2nd MF Congress 2022 Programme & Hlabu

1. A HMANGAIHNAA KA CHAWLHIN

L.W. Mt. 6:8 J.H. Burke Doh is E. (Lengkhawm) Lettu : Romuala 18941937

1. A hmangaihnaa ka chawlhin, Ka Pa'n min hre tawh; A duhzawng ka tih apiangin, Mal min sawm fo thin; Thahnemngaih nachang ka hriatin, Ka tan malsawmna; Lungngaiha inchhir avangin, Hmangaihna ka hmu.

2. A faa ka awm hma pawhin, Ka Pa'n min hre tawh; Thlaler hrehawma ka awmin, Anin min veng zel, Tun thlengin min la hruai fo va, Hlauhawm zingah pawh; Lawm takin keiin ka zui ang, Zion tlang thlengin.

3. Lalpa chawimawi turin inpe la, Khawvelah hian; I sualna zawng zawng nen pan la, A lo chhawk ang che. I lawmna chu a chuai lovang, Lalpa hmaah chuan; Lalpa chu fakin lo zai la, Zion tlang thlengin.

2. AW VAN THLARAU THIANGHLIM LO LENG ANG CHE

T. Romama

1. Aw, van Thlarau Thianghlim lo leng ang che, Min awmpuia venghim thintu kha; Khawngaihna aw haider thin mah ila, Sual tuipuia kan pil min phal suh la.

Vakvai leh kal bo tate, Hnehna puang chhuak thei lo hliam tuar mekte, Hruai kirin kan tidam zo si lo, Tlaini len a har ngei e, i tel lo chuan.

2. Van hmangaihna par tlana leng hnu pawh, Sual vanga rum chang ni tawn chang hian, Auvin i lam hi kan lo hawi zel dawn, Kan lam hawiin chakna thar min siam rawh.

3. Kohhrante hi thawkrim thin mah ila, Nangman i duhzawng min zirtir rawh; Kawng dik emaw kan tih diklo si hi, Rinna mitin min hmuh fiahtir ang che.

4. Aw, Nang chatuan Lalpa, i tel lo chuan, He laia ro sum leh engkim hian, Ropuina leh awmzia reng a nei lo, Kan chakna leh lawmna i lo ni e.

3. LAL ISUA HMING I FAK ANG U

Lettu: Rev.E.Rowlands

1. Lal Isua hming i fak ang u, Angel chawimawia chu; Lalber lukhum la chhuak ula, Khumtirin, Lalber khumtir rawh u.

2. Khawvela mi ze tinrenga, Chi tin awm bawkte u, Chawimawina zawng zawng pe ula, Khumtirin, Lalber khumtir rawh u.

3. Adama thlah a tihdam hi, Tlu, a tlanchhuahte chu; A khawngaihin a chhan che u hi, Khumtirin, Lalber khumtir rawh u.

4. Martar-hote u, vana cheng, Isua khumtir rawh u; Davida thlahah a lo leng, Khumtirin, Lalber khumtir rawh u.

5. Khita van ho thianghlim nen khian, Amah chawimawi ka duh, An chatuan hla sakpui ve nan, Khumtirin, Lalber khumtir rawh u.

4. AW HMANGAIHNA SAWI THIAM ILA Lettu: Zawngauva

1. Aw hmangaihna sawi thiam ila, Nazaret Isua ngei kha; Chuti takin min hmangaih a, Mi sual thiam loh chang tawh hnu.

Aw hmangaihna, a va mak em! Tih chu ka hla ni sela, Aw hmangaihna, a va mak em! Ka Chhandamtu'n min hmangaih.

2. Ka tan huanah a tawngtai a, Nangma tan pawh a tawngtai; A tana lungngai a ni lo, Ka tan a thisen a far.

3. Angelten Amah khawngaihin, Khawvel enin an lo kal; A lungngaihna thlamuan turin, Ka sual tlanna zanah chuan.

4. Ka sual lungngaihthlak a kalpui, Ama tana inbelin; A phur Kalvaria nghatin, A tuarin a tlan zo ta.

5. A ropuinaa inthuamin, A hmel mawi ka hmuh hunin; Ka tan a hmangaihna mak chu, Ka chatuan hla a ni ang.

5. LAL LENNA ZION KHAWPUI TUAL NUAM Phuahtu : Lalliansawma

1. Lal lenna Zion khawpui tual nuam, Ka thlir a mawi ropui mang e; Van miten chhun leh zan chawl lovin, Zion hla mawi ropui an sa.

Lawng chawlhna chung lam Jerusalem, Lal hung chhung Beram No engah chuan; "A thianghlim e, a thianghlim e," tiin Zion hla mawi ropui an sa.

2. A ta ka ni, van Lal ta ka ni, Muangin a hnenah ka chawl ta; Ka thuam pawh van Lal thuam a ni a, Zion hla mawi ropui ka sa.

3. A mawi mang e, Lal lenna Zion A laiah nunna tui a luang; Ni tla seng lo Beram No lenna, Zion khawpui kan ram a ni.

6. RIANGVAI SALTANG

1. Riangvai saltang chhuahna turin, Isua Krista a lo vakvai; Tihduhdah tuar, rethei riangvai, Isua'n krawsah min hnehsak ta.

Halleluiah, Halleluiah, Lalpa'n thil ropui min tihsak e! Tawtawrawt leh phenglawng rite nen; Darbenthek ri thum leh fiakin, Perhkhuang tingtang chi hrang hrang nen, Khuangte leh lamin kan fak zel dawn.

2. Hmangaihnaa min zawng chhuaktu, Ka rul seng lo'ng hring chan chhungin, Misual dum ber min silfai ta, Chatuan nunna kan lo nei ta.

3. Ringtu zawngte, kal zel ila, Lalpa hming thianghlim ropui chu; "A thianghlim e," ti a auvin, Kan theihtawpin kan fak zel dawn.

7. KA CHHANDAMTU MIN VENGIN

A HNAI RENG

Key C Lettu : Vaingailova

1. Ka chhandamtu min vengin a hnai reng, Thil engpawh lo thleng se ka him a ni; Thlipui leh ruahpuian min thukru a, A kutphah ropui chhungah.

A kutphah ropui chhungah, A kutphah ropui chhungah. Thil engpawh lo thleng se ka him a ni, A kutphah ropui chhungah.

2. A hmangaihna angchhungah chuan min pawm, Muanna thute a awin min hrilh tawh; Pathian ngei chuan min ven vangin ka him, A kutphah ropui chhungah.

3. Ka thlarau vengin min kalsan lo vang, A hmangaih lakan engman min then lo'ng; Aman min vawng kumkhua ang tih ka hria, A kutphah ropui chhungah.

8. KHAWVEL HREHAWM I TAN

Key D Phuahtu : El -Bethela

1. He lei hringnun zinkawngah hian, Sualin min bei ka chau leh thin; Krista tello hringnun zawng, A rapthlak em! a kawng a thim..!

Kan zalen hun a lo hnai ta, Kan tan van nuam a inhawng mek; Ni ropui a lo thleng thuai dawn, A rei lo'ng aw a rei tawh lo'ng.

2. Nun beidawng leh lungngai mekte, Ka tem ve aw, i hring chan hi; I lungngaih tahna zawng kha, Thlen ve rawh aw i Lal kiangah.

3. He lei chhuahsan ka duh laiin, Ka Lalpa thu a lo thleng ta; "Ka mite damna turin, Khawvel hrehawm i tan," min ti.

4. Aw, ka nghakhlel i ram mawi chu, Lungngaih tahna a awm tawh lo'ng; Chatuanin hlim tawp lovin, Kan leng ang aw i ram nuamah.

9. KHAWVEL TUIFINRIAT ZAUVAH HIAN Phuahtu : Lalbela

1. Khawvel tuifinriat zauvah hian, Lungngaihna ten min tuam vel a; Aw min kai rawh, ka chhandamtu, Buaina tui ten min chim lai hian.

Aw, Lal Isu, nang chauh lo chu, Vanah khianin tu nge ka neih? Leiah pawh hianin nang lo chu, Ka duh tudang mah an awm lo.

2. En teh Lalpa, kan lenna hi, Buai leh thimna râl lo lianin; Thlamuanna hmun reng a awm lo, I ram tiam ka thlen hma loh zawng.

3. Lei lungngaih zan thim hnuaiah hian, I ram tiam chu min thlir tir la; Lei lungngaihna min tuamtu hi, Lungawi takin ka pal dai ang.

10. ZING THLA ZARIN HAN LENG ILA Phuahtu :

C. Thangkhuma

1. Zing thla zarin han leng ila, Chung lam Jerusalem thar mawiah; Ka rumna ram ka ngai tawh lo'ng, Lungduhte nen kan leng za tawh ang.

Tah chuan an leng e, tlansate, Lei hring nun hi an ngai tawh lo; Chatuan hlim tawp lohna ramah, Inkhawmpui an tiak tawh ngai lo.

2. Zan a awm lo khawpui mawiah, Ni eng leh khawnvar a ngai tawh lo; Beram No chu a eng reng fo, Inkhawmpui tiak tawh lohnaah chuan.

3. Riltam, tuihal, kebai leh nat, A awm tawh lo'ng chu khawpui mawiah; Lungngaih a reh, thimna a bo, Inkhawmpui tiak tawh lohnaah chuan.

4. Beramno Lalthutphah hmaah, Fakna hla sain kei ngei pawh hi, Aw, ka la han chawl ve ang a, Inkhawmpui kan tiak leh tawh lo vang.

11. KAN LAWM A CHE THLARAU

THIANGHLIM

Key F Phuahtu : Lalnunpuia Hrahsel

1. Kan lawm a che Thlarau Thianghlim, Kan thlahlel che aw, kan duh ber che; Lung hmun khata a mite hruaitu chuan, Kan ram dung leh vang fang zel ang che.

Fak zel che ka nuam aw, Lalpa duhtak, Harhna ropui min pek vangin; Kan ram sual mei ang kangfai zel la, Kan lawm e, kan chawimawi che Thlarau Thianghlim.

2. Amah beiseia pantute chu, A ngaidam zel a, a chenpui zel; Keipawh ka sualna nen ka pan a, 'Aw, i sual ngaihdam a ni' min ti.

3. Thil kan hmuh leh kan hriatte hi, Sawi lovin kan awm thei lo a ni; Ka Lalpa chawimawia i awm chuan, Chu chu ka tan chuan a tawk reng si.

4. Thiam loh chan reng ka hlau tawh lo'ng, Ka thiamchanna chu Krista a ni; Leiah vanram nun chu tem lawkin, Lal buhzem ringin ka nung tawh si.

12. KHAWVELAH HIAN RINGTUTE CHUAN (Puanvar sin)

Key G Upa Sanglianthanga

1. Khawvelah hian ringtute chuan, Harsatna kan tawk thin a; Kan tan chuanin lei mawina ten, Awmzia reng a nei si lo.

"Heng puanvar sin hi tute nge ni? Khawi atanga lo kal nge an nih," tiin min bia a; Heng mite hi hrehawm tam tak tuartute kha an ni, An puante Beramno thisenin an su fai si a.

2. Ka lei hringnun a ral hunin, Lal hnenah ka thlen hun chuan; Ka lungngaihna zawng zawngte chu, Aw, ka Lal ka hrilh ve ang.

3. Ka mit ata mittui zawng zawng, Min hrukhulsak hun chuanin; Nunna thing chungah ngei chuanin, Thu ka nei ve tawh ang a.

4. Lei hrehawmah leng mah ila, He lei ram mi kan ni lo; Kan ram hlun tur Lal ram ropui, Aw, ngaiin ka rum vawng vawng.

13. KA DAMLAI NUN KAWNG HI LAL ISU

Key D Phuahtu : Upa C. Dengthanga

1. Ka damlai nun kawng hi Lal Isu, Chhiar dan ka thiam theih nan min kai la; I ram ka thlen hmain sualna ten, Min beiin chauvin ka buai leh thin.

Chaute hnena chakna pe thintu, Kei pawhin ka rawn pan che Lalpa; I kraws hlim hnuaiah min chawlhtir la, Ka thla hliam hnu hi tidam leh rawh.

2. Beidawng leh lungngaia ka awmin, I thlarauvin min tiharh leh la; Chak lo leh khawhara ka awmin, Min thlamuanin min tiharh ang che.

3. Khawvel mawina te lo vul mahse, Ka tan zawng i hlu ber Lal Isu; Damlai ropui leh nawmsaknate, Ka phum ang rohlu ber ka nei si.

14. LEI LEH VAN THIL ZAWNGTE AIIN Key D

1. Lei leh van thil zawngte aiin, Ka Lalpa kraws ka chhuang ang; Chutah chuanin ka Lalpa chu, Ka aia a thih vangin.

Chhandamtu hnenah ka inpe, A nunna min pek vangin; Hmangaihnain ka chawimawi ang, Chatuan ram ka thlen thlengin.

2. Keiin khawvel ka khengbet a, Khawvelin min khengbet a; Ka Lalpa kraws vuan chung zelin, Lei ram hi ka chhuahsan ang.

3. Ka mithmuh leh ka beng hriatte'n, Sual lamah min hip mahse; Thlarau thianghlimin min hruai ang, Hnehna chu ka ta a ni.

4. Aw Chhandamtu Min hruai zel la, Dam lai kawng chhuk chhovah hian; I tlansate i lawr hunah, Kei pawh min hruai ve ang che.

15. NUNNA KRISTA KA NEIH CHINAH Key G Biakdika (B.D.A)

1. Nunna Krista ka neih chinah, Tuarna phena malsawmna, Ka thlarau chuan a chang ta, Ka lawm zel thin englai pawhin.

Khawvel hlimna ten min au mahse, Hnuchhawn ram ka ngai tawh lo'ng, Khawvel nikin ni pawh lo thleng mahse, Ka nung reng ang Kristaah chuan.

2. Hnehna nun ka neih chinah, Ka thlarau, rilru, taksa, Malsawm a ni tih ka hria, Vankai nun pawh pek tawh ka ni.

3. Ka thlarau a thi lovang, Thihna hlimkawr zawh hunin, Ka taksa boral mahse, Ka luah tawh ang, Van in mawi khi.

Bridge : Krista Isuaah chuan, Ama rual veka min kaithovin; Van hmunah te ama hnenah min thuttir ta a, Amen, Haleluiah!

16. ZAN HI A RAL ANGA Key C

1. Zan hi a ral ang a, Chatuanin khua a var ang; Hnehna puanvar sinin, Lal Isua a lo kal dawn e.

Khaw thianghlim Jerusalem-ah chuan, Isua tlante kan chawl ang. Nunna lallukhum chu khumin, Ni angin kan eng tawh ang.

2. Ni leh thlaah te khian, Chhinchhiahna te kan hmu ang; A hun a thleng dawn ta, Muhilte an tho leh dawn e.

3. Hrehawm leh natna te, Tamte pawh lo tla mahse; Chhum zingah Isua nen; Van lam hawiin kan leng tawh ang.

17. MI

THIAMNGHLIMTE

LENNA KHAWPUI T. Romama

1. Mi thianghlimte lenna khawpui chu, Rinna mitin ka thlir reng thin; Sual leh bawlhhlawh reng a awm lo, Lalpa chenna khawpui mawi chu. Hmun thianghlimah chuan, Chau leh ngui hmel an awm tawh ngai lo va, Chu khawpui mawiah chuan.

2. He khawvel thlaler hmunah hianin, Kan cham chhungin hrehawm buaina, Sualna tinrengten thla an zar, Sualin min hliam kan chau leh thin.

3. Lal Krista thisen thianghlimah chuan, Bawlhhlawh ber pawh sil fai kan ni; Chu thisena silfaite chuan, Khawpui thianghlim chu an lut ang.

18. TAWPNA NIA KA HRINGNUN W.R. Featherstone

1. Tawpna nia ka hringnun hi a ral hunin, Thihna tuifawn thim ka dai kai ang; Ralmuanna van ka thlenin lungngaih a bo vang, Ka thlarau chatuanin a chawl ang.

Van kawtthler mawiah khian, Angel lai lennaah, Lei hringnun piah lamah, Chatuanin ka la han chawl ang.

2. Lawmna sawi sen loh chu khawpuiah chuan a awm, Hmangaihna thlifim a tleh fo va; Tui nung lui chatuanin a luang cham del chutah, Lungkham, buai leh tahna piah ramah.

3. Tuipui thim ral rama van kawtthler han thlen chu, Engtia lawmna nasa ni ang maw! Chatuanin chu ramah van angel rualte nen, Hnehna hla mawi kan sa rual ang a.

19. DAM LAI

KHAWVELAH

HIAN LUNGAWINA

Key C

1. Dam lai khawvelah hian Lungawina kim reng ka hmu lo va, Manganna leh buaina, harsatnaten nitin min bawm; Mahse, min hmangaihtu'n ka manganna a hria, Min thlahthlam ngai reng reng lovang.

Chhandamtu min hruai zel rawh, Dam lai thlaler hmun khawharah; Sual vanga hliam tuarin, Chauh chang ni awm mah se, I hnung zui zel hi ka duhsam ber a ni, Ka thlahthlam phal tawh ngai lovang.

2. Min hmangaihtu Lalpa, Nang lo chu tu dang nge ka belh ang? Lungngaihna zan thimah hruaitu i ni, eng lai pawhin; I tan rinawm lovin phatsan thin mah ila, Min hnar mai bik suh ang che aw.

3. Krista hmangaihtuten, Lungawina leh muanna chu an chang, Rinnain an kal zel, ramte an la kir an rel lo; Kei pawh rinnaa dinga ral do thei turin, Thlarauvin min hruai zel ang che.

20. LAL ISUA THIAN DUHAWM

Phuahtu : Upa T. Romama

1. Lal Isua thian duhawm ka neih hnu hian, Kawngka zim lam ka zawh tan a lo ni; Ka doral sualna chhum a lo lang a, Mahse aw, hnehna chu ka ta a ni.

Hringnun a ral hunin, Lal Isua hmel ka hmu ang; (Lawm thu ka hrilh ang a) Thihna fate tlantu chu, He khawvel hi bo mah sela; Lal Isua ka nei tawh si.

2. Ka tih thinte ka tih a rem tawh lo, Ka tih ngai lohte tih a tul zawk a; Thinlunga Lal atan ka lo thlang ta; A duhzawng anga awm atan min duh.

3. Engah nge ka rilru a buai thin le? He khawvel thilte vang a lo ni e; Lal Isuan sualna zawng a hneh zo ta, Lal Isua hming chu fakin awm rawh se.

21. AW HMANGAIHNA

Key B WM Manner Lalremruata

1. Aw hmangaihna a va thuk em, Misual dum ber min silfaina chu; Anchhedawng Kraws ka tan malsawmna, Van lalber thihna Kraws ka tan damna.

Lei leh van a roreltu, Kraws lera tuihala au kha; Vana Lalber ranthlenga zal hi, Eng dang vang a ni lo; keimah vang a ni.

2. Aw hmangaihna a va sang em, Ka hril seng lo, min hmangaihna hi, Ka aw neih zawng i hming ropui nan, Min hmangaihtu Lalpa, ka hmangaih che.

3. Aw hmangaihna a va zau em, I lalthutthleng ropui kalsan a; Lei hrehawma i lo kal mai hi, Aw a va ropui em, ka hril seng lo.

4. Aw hmangaihna a va mak em, Ka chhiar seng lo min enkawlna hi; Aw mi tling lote min thlang chhuakin, Tawmkailo berte pawh min hmang thin a

22. CHHANDAMTU MIN HMANGAIHNA CHU Key E

1. Chhandamtu'n min hmangaihna chu, Nitin zantin ka lo hre ta; A thihnaa ka thih vangin, Thawhlehnaa tihnun ka lo ni ta.

Thihna lui ral ka lo kai ta, Khawvel mite'n an hrethiam lo; He lei in hi ral mah sela, Ka nunna chu Isua a ni.

2. Lei taksa ropuina a dang, Van taksa ropuina a dang; Lei taksa zawng boral mai tur, Van taksa chu a ropui zual zel ang.

3. Ka thla a kal Lalpa hnenah, Vansang mû angin a leng vel; Tunah ka chawl ta Kristaah, Ka chhuahsan dawn he lei hrehawm ram hi.

4. Lei taksa boral turah hian, Isua hmel duhawm lang zel se; Mite hnenah nunna pein, Ka hun zawng hi ka hmang ral tawh ang a.

23. DAMNA KIM

(Riangvai retheite thovin harh ang u) Phuahtu : Biakdika (Bd-a)

1. Riangvai retheite thovin harh ang u, Zalenna kawl a lo eng ta, tho leh Lal Isua; Thiltihtheihna chu, mitin tan damna, Thihna hnehin a tho leh ta.

Tihdam kan ni ta, Aw, Halleluiah Amen; Lal Isua thisen thianghlimah chuanin, Damna kim chu kan chang ta.

2. Mangang leh lungngai hrehawm tuarte u, A vuakna vualte a tihdam kan lo ni ta e; Sual leh bawlhhlawhte Isua'n a hneh ta, Thlarau thianghlim a lo thleng ta.

3. Lalpa ringtuten hnehna chu an nei, Ramhuaite an hnawtchhuak ang a, Tawngtharte'n an tawng ang; Damlote chungah kut an nghat ang a, Lalpa hmingin an dam zel ang.

24. HUN KHA LEH CHEN MIN KAIHRUAITU Key D Phuahtu : Lalruali

1. Hun kha leh chen min kaihruaitu, Hrelo hian maw ka lo vakvai; Sual thim zingah hlimna zawngin, Ka thla tuihalin a chau va.

Aw min hruai la, aw min kai rawh, Khawngaih thahrui, ka ngai em che; Bo hmang ka ni, aw ka Lalpa, Keimah mai chuan ka kal thiamlo.

2. Ka zinna ram kawng chhuk chhovah, Thlemna thlipui an hrang lua e; Pen khat pawh ka kal thiam nem maw; Thlaler ram ro ka pel hma chuan.

3. Lungchhir mittui tla chung hianin, Tunah Lalpa ka lo kir e; Khawngaih banin min kuangkuah la; Ka thla muangin min chawlh tir rawh.

4. Hmangaih aw nemin min chhem a, Lalpa, nang ngei ka rochan chu; A va hlu em kei ka tan chuan, Ka nun zawng hi i ta a ni.

25. KA NUN TUIHAL A LENG VEL A

(Thisen thiltihtheihna) Key G Phuahtu : Madinmawia

1. Ka nun tuihal a leng vel a, Riaka cham hlenna a awmlo; Kawtthler hmun mawi in nuam tinreng, Damchhung reiloteah paw'n a tawk zo lo.

Kalvari tlang ka hahdamna, Tho leh Krista ka innghahna; Thlahthlam phal loh nun ka nei ta, Thisen thiltihtheihna kraws ka tan damna.

2. Mihring hlui sual min hmuhtirtu, Ka nunna tlangmawi Kalvari; Van lal remruat lungawina chu, A tawk e, chatuan nun nan a tawk a ni.

3. Thiam chang kan ni Isua vangin, Kan mihring taksa min tifai; Thlarau thianghlim min neih tir ta, Thinlung thar thlarau dam nan a tawk a ni.

26. KHAWVEL LUNGNGAIH LEH BUAINA

KARAH (Ka tawrh hi Lalpa'n a phal)

Key F Phuahtu : El-Bethela

1. Khawvel lungngaihna te leh buaina karah hian, Mangan leh harsatna ten nitinin min bawm; Beidawng leh chauin ka rum tanpuitu ka au, I hmaah ka lo kun e, aw ka Lal Isu.

2. Hrehawmna ka tawrh zawngte hrethiam duh lovin, Ka nawmsakna tur zawngin ka tlan fo thin a; Midang tana malsawmna a lo ni reng si, Ka tawrh hi Lalpa'n a phal, vui thei ka ni lo.

Ka vah bosan tawh lovang he khawvelah hian, Chhandamtu Isua ka nei ka tana thi kha; Khawvelin min hmusitin min dem mahsela, Ka chhuang zel fo dawn a ni aw… ka chhandamtu.

3. Ka nawmsakna tur zawnga rawng ka bawl laiin, Ka tana a tawrhna zawng ka lo hrechhuak a; Ka tan eng hrehawmte nge i lo tawrh ve le? Sawi tur reng ka nei love, misual mai ka ni.

27. NITIN ISUA KA THINLUNGIN

Lettu : Rev. Hauchhunga

1. Nitin Isua ka thinlungin ka hmangaih deuh deuh va, Amah chu ni eng ai pawhin a mawi zawk em em a; Amah chu ka tana mawina ropui ber a lo ni, Ni tin a hma aiin a lo mawi deuh deuh zel a ni.

A then pawh kan hre thei lo, He lui kam atang hian; Aw, tah chuan a hma aiin, A mawi zual zel tur a ni.

2. Hla taka ka hmuhin a ropuinain min en a, Lili par mawi leh varparh arsi aia eng a ni; Ka duhnate a tikhatin a tilawm deuh deuh va, Nitin a hma aiin a lo mawi deuh deuh zel a ni.

3. Ka rilru a lo chauh hunin Aman min tanpui thin, Ka hrehawm laiin Aman a angchhungah min pawm thin; Krista, ka sual zawng zawng phurtu kha ka hmangaih a ni, Ni tin a hma aiin a lo mawi deuh deuh zel a ni.

28. ISUA HMANGAIHNA LEH |HATNA Phuahtu : Rev. R. Dala

1. Isua hmangaihna leh thatna, Leh zahngaihna i fak ang; Van ram in eng leh malsawmna, Kan tan a han buatsaih ang.

Van ram kan thlen hun chuanin, Chu ni ropui chu kan lawm em em ang, Lal Isua kan hmuhin, Hnehtu chu fakin kan zai ang.

2. Van ram panin kan kal laiin, Chhumte a lo zing thin ang; Mahse, kan kal pelh hun chuanin, Thim leh thawpik a kiang ang.

3. Rinawm leh fel taka awmin, Ni tin rawng i bawl tlat ang; A ropuina chang ve turin, Dam chhung hian i bei zel ang.

4. Kan hmaa lawmman um zelin, A mawina ka thlir thuai ang, Lung man tam kawngkaa lutin, Rangkachak tual kan leng ang.

29. AW KHAWNGAIHTU PATHIANIN

Phuahtu : Chawngkhupa

1. Aw, khawngaihtu Pathianin, Kan thinlung chhungah hian; Thlarau min pek lawmna hi, Khawvel finin a zo lo ve. Mihring mihrinna hianin, A ngaihtuah chhuak zo lo va che, Ka Chhandamtu, i thuruk hi.

2. A thukin a va sang em, Khawvel fin zawng aiin! Pathian hmangaihna thu hi, Van leh khawvelan a khat e.

3. Aw, kei mi sual bo hnu hi, A khawngaihna zarah; Thlarau min pe, nunna hi, Aw, ka nunna, Lalpa fak rawh.

30. KA THLARAU THO LA HLIM TAKIN

Lettu : H.K. Thanglura

1. Ka thlarau tho la, hlim takin, I Chhandamtu fakin zai rawh; Chawimawina hla saa zaiin, A hmangaihna a thlawn a ni; Aw, a hmangaihna a thlawn a ni.

2. Suala ka tlu chhe tawh hnu hi, Min hmangaihna a chuai chuang lo, Min tlan chhuak ta, ka bo hnu hi, A hmangaihna a ropui e; Aw, a hmangaihna a ropui e.

3. Lei, hmelma leh hremhmun pawhin, Ka kawng min tibuai mah sela, Hlim takin ka thlarau a hruai, A hmangaihna a chak a ni; Aw, a hmangaihna a chak a ni.

31. HMANLAI FARAWA BAWIHTE KHA

1. Hmanlai Farawa bawihte kha, Pathianin a hruai chhuak; A thiltihtheihzia entir nan, Tuipui luang a chawlhtir.

Engkimin an awih thin, Engkimin an awih thin; Isua hnenah hlauh tur a awm lo, Engkimin a thupek an awih thin.

2. Sualin ka rilru a tibuai, Setana thupekin; Mahse Lalpan min thlamuan a, Ka buaina a tireh.

3. Kawng hlauhawmah kal mah ila, Lalpa hniakhnung ka zui; Khawngaih thahruiin min hruai a, Ram ro ka pelh hma chuan.

4. Lal Isu, ka hnuk chah hunin, I ram eng ka hmu ang; He khawvel buai hlauhawm ata, I ram min hruai kai ang.

32. KAN RUN LO MAWI LA Phuahtu : Laldintluanga

1. Dam chhung tawiteah hian hei hi a pawimawh ber, Isua i nei tawh em? In chhungkua in dam em? Muanna i chan theih nan nang leh i chhungte chu. Chhandamna lawngah hruai lut thuai rawh.

Kristian Chhungkua Lalpa chenna te chu, Kumkhuain an nghing lo'ng, an chuai ve ngai lo; Lungpui a in sa in an nghing ve ngai lo, Chatuanin an him reng dawn a ni.

2. Krista rawn pan mai la thildang a ngai tawh lo, Hlimna i zawn te chu an ral leh thuai anga; Buhseng hun a liam ta, chhandam kan la ni lo, Ti a thlaphan ni a thlen hma hian.

3. Lalpa nang tello chuan chhungkua a hlim thei lo, Hlimna kim a ni lo rosum leh sanna te; Belhtlak chu nang ngei hi thildang a ngai lo ve, Isu, nangin kan run lo mawi la.

2ND MEN'S FELLOWSHIP CONGRESS 2022 PROGRAMME

Hruaitu : Major Lalmuanchhana DC, Western Division. Congress hawnna leh hlanna : Lieut-Colonel Prakash Chandra Pradhan, Chief Secretary (Palai lawmna atan - TMFC OB-te leh DMFC OBte'n salute pein rawn inzui lut se)

Welcome Speech : Lieut-Colonel Lalliankunga, Leader, TMFC Announcement : Pu A. Huanmawia Asst. Secretary, TMFC. Bible Message : Lieut-Colonel Prakash Chandra Pradhan, Chief Secretary Banna & Benediction : Major R. Lalchhuana CO, Kolasib Bial.

Hruaitu : Major Lalsangliana DO, Tripura District.

Bible Reading & Prayer : Pu C. Lalthlangliana Fin. Secretary, TMFC.

Special Collection : Major J. Lalhmachhuana DYS Western Division Bible Message : Lieut-Colonel Lalliankunga Leader, TMFC. Thupui : Thianghlimnaah Banna & Benediction : Major V. Thangzamanga CO, Diakkawn Bial. TMFC hruaitu thar : Colonel Lalhmingliana hlanna Territorial Commander

Hruaitu : Pu John Lalhmachhuana, Executive Member, TMFC

Bible Reading & Prayer : Pu Lalramchhana Treasurer, DMFC. CND Bible Message : Major Romawia DC, Central North Division.