ЙИСАТ УLА, АРТНАТ УLА, ХАНТЫ МИРЭВ НУПТАH ЯСАH! Яlаптаl тыlащ хутмет хатl 2001-мет таl вуш эваlт этты питас
Российская Федерация Ямало-Ненецкий автономный округ Газета №23 (857) Lапат хутмет (суббота), Унщ тыlащ (июнь) 10-мет хатl 2017-мет таl
Дорогие земляки! От всей души поздравляю вас с государственным праздником – Днём России! Все мы гордимся своей великой страной, у которой славная история, богатое культурное наследие, замечательные традиции. Сегодня от нашего умения работать и личного вклада каждого в общее дело – зависят настоящее и будущее нашей малой и большой Родины. Уверен, наш патриотизм, единение и достижения предков будут и в дальнейшем залогом наших успехов. Только вместе мы сделаем Ямал комфортным и счастливым регионом для грядущих поколений. Наша сила – в консолидации! Наши победы – в национальном единстве! Наше будущее – в наших руках! Крепкого всем здоровья, мира, добра и взаимопонимания! С Днём России!
«МИ-6а» 40 таlаl постас
Губернатор Ямало-Ненецкого автономного округа Д.Н. Кобылкин Дорогие ямальцы! Поздравляю вас с государственным праздником – Днём России! Этот день символизирует единство нашего многонационального народа, независимость страны. Он неразрывно связан с ценностями демократии и патриотизма, гордостью за успехи и достижения всех поколений. Россия – великая держава. Сегодня она уверенно движется вперёд, черпая силы в своей многовековой истории. От наших общих усилий зависит то, какой страна будет в будущем. Дорогие ямальцы! Искренне горжусь вами, настоящими патриотами своей родины, которые любят и уважают свою страну. От всей души желаю вам крепкого здоровья, счастья, мира и добра! И пусть созидательный труд каждого из нас будет способствовать благополучию и процветанию России, приумножению её богатств и могущества.
Там тыlащ хутмет хатаlан Авиамузей хоща «МИ-6а» нэмпи тохlаhхопна яhхам па рупитам ёх яха актащисат. Щи хатаlан щёрас яртьяhсот нийlъяh пеlа lапатмет таlан мет оlаhпуш «МИ-6а» муh округевна Пулhават воошна нох пурlас. Щи вуш эlты няльяh таlа йис.
Председатель Законодательного Собрания Ямало-Ненецкого автономного округа С.М. Ямкин
Хуl веlты пора ванамас Унщ тыlащ хутмет хатаlан Пулhавт воошан хуl веlты предприятияйт кущайт актащисат. Хуl мощатты пора унты яh хатаl хащас. Кашh таl хуl веlпасlаты пора ванаматыйн яха актащиlат. Аратаlан потарсат, хоты верат туняl сыс мантсат, каман тонна хуl мощатсат. Тампуш каман тонна мощатты постасат, муй хорпи атма питам верат туhматсат, па муй яlпитты мосаl рупатаеl яма манты ураhан. Виктор Югай АПК департамент куща ясаh вуйlымаlан ястас, кат щёрас хутхощьяhмет таl муh хуl веlты ёхlув ураhан антом кен ус, туп ищипа постам верlув туhматсаllув, патэl унты тусlув. «Куш вунш па мохсаh муhев ант рахаl мощатты, щи такlыя муh яh щёрас тонна мощатсув. Щит ветхощьяh таl сыс мет оlаh местая питсув. Щит щёрас хуlамсот тонная аршак ветхощьяh таl пиlан артаlаман». Хащам таl сыс округ lоватан уlты организацияйт хоl яма рупитсат. «Тазагрорыбпром» 2015 таl пиlан ки артаlаман 315 тонна аршак мощатас, «Горковский рыбозавод» – 287 тонна аршакан, «Аксарковское рыбопромысловое предприятие» 246 тоннайн. Ханты хуl аратаlан 63% мощатман уса. Там таlан кат щёрас ветсот тонна хуl мощатман уllа. Щит няlсот тонна аршак туняl пиlан артаlаман. Оlаh местая питас «Горковский рыбозавод» – 352 тонна, еша шимаlшак – 326 тонна – ООО «Святогор», хуlмет местайн ООО «Тазагрорыбпром» – 308 тонна. Тампуш аратаlан мосаl яртьяh щёрас тонна мощатты. Туhа щира хуl веlпасlаты lэщатысат «Салемальский рыбозавод», «Аксарковское РПП», ООО «Святогор», АО «Салехардагро», Канащ Пухаlна уlты община. Хоты ястас Денис Малышев, ООО «Салехардский комбинат» куща: «Округев хуllы ант хащаl, 84% сопасlаман уl. Ин нумасlув Белоруссия па Казахстан мува тыныты». Джамиля АХМЕТОВА lэщатам айкеl
Мойlапса ясаh китты ураhан воошаh па округ кущайт ёхатсат, айкеl верты хоятат. «МИ-6а» тохlаhхопа lыlаh лыптат потсат. Щи тохlаhхоп онтасна муh Овс мувевна уlапса па щират манты питас. Постамента lув lуhан кат щёрас хутмет таlн омасса. «МИ-6а» тохlаhхопна яhхам ёх рупитам таllаl нумаlмисlаl. Хоты щи таlатан хус моlтас экипаж ус, кашh тохlаhхопна вет хоят рупитас. Рупитам таl вуш эlты тухаl тохlаhхопат куш иl питыlысат, туп нэмоlты хоят щи порайн антома ант йис. Тухаl тохlаhхопна яhхам ёх lапат пуш иl питыlысат, щи онтасна охlаl сора вотсайт – туп мосты па самаhа тайты рупатаеl щи онтасна ант хайсэl. «МИ-6а» муh округевна уlмаl онтасна ин там хатl унты муh газ
па нефть тайlув. Щи тохlаhхопат юурна, юш антом уlмаl ураhна, щий турамсот пормас тутlыса: мувшув каншты хоятат уlты хотат, тутъйиhк, новитут маты хотат, певаlты хотат, мувшув каншты кеша мосты пормасат, тракторат, вездеходат па па хорпи пормас. Тохlаhхоп lыпина рахас тутlыты 12,5 тонна, подвескайна нийl тонна тутlыса. Хащам таlатна там ун тохlаhхоп муh округевна ант яhхаl. Ванты па уlапса пеlа керlамев юпийн тохlаhхопна пормас тутlыты тынаhа йис. Кашh таl эlты тохlаhхоп шимаl яhхты питас. Щи онтасна исая воlытса. Ин энамты няврэмат хонна ант уйтlэl «МИ-6а» эlты, вантыlэl туп постаментан. Ин яха актащийм лётчикат па техникат ястатсат щёхар тыlащна па яха актащтыя. Lув кашh таl хуlмет хатаlан Анапа воошан яха ёхтыlыlат. Щи порайна яха ёхатlат антом туп Пулhаватна уlты ёх, щи тумпийн муh округевна «МИ6а» тохlаhхопна яhхам ёх, хой ин па мув сюhатан уl. Аллина ЯКОВЛЕВА ханшам потар Хорlаl ищи lувиlаl
2
№23 (857) Lапат хутмет (суббота), Унщ тыlащ 10-мет хатl 2017-мет таl
Воойlув-хуllув шавиты ураhан Щёрас яртьяhсот ярсот нийlмет таlан щёхар тыlащ нийlмет хатаlан Юрий Васильевич Неёлов нэпек ханшlтас №535, хота ханшман уса «Полуйский» заказник Ямало-Ненецкий автономный округна вертыя. Воой-хуl шавиты ураhан. Хоты верат там хатlатан «Полуйский» заказникан манlат, щит эlты потартас Ришат Ренатович Вагапов, lув щита государственный инспектора, ведущий специалиста рупитаl. – Ришат Ренатович, хоты наh там рупатая питсан?
– Там рупата еlпийн ма полицияйн рупитсам: усам ОБНОН кущая, ЛОВД кущая, транспортной полиция кущая, щаlта Пуровский район полиция кущая усам. Щи юпийн номас версам, еша щутщаты мосаl – щишан «Полуйский» заказника рупитты мантсам. Унтlув, ёханlув, воойlув, хуllув браконьерат эlты шавиты ищи мосlат. Аратаlан «Полуйский» сот lапат щёрас гектарна уl, lув Ямальский лесхоз муват вуйман тайl, СПК «Салехардский» па совхоз «Байдарацкий» ищи тохи lоhман уllат. Овс мув пелак сахат – Щел ёхан па
Хувьюн lор ияха питты тахайн оlhаl вуllы. Хувьюн хуват манаl Ай Еhки сойм ёхан ов унты. Овс пелак эlты Хаlэват пелак пеlа, туh юш хуват (14,7 км) Мая Аксарка ёхан тай унты, щаlта туh юш хуват Хаlэват пелак эlты Морты мув пеlа туh юш хуват (24,5 км) Воойт веlты ёхан ов унты, хота Сармик ёхан пиlан яха ёхатаl. Хаlэват пелкев Воойт веlты ёхан па Сармик ёхан яха ёхатты тахайн оlhаl вуllы. Щаlта Морты мув пеlа туh юш хуват (12,5 км)
Идьяха ёхан ов (2,4 км хаlэват пелак пеlа Хаерадьяха ёхан ов хоща), щаlта еllы морты мув па хатl омасты пелка манман (14,0 км) Пулъёхан Вилка посl яха ёхатты унты. Морты мув пелакан– Пулъёхан Вилка посl яха ёхатты тахайн (4,0 км) нэмlы lор унты па еllы (11,5 км) Хадыяха ёхан унты, щаlта (5,0 км) Овыс-Вансоим lор унты. Хатl омасты пелакан – Овыс-Вансоим lор эlты, Арlорсоим ёхан (15,5 км) Сареh ёхан ов унты. Сареh ёхан эlты Безымянный ёхан тай унты (4,0 км Сумтыh lор пеlа), щиlта Хувьюн lор унты. Щиты иса
«Полуйский» заказник границайl манаl. – Овс мув шимlаh ёх мир щи муван уllат, веlпасlаlат? – «Заказник» верам онтасан шоши мират ищи па верытlат уlты, воой-хуl веlпасlаты. Lув тайты мувlаl, ёханlаl па lорlаl нох ант вуlайт, ант нярэмаlайт. Lув хонна земельный налог шимаlшак сохаптаlат, воошаh хоятат пиlан артаlаман. Яlпа хот омасты вутщиты хоятат муван ветьяh таl антомшака арендая маlайт. Туп овс мув шимlаh мир хоятат верытlат вутыя. – Наh, па тата рупитты хоятат пиlан муй хорпи рупата верlан? – Муh «Полуйский» заказникан уlты воойт, тохlаh воойт, lоратан па ёханатан уlты хуlат вантман па шавиман тайlаllув. Овс мув шимlаh мир хоятат хоты катра усат: вуlы тащат энмаlсат, воойхуl веlпасlасат ищиты ат усат. Ищки па тарм таlатан муh унтан уlты воойт lапатlаllув, эlты вантман тайlаllув. Нэмоlты мушан ант ат ёхатсайт, еllы туhа щира ат рутмасат. Нёхас, сос, кураh воой, охсар, мойпар, лэпак, тохlаh воойт lуhатман тайlаllув. Мет шопаh lуh порайн, там заказникев атаh-хатаl вантман тайlэв, тут ант питты вер эlты сайlаlэв. Учёный хоятат ёхтыlыlат там мув воойт па хуlат «Летопись природы» нэпека постаllаl. Заказникан рупитты яlап хоятат каншlув па еllы рупитты lэщатlаllув. – Газет lуhатты хоятата яста, муй хорпи верат заказникан верты ант рахаl. – Заказникан моlты рупата верты ураhан мосаl щи кеша мийм нэпек альты. Туп овс
мув шимlаh мир хоятат верытlат тата уlты, вуlы тащ энмаlты, хуl па воой веlпасlаты. Па мир хоятата тата ант рахаl хот омасты, огородан уlты lэвпас энмаlты, юх сэварты, вонщамот, толах, нохар па яммаlтыты торан-варс акатты. Мис, lоов, ош тащат там муван тайты. Ант рахаl там мув хуват машинайн па вездеходан яhхты, «Полуйский» заказникан рупитты хоятат туп рупата машинайlаlан верытlат там мув хуват яhхты. Тохlаhхопат туп нумаlта яhхты верытlат, иl омасты lувиlаlа ант рахаl. Щутщаты яhхиlыты хоятат муh тый ищи ант эсаlаllув. Нэмоlты юш, трубопровод, новитут карты кеlат тата верты ант рахаl. – Аl хоятат хотсат уйтты верэl уl, там муван «Заказник»? – Щи кеша «Заказник» кератман, иса lэр ураhан, посат верман уllайт. Заказник уlты щир эlты Овс
Весохты курт Еllы понты потрэм ма хуllысэм Мария Герасимовна Зверева эlты. Lув Октябрьский районан уlты Шаншвоош куртан уl. Кашh рут lув курт тайl. Кашh курт lув уlапса тайl. Ин Весохты курт эlты lуhтаты. Ихощьяh таlа йис, хоты Весохты нэмпи курт эlты йи мув щуhкие ант хащас. Катра пораятан щита ун курт ус: воой энмаlтыса, торан сэврыlыса, lэвапса омпсыlыса. Весохты курт – Хинь ики
курт. Щимащ нэман понам мув таlаh тэlан йиhк иlпия манас, Асан шуйlас. Папелакан – порыlыты тахи, куш пайlы муван уl, хащас. Хоты ястаl Мария Герасимовна: «Имаем ими иса арыlыйс: «Вес икийн – Хинь икийн куртэм lэса, мирэм lэса». Ун ляль порайн куртаh ёх хоl тусайт. Йи-кат хоят туп ёхи ёхтыlыйс. Щи пораятан ханты хоятат ант уйтсат муй щиран картопка омпсыlыты. Ант уйтсэl – муй щит картопка.
Мария Герасимовна акеl, 1941-мет таlан ляля мантаl еlпийн, номас вус щи lэтот энмаlты. Lэран энмам картопкайт нящама хирсаllы. Кашh порайн йиhкан шошмиlысlы. Ляля манмаl юпийн картопкайl ушас, па lув ёхи щиты ант ёхтас. Весохты куртан уlам хоятат воой-хуl веlпасlысат, няврэмlаl энмаlтысат. Юухат, айlтыена куртаh хоят шимlа йиты питас: хой па курта манас, хой антома йис. Ин там хатlатан, щи курт эlты
мув шимlаh мир ёх яма уйтlат. Lув атма ант питты верат эlты яма уйтlат, щишан уголовный ответственность па административный штрафан ант поныlыlайт. Арпелак lув lысан воой веlпасlаlат, па пунан хуl веllат. Щишан пошкан орытты сый антом – воойт ант паlтаптаlат. Тамиты хоятат округеван уlты заказникатан рупитlат. Па газетаятан моlты потар па ханшlув заказникат па заповедникат эlты. Уйтантыlув щи хоятат пиlан, хой щита рупитаl. Ванты, арпелак щита овс мув шимlаh ёх рупитlат. Унтэl яма уйтlэl, яhхты воой каlтмат ай пора вуш эlты вантсат. Lувиlаlа кеншак унтан яhхты, воой каlтам моштаты па тохlаh воой тыхаl уятты, нэмоlты порайн ант тапиlыты. Аллина ЯКОВЛЕВА lэщатам потар па понам хорат
уlты хоятат хонна нумlэl куртаh уlапсаеl. Няврэмlаlа, хиlыlаlа щит эlты потартыlат. Щит шеhк ям. Щи онтасан хоятат хонна хув нумты питlат ай куртаh уlапсайт. Муя lув щиты нэмтыlысайт, муй хорпи опращ нэмаh хоятат щита уllыlысат… Кашh хоят верытаl lув куртаl эlты каматса ясаh ханштыя па муhева киттыя. Нын китты потарlан газетая понlаllув. Джамиля ТОЯРОВА ханшам потар
3
№23 (857) Lапат хутмет (суббота), Унщ тыlащ 10-мет хатl 2017-мет таl
Няврэмат емаh хатl
Кашh воошн, куртан, унсь тыlасян оlаhмет хатаlан, няврэмат емаh хатаl постыса. Няврэмат кеша ёнтапса, касапса, каш верыlыса. Пулhават воошн няврэмат арсыр тахайн актыlысайт. «Острог» нэмпи тахайн, няврэмат аlаhсахат эlты, великан кассат. Еhк эlты хатэмиты хотан няврэмат lув кутэlн пиlтасьсат. ЦКИС «Геолог» хося ун вантопса верса. Няврэмат каман карты юш хуват яhхты тутаh хопан тутlысайт, ёнтсат, кассат. Мастер-классат хося эвет па похат еhта поталэт эlты пормасат версат, веншlаl хорамаhа оляптасlаl, хор вер-
сат, кев юшан хорат ханшсат, турам пеlа lыl шуваh хув вась воой эсаlсат. Мет каркам, юраh эвет па похат мойlапсайн мойlысайт. МВК Шемановский нэмпи тахайн «Няврэм воош» емаh хатl верса. Си каш ияха Пулhават энамты центр, округ арсыр пормасат верты хот, многопрофильный колледж па нэпек lуhатты хотан рупитты хоятат lэсятсэl. Оlhа няврэмат ураhан каш верса. «Приключение на Мадагаскаре» нэмпи тахайн эвет па похат яhхсат-мантсат. «Арт-пространство» нэмпи мастер-классат усат: няврэмат арсыр пормасат эlты ху-
Шемановский нэмпи музей оваl пуншсаllы
«2017 lуh» Кимет пуш Пулhават воошан «2017 lуh» проект манаl. Си проект рупитты ураhан, культура, энамты няврэмат политика, касты па утаlтыты воошн рупитты хоятат ияха актащисат. Lув арсыр касапсайт, вантапсайт, ёнтопсайт няврэмат кеша lэсятсат. Lуhан, арпелак вантопса городской сад хося верlа. Хоятат катра пора сирн утсиlат сита уйтантыты. Си ураhан lув кимет lыlан маса. Сита, нэпек lуhатты хотн рупитты хоятат, lуhтапса верты питlат. Емаh па сютсяты хатlатан воош хоятат яха актасиlат.
Пулhават воошн, национальный нэпек lуhатты хотан, хор ханшты конкурс манты питl. Няврэмата мосаl «Ма мосты емаh хатlэм» хора ханшты. Конкурсан няврэмат lапат таl эlты нийlхус таl унты верытlат пиlтасьты. Рупатайlаl мосаl графический редактор сирн, мосаh флеш-анимация сирн верты. Хорат няl номинация сирн ханшты мосаl: 1. «Мой любимый государственный праздник», 2. «Мой любимый календарный праздник», 3. «Мой любимый религиозный праздник»,
lат, катет lэсятсат. Лонщхаh йиhк эlты шоу па фокусат версат. Ольпаh шукат эlты ун хор акатсат. Камн, няврэмат кеша арсыр касапса, ёттотат lэсятман усат. Lорвоош куртан «Планета детства» программая няврэмат вохсайт. Lуhан «няврэмат яhхты площадка» пуншса. «Ёттотн ортаса» па «Няврэмата lуhатты нэпекат мойlа» акция маныlыяс. «Экомода» конкурс верса. Там емаh хатаlан, кашh няврэм lувеlа верапса уятты верытас. Эвет па похат туhа сира ёнтсат, кассат, яксат. Амтатlыман па ям номасан ёхи мантсат.
ЦКиС «Геолог» яlап «Утаlтыты хот Ёроко» lэсятсат. Хасям lуhан, воош кутн, хольмаh пеlа хуlам арсыр площадка рупитас. Сёрс моlтас няврэм тохи яhхас. Тампуш, кашh lапат ёнтты «Паровозик Ёроко» нэмпи программа мастер-классат пиlн верlа: няврэмат аhкиlаl-асиlаl пиlн якты питlат, радиогазета верlат, актёрское мастерство сира утаlтаlайт. Оlаhмет пуш Елена Образцова нэмпи ашкуlа оваl пуншlаllы. Хой няврэм аршак як, нарасъюх па хор эlты уятты утсияl, lув кат lапат утаlтыты питlайт.
МВК Шемановский нэмпи музейн «Lуhен тэкапты» проект этас. Няврэмат па ун хоятат ураhан, музей lуh сыса оваl пуншсаllы. Арсыр вантопса, экскурсияйт, ёнтты площадкайт, мастер-классат, лабораторияйт, квестат па Эйнштейн музей рупитты питlат. Кашh тыlась яlап нэм па хорас тайты питl. Унщ тыlась «Lуhен ханя верн тэкапты» нэман понтса. Сита монсь, йис потрат, ханя верат эlты потартты па альты питlа. Сютсяты хатlатан «Нэпек пора» мас-
тер-классат манlат. Экскурсияйт «501 стройка», «Антом тахайт эlты», «Обдорск купеческий», «История великих кладов» верlат. «Артсубботник» еllы манаl па мастер-класс «Хуl эlты пормасат» манты питl. Унщ тыlасян нийlхосьямет хатаlан «Основы скетчина» яlап нэмпи проект пуншlа. Хоятат сита хор ханшты па скетчзарисовкайт верlат. Хоlна «Россия мувев, русь уlапса па культура» яlап экспозиция этаl.
Ма мосты емаh хатlэм 4. «Мой любимый праздник коренных народов Ямала». Рупатайт айтахайт потты тыlась хусмет хатl унты рахаl китты. Аспотты тыlась оlаhмет хатl эlты ветхосьяhмет хатl унты Интернет хося приз зрительских симпатий онлайн-голосование манты питаl. Нох питам няврэмат дипломан, охан маlайт. Рупатайlан там адрес хуват китаlан: neb-yanao@mail.ru Инщасаты: 8 (34922) 4-17-98
Альбина ТЫРЛИНА ханшам потрат па верам хорат
4
№23 (857) Lапат хутмет (суббота), Унщ тыlащ 10-мет хатl 2017-мет таl
Ими Хиlы уlапса И кев юх lойты рэп нёlан павр хот па ампар lойlатан. Щита Ими Хиlы Имеl Ими пиlан уllатан. Хув-ван щиты устан. Имоlтыян, етная йис. Ими Хиlы иl вояпса. Атаlан и пелкаl, и пелкаl керlыяl – оlмаl ант йиl. Ат кутапан ким этас. Ампlаl напры пай пеlа хоратlат. Ими Хиlы тохи манас ампlаl воштасlы. Таl тахаян хоратlат, сыеl воош тумоlаhан щащаl. Ампlаl хортам лота lояс, Ас нохlы хуlантыяl, Ас ныкlы хуlантыяl. Щиты хуlаттаl эlты, lув пуhlаlан тур сый хуlас. Араh, монщаh ху лэhки потартаl: – Хиlые, хоты йисан? Оlмен атн йиlа? Щи юпиян Ими Хиlы ёхlы карэмас па хотаl lыпиян пентас. Иl лаhкасыяс, щуh пеlа карэмас па туртатlыман иl вояпса. Аlаhсахат нох киlас па щещкеl сэвты питас. Кеlаl воош тум оlаh унты ант ёхатаl. Щи куман Имеl Ими нох верlас. – Похие, хоlта щещ кеlэн ярlэн? Хиlэl нэмоlты ант ястас, хот ооваl пуншсаllы па ким этас. Хун ким этас, хоlты пеlа шушмас. Хув-ван щиты шушас. Кат lонщ сэм ки раканаl, Ими Хиlы кат таl эlты нумасаl. Хувван щиты шушас, самаl вохты питса, эlаl потса. Шуштаl эlты, сэм оlhаlан сумат вош шияlас. Метам ху lув щи манас. Ими Хиlы сумат хоща нёрщияс, сумтаl шукаlас. Сумат вош эlты шовар ими ким этас. – Хиlые, наh муя ма щёхал турпаем шукатсэн? – Шовар ими – имае, ощхуль турпа таймен, ма ант уятсэм. – Хиlые, наh хоlта манlан? – Шовар ими инщасаl. Ими Хиlы ёхlы потартаl:
– Араh, монщаh ху каншты шушlам. – Похие, холща lувеl усэн? Ма хотэма lоhа, ма наhен юшен этаlтаlэм. Ими Хиlы шовар ими хота lоhас. Шовар имиян нянь пулан па вой пулан маса. Ими Хиlы нумасаl: «Там нянь пул па вой пул хоlта тарамlатан?» Нопсаl хоlамаl юпиян, lэты питас. Нянь пулаl эlты порэмаl, няняl ёхlы энамаl – ант хоlаl. Вой пулаl эlты lэl – вой пулаl ищи ант хоlаl. Шовар ими ястаl: – Яма lэва. Наh ин щи нумассан: там нянь пул па вой пул хоlта тарамlатан? Ими Хиlы нюхмаl: – Муй щиран манэм, аl ханты хоята, наh ям эрlаh lэтотаh пасан эlты lэты рахаl! – Lэсан ки, мана тум тахты пая иl оlа. Оlтэн эlты, ма наhен хир ёнтlам. Ими Хиlы иl вояпса па туртатlыты питас. Шовар ими мис сох эlты хир ёнтты опсас. Ёнтты хираlа тураман этты хусат ёнтаl. Хираl етшас. Шовар ими Ими Хиlы лэhки нох куратсаllы, мис сох эlты ёнтам хиран масlы па ястас: – Там хирэн вуйи па мана. Юхlы, варасlы – няр рывашип сыlа ёхатlан. Щи рывашип кутапан мув ус уl. Щи мув ус пуhlа хуhха. Щаlта щи ус хиран лоп лаhки. Щи юпиян опса па lавlаса – хун араh, монщаh ху лэhки ким этаl, хир овен лоп сухты! Хир овен такан лоп таlы па яма яры. Щаlта ёхlы мантэнан, ма хощаем lоhтыя. Ма ищи lаhхаlаям щи ху лэhки арат па монщат хуlатты. Ими Хиlы хир усlы, шовар ими пиlан пайм уlам верас, lапат пуш ох понас па манты питас. Хув-ван шушас, имоlтыян хоlты ёхтас, еlпелакан
Хуl эlты вантопса
мосаh паlh, мосаh воош шияlас. Щиеl пеlа манты питас. Шушас, шушас, вана ёхтас – щит юхlы, варасlы рэп уlмаl. Рэп кутапан мув ус шияlас. Щаlта мув ус хоща ваhкман хуhхты питас. Щи ёхтас па мув усаl мис сох эlты ёнтам хираlан лоп таlсаllы. Ими Хиlы омасаl па хуlатаl, муй ус эlты щащаl. Ус lыпи эlты араh, монщаh ху лэhки тур сый щащаl. Хув монщаl хоlас, ван монщ монщты питщияl. Хув-ван щиты арыяс, монщас. Lапат эвеl вохты питсаllы. Рохнемиман lапат эвеl lув хощайl ёхатсат. Эвет ёхатсат ащеl хоща па хоят тур сыян ястаlат: – Ащи, муй ураhан муhев вохсэн? Араh, монщаh ху лэhки эвиlаl пеlа ястас: – Ким этаты па ата йиты унты манаты. Эвиlаl ёнтман, няхман ким этсат. Этсат, ат шияlасат па ёхlы мантсат. Ащеl пеlа ястасат: – Ат кутпа ювмаl, тураман хус тэlыя. Ащеl потартаl: – Ма арытэм ураhан, атэв омасты етная йис. Щи ма манlам. Араh, монщаh ху лэhки нох lояс па ким этас. Турмаl хусатан лоп этам, ат кутпа ювмаl. Щаlта lояl па нюхмаl: – Там етэв щикем ван ус. Ими Хиlы щи пуляh хир оваl кеlан лоп таllаllы. Щи юпиян хираl lаhкра потсаllы па ёхи шушмас. Шовар ими хота ант lоhас, мохты ёхи манас. Ёхи ёхтас, хираl хотхар кутпа вощкасlы. Иl лаhкасыяс, вояпса па туртатlыман оlты питас.
(Еllы па уl) «Хантыйские сказки в собрании В. Штейница» (Перевод с немецкого языка Н.В. Лукиной) нэпек эlты Таисья РОХТЫМОВА толмащсаllы
• Хорат потарlат
Альбина ТЫРЛИНА понам хорат
Газета
«LУХ АВТ» Адрес редакции: 629008, ЯНАО, г.Салехард, ул. Подшибякина, 17 (34922) 4-68-03, 4-68-63 Е- mail: luhavt@yandex. ru
Учредитель Департамент внутренней политики Ямало-Ненецкого автономного округа (ЯНАО, г.Салехард, пр-кт Молодёжи, д. 9) Газета зарегистрирована Управлением федеральной службы по надзору в сфере связи, информационных технологий и массовых коммуникаций по Тюменской области, ХМАО-Югре и ЯНАО 19 апреля 2012 года Регистрационный ПИ № ТУ72-00558
Тираж 700 Заказ 0550 Подписные индексы: на год - 29925, на полугодие - 84611
Газета вышла в свет 10 июня 2017г. Подписано в печать 8 июня 2017г. по графику: 16.00 фактически: 12.00
Издатель Департамент внутренней политики ЯНАО (629008, Тюменская область, ЯНАО, г.Салехард, пр-кт Молодёжи, д. 9) Отпечатано в типографии
Газета выходит по субботам
ГУ «Северное издательство»
Цена годовой подписки 96 руб., в розницу не распространяется
(629008, г.Салехард ул. Ямальская, 14)
Главный редактор Г.П. КЕЛЬЧИН