A casa encantada

Conto inventado polo alumnado de 1º e 2º de EP do CEIP de Pazos en colaboración co alumnado de 3º de EP do CEIP Magaláns-Dorrón (Sanxenxo).

A CASA ENCANTADA Érase unha vez unha bolboreta chamada Branca.

Branca era especial, era distinta a outras bolboretas, xa que as súas ás eran de cor vermella e azul.

Branca era moi amable, inqueda, riseira e aventureira e gustáballe moito xogar cos seus amigos ás agachadas. Os seus mellores amigos eran o bicho bola “Rocambola”, a abella “Roncella” e a araña “Miaña”.

1 Xuño 2017

Conto inventado polo alumnado de 1º e 2º de EP do CEIP de Pazos en colaboración co alumnado de 3º de EP do CEIP Magaláns-Dorrón (Sanxenxo).

Sempre cando xogaban ás agachadas, Branca e os seus amigos variaban moito este xogo tradicional.

Rocambola facía un túnel no chan para que non o atopasen. Roncella, cantaba e sempre a atopaban de primeira e Miaña facía telas de araña invisible para pasar desapercibida. Calquera xogaba con eles.

Eran tremendos!

Un día Branca e os seus amigos foron de excursión coa súa clase a un museo sobre Exipto. Nun momento puntual, Branca tropezou e caeu. Cando se ergueu do chan xa non estaba ninguén da súa clase e en vez de ir por onde foran os seus compañeiros tomou un camiño equivocado.

2 Xuño 2017

Conto inventado polo alumnado de 1º e 2º de EP do CEIP de Pazos en colaboración co alumnado de 3º de EP do CEIP Magaláns-Dorrón (Sanxenxo).

Ese camiño levaba a unha zona escura que a levou fóra do museo. De súpeto comezou a chover moi forte, víanse lóstregos e escoitábanse tronos e decidiu refuxiarse nunha casa que se vía alí ao lonxe. Era unha casa un chisco peculiar... era unha casa ENCANTADA! Dentro da casa atopouse con pantasmas que atravesaban paredes, tumbas esnaquizadas de onde saían momias resucitando, pasadizos segredos dos que se escoitaban moitos berros e incluso había zombis!

3 Xuño 2017

Conto inventado polo alumnado de 1º e 2º de EP do CEIP de Pazos en colaboración co alumnado de 3º de EP do CEIP Magaláns-Dorrón (Sanxenxo).

Cando Branca pensou que non podía estar máis asustada, escondeuse nunha habitación na que había un espello. Cando se veu reflectida no espello deuse conta de que perdera a cor das súas ás. Iso si que a asustaba!

4 Xuño 2017

Conto inventado polo alumnado de 1º e 2º de EP do CEIP de Pazos en colaboración co alumnado de 3º de EP do CEIP Magaláns-Dorrón (Sanxenxo).

Branca era coñecida pola cor das súas ás, era como famosa. Que ía a facer agora? Como volvería para a súa casa? Como volvería a recuperar a cor das súas ás? Todo eran preguntas para ela...

5 Xuño 2017

Conto inventado polo alumnado de 1º e 2º de EP do CEIP de Pazos en colaboración co alumnado de 3º de EP do CEIP Magaláns-Dorrón (Sanxenxo).

Nese intre, cando xa estaba a piques de poñerse a chorar escoitou ós seus amigos Rocambola, Roncella e Miaña chamando por ela.

Lograron saír grazas a que nesa habitación do espello, había unha miniporta. Saíron a través dela e chegaron a un lugar inimaxinable, foron parar ao País das Marabillas, do conto de Alicia.

6 Xuño 2017

Conto inventado polo alumnado de 1º e 2º de EP do CEIP de Pazos en colaboración co alumnado de 3º de EP do CEIP Magaláns-Dorrón (Sanxenxo).

Branca recuperou as cores azuis e vermellas que a facían tan peculiar e soubo tempo despois que quedárase sen cor debido a que estaba moi asustada. Pero cando se calmou, todo volveu á normalidade.

7 Xuño 2017

Conto inventado polo alumnado de 1º e 2º de EP do CEIP de Pazos en colaboración co alumnado de 3º de EP do CEIP Magaláns-Dorrón (Sanxenxo).

Branca todos os días lembra que se asusta perde a cor das súas ás, por iso practica ioga a diario para estar tranquila e serena e que as súas ás brillen.

8 Xuño 2017