Estd : 1983 India Eastern Territory
The Young
Kum 20 20 Thu pui I LAM KAN LO HAWI E II Chronicle 20:12
SALVATIONIST
THALAI PUAL THUZIAK HMANGA RAWNGBAWLNA
SAY SINAI CORPS Zuangtui Central North Division
SAY LAWIPU CORPS Central South Division
Calendar of Events
SAY S UND AY 28t h June
June 2020
Editorial
I TLAI ANGE Kan tunlai khawvel boruak han thlir hian khawvel pumah natna hri leng mek Conrona virus bak hriat tur a awm mang lo a ni bera, social media, TV channel leh internet ah pawh ni se, he lam hawi hlir mai hi kan hmu in kan hria ni ber mai. Nikum krismas te kha chu khawvelah pawh, hlimtakin kan la hmang ho a ni a. Tun thla nga chhung vel leka he hri avanga mitthi tam tawh zia leh khawvel buai zia hi a rapthlak ngawt mai. He ti khawpa hri rapthlakin min tuam laiin hian mi tamtak chuan Pathian an au a, Lalpa lam hawiin simin a hnen an pan a. Thenkhat erawhin hlauhna leh tihna nei chuang lo in, Pathian lam pawh hawi chuang lovin siman thinlung nei hauh lovin khawvelah nuam an la tawl tho mai. William Booth an Hremhmun tello vanram a tih ang chiah khan tunlai khawvelah hian Hremhmun hlauhna reng kan nei ta lo.
Bible chuan Hremhmun rapthlak zia leh a awm ngei zia vawi duailo min hrilh a. Mi tam tak hnenah inlarna a hmuhtir bawk. Hri avangin khawvelah a nuaih tel an boral chung pawh hian chawlawlna chuan min chiahhneh mek a ni. Thalaite pawh hian eng dinhmunah nge kan din kan in enfiah ava tul em! Pathian lam hawi silova, khawmpui nikhua leh, a nuamchina phur tak; nun tak nei hauh silova, mi te hmuh loh leh Biakin leh thalai thiltih piah lamah ho taka nun hreh miah silo kan ni em? Thalai thiltih a a harsa china tlanchhe peih tak, uniform incheinana hmang a, a ropuina laia lansarh loh hlau tak si kan nih chuan kan inenfiah a pawimawh hle a ni. Hringnun hi ho deuh a sin; I ei a, I in a, I paihchhuak leh a, zanah I mu a, chhunah mahni tulin kan tul leh a. Lalpa tello chuan nun hian awmzia a nei tlem khawp mai. I nun kha inbih chiang la, a tlai hma hian Lalpa hnaih turin inbuatsaih rawh. A zahngaihna chuan a ko mek che; I tlai ange.
A CHHUNGA THU AWM TE 1. Editorial_______________________________________________________1 2. Tuar zelin hnehna - Hmaa Hauzel_______________________________2 3. Abrahama Pathian, Isaka Pathian, Jakoba Pathian - Lalnghahchhana_______________________________4 4. Activity report_________________________________________________5 5. SAY Tobul - Vanlalduhsaka_____________________________________7 6. Corps report __________________________________________________8 7. TSAY Quiz June Issue___________________________________________10 The Young Salvationist June 2020
1
Article
TUAR ZELIN HNEHNA
Hmaa Hauzel Tuikual Corps Central North Divison Ferrari car 10 emaw Sana changkang 20 emaw, thlawhtheihna emaw ka duh ve lo. Hun harsa tak paltlang ka ni a, ke lawnga football khel tawh thin kha ka nih bakah zirna school pawh ka kal ve thei lo. Chutih laiin vawiinah chuan ka chipuite tan school leh stadium te ka sak bakah an eitur leh an thuamhnaw te ka lei thei ta a. Khawsak nawmsakna lam aiin ka chipuiten thil tha, ka tawn ang hi tawng ve se tih hi ka duh ber a ni. - Sadio Mane Football ngainatute chuan Liverpool player pawimawh, tlan chak leh goal thun thei tak Sadio Mane hi hre lo kan awm kher lo vang. Liverpool tlarhmaah Mizo chhangban ei tawh ngat Roberto Firmino leh Aigupta tlangval Mohamed Salah te nen an inkawp chu tlarhma hlauhawm ber, lehlam pawl defender te hlauh rawn a ni. He Senegal tlangval Mane hi a lawm a chunga thu mawi leh ropui zet sawitu khi. Zin kawng harsa tak zawhtu, hlawhtlinna a chan hnu pawha a mite theihnghilh ngai lova, a chipuite tana thil tha tih thulh ngai lova chu. Sadio Mane hi 10 April, 1992 khan SĂŠdhiou, Senegal-ah chhungkaw harsa tak atangin a lo piang a. School kal rual lek ni mahse chhungkaw harsatna vangin school pawh a kai mumal thei lo. Football tuichilh hle mahse pheikhawk bun tur mumal a nei lova, tualcharah ke lawngin a inkhel ve lawp lawp thin. School kal mumal thei lo khawpa rethei, ke lawnga inkhel lauh lauh thin ni mahse a thiam miau a, a thawk rim em em bawk a, khawvel hriat khawpa footballer lar a lo ni der tawh. Khelmual ropui Anfielda support ropui fuankhawmte meuh pawhin Mane fakna hla an sa rual ta dual dual a. A goal thun lawmin vai lui kam leh Zawngtah lui kam a mite pawh lawmin kan lo au khek rawi rawi chu a nih tak hi. Pheikhawk bun tur mumal nei lo, sikul kal mumal thei lo khan tunah chuan chawlhkar khatah ÂŁ150,000 zet a hlawh ziah tawh a ni. Major League Soccer player hralh to ber Alphonso Davies zin kawng hi a hautak fe bawk. Refugee camp a piang leh seilian a ni a, refugee vekin Cadana rama pem lut a, inbeng bel zui ta an ni bawk. Hmun hreawm leh chep, dan leh dun mumal lohna hmun a khawsa ni mahse beidawngin a chau mai
The Young Salvationist June 2020
lova, hmasawn a tum tlat thin. Kawthlera inkhelin bul a tan a, a theihna hmuin Major League Soccer club Vancouver Whitecaps chuan an hnena khel turin an la lut. USA tualchhunga football club te inelnaah a hming a chher a, Canada national team tana khel thei naupang ber leh goal thun thei naupang ber a ni ta hial. MLS leh Canada tan a khelh that thei em vangin Europe-a club lian ber pawl Bayern Munich chuan $22 million zet sengin an la lut a, MLS player hralh to ber a ni ta hial. Arjen Robben hi Bayern ka zawm tirha player ka hmuh hmasak ber a ni a, ka hmuh tirh chuan ka awih lo hial zawk a, ka mit hi ka ringhlel hial zawk. Mahse, min rawn pan a, chibai min bukin, amah ngei a nih thu a sawi ngei si! Robben ka hmuhtirh khan ka hamhaih vek a, sawi tur reng reng ka hre lo va, inhmelhriattir let nachang pawh ka hre hek lo", tiin refugee camp atanga seilian, khawvel hmun nuam leh Hotel changkang ber bera hun hmang kual ta zawk Alphonso Ddavies chuan Bayern a zawm tirh chungchang a sawi. Mi ropui te, mi hlawhtlingte chanchin kan sawi hian ram hla tak tak a mite chanchin sawiin kan duh
2
tawk fo thin a, uiawm ka ti thin. Kan hnampui, kan zinga mi ngeite chanchin sawitel lova tawp har ka ti! Jeremy Lalrinnunga leh Lalremsiami te chanchin ngaihnawm hian a tawp khar dawn teh ang. Kan dopui Jeremy Lalrinnunga hi Govt. Complex Corps SAY member a ni a, India zingah ritchawia khawvel champion thei hmasa ber a ni. Mizote hi infiamna ngaina tak hnam kan ni nangin football, volleyball leh boxing te hi a nawlpuiin kan tuipui a, kan atchilh chu a ni deuh chawt. Ritchawi lam phei hi chu a nawlpui hian kan hre lo viau a, kan tuipui lova, tel ve tumna pawh kan nei lem lo niin a lang. Chutihlai chuan boxer Lalneihtluanga fapa Jeremy Lalrinnunga erawh chuan ritchawi a tuipui tlat thung. Khuangchawi thla tahrik ni 26, 2002 a piang Jeremy Lalrinnunga hian harsa takin bul a tan a, mau tlawn leh lam lehlamah thir leh lungte tawngkhawmin ritchawi a zir lawp lawp thin a, a chang chuan baltina tuite chu a char lauh lauh thin bawk. Phuahchawp angreng taka bul tan mah nise a theihna kawng a zawh fuh hle a, India, Asia leh khawvelah hian champion a ni der tawh a. Ritchawia India inngahna, India chhuanvawr a ni. Y o u t h O ly m pi c -a h Gold Medal a hlawhchhuah a v a n g a S y n o d Confence H a l l - a h chawimawina neih a nih tum khan Jeremya hian thu ropui zet mai a sawichhuak a. "Inelna ka hmachhawn dawn reng reng hian ka zam ngai hauh lova, Sapui riltam, ei tur tuihnai tak hmu ang mai hian ka phur thin," a ti te te a. "Inelna ka hmachhawn dawn apiangin ka pu thu milh hrilh ka hrechhuak ziah a, rit ka chawi dawn chiah hian 'Halelui-ah Amen...Lalpa chu fakin awm rawhse!' ka tih rual chiahin ka chawi ta thin a, Pathianni mal min sawm thin", a ti zui leh a nih kha. Jeremy-a hi Tokyo Olympic 2021 a tel turin a tling tawh nghe nghe a, a chhuanawm tak zet a ni.
The Young Salvationist June 2020
India hi Hockey ngaisan ram an ni a, Hockey thiam pawh an thahnem viau. Player tha tak tak an tam tawh nak laiin Politics a inrawlh a, induhsakna a la nasa em em zui leh nghal. Chutiang karah chuan duhsaktu nei lo, tawng pawh thiam tha thum lo Lalremsiami chuan duhsak a hlawh a, hmun pawimawh a chang reng thei tlat si. Hockey-a India hmeichhe player langsar Lalremsiami hian harsa takin bul a tan a, Thenzawla a zir lai pawhin thirchhia a hralh fo thin. India team a zawm tirh lam hian tawngah harsatna nasa tak a tawk leh bawk. Inelna pawimawh tak an hmachhawn tumin an coach in tihdan tur a hrilh loh ang zel a lo tih thu te a sawi chhuak a. 'Ka tawngtai ru mawlh mawlh thin, ka vannei a, goal ka thun leh hlauh thin a, chu chuan nasa takin min chhan thin", a ti a. "Kan coach te min hrilh kha an sawi ka hre thiam ve der mai si lova, hrethiam awm takin ka awm ve tawp a. An sawi loh ang hlir ten ka lo khel thin a, a chang chuan ka tithinrim thei hle. Mahse, chhel takin ka tuar hram hram a, tun hun hi ka thleng ve thei ta a ni" tiin Synod Conference Centre-a chawimawi a nih tumin Siami hian a sawi ve bawk. Hringnun zin kawng hi a man reng lova, zawl nuam tak a ni reng hek lo. Kawng chhuk chho, zawh harsa khawpa chhia leh biboh a nih chang a awm thin. Kal zel chakawm loh mai nilo, huphurhawm khawpa chho ulh a nih chang pawh a awm thin bawk. Harsa leh chauh vanga thlan tui luang zawih zawiha zawh hram hram thin ten an ler an luanchhuak a. Tlangchhip thlifim thlawt heuh heuhna atangin an kal pelh tak kawng harsa tak takte chu an thlir let a, hlim nui ver ver chungin 'Tuar zelin hnehna' tih hla mawi hi faifukin an sa hlerh hlerh thin.
3
Father’s Day pual
Abrahama Pathian, Isaka Pathian, Jakoba Pathian - Lalnghahchhana Aizawl Bazar Corps Central North Division Kan thupui hi ka ngaihtuah chet chet hian, a ropui ka ti a, kan ngaihtuah nasat poh leh a ropui ka ti tawlh tawlh a ni. Pathian meuh pawh khan A hming chhal nan zu han hmang a maw le! AMAH kha “Abraham Pathian, Isaka Pathian, Jakoba Pathian” tiin a hming zu han sawi a! Kan Pathian hian hemi te pathum (tuchhuan) te Pathian nih hi a zak lo a, Pathian hming sawifiah nan pawh hman a ni a. Kan thupui khi Bible-ah hian hmun tam takah a lang a. (Exodus 3:15; Exodus 3:16; Tirhkohte thiltih 7:32; Genesis 28:14–15, Tirhkohte thiltih 3:13) Hemi te tuchhuan thumah hian Pathian chuan thu a thlung a ni. Keini Chhandamna Sipai Pawlte hian Pate Ni hi kumtin kan hmang thin a. He ni kan lo hman tawh thinah hian Pa pawimawhna leh Pa dinhmunte hi kan ngaihtuah ngai em? Calendar-a a lan vang leh Headquarters-in hman tur a tih vangin kan lo hmang liam mai mai em ni? tih hi inzawt nawn theuh ang u. Pa te hi Pathianin mawhphurhna lian tak min pe a, chu kan mawhphurhna chu tha taka kan tihlawhtling a nih chuan Pathian hian a hming chhal nan min hmang duh a, kan lakah hian thu a thlung duh a sin. Thu thlunna tlak kan ni em le? I pu hming atang khan han chhal la, i pa hming han chhal leh la, nangma hming han chhal leh la, I chhal apiangin Pathian hming i lam tel ngam em le? Ngun tak leh dawt sawi miah loin han chhut chhin teh, Pathian hming leh i pu hming, i pa hming leh i hming i hmehbel ngam em? A nih leh, i lo hmehbel ngam a nih pawhin, i fapa hming nen i la hmehbel zel thei dawn em? I thlahte, la rawn piang turte hming leh Pathian hming hi i hmehbel zel thei em? Ngun takin ngaihtuah la, a chunga exercise khi han ti chhin teh le, Pa mawhphurhna lo lenzia chu i hmuchhuak thiam em? Pathian thu thlunna tlakin chhungkua i enkawl em le? I Pathian a ni ve em? I fapa Pathian a ni em? I tupa Pathian a ni zel em le? Tunlaiin hri tha lo – CoViD-19 darh loh nan leh inven nan kan inkhawm thei ta lo a. Kan Pathian Biak In ropui tak takte chu khar a ngai ta, he thu ka ziah lai hian Pathianni vawi sawm (10) chu inkhawm thei
The Young Salvationist June 2020
loin, Biak In khar a lo ni ta. Pathian be turin mahni chhungkua theuhah maicham din a lo ngai ta a, Pathian biakna hun siam a lo ngai ta, Pa mawhphurhna lo sanzia chu a lang tan a sin! Chhungkaw maicham (chhung inkhawm)-ah Pa ber nge ding thin, nu ber zawk? Thalaite’n hun an hman a, thuchah an sawi laiin, a hminga pa ber ni ve si, kil khatah i lo ui chuang thut mai mai em le? Chutiang a nih chuan, han ngaihtuah chiang teh le, hla pakhat chuan “tho la, ding ta che, i hliam a dam e” tiin a sawi a. Kan Bible chuan heti hian a sawi: Ephesi 5:14 C h u v a n g i n , “Nang muhil! meng la, Mitthi zing ata tho rawh,Tichuan Krista chuanA chhun eng ang che,”a tih kha. Mathaia 22:31,32 chuan Isuan ngei khan Abraham Pathian, Isaaka Pathian, Jakoba Pathian chungchang a sawi a. Chu Pathian ngei chu mitthi Pathian ni loin, Mi nung Pathian a nih thu a sawi a. AMAH chu kan Pathian a nih chuan kan nung ang. He Pathian hi kan nunna a ni si a, chutiang hming chhal tham chu kan nei thei a, kan Pathian nih hi Pathian hian a zak lo a sin! (Hebrai 11:16 ..... chutichuan Pathianin an Pathian tiha awm chu a
4
zak lo ve; an tan khua lam a lo buatsaihsak tawh si.) Pathian hming chhal ngam i nih theih nan Pa i nihna anga i mawhphurhna kha hlen rawh le. Krista chhun en theih turin i mut thlukna atang khan tho rawh le, I tho a nih chuan Krista chuan a chhun eng ang che. A tawp bera ka sawi belh duh chu Hmeithai leh pa nei lo te hi engtinnge ni
Activity Reports
ang? tih hi a ni. Bible-a kan hmuh angin Pathianin a ngaihsak a, tih retheih a phal lo a, dik lo taka an chunga rorel a phal lo a, hnehchhiah leh tihduhdah pawh a phal lo, chutiang titute chungah chuan Pathian chuan thuhretu tuan tha tak a nih tur thu a sawi. Kumin 2020 hian Pate Ni i hman tawh zawng zawnga hlawk ber hmang turin duhsakna ka hlan a che.
CENTRAL NORTH DIVISION SAY COUNCIL ACTIVITIES REPORT Reported by : RK Hnuna, Secretary Central North Division SAY Council 2018-2021
KHAWTHLANG LAM RAMRI A DUTY TE LEH CORPS/SOCIETY THENKHAT TE TAN CENTRAL NORTH DIVISION SAY No. A/CNDSAY/2018-21/04/01&02 Covid 19 avanga midang te tana malsawmna ni tura rawn pen chhuak Corps/ Society SAY leh mimal thahnem ngai te thilpek tlingkhawm atangin luanchhuahna program hlawhtling tak neih a ni. Salvation Army Youth - Central North Division SAY Council te chuan Ni 30 April 2020 khan khawthlang lam ramri a duty te hman tur Glove leh mask bak ah, Darlak C. O bial chhunga Corps/Society hrang hrang leh Dapchhuah Corps ah te thil pek an hlan a ni.
3. Dapchhuah Corps a Sipai chhungkua zawng zawng te tan thilpek hi hlan a ni bawk.
Heng a hnuai a tarlan ang hian Covid 19 harsatna avanga luanchhuahna chu neih a ni.
Captain. Vanlalchullova Darlak bialtu C. O chuan lawmthu sawina a nei a. Division SAY member te inpekna ropui a tiin, Pathian duhzawng rawngbawlna kalpui zel thei turin Division SAY te duhsakna a hlan bawk.
1. Ramri a duty te hman tur : Glove 1000 leh Mask 1000 2. Darlak Corps chhunga Sipai chhungkua In 52 bakah Bawngva Society a Sipai chhungkua In 32 leh Nalzawl Society a Sipai chhungkua zawng zawng te tan Dal, Alu leh Tel hlan theuh an ni.
The Young Salvationist June 2020
Major. R. Lalchhuana DYS chuan Darlak C.O Quarter ah hunserh hmang nghal in, he luanchhuahna a hlawhtlin theih nan a Division huam chhunga Corps/Society/Bial SAY te leh mimal anga contribution hlantu zawng zawng te chungah lawmthu a sawi a. Pathian in a let tam takin malsawmna a vur ngei ang a ti.
He luanchhuahna program a kal Division SAY Council Member te tan Bawngva Society chuan Chengkawl min lo pe a. Tin, Darlak Corps te chuan chawhmeh tuihnai tak tak min hawn tir bawk avangin lawmthu kan sawi tak meuh meuh a ni.
5
LUANCHHUAH VAWI 2-NA : Covid 19 avanga midang te tana malsawmna ni tura rawn pen chhuak Corps/Society/ Bial SAY leh mimal thahnem ngai te thilpek tlingkhawm atangin luanchhuahna program a vawi hnihna atan hlawhtling taka neih a ni leh a. Salvation Army Youth - Central North Division SAY Council te chuan Ni 5, April 2020 khan Teirei Forest Outpost tan luanchhuahna hun hlawhtling takin a nei a ni. Teirei Forest Corps chhungkaw 38 te hnenah tanpuina hrang hrang sem a ni a, DSAYC member atangin mi 5 an kal, Pu Lalrinliana Sailo Asst. Leader chuan a motor a thawh a, DHQ motor Bolero pawh hman a ni bawk DHQ in Bolero min hman tir avangin DHQ chungah DSAY Council te chuan lawmthu kan sawi tak meuh meuh a. Tin, Teirei Forest lama kan mite’n min lo dawnsawn dan ah thinlung takin Council chuan lawmthu kan sawi bawk a ni. Central North Division SAY Rawngbawlna Lalpan malsawm zel rawh se.
CANCER HOSPITAL TAN TANPUINA HLAN Republic C.O Bial SAY May ni 22, 2019 Zirtawpni a Republic CO Bial SAY council 2019 ten Winter Praise 2019, Cancer Hospital, Zemabawk pual a R.Dengthuama Hall kawt, Mualpui,Salem veng a an neih atanga sum tling khawm Rs 43,970/- leh event photo frame pahnih 2 chu Cancer Hospital Director hnenah CO, Maj.C.Vanlalhruaia kaihhruaina in hlan a ni. He hunah hian ev ent organising chairman & Bial SAY Ass t. Le ader Tv.Lalchhandama Ralte chuan Winter Praise 2019 fund raised dan leh hun hman dan report pe in inhmelhriattirna hun a neih h n u a h , Maj.C.Vanlalhruaia C.O. Re pub lic Bi al i n eve nt atanga sum tling khawm 43970/- leh event photo frame pahnih 2 a hlan a. Cancer Hospital, MSCI Director hnen atangin hospital a damlo harsa te dinhmun leh donation an dawn te an hman thin dan report ngaihthlak a nih hnuah Maj.C.Vanlalhruaia CO in tawngtaina hun hmangin, hun tih tawp a ni a. Director leh staff te nen thingpui in ho na neih a ni bawk. He hunah hian bialtu CO bakah bial council member 4 an kal thei a ni. Sum fai hlan hi damlo harsa zualte tan hman tur a pek a ni.
The Young Salvationist June 2020
6
SAY Sunday pual
Salvation Army Youth Tobul .
- Vanlalduhsaka, ECM Central North Division SAY Council
Chhandamna Sipai Pawl rawngbawlna India hmarchhaka tan anih hnu kum 1954, October Ni 8 khan Calcutta THQ ruahmanna in thalai khawmpui, Saitualah neih a ni a, hei hi kan Territory-a thalai rawngbawlna bul tan nan pawm a lo ni ta a ni. April Ni 14, 1971 khan Chaltlang Corpsah Division huapin ‘Torchbearer Group Movement’ (TGM) din a nih thu puan a ni a. Tichuan Corps dang dangah hemi hming (TGM) hmang hian thalaiten rawngbawlna an kalpui chho ta a. TGM ti a hming a put chhung hian thalai rawngbawlna hian hma a sawn em em mai a, heihi a chhan ni a lang chu inkaihhruaina dan mumal tak a neih tak vang a ni thei ang. Activities hrang hrang chîn thar a ni a, Kohhran huang chhunga sport hmanga rawngbawlnate pawh TGM hunlai hian neih thin a ni a, kohhran dangte chuan an hrethiam vaklo niin an sawi nghe nghe. TGM hming hi hun engemaw chen a put hnu in, a hming thlak duhna a lo awm a. January Ni 10 leh Ni 11, 1981 khan Youth Congress neih niin, hemi tum hian TGM tih chu ‘Young Crusaders’ ti a thlak leh pawm a ni ta a. Kum 1981 January thla atangin inkaihhruaina dânte nen hman tan a ni ta a ni. Young Crusaders-ah hian kohhran dang atang pawhin member nih theih a ni a, heihi kohhran tan leh thalai rawngbawlna ah a him tawklo deuh ni a hriatna lo awmin, inkaihhruaina te ennawn leh tihdanglam ngaite tidanglamin Kolasib-a Youth Congress kum 1994 a neih a nih lai, October Ni 7 a rorel inkhawmah palai
Thalai Khawmpui hmasa ber - Saitual, 1954
The Young Salvationist June 2020
rorelte’n lungrual taka Young Crusaders tih chu ‘Salvation Army Youth’ (SAY) tia thlak nise an tih chu Territorial Commander in lo pawmpuiin hman a lo ni ta a ni. India Eastern Territory-ah hian thalai rawngbawlna hian hmun pawimawh tak a luah a. Territory chhunga SAY member-te kan inkhaikhawmna tur leh hmalakna rualkhai zawk kan neih theihna turin TSAY Council hi kum 2002 khan Territorial Commander remtihpuina in din tan a ni a. Council hmasa ber hi May Ni 2, 2002 ah, khatih hunlaia TYS - Maj. Laithanmawia kaihhruainain TYS Room-ah neih a ni a. Heta tang hian SAY-te hmalakna chu kan Territory huapin inkaihhruaina mumal zawk nen a lo kal chho ta a, tun hun thleng hian tha takin a kal chho ta mek a ni. Territory huapa min kaihruaitu tur TSAY Council din a nih hma hian thalai rawngbawlna hi a kal reng tho a. TGM, YC leh SAY tih hming a put hma hian Salvation Army thalai hming puin leh hming dang dang neiin Corps thenkhatah te rawngbawlna kalpui a lo ni tawh thin bawk a ni. Tun dinhmunah hian Territorial SAY Council hnuaiah Division/ District SAY Council tha tak tak Division paruk (6) leh District pakhat(1) ah kalpui mek a ni a, Division Council din la rem lohna ah pawh Corps/Society-ten SAY rawngbawlna hi tha takin an kalpui mek bawk a ni. SAY Member pawh kan Territory-ah hian mi 12,500 vel kan awm mek a ni.
7
Corps Reports CORPS HMING
: SINAI CORPS, ZUANGTUI
DIVISION
: CENTRAL NORTH
DIN KUM
: 2004
MEMBER ZAT
: 35
Office Bearer hming : Leader Asst. Leader Secretary Asst. Secy Treasurer Fin. Secy.
: David V. Rosanga : Lalchhankima : Vanlalduhsaka : Sarah Lalruatfeli : NC Engmawii : Vanlalmalsawmtluangi Ralte
Activites benglut : 1. Dt. 26th January, 2020(sun) Chawhnu khan Biak Inah SAY pum huapin thlarau lama intuaitharna hun ‘Spiritual Retreat’ hman a ni a. He hunah hian PB Lalsawmliana CSM hnen atang Pathian thuchah leh fuihna te ngaihthlak niin, Praise & Worship hun hlawkthlak tak leh kham awm loh tak bakah Tawngtai hona hun tha tak kan hmang a ni. 2. Dt. 14th March, 2020(sat) khan SAY sumtuak nan Blanket suk hnatlang Tuirialah neih a ni a, SAY member thawk chhuak pawh kan thahnem hle. 3. SAY Meeting apiangin Bible chhiar rual leh tawngtai rual neih thin a ni a; SAY Zirlai zir zan, Sermon pangngai awmloh zanah member-te hnen atang Sharing/testimony sawi tur in ruat chhuah thin a ni bawk. 4. Khawvel puma COVID-19 hri lêng mek vanga kan ram a harsatna tawk te tanpuina tur CND SAY Council-in a khawn ah Sinai Corps SAY hming a Rs 1,000/- hlan ve a ni. 2020 Action Plan & Budget : Kum 2020 chhunga kan hmachhawp zualpui tlem te han tarlang ila1. Kumin chhûng hian Sound Monitor thar nei hman tura tan lak a ni a, heng bakah hian kan Sound System neih ang ang te thawm that tum a ni. 2. Tawngtai tlaivar/zan chanve tawngtai a tam thei ang ber neih tum a ni a, Sunday chawhnu ah Fellowship leh Prayer Mountain-a tawngtaina hun a inkar thlaka hman thin tum a ni. 3. Street Mission/Social Work leh Mual Inkhawm te kan Sipai Pâwl ni pawimawh bik puala neih thin tura ruahman ani bawk. 4. Kum 2020 SAY Sinai Corps te’n kan budget chu Rs 65,000/- a ni. - Vanlalduhsaka, Secretary
The Young Salvationist June 2020
8
Corps Reports CORPS HMING
: LAWIPU CORPS
DIVISION
: CENTRAL SOUTH
DIN KUM
: 3RD FEB. 2012
MEMBER ZAT
: 52
Office Bearer hming :Leader Asst. Leader Secretary Asst. Secy Treasurer Fin. Secy Adviser
: K. Lalrinzama : PC Lalhmangaiha : Lalramhmunsanga : Lalhmangaihsangi : R. Lalmuanzova : Larry Vanlaldampuia : Lalzarmawia Ralte CS
2020 Activities Benglut :1. Operation WB hmalakna atan Veng chhung khawsak harsa chhungkaw 4 hnenah sum faia luanchhuah a ni. 2. Thla tin chawlhni hnuhnung berah Chawnghei lawngmai neih mhin a ni. 3. Council Member te Group ah inmhenin, thla tin member te tlawhchhuah mhin a ni. 4. Thla tin thawhlehni zan vawi 2naah Council mhutkhawm mhin a ni. 5. Covid 19 hrileng vanga chhuanchham leh harsate manpuina Local Task Force kaltlangin sum fai engemaw zat pek a ni. 6. SAY member te Brigade 2 ah inmhenin hengah hian inelna neih a ni :Inkhawm kal tha, thawhlawm, hnatlang, Sipai Inkhawm, lawngmai inkhawm kal mha. Kum 2020 Action Plan tlangpui (Covid 19 vanga la tih theih loh) :1. SAY Idol thlan 2. Gospel Ride 3. Street Mission 4. Damdawi In leh Upa te hnena luanchhuah 5. Blood Donation 6. Literature Nite 7. Corps pumhuap Join Sport 8. Under the lovers Moon Operation 9. Jersey lei 10. SAY Nite 11. Etc,etc.. - Lalramhmunsanga, Secretary
The Young Salvationist June 2020
9
TSAY BIBLE QUIZ (MARKA) JUNE 2020 I.
Zawhna leh Chhanna:
1 X 10 = 10
1. Foiniki mi nu pakhat khan Isua khan eng ti turin nge a ngen? 2. Lal Isua’n mihring tibawlhhlawhtu a tih kha enge? 3. Baptisma a chan zawh khan Isua kha khawiah nge a kal? 4. Beelzebula tih awmzia enge? 5. Isuan tute nge a farnute a tih kha? 6. ‘Tupawh hriatna tura beng nei chuan hre rawh se,” a tih kha eng tehkhin thu nge? 7. Khawvel lungkhamna, hausakna bumna te, thil dang chakna te in a tihbuai khan eng nen nge a tehkhin? 8. Heroda khan Isua kha tunge ni a a hriat? 9. Isua a thawhleh hnu khan kawi hmuna inhmu turin nge zirtirte a chah? 10. Pharisaite khan chhiah chungchangah Isua enge an zawh?
II. A karawl dahkhat rawh:
1X5=5
1. _____________ in luh loh nan inring rengin tawngtai rawh u. 2. Mi tam tak __________, tiin keima hming chhalin an lo kal ang a, mi tam tak an tih der ang. 3. Isua chuan a chhung ata ___________ chhuak thin chu a chhuak tih a lo hria a, mipui zingah chuan a hawi vel ta nghal a. 4. Kei zawngin tuiin ka baptis thin che u a, ani erawh chuan ________________ a baptis ang che u. 5. Hun chu a lo thleng ta a, Pathian ram pawh a lo hnai ta; _______ ula Chanchin Tha hi ring rawh u.
The Young Salvationist June 2020
10
III. A dik zawnah D dah la a dik lo zawnah X dah rawh:
1X5=5
1. Fing takin a chhang tin a hriatin, a hnenah chuan Lehkhaziaktu chuan, “Pathian ram i hlat love” a t a. 2. Tin, Nazaret Isua a ni tih a hriat veleh, “Isu, Davida fapa min tanpui rawh” tiin a au ta a. 3. In satute lung duh loh kha, chu ngei chu a kila lung tangkai ber a lo ni ta. 4. “Chawlhniah hian tihthat nge thiang, tihchhiat? chhandam nge thiang, tihhlum?” tiin a zawt a. 5. Herodan Johana chu mi fel leh thianghlim tak a ni tih a hriat avangin a haw em em a.
IV. Tu sawi leh tu hnena sawi nge? 1.
“Ephatha”
2.
“Darkar khat pawh inring rengin i awm thei lo maw?”
1X5=5
3. “Zirtirtu, i hnena kan dil tur apiang che chu i mi tihsak kan duh e”. 4. “I unau nupui i neihsak hi a thiang lo a ni” 5. “I duh chuan mi ti thianghlim thei e” Chhangtu hming
: __________________________
Corps
: __________________________
Division
: __________________________
Contact
: ___________________________
LAWMMAN DAWN MIDANGTE TANPUI NAN HLAN TSAY Quiz April issue lawmman 1 na dawngtu Lalmuanpuia Sailo, Armed Veng South Corps chuan a lawmman dawn chu Lalchhandama, SAY Leader Behliangchhip Corps brain tumor vanga zai hmabak kan nan Territorial Youth Secretary Major Rohlupuia hnenah a hlan. Hetiang mi inpe tlangval fel SAY member an awm hi TYS chuan lawmawm a ti hle a ni. The Young Salvationist June 2020
11
