ЙИСАТ УLА, АРТНАТ УLА, ХАНТЫ МИРЭВ НУПТАH ЯСАH! Яlаптаl тыlащ хутмет хатl 2001-мет таl вуш эваlт этты питас
Российская Федерация Ямало-Ненецкий автономный округ
•Айкеlат
Яма верты верат ишкас Ямало-Ненецкий округ губернаторэв Дмитрий Кобылкин Lорвоош район куся Андрей Головин пиlан уйтантыйс. Андрей Валерьянович потартас хоты хасям таllуh рупитса, муй постаса вертыя там питам таlан. Инсясса, хотат оматты па социальный верат эlты. Няl таllуh сайн, Lорвоош районан, хошам lуhатты мутра верами. Lув онтасаlан, хоятат, еlпи пора пиlан артаlаман, вантман шимаlшак ох со-
хаптаты питмеl, хотlаl хошаман ёхатаптаты ураhан. Бюджет охат lэваса ант ушlат, lуhатман тайlайт. Хошам хотат верlаят. Кат куся ястатсатан, мет оlаhан, куш муй хорпи финансовый ситуаций ат уl, детский садикат, ашкуlайт таlаhа вертыя. Lорвоош район куся «рациональный идейт» губернаторан па муниципальный районата иси этаlтаlайт, опыт лакки орты сира. Яма ки рупитlа хотсат ант ишакlа.
Турам хот оlаh охаl оматса Пулhаватан, хасям lапатан кафедральный Преображенский собор ар купол кут эlты, айшак охаl, омасты тахаяlа омпсаlса. Пулhават па Яlап Уреhой епископ ясаh сиран, еlпи турам хот верты воlытыса, ох антамаl
ураhан. Йис тэlан, турам хотат мир эlты актам ох юуран омтыlысайт. Ох антом – рупатайт воlытlайт. Ох акмаl – па еllы верты питlайт. Хув кепа оматlа турам хотэв, lув исипа таlаhа иl.
Муш тайты няврэмат нётlайт Сот моlтас няврэм Ямал мув эlты Челябинск воошан, реабилитационный центарна мушlаl ямаlтамат. Дмитрий Николаевич Кобылкин, Челябинскайн уlмаl порайн, «Сакура» нэмпи леккар хота lоhтымаl, Наталья Кобельковая, пульница куся нэhаlа, благодарность мойlап нэпек миймаl, няврэмат мушlаl ямаlмаl ураhан, мушаh няврэмат аhкет-асет ям ясаhан, ям веран нётмаl пата. Ин сита, муh окру-
○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○
Газета №8 (790) Lапат хутмет (суббота), Курк тыlащ (февраль) 27-мет хатl 2016-мет таl
гев эlты, хуlам няврэм мушlаl ямаllайт. Округ мет ун кусяев аhкет-асет пиlан потармаl, инсясмаl па артаlамаl муй кеман муш ямаlты сират нётсат мушаh няврэмата. Дмитрий Николаевич леккар хот центр вантмаl юпийн ястамаl «Ямане» фондна рупитты хоятата метшак lухсатман «Сакура» леккарат пиlан рупиттыя, мушаh няврэмат мушlаl ямаlты номас ванан тайман.
ИА «Север-Пресс» эlты уйм айкеlат, КЕРАН Митрына ханты ясhа керытсайт
Ханятты вер антом
Ирина Соколова
Пулhаватан, куркап тыlась нийlхус-мет хатаlан, Ямал общественный организаций активистат па кусяйт ЯНАО вице-губернатор Ирина Соколова пиlан уйтантысат па мирхот версат. Хасям таl, аспоттап тыlасян, округ губернаторэв ун доклад вермаl порайн, шеhк мосты номас хоятат паlа пайтас па айшак кусяята партас: кабинетат lыпина ант омасты, мосаl мир кута lоhман рупитты. Сита lэрапты муй сыр номасна аl хоятат уllат, муй эlты самlаl хошиlат, уlапса ям пелкаl нох кератты ураhна, муй верат туhа сира lэсятты. Мосаl ситы верты – хоятат ант паlман, куся есяl ат потарсат, хотсат атма тыйты сират туhа сира lэсяттыя. Ин па си номас еllы тувман,
мохэт актасьсат. Мир уlапса ямашак lэсятты сират, ун кусяя есяl ястаты. Мет оlаh ун па ханяlы потар чиновникат пиlан вертыя, воошат па районат общественный организаций эlты китам хоятат, волонтёрат, творческий объединений эlты потар верты китам мохет па журналистат актасьсат. Си хоятат кутан тупаl нэhхи антом ус. Иса ясhэl хуlантты мохет. Lув ясhlаl онтасан Ямал мувевна уlты хоятlув уlапса хоlна ямашак уlмитты рахаl. ЯНАО вице-губернатор Ирина Соколова ясаh сиран, общество власть пиlан потарты ураhан, ван кутlы тамиты актаситы мостаl. «Тамиты мирхот вертэв порайн куш муй сир номас, куш муй сир потар нох аlамты рахаl. Ханятты вер антом ат уl. Муй эlты самен хошийl, ванттэнан моlты вер атмась верlа, аl машьяйн уlа, потарта, яста хоты вер мосаl туhаптыя» – Ирина Соколова ястас. Сяхашак муh пирсямаlаюв. Муh юканэв, еllы уlтыя няврэмlув хасьlат. Хотсат уlты питlат – яма муй атма иси муh
эlтэв вер lойl. Яма ки тайlаllув, яма уlты питlат, атма ки энмаllаllув, атма уlтыя питlат. Сишан кашаh семья, атмаl-ямаl, государства эlты нётты мосаl. Сяlта, там уlты кутэван, няврэмlув, энамты похlув-эвиlув, энмам мувеl пеlа, рутэl пэlа тыш ант тайlат, русь сиран ястаман ки, патриотический воспитаний иси верты мосаl. Хун муh энамты хоятlув мувеl саммасьман тайты питlат, турмеl сот ям сир шавиты питlат – сит ям. Ар хоят катет, ампат энмаlты уйlыlат. Тайlаllаl, тайlаllаl, тораса иlат ким воськаllаl. Ант ки верытсан тайтыя, муя уйlысэн? Симась воой муh округевна иси ара ис. Ястаса воой шалитты номасан уlтыя, таl такlы ёшна тайты отlан аl шукатаlан. Хой хот воойlаl атма тайlаllы, сит яlпа уты закон юуран ёхlы хойты верытlа. Валерий Ивановский ястас, геологат ураhан емхатаl вертыя. Ванты, геологат онтасан, Ямал мув мув иlпи тасят каншсайт па нох шэпты питсайт. Энамты активистат ястасат, «Символы Ямала» нэмпи проект вертыя. Хоlна ар ям верт нох аlамты ястаса. Потар етшаты кеман Ирина Соколова ястас: «Шеhк мосты потар вертыя, муh тата яха актасисув. Муй вер нын тата туhа сира верты парсаты, моlты ант уйтты сиран lэрапты парсаты, ситат муh правительстваев хося lэрапlаllув. Си юпийн юураh нэпек ханшlув, си нэпек сиран ант тыйты верат туhапlаllув». Геннадий КЕЛЬЧИН потар ханшас КЕРАН Митры верам хорhан
2
№8 (790) Lапат хутмет (суббота), Курк тыlащ 27-мет хатl 2016-мет таl
Там хоятат рут ясаhlаlан диктант ханшты ёхтыlысат мир мув пеlа ар щиран вантаl. Ясhат ёрэмиlаят ки, номас щиран мирэв нушая йиl. Там пораян арсыр хонмуватан хоятат яха актащlат, организацияйт верlат, рут ясhеl шавиты уратты, арсыр тахайн ру-
Валентина Рохтымова верам хор
Курк тыlащ хус оlаhмет хатl мир ясhат хатlа lуhатlа. Кашh мир ёх мет ун щюнеl – щит lыв ясhеl. Кашаh хоята потарты, нумасты па мир пеlа вантты утаlтыям ясhаl – мет тынаh. Муй щиран хоят хоттэl хоятlаlан потарты утаlтыlа, щиты lув ун мира этаl. Кашаh хоята мир рут ясhаl айтэlан уятты мосаl. Ястаlа: «Наукаят ант уятман, уlты рахаl, туп рут ясаh ант уятман уlапса антом». Яна щи, и рут мир хоятат ясhеl уятlэl ки, щи рутат щирlаlпищlаl, иса уlты питlат, ант ёрэмаlаят. Ин мув хуват хут щёрс рут ясаh. Учёныйт lуhатты щиран, яhкем таl хащl па няlъяh процент ясhат ёрэмаlаят. Щит шеhк атам, кашаh рут
Валентина Рохтымова верам хор
Рут ясаh ант уятман уlапса антом
Пулhаватан курк тыlащ яртъяhмет хатаlан ГОУ СПО «Ямальский многопрофильный колледж» хотан рут ясаhlаl уятты хоятат яха актыщисат па диктант ханшсат. Щи кущайт, няврэм утаlтыты хоятат, студентат па вошан уlты хоятат ёхтыlысат. Нийlъяh эlты аршак хоят ус. Вет хот ятан омассат: хантэт, саранат, селькупат, кашh мир ёх lув хот ятаlаlан потар ханшсат, урат эlты аршак хоят ёхтас, щит ураhан кат хот ят lув ураhlаlан lэщатса. Шоши мир департамент куща lаhкар ху Омпа Яптунай ясаh щиран, щимащ диктант ханшман, хоят вантаl, нумасl муй щиран lув рут ясhаl уятlаllы, хой ясhаl атмашак уятlаllы, мосаh утаlтаты номасн ёхатlа. Lув ну-
масl, щимащ акцияйт Ямал муван шеhк мосlат. Шоши мир департментан рупатты нэ Галина Вальгамова диктант эlты тамиты ястас: «Ин хоятат рут ясаhlаlан шимаl потарlат, щишан муh там диктант ханшlув. Вантlэв, муй щиран хоятlув рут ясаhlаlан потар ханшты верытlат. Щимащ диктант кашаh таl ханшты мосаl, энамты няврэмlув рут ясhеl пеlа тыш ат тайlант. Ин няврэмат ашкуlайн ясhеl утаlтыты верытlэl, ар нэпек ханшман уllа. Щи вер эlты нумасты, потарты общественный организацияйт уllат. Энамты хоятат яха актащты верытlат па ясhеl утаlтыты». Кашаh, диктант ханшты ёхтам хоят нэпекан мийlыса, щи нэпе-
Ольга Нензелова верам хорhан
Кира Браташ Канащ куртан арыяс
питты хоятат яха акатlаllаl. Рут ясаh иса шавиты мосаl, няврэмlув, хиlыlув ищи ат уятlэl, муй щиран опращlув потарсат. Рут ясhан уятlаты ки, шеhк мосаl потарты, туп ясаh уятты хоят, энамты няврэмат рут ясhеlа утаlтыты верытаl. Мир ясhат хатl постыты ураhан, хоятат яха актащиlат, семинарт, рут ясаh нэпекаh вантапсаят, lуhтар lуhатты етнат, литература фестивалят верыlыlаят. Ищиты, рут ясhа няврэмат утаlтыты хоятат кутан касапсаят верыlыlаят, хой таl хуват мет яма няврэмат утаlтас. Няврэмат кутан хой яма lув ясhаl уятаl ищи касыlыlат. Муh округеван ищи ар рут хоятат уllат. Щишан, рут ясаhlув нумты ураhан, шеhк ар верlа.
каlан атэl номераl ханшман уса. Щаlта щи номераl потар ханшты бланкаlа ханшсаllы. Па хоятат ант ат шияlасэl, хой муй щиран ханшас. Оргкомитет пеlа рупатты хоятатан рупатаят lэрапсаят па Овс мув хоятат портал хоща ханшсаят. Хоlна рут ясhат хатl постыты ураhан, Канащ куртан няврэмат па куртаh хоятат актащисат. Вера Егоровна Назарова па Клавдия Александровна Слепа потар тустан. Lын няврэмат пиlан рут ясhат эlты потарсатан, нумаlмисат муй хорпи рут мир хоятат Овс муван уllат, хой шоши мир хоятат, хой па муват эlты ёхтам рутат. Канащ куртан утаlтыты няврэмат lуhтарт lуhатсат. Пулhават эlты каш верты мохет ёхтыlысат. Няврэмат арыты группа «Сорни тутые» умща арэмисат. Татар мир ёх ясаhан арыты фольклорный группа «Дуслык» сыяh тураh нэhат арысат. Ханты як туса якты ху Владислав Озелов ищи ёхтыlыяс, арэмияс, якlаlан ёхтам хоятат аматсаllы. Щи кашт верман, мохты ныlа, хоты шоши мир хоятlув па энамты няврэмат рут ясhеl эlты нумасlат, муй Овс мирэв эlты уятlат.
Диктант ханшам саранат
Рут ясhеl уятты хантэт
Валентина РОХТЫМОВА ханшам потар
3
№8 (790) Lапат хутмет (суббота), Курк тыlащ 27-мет хатl 2016-мет таl
Щущие
№2(59)
Саман тайты мувем Ольга Нензелова мет оlаh пуш ханшам потар. Lув Хон Петра воошан няврэмат утаlтаты утаlтыйс. Айвоош ёхан эlты уl. Ханты мираl уlапса, ханты мираl ясаh яма уйтlаllы. Верат яма ки манты питlат, таlта еllы кашаh порайн ханшты потрат питаl па ханты мир газетайн рупитты.
Там потрыеман энмам мувем эlты каматса ясаh ханшlам. Ун аhкаhкем шуhат Мария Семеновна Нензелова Ёханкуртан ус. Ин щита яh хотан хоlна хоятат
уllат. Ай уlмем порайн хоятаl ар, хуl веllат, вой веllат, щиты щи усат. Ма, Ольга Павловна Нензелова Санкт-Петербург вошан сэма питсам. Ай порайн аhкемн Ямал хоща тусаем. Тата щи энамсам па утаlтысам. Ёханкуртан энамсам, хота lапка антом, нэмаlты ётты хот антом. Ашкоlайна утаlтыты няврэмат утаlтыты манlат, ма айие щиты щи аhкаhкем хоща усам. Муя па lытlаем Ёханкурт эlты потарты? Ма самаhа номсэм аhкаhкема тайlам. Lув аhки хорпи ус па манэм ашкоlая ант lытас эсаlты. Шеhк lув
Ёханкурт
манэм самаhа тайсаllы. Ма ашкоlая нияl таl lоватан туп матсам. Кашh каникулайн аhкаhкем хоща яhхсам. Щита ма яма щутщаlысам. Ёханкурт эlты кев мув ныlа, кашh порайн, хун ёхтыlысам, вантсам кев мув пеlа па нумассам; муй хорпи хорам муван уllам. Энмам куртэм шеhк хорам мув. Таlан иса ай хотыет lонщна хот lоhlат лап питlаят па кур турат ешае ныlаят, хоlща пунаh lонщ хорпи пусаh этаl. Ай порайн тухаl ишн ма марэмаlаям, хун ун яйlам ашкоlая манlат. Ин па, хун энамем юпийн Ёханкуртэма ехтыlыlам, нэмаlты марэм антом, тата шитам. Тухаl ишн, ун вош сый вераl па нумасты ант маl. Куртан ма яма уlапса эlты нумасlам, нэмаlты хоят ант торастаl. Товийн мув хорас lыlhа йиl, лыптат нох верlыlат, щищкет арыlат, ма па lув пиllаlан арыlыlам. Тови шеhк ям пора. Lуhан мин аhкаhкем пиlн Ёханов курта касllаман. Щита ищи ям курт, lуhан кашh порана тэlыя хоят ус. Тэlыя няврэм – манэм каш. Сусн мин аhкаhкем пиlн па Ёханкурта иlман. Ёханэв сораl, кутапн хиш пухар этаl. Утн тэllыя рых, тухаl
М.С. Нензелова ишн аhкаhкем манэм рых вощты хува ант эсаllаllы. Ма манlам па хот пуhаlн вощlам. Сусн хоlна торн паlа энамаl. Ханемаlан – ант уйтlайн. Там куртэм шеhк самаhа тайlэм. Ёханкурта ин сус порайн ёхтыlыlам. Щита ма мув хорас хор верlам па нэпек шитамн ханшlам. Ун вошан утаlтыты етшасам, оша паятсэм; муй арат там мувн тыеl-тохеl яhха – иси па самаhа тайты питlэн энмам мувен. Ольга НЕНЗЕЛОВА ханшам потар па верам хорат
○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○
Няшийн хуl веlаты Няврэмиет, ма сютсяты хатаlан, ай сорт няшиты яhхсам. Турам си хорпи ям хатlые мийlыяс; каш ус омастыя хуl няшиман. Ин уlтэв порайн рыпакат план-лимит сиран хоlапатан, рюжаятан, пуунатан хуl веllат. Ястатам арат мосятlат па си мета. Ешауl йиhк хаlты питаl, тухаl тахайн хаlас. Каматса хатаl ар сыр хуl артан веlты рахаl. Сяlта йиhкаl яlпематаl юпийн хуlаl па лакки манаl, маlhатан омпсаl. Сита си lувеl няшиты рахаl. Нын асиlан пиlан иси верытlаты
хуl няшиты яhхтыя. Сит шеhк ям вер. Турма ун урон ант верlаты, нынан па ун онтас ёхатаl. Веlам хуlан ёlан каварlаllан. Аhкан нынан ястаl: «Похие, муй па эвие, нын минэман lапатты lовата си истан, еllы ситы си уlатан. Рутlана нётаты, ун хоятlан шавиман таяты». Муй арат ой, муй арат амат. Хоят lувеl lапаттаl тумпина ван хоятаlа нётты номасан ки уl сит шеhк ям. КЕРАН Митры ханшам потар шупие АЙХОП Павель верам хорат
•Хорат потарlат
4
№8 (790) Lапат хутмет (суббота), Курк тыlащ 27-мет хатl 2016-мет таl
Хуlом яй па меhк ики Имоlтыйн Ай Ас пелакн хуlом яй уllат. Оlаh lонщ питом юпийн lый унта lаhки веlтыя манты сонтомасат. Щиканща оlаh хатаlн веlпас пормасат, lуматты сохат муй lэтотат ай lаhкар ухlа хушсат. Кимет хатl аlаh хущаlн ёх нох киlсат, lохlаl сора ваттасат, сувlаl вусат па так куромн унт пелка щи нёхlасат. Хув муй ван кут lый щиты мантсат: шеhк метсат. Кутан щутщатыя иl lоиlыlат па еllы шушlат. Етна пелка туп веlпасlаты тахайlаlа ёхатlат. Щи кеман lохlаl муйlаl нох паркатlат, lэщатlат. Ай паварт хот lыпия lоhемаlат, пут верты, lэты-йинщты па ямпсыева щутщатыя вутщиlат. Ун яйl щёхал пуhlа омасl па тут аlты валщамат пасты щёхарн айlта нёхарl. Апщеhаlаl па щи сысан патан тувом lэтотат нох таllаhан па арсыр нормата понlаhан. Ваlщам па тутъюх lэщатом юпийн ун пеlа яйl щепlаlн щукащ маlасl, туткев ант уитl па туп щиты еl уваlтаl: – Кай! Тутэм нэш ёlан хаймем! Ёх, мосаh, нын туткев тайlаты, вантаты-са? Щи ясаhlаl юпийн апщеhаlаl ям хув кут щепат муйт вантсат па ищиты туткев ант па уитсаhан. Щитэlн веlпас ёх патлам кутан моlты щирн нярхуl lэlат, lый кутэlн потрэмиlат па потом ай паварт хот lыпийн иl оlты lэщатыlат. Аlаhсахат нох верlаlат па ищи потом хуl, машьяйн омасман, lэlат. Щаlта ай апщеl яйhаlаl пеlа щиты ястаl: – Муh веlпасlаты хотэв шаншпелакн ун еhта тув туняl таlн вантсом. Щи еhта тувен тумпелакн наhк юх эlты омпсом ун паварт хотан утща щирн пирщамом меhк ики уl. Наh, яйе, яhхиlыя-сары щи икен хоща па lув эlтайl туткев вохиlыя! Яста ин икена, хоты муh lаhки веlтыя ёхатсув па тутэв ёlан ёрэмасув. Lув, аlпа, муhева туткев матыя верытl. Я-а-а, мана, мана, акев ики хоща! Я щи, хоты вертыя, ун пеlа яйl щи манас. Хув муй ван кут lув меhк икеl хот каншсаlы па еша уllы щи уйтсаlы. Тохи ёхатмаlан, ун наhкъюх сохlат эlты вером хот ов, муйкем юр тайl, пелки вурайн пуншмаllы, хот lыпия lоhаl па ин икеl пеlа щиты ястаlыйl: – Вуща уlа, акем ики, ма тата апщеhаlам пиlн lаhки веlтыя ёхатсом, па туткевев ёlан ёрэмасув! Наh, lуlан, щи lоват ям версан: туткев муhева масан-ки. Кавартом lэтот па хошом хот такlы муh, муй щирн веlпасlаlув? Пирщамом меhк ики норы хуват оllыйl, новия вотом охаl туп-туп нох аlмиlыйl па ёхlы пеlа, такан эhаlман, щиты щи потартыйl: – Я, хиlые, туткев щит хоlта манl, туткев щит уl! Наh манэма моlты потаршуп потартсан ки, монщ монщсан ки. Туткев хоты хоlта манl! Ин икилэhкие ов пуhаlн щукащ lоиlыйl па щиты нумасыйl: – Па ма хоlща щи потаршуп, щи монщ lувеlа вуlом? Хув муй ван кут lув щиты машьяйн lойс. Щитаlн меhк ики хот эlты ким этас па ёхlы пеlа шушмас.
Газета
«LУХ АВТ» Адрес редакции: 629008, ЯНАО, г.Салехард, ул. Подшибякина, 17 (34922) 4-68-03, 4-68-63 Е- mail: luhavt@yandex. ru
«Меhк ики мойlапса» lуhтап эlты вуйм хор
(Ханты мир монщ)
Щиканща ёхи ёхаттаl кеман апщеhаlаlа щиты ястаl: – Акем ики моlты потаршуп муй монщ инщасаl. Ма па холща щимащ отат lувеlа вуlом? Щитат такlы lув ант кашащаl муhева туткев матыя. Щаlта веlпасlаты ёх кутоп яйl китlат па lувеlа щиты щи потарlат: – Я, ин наh яhхиlыя-сары, мосаh, акев икийн наh туткеван маlайн? Хув муй ван кут кутоп яйl яhхас па еша уllы ёхтас па щиты ястаl: – Акем ики моlты потаршуп муй монщ каншаl. Щи отат ма холща вуllам! Щитат такlы lув туткев муhева ищипа ант маl. Щитэlн ун пеlа яйhан апщеl меhк икен хоща туткев ураhан китlаhан: – Я, ин наh, апщие, унт икен хоща яhхиlыя-сары! Мосаh, моlты ощхуль потаршуп муй монщ lувеlа уйтlан па тут муhева мощатlан? Апщеl хув муй ван кут манас па меhк икеl хот ова ёхтас. Нэман такан хоплэмоман, ёхи lоhемас па щиты ин икен пеlа ястаlыйl: – Вуща уlа, акем ики, аlпа, пиращ lовlан кашет, щи хуват хув кут и лотан оlман? – Щиты, щиты, хиlые! Пиращ lовlам аl хун кашет, ванта, катра тэlн lый моlты войн иса порlайт. – Акем ики, ма яйhаlам пиlн веlпасlатыя ёхатсом па ёlан туткев ёрэмасув. Наh щи lоват ям вера: туткевшуп муhева мия! – Я, хиlые, туткев щит хоlта манl, туткев щит уl! Наh манэма моlты потаршуп потартсан ки, монщ монщсан ки. Туткев хоты хоlта манl! – Акем ики, потаршуп хоты уl, монщ хоты хоlта манl! Наh тый хуlанта-сары: я-а-а, копар щёнах умпием аlэмаlом, кал лот пуhаlн lойlом! Умпием тэlыева пирматан, сэрэтан па пеlhаятан lатlа. Ма пирмат нох акатlаlам па и хира понlаlам. Щиты таlаh ун пирмаh хиршики акмас па хир
Учредитель Департамент внутренней политики Ямало-Ненецкого автономного округа (ЯНАО, г.Салехард, пр-кт Молодёжи, д. 9) Газета зарегистрирована Управлением федеральной службы по надзору в сфере связи, информационных технологий и массовых коммуникаций по Тюменской области, ХМАО-Югре и ЯНАО 19 апреля 2012 года Регистрационный ПИ № ТУ72-00558
Тираж 700 Заказ 0093 Подписные индексы: на год - 29925, на полугодие - 84611
Газета вышла в свет 27 февраля 2016г. Подписано в печать 25 февраля 2016г. по графику: 16.00 фактически: 12.00 Газета выходит по субботам Цена годовой подписки 96 руб., в розницу не распространяется
овем такан кеlан лап ярэмасэм. Кимет хирэма сэры пуктат оваl вуш унты акатlом. Хуlмет хирэм пеlhаятн тэкноптаlэм. Я-а-а, муй ин ма щи арат пирмаh, сэрэh па пеlhаяh тащат пиlн вертыя питlом? Щиты ай ампаh ухlые вуlом, оlаhан пирмат, щаlта сэрэт па пеlhаят нох кирlаlам. Ухlэма такан омасlом, киром хоптыlам воштаlом па тыеl-тохеlт мув хуватан ма актом тащемн туп аl тутлиlайм. Яhхтэм-мантэм кутатн арсыр муват-йиhкат вантыlысом, сыр-сыр хоятат уйтантысом, камын щир айкеl актыlысом па ин наhена, акем ики, щи потрэмиllам-ястаlыllам. Еша уllы пирмаh-сэрэh-пеlhаяh хоптыlам меттыя питсат, па ма ёхlы пеlа, иса тэрмаlоман, щи йисом. Ёlан пирмат, сэрэт па пеlhаят эсаlсаlам: lый, нох аматман, иса лакки пурlасат. Ай ампаh ухlыем паварт хот щуhема lощиlтасэм, копар щёнах умпием lопаса ханятсэм. Ма па щи кеман наh хощаен мантсом па там айкеllам тусом. Ин меhк ики хоlна оlтыя ант верытl, нох киlопl па, хонаl ёшhаlаlн катаlман, ун няхан няхаlай няхан няхаl. Унт ики нях эlты наhкъюх хот куl павартат туп аl тарыlат: нохlы мены-lыlат-иllы меныlыlат. Хув муй ван кут lув такан няхас. Няхты воlыйм кутан ин ики щи потартыйl: – Муй хорпи ощхуль потрые наh, хиlые, манэм тусан! Тамащ хорасаh айкеlат ма хуван ант па хуlантысом. Щитаlн меhк ики моlтас туткев кан-шас па хиlэlа lувеl щи масlы. Тумеl туткевшуп молщаh поса хоиlсаlы па ин икеlа щиты ястаlыйl: – Наh, lуlан, акем ики, ма пиlэман шовар веlтыя яhхlан? Аlаhсахат, наh хощаен ювмеман, еhта тув оlаhан ямкем ар шовраh тащ вантсом. Ияха манlоманки, ванта, аршак вой веllоман. Ин ики оlаhан каш иса ант тайс па юхат щи сонтомас ханты ху пиlн шовар веlпасlатыя. Хув муй ван кут lын китомтак шушсаhан па еша уllы еhта тув оlhа щи ёхатсаhан па вантаlыlhан: ин еhта тув оlаh иса кармас юх вурат унты, волик йеhк иты, шовар каlматн лап пуртыlыйм. Сэман вантман, нови воят тыеl-тохеl аl наврыlыlат. Моlтыкем арат шовар lын ияха щи веllаhан па и тахая ёваllаhан. Еша уllы вой веlты сысан ханты ху меhк икен пеlа такан уваlтас: – Я-а-а, наh, акем ики, иl нюром юх иlпия lоhемия-сары, щата иса тэlыева нови вой акмас! Ин унт ики туп иl нюромтаl па аhнаlн тайты ющаlн мохты пеllа па щата щи lув щих раканl. Меhк икеl паром юпийн ханты ху шовар веlпасl мохты вощкаllы па сора-сора ёхlы шушмаl. Щиканща ёхи ёхатl па яйhаlаl пиlн меhк икен уlом хота манlат. Ин унт ики lопасат пелки пуншlат па оlаh ай lаhкар ухlа тынаh нови муй вурты вой сохат акатlат па иl хушlат, кимет ухlа арсыр веlпас пормасат туlат, хуlмет ухlэl унт вой нёхийн па ханты хуlан таlаhтэlн понlат. Щи арат тащ пиlн хуlом яй ёхlы Ай Ас пелак куртэlа так куромн шушмасат. Тамащ вер тыём юпийн нэмоlты туткев муй lаhки веlпас щи ёхlава ант па мосас. Хуlом яй ин тамхатl унты Ай Ас пуhаl куртэlн щуняhа-хоlаhа уllат па меhк икеl туп ясаhан нумаlмиlат. Владимир ЕНОВ lэщатам монщ
Издатель Департамент внутренней политики ЯНАО (629008, Тюменская область, ЯНАО, г.Салехард, пр-кт Молодёжи, д. 9) Отпечатано в типографии ГУ «Северное издательство» (629008, г.Салехард ул. Ямальская, 14)
Главный редактор Г.П. Кельчин