ЙИСАТ УLА, АРТНАТ УLА, ХАНТЫ МИРЭВ НУПТАH ЯСАH! Яlаптаl тыlащ хутмет хатl 2001-мет таl вуш эваlт этты питас
Российская Федерация Ямало-Ненецкий автономный округ Газета №40 (718) Lапат хутмет (суббота), Ай тахайт потты тыlащ (октябрь) 4-мет хатl 2014-мет таl
•Айкеlат
регионального отделения Ассоциации финно-угорских народов, член Общественной палаты РФ Валерий Елескин щи Всемирный конференцияйн ищи уlман. Шоши мират йис тэlан уlты муват шавиты верат эlты, рут ясhат шавиты па энамты няврэмат еllы утаlтыты верат эlты конференцияйн потар манмаl. Номас верам Десятилетие коренных народов мира хуlмет пуш еllы па постаты. Генеральный ассамблея ООН заседание хоща ханшам итоговый документ иlпийн хоl делегатат ёшпос понмеl, рущ ясаhан, щит «историческое событие». Щаха еllы щи итоговый документ эlты питlа артаlыты, яма муй атма шоши мират уlапса верат манlат.
Мувlав-йиhкlав сыстама ат уllат
Клавдия МАКАРОВА ханшам айкеl
Марина Яр верам хор
Щёхр тыlащ соханты хатlатан Америка муван Нью-Йорк вошан шоши муваh мират номасан Организация объединённых наций хоща мет оlаh пуш Всемирный конференция актыlыса. Щи конференцияя мув lоватан уlты шоши мират эlты делегатат Россия, Азия, Африка, Латинский Америка, Северный Америка, Арктика па Тихоокеанский регион эlты яhхмеl. Россия мув делегацияйн хус хоят уlмеl Север, Сибирь па Дальний Восток шоши мираh хоятат эlты. Депутат Государственной Думы РФ от Ямала, президент Ассоциации коренных народов Севера, Сибири и Даlьнего Востока РФ Григорий Ледков па первый вице-президент Ассоциации коренных народов Севера «Ямал-потомкам!», президент
Марина Яр верам хор
Шоши мират ун нэпек постасат
Ямал студентат ишакlайт Екатеринбург вошн утаlтыты Ямал мув студентат, хой кимет па хуlмет курсан утаlтаlат, мосванан и яха актыlысайт. Ямал представительство куща ху Сергей Шитиков студентат ишакты нэпекатн масlы. Студентат па Ямал мув хоятат пиlн ун ям вер вермеl – Москва воша яhхмеl, якмеl-арымеl – щата яма, тарма рупитты хоятат кутн «Славим человека труда!» касопса верыlыса. Екатеринбург вошн уlты Ямал мувев представительство па порайн па эномты няврэмат нётопса верты вохты номас тайl. Ай тахайт потты тыlащн уна ювом хоятат емаh хатаlн верыlыlайт,
тохи па студентат вохты вутщиlайт, ун хоятат ураhан нях-каш верты па ям ясhат потарты. ИА «Север-Пресс» айкеl туты хоятат студентат пиlн потрэмасат. Вячеслав Бафталовский щи эlты ястас, ин кашаh Екатеринбург вош институтан Ямал землячество верlа, ин туп Уральский юридический университетан щимащ землячество верман уllа. Ешауl университет студентат «Кросс нации» хоща хухаlты питlат. Кашаh хухалты няврэм Ямал символика тайты футболкайн мойlаlа. ИА «Север-Пресс» эlты Надежда КОНЕВА толмащам айкеl
Тюмень вошн конференция «Экология природопользования и экологический сервис» верыlыса. Щи эlты щата потар lойс, хоты па нефть па газ мув эlты вуйман, йиhкlав-мувlав сыстама тайты рахаl, па хоты па щирн хошом каншты рахаl. Нийl хоят трибуна хоща lойиlыйс, хоlыева щи эlты потартсат, хоты lый предприятияйlаlн мув-йиhк сыстама шавиlа. Хоятат lыеl яма хуlантсайт, моlты иса инщассат. Щи эlты ИА «Север-Пресс» айкеl туты хоятата Научно-исследовательский экологии и рационального использования природных ресурсов институтн рупитты хоятат потартсат. «Конференцияйн хоятат яма рупатсат, муй арат яlоп мутра эlты хуlантсат, хоты хатl ёш хошом рувн хотат
хошмаlтаты рахаl, хоты ант мосты шламат иl ханятты рахаl», – Тюменский государственный архитектурностроительный институтн рупитты ху Виктор Рядинский ястыlыйс. Щи тумпийн конференцияйн хонна хот омасты проектат хоятата алиlысайт – щимащ хотат lоhаllал ющат. Щимащ хотатн хошом уlтаl, анта туп вахтайн рупитты ёх, аl хоятат па щата уlты вератlат. Щимащ хотн хошом па lащкам. Тюменский международный инновационный форум «НефтьГазТЭК-2014» ветмет пуш верыlыса. Катхощьяh секцияйн хоятат рупитсат, мет ар потар нефть па газ каншты вер эlты щата lойс. ИА «Север-Пресс» эlты Надежда КОНЕВА толмащам айкеl
Щёхр тыlащ оlаhмет хатl вуш эlты газетаята па журналата 2015-мет таlа ханшlтыты пора ёхтас. «LУХ АВТ» газетая кашh куртан, кашh вошан уlты почтаян ханшlтыты рахаl. Таlа ханшlтыты тын 96 соlкува, индекс 29925. Таl шупа ханшlтыты тын 48 соlкува, индекс 84611. Газетаев редакцияйн ханшlтыты ищи рахаl, ёхтыlыяты. Муh адресэв: Пулhавт вош, Подшибякина вошхулы, 17-мет хот.
2
№40 (718) Lапат хутмет (суббота), Ай тахайт потты тыlащ 4-мет хатl 2014-мет таl
Там тови муh округеван Ханты-Муши курт леп якты хот lонщиlыса. Ханты хоятат, рущ хоятат щи ёхтыlысат. Надежда Михайловна Талигина, кандидат исторических наук, ищи щи емаhхатlа яhхас. Щи вер эlты ханшам потар оlhеман №39 газетайн уl. Хоты вер манас, lув потраl lуhтаlан. – Надежда Михайловна, щи емаhхатаlан вохиlыйм хоятат тумпийн аl ханты хоятат ищи усат? – Усат щи. Оlаh хатаl тэlыя нэ ёхтыlыйс. Хуlам пуш омасlат хот lыпийн. Хорамаh нэhат, сахlаl-вайlаl нох таlмеl, сундукlаl эlты, хирlаl эlты нох ёхатмеl. Хой сэв тайм нэ, сэв сэвмаl, хуван ёрэмам отlаl, ант lумтыlыйм сохlаl хоlыя нох lуматмеl. Кат каркам нэ яlап сах ёнтман, кат вошкурт нэ: Вера Николаев-
Якты хот
– Моlтыя щи ёхтыlымеl? – Па щит щи. Ант ки мосас, ёхтыlымеl, lуlн, антом. Ищки тахая, тутlы хота ёхтыlысат. Щаlта щиканща там якты хотан тувам охшамат, хоlыя улат хоща нох тапалlайт, хоятат тувам мойlапсайт. Ковер иты тэlыя охшам,
якты хотан, емаh аратан мойпар хоты айllа? – Юв похие айllа, щаlта мув хотаh ики, куншаh ики,
инщасlэl: «Хой мощатсаты?» Таhха, ястыlат: «Мав lэты от мощатсув». Еllы пеlа щиты щи манаl. – Яна, нэмаl антом. Па войт нэм щи тайlат. – Моlха уlтыйн ястыlат, Турам ащеl хоща нуман уlмаlан тухрам хотан ащеlан тайlа. Ащеl унта манаl, хоlта манаl, ястаl: «Похие, там ов аl пунши». Па тахайн ётаl, нумасаl, муя ант эсаllа? Тохи манаl. Ар щиран ханшман уllа. Хой ястаl, хотхар сохаl шоппи морэмаl, lув lавартаlн. Хой ястаl, ишни пелки пуншаl, иllы пеlа вантаl. Восты нуй, урты нуй lарпитам, мув кащаlаl, иl уратты питаl. «Ащи, ащи, манэм иl эсlы, щита щикем ям». Ащеl ястыйl: «Похие, муй щиран ма наhен иl эсаllэм?» Щиты уратаl. Щаlта ащеlан онтапан верlа, щаlта сорни кар-
Г.И.Толба арыйl
Рущ имеhhан потар ханшlатан на Еприна па Зинаида Александровна Иванцив. Щи нэhhан lаhки сахан ёхатсатан, яlап lаhки сахатан. Щаlта ма па нумасlам: «Ма па вой сах ёнтман тайlам». Ванты, якты хот верты еlпи сыйl тохрыlыйl, хуlам муй няl таl вет таl еlпийн. Ма там емаhхатlат ураhан нёхас вой сах ёнтыlысам. Хаlаща щимащ сахан яhхты ант рахаl. Хаlайт исхорlаl паlтамиlат, там юв похие пиlан яй-апщи сахат уllатан. Тамащ якты хота щимащ сах lуматты мосаl, шеhк ям уlтаl. Ма щи сахеман усам. Нэман ёнтам сахем. Щиканща, щиты щи хорам нэhат ёхтыlысат, картэh сэвпи нэhат. Хойтэт па рущ сохан, ищи ханты нэhат. Lув, кушкепа нёllаl ты вортыlысlаl, руща ювам ханты нэlув. Ханты эпаlан еша манlайт па, мосаh, матты ишан ханты ернас, ханты сох-вай па lуматlат.
щашкан, мойlапсайт. – Юхат щи мойlапсайт хоlта тусайт? – Аlт музея хайсайт. Щиты ястантам. – Надежда Михайловна,
ошни сахаh ики, нэм ар тайl. Ар пелкаl апщие айllа, хой ястаl, уртыем. Нэмоlты порайн ант ястыlа lув нэмаlан. Рущат ищи ант ястыlат lув нэмаl, ястыlат: lув мёд ведающий, медведь. Lув нэмаl антом, рущатан ант уйтlа. Вой нэмаl, вой хорасаl ханятман уl. Lув, ванты, ищи хантэт эlты, таhха, катра порайн, йис порайн нэмаl уйlысэl. Мосаh,
Ёхтыlыйм ханты нэhат
ты кеl хуват иl эсаllа. Щаlта так вот тыйl па тыеlтохеlт тутlыlа, мува ант хойl. Иl эсаlтыйн, ащеl ястыйl: «Наh, похие, ханты ху опсам ампарат, ханты ху воята аl кетма». Щаlта иl ёхатаl па, самаl вохlа, тэlыя пеlhа, эlаl порlа. Щаlта, щиканща, ащеl ястам ясhат шоппи ушlаlы, щи ураhан сохlаl, таhха, хоlаlат, эlаl пунан этты питlа. Ёвра вертаl юпийн. Щаlта ханты хоятатан охаlтатыйн вой веlты ёхан Турам пох емаh хотан верlа, якты хотан верlа. Ёхи тутыйн онтапан верlа, люм юх эlты, иlта вуlы сохан понlа. Няврэм иты онтапан ёхи lоhаllа. Щимащ монщ. Рущ ясаhан, охотничий ритуал, промысловый. Нэ хоятат щита антомат. Щишан, нэ хоятат щимащ хотан уlты верэl антом. Мет оlаhан нэhат, таhха, щита ант уllысат. – Надежда Михайловна, ун пумащипа наhена там умащ потрэн па верам хорlан ураhан. Клавдия МАКАРОВА ханшам потар, Надежда Талигина верам хорат
3
№40 (718) Lапат хутмет (суббота), Ай тахайт потты тыlащ 4-мет хатl 2014-мет таl
«Возрождение» клуба ёхтыlыйм хоятат
кашаh ханты хотн щел хуl вой вощмаlса па щаlта паlтса, сора атма ант йитаl ураhан. Катра щимащ хуl вой кавартом хуl пиlн lэса, вонщомот пиlн. Хуl вой шай пиlн lэса, шумха эслиlыса, вонщомот пиlн lэса. Ханты хоят нёхи па самаhа тайlаllы. Няра вуlы нёхи lэlа, тухаl тахаятн па кураhвой нёхи ищи няра lэlа. Нёхи кавартыlа, сораlтыlа, тут пусаhан па еша ёсатlа.
актыlыса, уш йиhк йинщса, шая вурты рых лыптат эслиlысайт, анши хорам лыптат, восты рых лыптат па эслиlысайт. «Возрождение» клуб хоща па муh щит ураhан актащисув, Овс мув lэтот эlты потар туты. Касопса верыlысув. Няl хоят кассат, lый кутэlн кат ханты нэhие устан: Вера Егоровна Назарова па Валентина Александровна Тайбери, ур нэhие Ирина Хэлевна Лапсуй па саран имие Светлана Митрофановна Копейкина. Нэhат lый эlтэlа потар тусат, рецептаh нэпекlаl вантаlтасат, катщир lэтот ёlн вертсат па жюри хоятата алиlысат па мет ёlта хонна арысат-яксат па тус ёш пормасlаl ватаlтасlаl. Нэhат щи арат эпlаh lэтот нёхи эlты, хуl эlты верыlымеl! Вера Егоровна lытоп эlты котлет верыlыйс, Валентина Александровна айсоlпи хуlн хоятат lапатсаllы. Касопсайн Светлана Митрофановна Копейкина нох питас, Вера Егоровна Назарова хонна мояh хоятат ясаh юрн и мойlопса па вус (приз зрительских симпатий). Касом нэlав хоlыева мойlопсайт вусат. Жюри охн Иван Васильевич Ламдо омпсас, lув пиlаlн Галина Константиновна Вальгамова, Наталья Михайловна Башева, Нина Ми-
Наталья Ребась верам хор
Кашаh ханты нэ щел хуl вой верыlыйl. Еша няхиймшик хуl кев пута акатlа, хуl охпушхат, суlат па тохи понтlайт, щаlта каматса щёс сыс щит ай тутн вощмаllа, эlты шовиты вой иса ана нох акатlа. Катра порайн
В.Е.Назарова
Коlпас хорпи lэтот па катра верыlыса. Вуlы суlат нох lэщатты юпийн кат сурс хувата эватlайт, lыпия вур шошомтlа, суl оlhат лап яртlайт па щиты кев пута кавром йиhка эсаllайт па кавартlайт. Хонна lэщатом сыстам суl lыпия вой пулат эслиlайт па ищи щиты кавартlайт. Lунт, васы нёхи, лук нёхи, кущты вой, няхты вой нёхи кавартыlа, нох сораlтыlа, ёсатыlыlа, па тухаl тахайн хонна няр нёхия па lэlа. Товийн ханты хоят lунт, васы караh пошхат актыlыйс, нох кавартасlы па кев путн войlы паlлисlы. Сусн, нохр уlтаl порайн, нохр сэhкиlыса, нохр сэм lэса. Муй па ханты хоят йинщиlыйс? Товийн сумат юх ал йиhк
Керан Митры верам хор
Кавартам хуl
Шумах
Наталья Ребась верам хор
Ханты хоят пасана арсыр lэтот омпсыlыйl. Па Ас питарн, ёхан питаратн уlтман, ханты хоят иса хуl веlтман уl па арсыр lэтот хуl эlты верыlыйl. Куш таlн, куш lуhан хуl няра lэlа. Кавартом хуl, шарытом хуl пасана па омпсыlыlа. Куш Овс мув пелакн, куш Нум муват пеlа ханты нэhат иса шумах вертlат, вой паllат. Нум муват пеlа уlты хантэт ратн щимащ эпlаh хуl верыlыlат. Веlщи мощатом айшик хуl суllаl нох таllайт, охlаl эlты ющ юха каратlайт, ныра нох тахартlайт па каматса щёс сыс щиты сораlтlайт. Щаlта шитамшик тахайн рат понтlа, lэl норы варсат эlты вертlа, щи норы эlты щи сораlтом хуl понтlа. И щёскем рат тут щиты щи аяlта тайlа, пусаhан хуlат ат lоhlайт. Хуl вой кашаh ханты нэ верыlыйl. Lэщатом хуl суlат, мохlат, lытпат нох акатlайт, кев путн, амуй кев картанан паllайт. Мохты lэты ураhан анта шек хув паllайт, таl кеша шавиты ураhан ай тутн хувшик паllайт.
Наталья Ребась верам хор
Ханты мир lэтот
С.М.Копейкина хайловна Егерь, Венера Фагибовна Шайбакова касты хоятат верат вантсат. Хутъяh моlтас хоят моя ёхтыlыйс, lый кутэlн Александр Вадетович Евай, Борис Григорьевич Шушаков па устан па хоятата ар ям ясаh ястыlыстын. Хоятат шек яма омассат, шанькайт пиlн, мавнянь пиlн шай йинщсат. Lый, касты хоятат вера аматман, такан ёшпат сэhксат. Ёхlы ям номасн мантсат, пумащипа ясhат ястыlысат па па порайн па lыеl моя вохты партсат. Надежда КОНЕВА потар ханшас
4
№40 (718) Lапат хутмет (суббота), Ай тахайт потты тыlащ 4-мет хатl 2014-мет таl
Кантэлэтар
(потар оlаh №39 газетайн уl)
Хой муйн ёраh па тащаh (Мойху рутат арыlат) Эван хорам сохат тайl – Lув ёшlаlн ёнтом сохат, Нови сэвом пун lув тайl, Хошом сэвом сох lув тайl, Оlт тахая пормас актас, Осом хират lув lэщатас, Ермак охшамат lув таяl, Лаhкисыты сох па таяl? (Мойнэ рутат арыlат) Эвев арсыр сохат тайl, Lув ёшlаlн ёнтом сохат,– Моlты сэвом пун lув тайl, Моlты сэвом сох lув тайl, Оlт тахая пормас актас, Осом хират ищи актас. Веlпаса па хуян яhхас, Моlты ёхи тутлиlыйс, Лукат, кутрат веlлиlыйс? Моми похев пайтыlыйс? Унт вуlы па пайтыlыйс? (Мойху рутат арыlат) Похев нёllаl иса пастэт, Лукат, кутрат эслиlыйс, Васэт lорн веlлиlыйс, Моми похев пайтыlыйс. Унт вуlы lув веlлиlыйс. Эван ермак щашкан тайl, Ермак охшам, ермак ернас? Сэвом сохlаl пусыlысlы, Хатl ещаlт поныlысlы? (Мойнэ рутат арыlат) Эвев ермак сохат тайl, Выборг сохат, хорам сохат, Ермак щашкан ар lув тайl, Ермак охшам, ермак ернас. Сэвом сохlаl пусыlысlы, Хатl ещаlт поныlысlы. Мойху, аlпа, шашкеlт таяl Сэвом вайlаl нох яртыя, Ханшаh кеlат, хорам кеlат, Антоп кеllаl, аlпа, сорнет, Курпат – немащ муват эlты, Нёl пусты сох – ермак пелак, Милаl ошпун эlты сэвман, Ермак ернас, хорам антоп? (Мойху рутат арыlат) Мой хоятэв шашкеlт таяl Сэвом вайlаl нох яртыя, Ханшаh кеlат, хорам кеlат, Воllы сорни – антопкеlат, Сопекlаl па – немщ мув эlты, Нёl пусты сох – ермак эlты, Ханшаh ернас ермак эlты, Милаl – нови ошпун эlты. Эван каркам, амуй лэняh, Ошпун сэваl, ёнтысыйl, Сосат иты, яhхиlыман, Верlаl нохlы пайтыlыйl. Сэвты пормас, ёнтты пормас Каркама lув верыlыйl, Аlмунтыки, сумат хоща Хаhхра воен навратлийl? (Мойнэ рутат арыlат) Щашкан сэвты, сохат ёнтты Каркам эвев хошиlыйl, Сосат иты, сора яhхман,
Газета
«LУХ АВТ» Адрес редакции: 629008, ЯНАО, г.Салехард, ул. Подшибякина, 17 (34922) 4-68-03, 4-68-63 Е- mail: luhavt@yandex. ru
Элиас Лённрот актам карел мир йис арат верlаl нох lув пайтыlыйl. Сэвты пормас, ёнтты пормас Каркам ёшн верыlыйl, Аlмунтыки, сумат хоща, Хаhхра нэhен навратлийl. Похан мув шукатты самаh, Нянь lант мува понты самаh? Мув шукатом харl хуват Lоваl хоты ватаlтаllы? Рупиттыя похан самаh, Пормасlаl lув lэщатсаllы, Lантсэм омсом харl хуват Lоваl хоты ватаlтаllы? Пасты кешеl, пасты lаймаl, Мосты щирн lэщатсаllы? Мойнэ муя па lыкащас?
Lыпеl, мосаh, иса lыйм. Камн юх воl унтан lойl, Сумат юх воl иса шимаl. Эвийн куртэн-вошэн тэlаh, Анта кашаh эви лэраh. Ойен пеlа амтатлия. (Мойнэ рутат арыlат) Мойху, уlман амтатлия, Ойн, похие, масайн: Умащ нэhан, каркам нэhан Туром Ащеван китсайн. Аhкеl пеlа вуща ясаh, Пумащипа ястылыя! Щимащ хорам, щимащ каркам Эви lув щи энмаlтымаl! Нэhен пиlн яма уlа, Номслын яха поныялн, Эвен номсал воllы вещкат, Самаl нэhен иса lэпат. Нэhен эlты питылыйи, Моlты эlты ат ат паlаl, Муша лув ал питылыйl, Нушая lув ат уйтылыйл. Торн каркама сэврылыйл, Lант сэм яма lэщатыйл, Сохлал пусал каркам эви, Сохлал новитл, юраh эви. Сохом пуlман, ваят сэвман, Эвев иса щикем каркам, Молты вер куш верылыйл, Иса номсал понылыйл. Нови нянян эвев энмас.
(Мойху рутат арылат) Эван муя па lыкащас, Урт ху милаl иl щи ракнаl, Эвев эlты инщисыман, Номаслэhкеl ин щи шакаl. Няврэм ухlа, мосаh, понас, Lоваl шанша, мосаh, понас, Щи юпийн няlом верас: Lов шаншан щи няврэм уйтас, Ухаl lыпийн lув уйтас. (Мойнэ рутат арыlат) Щимащ ясhа, щимащ няlма Эвев питыlымал антом. Эви эlты щиты няхты, Хоты йистан, ащет-аhкет? Моlты номас ин муh вертlув, Моlты ясаh lэщатыlув, Атом ясhа, атом потра эвев век ант пайтыlыcа, хоты нын ин нявашlаты, хоты нын ин потар туlты. Па эвет эlты нын няхаты, Ульня аhкет эвет эlты. Вещкат нэhан тайм эви, Потра-ясhа аl пайтаlн! Ульня эвет эlты потар, Lаhхаlайты-ки, туваlн, Туром эвев аl кетмаlн, Вещкат аhкеl аl кетмаlн!
Оlаh етн нох аl амта (Мойху рутат арыlат) Похев пела ясаh тайlув, Мойху, тынаh муh похиев, Щимащ ясаh мосал туты, Нэhен мосаl номас верты: Оlаh етн аl па ишки, Хорам эви хорам сохlаl Lовен кимет хатlан ванты, Таl-lуh хащман, нэhен ванты, Унтпан ики, унтпен ими, Хуlмет таlа хайиlыйи. Наh эlтэна па ям ясаh Па хоятат ат ястыlат! Пиl ху каншман, эвийилув Веншлал вещкат верылылат. Катна манты номас верlан – Амп хорпия ювантыйл, Ульня верl, хулэh номсаl, Хулы иты, нох хувlыйл. Карл вантман, нянев ялоп,
Учредитель (соучредитель) Департамент внутренней политики Ямало-Ненецкого автономного округа (ЯНАО, г.Салехард, пр-кт Молодёжи, д. 9) Газета зарегистрирована Управлением федеральной службы по надзору в сфере связи, информационных технологий и массовых коммуникаций по Тюменской области, ХМАО-Югре и ЯНАО 19 апреля 2012 года Регистрационный ПИ № ТУ72-00558
Тираж 700 Заказ 0704 Подписные индексы: на год - 29925, на полугодие - 84611
Газета вышла в свет 4 октября 2014г. Подписано в печать 2 октября 2014г. по графику: 17.00 фактически: 17.00 Газета выходит по субботам Цена годовой подписки 96 руб., в розницу не распространяется
(Мойнэ рутат арыlат) Мой хоятэм, умащ яйм, Яйм эlты, мосаh, ямшик, Яйм-опем эlты ваншик, Метшик вана lойlан наh! Ясаh ястаты вутщиlам, Наhен потар ма щи туlом, Еша утаlтаlэм наhен, Еша наhен номас маlом: Торн-лыпат акаттыя Имен каллота аl киты, Ат кутопат унты нэhен Рупатая аl па киты. Нянят верман, lантэн хоща Торн шукат аl эсlыя. Аhкеl-ащеl хотн уlман, Торан хун lув сэврыlыйс, Лыпат хун lув актыlыйс, Нянят верман, lантаl хоща Торн хун lув эслиlыйс. Щаlта атат кутоп унты Торн сэвартман хун lув ус. Нови нянян эвев энмас, Курэк пошах lэвман, энмас. Хотэl потом хотъятэlн Сыр-сыр lэтот щата тайсат: Мис йиhк анат, мис вой путат, Суры пущкаят па lойсат. Наh па ищи, мой похие, Эвев эlты аl ханяты Lопас эlты томан няlмат, Сара хотэн лап аl пенты, Эвев ащеl-аhкеl хотн, Хоlта lаhхас, тохи яhхас, Муй номасас, щит щи верас. (еllы па уl) Надежда КОНЕВА толмащас
Издатель Департамент внутренней политики ЯНАО (629008, Тюменская область, ЯНАО, И.о.главного редактора г.Салехард, пр-кт Молодёжи, д. 9)
К.П.Макарова
Отпечатано в типографии ГУ «Северное издательство» (629008, г.Салехард ул. Ямальская, 14)