2005 - 2015г.г.
№ 5 (4706) 2015 поS январь ирыS 31 яля СУББОТА Российская Федерация Ямало - Ненецкий автономный округ
•Си”ив яляхана
Едэй яханалва Надымской районхана едэй яханалва комплексамдо’ aарка пэвдей ирыхана мимба ёльцедонзь. Тикадо’ Ныда хардахана aа. Нерденаd тыдо’ таминдо’ комплексан’ тэврамбидоs. Aопой яляхана сидя юр” тым’ хабарпиd. Теда сидя иры’ серs няхар” ёнар” тым’ яхавыd. Тикадо’ юр” тонн пир aамза. Aани’ похона комплексханандо’ тамна aока тым’ яхаaгу”. Тытоs aамзахат хуркари aавыдота aавар” сертабаaгу”. Тедари’ aамзидо’ Надымской район терри” тэмдабидо’. Aани похона aамзитоs пеля Тюменян’, Омскан’ ханdлаaгудо’. Тарем’ ты aамзан’ харвана” ненэця” мале Владивосток маркад лахана”.
Выставкам’ манэсарaа” •Ненэця илs
Ямальской районхы Новой Порт хардан’ сидяaг” выставкам’ тэвравыць. Порт терD aоб” сиdив яляs тодо’ яхана илена” aэрм’ тер” илам’ манэта”. Aавна aэрмS терaэ учёной” илмаD тохоламба, торамдамба пявандоS мальaгана сертавы” сидяaгадоS. Выставкамдо’ райондо’ музейхана манзарана” ненэця” Яр - Саляхад тэвравэдо’. Школахана тохолкурта” aацекы” таславы яляхана выставкам’ манэць пиртадо’.
Сояdма ялядо’ Пуровской районхы aэрм’ тер” ненэця” «Сеaгакоцям’» нюбета ансамбльндо’ сидя помS ядабтаць. Aавна 1995 похона школа- интернатхана манзарана” ненэця”, хынота” aацекы” aобтs ма”ламадо’. Тикы тальняю’ хуркари” хыноти” конкурсха” aэдалёрмыD. Таняд aобкарт терсиd нивыd тур”. Нерняриs хаdморaа”. Тикы хавна «Сеaгакоця» ансамбль тер” «Ямал- ню”на” я!» ассоциация Пуровской районхы отделений минрена хэбидя яляхана хыноцеты”.
Сензелава Мале танякуна Тазовской хардахана районтоs тиaгы хардахат турта” ненэй ненэциетоs едs сензелава харадм’ сертаць. Таняна серодо’ таславандаD, хэсь ядо’ яaгода сеaга пирdaадонзь. ЕсямS ниd салдамбасетуD. Хахаяда яляs сензелава хардандо’ миртя aадимы. Нюрте aоб” пи няхар” юр” еся aэвы. Теда тикамдоs тамна юр” еся пирувна тянюмдевэдо’. Саць aока нибта aод” aаd, Тазовской хардахана серодо’ тасламбда ненэцяaгана сидя юр” есяр нитоs ниs хаdморпатоs aока. Таняна манзарана” ненэця” маdним’, лимбяs ирыs нюртей яляхана сензелава харадd нямна закон яaгамаcь. Aадьбята районханандо’ ты” пэртяхаdна, халядана ненэцяaгаdна сензелава хардандо’ миртя aадимы. М.Ярs падвыd
Нисянда сехэрымs нёда Пудана похоdна Приуральской, Ямальской районхаs терd выaгана иленидиs Саля явмs маханяaы хэванда няюs мадаба пядоs. Ёря няданs тыd тэри нямзераaгаd. Тандаяs «Ямал - нюdнаd я!» ассоциациянаd президент Эдман Хасевтевич Неркаги нита няs, таддикад маниs газетахана манзарананиs Хабэча Хываревич Яунгад, Марина Тэтакучевна Яр, aани aопойваd aэрм тер ненэциеd департамент ерв нюртей марцьхы Эдуард Хабэчевич Яунгад ненэциеd ханзерd илевамs манэdманзь Салехардахад aэдалёрaаваць. Салемал харад aэсондs сидя машинахана aэдалэйнаць. Сехэрэнаd няби пелямs мерs мадаваць. Ханяaыd ненэциенаd маць, минзямаd яваd Максим Пирцякович aэсы Салемалхад сидя юd aэдалава. Теда вадетамиs хардахананаd Максимs хавна Артур Хасевтевич Неркаги мале aатенавэхэs. Нернаd няд мерета «Ямахана» тоaахаs. Мале сидя писавэй яляs хад ладыбавэда. Машинd мэта сехэры тоховы. Сидя машинаваd Максим пуданда мюддаревs вэтаaахаюда. Хэвняд сырта танявы aэбd
тэри пысамбаaгусь, ханзерd янs нюдяко «Буран» сидя машинамs нюпа минре. Эдман Хасевтевич Салемалхана нябакода Ганна Хасевтевна вэсаконда, Дмитрий няs илевэхэs. Сиднаd aулиd савовна няdамaахаs. Хамедёда толь тяхаs aамдынаd. Ханяримна таняримна лаханакурaаваd. Мальцинаd, пибинаd савканаd сераваd. Яs пиняюs мерета «Буранахаdна» aэдалэйнаd. Саля явs aылs хаммахаданаd, aэрм парандэйd сиднаd ладпа пяd. Aамгэ пиркана пэдараs помна халаяна яхаs мюмня пакалъянаd. Едебя сыраs нимня aэдалёвари тоdолха. Тыd ядмаd хаюрaаd. Яs терсавэй aэвы. -Теда нёданаваd сехэрэваd Еръй яхаs харданs aа, - Максим Сэротэтто ма. -Хибяри синдтет aэдалава таняs минда. Яs ни хахаюs. Мань ихинаниs aахана сидя aэдалава миндярахаваd. Максимамs aаниs хонрав: -Тедаs aахана хэнярахаваd. Сяхаs тэваaгунаd? -Тикахав нёдана
сехэрэхэданаd маханяюs таераdмахаданаd aэсыханиs таминанаd тэваaгунаd... Aамгэда aэвна хубтыхы сиdив часхана aопой мядs нимня aадимяваd. Вэнd тёрейдd. Сыремы мальцинаd, савканаd екабадаханаd париденя пальd якэ aадимя. Мякна сидя aэвадёда няхаюда Анастасия, Максимs пухуцяда, Данил, неканда хасава ню сиднаd ядабтаaахаs. Ханяримна таняримна лаханакулынаd. Пыдоs мятоs хэвхана мале сян хартоs иленя ненэциеd aэсыd танявыd. Aобтоs Иван Иванович Лаптандер, сидя нюмда няць мякd тось. Ернянда мэна хасава иланда лаханакодаревs вэрдадась. Aамгэ пиркана ма: -Мань няниs есяd сусавакыd? Aани ниниd выaгана илевандоs еdэмня сидя ёнарd есямs няdмарпиd. Мань тарця есямs нидмs няdмарпюs. Сидя ерв Эдуард Хабэчевич Яунгад, няби Эдман Хасевтевич Неркаги хэвханда aамдъяхаs. Выs тер ненэцямs хонрамба пядиs. Мале понs лаханакурaаць. Иван Иванович Лаптандерs това нерня Максим тэхэта сидяs ханdaась. Таняд aаябаддаваd тэврась. Савовна aавороdмахаданаd, Салемал няюs хамедэйнаd. Сидя мерета «Ямахана» хэaгадаваd. Танзерd хадs тондавы сехэры тэри лимбикась. Ихинаниs Салемалхад Аксаркаs aэсондs aэда сехэрэваd тоенась. Aопой Анатолий Нюдивич Лаптандер машинмs мэтаваd пирдаледась. Хуркари aэлd сырахад машинамда aэдалёванаd ямбанs тюdу тюхулпидась. Манзаямда саць савовна теневавэдась. Тюку М.Ярs сидяaгахана харта иленя ненэцямs Максим Сэротэттамs нюнда няs маниедаd. Хабэця Яунгадs падвы
2
2015 ПО, ЯНВАРЬ ИРЫS 31 ЯЛЯ
НЯРЪЯНА AЭРМ
•НенэциеD илs
Aобd ядэроdмамиs Яр - Cаля хардахад Юрибей яхаS няна aэда хабарталванS серонаD таславанзь aэдалэйнаD. Сидя еся хан ниS няхарdaэ aамдынаD. Aарка няваD Езынги Юрий, ирината илаs саирмана халямS хадабадаaэ толы. Няби, ПуйкоS Плё. Савовна хамедэйнаD. СоканаD сераваD. Маханяaы салмуй сехэрымs ханаваD. Тэвадана янаD няs Яр - Cаляхад сидя сехэры вэaгалэйd. Няби иртs, сабкэйD помна миaа. Танямна сыра ёря. Едэйвана ервы сехэры таминда тухурaа. Таддикахад Панаевск харад няд aани сидя сехэры миaахаS. НябиюмS сехэры халмана. Тыd aэхэdна сиднтет aэдалава сехэрэда тоена. Пуна aэдалёдаd тодоS яхаD ханdaаD. Нята няхаюниS таняaы ямs ехэрадиS. Тиканда нимня теневана сехэрымs харвобтилaахаS. Яр - Cаляхад сидя aэдалава хэdмяхаданаD AэвD Седанs нултаваD. То сяд ниня aарка седа танявы. Седа тюDуй пеля ханD aэварихит яs тир нимня саaгна. Aарка хэбидя я. Хардахад aэдалёдаD ненэцяD ханзелиd паромбабтоS нултамбидоS. НябиD нунанs aани aэдалёдаD нултамбидоS. МяктатоS харданS aэдалёдаD нулаaгаD. Тикы яхана ненэцяD нидоS хомбидоS. Сяхартs тикы хэхэD я ни терсюd. МаняD нултаванаd мальaгана сидя юдs мянD ненэцяD нувыD. ХэхэD я хэвхана лаханакурaаD. AанидоS хэвнякуна aобтs маdлёвыD. ХаняaыD ханотоS ниня aамдыD. НидоS aатеD. СярмбятаD. Пэвдяхана сядодоS ниD aадюD. Хибярихина тораватаaгун. Ненэй ненэциеD серкана нюбедоS хонрамба ни серосd. Лаханако нята нямд нерня харт теневабат сероdaа. Теневана няхаданд нюмда хонраaгур. Пэвдя помна ханяaыD ненэцяaгаdна нябимдей тораватвэн aэaгун. Ёльце лаханакуD. НяхататоS юнмS намдорaаD. НюрцьбендаD. Ниня маниеня ненэциеD пондs ядаaгун. Лаханако лабцеaгун. Хэвхы няханиs
мадмS: -Мань пэвдя помна aамгэхэртмS нидмS маниеd. ХибяD aэдакыd? Лаханако нята нямиs aарка ненэця вабцмS мэdмы: -Малs aобтикэваD! Нерняриs пэрт. Пуна aамгэхэрт юнмS нин намдаaгуd. Малs ненэй ненэцяри aэваваD мась. ХаняaыD вадамs хэтыба ёльце ваdлейD aэвыD. ИнзеленаD тэри письaаD. Янамбовна лаханакуртиD пондs таркэйвd. Танянанда нинаD савовна хамедамбинаD. МандаладиD хаейнаD. Тамна няхарd aэдалавамs хаеdмяхаданаD, нерденяваD Пуйко Плё СиDив Харванs нултада. Aани хэхэD я. Тамна тяхаs мимбdнанаD, минаць хэdмяхад тюDумна aадимяваD. Лакриs сятаняs сюрте таравы. Тикаривна сапвы сяS танявы. Ваaгхад aопой еaгаримs поёць хаяваD. Aэдалавахад ваць хэdмяхаданаD Порца Яха харад нимня aадимяваD. Харданда нюмS aэсьs яхаданда хэвы. Тикахана лабка таня. Выaгана иленяхаdна тарана бензин яaговы. Сеaга, aаволава мядодоS таняd. НенэциеD вадиdмана, aопой паклыD. ТародоS яaгу. Ялямs aадимдемба мэта машинадоS манзара. НяньмS ябцыба мятоS танявы. ХуркариD aамгэD миреdaаD. НенэцяD Яр - Cаля харданs ядэрaаD. МОП «Ярсалинской» лабкаaэ толы. Лабка сероS минреня ненэциедоS яaговыD. ЯдэрмыD. МаняD сехэрэнаD ниs aаниs хаdмынаD. Салмуй сехэрымs нёда мерs миaаваD. Парондэй хомбдаваD яaгу. Понs миёdмахаданаD Яро тохоS тэвынаD. То сяд ниня хардакоS aамдёвыD. Мирдатаaгода луцаs харадD aэвыD. Харта серода минре. Мирдапдида саць миреdaаD. Поaгда пядыби. СеaгаваD. Хубтахана aэдалэйнаD. Танзерd хад. Ханяaэхана лануворaа. Сидя Ярото сядоS aыламна тидхалембиваD. Тоs сэркана париденя синё. Халdaэ
aадиберaа. Aамгэхэрт ни aадюD. То сядоS ниs тад танаванаd, тоs пев нивы ханивd. ХамбариD тя- лабтыD. Итя сёнда серs париде aади. Aарка пэвдей пудана яляхаdна ханимадавэй иS манэць пилкабты. Няданда aадиберта хал нув няд париде пере. Тикарихина Ярото Пев харад танявы. МОП «Ярсалинской» лабкахана Худи Константин пухуцянда няs манзаравэхэS. Няби лабкамs няDамбада, неры вадеDмы лабка луцаS нябимдей лабкада aэвы. Савовна илеD. МирдатаaгуD. ПоaгD пядыбиD. Едваd aамаваD. Aарка пэвдей иры ялямs тэвода тасиримна паромбиваD. Хацяs нылаdмахаданаd aани aэдалэйнаD. Тад нерня сехэры яaговы. Пуйко Плё нерденяaэ саць пирdмэда, ямs теневавэда. Пэвдя помня пензьD, тоS сэрd хэрабтамба нерняриs пэрaада. Салмуй яхаdна минамда сахамдасетыда. Ханяaэхана ваaгахаD хаdморaаваD. Aани танаaгунаD. AэдалёдаханаD тябихуваD. Еся ханонаD бензинхана тердеванзь нултасетываD. ЯS ниS танdмахад хацяs ныласетынаD. Aэдалаванаd нерняд нерденя няваd aани манзеты: - Пэйнаd?! Маниs пуняд тэdэлтасетымиS: - Пэйнаd! ПунаD няна еся ханонаD хэрна, хадри хаюрaа. ЛампочкынаD яля нерняaы пэвдямs латавна, aахаs сипида. Ханяaэхана хаdморта хад сэври яля едS aадиберaа. Лакриs яляваD нерняна ныклы. Aарка ваaганs нултаваD. Нуванаd серs няхаdнаD илеdми вадеDaаваD. ЮнраваD. Ниня ханиворта aэся мюд ядембада сяймs пэрaаваD. Сяdны aэбта aодd aудонданаваD сидя мятs нултада. Ханодиs aокаD aэвыD. Нята няхаюниs маaахаS: (Пеляда 3 стр: толараd)
•Халямs пэрма
Малs халян’ харвава” Ямалханана” сявта, сюмбак сянда aамгэaэ хаяD. Aока есян’ харвана” ненэцяD няdамравахад ехэра”, тикы халэD тэнзоS ханяриs тэврамбидо’. Тарем’ тале мирдапидоS. ХаняaыдоS инспекция няdмарпидоS, ханярид намдоръяна”. Хахаяда яляхаdна Тазовской районхад юн тось. Нижневартовск маркад товы луца машин мюня няхар” юр” ю” няхар” ехэнам’ палытана” ховы”. Нид aэдалё ненэцяaгат тэмдавэaэ вадеDмыда. Серd ниня мэна хибям’ палытана” aэдаравэдо’. Пуна округна” прокуратурахана манзарана” ненэцие” намдdмахад, серм’ несэйвана тасламба пявэдо’. Суд тале ехэниD минревы луцамS няхар” понS сяра пиртада. Тикы хавна aоб” миллион есям’ салдаaгу. Ямальской районхана Пэ СаляS хардахана таклада тин мюня инспекция халэ ховы. Aокханда хасаваю” тонн. Сюмбак”, сявта”, ю” си”ив ехэни” хибяхав такалмыда. Палытана” тарем’ тасламбидо’, халэ aарка ян’ aэдараванзь хамедамбавыдо’. Хибяs халя” aэвам’ мале таславэдоS. Няхар” ненэцямS суд тасламбаaгуда. Тин мюд ховы СалехарданS тэврэйдонзь. Суд aэсондs тинхана сюраaгу”. Тэри халям’ aаворман’, тэмдаванS харвана ненэцяaэ лабкаха” ядэрaава”. ХонаваD яaгосеты. Aамгэ мян палкурD, пайхаD Салехардахы халя комбинатханана” мирелевыдо’. Ервдандо’ тарана Александр Пшенцов тарем’ лахана: - Комбинатханана” халярива” харdна” aамгэва”. Aани’ тарана яёл”: сэр”, перец, тамна aани’ aамгэ” хэвняд тэмдабина”. Тикы aавэнаD ядембада яхад еся сехэрэвна тэврамбинаD. Aарка пэвдей ирыхана aаниS мирерaаць. Aадьбянаd aамгэ мянувна халэнаD мирелейнаD. Тарем’ aод” aани’ яхад турта” ненэця” мирета халянS ниd табаaг”. Таминдо’ тэмдабидо’.Сямдравы”, сэротавыd халэна” aобD таняD. М.Яройs падвы Сидяaгахаs пыда тадтавэхэюда
3
2015 ПО, ЯНВАРЬ ИРЫS 31 ЯЛЯ
Роман Прокопьевич Ругинs 76 пода 1939 поs лимбяs ирыs 31 яляхана Шурышкарской районхы Питляр хардахана aобd мякна хасава aацекы соясь. Нисяхаюда, небяхаюда нюмдиs Романaэ нюмдевэдиs. Тад тальняюs Роман Ругин aани нита тотревs тохолко пэяць. Сита aаркаd нида ядэласетыd. Лаханакохоs, илеdмяхаd aулиd инзелесетвы. Намдвыда небяханда вэрдамбавыда. Юдs классмs ёльцеdмахаданда Ленин-
граданs тамна тяхаs тохолкованзь aэдаравэдоs. Самбляaг поs минхандоs хэвыd. Пуняs яханда теда тюdу миндя хасаваaэ тэввыd. Ленинградахана А.И.Герценs нюмна нюмдевы aацекыd тохоламбувандиd тохоламбада институт пуд Шурышкарской районхана aэда Восяхово хардахана школаs директорaэ таралмыd. Округанаd ервd Роман Прокопьевич Ругинмs мале тамальaгана хамедавэдоs. Тюку aэрм тер хасава манзара пирdмэда. Харта нида тад нерняs нядабабта тара. КПСС окружкоманда инструкторaэ няdамвэдоs. Роман Прокопьевич едэй манзаямда нивэда таюсd. Aахана aэда нюдяко хардакохоs ненэциеd ханзерd илевамs таславанзь ядэрмы. Минрена манзаянда ирманя КПСС центральной комитетанда aарка партийной школахана няхарd поs тохолковы. Москвахана тохолкоdмахаданда 1977 похона Салехардахана aэда нябимдей санаторно-лесной
(Нерденада 2 стр. толараd)
-Худи Валентин Сэроковичs мяd. Aарка ненэць. Тюкохана cеaгаaгуваD. Пэвдяхана минзь тарода яaгу. Хубтахана мерs aэдалаaгунаD. Таремs хибя мятS мятювамиs намдав. Мякна сян ханяs нидмS хонаркуs. Aармы ненэця вади нертемба нюмиS мерs вадеdaав. Мяд тер сидя
•НенэциеD илs
Aобd ядэроdмамиs хасава нюмда няDмы. Мале школамS маdлевэaэ aадихиS. Выaгана тыD маdламба нисямдиS нядабихиS. Тёняaы мякна Валентин Сэрокович aарка хасава нюда мята терсавэй иле.
Aарка ненэць таремs ма: -Выaгана тэринаD маdламбиваD. Тыd ямS нерня тасламбиваD. НинаD хадоS ниs aэсурць маняD нянанаD ни серосd. Ханяaэхана яваD тянюворaа. Хабартава
НЯРЪЯНА AЭРМ школамs няdамвы. Тикахана aарка янаd иламs, историямs aацекыта няs тохоламбавы. Таддикад небянда мыaгад теневана хаби вадамда нивэда юрыбюd. Aацекыда хартоs вадамдоs помнандоs мэdмэдоs. Манзараванда хавна Роман Прокопьевич Ругин стихотворенияd, илеdми падыбавы. Мале 1950 похона нерденя падвыда aадимыd. Таремs Тюмень маркана 1963 похона «Живая вода» книгамда ненэцяd толаба пявыd. Тартамда нерденя книгахатата ховы. Прокопий Ермолаевич Салтыков няs нюдяко aацекыd едs «Золотой огонёк» книгамs падвэхэнзь. Тамальaгы паднавы нита поaгана Роман Прокопьевич Ругин юнета ненэцянданаd хаясь. Теда aодd тамна падна. Роман Прокопьевич Ругин илеванда серs хуркари нюбеd няdмарaась. Ханяaыдоs тиd aэдаd: «Заслуженный деятель культуры Ямало-Ненецкого автономного округа», «Почётный гражданин города Салехарда», «Лауреат премии Союза писателей России». Aокханда 30 книгада. Ханяaыd падвыда финской, эстонской, французской, итальянской, венгерской, чешской, испанской, польской, английской вадахаd тэвравыd. Тиканда aани ёd терd aэрм яхананаd хаби тэнзмs мэта ненэциеd илевахад теневаd. Ямалхана иленя нянаd сояdма яляхананда сейхад миндя вадиd хэтыбиваd. Сенз aэя. Aани мэкад книгадваd падая! Хабэча Яунгадs падвы. Сидяaгd Клавдия Павловна Макароваs тадтавыd
серонаD малейнаць. Aам замS мирдаdaаваць. ХарадD, пэдариD няs ниваD паромбюd. Тюкохона aавкынаD хадырць я сава. Хуняна хабарталва мяд едs малs aэдалэйнаD. Мяцавэй хасаваD тундоS пяд хосая миaаD. AэдалёртиD ненэциеD вадиdмана, поездхана aэрмS тер едs пиD тэвравыD. Мале aахакуй ямs яляхана мерs тэваваD.
Aани aопой яханалва Ямальской районхана хэвы похонанаd aани aопой яханалвамs ервd нэць. Тикадоs Юрибей яхаs нявхана aа. Европахана иленяd хибяd, ты aамза aавыдмs теневанаd едэй похона Ямалхад aаябаддамдоs хомбаaгуd. Тюку яляхаdна Яр-Саля хардарихана aобd яханалва манзарась. -Округанаd Aэвахы Ервs паднана таремs лахана: -Юрибей яхаs нявхана хабармы тыd aамзи Евросоюзанs aэдарамбаaгудоs. Тикы сермs Россиянаd сельхознадзор, округанаd ветеринарной служба тыd пэрти нядавэхэюдоs. Харта яханалваaэ 2013 поs aэрёхана манзаралмыd. Тыd яхаба мэта лабэта хавна, ханибтеaгосянда, электростанцияда, тыd толаба мэта вата, общежитияда, aани тарана aавэда малs таняd. Aопой писавэй яляхана юрd тонн aамзамs яхананаd ханибте пирdaаd. Округнаd АПКахана ненэцяd таремs тасламбидоs, Юрибей яха нявхана aэда яханалва хартоs иленя ненэциеd едs сертавы. Aадьбята выaгана aа. Хэвхананда хартоs иленяd ненэцяd, таддикад тэсавэйd организацияd aобтаремs тыd пэртидоs тикахана мэd. Тикы яханалвахана манзаранаd ненэцяd ныланава ялэтоs тобd, теневана нитоs ея мякd лакамбойd ханцетыd. Aопой, сидя яляs ярколаaгуd, вымна aэдалёртаd. Таддикад яханалвахандоs aаниs ханdaаd. Тад имs aэдарабd, Юрибей нявхана aэда едэй яханалва иaудоць сертавы. Х.Окотэттоs падвы
Еся сехэры яданs aарка пэхэрэйD aонавыD. Ненэцяd ханодоS пэмба пяD. МаняD серонаD малеdмяхаданаd, тикари яляхананаD пуняs aэдалэйнаD. Неры мадавы сехэрэваD тэваба пяваD. Таремs aобd aэдалёроdмаваD aэвадэйd. В.Пыриркоs падвы
НЯРЪЯНА
2015 ПО, ЯНВАРЬ ИРЫS 31 ЯЛЯ
AЭРМ aэaгу”нив’. Пивы едм’ пява”. Aаворо”махад Хабт Париденя манзь ханада: - Мякна” ятнахава”. Мя”ма” ерваси. Aэта ни’ санэй”. Пин’ ханя тарп”. Тарпана пумна мани’ aани’ пин’ тарпыни’. Хабт Париденя иням’ вэрда. Тикарихинда aэдалэй”. Техэ хэня’ пумна мань aани’ aэдалэяв’. Пуня’ тарем’ сырпани’, Aарка Ха”ма Не сидя тобъева падм’ ипра. Мяд’ няна ханаaахаюда. Нё’ пан’ aыламна сидя падм’ мюня’ aэдара. Нём’ ня”амба пыда тарем’ ма: - Еся Мя’ ирив, вадам’ мэтадм’. Хуна я’ хадкэбd aоб” нюмд, Нюдя Ха”ма Не’ тыра’ хэвaэ татaгобтав’? Недко папани’ пыхыданда ед’ нибтав’ тат”? Еся Мя’ мамонда: - Тикы вадар вэва вуни aаd. Нём’ талада, хэняaэ пумнани’ aэдалэй”. Пиня’ миндяхани’ сидни’ пудни’ тэва. Мякна” тэвына”. Хабт Париденя пыда тарем’ ма: - Aарка Ха”ма Не, ханамд мань хар”ни’ aэдаaгув. Ханм’ ханяда aэда”. Нябакоми’ тумда пятада. Едамда пиреда. Aавормана” сер’ Хабт Париденя пыда тарем’ ма: - Aаркаюм’ не, мэ”манда вадами’ таня. (Пеляда тад тованда номеркана толараd) Сидяaг” тадтавы, паднавы Няё Вэнго
Сидя Ха”ма Не (Ярабц)
○ ○
E-MАIL: NN-YNАO@YАNDЕХ.RU
○
○
○
○
○
○
○
○
УПРАВЛЕНИЕМ ФЕДЕРАЛЬНОЙ СЛУЖБЫ ПО НАДЗОРУ В СФЕРЕ СВЯЗИ, ИНФОРМАЦИОННЫХ ТЕХНОЛОГИЙ И МАССОВЫХ КОММУНИКАЦИЙ ПО ТЮМЕНСКОЙ ОБЛАСТИ ХМАО - ЮГРЕ И ЯНАО ОТ 19 АПРЕЛЯ 2012 ГОДА РЕГИСТРАЦИОННЫЙ ПИ № ТУ72 - 00559
○
○
○
○
○
○
○
○
○
○
○
○
○
○
○
○
○
○
○
○
○ ○ ○
ГЛАВНЫЙ
○
○ ○ ○ ○
○ ○
РЕДАКТОР ○
○
○
○
○
○
○
○
○
ОТПЕчАТАНО В ТИПОГРАФИИ ГУ «Северное издательство» (629008, г. Салехард, ул.Ямальская, 14)
○
○
○
○
○
○
○
○
○
○
○
○
Издатель Департамент внутренней политики ЯНАО (629008, Тюменская область, ЯНАО г.Салехард, пр-кт Молодёжи, д.9)
○
4-53-32, 3-08-69 ○
ТЕЛ. (349 22)
○
○
○ ○ ○ ○ ○
АДРЕС РЕДАКЦИИ: 629008, ЯНАО, Г.САЛЕХАРД, УЛ.ПОДШИБЯКИНА 17
○
○
○
○
○
○
ТИРАЖ 999 ЗАКАЗ 0018 ПОДПИСНЫЕ ИНДЕКСЫ: НА ГОД - 10978, НА ПОЛУГОДИЕ - 54391 № 5 ПОДПИСАНО В ПЕчАТЬ 29.01.2015 Г. ПО ГРАФИКУ: 16.00, ФАКТИчЕСКИ: 12.00. ВЫШЛА В СВЕТ 31.01.2015 Г. ГАЗЕТА ВЫХОДИТ ПО СУББОТАМ ЦЕНА ГОДОВОЙ ПОДПИСКИ 182 РУБ. В РОЗНИЦУ НЕ РАСПРОСТРАНЯЕТСЯ
○
○
○
○
○
○
○
○
○
○
○
○
○
○
○
○
○
○
○
○ ○
«НЯРЪЯНА НГЭРМ» ○
ДЕПАРТАМЕНТ ВНУТРЕННЕЙ ПОЛИТИКИ ЯМАЛО - НЕНЕЦКОГО АВТОНОМНОГО ОКРУГА (ЯНАО, Г.САЛЕХАРД, ПР-КТ МОЛОДёЖИ, Д.9) ГАЗЕТА ЗАРЕГИСТРИРОВАНА
○
УчрЕДИТЕЛЬ (СОУчРЕДИТЕЛЬ)
○
Газета
○
○
aамдабата aод”, aэвада е’ малраха. Юдs по’ ямбан’ хонё ся”ны тимбавы aэвна. Мяд’ ёнэвна aэвада сюра. Пыда тарем’ ма: - Нюдя Ха”ма Не, не папакоми’ ся”ны тум’ хулцопавы? Някоцяеми’ танарадамнё’. Си”ив Сюхуней” едядо’ сэя я”ма. Aэта ни’ санэй”. Сята маса. Тюуй сюрням’ ядэланараха. Aэвамда тида. Тад манэ”мани’ мань сяцьвэдм’. Aэвамда та”нёaада. Си”ив я’ есям’ та”нёaганда мал’ aыдэйда. Едми’ aаво”махадани’ Aарка Ха”ма Не мяд мюйм’ халтада. Ва”вамда сававна сертада. Таборода хэвня’ на”волaа. Яля’ ямбахана мята хури’ сававна яaга”aада. Нум’ пэвсюмзь Aарка Ха”ма Не едамда харта пиремба пяда. Еданда пись пихий пихиня Хабт Париденя хумна хан”макы - торхаванонда. Сидя парисе”эм пой aутоканда aэдарахавонда. Тэхэюда aэда”махаданда мят’ ядвонда. Инзелеб’ яберкавонда. Мят’ мятю. Сидяда сэвда тум’ сиди”aаха’. Пэaа’ хоб” тэваноро хорпа ва”ван’ aамды”. Мунда яaгу. Ханюй” пибита aуводо’ лемсо”aа”. Aарка Ха”ма Не сиби падроти тю”у aыдэйда. Хабт Париденя’ ханюй” пибида екэйда. Пелей’ сыран’ тэри моё”яда. Сиби падроти нянда мойда. Пиби ханяда мялката”. Тора сэрd тойм’ aадимде. Хабт Париденя тонда серада. Мальцям’ ня”мада - пелей’ сыран’ садхалада. Aарка Ха”ма Не хури’ сававна едамда пиревэда. Хабт Париденя aаворманда сер’ тарем’ ма: - Наaэдя юдs по’ нийда пивы, мюйда ханюй aамзам’ aаворaадм’. Мюйнда вэида тэса”.
aэдалэяв’. Маниеб”нани’ нябакоми’ нусь хаи. Сидя тобъева падм’ хан’ пуня’ мо. Сидя падамда хураaахаюда. Пумнани’ aэдалэй”. Сидни’ пудни’ тэва. Еся Мяд’ мят’ нултава”. Мани’ сидя неaэ мяд’ нё ня’ ханони’ сярыни’. Хабт Париденя ханамда мяд’ синд’ сярада. Мят’ яда. Мятю”махаданда мани’ aани’ мят’ мятюни’. Aарка Ха”ма Не сеян’ aамды”. Еся Мяд’ пухуця пыда тарем’ ма: - Нюдя Ха”ма Не, синя’ хань”. Еся Мяд’ Ню ва”ванда ниня aарка хой’ харула”мараха. Хонёда’ хэван’ тикан’ aамдыв’. Еся Мяд’ Не ню си’ хэвхана пыда сэдора. Едамдо’ тедадо’. Еся Мяд’ пухуця aани’ тарем’ ма: -Aарка Ха”ма Не, иринд хэван’ тю”уку’ aамдад”. Aаворць aамдына”. Нябакоми’ пухуцяха’ понд’ aамды”. Aаворманда сер’ Aарка Ха”ма Не пыда тарем’ ма: - Еся Мя’ ирив, мэ”манда вадами’ таня. - Вадахав мэтва. - Вада тям’ aэда: не нюмд Хабт Париденя неданда хамэдаси”. Тедахав’ aэя, aэвадаламбив. Мань тарси” юркыв’. Си”ив Сюхуней” едядо’ тарси” пывома. -Вэвада яaгунё’, aэвадалабат тарем’
○
Хойм’ ха”авра Мынико пу”лары. Сятанякумна моaгате”э яха ямд’ aадаравы. Тарем’ сырпата яха’ ня”авхана саля’ пыя’ ниня aоб” aарка мяd. Мякы мякна сидя не таня илевэхэ’. Сидя Ха”ма Нем’ нюбетанакэхэ’. Нюдя Ха”ма Не едм’ пирембата, aамзита нийдо’ пивы”, мюйдо’ ханюй”. Aарка Ха”ма Не ся”ны хонавы aэдакы - ялэ” хонёсеты. Aавормамда aани’ нидя манэцету”. Мяд’ ервота хасава хонёриванзь мяканда мятюсеты. Ядэрць мэтада сидя париденя хабт. Хабт Париденям’ нюбетанакы. Мята синяна ялэ” aамдёсеты. Мэта” пибида ханюйaэ мэ”эйда. Пивахаюта aылдо’ сивня мрэй” aувода лемсо”aа”. Хабт Париденя’ серта юaгосеты. Нюдя Ха”ма Нен’ Мынико палэй”. Тикы’ тальняюs ярабцм’ не aацекы ваде”лада. Юдs по’ ямбан’ маня” тарем’ илева”. Юдs по’ aэсонзь Хабт Париденя тыда мят’ тэвра. Нюбециетамда сидя парисе”эм’ хабтм’ ня”амвы. Мэта ханханди’ подерaахаюда. Aамгэ янда ед’ aэдаланакы’, хаданда aылма. Хар”ни’ ини’ сер’ пядми’ пэ”aадм’. То’ няд салабадми’ тэврадм’. Туцавэй aамзаха”на едмиs пандав. Холкавы икня тердев. Aамзиниd едм’ ту’ ни’ aыдав. Aамзи” савахат пиревы едми’ пи. Сававна манэць едм’ пире нивэдм’ ехэра”. Мань тарем’ мадм’: - Aарка Ха”ма Не нябаков, юркад”. Наaэдя юдs по’ ярар aамгэ хасалцяда? Манзьван Си”ив Сюхуней” едядо’ пывома. Яляда aокма. Юрка манэт. Aарка Ха”ма Не
Мани’ сидяaэ тарем’ тикахандо’ едни’ тер aамзини’ aаворъяни’. Aарка Ха”ма Не пыда тарем’ ма: - Нюдя Ха”ма Не ся”ны тум’ хулцопавы? Ханя тарця aа”! Си”ив Сюхуней” едядо’ сэя я”мась. Тедахав’ едядо’ пывома. Aэ”ни’ ни’ юркыв’. Хабт Париденя пыда тарем’ ма: - Ханюй пиваха”ни’, сисавэй aобаха”ни’ хэцялмадмs. Теда’ ханпани’ Еся Мяд’ иринд мякна хан”aадамзь. Еся Мяд’ не нюм’ соявась. Aарка Ха”ма Не тарем’ ма: - Тедахав’ юркыв’. Еся Мяд’ не ню хуркари aэя! - Тарем’ мамб”нанд хуняaы яля’ aобкана хэива”. Нем’ пуня’ мэванзь aэдалаина”. Нумда пэвсюмзь хонатолына”. Aарка Ха”ма Не сидя сэрd хобам’ тодо’ сидя ян’ моё”aахаюда. Хабт Париденя’ хэван’ нябакоми’ хонэй”. Со”ом” тидхалць юркрахавонди’. Маньaо’ юркыв’. Едва” aамава”. Хабт Париденя пыда тарем’ ма: - Еся Мяд’ мят’ aобкана хэхэва”. Емб”толына”. Aарка Ха”ма Не ханзо’ няд ноймда танзетам’ вэрда. Хасава мальцям’ серада. Тора сэрd паркам’ aани’ туйлада. Тиканда пуд пин’ тарпы”. Тыда мят’ тэврэйда. Тэвраб”aодd падвы паным’ мань серадм’. Нябакоми’ сэрd паным’ ной ни’ сярада. Пин’ тарпыни’. Aарка Ха”ма Не нойдёнда мюд иням’ вэрда. Хабт Париденя тет сэрd хабтм’ сяра. Ханни’ няна хая. Aэва’ инями’ хан’ мюд тюхулaа. Ёрця’ мюд тет падвы хабтм’ пиня’ валaа. Терензи” паханд’ падар” ха”авры”. Хабт Париденя хано” мал’ подеръяда. Сидя Париденямда aани’ подерaахаюда. Инямда ня”мада. Тет падвы” иням’ вэрдав. Нерденя’ пумна
○
4
Яунгад Хабэча Хываревич