ЙИСАТ УLА, АРТНАТ УLА, ХАНТЫ МИРЭВ НУПТАH ЯСАH! Яlаптаl тыlащ хутмет хатl 2001-мет таl вуш эваlт этты питас
Российская Федерация Ямало-Ненецкий автономный округ Газета №22 (700) Lапат хутмет (суббота), Аснопатты тыlащ (май) 31-мет хатl 2014-мет таl
Прокурор
эваlт
айкеl
ёхтас
Хуl веllан – вера пайтlайн Lорвоош район сут юураh ясhаl ястамаl: Юрий Леонидович па Илья Юрьевич Артанзеевhан сапаl охан понамhан. Вер тамиты уlмаl. Ванхатlап хольмаh пеlа хутмет хатаlан, етан, аси-пох сакhан, Нымвоошкурт пуhаlан, Сяня ёханна, хоlап вантlатан. Хольты хухты хуl Уйтlор тыlась оlаh хатаl уш эlты, русян ант эсаllа веlтыя, ёхан щела иты унты. Катhаlув, хуl веlты нэпек ант тайlатан, сита катаllайhан. Кат хоlапан нийlъяh пеlа кат сарах веlман, сот хуlам пышьян. Ох сиран, ветьяh пеlа вет сёрс соlкува арата ёхатмаl. Си тумпина, хоlна, lатаl сиран, сот сёрс соlкувайн сапlа понамhан. Нумасты сиран ки. Хойтэhан муh катаlсув па накlата пайтсув? Юрий Леонидович Артанзеев, пенсия питман уl, яртъяh няврэм ёшан тайl, яhметаl – хиlы
лэhкеl хоlна энмаlтаl. Таlаh ун хот тэl хоят моlтыйн lапатты мосаl, lуматтаты мосаl, каман хорпи яlпа этам русь мутра lуттыя; вотся куртан уlтыя новитут верты карты мосаl, каш вантты хошап. Па муя сякапlан иса мосаl. Катра йис тэlан хуlэн, нёхаен lапка эlты хун lутыlыса? Иса си ёханна веllа. Сяня ёханан ар ай куртыи, там уш унты хасьман уl. Ин там таl хун веlси, ёхан хуlаl веlты питсэl. Катра иси веllысат, иси lавантысат. Ёхан хуlаl ант си хоllымаl.
Ма нумастэман, хуlаl яна ки шимlа ис, ханты хоятан хун паратса? Аl, таhха, моlты па таха эlты вераl lойl? Еlпи, хантэт, ёхан хуl веlмэlан, хуlаl шимlа ант си ювантыйс. Тухаl порайн йиhкаl хаlаl, хуlаl шаканаl. Товина lыйм хуl эпаl. Хаlам хуl еhк пиlан нопатlа. Симась таlат пораятан хуlаl хоlна шимlа ант ювантыйl. Ин па кат хуна ёхан хуlаl хоlыя нох ёхатса, таhха. Муh, ханты хоятат, турам пиlан па турам эваlт lэтот шитты утlам мохэт. Па сиран уlтыя ант хошlув.
Сяня ёхан хуl веlты сир
Муh турам воойт хорпэт, тась lапка ант тайlув. Муйн тураман маlаюв, муй турам пойкман шитlув, ситэван уllув. Сишан lэтот шиттэв ураhан, сута ки маlаюв, хотсат еllы уlтыя. Сита си мойпар ики иситы хуl веlаl, ханты хоята lицензий такlы веlты ант рахты войт веlаl, lувеl моса па сута матыя? Сапаl охан понтыя? Муhэв турам такlы уlты нэмаlты сиран ант рахаl. Моса ханты хоятат ураhан моlты сир па хорпи законат ханшты мосаl? Па мув эваlт ёхтам хоятат ерты законат, муhэв хотась ант рахтэl, lампа. Ин уlты законат сиран, ай куртатан уlты ханты мохты си браконьер. Lув хоlапlаl, lув пошканlаl хоlна ант мосаl каштыя. Мохты катlы, лакатты нэпек ханша па си. Сутытты сир сит мосятlа. КЕРАН Митры ханшам потар Айхоп Павель верам хор
Айкеlhан
Тазавский вошн общественное слушание верыlыса, хота потар щи эlты lойс, рахаl, амуй анта Гыда полуострован нефть па газ каншты. Красноярский край пеlа рупатайт верты номас понтса. ОАО «Сибнефтегеофизика» инженер Василий Татарников слушание хоща актащам хоятата ястас, нефть па газ каншты вер ситы ин lэщатlа, нюуром мув сох ант шукатlа па эномты торнат-варсат ант паратlайт. Ветьяh пеlа кат гектар мув нефть па газ каншты ураhан lэщатты мосаl. Яlоп метод юурн рупатайт верты номас понтса – рущ ясаhан ястоман «глубинный метод электроразведки». Иркутск воош эlты катхощьяh хоят вездеходан Гыда полуострова мантlат, рупатая мосты пормасlаl иса вездехода lэпlат, ёхlы
Рыйм вуlэт нох акатlайт КЕРАН Митры верам хор
Гыда полуострован нефть па газ каншты питlа
Сяхар тармаl ки ал па рахаl мантэlн па муй хуулы питl, иса щит ищи патн вуlэl. Василий Татарников номпсаl еllы тусlы: «Мув хирты ант питlув, ун техника па патн тайты ант питlув. Нефть па газ ин яlоп щирн каншlув». Щи вера ин там таl «Сибнефтегеофизика» паlманшик катlасыйс. Паром таlн верlаl ёврашик вертсаllаl: рупата верты ёх ур ёх хаlащ шукатмеl. Василий Татарников ур ёх пеlа пойкащас. Актащам хоятат щимащ номпса ёхатсат: иса верат яма вантты ураhан шоши мир ассоциация «Ямал-потомкам!» эlты нэман хоят щи вера понтlа.
Там таlан Ямал муван шеhк ар вуlы питас. Питам вуlэт акатты питсайт, па каlаhата муш ант питты ураhан. Щи эlты ветеринар служба куща ху Андрей Листишенко ястас, вуlэт туп тутн нох ёсаlтаты мосаl. И вуlы щиты lэщатты тынаl вет щёрс соlкувая ёхатаl. Андрей Листишенко па ястыlыйс: «Муниципалитета вуlы хаlайт lэщатты вер парман уl. Кашh районан щи вер арщира lэщатыlа. Байдарацкий совхозан вуlы хаlайт нёхийн совхозан энмаlты войт: охсарат, lэпкат lапатlайт. Щи нёхия анализ верыlыса, моlты кашимуш ант уйтса, щит ураhан щи вер эсаlтса». Ущ тыlащ оlаh хатlат унты щи вер lэщатты мосаl, вуlэт мувев хуват ар тахайн питман уllат. Ар пора хащаl, хун щи вер иса туhа паятlа. ИА «Север-пресс» эlты вусlы па тоlмащсаllы Надежда КОНЕВА
2
№22(700) Lапат хутмет (суббота), Аснопатты тыlащ 31-мет хатl 2014-мет таl
Евгений Носов
Победа постаман
(потар оlhаl № 21 газетайн уl)
Каман яна щикем ям уlмаl. Ишни иlпийн энмом тополят ай лыптыетн этты питмеl, Саенко мантаl еlпийн ишни муh урhева нох пуншсаllы, куш пуншты ант рахас. Тополь лыптыет эпаl эlты муh иса кучума ювантыlысув. Зяблик па ишни пуhlа lатыlыты питас. Етн, хатl омасты лепн, щищкие мет нуман lойты нува омсас па араl туты питас, щи ар эlты lыпиlав иса яммиlтсайт, щищки ар, сама понтман, муh хонна хув машьяя омассув. Татья, медсестра, градусникат понты ёхтыlытаlн, lыкащман ишни пеlа иса шушмиlыйl, ишни лап пентыlыllы, Михай па lув еlпеlа lоёмтыйl па ястыlыйl: – Аl пенты… Щит наhен lаварт? – Хуlлиты питlаты! Форточка пуншман щи уl. – А! – молдаванин, веншаl шомартыlыман, ястыlыйl. – Наh еша хуlанта! Щищкие арыйl. – Михай ёш шупlаlн эви апаlтмаllы па ишни пуhlа туllы. – Хуllэн, хоты щищкие арl туllы. Наh па ястаlан – форточка лап пентаlн! Татья щи порайн шитама lойl па Михай ёш шупlаl lаhкраl эlты нох ант па вуllы. Берлин воша соlтанlав lоhмеl! Берлин юрlы питмаl! Щи ясhата ант па эваlтсув. Муh самаhа газет хорат вантыlысув, хота ныса, хоты соlтанlав Берлин вош хулыятн лялеl тусэl. Иl рохнёмтом хотат, шукатом ишнет, вощком подвалат; ёшlаl нох аlомман, хулэh веншпи немщат, шушlат; нови вотвойт па простыня сохат балконата тахартман, lойlат… Тохи ант па эваlтсув – муh нох питмев! Яна, ляль хонна ант етшас. Lув хонна хуlмет хатаlн, ветмет хатаlн, lапатмет хатаlн йис. Хонна па каман хатl?! Ляль иса етшиты пора щи хув lаваlтсув. Нюломlав щи хатlатан таканшик щарысат. Атом номасlам еllы китман, ма парта пелак ёшемн вой хорыет ханшты питсом, паllамн па моlты сый щащас, моlты ясhат щащты питсат. Саенко па Бугаев, газета lуhатман, хотъятн омассатан. Бородухин йинтоп мощатмаl па тохом тутхотl lэщатты питмаl, Самоходка Саша шитаман омсас, «Дюбек» хахса таlас, лаhкисыты сохl иlпия хахса пусаh эслиlысlы: медсестрайн щи вер аl кащаlаlа. Михай оlттахаяlн кератлийс, ёшшупlаl осомхир эlты понтман, хот lоhl пеlа вантман. Ов пуншмиты кеман хоlыева ов пеlа аhкартмиlысув. Муh хоlыева, мо-
сты ясhат lаваlтман, усув. Щиты щи нийlмет хатl парс па етна па парс. Атаlн ма моlты сый эlты нох ракантсом па тыlащ новийн иlта сохн Саенко кащаlасэм. Lув, кровать шанша катlасман, Бородухин пуhlа омсас. – Оllан? – Анта… – Иlампа, пиращ икев ёхтас. – Lув щи, иlампа, ёхтас. – Муя па ат кутопан… Коридор хуват сопекаh хоятат шуштэl щащас. Шитам атн яма Туранцев полковник – Пиращ ики – турсый щащас. «Пиращ икия» тушlаl ураhан нэматса, тушlаl иllы пеlа ющаhашик lортман тайсаllы. Туранцев эlты хоятат паlтманшик уллиlысат, па lув ясаhlаlа иса хуlантсат, lув ям хирург ус, хун шеhк lаварта мушмаlтом солтан тутлиса, Туранцев операция верыlыйс. Ипуш щимащ пищ ус – няlмет хотъятн и кашаh старшина оlас. «Золотая звезда» орден ин ики тайс. Lув леккаратн, медсестряйтн иса яма вантман тайса, муй lувеl мосас, иса тутлиlыса. Ин ики и пуш вусlаl лап ёнтом ернасан тувом, шеhк щи эlты lыкащас, ернасl ёхlы вощкасlы, увты питас. Муh хоты
щи эlты яма уятсув, муя lув щиты ешащас: нэ мощатман тайс. Нэ хоща, lув нумастаlн, хоты па вус лап ёнтом ернасн манаl? Ернас тувом ими номсаl шакас па сэм йиhкlаl этсат. Туранцев щата щи порайн ус. Вер оша паятсаllы па старшина хоща lоhас, мосты ясhат ястас: Там «Золотая звезда» меваlн тайты – анта шеhк lаварт вер. Па хорпи муш эlты па нох питты мосаl – хоятат пеlа яма уlты мосаl. Ляль ин етшаl па наh аl хоятат кутн уlты питlан. Ясаhlам яма номса понаlн». Па lув ищипа старшиная яlоп ернас маты партас. Щи Пиращ ики ин леккар хотэв коридор хуват шушас. Муh хуlтсув, хоты lув Звонарчук lаhкар хуйl пиlн потартас. Lув сыйh турl коридор хуват яма щащас. – …иса сыстам сох хоятата маты мосаl – оlт тахая, тайты сох. – Муh туп щи сыстам сох понтсув. – Яlпа сыстам сохн мияlн. – Маlув щи, Анатолий Сергеевич. – Пурщ нох хораты. Хатаl кутпа моlты эпlаh lэтот каварты мосаl. Lэтот аl шалитаты. – Анатолий Сергеевич, кавартlув щи, молты эплаh от кавартlув. Муй мосаl, иса кавартlув… – Щаlта, хуlанта… Нумас-lом, вуна па рахаl пасана омасты. Хоты наh нумасlан? – Рахаl щи. Ащпир уl. – Анта ащпир. Шеhк юраh. Каш ураhан йинщематы рахаl… Щи ояh хатl! Щи ояh хатl! – Ояh хатlые, умащ хатlые… Еllы шушмомаl щащас, туп сопек курпатlаl ар щащас: «Бу-бу-бу…» И-кат минут муh хонна еша тохеl хуlантыlысув. Щаlта иса шитама йис. Па муh хонна ям хув моlты пеlа иса хуlантыlысув. Леккар хотъятн, аlмунтыки ищи хоlтпеlа хуlантыман, щосэв хуlом пуш сэhкмаl
щащас. Хуlом щос, ат кутоп… Ма па щи порайн щимас номасн ёхатсайм, щосэв моlты ям вер, мосты верат эlты сэhкас, яlоп верат эlты… Самем щарыты питас, охемн щащас, хоты вур охвеlмем хуват шовийl. Саенко ёшlаl нохлы шашсаllы, тыlащ новийн lув татуировка эlты питы востыя вантасты машакlаl яма нысайт. – Щи! Лялев етшас! Щи, хоятыет! – Lув увас. – Лялев етшас! – Па па ясhат lув ин ант уйтас, туп хонна атом ясаhан рувемас. Михай оlт тахаяlн нох омсас, курlаl иl эсаlтсаllы, lопиты сэмаl ям пелак ёш кунш оlhаlн нэртсаllы. – Михай, лялев етшас! – Саенко уваlтас. Бугаев оlттахайl эlты иl навартмас, осомхираl вус па Саша Самоходкая юраlн вощкасlы. Саша моlты lув сахатl ястас па охаl па пелка кератсаllы. – Сашка! Нох верlа! Бугаев Сашка оlттаха пеlа навартмас, лаhкисыты сохаl нох нярэмасlы. Самоходка, оlмаl манмаl юпийн, Бугаев ики ернасl эlты мощатсаllы па оlтахаяlа иl паятсаllы. Бугаев, Самоходка lаhкарlаl эlты тарhаlтман, такан няхман, увас: – Самем щикем нох амтас. Лялев етшас, наh па оllан! Ёшlам аl шукатаlн. Ант верытlан. Таксары хоят ма. Разведкайн иса усом. Ляльн юраh немщат па татlыlысlам. – Курэм… иl яртман уl… – Самоходка, вурайн турсыйl щащас. – Ма, lуlан, ин наhен еша татаlтсэм… – Рома уlаты! – Бородухин уваlтас. – Гипсlын шукатlаllын. – Ат шукаlаlат! – Саенко веншлохта питом охсохlаl нохlышик вощкасlы. Щаlта яка питас, гипсан поном кураlа нэман таканшик пуромтыман: – Сама вана тайты эвем Щещхир эlты ернас ёнтмаl… Бугаев, Самоходкайl хайсаllы па пиllаlа па няхкаш верты питас. Шахмат сохl вусlы па щаlта сохаl хуват lуйlаlн сэhкты питас, аlмунтыки, ёшн куйп катlас. Еlта ма ант хащиlысом, Курэм щещн ёвартысом… Ишнийн тыlащ новийн ныса, хоты ракета эсаlтса, щи эlты туром вуртыя каlыйс. Перная па и ракета манас – торн востыйн туром этлиlыйс. Пошкан эсаlты щащас. Щаlта пароходат ув па тохи питас, Ока ёхан хуват, таhха, lый щи порайн мантсат. (еllы па уl) Потар рущ ясаh эlты толмащсаllы Надежда КОНЕВА, интернет эlты понам хорhан
3
№22(700) Lапат хутмет (суббота), Аснопатты тыlащ 31-мет хатl 2014-мет таl
Щущие
№5 (38)
Микуль Шульгин
Вуща уlаты, няврэмат! Там лопасан lуhатты па утаlтыты ураhан lуhтарат акатсув. Ханты мир писателят там lуhтарат ханшсат, щит Даниил Китаев, Микуль Шульгин па Роман Ругин. Щи хоятlув ащиlаl па рутlаl ищи Ун лялян усат, ляляссат. Шимаl хоят ёхlы ёхтыlыйс, арпелак соlтан ляль харан паратсайт. Щишан, там порайн уlты мирэва мосаl уйтты ляль вер эlты па щи манам хоятат эlты иса нумты.
Максим Сандрин верам хор
Даниил Китаев
Максим Сандрин верам хор
Отец
Помнит отец мой походы, Привалы в лесу, на траве. В военные тяжкие годы Сражался он на Неве. В горячих буднях пехотных Науку бойца постигал. Природный таёжный охотник, Он опытным снайпером стал. Он был и бесстрашен, и ловок, Врага бил, как зверя, – в глаз. И те, кто сражался бок о бок, Дружат с ним и сейчас. От доблестных стен Ленинграда Отец возвратился в тайгу. И был наивысшей наградой Наш праздник в семейном кругу. Он снял полевые погоны, Сказал мне: «Ну, хватит дремать! Какая стоит погода, Какая, сынок, благодать! Я снова рыбак и охотник, А это нам, хантам, к лицу…» Как хочется мне сегодня Спасибо сказать отцу За эту простую науку – Всегда оставаться в строю. Отец! Я жму твою руку. Я рядом с тобою стою.
Баллада об охотнике ТОЛБО Каждой весной токуют В сосняке глухари. Тридцать вёсен тоскует Посёлок мой Лопхари. Помнит он день, дождями Выевший радость глаз, Жёны прощались с мужьями, В люльках качая нас. Шли они прямо в пехоту – В поле большой войны. Небо гудело бубном. Земля горела костром. А под Москвой был бешеный Смертный огонь и гром. Толбо, охотник Толбо… Жители Лопхарей Помнят, сколько он добыл Белок и глухарей. Слушаю молча повесть, Выжженную огнём, Толбо узорный пояс Застегнул под Солдатским ремнём. Пояс с клыком медвежьим, С кинжалом – Надёжней так. Грохот гранаты, скрежет… Толбо упал под танк. Толбо, охотник Толбо… Шепчет тайга: – Смотри, Был он героем. Долго ждут его Лопхари. Перевод с хантыйского А. ГОЛЬДА
○ ○ ○ ○ ○ ○ ○ ○ ○ ○ ○ ○ ○ ○ ○
Роман Ругин
Дети войны Нас было много – юных, чьи отцы Остались под Москвой и под Берлином. Впрягались в лямку жизни мы, мальцы, Зимой морозной, летом комариным. Забыв надолго детскую игру, Садясь в калданку-лодку на рассвете, Мы торопились в заводи – в сору – Обследовать поставленные сети. Волна плескала снизу, сверху – дождь, Куда ни поглядишь, вода повсюду. Казалось, от простуды не уйдёшь, Но мы плевать хотели на простуду! Пусть воздух пахнет близкою зимой, Остры мороза первые уколы, – Успей сдать рыбу, заглянуть домой И, чуть обсохнув, добежать до школы. А вечерами, с наступленьем тьмы, У слабого огня ссутулив плечи, О, как отцов и братьев ждали мы, Какие им придумывали встречи! Глуша в себе короткий детский всхлип, Ещё ночами долго мы не спали: А вдруг погибший – всё же не погиб, Пропавшие без вести – не пропали? Нам эта вера помогала жить И, не сломившись в испытаньях многих, За тех, кто не вернулся, послужить И за слепых, безруких и безногих. Не вешний луг, блестящий от росы, – Мне снятся вновь, покоя не давая, Промокшие, обмёрзшие кисы, Отцовский «гусь» – одежда меховая. Недетская работа, боль потерь… Сейчас, конечно, жизнь кругом иная, Но детство наше трудное теперь Я ни на что, друзья, не променяю.
Надежда Талигина ханшам хор
Оно – моё сокровище и честь, И если мир светлее для кого-то – Я знаю: и моя тут капля есть, Пускай не крови, так хотя бы пота!
Клавдия МАКАРОВА lэщатам лопас
4
№22(700) Lапат хутмет (суббота), Аснопатты тыlащ 31-мет хатl 2014-мет таl
Тус
ясаh - тус
потар Е l э м
Луhтар ханшты эвии
– Вуща уlаты, Геннадий Павлович. Там lуhтар рахаl ки нын газетайн, лопас «Щущие» хоща ханшты. Толмащас эвие урок ураhан, ма lувеl ястасам: «Рахаl газетая китты». Китсэм. Самуил Яковлевич Маршак «Отшам Ай вой эlты монщ» русь ясаhан питаl «Сказка о глупом мышонке» толмащас Тыликова Ксения, lув Овкуртан хутмет “а” классан утаlтыйl.
– Нан турсыен шек ващие! Аhки, наh аl щалыя! Митнэ манем канша!
Арыяс атаlан ай вой: - Оlа ай воие, шитак уlа! Маlэм наhен нянь карыйн Па умащ нови тутыина.
Юпи ясаh. Ун пумасипа ясаh нынан, муh, газетайн рупитты ёх, ястаlув. Надежда Дмитриевна, ОксюнянКсеньяйн ханты мираl ясаh шавиман ат тайlаllы, кашh
Ястаl lувеl ай вой:
Хухlас ай вой-аhкие, Питас васы митнэhа вохтыя. – Ёхта муh хощаев васые, Муh няврэмев нёхаlтыя. Питас арыты митнэ васые: Га – га – га, оlа, нявремии! Ерт юпийн, унтан, Мувlэрна наhен каншlэм.
хатаl утаlтаllы, lуhтарат па монщат, потрат па арат еllы па ат ханшаl. Муhэв шеhк умась ус lуhаттыя, нумастэван, газета lуhатты хоятlува иси сама рахаl. Хоятат си потарlат, маттыки, муh эвиlув, похlув, хиlыlув ханты мир потартам ясhэl хаймеl. Ксенья ясhаl тайтаl ураhан, муhэва си тынаh. Па ишан, lуlн, хоят хораl китlа, lув эваlтэl ешаи ханшlа ки мохты lэр. Ханты мир тайты ясhаh хоятатан хоlыя уйтты питlа. Сяхашак, ант тэрмасьман, муh Тыликова Ксенья элты каматса ясаh хоlна ханшлув.
Ашкуlайн си порайн утаlтысам, Lорвошна, ветмет классна. Артека китlайм. . Артек сит Всемирный пионерский лагерь ус. Тохи ар мувсуh эlты няврэмат туlайт. Таlан ки, няврэмат сита утаlтыlат па сютсяlат, lуhан ки ёхатlат - иса сютсяман па ёнтман уllат. Пулhават воша ёхатсам, «Север» нэмпи гостиница хоlты хота тусайм. Хоlты хотэм пуhаlан окружной санаторно-лесной ашкуlа ус. Сита ма lухсэм утаlтыйс, торах мушаl ямаlтас. Номас усам lув хосяйl яhхты. Lуматlысам, еша рамкапты питас, па си мантсам. Lухсэм хося ёхатсам. Уся версам, потарсаман, еша теннисна ёнтсаман. Сяlта «Центральный» lапкая мампась lутты шушмасман. Lапка пуhlа ёхатты питсаман, хуlам няврэм мин хосяеман ёвартыты питас. Lухсэм пиlан машкантыты питсат. Хуlам пиlан кутармаl. Ма па пуhаlан lойlам, вантlам, lухсэм аратыты паllам, аl сэкlайм, аl хойlайм. Си вер ин там унты нумlэм.
КЕРАН Митры lэщатам потар
АЙХОП Павель
хор Интернет эlты вуйм
Сикем ям мутрайт этсат. И лотан омасман, интернэт хуват, камн хорпи айкеl верапты рахаl. Нэпек ант мосаl, чернил па ант мосаl. Почтая письма туты па ант мосаl. Компьютер туп тая па аl уlа. Сотикат па этсат. Веlпасlаты тахайн ойhкеl верапты ям. Ойlы ки, хоlся тапlа ки, айкеlпуун (ситы ма сотовый телефон айlты питсэм) тайlан, потарlан – мосятlайн. Ин си пормасат такlы уlты lаварт питаl. Няврэмии туп lуhатты lовата иl, мохты айкеlпуунна lутlа аhкинаасина. Моlхатаl Надежда Дмитриевна Вальгамова эlты, электронка хуват айкеl ёхтас.
Ай вой аhкие
Хорат потарlат
Ханшаh вайт хорам луматотат
Ханты нэhат ёнтасты хошlат. Вантаlан, муй хорпи хорам тупарhан па ханшаh вайhан, умась ванттыя. Кур ант потlа, хоlна тарм иськи порайн. КЕРАН Митры ханшам потар шупии па вуйм хорат
Газета
«LУХ АВТ» Адрес редакции: 629008, ЯНАО, г.Салехард, ул. Подшибякина, 17 (34922) 4-68-03, 4-68-63 Е- mail: luhavt@yandex. ru
Учредитель (соучредитель) Департамент внутренней политики Ямало-Ненецкого автономного округа (ЯНАО, г.Салехард, пр-кт Молодёжи, д. 9) Газета зарегистрирована Управлением федеральной службы по надзору в сфере связи, информационных технологий и массовых коммуникаций по Тюменской области, ХМАО-Югре и ЯНАО 19 апреля 2012 года Регистрационный ПИ № ТУ72-00558
Тираж 700 Заказ 0282 Подписные индексы: на год - 29925, на полугодие - 84611
Газета вышла в свет 31 мая 2014г. Подписано в печать 29 мая 2014г. по графику: 17.00 фактически: 17.00 Газета выходит по субботам Цена годовой подписки 96 руб., в розницу не распространяется
Издатель Департамент внутренней политики ЯНАО (629008, Тюменская область, ЯНАО, г.Салехард, пр-кт Молодёжи, д. 9) Отпечатано в типографии ГУ «Северное издательство» (629008, г.Салехард ул. Ямальская, 14)
Главный редактор Кельчин Г.П.