ЙИСАТ УLА, АРТНАТ УLА, ХАНТЫ МИРЭВ НУПТАH ЯСАH! Яlаптаl тыlащ хутмет хатl 2001-мет таl вуш эваlт этты питас
Российская Федерация Ямало-Ненецкий автономный округ Газета №9 (739) Lапат хутмет (суббота), Курк тыlащ (февраль) 28-мет хатl 2015-мет таl
Валентина Рохтымова верам хор
щита утаlтыты няврэмат кутан касапса ус. Щи ка-
профиль няврэмат (ОЕНП) па няврэм утаlтыты хоятат (учитель). Ар хоят вантты ёхтыlыяс. «Ямальский многопрофильный колледж» директор Игорь Михайлович Трисорука ёх няврэмат па ёх ураhан хошам ясhат ястас. Няврэм утаlтыты нэhат хон мувев шавиты ёх емаh хатl эlты арат арэмисат.
Валентина Рохтымова верам хор
сапса хон мувев шавиты ёх емаh хатl ураhан верса. Хуlам команда ус: социальногуманитарный про-
Пулhаватн «Ямальский многопрофильный колледж» спорткомплексан курк тыlащ хусмет хатаlан
Валентина Рохтымова верам хор
Емаh хатl касапса
фильн утаlтыты няврэмат (ОСГП), леккара утаlтыты
Арсыр касапсаят усат: хухатлисат, юращсат, ласты lуматман мяч шухсат, полоса препятствий версат, пошканат лосатсат, яха акатсат, гиря аlапсат. Оlаh места социально-гуманитарный профильн утаlтыты няврэмат вусат, кимет места няврэм утаlтыты хоятат, хуlмет места леккара утаlтыты похат мощатсат.
тар щиран, Ныдинский тундра хоща lуhан няврэмат ёнтты ураhан хар верман уllа. Ныда вошан няврэмат ёхтыlыты порайн сезонный ёнты хар
Интернет эlты понам хор
Тампуш Надымский районан кат школа–интернат па Кутопьёхан вош хоща рупата по развитию форм кочевого образования еllы верты питlа. Катхощъяhмет па хутхощъяhмет тащт касlыты тахаятн, «Средний Хадыта» па «Норинкий ёхант» хоща няврэмат ураhан мобильный ёнтты харт верlайт. Щи вер эlты районный департамент образования куща Людмила Марченко журналистат пиlан уйтантымаl порайн ястас. Департамент рупитты хоятат по-
уl. Щи ёнтты харан lапатхощъяh няврэм хуlам таl эlты вет таl унты ёнтты верытlат. Няврэмат шавиты ураhан вет хоят утаlтыlа.
Няврэм утаlтыты хоятат кассат Шурышкарский районан мет яма рупитты няврэм утаlтыты хоятат пирысайт. Кашh таl щи конкурс верылыlа. Мужи ашкуlая катхощъяh няврэм утаlтыты хоят ёхтыlыйс. Хуlам номинация ус: «Учитель года», «Воспитатель года», «Педагог дополнительного образования». «Учитель года» номинация хуват Овкурт вошан история утаlтыты ху Анатолий Костишин па Горка вош ашкуlайн рупитты нэ Юлия Шахова нох питсатан. «Воспитатель года» номи-
Валентина РОХТЫМОВА lэщатам лопас
Интернет эlты понам хор
Касаlты няврэмат ураhан ёнтты харт верlайт
○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○
○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○
нация хуват Горка вош садикан рупитты нэ Эльвира Антонова нох питас. Район куща Андрей Головин lый урhеlан хошам яснат потартас па мойlапсайн юкатсаllы. Няврэм утаlтыты хоятат урок этаlтысат, мастер-класс
версат, «Стратегия развития воспитания до 2025 года» открытый дискуссияя яhхсат. Конкурс хатlат хуват районный сайт хоща интерактивный голосование ус. Голосование щиран Юлия Шахова нох питас.
2
№9 (739) Lапат хутмет (суббота), Курк тыlащ 28-мет хатl 2015-мет таl
Араl хува сясьты ики Кутаl хув кут хасяс, мараl – хув мар хасяс. Туняl, Ханты-Мушина «Якты хот» верыlыса. Си «Якты хот» верам тахайн мет оха ус Григорий Иванович Толба. Lув ай тэlна си вер пеlа самаl оlмаl. Си еlпийн, сикуш вохиlыса «Пупи хот» вертыя, lув па век ант кашасяl. Ин хоты таllаl ара иты питсат, нумасыйl, таhха, потартыйl мохиlаlа: «Ма тайты арlам, ин ки ант арыllам, ма пиlэман си хасьlат. Муй уйтlам арыllам». «Якты хот» верты ураhан, lув нэман си кеша Lупхары эlты ёхтыlыйс кат похаl па lэхуйl пиlан. Вер хоты мосас, турам партам сиран иса туhа верса: хота якты мосас – якса, хота арыты мосас – арыса, хота йир хорты мосас – йир хорса. Тата Курк тыlась оlаh хатlат этмет порайн, мин – Степан Петрович Куртямов пиlан, lув сельский хозяйства управлений куся lаhкар ворман рупитты ху, моой сиран Григорий Иванович хося яhхсаман. Курк тыlась хутхосьяhмет хатаlан lув lапатъяh па хут таl lовата ис. Сэма питам хатlаl нумман яhхсаман. Си тумпина ван потар вана потарсэв, хув потар хува потарсэв: Толба: Ма няlхосьяh таl lоватан арт утаlтаты питсам. Асем шеhк яма арыйс.
С.П. Куртямов па Г.И. Толба
Lув сяха па якты хотан па арыйl. Ма сишан хурытэм антом. Корр.: Наh сишна, туп якты хот верlа, мохты тохи вохlайн? Толба: Кашh якты хота асеман иса патан тутlыlайм. Юухат якты хот ар верlа. И таl хуlам кеман якlув. И таl хоlна lапат тахайн ёнтса. Корр. Тухlэн ухаl верты яма хошаl, тухlэн воой веlпасlаты яма хошаl. Наh па арна, таhха, хошты питсан? Хотсат си хуват арат арыllан, иса нумты мосаl? Мутра тайlан? Толба: Антом, мутра ант тайl. Мет оlаhан мосаl ар соваl яма хошман тайтыя. Кашаh ар lув lув сираlан
Якты хота ёхтыlыям хоятат
Асем си порайн ястаl: «Наh хоят эlты аl хурыя». Си порайн хоятат вевтамат, катра ун икет. Ун ики шикет. Еша ёвра ки ястаlан, парта ки арыlан, мохты ляватан иляпlайн. И пуш, сиhанся ким си хонтасам. Си юпийн асеман лявттасайт па ястаl аl паlа. Па ишан, па якты хотан па питlан арытыя. Муh сяхашак раканlув антома иlув, си арlув па хойн питlайт арытыя. Ат утаlтыlат няврэмат, ат арыlат. Вер хун? Накlат хун?
арыlа. Юухат па ясаhlаl исимет lув сирэlан ёхатlат. Ситы си арыlа. Толба: Тата яh ар уl, тута яh ар уl. Аматы арат ма арысам ма ант уйтlаllам. Нэпекем эlты муй араl манэм кеншак сит арыlыlам па си. Маты ар арысам ар кутан муй ошэl уl… Си юпийн сит, хой уятаl. Тата яh ар уl. Мататаl арытыя ма ант уйтlэм. Оlаh ат вет ар арысан, кимет хатаl вет ар. Кимет хатаl няl ант рахаl. Исипа вет ар, хоlна
аршак мосаl арытыя. Хуlмет ат хоlна аршак арыты мосаl, lапат кем ар. Оlаh аат вет арат, си юпийн хут-lапат, па си юпийн хоlна яртъяhкем ар. Антом шимаl ар. Па аат па аршак мосаl арытыя, па аат па аршак мосаl арытыя. Корр.: Ин хоты разбирайтlаllаман? Ант нумlаllан маты арат арысан? Толба: Ма ант нумlаllам. Ар кут эlты аматы арат арысам па муй ошаl уl. Си ураhан си моlхатаl нумасыlам, есlи ёхатlан ки. Наh хосяен ханшман уllат. Наh, ванты ант ханшмен. Манэм сит си мосаl. Первый куплетlаl арэмисlам ки сит понятный ус. Ма ин тата си. Ма си порана ар таха эlты арысам. Допустим там яh ар эlты и ар арысам. Аматы ар арысам муй ошl уl. Охаlты ар сит обязатеlьно мосаl оlhа арытыя. Си юпийн сит, тата си яh ар. Любой арыты верытlан. Заголовкайlаl ястасан ки сит ям ус. Ма, lуlн, моштантысам. Корр.: Там арlан, хун нэпека иса ханшlайт, наh эlтэн ун, ун потар мосаl ханштыя. Сишан ма ин наh уlапсаен эlты, хоты наh ара питсан, хоты якхотата яhхсан, хоты усан, хоты энапсан. Ситlан нэпека ханшlаllам. Сит хуват си наh уйтты питlайн. Наh ин, lуlн арыты ки ант хошсан хойн ванна тайсайн. Мин ин ситы ястатсаман, ма ин ёхи ёхатlам, кашаh араl иса нэпека ханшlэм, атэl ханшlаllам. Си рупатаен симась си, оlаhан и ар ханшlан, сяlта, сиhанся ёхи туlэн, нэпека ханштыя мосаl, нэпека ханштэн порайн, моса номпсаl ант моштаlэн. Сяlта киметты па ёхатlан, арыйм хоятэн хося. Акем ики ситы, ситы, тата ма ант моштасэм, яха омасlаман па вантlэман, си юпина туhа сира lэсятты мосаl. Там ясhэн аки ант
моштасэм. Манэм наh торlы яста. Сяlта па хуlметты мосаl ёхатlам. Татаси наh арэн ма туhа сира lэсятсэм наh ванты. Ма наhэн lуhатlэм, моса наh lуhатlэн. Сяlта наh ястаlан, тата наh, пох лэhки, атмась ханшмен, тамиты сахат туhа ханши. Хуlам пуш-няl пуш тами сира уйтантыlман па веlси си арэн тыйl. Муh рупатаев симась. Lэпаlтыты ант верытlув. Муh ант ястаlув, Григорий Иванович ситы ястас. Си эlты lув нэмаlты порайн ситы арымаl антом. Муh атмась вертэв ураhан си накlата питты верытlув. Сишна муh lэпаlтыты ант верытlув. Наh хоты арысэн, хоты ястасэн, наh номасlан аса сита хасьlат. Корр.: Энапсан, арат арыты хошты питсан, вохиlыты питсайн якты хотата? Толба: Ма асем пиlан яhхсам, вотся хун вохlайм. Асем антома ювам юпийн ма сам яхlам тохи. Уйтlэl ма
Г.И. Толба якман арыйl
арыты хошlам. Си порана арыты хоят ар. Ясаh верlат ситы, ситы. Корр.: Арыты хоятlан моса нумаlмиllан, хой па наh тумпенан арыйс? Толба: Егор Кириллович, па Устин Кириллович Тырlинhан. Няlкем таl си хасяс антома исhан, тата Lопхарына. Си ёхи хасиlыйм икеhан. Ин па ма вотся хасьсам. Нын сеемьяйн хося каман хоят ус, асен-аhкен энмаlтыйс? Толба: Ма сеемьяеман? Ма аратаlан и пох. Яй тайсам, яйм хус и таl lовата ювиlыйс. Ма кат lоватан аhкем эlты хасиlысам. Ма иlпэман апси тайсам. Сит хут муй lапат тыlся ювиlыйс, сит па си парс. (Тами кеман потрэм воlытыlэм. Еllы па газетан lуhтаlан). Геннадий КЕЛЬЧИННА инсясса Лариса ЖАРИНОВА верам хорат
3
№9 (739) Lапат хутмет (суббота), Курк тыlащ 28-мет хатl 2015-мет таl
Щущие Муh округевн кашаh таl межрегиональной олимпиада уllыяl. Тампуш няврэмат потар шупат ханшсат. Аhки па ащи ясhеlа ашколайн яма утаlтыlайт, щи ураhан lув ханты ясhеl па ханты уlапсаеl мосман па шавиман тайlэl. Там няврэмат рут ясhеl самаhа тайlэl lувиlаl утаlтыты нэhат хуват: Надежда Степановна Аляба Восяхов курт эlты, Надежда Дмитриевна Вальгамова Овкурт эlты, Людмила Прокопьевна Еприна Горки эlты, Юлия Герасимовна Миляхова Мужи эlты па энамты утаlтыты нэ Жанна Юрьевна Максарова. Lув ханты ясhеl шек яма па торlы уятlэl. Там кар-
№14 (47)
кам па тус, нопсаh нэhиет иса Лорвош мув эlты. Ханты ясhев эlты Роман Прокопьевич Ругин тамиты ханшас: Хун хуllам ма ханты ясаh, Ищимет хутlамтаl най, Ма мурэм потарты ясаh, Хойна па аяllа ай? Lонщ кеша сот нэм lув таяl, Сот нэмна аяllа вот, Сот щирна нюхамlа иhкен. Муй вера ат посмас воl. Ма ясhем юраh па тащаh, Сорайн хун хаlаl lув. Хой ястас ясhем кашаh, Ищимет хохаlтам сув.
Сот таl-lуh мувемна уlман, Ат парас, ат шашмас иl. Холна лув нёщан па тусан, Потарты таял лув лыл. Мувемна калтам ма хайсам, Туватна, лоратна, Асн. Ясаh, рых иты, вощсам, Сунэмна акатсам ар. Хойна вантса, моса там няврэмиет хутсы ищи Роман Прокопьевич иты арсыр мувн уятты питlайт. Сэма питам хатlаlан Роман Прокопьевич ям ясаhан китlэв. Тумтак ёш па тумтак кур, кашиlы-мушlы, ояhа па щуняhа ат уl!
Ханты ясhев еllы туlэв
Ма унащем
Ма мувем Ямал Ма мувем-Ямал Шеhк самаhа тайlэм, Щит ма хорамаh мувем: Опаlтут, туват, Овс мув, Ёханат па кеват хуван ныlаят. Хусат турамн волиlат, Па юш манэма этаlтаlат. Овас хусан тутые Тыlащ атнат петlа. Тата ма уllам, Щишн щит ма мосты мувием. Ат lув шеhк-шеhк ай, Щит ма мувем–Ямал! Ольга Озелова, Восяхово
Ваня Пырысев ханшам хор
Шоврые па lаhкие –Вуща уlа, шоврые! –Вуща уlа, lаhкие! –Наh па, иса рупитlан? –Иса щи ма рупитlам, Толах юха тахарlам. Нохр ищи акатlам. –Наh па, шоврые, муй верlан? – Ма па иса унт хуват, Сора, сора хухаllам!
Ваня Пырысев ханшам хор
Мувем Унтэв тэlаh, Асэв хуlаh, Мувев шеhк тащаh Катра порайн ус. Кашаh хантэт Вой веlман усат. Оlаh хантэт Хуl веlман усат. Йиhкеl, торнаl Шавиман тайсэl, Вояl, хуlэl Моркемн веlсат.
Ма шеhк самаhа тайlэм унащем. Унащем нэмаl Владимир Григорьевич Озелов, lувеlа хутьяh lапат таl. Унащем рупатайl пеlа самаhа ус, щишн пенсия манмаl юпийн lув шоши уlыlаl пиlн хоlна рупитас. Уlыlаl шавиман ивеван lохан яhхас. Хиlыlаl пеlа самаhа уl. Ма апщиlам пиlн унащеван верам уlэh ухаlн хатмиlыlув. Тащ шавиты lувеl шеhк нётас, шеhк каркам, ошаh па ям амп, нэмаl Липа. Унащем луh порайн куртан уl, lув картошка омасl, хуl веlаl, рых вонщаl, юх лэщатl. Lуhан унащем яlап ухаl вераl, ухаl верты юхlаl товийн lэщатlаllы. Товийн унащем уlыlаl пиlн па Кева манl. Тащ хотн рупитмаl ураhан грамотайн мойlыса. Алена Аляба, Восяхово
Роман Тырлин, Горки
Семён Конкин
Ма семьяем Кашаh няврэм тайl самаhа тайты ван хоятат – щит lув семьяйl. Хоlта ки хува ант манаl, lув ищипа энмам муваlа таllа, энмам хотаlа lаhхаlа. Ма уllам Горки вошн Lорвош районан. Утаlтыlам яhмет классан. Манэм хутхощьяh таl. Ма тайlам аhки па ащи, ун яй па кат нэ апщи. Аhкем, Мария Прокопьевна, «Горковской» совхозн хуl веlман рупитаl, ащем Евгений Маратович «Ямалкомэнерго» – нови тут маты хотн. Денис яем машинайн рупитаl. Апщем Лера ветмет классан утаlтыяl. Ай апщем Дана няврэм шавиты хота яhхаl. Ма айтэlн нумlэм, хоты аhкем па ащем ияха хуl веlман устан таlн, lуhан, сусн. Аlаhсахат эlты па патлам унты lын иса рупитсаhан. Lуhан путаркайн Асн хоlап ёваlмаlтан, таlн па таl хуl веllатан.
Алексей Нялимов ханшам хор
Мария Вылко ханшам хор
Аhкем па ащем хус таl моlтас хуl веlман устан. Яма рупитман ураhан lын кашаh
таl емаhхатlна грамотайн па премиятн мойlасайтан. Унашак ювмем юпийн мин яем пиlн ищи ащемн каlтама хуl веlты тутлисайман. Щиты ин хуl веlты вер яма уятлэм. Хошlам унтан lыс па капкан понты, вой веlты товийн па сусн, мотор хопн яhхты. Ма ашколайн яма утаlтыlам. Уятlэм, мосаl ар рупитты аhкем па ащем иты, моlты ки шитты lытlан. Ма семьяем шеhк самаhа тайlэм. Lув мосты порайн манэм иса нётl.
Аhкем, ащем, ма па яем Тами иса ма семьяем. Хоlна апщи тайlам ма, Мосман lувеl тайlэм ма. Ащем lорн хоlап понас, Аhкем ёlн хуlвой паlс. Ай апщием камн ёнтаl, Яем камн хоlап lарпаl. Вой веlты ма унта яhхсам, Lысlам яма lэщатсаllам. Вет вой lыса хоймаl щита Етн ёхи ёхатсам ищипа, Аhкем–ащем ястас: «Пумащипа!» Радион Тырлин, Горки
Любовь ВОЗЕЛОВА lэщатам потрат па миям хорат
4
№9 (739) Lапат хутмет (суббота), Курк тыlащ 28-мет хатl 2015-мет таl
Литература лопас Кантэлэтар (№ 8 газетайн там еlпи арат усат)
Похат арат Эви ма щи хущиlыlэм Ху паlатн, lуlн, lойсом, Тащаh аhки-ащи тайман, Ма мувемн торн ант энмаl, Мувиемн нянь ант энмаl. Пох паlатн, lуlн, lойсом, Эвет ма пеlэма вантсат – Ямат верат, lуlн, вертсом, Эвет ма пиlэмн усат. Пухар мохет, пухар ёхат – Тащаh аhки-ащи похат, Тащаh хотн уlлиlыlат Щи эlты па ишканщиlат, Тащаh рутlаl lый ишакlат, Сорни lуйтlаl lуя понтlат, Сельох lуйтlаl lумтыlыllаl, Эвет нэhа вохиlыllаl. Аhкем-ащем тащ ант тайlат, Рутlам ищи тащlы уllат, Карща ма па энмиlысом, Хорасаhа ювиlысом. Потрат потарты ма хошlом, Ясhат ястаты па хошlом, Эвиlам щиты хущиlыllам, Потра-каша вохиlыllам: «Эви, ма хощема юва, Хорасаhа вантысылом, Аhкем туса ёнтом сохн Ёращманшик шушилылом. Номпсэн туhа, эви, поны, Яма уlты мин питlоман: Унтан рых мин акатlоман, Нохар юх эlт паятlоман. Пува йинщты наh пиlэнан – Сойм пеlа хухатлиlман, Вуна йинщты lаhхаlайн ки – Ёхан питара шушиlыlман».
Арlам арыты ки питlом Арlам арыты ки питlом, Арlам ма ки тувемиllам, Ёхан йиhкев мавн понтlа, Сэйхиш сорнийн эlты поllа. Унтан lойты каращ юхат Хорам хота карэмиlат. Эвем эlты арем понтlэм, Хорам хота lувеl туlэм. Митнэ, митху пиlн уlтман, Lаварт верн ант уйтыlыlа, Похат пеlа lув ант вантаl, Муйн куш lув хущиlыlа. Lувеl нэhа ма щи вуlэм, Хота куща нэhа туlэм, Атат-хатlат, и номс понтман, Мин уllоман, ойя питман. Щимащ ояh хатlат хуват Ма па хорасаhа йиlом, Lувеl шавиман па вантман, Ояhа ма уlты питlом. Похlам энмаllаllам ляля, Аlты кешет lыеl вертlом, Омеh нэhем вантыlыман, Щиты щи ма ойн уllом. Пува йинщман, хонэм энмаl, Lаhкрэм вутыhашик питаl, Тушлам хувашик эномтлат,
Газета
«LУХ АВТ» Адрес редакции: 629008, ЯНАО, г.Салехард, ул. Подшибякина, 17 (34922) 4-68-03, 4-68-63 Е- mail: luhavt@yandex. ru
Талат щиты щи па мантлат. Па мув эlты тыш ант тайlом, Па вош эlты номас ант тайlом, Тата куща нэ мощатсом, Тата ойем ма уятсэм. Суоми вошаh эвет эlты, Карьяла вошаh эвет эlты Номас верты ма ант питlом, Тэращтыя па ант питlом.
Там етнаем щикем ояh Ма щи уllом, ойя аматман, Унтан юхат пеlа вантман, Куккук ими арал хуlтман, Щищкет пилн арат луйман. Амта питман, ма щи вантlом, Хоты lоват харн навартlат, Хоты эвет яка питlат, Хоты няврэмиет ёнтlат. Кашаh етн амтатлиlом, Кашаh юша амтатлиlом, Там етнаем ояh метшик, Там юшием пайlы метшик. Щаркаян ки ма тусаям, Арэм, lуlн, тувемисэм, Пува куршкайн масаям Верэм, туhа, верэмисэм. Пуваян ки ант понтlайм, Куршкаян ки ант туlайм, Арlам нох щи акатlаllам, Сохом иты, ёвартlаllам, Щаlта ухlа ханятlыllам, Еllы щиты тувиlыllам. Кум ки шитlом, арэмиlом, Ант ки шитlом, ант арыlом. Сам вошемн тайты эвем Ма ясаhlам ат хуllаllы, Умащ арlам lувеl туlом, Умащ вертlам lувеl альlом. Эви ясаhlам ант хуlаl, Эви арlам еllы китаl, Туп сумтат арlам хуlантыlат, Па хуlат тыеlт вантыlыlат.
Хорам эви, нэhа вуlэм! Хорам эви, нэhа вуlэм, Ой ма тайlом, пищ ма тайlом, Суоми вошев похат кутн Метшик тащаhа ма уllом. Шука ма ант питыlысом, Тащаh хотн энмиlысом. Хуlом карщ курпи lопас Ин там унты тайиlысом: Итэм – каллотан омассэм, Кимет – унтан ханятысэм, Па мет вутаhшик lопасэм Хот пуhlэмн омсыlысэм. Торнан тэlаh, варсан тэlаh Каллотан тайты lопасыем, Юх каратн тэвlыlысэм Сэр унтан lойты lопасыем. Ов харэмн lойты lопас Ищи тэlа понман уllа: Щищкурэкат сором сапlат, Сорт хуl lоват, мевты lоват, Иса щата понман уllат. Хорам эви, нэhа вуlэм! Воlаh ху ма, хорам ху ма, Ма пиlэмн ойа питlан, Нуша уятты ант питlан. Хуlом мис ими ма тайlом: Вурты мурах - оlаh мисэм, Каллот пеlа хотl lойl, Анта кашаh тохи хойl.
Учредитель (соучредитель) Департамент внутренней политики Ямало-Ненецкого автономного округа (ЯНАО, г.Салехард, пр-кт Молодёжи, д. 9) Газета зарегистрирована Управлением федеральной службы по надзору в сфере связи, информационных технологий и массовых коммуникаций по Тюменской области, ХМАО-Югре и ЯНАО 19 апреля 2012 года Регистрационный ПИ № ТУ72-00558
•Литература таlа юкантам лопас
Кимет мисэм хотl хува Унтан пеlа омсман тайlэм Щищки рыха lувеl аяllэм, Эпlаh мисйиhк … Хуlмет мисэм – мет мосты мисэм, Вурты рыха аяllэм ма. Кат мисэмн lапатlайм Мисйиhкан ма йинщаlтыlайм. Хуlмет мисэм амтатлиlайм Ай мисыетн тутлиlайм. Мисlам пиlн ой ма тайlом, Шук ан туlом, нуша ант уйтlом: Мисlам кашаh аlаhсахат Хара воштаты ант мосаl, Етна пелка ёхlы каншты lыеl ищи ант па мосаl.
Икет арат Икия па муй мет атом? Икия па муй мет атом, Муй эlтыя номпсаl шакаl? Хопаl вусаhа ки питаl, Муша lовиеl ки питаl. Lыкаh имеl ляват эlты Номпсаl метшик такан шакаl. Хопен lыйс ки – тата вощки, Lув ат манl ёхан йиhка, Номас вертlан – Ас питарн Тутн поны, тутн ат lэlа. Туром Ащи нётопса вер Щи порайн аl па lавlа. Lовлэhкен кашаhа йиl ки, Каши-муша lув ки питаl, Щимащ вера ин наh пита Щимащ номас вуя пиlа: Унтан рахаl lувеl хайты, Унтаh воятн ат lэlа. Ун нётопса манэм вера, Туром Ащи, манэм нёта, Lыкаh ими, атом ими Манэма наh аl па кита. Имен тута хун вощкиlэн, Унтан воя хун наh хайlэн, Имен сорма питты унты Lаварт шукен щит щи туlэн.
Тынаh яйе, арэн вуйи! Тынаh яйе, арэн вуйи, Щищки иты, арэн туви! Арэн сыйн, юрн поны Амтатлиман, еllы туви! Емаh нарасъюхен наh вуйи, Сотщир мутра верты хошl, Ёша юхен вуйиlыйи, Шаlта арэн тувемийи! Куртат хуват, вошат хуват Нарасъюхэв араl туllы, Сыяh юхев, ояh юхев Хоятата юрл маllы. Хой па нянь хар шукатыйl, Хой па эпlаh нянят вераl, Хой па аран ишакlаllы Ояh тащаh Карел муваl. Ар арыты кум ант шитlом Катра арlам арылысlам, Ин па иса кум ант шитlом, Сам вошемн арlам lойlат, Кимlы китты юр ант тайlом. Вотатн ясаhан ки китсайм, Хумпатн аран ки понтсайм,
Тираж 700 Заказ 0087 Подписные индексы: на год - 29925, на полугодие - 84611
Газета вышла в свет 28 февраля 2015г. Подписано в печать 26 февраля 2015г. по графику: 16.00 фактически: 12.00 Газета выходит по субботам Цена годовой подписки 96 руб., в розницу не распространяется
Юхатн аран ки мойlысайм, Щищкетн ясаhан ки масайм.
Арат туты кум ант шитlом, Моlты иса верты мосаl: Хар шукатты, нянь энмалты, Торн сэварты, пая понты. Хоты хуllы муh па уllув, Хоты торнlы муh па хащlув, Отшам няврэмлэhкет иты, Туп якты-арыты ки питlув?
Арат ма щи номпса понтсом Кузнец хоят катра тэlн Сотщир мутра уйтыlыйс, Куртан тата сэма питас, Вера ай тэlн утаlтыйс. Хойн ма па утаlтысайм, Мутра верн поныlысайм? Лаппи унтатн ант яhхсом, Виро ёхана ант питсом. Арlам ма щи поныlысlам: Ясhат яха каратсаllам, Юш вурамн акатсаllам, Нохар иты, паятсаllам, Щаlта хинта поныlысlам. Ай тэlн арат актыlысом, Мис шавиман, ошат вантман, Юхат кутн, варсат кутн, Потом кев поталэт кутн. Вот тутлийс сотщир ясаh, Хатl ёшат - щёрс ясаh, Хумпат паlа арат понтсат, Хусат ищи арат китсат. Щаlта арlам акатсаllам, Сохомн яха ёвартсаllам, Ерн хирата тэваlтсаllам, Lопас хота тахартсаllам, Карты сумтэк патыя па Арlам ищи понопсаllам.
Тыш вер эlты арlам тыйlат Вошан-куртан потрат этlат, Хоят кутн потрат яhхlат, Хоты па ма арlам туllам Вевlы питом, керыйм хоят, Нях-каш хонна тохи понтlом, Амтатлиман, арыlом? Вошан-куртан потрат этlат, Хоят кутн потрат яhхlат, Ястаlат, ма пува йинщтэм, Сур па умпийн амартатэм, Щит ураhан арlам тутэм, Щит ураhан арыlытэм. Няхман арэм па ант туlэм, Амат тайман, ант арыlом, Сураh кеван ант па каншlом, Пува куршка ант lаваllом. Тыш вер эlты арlам этlат, Атом номсат эlты тыйlат, Lыпем атма ювантыйl Щи порайн арlам щащlат. Тохlаh вой турма вуратаl, Куш lув мувн тыхаl вераl, Атом хоят, пищ lув тайl – Хоят пеlа уваlтыйl, Кучом хоят па пищ тайl – Кучома lув питыlыйl, Каркам хоят арн нётlа – Амат тайман, арl арыйl. (еllы па уl) Надежда КОНЕВА толмащас
Издатель Департамент внутренней политики ЯНАО (629008, Тюменская область, ЯНАО, г.Салехард, пр-кт Молодёжи, д. 9) Отпечатано в типографии ГУ «Северное издательство» (629008, г.Салехард ул. Ямальская, 14)
Главный редактор Г.П. Кельчин