ЙИСАТ УLА, АРТНАТ УLА, ХАНТЫ МИРЭВ НУПТАH ЯСАH! Яlаптаl тыlащ хутмет хатl 2001-мет таl вуш эваlт этты питас
Российская Федерация Ямало-Ненецкий автономный округ
Уважаемые труженики и ветераны рыбной промышленности!
○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○
Газета №28 (706) Lапат хутмет (суббота), Уйтlор тыlащ (июль) 12-мет хатl 2014-мет таl
От всей души поздравляю вас с профессиональным праздником! Ямальцы знают настоящую цену вашему труду, ценят и уважают вас – людей крепких и сильных духом. Предприятия по добыче, переработке, разведению речных биоресурсов вносят большой вклад в укрепление экономического потенциала северного региона. Все это благодаря вашему профессионализму, мужеству, терпению и стойкости. Ваш оптимизм, увлечённость делом наполняют новым смыслом лучшие рыбацкие традиции Крайнего Севера. Власти округа предпринимают все необходимые меры для дальнейшего развития рыбохозяйственного комплекса региона. Уверен, модернизация производства, увеличение объемов переработки, выпуск высококачественной рыбной продукции, решение первостепенных государственных задач станут серьезным стимулом для достижения новых позитивных результатов. Дорогие земляки! Благодарю вас за нелёгкий, самоотверженный труд! Искренне желаю вам крепкого здоровья, счастья, благополучия и оптимизма. Пусть рыбацкая удача сопутствует вам! Председатель Законодательного Собрания Ямало-Ненецкого автономного округа С.Н.Харючи
Екатеринбург вошн вуlы нёхи тыныты питlа Хуl эlты консервайт па колбасат верты Ямал предприятияйн «Ямал продукт» фирменный lапкаятн хуl пормасат тумпийн хонна вуlы нёхи тыныты питlа. «Ямальские олени» компания пиlн соглашение мосты щирн ханшса. Предприятие «Ямал продукт» туп щи Екатеринбург вошн вуlы нёхи тыныты питас. Хащом таlатн вуlы нёхи туп па хон пелка тыныlыса па Москва па Тюмень область ресторанат вуlы нёхи Ямал эlты lутыlысат. Катрашик нёхи тыныты вер анта шеhк туhа lойс, па тахаята тыныты туты пищ антом ус, ин па тохlаhхопатн нёхи тутлиты питlа. И хатl хащман, вуlы нёхи тохlаhхопан Пулhавт вош эlты Екатеринбург воша тутлиты питlа. «Ямал продукт» lапкаятн арсырн кавартом па сораlтом хуl тыныlа: мохсаh юкола, соlаhа сораlтом хуl lытоп, мохсаh, ряпушка, чир, сырок па пыжьян эlты консервайт. Щита верты lэтот иса ГОСТ щирн вертман уllа, Екатеринбург вошн щимащ «сыстам» lэтот ант па тыныlыlа. Па щи эlты ястаты рахаl, «Ямал продукт» lэвапсайт шеhк эпlаhат.
Ямал мув газ па нефть Ямал мувевен муй арат газ, нефть па конденсат мув эlты хащом таlн нох вуйлиса, щи арат па там таl нох шитоптаlа.
Айкеlат Вет тыlащ сыс 232 млрд.915 млн. кубометр газ мув эlты вуйлиса, нефть па 8 млн.872 тыс. тонна, газоконденсат – 6 млн. 934 тыс. тонна. Мет аршик газ Газпром дочерний предприятияйт вусат, там тыlщат сыс щит 81,5 процента lойl. Нефть па мет аршик «Газпромнефть» па «Роснефть» мув эlты таllат, 5 млн.272 тыс. тонна па 2 млн.468 тыс. тонна мув эlты нох таlтсатан. Газпром па метшик ар газовый конденсат мув эlты нох шитылымал – 71 процент. НОВАТЭК иса яха газовый конденсат 1 млн.124 тыс. тонна вуйлимаl, Роснефть па 403 тыс. тонна. Ин там таlатн Ямал стратегический проектат пеlа таlаh мир вантман уl. Округев – щит мет воlаh па мосты хон мувева таха, хота энергетика верат иса туhа па мосты щира lэщатман уllат. Щи эlты ин Ямал мув пеlа щиты щи вантlа – lув па хон мувата щи верн иса нётаl, мет шопаh Азиатско-Тихоокеанский региона. Щит ураhан, ин Ямал мувн па яlоп газ па нефть вуты тахайт lэщатlайт – щит Ямал полуострован уlты тахайт (Бованенковский, Тамбейский, Новопортовский) па хаlэвт пелак пеlа уlты Мессояхский месторождение па овс мув пелакн Ун шарс питарн уlты Каменномысский месторождение. ИА «Север-Пресс» эlты Надежда КОНЕВА айкеlат толмащсаllы
○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○ ○
«Кушават» община мохет вохиlыяс Ущ ёхатты тыlащан Кушават вошн хоятат актыщисат йинаl ёнтты утаlтыты кеша. Щи кеша «Кушават» община нэман мохет вохиlыяс. Ханты – Мансийский округ эlты мун хощаев народный мастер ДПИ Вагатова Галина Семёновна ёхтыlыяс, аиlыяс, хоты йинаl ёнтты. Lув кашан хатl мастер-класс верас: хоты тонты хорты, хоты юх lэр каншты, хоты люм юх варс мортты. Щи кеша туняl энмам варсlаl антшак рахтэl. Там йис энмам яlап нувlаl туп рахет йинаl ёнтты уранан. Геннадий Ев-
ремович Хартаганов, член Союза художников, аиlыяс, хоты тонты эlты онтап верты. Щи кутн хонна ай няврэмат ханты книга нэпек «Ими Хиlы» хорн ханшсэl. Lув пиlэlан рупитас Надежда
Михайловна Талигина, член Союза художников России. Lув кашан хатl лунханщап сыйн вохсайт ольпан хорlаl ханштыя. Лидия Павловна Хартаганова, община «Питlор ёх» куща нэ, утаl-
тасlы нэнат ёнтасты. Щаха там ун хоятат эlты утаlтымеl юпиян, «Кушават» община хоятат ищи йинаl ёнтты питlат. Зинаида Лонгортова ханшам айкеl па верам хор
2
№28 (706) Lапат хутмет (суббота), Уйтlор тыlащ 12-мет хатl 2014-мет таl
Константин Паустовский
Атн поном юш
(потар оlhаl №27 газетайн уl)
Lув номасlаlн Андерсен хорасаh эномты ху ус, верlаl иса каркама верыlысlы. Lув сот арщир ясаh номпсаlа поныlысlы, муй юрн lув вератас lувеl хор ханшты – «lуhтар ханшты хорам лыптат» ин lув актас. Андерсен па хорас век ант тайс, lув щи эlты яма уйтас. Lув каращ па ващ ус, порайн хоятат эlты еlмиlыса. Ёшlаl-курlаl, аlмунтыки кеlан яртман, усат, тыеl-тохеl ёвlащсат. Щимащ хоятыет lув рут муваlн «хампельмана» аяlтыlа. Щимащ хорас тайман, lув нэhат эlты ант па нумасас. Па ищипа кашаh порайн, хун хорасаh эвет lув вантсат, самаl ищипа хошиlыйс, аlмунтыки lув анта ху хоят ус, аlмунтыки моlты lонщом павартшуп lув ус. Андерсен хащ иl воёпса. Хун па нох ракнас, ун няр торн каlы хус кащаlас. Lув юхат нумпийн lойс. Аlпа, ат кутопкем ус. Lоват lоймеl. Камн хоят потрат щащсат. Андерсен еша хуlантас. Lоваh ху моlты имет пиlн потрэмас. Нэhат турсыйт ай lуhханщопат иты саhlэмасат па потарlаl шома ерт сэмат иты питсат. Lоваh хоят нэhат патн вуты ант lаhхас, ох шимаl таймеl. Имет каматса пуш ястыlысат, муйкем ох тайсат, иса lувеl щи масlаl, ох па шимал тайтэl. – Я, мета! – Андерсен lоваh хоята ястас. – Муй ант тармаl, ма сохоптаlом. Па, мосl ки, хонна эlты охн понтlэм, мета ульняя ешащты. – Я, хорамат, омпсаты, – lоваh ху нэhата ястас, – па пумащипа Калтащ Аhкана ястаты, ям хоята питман, тащаh хоята, ох тыеl-тохеl ёваlаl. Lувеl сора еllы манты мосаl. Нын па, lохватат, lувеl ант па мосlаты. – Туром Ащие! – священник, эhаlтманшик, ястас. – Эвиет, ма пуhlэма омпсаты! – хув тэlн манты нэ ястас. – Щиты хошомшик питаl. Эвет, аяlта lый кутэlн потартман, кусэhхопа омасман, вуща вертсат, Андерсена пумащипа ястасат. Ош сыран па мята лыпат эпаlн авты питас. Андерсен, кащаlас, хоты эвет паlатн тынlы тынаhкевшукат волисат. Lоват хухаlтмасат. Щащ-
ты питас, хоты кусэhхоп кеваh юш хуват манас. Щащас, хоты эвет lый кутэlн шитаман потрэмасат. – Lый инщасlат, наh хой? – Хув тэlн манты нэ инщмас па щащас, хоты lув аяlта няхаlтас. – Наh яна па хон пелак эlты ёхтом принц? Мосаh, аl наh ванкутlы юшн уллиlан? – Ма еllы питты верат эlты уятты хоят. – Андерсен мохты ёхlы ястас. – Ма уятlом, муй еllы уlты питаl, манэм патлам кутн яма ныlа. Ма па хоятат ант няlмиlыlом. И ясаhан ки ястаты, ма – нуша принц, щи мув эlты ёхатсом, хота катра Гамлет ус. – Муй па наhен патлам кутн ныlа? – И эви, сэмlаl уна таlман, инщасас. – Наh ныlайн, – Андерсен ястас. – Наh манэм ин щиты яма ныlайн, щи эlты ма самем аматн шома тэкнас. Lув щит ястас па хуlтсаllы, хоты веншаl хуват потом шакйиhк овс. Щиты lув порайн питыlыйс, хун моlты поэма, амуй монщ ханшты номас верыlыйс. Щи порайн lув lыпеlн ахольща этты паlтап вер, и юпийн сора этты ясhат, ким вуратты lув сам lыпеl юр иса яха питыlыlат. Аlмунтыки, и lув ханшом потраl эlты сый пиlн сумтэк аl нох ракнас па щаlта ким питсат – хонна lув ант ястыlыйм ясаhlаl, ант вуйлийм номасlаl; сэмlаl еlпийн ант ханшиlыйм мув хорам этас, хорам lыптат ав, морты мув вотат эпаl нёlа lоhас, мув хорам сый, юх lыптат щулиты сый паlата питас, эви сама вана понты вер, ай няврэм моlты ястаты пищ. Андерсен ант уйтас, хоты щи пищ аяlты рахаl. И хоятат ястаlат – щит вдохновение, киметат ястаlат – щит восторг, хуlметат па – импровизация пищ. – Атаlн ма нох вертlасом па нын турсыйlын хуlтсом, – Андерсен ром турн ястас. – Щит манэма морт ус, ин ма нын эlтайн яма уятlаllам, ай апщиты иты, ма нынан сама вана понтсаllам. Ма нын эlтэна моlты иса уятlом. Наh, нови охсохаh эвие, наh шеhк няхмаh, моlты пеlа иса самен lойl, хун огород хоща рупитlан, щищкет наh lаhкрэна омпсыlыlат. – Николина, хуlанта, щит lув наh эlтэна потартаl! –
И эви пиlнэhаl пеlа ястас. – Николина! Наh самен кавром, – ищи щиты шитаман Андерсен ястас. – Наh сама вана поном похен моlты вера ки питас, наh lув хощеlа потом lонщат хуват, кавром сэйхиш хуват мантlан. Ма торlы ястаlом? – Мантlом щи… – Николина еlэма питас па шитаманшик ястас. – Эвиет, нын нэмlын муйт? – Андерсен инщмас. – Николина, Мария па Анна, – и эви пиlнэlаl юкана утща ястас. – Мария, наh щикем хорасаh, ма щи эlты потарты ант питlом. Ма Италия ясаhан атма потартlом. Эномты порайн хонна ма Туром пеlа пойкащсом, хорам эlты потар туты, куш хота хорам кащаlаlом. – Туром Ащие! – священник шитаман ястас. – Аlпа, lув ун нимпсар имийн порэмаса. Ин хоят иса отшама ювмаl. – Шеhк хорамаh имет уллиlат. Па хоятат пиlн потарты lый каш ант тайlат. Lый матты хоят сама понтlат па щиты щи сам вошн lувеl тайlат. Нэмоlты хоят щи эlты ант уятаl. Щимащ нэhат веншlаl шома вур хорпет. Мария, наh щимащ щи. Щимащ нэhат уlопсайlаl арсыра маныlыlат. Тухlат ояhа уllат, тухlат па, иса тыша питман, уllат. – Наh па хун порайн щимащ эви уйтыlысан? – Хув тэlн манты ими инщасас. – Тата щи ин туп уятсом, – Андерсен ястас. – Ма анта туп Мария эlты ястаlом, наh эlтэна па потартlом. – Ма нумастэман, наh щиты, номас тайман, ястасан, анта сорашик ат партаl ураhан, – Хув тэlн манты ими еша тарыты турсыйн ястас. – Няхlан ки, щит шеhк атом, там эви ураhан па ма урhема, – ин ими ястас. – Ма нэмоlты порайн хонна щиты тарма ант потартыlысом. – Торlы яста, питlом ма ояhа уlты? – Мария инщасас. – Наh шеhк ояhа уlты lаhхаlайн, куш наh аhкенащен аl хоятhан. Щит ураhан ар ой тайты ант питlан. Па наh ям хоят уятlан, lув пиlаlн яма уlты питlан. Щит шек ям хоят питаl. Мосаh, lув хорат ханшты питаl, мосаh lуhтарат хан-
шаl, Италия ям уlопса ураhан иса моlты верты питаl… Мосаh, хоятэн мисат шавиты питаl, мосаh катерн яhхты питаl, па lув lэпат сэм тайты питаl. – Хоятые, – еlэмтоман, Мария инщасас, – патлам кутн нэмоlты ант ныlа, щит ураhан, ма инщасты вутщиlом. Муй манэм ин верты, ма, мосаh, щимащ хоят уятсом? Ма lувеl туп каматса пуш вантыlысэм, ин па ант уятlом, хота lув уl. – Канши lувеl! – Андерсен уваlтас. – Уйты щи хоятэн, lув наhен самаlа вуllы. – Мария! – Анна, аматман, уваlтас. – Па щит Верона вошаh хор ханшты ху… – Уhlэн лап пенты! – Мария lув пеlэlа уваlтас. – Верона – щит анта шеhк ун вош, хоят щата уятты рахаl, – Хув тэlн манты нэ ястас. – Ма нэмем номпса понаlн. Ма – Елена Гвиччиоли. Ма Верона вошн уllом. Кашаh хоят щата ма пеlэма яма уl. Наh, Мария, Верона воша ёхта. Ма хотэмн уlты питlан, хоятэн ант уяттэн унты. Мария патлам кутн Елена Гвиччиоли ёш ёша вусlы па lув рув эlты вуртыя ювом веншпуhаllаlа понтсаllы. Хоятат иса машьяйн омассат. Андерсен туром пеlа вантас па няр торн восты хус щата ант уйтас. Lув мув йира lоhмаl. Хатl ешовl щи этаl. – Манэма па наh муя нэмоlты ант ястасан? – Анна, мет потраh эвие, инщасас. – Наh ар няврэм тайты питlан, – Андерсен, вер торlы уятман, ястас. Lый мисйиhк анlаl пиlн наh хощена хухаllат. Кашаh аlаh наh lый веншlаl лёхитты питlаllан па эвиlана охсохlаl сэвты питlан. Ху хоятэнан па нётты питlайн. – Мосаh, Пьеро ма икема питаl? – Анна инщмас. – Щи пох хоща ант па нумасlом манты! – Кашаh хатl наh ай эвийиlан па похийиlан мосаlтаты питlаllан. – Рим папа уlман, щимащ потрат, lуlн, нын ант тусты! – священник, lыкащман, ястас, па нэмоlты хоят lув пеlэlа ант па аhкартмас. (еllы па уl) Надежда КОНЕВА толмащсаллы
3
№28 (706) Lапат хутмет (суббота), Уйтlор тыlащ 12-мет хатl 2014-мет таl
Вош опсантам хатl постаса И щорс нийlъяhсот ярсот ветмет таlан Шурышкарский районан Нёс ёхан Щаня ёхана питты таха пуhаlан Муркин опращнэмпи хоят паварт хот опсас, куртаl Овкурт нэман потсаllы. Пора хащас, щи курта арсыр таха эlты хоятат ёхатсат, курт энмас, айнайн воша йис. Тампуш Овкурт вош сот ярхус таlа йис. Унщ тыlащ хус нийlмет хатаlан Овкурт
Няврэмат антиlаl-ащиlаl ураhан каш версат
И.К.Конев ёх мир айlаl-унlаl хоl вош кутапан – Ун ляльн парам хоятат памятник лот (площадь) хоща актащисат. Щита арсыр каш верса. Оlаhан мохет концерт вантсат. Щита вош куща Иван Григорьевич Рочев мойlапса ясаh Овкурт мохет ураhан ястас, вош хоятат кутан мет уна ювам хоятhан Михаил Васильевич Лонгортов па Степанида Фёдоровна Филиппова кащтасlы па нумты мойlапсайн мойlасlы. Уlтаl хуват вещката рупитыйм ураhан Михаил Васильевич Талигин ишак нэпе-
кан па мойlапсайн юкатса. Вош мохет кассат хой овхараl сыстамшак. Щи хатаl мет сыстам овхар ураhан Галина Вальгамова мойlапса мощатас, кимет места Татьяна Ивочкиная юкатса, хуlмет места Наталья Коротких ус. «Щаня ёх» ханты арат арыты группа туса арэмисат, Иван Константинович Конев ощхуль потаршуп монщас па рущ арат арыяс, «Берегиня» группа – детский садикан рупитты нэhат арысат, lуh хуват площадкая ёнтты яhхты няврэмат антиlаlащиlаl ураhан каш верапсат, Ямкурт эlты «Опаль тут» ханты ар арыты группа па каш верты ёхтыlысат. Концерт тустан сыяh турпи нэhhан Надежда Пиналей па Людмила Сюлись. Хоятат умащlыман па ёшпат сэhкман концерт вантсат. Сельский дом культуры хоща декоративно-прикладное искусство выставка верыlыса. Вошан мет туса вератты хоятат рупатайlаl щита этаlтысайт. Арсыр ёнтам, сэвам, нёхрам-эвтам, картам пормасат щита усат. Анта шеhк хуван, lапка
Вояh сорт эlты хошк кавартса
пуhаlан Овкурт нэhат вояh сорт эlты хошк кавартсат, хот омасты па мув эlты ёхтам ёх эпlаh lат – плов версат. Концерт юпиян хоятат хуlан, хошакан па lантан lапатсайт.
хуlмет местайн «Посёлок» команда хащас. Волейбол ёх кутан па хуlам команда ёнтас: «Посёлок», «Студент», «Ямгорт». Местайlаl тамиты питсат: оlаh – «Посё-
Няврэмат ураhан батут lонщиlыса. Ай няврэмат щита аматман ёнтсат па навартсат. Щи юпиян хоятат стадион хара мантсат. Щита спортсменат касапса версат: футболан па волейболан ёнтсат. Футбол хуlам команда ёнтас: «Посёлок», «Ученик», «Ямгорт». Оlаh места «Ямгорт» команда ус, кимет местая «Ученик» командая питас,
лок», кимет – «Студент», хуlмет – «Ямгорт». Нэhат кутан волейболан кат команда ёнтас: Овкурт па Ямкурт нэhат. Овкурт команда нох питас. Вош опсантам хатl шеhк яма хащас. Кашаh хоят щи хатl ям номасан нумаlмаl. Валентина РОХТЫМОВА ханшам потар па верам хорат
«Опаль тут» группа
4
№28 (706) Lапат хутмет (суббота), Уйтlор тыlащ 12-мет хатl 2014-мет таl
Ным мув хантэт ясаhна
Анас хаптэт па коща ныhlаl
Туса верам пормасат
– Ныh коща ныhан хоты ям олмаl. Муh атув нюр янув, хойты косы ол. Сасам сохат па копlат еl-ёхи таlлиllы. Сымаl lэптамтыяl, пуляh ант йинтасаl. Охалlув щёктат, щитна муh метlув.
Кат щорс няlхощьяhмет таlан унщ тыlащ хус яртъяhмет хатаlан Шурышкарский районан Ямкурт катсот хус таlаl постас. Щита ун емаh хатl верыlыса. Клуб lыпиян декоративно-прикладной искусство хорам выставка lэщатыса. Туса вератты нэhат верам пормасат щита этаlтысайт.
Галина Анисимовна Атаман lавас, Евдокия Езиковна Серасхова ханссаllы
Валентина РОХТЫМОВА ханшам потар шупие па верам хорат
Юлия Лонгортова верам хор
Вуl касlаты ёсна, кат анас кат нисы эваlт яха ёхатсаhан. И пуляh ёхатсат па иl lайсат. И анас хаптэт раман lайlат. Кимет анас хаптэт щёктат lаllат, мули метмеl, топ анас лаяс, иl хойсат. Аlаh анас эваlт таласты хапты lув пуляhаl олты кимет анас эваlт хойты хапты пеlа
Йис потар lаваl: – Муh коща ныhув каркам па вераh. Аlаh киlаl. Топ йиlап сохат па копlат этlат, мохты сараlаllы, нох lэптамаllы па вераllы. Касаh хатоlна ант масты пеlкат па сукат хищlат. Нэмса маlтасат каlмеlна ант таllияl. Таласты хапты кимет анас эваlт lаваl:
•Хорат потартlат
Анас хаптэт
Шукащты похие (монщ оlhаl № 27 газетайн уl)
Щаlта нэhаl пасан вераl, катlантыйl, муйl-муйl тувемаl. Хуlам пасан оlhа хуlам вуна карты юх пущка омасаl. Кашh нэ пущкайн опсаllаllы, анан опсаllаllы. Па тэl инщемаlат па: пар соlаh щащаl, пар эпlаh щащаl! Щиты омастэl эlты нэhат кашаhа щи йиlат, ант хун вермlайт. Я, щиканща: «Киlэв па киlы щи уlмаl!» Ин па щи ураhан тыеlт-тохеlт сухтаlэl, мосаlтаlэl. Щаlта апщиянан хуlам нэ хуlам щашкан сохан масайт, щуhlаl кувлаh ун ермак охшаматан мойlысайт. Луматлисат, понассат, аl lовиlат, аl кувиlат. Амуй атэl lапат омассат, хатlэl lапат омассат: «Муh па муh манты юш тайlув, нын
Газета
«LУХ АВТ» Адрес редакции: 629008, ЯНАО, г.Салехард, ул. Подшибякина, 17 (34922) 4-68-03, 4-68-63 Е- mail: luhavt@yandex. ru
па, хун рахаl, нын ёхтыlыятан. Ай эвев па хоят пиlн щи манмаl, хоят щи уlмаl. Муh нумасlув, муй унт щищкилэhки, хащ ёхи lавемасэв». Щаlта щи хащlатан. Веlпасlаllы хун уllатан, аl веlпасlаlтан. Имоlтыйн, тови оlаh пеlа, тови пеlа йис. Нэhаl ястыйl: «Наh уштыя-партыя ёхан тай пеlа тутлисайн, ин наh мохиlан унты яhхты щира ки, ай хоп шуп караlаlан ки». Нумасыйl: «Ай хоп хоты муйн верlэм, щита муй иса мосаl». Нэhаl ястаl: «Муй-муй нумасыlан, муен мосаl – хоl уl». Щаlта, яна, ар ху монщ ху муй, хоп шуп караlас. Тови еhкеl сохнас, ин мой хуя тот хуя мохиlаlа вантты ураhан нэhаlан тутлиты питlа. Щаlта ин кат аньхеl няврэмат ёхан питаран хухатлитэl сахат ястыlат: «Анти-
ет-антиет, яиет-яиет, шай туты ёши тэlан хухlаты, еlа ёlы ёши тэlан хухlаты, уш туты ёши тэlан хухlаты. Партыя тутлийм хуйн ёхан тай эlты тута щи йитаl ныlа». (Апщиlаl ястыlат, апщиlаl па яеl щи нуммеl!) Щаlта аньхеhиlаl щи артн иса пищlы питсатан, ляватты юуран ант ёхатаl. Яйhан-аньхеhан щи ёхатсатан, хопан апщиlаlан катlопса. Иса муеl антом ус, щитан тувамат. (Ин уштыя тайм хуеl мишнэhан вохlа). Щаlта, таhха, камн lапат усат, усат. Lын па lын мув тайlатан, lын йиhкана матсатан. Аньхеhаlаl-яйhаlаl ин щунеl-хуlэlан щи хащсат. Мария МУРАТОВА шуhат монщиlыйм монщ Леонтий ТАРАГУПТА ханшсаllы
Учредитель (соучредитель) Департамент внутренней политики Ямало-Ненецкого автономного округа (ЯНАО, г.Салехард, пр-кт Молодёжи, д. 9) Газета зарегистрирована Управлением федеральной службы по надзору в сфере связи, информационных технологий и массовых коммуникаций по Тюменской области, ХМАО-Югре и ЯНАО 19 апреля 2012 года Регистрационный ПИ № ТУ72-00558
Тираж 700 Заказ 0406 Подписные индексы: на год - 29925, на полугодие - 84611
Газета вышла в свет 12 июля 2014г. Подписано в печать 10 июля 2014г. по графику: 17.00 фактически: 17.00 Газета выходит по субботам Цена годовой подписки 96 руб., в розницу не распространяется
Издатель Департамент внутренней политики ЯНАО (629008, Тюменская область, ЯНАО, г.Салехард, пр-кт Молодёжи, д. 9) И.О. главного редактора
К.П.Макарова Отпечатано в типографии ГУ «Северное издательство» (629008, г.Салехард ул. Ямальская, 14)