВТ» Адрес редакции: 629008, ЯНАО, г.Салехард, ул. Подшибякина, 17 (34922) 4-68-03, 4-68-63 Е- mail: luhavt@yandex. ru
– Ащи, lуhтаlан там войlам, энмаlтсаllам, ин па ёхи щи lэlаям, порlаям. Ащем щиты щи ястаl: – Муй сахат, – ястаl, – тыныllан? – Lов пирмат lов сахат тыныllам. Вуlы пирмат па энмаlтсам, щитlам па хира понман тайlаllам, lутаlан, вуlы сахат тыныllам. Ай пеlhаят ош сахат тыныllам. Сэрыlам па мис сахат тыныllам. Щаlта ащеман войlам яха каратсайт, и кеlа. Кеl тохнамтас, щарс кутпа иl ракатсам. Еhка потсаям. Хув ван оlсам, оlсам. Нох сайкапмем кемн, моlты тув васы ох патэмн тыхаl вермаl, пошах понмаl. Пошахlаl охсаран вуты аllайт. – Щиты Ими Хиlы олмащияl. – Вуты аllайт, хащам пошхаl, охсар щи ёхатаl, вуты щи туты питlа. Щаlта охсар lыя щаксам па, кармас кута тусаям. Вуты тусаям. Щаlта аhкем шуhтые ушиlыям утлап юх уятсам па, юхаl версам. Щаlта унта матсам, шик кармас кутан шовар веlсам. Вояh шовар. Ма ин, яна, вой ар шитсам мунты. Мит ху мосаl. Вояh шоврэм эlты вой, пут тэl вой, версам. Сохаl эlты вет ху тэl моlщаh версам. Кепаllаl эlты вет ху тэl вай версам. Митху каншты манlам. Мантэм сахат хишем хота ёхатсам. Няврэм отпи тэlн нох ярам. Хоllаl. Ёхи lоhксам, еша нёхаlсэм: «Нан аhкем шунтые нэш уlтэн, ма па еllы манlам. Митху канштыя». Па кимет хишем хота па ёхатсам. Па ай няврэм, отпаh няврэм нох ярам. Щи хоllаl, щи хоllаl. Еша нёхаlсэм, ащем шуhтые уlмаl: «Я, нан хаща, ма войlам митаlаты мит ху каншты манlам». – Я, акем ики, хольмаh кашасаh ясаh щи ястасам. Щи вояh шоврэм, – ястаl, – войlам эlты сэма питмем порайн тухаl щи войlаl, нёхиlаl, – ястаl, – аhкем курнат порыя верыlысайт. Щах олмащияl. Акеl ики ястаl: – Хиlые, – ястаl, – щи вояh шовар хота яhхиlыяl? – Хота яhхаl, – ястаl, – кармас кутн уl! – Пар вояh, али манэм, ма, lуlн, ищиты сохlаl эlты моlщан, муй, вай верlам. Акеl ики lув юпеlан хухаlаl, йиl. Кармас кута тахрапаl. Аhlаl ющан пелки пеllа. Хаlаl. Акеl ики тащеl, вуlэl вуlат па, ин щунеlн, вушеlн, ин уllат. Щи. Зинаида ЛОНГОРТОВА «Ими Хиlы» нэмпи ханшам нэпекаl эlты понам монщ
Учредитель (соучредитель) Департамент внутренней политики Ямало-Ненецкого автономного округа (ЯНАО, г.Салехард, пр-кт Молодёжи, д. 9) Газета зарегистрирована Управлением федеральной службы по надзору в сфере связи, информационных технологий и массовых коммуникаций по Тюменской области, ХМАО-Югре и ЯНАО 19 апреля 2012 года Регистрационный ПИ № ТУ72-00558
Тираж 700 Заказ 0772 Подписные индексы: на год - 29925, на полугодие - 84611
Газета вышла в свет 29 ноября 2014г. Подписано в печать 27 ноября 2014г. по графику: 16.00 фактически: 12.00 Газета выходит по субботам Цена годовой подписки 96 руб., в розницу не распространяется
○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○
№48 (726) Lапат хутмет (суббота), Ас потты тыlащ 29-мет хатl 2014-мет таl
•Хорат потарlат
«Полярная рапсодия» Кашаh таl Пулhават вошан арсыр хорам еhк хор верыlыlа, конкурс «Полярная рапсодия». Щи ураhан мув ар таха эlты хоятат ёхтыlыlат. Тампуш ищи щимащ еhк хорат версайт. Латвия эlты ёхтам хоятhан Майя Пунцуле па Иле Карлис «Властелин севера» нэмпи еhк хор версатан, lын оlаh места устан. Юрий Мистрюков па Константин Панин Рязань вош эlты кимет места мощатсатан. Хабаровск вош эlты ёхтам Иван Локтюхин па Вадим Полин Мурманск вош эlты «За полярной звездой» рупатайн хуlмет местайн маса. Ямал мув тус хоятhан Родион Бекшенев па Наталья Талигина «Праздник вороны» екh хор версатан. Щи ураhан lын губернатор мойlапсайн юкатсайтан. Валентина РОХТЫМОВА верам хорат
Издатель Департамент внутренней политики ЯНАО (629008, Тюменская область, ЯНАО, г.Салехард, пр-кт Молодёжи, д. 9) Отпечатано в типографии ГУ «Северное издательство» (629008, г.Салехард ул. Ямальская, 14)
Главный редактор Г.П. Кельчин