ЙИСАТ УLА, АРТНАТ УLА, ХАНТЫ МИРЭВ НУПТАH ЯСАH! Яlаптаl тыlащ хутмет хатl 2001-мет таl вуш эваlт этты питас
Российская Федерация Ямало-Ненецкий автономный округ Газета №16 (850) Lапат хутмет (суббота), Ункер тыlащ (апрель) 22-мет хатl 2017-мет таl
Айкеl верты хоятат мойlаптасайт Ярхусмет хатаlан ГУ «Северное издательство» хоща рупитты хоятат типографияйн актыlысайт. Мойlапса ясаh ястатыя па мойlапсайт мойlатыя округ губернаторэв Дмитрий Николаевич Кобылкин па Законодательный Собрание куща lаhкар ху Сергей Николаевич Харючи ёхтыlысhан. Айкеl ханшты хоятат мойlаптамеl юпийн Дмитрий Николаевич хорасаh па ольпаh газет этты ураhан яlап машина кнопка нёртапсаllы. Там хатаl вуш эlты муh округев lоватан газетайт хоl ольпаhат па хорасаhат питlат.
С.Н. Харючи В.Г. Рохтымова мойlаптасlы
Щи юпийн Сергей Владимирович Климентьев, Департамент внутренней политики ЯНАО куща па Эдуард Рифкатович Ярмаметов, ГУ «Северное издательство» куща мойlапса ясаh вуйlысhан. Газетаятан па журналатан рупитты хоятат номас еllы такаптасlан. Кашh таl ЗС ЯНАО «Ямальский парламент» нэмпи конкурс верыlыйl. Хота айкеl каншты, верты хоятат кутlаlн касlат. Хой таl сыс ЗС ЯНАО па депутатат рупата эlты ханшас, потартас па нёхты хор верас. Тампуш 73 рупата китман уса, щит: ВГТРК ГТРК «Ямал», телерадиокомпания «Ямал-Регион», информационный агентствайт «Север-пресс», «УРА.РУ», «Приуралье», телевизионный студияйт па газетайт Муравленко, Тюмень па Тазовский район эlты. «Красный Север» па ханты ясаhан этlыты «LУХ АВТ» газетайhан ищи потарlан китсаllан. «Ямальский меридиан» журналан рупитты хоятат ищи постасайт. Рупатаятан аратаlан ханшман, альман па потарман уса, хоты таl сыс депутатат рупитсат, муй хорпи яlап законат постаман усат. Мет ар рупата «Лучшая телевизионная программа» па «Лучшая газетная публикация» номинаций щирн китман уса. Жюри хоща lоhман усат депутатат, Общественный палата ЯНАО хоща ру-
Э.Р. Ярмаметов яlап ольпаh газет эlты Д.Н. Кобылкина потартаl
питты хоятат, Союз журналистов России региональный отделений эlты, юристы России Ассоциаций, Молодёжный парламент ЯНАО. Конкурсан нох питам хоятат емаh хатlэlан мойlаптасайт. Хой мата тахая питас, щит эlты рахаl ЗС ЯНАО сайтан «Творческие конкурсы» разделан lуhаттыя.
○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○
Ханты мир уlапса альты нэ Там lапат ярхусмет хатаlан муh округев lоватан айкеl туты хоятат емаh хатl постаса. Муh хантыlув эlты потар верты хоятат хоща ОГТРК «ЯмалРегион» хота яhхсам. Щита Елена Владимировна Сибарева пиlан уйтантысам, lув Овс мув шимlаh мир хоятат рут ясhаh редакцияйн ответственный редактора телевидение хоща рупитаl. Там lуh нийlхус таlа йиl, хоты Елена Владимировна радио па телевидение хоща рупитаl. Хоты lув ястаl, lувеlа там рупата шеhк умащ. Ай уlмаlан хонна номас тайс, ханты ясаh пиlан рупиттыя. Нумасас, хота щимащ тахаян утаlтыты рахаl. Щи юпийн Ёмвошан вет таl утаlтыяс. Ханты ясаh утаlтыты нэhа, рущ ясаh па литература народов Севера. Утаlтыты етшамаl юпийн Пулhават вошан радио хоща рупитты питас. Ин нийl таlа йис, хоты lув телевидение хоща рупитты питас. Ханты ясаhан потрат lэщатты питас. Ханты уlапса, ханты верат, ханты щират там рупатаяlан аляl. Айкеl вераl, потар вераl. Ай куртат хуват яhхаl, хуl веlты панат хуват, тащ хотатан уlлияl. Верты рупатайl эlты каматса ясаh Елена Владимировна ястас: – Ма нумастэм щиран, анта наh потарты верэн уl, хоты хантыlув уllат. Lув уlапсаеl хантэт lув альты верэl уl. Lув этаlтыты верэl уl, хоты lув
опращlаl катра усат, хоты там йис энамты няврэмат lув ханты ясhеl, уlапсаеl мосман тайlэl. Шавиман тайlэl. Щи онтасан, па хоятата умащ ванттыя. Хоты там куртан хоятат уllат, хоты па тахаян уllат. Муравленко вош пеlа, щита хантэт паварт хотан, ханты хотан уllат. Вуlыlаl па пушасан тайlаllаl. Тата там муван муh Кева касlыlув. Ас пеlа касlыlув. Хаlэват пелак хантэт щита шошия уllат. Там уlапсайн уlты хантыlува щи уlапса ищи умащ ванттыя. Хоратан щит торlыя ныlа хоты уllат. Куш еша ясhеl па хорпи. Хуlатты юпийн моштаты рахаl. Ванты, Касам хантэт, Щаня ёханан уlты хантэт, Хаlэват пелакан уlты хантэт ясаhlаl еша ар щира щащlат. Уlапсаев муh йи хорпи. Умащ. Хорам, ям ванттыя. Вератты хоятат уllат. Ёнтасты нэhат уllат. Тащ хотаh хоятат емаh хатаlан туса вератты хоятат lув верам пормасlаl этаlтысlаl. Щи кеша нэман хоятат lэщатыlат. Арсыр верат щита рахаl моштатыя па этаlтытыя. – Муй, lуlан, наh ястасан «LУХ АВТ» газет lуhатты хоятата? – Ма хуllысэм, там lапат эlты, ханты мир газетаев ольпаh питаl. Щишан ханты мир хорамат па ямасшак вантасты питlат. Няврэмат па ун хоятат ат ханшlат, хоты lув рут ясhеl уйтlэl. Аршак айкеl верты хоты хоятат хуl веllат, нёхас юпийн хухатlыlат, тащн яhхlат. Щи порайн умащ
Елена Владимировна Сибарева, ответственный редактор РПНС ОГТРК «Ямал-Регион»
lуhаттыя питаl. Мув хуват яhхтыя, вещкат хоятат пиlан уйтантытыя. Ям айкеl нынан ханштыя. Аллина ЯКОВЛЕВА lэщатам лопас
2
№16 (850) Lапат хутмет (суббота), Ункер тыlащ 22-мет хатl 2017-мет таl
Ханты щират шавиты курт Мужи вошан катра хантэт верыlыям щиран верам паварт хотаh курт уl. Щи иса ханты емаh хатlат порыlыты Lорвош район па округев эlты хоятат ёхтыlыlат. Щит Природно-этнографический парк-музей «Живун». Мужиян тащ шавиты ёх емаh хатl верыlыты пораян, музей эlты иса вуlы хот lонщиlыlа. Хот lыпиян умащ вантапса верыlыlа. Тампуш вуlы шавиты ёх актащиям пораян, ищи lув хотэlан вантапса ус – Lорвош районан хорама хор ханшам па ханшты хоятhан – Евгений Самуилович Аляба шуhат па Леонид Петрович Лонгортов хорат щита вантты рахас.
Курт шавиты яланят
Музей верты нётам ху саllы. 2001-мет таlан, айкер тыlащан Союз художников РФ эlты «Народный мастер России» нэман маса. 2002-мет таl эlты член Союза художников России нэм таяс. Районный, окружной, всероссийский па международный художественный вантапсаята па фестивалята иса яhхиlыяс. 2003-мет таlан «Единая земля» международный выставкая Финляндия мува яhхас. Евгений Аляба 1970-мет таlан, айкер тыlащ яртьяhмет хатаlан Ващёханов вошан сэма питас. 1992-мет таlан Л.В. Лапцуй нэмпи Салехардское межокружное училище культуры па искусств утаlтыты хот етшас. Юх, lов эватты-нёхарты, вой сох эlты умащ верты художникмастер специальность таяс. Ноябрьск вошан Дом детского творчества «Современник» хотан юх эlты пормасат эватты-нёхарты няврэмат утаlтас, Lапатнаhк вошан художникмастер, мастер художественного промысла на малых предприятиях рупитас, Lорвош район историко-краеведческий комплексан художник-реставратор рупата верас. Е.С. Аляба 2007-мет таlан, яlаптаl тыlащан ярхусмет хатаlан антома йис.
Мужи вошан туса хорат ханшты, арат ханшты па арыты ху уl. Lув нэмаl Леонид Петрович Лонгортов. Леонид Петрович Щаня ёхан муван, айкер тыlащан 18-мет хатаlан, Овоlаh куртан сэма питас. 1981-мет таl эlты 1889-мет таl унты Овкурт ашкуlаян утаlтыяс. 1990-мет таlан Пулhаватан межокружное училище культуры и искусства хотан утаlтыты питас. 1994-мет таl эlты 1996мет таl унты Сахалин пухаран армияян ус. Армия юпиян Тарко-Сале воша уlты манас. Пулhаватан культура па искусство верата утаlтыты хотан 1998-мет таlан утаlтыты етшас. Щи юпиян Тарко-Сале вошан каш верты хотан художник-мастер специальность щиран рупитты питас. Район, округ ар арыты ху па художник-мастер арсыр фестивалятан, конкурсатан касас. Щита иса мойlапсаяh местаят уйlыяс. 2004-мет таlан Тобольский государственный педагогический институтан утаlтыты етшас. Ин 2009-мет таl эlты Мужиян школа искусств хотан декоративно-прикладной искусство утаlтыты хоята рупитаl. «Музыкальный театр» па якты хоятат ураhан lумат-
Л.П. Лонгортов арыты мохет пиlан ты сохат вераl, lэщатаl. Рупиттаl хуват школаян декоративно-прикладное искусство пормасат аратэl 0 эlты 90 йис. Леонид Петрович lоват эватты-нёхарты конкурсатан касыlыяl, пенщар верман мастер-классат этаlтыlыяс. Хоlна Леонид Петрович ханты щират-пищат еllы туl, ханты арат ханшаl па няврэмат арыты утаlтаl. Леонид Петрович Лонгортов ийимеl Инна Романовна пиlан кат няврэм энмаlсатан Константин па Анастасия.
Евгений Аляба шуhат ханшам хорhан
Евгений Самуилович Аляба шуhат парк-музей «Живун» верам пораян нётас. Катра пораян хуl веlты пунат, вой веlты сэсэт, курт lыпиян моlты верты пормасат, катра lопасат, паварт хотат хорlаl нэпека ханшсаllы, щи хорат хуват музей верса. Щи хоятэв уlмаl пораян, округеван яма уятса – lув шеhк туса оhтат, lоват эlты пормасат эвтаснёхрас. Евгений Самуилович хорама эвтам скульптурайlаl, антап кеlата верты лыпатlаl, эвтам кешиlаl, lаращийlаl, хоят па вой хорlаl шеhк умща вантасlат. Щи рупатайlаl хуват ныlа, хоят lув рутlаl щират-пищат яма уят-
Тус хорат ханшты па арыты хоят
Там хорhан хуват музеян хотат омассаят
Л.П. Лонгортов там пораян музеян lойты хотат хора ханшсаllы
Валентина РОХТЫМОВА ханшам потар па верам хорат
3
№16 (850) Lапат хутмет (суббота), Ункер тыlащ 22-мет хатl 2017-мет таl
Литература лопас Туняlат пиlан артаlаман, там хасьты таlат, муh ханты ясаhан ханшты газетаев аршак хоятан lуhатты питам, аршак хоят уятаl – симась газет уl. Си тумпина таlта еllы ольпаh нэпек питlув верты. Хораl – оляп,
тухаl тахайн буква-ханшиlаl па оляп. Моlхашак, шимаlшак хоятан газет lуhтам порайн, муh Александр Сергеевич Пушкин ханшам «Сорни хуlые» монсь поныlысув lуhатты ураhан. Иса, иса шитам. Йи айкеl ант ёхтас. Амуй
Сорни хуlыи Муваl-ки мувхотна, Йисаl парам катра хотна, Сяарсэн питар ям питарна Хольмаh хуlмен хуlам таlаl Ики имеl пиlан уlмаl. Хуйl ху рупата вермаl; Сяарс хуlаl lэты веlмаl. Нэhаl нэ рупата таймаl; Ёlан сохам араl пуlмаl. Йи пуш ики сяарса манс, Сойпаl сяарса lув ёваlмас. Веlпас тааlты уты ёхтас. Кимет пуш па – Сяарс тукшук уты тааlмаl. Хуlмет пуш па ёваlмасlы, Сойпаl сорни хуlна хойм. Пойкасьтыя хуlаl нёхlас, Ики пеlа ханты турна, Ясhат потартыя питас: – Манэм, ики, сяарса эсlы. Тынаh мит ма си юкана, Наhен сохаптаты питlам. Сяарс питар ям питаран, Турам сэмат, Хуl потартам ант хуllыйс. Сорни хуlаl сяарса эсlас, Сяlта тамась ясhат ястас: «Ешак Турам! Сорни хуlъя! Тынаh тынэн мостаl антом; Лумаh сяарсэн лум lыпия, Йиhкаl восты хотыена, Lыl тахтыен тохи туви, Хасям турмен сита уlы». Сиитаlан, Имеl хося ёхи шушмас, Писяh айкеl lувеl пайтас: «Сорни хуl манэм ликмияс, Хоят сиран потартыйс. Лумаh сяарсаl лум lыпия,
Йиhкаl восты хотыеlа, Lувеl эсаlты пойкасияс. Тынаh тынаl си юкана, Ястантыйс сохаптатыя. Тын lув эваlтэl ма ант усам, Лумаh сяарс лум lыпия, Уlмаl сира ёхlы эсаlсэм». Ийимеl питас ляваттыя: – Яна отшам наh си уlмен! Ох тын уты ант си хошмен! Хуlэн эваlт хуры воха! Мин хурэман воllы похас! Сяарс хося lув па манас; Вантаl,– Сяарс хомпат туп лямпиlат. Сорни хуlаl вохты питас. Хуlаl ёхтас, нох хувlамтас, Сяlта, ики инсяссаllы: – Муй наh, ики, йисан вохты? Ики пойкасьман еl нюхмас: «Ешак тынаh сорнеh хуlэм! Ийимемна ляватlайм, Роммат уlты ант маlайм. Яlап хуры lувеl мостаl, Мин хурэман воllы шакмаl». Сорни хуlаl ёхlы нюхмас: – Шукась номпсэн пуhlа поны, Турам пиlан мана ёхlы. Хуры хоты муй сит ермам, Яlап хуры нынан шитlам. Ийимеl хося ёхи ёхтас. Аlмет ванттаl, ропхат сиран, Яlап хуры имеl хося Турам эваlт аl раканмаl. Имеl метшак ляватты питас: «Отшам ики, хуры вохсан, Хуры лэhки муй тын тайl? Па наh хуlэн хося яhха, Пойкася па хот наh воха». Восты йиhкпи сяарсаl хося Ин икиев па си манас. Сяарсаl хомпаhашак ювмаl. Сорни хуlаl вохты питас. Хуlаl ёхтас, нох хувlамтас, Сяlта, ики инсяссаllы: – Муй наh, ики, кута хойсан? Ики пойкасьман еl нюхмас: «Ешак тынаh сорни хуlэм! Ийимемна, Хоlна такан ляватlайм, Роммат уlты ант маlайм. Ястаl: «Па наh хуlэн хося яhха, Пойкася па уlты хотэм воха». Сорни хуlаl ёхlы нюхмас: – Шукась номпсэн пуhlа поны, Турам пиlан мана ёхlы. Яlап хотан нох омпсантаl. Йисаl парам мувхотаlа, Ики лэhки ёхlы шушас; Мувхот lойм хотаl воlан Lэпаh тайты lэпhаh хотан Lув еlпеlан омтамтами. Кирпась эваlт куураl верам, Нови муван тураl нэрам. Ооваh пушас ооваl Так юх эваlт оован сэhкам. Хотаl пуhаl уlас эlты Икеl ляватман, имеl омпсаl: «Отшам, отшам ики лэhки, Lэпаh тайты юх хот вохсан, Юх хотыи муйl тынаh? Сорнеh хуlэн хося яhха, Lувеl пойкман ситы яста:
атмась ханшман, амуй яма ханшман ханты мир ясаhан. Муhеван иса патлам. Киметты поныlыlэв. Атмаl-ямаl нын lуhаттан юпийн айкеl вераты.
Александр Сергеевич Пушкин ханшам монсь сиран
– «Сикуш нушая ант уllам, Ситы уlты ант lытlайм! Пояр уlапса аl па ямшак!?» Сяарс хося ики манас. Мунты тумпи хомпат унат. Сорни хуlаl па вохсаllы. Хуlаl ёхтас. Икеl ики инсяссаllы: «Муй наh вохты ики йисан?» Ики пойкасьман еl нюхмас: – Ешак рахми, сорни хуlэм, Метшак ошlы питас имем. Рома уlты манэм ант маl. Сикуш нушая lув ант уl, Ситы уlты lув ант lытаl. Пояр уlапса lувеl мостаl. Сорни хуlаl lувеl ястаl: «Шукась номпсэн пуhlа поны, Ям номасна ёхи мана». Сиитаlан, ёхlы шушмас. Воош lоватаh хот шияlас. Ооваh хотаl ооваl эlты, Кимпи тайты хот кимпеlа Пояр имеl каамн этас. Тынаh нёхас хорам сахна. Урты сакна кертам милна. Тынаh кевен lаварт саклак Куl сапlаlа lув па понмаl. Сорни lуйтат lуйlаl хося Най шомайн аl ворlыlат. Урты сопекhаlаl куран, Шихар хенши хорпи туран, Мохет пеlа аl lуйlатан. Lув пуhlаlан lэват-ортат Шаншох морэмаман lойlат. Ики имеl пеlа ястаl: – Уся уlа, пояр ими! Ма ванттэман тармаl, таhха? Турам эваlт муй как вохlан? Икеl пеlа ант аhкармас. Lэвlаl-ортlаlа партас, Икеl таlта еl нюхаlты. Lоовхот хирты па сыстапты Ин муh икев lув си питас. КЕРАН Митрына толмащса
4
№16 (850) Lапат хутмет (суббота), Ункер тыlащ 22-мет хатl 2017-мет таl
Хуlам вой веlты ху (ханты монщ) Хуlам яй уllат. Хатlа йис, унта вой веlпасlаты мантсат. Lохlаl lуматсаllаl па шушмасат. Ун яйl оlhа манаl, кимет яйl кутапан шушаl, айшак апсеl – ёlта. Хув-ван мантсат, хой вантас. Мантэl сыс lуhа ювантыяl, таlа ювантыяl. Шушсат, шушсат – симась унта ёхатсат, хота сэм ант вантаl, нёl ант lэпаl. Уншак яйl апсеhаlаlа ястаl: – Тата сютсяты хасьlув. Ун яйl юх нуват эlты оlты таха верас. Апсеhаlаl юх сэвартсаhан. Етная йис. Lэсат, шай йинщсат па иl оlсат. Аlаhсахата йис. Туп най этас, ёх lохlаl lуматсаllаl па хуlам юш хуват, хуlам таха пеlа шушмасат. Хув мантсат, ван мантсат, патлама йис. Хота аlаhсахат лакки мантсат, щи юш хося ияха ёхатсат. Lув верыlыям ратхарэlан хуlам меhк-ики шияlасат. Кутапан хуlам охпи меhк-ики омасаl. Lув хосяеl
манты паlлиlат, ёхlы манты ищи паllат. Сишан ун яеl ястас: – Апсиеhhан, манlув. Парlув ки, парlув. Апсеhаlаl яйl юпийн шушмасат. Ванашак ёхатмеl порайн, меhк-икетан мохты ёхи lавематы утсисайт. Меhкикет вой веlты ёх керытман lойсат. Хуlам охпи меhк ханты икет пеlа уваlтас: – Хиlыет, хиlыет нох воlыяты. Ма уятlам, муй верты. Хой хуlмет хатаl аlаhсахат оlhа нох киlаl, сит нох питаl. Муh оlhа ки киllув, муh нынан ёхи lэllув. Нын ки оlhа киllаты, нын муhев веllаlын. Ханты икет кашасьсат. Ияха уllат. Кашаh аlаhсахат йи яйl lэтот каварман ёlан хасиlыяс. Оlаhмет хатаlан айшак апсеhан меhк-икет пиlан унта юх сэварты мантсаhан. Кимет хатаlан ай апси па ун яйl унта мантсаhан. Хуlмет хатаlан ай апсеl ёlан хасяс. Хун мохиlаl хоl ман-
тсат, кешиlаl, lаямlаl lохитты питас. Патлама йис, вой веlты ёхlаl ёхатсат. Ханты икеhhан антапкеllаl арсыр воятан тахарман уllаят. Меhк-икет туп посlаl тувмеl. Етная йис. Lэсат, шай йинщсат, иl оlсат. Найl туп нох этам порайн, ханты икет пасты lаямlаlн меhк-икет охпушахlаl хоlты сэвармасlаl. Хуlам ох хуlам тахая lарэмасат. Хуlам охпи меhк-ики йи охаl ястаl: – Хиlыет, яна-си, нын нох питсаты. Ай апсеl lаймаl вус па меhк-ики охаl катна сэвармасlы. Меhк-ики пещ эlты нёlат версат, меваl lов эlты юхаl этас. Нёllаl, юхаl вермеl юпиян, lохат lуматсат па еllы шушмасат. Хув-ван мантсат, хуlам хот шияlасат. Хун хотат хося ёхатсат, меhкими тур сый хуlмасат. Икет хот lоhlа хухсат. Хуlатlат, муй эlты имет потарlат. Йи меhк-ими ястаl:
– Имет, икиlув пар хув антомат, мосаh lувиlаl каншты манlув? Меhк-имет ким этсат. Вой веlты хоятатан мохты нёlан эсаlсаят. Икет хот lоhаl эlты иl охаlсат. Оlаhмет хота lоhксат. Хот lыпиян сыпсат иса нэhат па ёх нёхиян лап тахартман уllат. Кимет хотан арсыр lуматты сох. Ёх lуматты сохат lувиlаl усат. Муй арат lэтот lэты верытсат, lэсат. Муй арат йиhк йинсьты верытсат, йинсьсат. Хуlмет хота мантсат – вуlы тахтыйн лаhкам ур хот lойl. Вуlы шавиты тахайн тащ хуlма ортсэl. Па тащlаl пиlан ёхи мантсат. Тамхатаl унты ояhа-писяhа уllат. Щи. «Хантыйские сказки в собрании В. Штейница» (Перевод с немецкого языка Н.В. Lукиной) нэпек эlты Альбина ТЫРЛИНА толмащсаllы
○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○
Катра щират нумаlмисув нарс юхан ёнтсув па якты хот верат этаlтысув. Мастер-классlува воlаh энамты хоятат вохилисув. Ханты мир щиратпищат, катра хоятат уlам уlапса няврэмlуван иса ат нумlа. Ин ма нопсэма ёхтас – няврэмlув ханты рут мирэl эlты еlэмlыты питсат. Опращlаl lумтыlыям хорпи сохат ант питсат тайты, ханты ясаhан щах ант потарlат. Ант потарман, рут ясаh шеhк сора ёрэмаlа, рущ ясhа иса керlыlа. Ашкуlайн, рупатайн, ёlан иса рущ ясаhан потарlан. Няврэмlув рут ясhеlан ат потарlат, ат уятlэl хойтат lув оп-
ращlаl – щишан там мастерклассат верты понтсув. Ин там рупатаеван мет lаварт нарс юхат пиlан. Там йисан щах шимаl нарс юх верты хоят. Ин муh тус ёшаh ху тайlув – Валентин Вальгамов. Lув Венгрияян уlты нарс юх хуват, катра щиран яlап нарс юх верас. И щимащ юх, питы лук lоват, вуlы lонат эlты. Хоlна муh каматса нарс юхан ёнтты хоят тайlув». Валентина РОХТЫМОВА ханшам потар, Альбина ТЫРЛИНА верам хорат
Айхоп Павель верам хор
Кат lапат Пулhаватан Этношкола проект хуват мастерклассат верыlысаят. Вошан уlты па моя ёхтам кашh ханты щи верытас ёхтыlыты. Мастер-класс верат эlты ханты автономия «Пулhават» председатель Елена Александровна Рыбина ястас: «Ма ин проект Этношкола «lыlhатты» номас понтсам. Щи проект хуват ин муh мастер-классат версув. Мастерклассlув каматса блокан мантсат, щита муh художественный промыслат нумаlмисув: ёнтассув, сак карытсув, тонты эlты пормасат версув, яксув,
•Хорат потарlат
Кашаhа мастер-классата яhхам хоятат
Газета
«LУХ АВТ» Адрес редакции: 629008, ЯНАО, г.Салехард, ул. Подшибякина, 17 (34922) 4-68-03, 4-68-63 Е- mail: luhavt@yandex. ru
Учредитель Департамент внутренней политики Ямало-Ненецкого автономного округа (ЯНАО, г.Салехард, пр-кт Молодёжи, д. 9) Газета зарегистрирована Управлением федеральной службы по надзору в сфере связи, информационных технологий и массовых коммуникаций по Тюменской области, ХМАО-Югре и ЯНАО 19 апреля 2012 года
Владислав Озелов па Валентин Вальгамов каш верlатан
Тираж 700 Заказ 0319 Подписные индексы: на год - 29925, на полугодие - 84611
Газета вышла в свет 22 апреля 2017г. Подписано в печать 20 апреля 2017г. по графику: 16.00 фактически: 12.00 Газета выходит по субботам Цена годовой подписки 96 руб., в розницу не распространяет-
Издатель Департамент внутренней политики ЯНАО (629008, Тюменская область, ЯНАО, г.Салехард, пр-кт Молодёжи, д. 9) Отпечатано в типографии ГУ «Северное издательство» (629008, г.Салехард ул. Ямальская, 14)
Главный редактор Г.П. КЕЛЬЧИН