ЙИСАТ УLА, АРТНАТ УLА, ХАНТЫ МИРЭВ НУПТАH ЯСАH! Яlаптаl тыlащ хутмет хатl 2001-мет таl вуш эваlт этты питас
Российская Федерация Ямало-Ненецкий автономный округ Газета №2 (732) Lапат хутмет (суббота), Яlап таl тыlащ (январь) 10-мет хатl 2015-мет таl
Яlап газопромысел пуншантас Бованенка мет оlаhмет мувшув уты промысел, хасям таllун Ванхатlап тыlась хольмаh пеlа кимет хата-
lан пушса. Си веран Алексей Миллер, «Газпром» мет ун куся, па Дмитрий Кобылкин, муh округев мет ун
куся, ястантап нэпек (договор) ёшпосан шумаlсаllан. Бованенка мувшув па мув йиhк уты лот,
Леонид Трофимчук верам хор
Бованенка мувшув па мув йиhк уlты лотан яlп, мет оlаh месторождений нох пуншса. Lув муй мосаl, арктика тураман яма рупитты кеша, иса тайl. Бованенка оlаhмет мувшув нох шэпты лот эlты кашаh таllуh сыс питlа хольмаh миллиард купаметра арат мувшув утыя. Мувшув уты лот тумпина промысел пеlа хоlна lуhтасlат компрессорный станций па хутьяh подобъект, тохи lоhlат каман сир шлейфат, мувшув порытты акlат хося манты юшат, скважинайт хося новитут овты карты кеl юшат. Месторождений хося «Газпром добыча Надым» предприятий пеlа lуhтасты хоятат рупитlат.
мув иlпи тасяl артаlаты сиран, Россия хон мув lоватан, мет уна па тасяhа lуhтасаl. Lув Карский сяарс путар эlты няльяh километра хуватан уl, хуlам ёхан оваl кутан: Сё-Яха, МордыЯха па Надуй-Яха. Постаман уl, си мувшув уlты таха эlты, кашаh таllуh сот няльяh миллиард купаметра арат мувшув нох шэпиlыты. Мувшуваl сита, хась вет триллион купаметра арат уlтаl. Бованенка мувшув тайты мув, мувшув тасяl артаlаты сиран, Россия мув lоватан хуlмет лота питтаl, воllы мув lоватан ки уйман, ветмет тахая lойl. КЕРАН Митры lэщатам айкеl
Турон мувшув нох шэпты питса «Роснефть» хося рупитты хоятат Харампур мувшув уlты лотан, lавартат нох уты Турон мувшув эксперимент сиран, нох таlты питсат. Мет оlаh нох уйм мувшув, там ёхтам яlап таlан, Харампур дожимной компрессорный станция, турат хуват китты питса. Там мувшув нох таlты ураhан, хув сыс lэсятыса. Таlаh вет научно-исследовательский па проектный институт ёх рупитсат. Мувшуваl, мув иlпи эlты яна си шеhк lаварт уlмаl нох вутыя. Оlаhан хуlам хуlам сыр скважина порытыйм, ар сыр сиран артаlам хоты са туlшак мувшув мув иlпи эlты нох шэптыя. Там порайн, скважина эксперимент сиран мувшув нох таlман рупитаl. Яlпа питам таllуh мар, сита ру-
питты ёх, вантты питlат па артаlаlэl муй сиран кеншакат шеhк мосты мувшув нох таlтыя. Си юпийн туhа сира парlат па тахаятан иситы Турон мувшув акаттыя. Харампур мувшув уlты лотан хольмаh процент купаметра арат мувшув уlтаl, Ямал мув lоват шув яха ки понман. «НК-Пурнефтегаз» хося рупитты хоятат геологоразведка рупатайт, нефть па газ
○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○
○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○
уlты лотат хося рупитlат. Аратаlан, хольмаh тахайн Харампур ёх мув иlпи тась нох акатман вератlат. Там хасьм кут, вератты ёх катсот няльяh сёрсаhсёрас (миллион) тонн арат мувъйhк па конденсат акатмеl, Си тумпина хоlна нийlъяh па вет миллиард купаметра арат мувшув уймеl. КЕРАН Митры lэсятам айкеl Lеонид Трофимчук верам хор
Муравленко вошан ханты музей верlа Ванхатlап тыlащ хоlаты унты Муравленко вошан этнографический комплекс под открытым небом верlа. Щита вуlы хот, паварт хот па lопас lэщатlа. Щита вош мохет па мояh хоятат шоши мир ёх щират, пищат па уlапса вантты, шай инщты верытlат. Яlап таl емаh хатlатан вуlэh ухаlан яhхты рахаl. Щи вер эlты правление общественной организацией по содействию коренным малочисленным народам Севера «Белая г о р а » председатель Геннадий Каткилев ястас. Щита декоративно-прикладной искусство выставка
верыlыса. Вуlы хот lыпеl ханты хоятат уlты щира lэщатса. Ханты паварт хот верса. Геннадий Каткилев яlап таlа йиты юпиян щи музей еllы яма lэщатты вераl уl. Lув ястатаl щиран, – хоятат ин ёхтыlыlат музей вантты. Арпелак хоятат ханты уlапса щират па пищат ант уятlат. Ант уятlат, муй хорпи ар сырhан ханты па рущ паварт хотhан. Валентина РОХТЫМОВА толмащам айкеl, «LА» архив эlты понам хор
2
№2(732) Lапат хутмет (суббота), Яlап таl тыlащ 10-мет хатl 2015-мет таl
Катра хоты lэтот шавиlыса Там йисан камн хорпи lэтот шавиты пормас уl, холодильникат па па мутрайт. Катра пораятан хоятат лэтот ищи сопасlысат, моlты щиран шавиlысат. Мойh хоят ёхатаl, пасан тэlаh, моlты иса уl. Луhан lэщатам lэтот таlн lэlа, таlн сопасlам lэтот lуhан пасана поныlыlа. Муй щиран катра порайн lэтот шавиlыса, щит эlты мин Федосья Ивановна Дьячкова пиlан потартсаман. – Федосья Ивановна, наh аlт нумlэн, хоты ун хоятlув lэтот шавиlысат? – Катрашак вуlэт анта там пора хорпет, вояhат усат. Шанш войlаl, ин пурщ вой щи тыныlа, щи куlат шанш войlаl, вет сантиметра куlат. Щимащ вояhат вуlэт усат. Щимащ вой аhкеман нык кавартlа, пула эватlыlа, щаlта lанты пута понlыlы, пуlка lат кута. Муh lат вуты питlув па муй вой пулlаl антев ты понмаl? Lув ястаl: «Эвие, щит вой щёрэма ант ат йиl. Щаха lэты ям ат ус». Таlан вуlы шанш вой щиты lанта понаl. Щаlта паlам потам вой ищи lанта поныlыйс. Щиты юхат lуhан вуlы шанш вой lэlув, потам вой lэlув. Потам вой lэты порайн lоlтlа, нянен тохи хойlтыlэн, шеhк эпlаh. Щит таlан щи lэщатlа вуlы вой. Lуhан па питам васы тэlыя ус. Васы шеhк ар ус, вояh васэт. Щаlта унащев ики куртаh хоятlаl пиlан яhхаl, васы туl. Юх хотан васэт муh щи сухатlыllув. Васы эlты шумах ищи верlа, нёхи шумах. Еша нох сораl,
Щаlта таl кеша сораlтам шумах хайlа, хуl шумах. Еша шарытlа, таl кеша таlаhа хайlа. Вой утща, шумах утща. Сусан вуlы хотан яhхты хоятlув ёхатlат па lув щи умащlыlат lуhан lэщатам lэтот. Яйев вуlы хотан щи яhхаl. Куртан уlты хоятlув па щи войlаl вуlы нёхи, сох сахат пелатlыlаl. Хой, ванты, тащан яhхты хоят ант тайl. Сохан туlайт, кепаlан туlайт. Щи порайн куртаh хоятlув антом рущ сохан усат, lуматlыты мосаl. Щиты яма усув, ям lэтот lэвман, хоты ин ястаlа, «экологически чистые продукты». Щит ураhан хоlна ин lыпиlув ямшакат айшак
Вурты рых
хоятlув эlты, тумтакат. Ин няврэмат камн ант мосты отан lапатlайт. – Щи пора рущ lэтот эlты наh моlты ям от нумlан? – Щи порайн па манэм маргарин щикем эпlаh ус, веlщишак, таhха, этас. Муh, ванты, унащеван lапка эlты муйн lутыlасаюв: нянь, калащ, саккар, мис вой тухаl ишан, вой муh тайlув. Щаlта ипуш унащев маргарин каматса поталы lутмаl. Ма щи нумасlам: там вой щикем эпlаh, уна йиlам па ямас маргарин lэlам. Ин маргарин lэты порая щи ёхатсув, щит муй вой? Щит щи яма нумlэм. Щаlта школайн утаlтытэван антеван ёlта
Нёхи сораllа
тыныса, аl морэмиlа. Щимащ сладкий шайт усат, эпlаhат. Ин добавкайh шайт щи уllат, ягода муй тайlат, щимащ шайт па усат. Хун щимащ шай lутыlыса, муh щиты lухаllэв, няврэмат, шоколад иты lухаllэв. Юхат, интернатан уlтэван, ох ки тайlув, щимащ шай lутты яhхамтыlув, шоколад иты lэlэв. – Лыпат шай па инщсаты, актыlысты? – Камн хорпи лыпат шай актыlыса. Урты рых лыпат, щищки рых лыпат, питы шупши лыптат, мята, душица, иван-чай лыптат па. Антем щи лыптат уйтас, lэщатыйс. Сораllайт па щашкан хирыетан шавиlайт. Щи порайн lэтот иса щашкан хиратан. Щаlта уш ищи, чага. Ёхи тутыйн уш lэпат, мохты нёхарlа, ваща нёхарlа, сораl па lув шукаlаl, щаlта лыпат пиlан lыlатlа. – Вонщамот па хоты ша-
Мурах
Хуl шумах
ая эватlыlа, щаlта нык паllа. Lув войl пиlан паllа. Lовlаl еl ант вощкиlайт, lовlаl ищи нох сораllайт. Lанта каварlайт, таlн кавартты хайlайт. Васы шумах ищи пута понlа, lув ант потlа. Вуlы вой потlа, хуl вой ищи ант потlа.
lэтотан туlаюв. Иса lэщатман, туп lавема. Потом нёхийн, шанш вой пулат тохи понтаl. Муh па вой lэты ант lаhхаlаюв, шанш вой пулlув форточка эlты ким вощкаllув ампа. Ин щимащ войн туlаюв ки, аl умащlыlэв. Щаlта плитка шай
виса? Там порайн варенье кавартла, хой па холодильникан поталтал… – Анта, вонщамот ант кавартыса. Саккар шай инщты лутылыла. Ма нумтэман, ай пущкайет, юх пущкайт тайсув. Щимащ пущкайн мурах па шависа. Щаlта ун кеванат усат, амуй вой пиlан lутыlысайт, тураl ващшак, шай ан lоват. Аl тайс, тынаhкев аl. Щи кевана мурах понlа. Саккар хун щи порайн ус. Мурах щи понlа, таl хуват омасаl, нэмоlты хоты ант йиl, аса ям. Пущка lыпийн па щимащ сохан катlапlа, потты унты щиты омасаl. Хун ищкия йиl, щи сох нох аlэмаlэн, мурхен воllы ям, lэва па lэва. Щи
порайн мурах ар. Ун неводник хопа ар хоят lэllув па ун пухрата яhхlув. Мурах вощlув, сэвапса, тохтаh рых. Щищки рых вощты утща яhхиlыlув. Щаlта вонщамот lапкая па маlа, мосаh план па ус, ант нумlэм. Щаlта вуlы хотан Кеван уlтэван, дикий лук актыlыlув. Щи лук аhкем ая эватлаллы па соlыllы, ищи талан лавантысув. – Хул па солытла? – Хуl щи порайн ищи
Lопас
соlыlа. Тамиты таlаhа колодка иты анта, иса ванщам хуl. Хуl суllаl эlты вой верlа. Суl еша омасаl, войl нох этаl, щи вой нох акатlа. Хуl эlты вой вертыйн, шумах эlты хащты lоват ищи сораllайт, ищи lант верты рахаl. Ампат lапатты рахаl. Нэмоlты еl ант ёваllа. Ханты хоятат катра щиты усат. Вуlы ун lов пулlаl ищи нох сорыlтысайт, веlам lов оlаhlаl, щаlта нампрыя сэhкlайт, амп lапатты кавартlайт. Ин па иса еl ёваllа. Щи порайн хоятат щаhрая усат. Клавдия МАКАРОВА ханшам потар па «LА» архив хорат
Юх хот
3
№2(732) Lапат хутмет (суббота), Яlап таl тыlащ 10-мет хатl 2015-мет таl
Посlаh нэ Антонина Егоровна Сязи (Серасхова) ин там порайн Пулhаватан уl. Lув туса вератты ими, ям потар уйтты хоят. Там сус Катравож куртаl эlты lув потраl газетая поныlысув. Тата па хуван ханшиlыйм lуhтараl нынан lуhатты lэщатсэв. Щаlта па и катра вер эlты потар газетая па понтсэв. Хоты lув ястас: «Щит матты хуван уlам пора. Манэм омем ай уlмемна потартыяс, lувеl ащеl потартымаl, ащеlа па ун мохиlаl». Хорат Антонина Егоровна ищи lув ханшсаllы.
Иlа вурты най Иlа вурты най, Этар восты турам. Нуяh эвтам вай, Тусан верам сурам. Хатl ими ёхи манас, Велащ этам Тыlащ партас: «Турам хуват хусат lуhта, Щи юпина парта мана». Ур томпина хуньl lаhас, Турам хоща каlэl хищас. Щёмlы Тыlащ нохащ хуhхас, Хусат пиlна и юр верас. Тыlащ похнам лотах lонщ Ермак иты хутлияl. Ур lыпина ныты тащ Lаlпи иты волияl. Киярт катlам путы ур Щахарры нюр ювмаl, Ас путарна уlты ур, Ур хот щита хоlмаl. Ур хотна па кур аlам, Тут суlтамlаl нохащ рыйlат. Хот lыпина пасан омтам, Исукlыи нёха lыlат. Хот еhатман хоптэт сусlат, Хата рахаl щахар верlат. Ухlат кутна имет яhхlат, Ёхи lытат касlат. Аlаhсахат хоlна патлам Ур хот иl па пайтам. Lойтантысат, ухlат кирсат, Ас томпина мантсат. Онас манам няра юсэl Сохам иты нярасмаl. Тащеl востам вутаh юсэl Куl иты таlасмаl. Ас томпина онас питас, Хатl ими нох щи киlас, Милаl понас, посlаl сумтас, Ищки хатl верас. Онасна манты ёхат, Онасна манты ныhат Ищки хоща вер ант тайсат, Хосам эlсох тайсат.
И тащ хот Кев вунсас. Хотlаl нох версаllаl. Имет, хоlмеl юпина, хой йиhк эlты, хой варас акатты манас. И ими тольпа путар пеlа манас, варас акатты. Ай нави варас кутна сорам варас нуват акатаl, охаl нох нёхтаllы, саhк йиhк нясэматы па щи карlаl. Lув хощhаlна хуlам ики lойlат, нюр па хорпи эlсохан па ханты ясаhна потарlат. Хоты па тахайна ёхтас, ант ущl. Нох верlамаlна, па хорпи ур хотна уl, ёсlаl, курlаl лыпащат, нёхlаты ант веритаl. Хот кимпина итта икет еlансак lойlат па кутlаlна па ясаhна потарlат. Пелак уlты ув эваlт ныlаят каlаhат, хойтыlаl lыlат, lойlат. Щи икет и ныh каlаh ненсаты мощатсат. Каlаhеl ант нёхаl, ант навраl, роман lояl. Лап еhитсэl, эпаl вуты питсат, вурт. Щи икет вуhаllаl ант пунсыlыllаl, сытаман ищимет lойlат, туп потар сыйlаl ямас щащlат. Каlаhеl иl ракнас. Lуват нёха lыты ант питсат, хоlна ёсlаlан кесы ант катlысат, туп каlаhеl веlам каlаh иты нох карlамаl. Вурт вуймеl юпина, рэп иlпина каlаhеl таlсэl па щита хийсэl. Ими ув эваlт ханятыман ванl. Щи икет потартэlна уhаllаl ант нёхlат, уhаlна нэмаса ант lыlат, эlсохlаl па хорпет, ищимет эllаl хоща тохи ханман уllат. Иттам ими аяlта нох lояl, хот lыпина кесы хорпи пормас сыяlас, нох вусlы па аяlтайи ким этас. Том икет, аl ысна яlан, ими хощаhна уlлиlысат, итта па йеlсак манмеl па потарман lойlат. «Мосаh каlаh па пурыlат», – нумасl ими. Ими ким нёхамтас, рэп иlпи пеlа иl мукармаман. Сып иlпина каlаhат нюмарты, ант хорман, хата рахаl хуйlат. Ими щикем lыты lытlа, каlаh сох нох еса хорсаllы, веlащ веlам ненсаты эваlт, нёха рак эватмаl, ёхи порэмаllы па ким ляксаllы, щи нёха пощ эпаlна аваl. Кимет нёха рак, па каlаh
Иlа вурты най
Молдэнко
эваlт эватмас, щит ищи пощ эпаlна аваl. Имосайна хуlсаllы, lув тапаlса, паlаl хоща икет сый ёхтас. Итта ныh, каlаh хон пелак эватlаllы, щушаl ким таllаllы, хансаh хир ким пощармаllы, вурна понlаllы. Щиты сора, тэрмаlаман. Иттам икет охlаl этсат па ищикурамна ванна ёхатты питсат. Ими хансаh хир тураl хоща лопкаllы, кесына хансаh хир щурэмаllы, вур ким няlпемаl па lув иl ракнаl, хаlам юканны. Том ёх щи lойlат, ванна манты ант питсат. Ныhеl lув ванман тураl эватмас. Еса lойсат па парта мансат. Итта ими ванlаllы, еса сэмlаl пусман, томет еl мансат. Сора
нох lояс па такан нёхамтас щи таха эваlт, ёхащ ивевна аhкармиман. Ёхи ёхатмаlна, мохиlаl воllы метмеl кансанман. Хуlам хатl манмаl, хоты lув хощ тапмаl. Мохиlаl нумасмеl, па lыlhат ант вантlэl, иlампа моса сартна питас. Ёхи ёхатмаl юпина, lув нумасl и хатl туп па тахайна ус, щи эваlт хуlам хатl. Эl сохlаl таlаhты хощ тохмеl, иlащ раниlат, варсат хоща хощ мансымаl. Иттам ими щи нэhхиlаl молдэнкайи альщитаl, томет lувиlаl щиты альщимеl. Ныh алям таха, мохиlаl щиящ яhхlат, туп нэмоса ант ущlат. Ур хот антам, каlаh антам па молдэнкайlаl воlэl антам. Щи.
4
Щищкурэк
Ряба
Рущ мир монщ «Курочка Ряба»
○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○
№2(732) Lапат хутмет (суббота), Яlап таl тыlащ 10-мет хатl 2015-мет таl
•Хорат потарlат
Щущиет
Устан lын кеманна Пуращ ики па Пуращ ими. Тайсатан Ряба нэмпи щищкурэк. Имоlтына ин щищкурэк Ряба сорнеh караh пошах понас. Пуращ икина шукатты питса: щи сэhкса, щи сэhкса – ант шукаlас. Пуращ имина ищи щи сэhкса, щи сэhкса, ант шукаlас. Мув воой этмас, нёхаптаl сахат, пушина вощемасlы. Ин щищкурэк сорни караh пошах пасан эlты иl ракнас па пелки тохнамтас. Пуращ ики хоllаl, Пуращ ими хоllаl. Щищкурэк Ряба lыlан пойкlаllы: – Аl хоllа, Ун ики, аl хоllа, Ун ими! Па ишна ма нынан понтlом антом сорнеh вой пошах – аl караh воой пошах. Ясаhхот: Мув воой – мышь
○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○
Репка Рущ мир монщ «Репка» Ун аки репа нохарсэмие мува энмаlтыя понас. Хув пора манас, муй ван сыс. Ин репа нохарсэмие уна-уна энмас. Нох уты порая ис. Ун Аки репаяl таlты питсаllы. Щи таlаl, щи таlаl, нох таlты ант верытlаllы. Уваlтсаllы имеl. Иимеl lув хощаяl катlапаl, иикеl репая щакаl. Щи таllаlан, щи таllаlан – нох шитты ант верытlаllан. Ун Аhки вохсаllы эви-хиlыеl нёттыя. Хиlыеl Ун Аhки хоща сыйоlаh кератман апаlтмас. Ун Аhки иикеl хоща катlамтас. Ун Аки репа хоща такан щакас. Щи таllэl, щи таllэl, иl мувтам репа нох сухтаты ант вертlэl. Эви-хиlыян ёхи яhхас, Жучка нэмпи ампаl вохсаllы. Жучка эвие ернас пона щакас, эвие – Ун Аhки хоща сыйоlаh кератман апаlтмас, Ун Аhки катlасас Ун Аки хоща, Ун Аки ёхи хащам юраlна щи щакас репаяl хоща. Щи таllат, щи таllат, ёхи хащам юрlаlан, нох сухтаты ант верытсэl. Жучка сора наврамтыйс – вохсаllы хотаh катеl. Кати Жучка пушия куншемас, Жучка эвие пона порэмас, Эви Ун Аhки хоща такан катlасас. Ун Аhкеl икеl хоща юуртан щакас. Ун Аки репаяl хоща ёхи хащам юураlна щи катlасас. Щи таllат, щи таllат, ёхи хащам юрlаlан, ин репа мув иlта па ант нох лакнамтас. Кати ёхи яhхас, вохсаllы ёlн хащам нампар войие. Нампар войие ща-
Газета
«LУХ АВТ» Адрес редакции: 629008, ЯНАО, г.Салехард, ул. Подшибякина, 17 (34922) 4-68-03, 4-68-63 Е- mail: luhavt@yandex. ru
камтас кати пушия, кати па Жучка пушия, Жучка – эвие ернас порэмас, эви-хиlые Ун Аhки хоща такан апаlтмаман щакас. Ун Аhки хащам юураlна Ун Ащи хоща катlасас. Ун Ащи хоllам-питам юураlна репа хоща щакас. Щи таllат, щи таllат оllам-питам юрэlна, ин репа мув эlты нох сохнапаl! Ясаhхот: 1. Щакас, щакамтас, куншемас, шомармас, катlасас – держать, хватать; 2. нох таlты, сухтаты, нох шитты – тянуть; 3. вохсаllы – позваl; 4. уваlтсаllы – крикнуl, позваl; 5. наврамтыйс – сбегаl; 6. пона щакас – за подол ухватился. 7. эви-хиlые – внучка; 8. нампар вой, мув вой, lэhкар – мышь.
Учредитель (соучредитель) Департамент внутренней политики Ямало-Ненецкого автономного округа (ЯНАО, г.Салехард, пр-кт Молодёжи, д. 9) Газета зарегистрирована Управлением федеральной службы по надзору в сфере связи, информационных технологий и массовых коммуникаций по Тюменской области, ХМАО-Югре и ЯНАО 19 апреля 2012 года Регистрационный ПИ № ТУ72-00558
Людмила КЕЛЬЧИНА толмащам монщат
Тираж 700 Заказ 0010 Подписные индексы: на год - 29925, на полугодие - 84611
Газета вышла в свет 10 января 2015г. Подписано в печать 29 декабря 2014г. по графику: 16.00 фактически: 12.00 Газета выходит по субботам Цена годовой подписки 96 руб., в розницу не распространяется
Ксения МАКАРОВА верам хорат
Издатель Департамент внутренней политики ЯНАО (629008, Тюменская область, ЯНАО, г.Салехард, пр-кт Молодёжи, д. 9) Отпечатано в типографии ГУ «Северное издательство» (629008, г.Салехард ул. Ямальская, 14)
Главный редактор Г.П. Кельчин