Тематско процесно планирање Септември 2011 Наставна програма по Ликовно образование за VIII одделение 1. час Воведен час: Запознавање со предметот ликовно образование, неговите цели, наставните теми и активности. Наставникот ги запознава учениците со учебникот, работните материјали и другите извори што ќе ги користат во наставата и со улогата на ликовните елементи и принципи од ликовниот јазик во компонирањето на една ликовна творба.
2. час Тема: Цртање Цели: Ученикот/ ученичката : да употребува линии со различен карактер кои соодветствуваат со индивидуалниот карактер на ученикот и потребите за ликовен израз. Наставна содржина: Совладување на ликовни елементи и принципи во цртањето. Индивидуалност во ликовниот израз. Активности, методи, наставни средства: Наставникот им објаснува на учениците за карактерот на линиите, контрастот, текот и насоката на линиите каде што секој ученик би си го пронашол својот ликовен израз. Наставникот посочува да секој изработи цртеж со индивидуални карактеристики употребувајќи линии со различен карактер (меки, остри, куси, долги, испрекинати...). Наставникот покажува примери од познати уметници – цртачи кај кои се препознава индивидуалниот ракопис. Творечка активност Наставникот заедно со учениците разгледуваат ликовни дела и ги анализираат видовите линии во нив. Потоа избираат мотив ( фигура во движење – кроки) во кој ќе применат различни видови линии. Учениците индивидуално преминуваат кон практична реализација на ликовната творба. Материјал, техника: Молив Наставникот ги запознава учениците што ќе обработуваат наредниот час, материјали и техниката за наредната тема. Естетско проценување: Со учениците врши естетско проценување, при кое се користат со ликовна терминологија.