ЙИСАТ УLА, АРТНАТ УLА, ХАНТЫ МИРЭВ НУПТАH ЯСАH! Яlаптаl тыlащ хутмет хатl 2001-мет таl вуш эваlт этты питас
Российская Федерация Ямало-Ненецкий автономный округ Газета №49 (727) Lапат хутмет (суббота), Ван хатlап тыlащ (декабрь) 6-мет хатl 2014-мет таl
Шоши муваh мират шавиlайт Аспотты тыlась хольмаh пеlа нийlмет хатаlан, Пулhаватна «Ямал-потомкам!» ассоциаций ун мирхот пуншиlыйс. Хасям верат, ин тайты па хуцы верты постаты сират артаlаты ураhан. Округ мув lоват эlты хоятат актасисат – айl-унаl, кусяйт па аl хоятат, хольмаh пеlа вет таllуh хасьмаl ассоциаций тыйм уш эlты. Си вер си шеhк такан постаса. Пора шеhк сора хасяl. Уlапса сират па сиран керlаlат. Уншак отlув сэм вантман, сама ант рахты урты ёх шитыlыйм уlты сират нох питсат. Муh катрашак, аhкиlув-асиlув потрат хуlантытэван, моштантыlув си, муй арат атом урты ёх версат. Ханты ясаhан па ханты мир уlапса яма тайм хоятlув паратсайт, эвlам Турмэв лакатса, йирасты, поорыlыты местайlув урайн нох шитсаllув. И куман lув атма lыlатсэl ханты хоятат ар нупат тайм уlапса. Ин па муh исимет кат йохан кутан уllув. Ханты мир уlты сиран ант верытты питсув, русь сиран иси воlаhа ант верытlув уlтыя.
Ассоциаций ун мирхот пуншам порайн Дмитрий Николаевич Кобылкин ястас: «Ямал мувев шакатты, атмась верты муh нэмаlты хоята ант эсаllэв, шоши муваh хоятат иси ант кетамlайт. Там мосванна Ямал Устава закон пелатты яlап ясhат ханшсайт. Си сиран. Муh округеван, туняlат иты, губернатор ант питlа пирытыя, нэпек эсаlты ант питlув, lув Российский Федераций президентна ястаlа па омсlа. – Ма lытlам, нын ат уйтlаllан па моштаllан: Рос-
сийский Федераций президент ураhан муh Ямал мувев стратегический сиран шеhк мосты мув. Нэмаlты порайн, куш президент уlув, куш па матты хоят, номасна хоlна ант ёхатlа моlты атом вертыя там иськи муван шошия уlты хоятата. Нын си ин вантlаllан, там хасям таlатан муh ун верат
верты питсув, lув ямеl яман хоят уlапса хося хойl. Си кутан: таllаl ара ювам хоятат Ямал мув эlты па тахаята касlаптаlув. Сита турмаl lэпатшак, lуhаl хувшак, найh хатlаl аршак. Пирся ювам хоятата сита кеншак уlты питаl. Тюмень вошан уlты рахмишак. Муh Тюмень область па Югра мират пиlан иса рахия lухсатман уllув. Уlаты хурыlыя, номас еllы яма уlты сира понман. Ямал ус, уl па питаl яма еllы уlты па ун верат таlаhа верты». Дмитрий Николаевич Ко-
былкин ясhаlна и вер па хойса. Матты ки Ямал муван уlты хоятат хуцы уlты кутэl ям питтаl. Сит ар няврэм рутматы сираl эlты ныты. «Кашh няlмет хоят муh округеван сит няврэм. Там хасям таlатан ар няврэм сэма питас па энмас. Ар няврэм шошеh муваh хоятат кутан сэма питас, сит эваlт ма шеhк аматман уllам. Хотан ар няврэм уl ки, муйl атом. Муh мет нуман тайты верэв – шошеh муваh мират уlапса таlаh тайман уlтыя. Катра хоты усат ситы еllы па уllат. Lув эlтэl там муван уlты сират нэмаlты хоятан ант уйтlайт. Сишан там верам мирхотан, шеhк мосаl уlты сират еllы яма уlты сира понтыя». Дмитрий Николаевич Кобылкин юпийн ясаh тайс Сергей Николаевич Харючи, округ Законодательный собраний мет ун куся. Lув
ястас: «Там порайн «Ямал – потомкам!» ассоциаций такlы нэмаlты вер туhа сира lэсятты ант рахаl. Муй туп кетмамта, мохты тохи хойl. Социальный, экономика па культура верат хося ассоциаций иси онтастаl. Такан нётаl рут сира уlтыя, кутlуван ур ант lыlаттыя, катра йис пораятан тайм верlув, уlты сирlув еllы па тутыя. Шоши муваh мират самоуправлений верlат, lув уlапсаеl lув тайlэl. Ассоциацийн рупитты хоятат пора ант шалитман, аl хоятата нётlат, утаlтаllаl хоты еllы, ант хурыман уlтыя». Сергей Николаевич кашh хоята ястас сэма питам мув яма тайтыя, йис порайн тайм верат еllы тутыя. (еllы кимет лопасан lуhтаlан) Геннадий КЕЛЬЧИН ханшам потар па верам хорат
2
№49(727) Lапат хутмет (суббота), Ван хатlап тыlащ 6-мет хатl 2014-мет таl
Хащам lапат щутщиты хатlат еlпийн Пулhават вошан «Наследие» центр хоща яlап фильм этаlтаса. Кино верам нэhаl Зинаида Викторовна Лонгортова. Там lуh lув шеhк ям ун рупата верас, ханты хоятlаl Хушавт куртаlан тонты ёнтты актыlысlы. Верантам верэl эlты кино верас па нэпек ханшас. Фильм па книга щиты нэматман уllатан – «Солнечные блики бересты». Зинаида Викторовна щи вер эlты щиты ястас: Там lуhан муh, япсыия ки утыя, ханты уlапса щиран ун вер версув. Хоятат акатсаllув ханты куртэван, Кушавт вошеван. Хоятат вохсув, хой тонты ёнтты хошаl. Тонты эlты йиhlат, вонщапат, хинтат, онтапат катра верыlысайт, щимащ вер уйтты хоятат вохсув. Геннадий Ефремович Хартаганов муh хощаев ёхтыlыйс, Ханты-Мансийский автономный округ эlты Волдина Галина Семеновна ёхтыlыйс, lув Октябрьский вошн уl. Жюри рупата туты ёхтас Надежда Михайловна Талигина, Щаlта жюрийн Лидия Павловна Хартаганова ус, lув «Питlор ёх» община хоща куща нэhа уl. Щи хоятат ёхатмеl пищан муh иhlат верты утаlтысув ханты щиран. Муh куртэван хоятат хуван ант уllат, куртэв таl. Горка вош
Керан Митры верам хор
Яlап кино па нэпек этас
эlты хоятат ёхатсат, хой lаhхаса. Муh щита ущ ёхатты тыlащан усув. Щи порайн тонты нови, щишан, шеhк ар пормас вермев антом. Нови тонты эlты иhlат ищи рахаl ёнтты, туп ханши ушиты щираl антом. Щишан, муh утаlтысув иhаl ёнтты, люм юх варс lэщатты. Нохр юх lэрlаl оlаhан мосаl каншты, щаlта lэщатты, щита ищи шеhк ун рупата уl. Тонты хорты утаlтысув. Верантты ураhан ям тонты мосаl. Муh хопитам тонтэв харэl юшаh, харhайl ушиты щираl хоlна антом. Ям харhайl там тыlащан, оlаh lонщ питтаl еlпийн этаl. Тонтэl питыя йиl, щи порайн рахаl хорты. Товийн па хорlа, хотаh-lунт ёхатты
тыlащан. Муh па ущ ёхатты тыlащан хорсэв, щи порайн воllы новия йис. Щи тонты хот тонтыя вуты рахаl. Щи тонты каварlа, куш муй пормаса щи тонты рахаl ёнтты. Харhа ант тайl, хорам верты щир ант тайl, ханши ушиты щир ант тайl. Муh, ванты, грант щиран щи рупатаев версэв. Охан масаюв всероссийский конкурс эlты, «Культурная мозаика малых городов и сел». Щита охев митаlаса книга верты па кино верты. Щаlта округ эlты муh субсидияйн масаюв. Щи етан ёхтыlыйм хоятат ун пумащипа ясаh Зинаида Викторовная ястысат, lув шеhк самаhа рупитты хоят. Хушавта яhхам верэl эlты Надежда Михайловна Талигина тамиты ханшас: Ис ханты вош уlмаl, Хуш-Авт воша ханты миран айlса. Паl рэп lоhаlан урты lапка уlмаl, нянь верты хот, хотат мис-lов хотlаl пиlан, ун турам хот па картошка ун харат. Ин щи муван туп таl лотаl хащас пухращн энмам па таl хотат омасlат ишниlы, овlы. Хоятlаl па иса антомат. Ун нохар юхат, сумтат, хаш па люм юхат энамlат щи хорам тахайн. Послал хуш-авт посла айлла. Ат ул са. 2013-мет таlн Зинаида Викторовна Лонгор-
това, эви опращ нэмаl Хартаганова, верас семейно-родовая община «Кушеват». Верам вераl община «Кушеват» ханты ясhаl шавиты, ханты ёх уlапса щираl, веранттыёнтасты пищат. Lув председателя уl щи ястам тахайн. Lуhан ёнтасты-верантты мохет тохи актыlысайт. Ёхтам мохет унта тонты хорты яhхсат, нохр юх lэр хопатты унта пеlhа кута тутлисаюв. Ям хатlаh хатаlан люм юх эватты посаl питара шушиlысув. Верантты пормасат ёша пайтмев юпийн камн верантты lэl пасан сурыя щи омассув. Оlаhан ай сунат-вощпат ёнтсув. Хатllув щиты щи хащсат каш верты отlув хоща катlантытэв эlты. Сыс сора хащамтас. Тамащ вератты тахайт мосlат муй ант мосlат ханты хоят ураhан? Ма ястыlам – ше-ек мосал ханты хоята тамиты актыщитыя па вераттыя, уйтантытыя? Тамащ вератты тахая хоятат ёхтыlытэlан ищи матты катра хуван хащам иша ёхи питамтыlан сора кеша – моlха антеh-ащеh хота и куран пурмиlан па нох верэмиlан. Наh нэш рущ турма хуван-ванан питмен па щита щи уllан. Клавдия МАКАРОВА ханшам потар
(потар оlhаl оlаh лопасан уl)
зидент ястас, матты ки «Ямал – потомкам!» ассоциаций хуват овас муван хоятат кутlаlан уlты сирlаl вантасlат. «Муh муhэв мосты па муhэв нётты законат ханшсув. Катlасlув си законат хося. Муh каман хорпи общественный па парламентский слушаний верlув, круглый стол кератман омасlув па туh нопсат уlув. Муh уйтlэв муй верlув. Муh го-
Керан Митры верам хор
Марина Яр верам хор
Григорий Петрович Ледков, Российский Федераций депутат па Овас мув, Сибирь па Дальний Восток шошия уlты мират ассоциаций пре-
сударственный власть органат, федеральный па па региональный власть тайты хоятат пиlан утаlтыlув рупиттыя. Кашh мероприятий иса верты сираl постаман уl. Муh антом туп Россия хон мувев lыпина рупитlув, муh по хонат хоятат пиlан иси уйтантыlув, потартlув, муhэв нётты верат нох аlамlув. Мет манэм нётты хоятlам исипа местаятан уllат. Ямал муван lув иси яма рупитlат, шоши муваh хоятата унтат нётlат». Григорий Петрович Ледков ар хоят мойlаптас, яма рупитмеl ураhан. Хой «За гражданскую инициативу» нэмпи
медальн маса, хой почётный грамотайн, хой па благодарность нэпекан мойlаса. Дмитрий Николаевич па Сергей Николаевич «Ямал – потомкам!» ассоциацийн яма рупитам хоятат иси мойlаптасlан. Мет юухат, ун кусяйт эlты ясаh тайс Эдман Хасэвтевич Неркаги, «Ямал – потомкам!» ассоциаций президент. Lув си мирхот верты актасям мохэта ун ясаh ястас, мойlапан мойlасlы яма верантам хоятат. Эдман Хасэвтевич тумпина, хольмаh пеlа вет таllуh сыс, ассоциаций хося няl президент рупитас: Сергей Николаевич Харючи, Хотяко Мэйкович Езынги, Александр Вадетович Евай, Роман Хасовович Яндо. Lув иси ант ёрэмасайт, хорам антапкеlатан мойlасайт. Мирхот оlаh шупаl етшам кеман, актасийм хоятат катна ортасьсат. Русь ясаhан ястаты ки, кат диалоговый окно пуншсат. Сита округ департамент кусяйт акатман усат. Кашh, хой моlты lэрапты муй па туhапты вер тайс сита иса lэрапсаllаl па туhапсаllаl. Си нопсат эlты мирхот тухрам порайн резолюций ханшса. И хатаlан хольмаh пеlа вет таllуh постам мирхот лап тухарса. Хоятат хоlты тахайlаlа мантсат.
Хабэча Яунгад верам хор
Шоши муваh мират шавиlайт
Кимет хатаl па Канась пухаlна йирасты актасьсат. Няl уlы-каlаh тутlыса йира хортыя – уръёха, хантэта, сараната, селькупата. Ёхтыlыйм хоятат яма ур инсьсат, няр па потам нёха lэсат. Ям потрат потартсат, кутlаlан уйтантысат, ям хоятlаl касьтысат. Тами кеман «Ямал – потомкам!» ассоциаций съезд тухарса. Округ lоват эlты ёхтыlыйм хоятат лакки мантсат. Геннадий КЕЛЬЧИН ханшам потар
3
№49(727) Lапат хутмет (суббота), Ван хатlап тыlащ 6-мет хатl 2014-мет таl
Оhтаh мув хорат эlты Йис пищат – йис верат эlты анта туп археологат ханшиlыlат. Йис потрат, йис ясhат эlты метшик яма йис верат эlты уятты рахаl. Йис потратан шома торlы йис уlопса эlты потар lойl. Нина Зинченко интернетн мув хорат эlты хуlом йис потар ханшиlыйс. Плейстоцен эпоха порайн (50 щерас таl там еlпийн уlом пора) щимащ войт мувн щи уlмеl. 12-15 щерас таl хащман, Овс мувн уlты хоятат щи войт эlты потартсат, щаlта щиты щи щи
потрат еllы мантсат. Щи йис потратн lойты верат эlты ученой хоятат торlы ясаh туты вератlат. Щи эlты муh йис верат торlы ванты вератlыllув. Там ханты хоят йис потрат щи порайн тыйиlымеl, хун Югра мув еhка потыlыса па щимащ торн lэты войт усат. Щи Нижневартовский районан ханшом йис потрат эlты муh уятlув, хоты щи пораятн ханты хоят мув хор паятты яhхиlымаl. Хоты ученоят ханшиlыlат, мув хорат ветьяh щерс таl еlпийн муh планетаевн
уlмеl. Ун охшикиlаl эlты ун оhатшикет эноммеl, оhат тайlаl па ёхlы еhтаяшик lоймеl. Йи оhат няl метра эlты хувшик уlмаl. Ун мув хор вет тонна lаварт уlтмаl. Lувеl ищки мувн шома ям ултмал: кашаh хатл соткем кила торн па лыпат лэс, лэты торн каншман, яhкем километр шушты верытас. Хун 12-13 щорс таlат порайн хун ун еhк поталэт lоlаты питсат па Овс пелка манты питсат, оhтаh мув хорат lый юпеlн мантсат. Аяlта щиты щи lый Мо-
Йи оhтаh вуlы
Вэщ
Оhтаh мув хор Катра муh мувевн шек ун па юраh ун вой ус – сит Оhтаh мув хор. Симась ун вой муh мувевн па антом ус. Па войт кутн lув метшик ун па юраh ус. Нэмоlты войн lув иl паятты ант вератса. Оhтаh мув хор мет ун па мет lаварт ус. Хун lув мув хуват шушас, курlаl мува шуйlыlысат. Симась lув ун па lаварт ус. Оhтаh мув хор – анта аl вой ус, lув хув тушат тайс па хонна оhтат тайс. Ун Оhтаh мув хор мув хуват вурайн яhхас, курlаl иса мува шуйlыlысат. Йи порайн Ун Оhтаh хор иса мув иlпия манас. Си эlты па нэмоlты хоятан ант па вантса. Си эlты lув мувн си омасаl. Оhтаh мув хор анта туп мув иlпийн уl, lув хонна йиhк иlпийн омасаl па тушlаlн йиhкан lарhаlтаl. Си тахайн, хота lув йиhк иlпийн омасаl па тушlаlн йиhк lарhаlтаl, сята вушарат тыйlат.
Пулhават вошан музейн уlты йис вой lовкар
Клавдия Макарова верам хор
Торн ситы энмас, энмас па таlаh мув иса лап эномсаllы. Си порайн си мува ун Вэщ ики ёхтас. Lоватаl па сикем ун ус. Lув самаl шек вохса, па иса торн lухаlты питас. Вэщ ики йи пуляh шек-шек ар торн lэты вератас. Вэщ ики йи тахайн ант lояс, lув иса мув хуват яhхас па торн lухlас. Вэщ ики иса ситы си шушиlыйс, lув шек ун па шек юраh ус. Lув нэмоlты порайн ант метыlыйс. Нэмоlты порайн ант шутщиlыйс. Юхат эномты унты Вэщ ики муван ус. Хун юхат эномты питсат, Вэщ ики мувев эlты еl манас. Lув юхат кутн шушиlыты ант вератас, сит ураhан еl си манас.
Па хонна йи йис потар йис войт эlты уl – йи оhтаh вуlыя lув аяlса, куш lув ищи мув хор ус. Муh щи эlты нумасlув, аlпа, lаварт ус йис хоята lувеl lэтот каншты, веlпасlаты. Йис хоят lув уlопсайl щиты поныlысlы, хоты туром партыlыйс, lув тохеl уlты маныlыйс, хота аршик вой ус. Тата па яlоп тахайн lув щимащ вой кащаlас, эlаl пунан этман уl, вешlаlн па ун ёвра метра хуват оhат энмас, щи оhтаlн каман хоят паратыйс. Си йи оhтаh вуlы хоятат юпийн иса хухатlийс. Хоятат порсаllы, хоятат веlас. Шек ар хоят йи оhтаh вуlы веlас. Хоятат щи оhтаh хор эlты ант, lуlн, уятсат, па щи вой аяlта ищки мува утlас. Аяlта уlты мув иса lувеl хащас па па еllы рутмиты питас.
Керан Митры верам хор Валентина Рохтымова верам хор
Йис порайн муh мувевн юхат ант эномсат. Си порайн муh мувевн нэмоlты ант энмас. Си пораятн Ун йиhка (Потоп) мувев питыlыйс. Муй мувевн энмас, йиhкан иса еl туса. Мувев ситы си няра lойс, па си пора унты lойс, яlоп торн эномты унты. Яlоп йис питас, па мувевн торнат эномты питсат. Оlаhан ай па вась торные энмас, сяlта па ун па куl торн эномты питс.
лам (Северный Ледовитый океан) пуhла ёхатсат. Щиты щи lый Овс мувн уlты питсат. Хун таром ищки таlат Овс мувн питсат, Мув хорат аяlта иса ищкийн потсайт па партсат. Хоты ученоят ястыlат, мет ёlта ай мув хорые 11450 таl еlпийн потом. Па хун па мув хорат потсайт, lовlаl Большетархово вошн Нижневартовский районан уйтыlыlайт, щи эlты ученоят па муhев хун порайн ястыlат.
Там ханты хоят йис потрат юрн уятты рахаl, хун хоятат Овс мува ёхатсат. Йис хоятат тый ёхатсат, хун тата хошмашик йиты питас, Ун еhк Ун Сярас пеlа хатты питас. Хоятат анта йи пуш тый ёхтыlасат, ванты, уlты тата рахаl, амуй анта. Йис потратн си эlты иси потар уl. Сит ураhан ученой хоятат ситы си нумасlат, Овс мув ёх тата плейстоцен (50 щерс таl еlпийн) пора эlты уlты питсат. Ханты хоятат си порайн тата анта ки усат, хоты lуlан lый си эlты уятсат, муйсир войт катра тата усат. Йис хоят мув хор емаhа тайсаlы, щит ураhан порыlыты тахайт верыlыйс. Щит юрн муh ин щи мув хор эlты уятlув. Хантэт йис потартlаlн иса мув хорат эlты потар тусат щит ураhан, щи войиет lыеl ар щерс таl, сот таl хуват lапатсаllаl. Щит ураhан няврэмlаlа, хиlыlаlа щи ун юраh войт эlты иса потартыlысат. Щи ханты мир йис потрат юрн ин муh щи арат пищ эlты уятlув – плейтоцен эпоха эlты. Надежда КОНЕВА ханшам потар
4
№49(727) Lапат хутмет (суббота), Ван хатlап тыlащ 6-мет хатl 2014-мет таl
Ими хиlы Ими хиlы Имеl ими пиlан уllатан. Имоlтыйн Имеl ими ястаl: – Похие, наhен нэ туты порая йис. Нэ каншты яhхlан ки щи. – Муй ма нэhан верlам, – Ими хиlы ястаl. Нёl, юухl пиlан унт войт, нёхсат пайтман яhхаl. И порайн Имеl ими па ястаl: – Нэ каншты яhха. Ма щах пирщемисайм. Утща хун уlты питlан. Ими хиlы щиеl пеlа вер тайl? Щиты щи веlпасlыман яhхаl. Lыс, сэсы омасман яhхаl. Имеl ими хуlмет пуш ястаl: – Я, похие, нэ туты яhха. Ма кашаhа йисам. Щахашак мосаh утща хащlан. Ими хиlы ёхlы ястаl: – Яhхlам ки, яhхlам. Хаlшукие понас, хоlта сэмlаl питсат, щи шушмас. Ун юша этас. Щи шушаl, щи шушаl. И порайн курта ёхатмаl. Вантаl, ёхан хар эlты и няврэм этас, паl рэп, керащ рэп эlты па хатэмаl, па хатэмаl. Нох хуhхаl па иllы пеlа хатэмаl. Ими хиlы тохи вана ёхтас па ястаl: – Вуща уlа. – Вуща уlа, – хатэмийм няврэм ёхlы ястаl. – Муй верlан? – Рэп эlты хатэмиlам. – Наh нэмен муй? – Ими хиlы инщасаl. – Ма нэм ант тайlам. Там йисн хойн нэман понlайм? Антем, ащем пиlан утща уllам, муй нэм мосаl? Похие аяllаяйм, – хатэмийм няврэм ястаl. – Наh па нэмен муй? – Ма нэмем Ими хиlы лэhки. – Хоlта манlан? – Нэ каншты манlам. – Манэм патн уlэн? – Манlаман щи, – Ими хиlы нох амтас. – Муя ант уlэм? Кат хоятан каш шушты. Потарlан, мощlан, юшем сорашак хащl. Туп хотащ наhен аяlты мосаl, нэм наhен мосаl. Ёхм пай хат-
(ханты мир монщ) кку питlан, щиты наhен аяlты питlэм. – Щит хоты ям, нэм куш кепа тайты питlам. Ёхи манl, антеlн lэтот шукан понапlа. Еllы кат хоятн шушlатан. Шушlатан, шушlатан. Хой тахайн хоllыlтан, хой тахайн вой веllыlтан. Щиты шуштан эlты lуh турма йис. Имоlтыйн ёхан сыlан ху шияlастан. Щи ху кев шупат перытыйl. Вана шушlатан, па потарlатан: – Вуща уlа. Муй верlан? Кев перытты хоятн ёхlы нюхмаl: – Вуща уlатн. Воllы рупата ант тайlам, кев шупат перытыlам. Lуh муван муй вой яhхаl? Воlаh веlпасlыты щир антом. Там кев шупат юш кутапн оllат, торас верlат, таlта еl ёваllаlам. – Нэм тайlан? – Нэм ант тайlам. Антем, ащем хоща и пох уllам. Муй нэман верlам? Похие аяllайм. Нын па хоlта манlатан? – Кев пертам ху инщасаl. – Нэ каншты манlаман. – Манэм патан уllын? – Наhен муя ант уlэман? Уlэман щи. – Ими хиlы ястаl. – Хотащ па нэмтыты наhем мосаl. Нэмен Емаh кев пертыкку ат питаl. – Ям щи, щиты ат уl. Куш кепа нэм тайты питlам. Щиты хуlам ху еllы шушмисат. Щи шушсат, щи шушсат. Таlа йис. (Ёх шуштэl эlты, еша энапсат, и тыlащ хун шушсат, хой вантас? Шуштэl эlты lуhа, таlа мосаh ювантыйс). Имоlтыйн курта этсат. Тохи ёхатсат, и хот омасl. Хот пуhаlн и юш, туп юшн ухlаh юш щуртапса антом, lуh юш хорпи. Хота ёхатсат, ёхи lоhксат. Хот сыстам, хотхарl, анlаl, путlаl, пормасlаl хоl лёхытман, сыстапман уllат. Туп хоят хот lыпиян антом. Ими хиlы ястаl: – Тата еша уllув, щутщиlув. Муй ипуша шушты йур ёхатl. Кат-хуlам хатl щутщисат. Унта яhхсат, вой веlсат. И хатl унтхор веlсат. Хорсэl, ёхи тусэl, lэпhа потаlтыты понтсэl.
Имоlтыйн па вой веlты манты питсат. Ими хиlы катhаllаl пеlа ястаl: – Ёхм пай хаткку, там хатl ёlан хащlан. Ёхи ёхаттэман унты пут каварты па мосаl. Хойн кавартlаюв? Мин ёхаттэман унты, наh тут юх сэварlан, иhк аllан, пут кавартlан. Тащ ат ус. Кимет хатl па кимет хуев хащl. – Ма хащlам ки, хащlам, – Ёхм пай хаткку ястаl. – Мет ям, щутщиlам. Хуйhан унт пеlа шушмистан. Ёхм пай хаткку хащс. Тут юх lэщатас, иhк аlтас, унтхор мевl нёхи лакки сэвартсаllы, нёхи моlс. Путl щи етшаты питас. Тут юх lоhаlты ким этас. Аhкармас, хуlам хотаh пурlыман манl, lув пеlайl щи керlысат. Сора, сора ёхи lоhас, анlаl, путlаl иl ханятсаllы. Lув па осам хырат иlпия иl ханемас. Хуlам хотаh ёхатсат, иl lатсат, хотаh сохlаl хоlт эhхсаllаl. Хуlам эвия йисат. Ёхи lоhемисат, хотаh сохlаl ёхи lоhаlтсаllаl, ов пуhаlн нох тахартмасlаl. – Ёй, – и эви нюхмаl, – анlув, путlув ахоlта мантсат. Ёхм пай хаткку лэhки веllыйм унтхор мевl, кавртам пут етшимаl, анlаl па ахоlта тусlы. Нёхи пут омасl, туп хонты ан па lый антом. Нэhат моштантыlт, таhха, Ёхм хаткку осам патыйн ханемиман оlаl. Уlэl па, нык сухтыlэl, каврам нёхийн шанш ур эlты хонlэl. Щикуш Ёхм пай хаткку увас: – Тута щи, тута щи хув ант. Щиты щи нэhат lув шанш ураl эlты lэсат, инщсат, хотаh сохlаl lуматсат па пурlаман мантсат. Ёхм пай хаткку шаншl кавраман lэса, уты хатс, оlман хащс.
(еllы па уl) Эрнст КУРТЯМОВ монщам монщ, Валентина РОХТЫМОВА нэпека lэщатсаllы
•Хорат потарlат
«Душа Севера» Пулhаватн МВК Шемановского lапатмет Межрегиональный выставка «Душа Севера» ус. Щита арсыр вой оhтат, lоват эlты эвтам-нёхрам пормасат этаlтысаят. Валентина РОХТЫМОВА верам хорат
Газета
«LУХ АВТ» Адрес редакции: 629008, ЯНАО, г.Салехард, ул. Подшибякина, 17 (34922) 4-68-03, 4-68-63 Е- mail: luhavt@yandex. ru
Учредитель (соучредитель) Департамент внутренней политики Ямало-Ненецкого автономного округа (ЯНАО, г.Салехард, пр-кт Молодёжи, д. 9) Газета зарегистрирована Управлением федеральной службы по надзору в сфере связи, информационных технологий и массовых коммуникаций по Тюменской области, ХМАО-Югре и ЯНАО 19 апреля 2012 года Регистрационный ПИ № ТУ72-00558
Тираж 700 Заказ 0834 Подписные индексы: на год - 29925, на полугодие - 84611
Газета вышла в свет 6 декабря 2014г. Подписано в печать 4 декабря 2014г. по графику: 16.00 фактически: 12.00 Газета выходит по субботам Цена годовой подписки 96 руб., в розницу не распространяется
Издатель Департамент внутренней политики ЯНАО (629008, Тюменская область, ЯНАО, г.Салехард, пр-кт Молодёжи, д. 9) Отпечатано в типографии ГУ «Северное издательство» (629008, г.Салехард ул. Ямальская, 14)
Главный редактор Г.П. Кельчин