VI Informe Colombia (asturiano) by Soldepaz Pachakuti

VI INFORME DE LA DELEGACIÓN ASTURIANA PA PESCUDAR LA SITUACION DE LOS DRECHOS HUMANOS EN COLOMBIA 2010 1.

Presentación 1.1. La Delegación Asturiana

Introducción 2.1. Colombia, datos xenerales 2.2. Metodoloxía

Oxetivos

Constataciones 4.1. Ataques a los drechos humanos 4.1.1. Execuciones estraxudiciales y masacres 4.1.2. Amenaces 4.1.3. Desapaición forciada 4.1.4. Tortures, tratu cruel o degradante, usu escesivu de la fuercia 4.1.5. Detenciones arbitraries y situación carcelaria 4.1.6. Violencia sexual, neños/es 4.1.7. Impunidá 4.1.8. Ataques a la llibertá d’espresión 4.1.9. Esllarigamientu forciáu 4.2. Ataques al drechu humanitariu internacional, mines antipersona 4.3. Drechos económicos, sociales y culturales 4.4. Puelos indíxenes y afrocolombianos

5. Conclusiones 6. Recomendaciones Al gobiernu de Colombia A los grupos guerrilleros A los gobiernos del mundiu 7. Anexos Autoridaes públiques y organizaciones sociales entrevistaes Sigles usaes

1. Presentación “Los asturianos y les asturianes van ser la voz de los mudos, porque equí nunca mos dexen falar, y si lo faemos amenácenmos, o nun mos oyen, nin mos creen”.1

El conflictu políticu, social y armáu que sufre Colombia dende hai décades por causa de la desigualdá y la inxusticia social, agrávase con una de les mayores crisis humanitaries conocíes na so Hestoria. Esta crisis esprésase con una de les tases más altes d’esllarigamientu internu del mundiu, con execuciones estraxudiciales, tortures, detenciones masives y arbitraries, semáu indiscrimináu de mines antipersona, ametrallamientos y bombardeos sobre comunidaes llabradores ya indíxenes, xunto con bien d’atentaos a los drechos humanos y d’incumplimientos del drechu humanitariu internacional. Los ataques a los drechos humanos y los incumplimientos del drechu humanitariu internacional cometíes por tolos actores armaos, xunto cola distribución inequitativa de la riqueza, la discriminación y estigmatización de grupos fráxiles, la impunidá y les dificultaes pal accesu a la xusticia siguen condicionando’l gociu integral de los drechos humanos. La situación de los drechos humanos en Colombia ta ausente de los grandes medios de comunicación, pero ye parte de la esmolición compartida polos sistemes de drechos humanos de la ONX y de la OEA, amás de tar presente na axenda de les principales organizaciones que los revisen. Les consecuencies que tien sobre los drechos humanos el conflictu armáu son dramátiques y anque coyunturalmente dellos indicadores baxen, como lo fixo la tasa d’homicidios hasta’l 2008, ye un fechu qu’en dalgunes ciudaes hai un aumentu de la violencia asociáu a la presencia d’estructures armaes illegales que’l gobiernu y l’Estáu colombianu se ñeguen a llamar “paramilitares” y que tienen vínculos con componentes de la fuercia pública. El gobiernu colombianu invierte cada añu sumes enormes de dineru en seguridá y defensa. Diose prioridá al gastu militar sobre la inversión social y eso refléxase na militarización de la sociedá y nel desamparu de millones de persones. Creció’l conflictu social y nun s’acabó col conflictu armáu. Nel 2009 hebo un crecimientu del númberu de persones amenazaes de muerte, sobre too d’opositores sociales y políticos al gobiernu colombianu, y siguió la violencia escontra los sectores más fráxiles y persiguíos: coleutivos de muyeres y estudiantes, defensores de los drechos humanos, sindicalistes y periodistes, comunidá de LGTB, puelos indíxenes y comunidaes afrocolombianes. Un sector importante de les instituciones públiques del Estáu colombianu que nun ocuparon los axentes de los grupos paramilitares defende la so independencia del gobiernu. La Corte Suprema de Xusticia mantién con munches dificultaes la llucha escontra la impunidá y por preservar la independencia frente al poder executivu. Paga un preciu altu, Testimoniu énte la Delegación Asturiana d’Orlando Bolaños, dirixente comunitariu d’Argelia (Cauca), amenazáu de muerte por denunciar los atropellos de los paramilitares y del exércitu colombianu, 31 de xineru del 2010. 1

incluyíes les families de los maxistraos, n’amenaces, acosos, acusaciones y siguimientos illegales, por parte del DAS, policía secreta que depende direutamente de la presidencia del gobiernu colombianu. Pa Naciones Xuníes sigue siendo prioritaria l’atención a la situación de los drechos humanos en Colombia. Cinco rellatores van presentar los informes a lo llargo del 2010 sobre cuestiones fundamentales: defensores de drechos humanos, puelos indíxenes, execuciones estraxudiciales, independencia xudicial y minoríes étniques. La cooperación de determinaos Estaos de la Xunión Europea, canalizada a traviés del gobiernu colombianu, denunciáronla les comunidaes llabriegues como dañina, porque se convierte “nun apoyu esterior a la política de guerra del gobiernu, un preséu pa llexitimar la presencia del exércitu y de la policía en rexones onde cometieron actos terribles y a les que regresen pa realizar obres civiles, brigaes de salú y actos de beneficencia que son competencia d’autoridaes civiles, ensin que los militares pagaran polos crímenes, nin pidieren perdón, nin cambiaren de conducta”.2 La embaxada d’España en Colombia considera prioritaria la cuestión de los drechos humanos: “Apoyamos el trabayu de la Comisión Nacional de Compensación y Conciliación y la Comisión Nacional de Busca de Persones Desapaecíes [...]. Hai presencia de grupos paramilitares, o como se llamen, en diversos sitios del territoriu nacional [...]. Los drechos humanos van ser tema de trabayu nel diálogu XE / Colombia y ún de los compromisos de la AECID esti añu ye la promoción de los drechos humanos [...]. Queremos cuntar cola Axencia Asturiana de Cooperación al Desarrollu pa trabayar esi tema cola nueva alministración colombiana que salga elixida en mayu del 2010”.3 El gobiernu colombianu considera que son innegables los avances en materia de drechos humanos. Nesa valoración coincide’l ministru d’Asuntos Esteriores y de Cooperación d’España, Miguel Ángel Moratinos: “La situación de los drechos humanos en Colombia ameyoró durante’l mandatu del presidente actual, Álvaro Uribe, anque entá queda un camín llargu por percorrer”.4 La misión de parllamentarios y parllamentaries del Estáu español considera que “la población civil ye la víctima principal del conflictu al involucralo de manera forciada y creciente les diferentes partes en conflictu. Esti procesu xenera sufrimientu enforma, impotencia na población, falta d’enfotu nes instituciones y, sobre manera, la perceición d’impunidá respeuto al ataque a los drechos humanos.5

Asociación Llabriega d’Inzá, Tierradentro (Cauca). Reunión na embaxada d’España en Bogotá colos delegaos del Sr. embaxador, D. Luis Mateos Paramio, Conseyeru políticu de la embaxada, y D. Fernando Rey, pola Oficina Téunica de Cooperación de l’AECID en Colombia. 4 Europa Press. Madrid, 9 de marzu del 2010. 5 Misión de parllamentarios del Estáu español pa comprobar drechos humanos, informe inicial, Bogotá, 29 de xineru del 2010. 2 3

El senador catalán Joan Josep Nuet considera que “la política de seguridá d’Uribe paez más una política de violencia aparentemente democrática, cola apaición de grupos paramilitares mui rellacionaos coles instituciones".6 Colombia ye un Estáu prioritariu pa l’Axencia Asturiana de Cooperación al Desarrollu del gobiernu del Principáu d’Asturies, na puesta en marcha de proyeutos de cooperación, solidaridá y defensa y promoción de los drechos humanos. Sobre manera pola crisis sostenida qu’afeuta a los drechos económicos, sociales y culturales, y les graves consecuencies del conflictu militar sobre les organizaciones y persones defensores de los drechos humanos. Dende l’añu 2001 el gobiernu del Principáu d’Asturies patrocina’l Programa Asturianu d’Atención a Víctimes d’Ataques a los Drechos Humanos en Colombia, que permite dar acoyida temporal a sindicalistes y defensores de los drechos humanos que tienen riesgu altu probáu de perder la vida o la integridá física. El programa atendió a 64 persones hasta marzu del 2010, y van ser 70 persones al acabu d’esti añu. Dende l’añu 2005 y de forma añal, l’Axencia Asturiana de Cooperación al Desarrollu del gobiernu del Principáu d’Asturies pon en marcha una delegación pa pescudar la situación de los drechos humanos en Colombia col oxetivu d’ellaborar un informe que se pon a disposición de los parllamentos asturianu, español y européu, de los gobiernos asturianu, español y colombianu, de la ONX, OIT y OEA, y de coleutivos, ONGD y movimientos sociales. Dando continuidá a estes iniciatives, esti añu 2010, una delegación asturiana viaxó a Colombia, del 29 de xineru al 12 de febreru, col oxetivu fundamental d’ellaborar el VI informe sobre la situación de los drechos humanos, como espresión del compromisu de l’Axencia Asturiana de Cooperación al Desarrollu del gobiernu del Principáu d’Asturies cola preservación del drechu a la vida y el respetu polos drechos humanos, tamién como xestu de solidaridá coles miles de víctimes de la violencia en Colombia. Específicamente planificóse la visita a los departamentos d’Antioquia, Caquetá, Cauca, Cesar, Putumayo, Sur de Bolívar y Cundinamarca, amás de la ciudá de Bogotá. D’esti viaxe informóse, de manera oficial, al gobiernu de Colombia y a la embaxada d’España en Bogotá. La Delegación Asturiana agradez l’esfuerciu de les organizaciones integrantes del Comité de Seleición del Programa Asturianu d’Atención a Víctimes d’Ataques a los Drechos Humanos en Colombia, encargaes d’ellaborar el programa de la visita y del acompañamientu. El so trabayu ye vital pa qu’en Colombia se camine hacia la paz con xusticia social, poro, espresamos públicamente la nuesa reconocencia a: Departamentu de Drechos Humanos de CUT Colombia; Comité Permanente pola Defensa de los Drechos Humanos, CPDH; Fundación Comité de Solidaridá colos Presos Políticos, FCSPP; Asociación Nacional d’Ayuda Solidaria, ANDAS; Coleutivu d’Abogaos José Alvear Restrepo. 6

Ib.

La Delegación Asturiana pa Pescudar la Situación de los Drechos Humanos en Colombia ta fondamente conmovida ya indignada énte la gravedá de les denuncies y testimonios recoyíos y énte los ataques a los drechos humanos y los incumplimientos del drechu humanitariu internacional constataos. Resulta incuestionable que la situación de los drechos humanos en Colombia sigue siendo crítica, altísimos los niveles de impunidá, precariu l’accesu de la población a la xusticia y poco efeutives les midíes entamaes pa protexer la vida de los sectores más fráxiles de la población. La Delegación Asturiana denuncia l’actitú intimidatoria, fosca y amenazante de les fuercies armaes colombianes con esta misión internacional. El 2 de febreru en Piñuñanegro, departamentu de Putumayo, un helicópteru militar aterrizó xunto a la escuela del llugar. Los xenerales Cabrera y Rafael Colón, al mandu de dellos oficiales y numberosa tropa que llevaba armes de guerra, xunto a civiles armaos que los acompañaben y que fotografiaron a los componentes de la misión, interceptaron a la Delegación Asturiana col oxetivu evidente d’amedranala y torga-y que constatara sobre’l terrenu los ataques y los incumplimientos del drechu humanitariu internacional por parte de la fuercia pública: barcos militares con armamentu de guerra atracaos dientro del llugar, requises y rexistros por parte de militares a población civil, soldaos ensin identificaciones nin uniformes reglamentarios, helicópteros militares aterrizando xunto a la escuela, militares acampaos dientro de les cases del puelu, poniendo amás en peligru la vida de la población civil en casu de combates.

L’Axencia Asturiana de Cooperación al Desarrollu del gobiernu del Principáu d’Asturies espresa la so voluntá política y el so compromisu permanente p’apoyar tolos esfuercios que se faigan p’alcontrar la paz con xusticia social en Colombia y va contribuyir a crear espacios de diálogu y alcuerdu p’alcontrar una salida negociada al llargu conflictu políticu, económicu, social y armáu que vive’l puelu colombianu.

Rafael Palacios García Direutor de l’Axencia Asturiana de Cooperación al Desarrollu del gobiernu del Principáu d’Asturies

1.1. La Delegación Asturiana La visita de la VI Delegación Asturiana pa Pescudar la Situación de los Drechos Humanos en Colombia realizóse ente’l 29 de xineru y el 12 de febreru del 2010. La delegación formáronla les persones siguientes:

• Rafael Palacios García, direutor de l’Axencia de Cooperación al Desarrollu del gobiernu del Principáu d’Asturies.

• Javier Arjona Muñoz, de la ONGD asturiana Soldepaz Pachakuti. • Javier Orozco Peñaranda, coordinador del Programa Asturianu d’Atención a Víctimes • • •

d’Ataques a los Drechos Humanos en Colombia. Baudilia Labrado Chinarro y Enrique Alcalde Jiménez, d’ISI Burgos. María Ángela López García ya Ignacio Salgado López de Pablos, periodistes de la Productora de Programes de la Televisión del Principáu d’Asturies. Covadonga Chaverri Suárez, de l’Associació Catalana per la Pau.

En desarrollu del so propósitu la delegación asturiana visitó los departamentos siguientes: 1. Departamentu de Cauca: Territoriu de La María, Piendamó Caldono Popayán 2. Departamentu de Putumayo Piñuñanegro Puerto Asís 3. Departamentu de Caquetá Florencia 4. Departamentu d’Antioquia Medellín 5. Departamentu de Cesar Aguachica Bosconia 6. Departamentu de Bolívar El Peñón, Sur de Bolívar 7. Bogotá D.C.

2. Introducción

2.1. Colombia, datos descriptivos xenerales Estensión: 1.141.748 Km2. Población: 45.333.000 habitantes (DANE, 12 de marzu del 2010). Población afrodescendiente: 10,5 % aproximao (4,8 millones de persones). Población indíxena: 102 puelos 1,4 millones de persones, aproximao. Puelu rom o xitu: 5.000 persones, aproximao. Ensin pertenencia étnica: 38,8 millones de persones, aproximao. Pena de muerte: nun la hai pa nengún delitu. Idioma oficial: el castellanu en tol país y les 64 llingües indíxenes nos sos territorios, amás del bandé, el palenqueru y el romaní. Presidente: Álvaro Uribe Vélez (2002-2006, 2006 - 7 d’agostu del 2010). El salariu mínimu mensual llegal nel 2009 foi de 187 €. Colombia formalmente ye un Estáu social de drechu, organizáu en forma de república unitaria, descentralizada, con autonomía de les entidaes territoriales, democrática, participativa y pluralista, fundada nel respetu de la dignidá humana, nel trabayu y la solidaridá de les persones que la integren y na prevalencia del interés xeneral.7 L’Estáu colombianu ratificó: el Pautu Internacional de Drechos Civiles y Políticos, el Pautu Internacional de Drechos Económicos, Sociales y Culturales, la Convención Americana de Drechos Humanos, les Convenciones de Xinebra y los protocolos adicionales, la Convención de la ONX sobre la Muyer, l’Estatutu de la Corte Penal Internacional, la Convención escontra la tortura y otros tratos o penes crueles, inhumanos o degradantes, y el Conveniu 169 de la OIT sobre puelos indíxenes. Según la Constitución de Colombia estos pautos y convenciones ratificaes tendríen que ser de cumplimientu obligatoriu, incluso baxo estaos d’esceición han prevalecer nel orde internu.

2.2. Metodoloxía Esti informe tien como fontes:  

El trabayu de campu de la Delegación Asturiana. Documentos apurríos poles organizaciones sociales y poles instituciones públiques.

Artículu 1u Constitución Política de Colombia, 1991.

 

El testimoniu de les víctimes –y/o familiares– d’ataques a los drechos humanos. Rexistros de los medios de comunicación masivos, oficiales y alternativos.

3. Oxetivos

•

Comprobar la situación de los drechos humanos en siete departamentos de Colombia. • Informar de les constataciones a les instancies pertinentes del Estáu español, la Xunión Europea, la ONX, la OEA y la OIT. •

Ayudar a la difusión y proteición de los drechos humanos en Colombia.

4. Constataciones “Percima de los drechos humanos tán los megaproyeutos, percima de los nuesos drechos tán los planes de les multinacionales”.8

Colombia sigue somorguiada nun conflictu social y militar de duración llarga, agraváu polos niveles crecientes d’inequidá y d’esclusión social, los niveles altos d’impunidá y pola incidencia social, política y militar del fenómenu del narcotráficu y del neoparamilitarismu. Ye importante l’aportación de la xurisdicción complementaria na llucha escontra la impunidá en Colombia. Tres el fallu condergatoriu de la Corte Interamericana de Drechos Humanos el gobiernu colombianu almitió la so responsabilidá na tortura y masacre de 43 persones asocedida nel llugar de Pueblo Bello, departamentu d’Antioquia, nel 1990, persones qu’asesinó’l grupu paramilitar Autodefenses Uníes de Colombia, AUC. "En nome del Estáu de Colombia, reconozo énte vustedes, los familiares de les víctimes, y énte la comunidá internacional y nacional, la responsabilidá que-y cabe al Estáu", dixo’l ministru de Defensa, Juan Manuel Santos.9 Constituyen ésitos na llucha escontra la impunidá’l que la Corte Suprema de Xusticia condergare por nexos col paramilitarismu y otros delitos a políticos afines al gobiernu d’Uribe Vélez, como l’ex-gobernador de Sucre y ex-conseyeru de la embaxada de Colombia en Chile, Salvador Arana Sus; l’ex-representante del Tolima, Gonzalo García Angarita; l’exsenador de Bolívar, Vicente Blel Saad; l’ex-representante de Caldas, Dixon Ferney Tabasco; investiga al ex-presidente del Congresu de la República, Luis Humberto Gómez Gallo; condergó al ex-senador Álvaro García Romero polos delitos de conciertu pa delinquir, por apropiación de bienes públicos y pol homicidiu d’ocho persones na masacre de Macayepo; 8 9

Dirixente comunal de Piñuñanegro, 2 de febreru del 2010. EFE, 4 de marzu del 2009.

amás investiga al ex-direutor del DAS, Jorge Noguera Cotes, pol homicidiu de dos sindicalistes, un defensor de drechos humanos y una periodista, asocedíos nel 2003; y vinculó a les investigaciones por nexos col paramilitarismu al senador Mario Uribe Escobar, sociu políticu y primu hermanu del presidente de la República. Ye positivo pal combate a la impunidá que la Corte Constitucional precisare que los delitos graves, como los crímenes de guerra cometíos pola fuercia pública, van ser competencia de la xurisdicción ordinaria y non de la xusticia penal militar, puesto que nun se pue aceptar que conductes como les execuciones estraxudiciales o la desapaición forciada de persones sían actos cometíos en desarrollu d’una fin constitucionalmente llexítima. Hai evidencies y pruebes de la rellación de sectores del executivu y del congresu de la República coles bandes paramilitares. Por vínculos con estos grupos hai 133 congresistes y ex-congresistes investigaos, un gobernador, 10 alcaldes, seis conceyales, 14 exgobernadores, 15 ex-diputaos y 35 ex-alcaldes, la mayoría del movimientu políticu del presidente Álvaro Uribe Vélez; dalgunos yá los condergaron a penes d’alcárcel. La persecución a los defensores de drechos humanos nun cesa. La rellatora de la ONX pa los Drechos Humanos constató “la vixilancia illegal por parte de los servicios d’intelixencia del Estáu; les detenciones arbitraries y l’acosu xudicial; les incursiones en sees d’organizaciones non gubernamentales y el robu d’información [...]. Les amenaces xeneren un clima de terror dientro de la comunidá de defensores de drechos humanos y torguen el so papel llexítimu en defensa de los drechos humanos”.10 Magar que’l presidente Uribe declaró’l 17 de setiembre del 2009 que: "la defensa de los drechos humanos ye una aición necesaria y llexítima pa la democracia, nun país como Colombia, que tien l’arguyu de tar abiertu y dispuestu dafechu a que se pescude internacionalmente nesta materia", la Delegación Asturiana comprobó nel Putumayo la enemistá del altu mandu militar hacia la observación internacional. A la delegación interceptáronla los xenerales Cabrera y Rafael Colón, qu’afirmaron que toa presencia civil nesa zona yera sospechosa de ser “collaboradores de la guerrilla”.11 La estigmatización del llabor de los defensores de drechos humanos compromete tamién a los medios masivos de comunicación. “Dalgunos columnistes de prensa acusen a les ONG de drechos humanos de tar faciéndo-y una guerra xurídica al Estáu”.12 “A la lluz de lo que vi y oyí nos últimos 12 díes, puedo concluyir que sigue habiendo en Colombia patrones d’acosu y persecución a los defensores de drechos humanos, y bien de veces a los familiares. Periodistes, sindicalistes, maxistraos, abogaos, activistes estudiantiles y xuveniles, muyeres defensores, cabezaleros indíxenes y afrocolombianos, y tamién activistes LGBT foron asesinaos, torturaos, maltrataos, desapaecíos, amenazaos, capturaos y deteníos arbitrariamente, xudicializaos, vixilaos, echaos de casa pola fuercia, o obligaos a

Declaraciones de Margaret Sekaggya, Rellatora de la ONX pa los Drechos Humanos, 7 de marzu del 2010. Incidente en Piñuñanegro, 2 de febreru del 2010. 12 Gustavo Gallón, presidente de la Comisión Colombina de Xuristes. 10 11

esiliase; o bien allanaron les oficines y robaron los archivos, pola mor del so trabayu de defensa de los drechos humanos y llibertaes fundamentales”.13 “El MOVICE foi víctima d’una política sistemática d’agresión. Presentáronse polo menos 170 aiciones criminales escontra los sos componentes, ente asesinatos selectivos, desapaiciones forciaes, detenciones arbitraries, amenaces, intimidaciones y estigmatizaciones, por parte d’axentes del gobiernu”.14 El gobiernu colombianu, que nun se comprometió cola Declaración Universal de los Puelos Indíxenes, intenta nun reconocer los drechos ancestrales de los aboríxenes sobre los sos territorios, y paga por romper la unidá de los puelos indíxenes al ofrecer dineru pa que delaten a los dirixentes comprometíos cola ocupación de llatifundios nel procesu de “Lliberación de la Madre Tierra” y cola esixencia de reconocimientu, saniamientu, ampliación y constitución de comunidaes indíxenes. El gobiernu afirma qu’hai más seguridá en Colombia. “La seguridá ameyoró pal tránsitu per carretera, pero nos campos la seguridá nun la hai, ye una angustia pa los llabradores”.15 La tasa d’homicidios per 100.000 habitantes baxara a finales del 2008. Según l’Institutu Nacional de Medicina y Ciencies Forenses, el país pasó d’una tasa de 67 homicidios nel 2002, a 35 nel 2007 y 33 nel 2008. Esta tendencia a la baxa revierte nel 2009 en dalgunes ciudaes como Medellín y Montería. En Medellín l’enfrentamientu ente bandes lligaes al narcotráficu dexó más de 1.700 persones asesinaes, ente elles 110 menores de 18 años. Pa Naciones Xuníes “la esmolición máxima ta na presencia de menores nes files de los grupos armaos, que, según cifres de diversos organismos, pue tar ente 8 y 14 mil neños”.16 El gobiernu vien faciendo esfuercios pa protexer a 11.179 persones, de les que 1.550 (el 13,7 %) son sindicalistes con una proteición que supón el 27,3 % del costu total; el restu son otros sectores protexíos con teléfonu móvil, xilecu antibales y/o coche con escolta. L’añu 2009 la proteición d’estes persones costó 56 millones de dólares, que procedíen de los recursos de la nación y d’aportes d’USAID y del Plan Colombia pa prevención”.17

Declaración de Margaret Sekaggya, Rellatora Especial de la ONX sobre la situación de los defensores de drechos humanos tres la so visita del 2009 a Colombia. 14 Comunicáu del MOVICE, Bogotá, 6 de marzu del 2010. 15 Asamblea Comunitaria en Piñuñanegro (Putumayo), 2 de febreru del 2010. 16 Cristhian Salazar, direutor de la Oficina del Altu Comisionáu de la ONX pa los Drechos Humanos en Colombia, I Alcuentru d’Autoridaes de Conceyos a favor de Neños/es y l’Adolescentes, Medellín, payares del 2009. 17 Entrevista nel Ministeriu del Interior y Xusticia col xefe del Programa de Proteición, Sr. Rafael Bustamante.

A pesar de los esfuercios en proteición asesinaron a 783 sindicalistes dende’l 2001, 834 según la estadística de los sindicatos. Nel 2009 asesinaron a 28 sindicalistes según el gobiernu18, 46 según los sindicatos.19 Nos siete departamentos visitaos hebo denuncies fundaes de la presencia y actuar violentu de grupos paramilitares en complicidá col exércitu nacional. En Nariño y Cauca y tamién na Costa Atlántica hai denuncies de qu’hai alcuerdos ente estos grupos y les guerrilles de les FARC y ELN pa facilitar movimientos y negocios. En rexones de Caquetá, Meta y Putumayo los soldaos amenacen a los pobladores cola llegada de los paramilitares diciendo “detrás de nós vien la escoba que barre la porquería”.20 “Pal gobiernu nacional ya nun hai grupos paramilitares dempués de la desmovilización de 30.000 d’ellos, agora solo hai bandes criminales emerxentes infiltraes por narcotraficantes que se faen llamar paramilitares”.21 “Al marxe de cómo se llame a estos grupos –paramilitares, bandes criminales o otra denominación– nun ha minimizase l’impautu que tienen actualmente pa los drechos humanos en Colombia. Lo mesmo que los paramilitares, estos grupos socesores cometen atrocidaes gravísimes y tienen que los detener”.22 Pa la ONX “operen d’una manera asemeyada a les antigües organizaciones paramilitares, y participen n’actividaes criminales tales como narcotráficu, estorsión, desaposiu de tierres, prostitución y trata de persones; tamién n’actividaes llegales, a veces irregulares, como lloteríes y seguridá privada [...]. Diríxenlos persones que foron anteriormente mandos medios d’eses organizaciones o militares [...]. Tienen capacidá d’exercer violencia organizada, poder económicu ampliu, capacidá pa corromper autoridaes ya instituciones del Estáu, vínculos con autoridaes y poderes fácticos llocales”.23 Pal MOVICE “la seguridá democrática provocó la llegalización y mimetización del paramilitarismu na sociedá y l’afondamientu del control paramilitar nes ciudaes grandes. Los ‘nuevos’ grupos paramilitares a finales del 2009 llegaron a tener hacia 11.000 componentes armaos ensin que’l réxime y les fuercies de seguridá tengan la mínima intención de combatilos. Al contrario, la infiltración paramilitar ta comprobándose en toles esferes del gobiernu".24 “Nel Caquetá hai bandes criminales emerxentes que se vienen afitando como grupos d’autodefensa”.25 Ib. Llistáu de víctimes d’atentáu al drechu a la vida, a la llibertá y a la integridá física de sindicalistes, 1 de xineru a 31 d’avientu del 2009. 20 Entrevista con organizaciones sociales, Florencia, 5 de febreru del 2010. 21 Entrevista nel Ministeriu del Interior y Xusticia col xefe del Programa de Proteición, Sr. Rafael Bustamante. 22 José Miguel Vivanco, direutor de Human Rights Watch. 23 Informe añal de l’Alta Comisionada de les Naciones Xuníes pa los Drechos Humanos sobre la situación de los drechos humanos en Colombia 2009. 24 Comunicáu del MOVICE, Bogotá, 6 de marzu del 2010. 25 Entrevista col Defensor del Puelu Seición Caquetá, Sr. Álvaro Castelblanco Cardozo, Florencia, 5 de febreru del 2010. 18 19

En zones como La Machaca, Las Delicias, Losada, la Macarena los paramilitares estorsionen a los llabradores col consentimientu de les autoridaes. “L’alcalde de La Macarena recibió quexes al respeuto y aconseyó: ‘páguen-yos a los paramilitares, negocien con ellos’”.26 A les execuciones estraxudiciales conocíes como “falsos positivos”, nos que se presenten como “guerrilleros daos de baxa” a persones civiles asesinaes, súmense los “falsos positivos xudiciales”, persones privaes de la llibertá que baxo presión acepten como ciertos los montaxes xudiciales pa consiguir el 50 % de rebaxa na pena y resolver aína la situación xurídica. Nes zones de guerra l’exércitu tien un comportamientu agresivu cola población civil, a la que ve como enemigu. L’interés qu’amosó’l gobiernu y la comunidá internacional por tener un sistema d’información fiable de la evolución de los drechos humanos en Colombia nun paez que lu comparta’l gobiernu del departamentu del Caquetá, con too y con qu’al gobernador asesinólu la guerrilla n’avientu del 2009. La gobernación, la procuraduría rexonal y la defensoría del puelu afirmen nun tener datos estadísticos de los ataques a los drechos humanos nuna de les rexones más violentes y militarizaes del país. Dalgunes midíes de la “seguridá democrática” arreyen a la población civil al conflictu armáu, yá sía como informantes (estudiantes, taxistes...) o como guardamontes. En rexones como’l Caquetá esto implica riesgu d’ataques graves a los drechos humanos, porque la población resulta sospechoso de collaborar con un bandu armáu. El gobiernu nacional nun amuesa interés en cumplir col Autu 004 del 26 de febreru del 2009 emitíu pola Corte Constitucional pol qu’ordenó al gobiernu crear un Plan de Salvaguarda que protexa de manera efeutiva a los puelos indíxenes en vía d’estinción por factores como’l conflictu armáu, la violencia física y cultural. La impunidá sigue sobre too en favor de los militares que cometieron execuciones estraxudiciales; dellos taben poniéndolos en llibertá mientres la Delegación Asturiana desarrollaba los trabayos de campu. A los factores estructurales que xeneren impunidá súmense los términos fixaos nel incisu 1u del artículu 365 del Decretu 2700 del 1991, modificáu pol artículu 55 de la Llei 81 del 1993, que diz: “Amás de lo establecío n’otres disposiciones, l’acusáu tien drechu a la llibertá [...] en pasando más de seis meses cuntaos a partir de la executoria de la resolución d’acusación, ensin que se celebrare la correspondiente audiencia pública”. Hai desproteición de les madres y demás familiares de víctimes d’execuciones estraxudiciales, amenazaes de muerte pa silenciales. El Ministeriu del Interior estudia la posibilidá de protexer a estes persones que nun son “testigos eficaces” de les execuciones.27 26

Entrevista con organizaciones sociales, Florencia, 5 de febreru del 2010.

Entrevista nel Ministeriu del Interior y Xusticia col xefe del Programa de Proteición, Sr. Rafael Bustamante.

Dellos puelos indíxenes siguen en riesgu d’estinción. Son frecuentes la violencia sexual, l’allistamientu de menores, les tortures, les detenciones masives y arbitraries o basaes en testigos a sueldu.

Ataques a los drechos humanos

4.1.

Considérense ataques a los drechos humanos les aiciones y omisiones qu’afeuten drechos reconocíos internacionalmente cuando l’autoría ye de sirvidores públicos, o de particulares que tienen l’aprobación de les autoridaes. “Si a vustedes que saben, los atropella l’exércitu, qué nun fadrá con nós, que lo que facemos ye temblar”.28

1. El gobiernu colombianu ñega qu’haya grupos paramilitares; sicasí la Delegación Asturiana recibió denuncies que los asitien nel correximientu de La Belleza, conceyu d’Argelia (Cauca), onde opera’l grupu “Los Rastroxos” xunto a les tropes del exércitu nacional.

2. “L’exércitu convive colos paramilitares y duel-yos cuando ún-yos lo diz; un día dixímosyos: ‘l’exércitu y los paramilitares son lo mesmo, vustedes anden con cuatro paracos negros pa tolos llaos’, entós ellos dixeron qu’esos negros yeren trabayadores de la zona, pero nós nunca los viéremos per alló. Nesos díes apaecieron pintures nes parés de les cases que dicíen ‘Rastroxos somos toos’”.29

3. Los grupos paramilitares agora conócense con nomes como: Los d’Urabá, Los Paisas, Águiles Negres, Autodefensas Gaitanistes de Colombia, Oficina d’Envigado, Los Rastroxos, Banda de Cesar, Banda de Sebastián, Banda de Don Mario, Banda de los Desmovilizaos, Banda La Calatrava, Banda de Valenciano, OGDIS, ERPAC, ACC, AUC, Grupu de Llimpieza AN4, Renacer, AUC Carlos Castaño, Frente de Contrainsurreición Wayúu, Escuadrón Mano Negra, Nueva Xeneración, Los Machos, Autodefenses Uníes de Nariño, Cordillera, Vixilantes de Negro, Héroes de Castaño, Los Floros.30 Referencia d’un dirixente comunal de la collación Monteverde de Piñuñablanco al incidente ente l’altu mandu militar del Putumayo y la VI Delegación Asturiana en Piñuñanegro, 2 de febreru del 2010. 29 Conceyu de la Delegación Asturiana con víctimes d’Argelia (Cauca), 31 de xineru del 2010. 30 INDEPAZ, informe comparativu de grupos narcoparamilitares nuevos 2008-2009. 28

4. El grupu paramilitar Águiles Negres opera de nueche, con uniforme de camuflaxe y brazaletes negros nes árees baxo control del exércitu nel norte y l’occidente del Cauca. Esti grupu llanza amenaces y comete homicidios escontra comuneros indíxenes: el 29 d’ochobre del 2009 asesinaron a MARLY CAROLINA HUILA GUAMANGA; el 11 de payares del 2009 asesinaron a REINALDO BOMBA; y el 13 de payares del 2009 asesinaron a NILSON CAMPO y mancaron a EGIDIO OVANDO HUILA, toos na comunidá Cerro Tijeras de Suárez, Cauca.

5. Nel Sumapaz son constantes los atropellos y ataques al DHI de los 6.000 militares de la brigada 13 acantonaos na zona, escontra los 2.400 habitantes de 24 collaciones.31

6. Nel 2009 siguió la violencia escontra los sindicalistes, asesinaron a 46. “Dende 1986, que se fundó la CUT, asesinaron a 2.721 sindicalistes, 573 dende agostu del 2002, de la qu’escomenzó’l gobiernu del presidente Álvaro Uribe. El 60 % de los sindicalistes asesinaos nel mundiu son colombianos. Esto ye parte d’una política sistemática d’ataque a los drechos humanos, d’ataque a les llibertaes sindicales".32

7. “Nos últimos 16 años vi cayer asesinaos a manes de sicarios paramilitares al mio esposu, a mio madre y a un hermanu, los tres afiliaos al Sindicatu Agrariu del Meta; quedé viuda con un fíu de cinco años y con cuatro meses d’embaranzu. Empecipiaron los asesinatos de sindicalistes nel Meta y a ver motos arrodiando la casa con homes armaos. L’home díxome un día: ‘van matame, tienes que ser conciente d’eso porque sinón a ti tamién te van matar’. Cuando lu asesinaron, nel 1994, yo pensé que d’esi golpe nun me diba llevantar, pero llevanté y entamó la mio pelea cola Fiscalía y el DAS pa qu’esclariaren el crime. Foi inútil. Non solo nun lu investigaron sinón que se mos vieno otra traxedia enriba: el 30 de setiembre del 2000 asesinaron a mio ma, que yera cabezalera na collación, defensora de los llabradores, integrante de la Unidá de Muyeres Demócrates y militante del Partíu Comunista y del Sindicatu Agrariu. Matáronla por denunciar los atropellos que mos fixo l’exércitu que tirotiaron la casa y llevaron unes motosierres. Matáronla dos paramilitares na sala de so casa, en presencia del fíu míu de cuatro años, fechu nel que tamién morrió l’home d’una sobrina mía. Por eso’l gobiernu nun pue dicir, como lo tien dicho, que’l crime foi una enquivocación, que nun diben a por ella. Cuatro años dempués asesinaron al mio hermanu Oscar, estudiante universitariu y tamién integrante del Sindicatu Agrariu del Meta. Llegaron a so casa dos homes y asesináronlu delantre la muyer. Siguimos na llucha por esclariar los crímenes escontra la mio familia, polo que mos amenazaron y Testimoniu d’ANDAS, Bogotá, 1 de febreru del 2010. Luis Alberto Vanegas, direutor del Departamentu de Drechos Humanos de CUT Colombia, II Alcuentru Nacional de Víctimes de la Violencia Antisindical, Medellín, 4 de febreru del 2010. 31 32

tuviemos que salir de casa pa Bogotá, pero alló tamién recibimos amenaces y tocómos cambiar delles veces de casa. Esta llucha mía por tratar de qu’estos crímenes nun queden impunes llevóme a denunciar los fechos en munchos estraos nacionales ya internacionales, ya inclusive nel Senáu de la República. Porque nun podemos callar, yá que somos munchos los que vivimos la mesma traxedia”.33

8. “El 24 de payares del 2004, siendo funcionariu nos talleres editoriales de la Gobernación del Cauca, abordáronme tres homes con distintivos del CTI. Llegaron a la oficina y dixéronme que necesitaben aclarar una querella qu’había escontra min. Yá dientro del coche nel que me llevaron, un vehículu coloráu con vidros polarizaos, quitaron los distintivos y dixéronme que nun yeren del CTI sinón paramilitares. ‘Vusté ye un xefe guerrilleru y vamos matalu’, me dixeron. La mio intención de secute foi escapar, pero apoderárome, esposáronme y tapáronme la cabeza con un trapu. Nun avanzara’l coche trés bloques cuando, nun sé por qué, volvió en sen contrariu, aparó un momentu y ún de los homes salió. Eso salvóme la vida, porque un compañeru de la oficina pudo veme dientro cola cabeza tapada, y nel intre llanzó l’alerta. Los homes lleváronme a una casa nos arrabaldes de Popayán y torturáronme per cuatro hores, diz que pa que confesara, mentanto falaben per una radio con un xefe. Como yo nunyos respondía nada porque nun tenía nin idea de lo que m’entrugaben, escuché que-y informaben al xefe que yo yera un guerrilleru de verdá, que quería más morrer antes qu’echar la llingua a pastiar. D’ellí a poco’l xefe llamó pela radio y ordenó que nun me fixeren nada, que me soltaren, porque me reclamaren. De nun ser pol xaréu qu’entamaron los mios compañeros d’oficina, que me buscaron per toes partes, güei talamente cumplía 64 meses de muertu. Con too y con eso, a los pocos díes detúvome la Fiscalía arbitrariamente, y pa xustificar la detención los axentes punxeron bales de fusil en mio casa, y por esi montaxe vinculáronme y procesáronme. Tuvi presu más de trés años. Perdí’l trabayu na Gobernación y agora toi desemplegáu”.34

9. El Sindicatu Unificáu de Mayestros del Cauca, SUTEC, denuncia énte la Delegación Asturiana que’l gobiernu propúnxose esterminar al movimientu sindical, poro, nun-yos da garantíes y retién-yos illegalmente les aportaciones de los afiliaos con destín al sindicatu. La persecución de los afiliaos y dirixentes contabilízase con 42 mayestros amenazaos de muerte, 34 esllarigaos d’Argelia, Balboa, López de Micay y Guapi, y dellos asesinaos, ensin que’l Ministeriu del Interior decida midíes de proteición pa ellos.

Aidee Moreno, responsable del drechos humanos de FENSUAGRO-CUT, Medellín, 4 y 5 de febreru, II Alcuentru Nacional de Víctimes de la Violencia Antisindical en Colombia. Ulises Rengifo, integrante de Sintraestatales Cauca, Medellín, 4 y 5 de febreru, II Alcuentru Nacional de Víctimes de la Violencia Antisindical en Colombia. 34

10. SUTEC denuncia l’asesinatu de cuatro afiliaos por defender la educación pública: El 15 d’agostu del 2009 torturaron y asesinaron al educador MILTON RODRÍGUEZ; el 23 de payares del 2009, dempués de siete díes desapaecida, alcontraron torturada, forciada y asesinada a NAYIBE RENGIFO GÓMEZ; el 18 de xineru del 2010, na collación El Carmelo de Caloto (Cauca), asesinaron a JAIME BAZANTE GUZMÁN; el 20 de xineru del 2010, a les 19 hores nel correximientu López de Micay, durante un corte de la enerxía llétrica, asesinaron d’un tiru al docente ya integrante del Procesu Comunitariu Los Manglares, JOSE FELIZ PERDOMO OREJUELA, al que, amás, cortaron una mano.

11. El sindicatu ANTHOC seición Caquetá denuncia persecuciones y amenaces. A quince de los afiliaos y dirixentes asesináronlos y ún desapaeció, too na impunidá. “Na sala d’esti hospital onde tamos reuníos, el 25 de payares del 2005 celebrábase un foru departamental en defensa de la salú pública cuando d’esmenu españó una bomba na tarima tando’l salón enllenu de sindicalistes y d’usuarios del serviciu de salú. Quedó muertu nel actu’l señor JESÚS ANTONIO FAJARDO, dirixente de la Xunta d’Aición Comunal del Caguán. Los indicios de la fiscalía apunten l’autoría a un actu terrorista d’axentes del Estáu o de paramilitares”.35

12. L’ACEU denunció persecuciones por oponese a reformes educatives que perxudiquen la calidá académica y que tienden a la privatización de la educación superior. Venti estudiantes afronten procesos xudiciales acusaos de rebelión y a cerca de 300 más amenazáronlos de muerte.36

13. FENSUAGRO-CUT denuncia persecución y estigmatización sistemática del gobiernu y de los empresarios de los agronegocios. Asesinaron a cerca de 1.500 afiliaos dende que se creó la federación hai 33 años; al acusalos de “componentes de les FARC” convirtiéronlos n’oxetivu militar y xudicial. Tienen más de 150 afiliaos presos en tol país acusaos de rebelión, 35 tán n’Arauca, 2 en Sucre, munchos más nel Putumayo, el Meta y otros departamentos. La fuercia pública entra nos centros y asamblees ensin permisu, amenaza y echa, pero Aición Social nun-yos recibe denuncies escontra esos dos actores armaos.37

14. SINALTRAINAL denuncia l’asesinatu de 22 afiliaos, ente ellos Luciano Romero Molina, asesináu’l 11 de setiembre del 2005 dempués de tar acoyíu pol Programa Asturianu Conceyu con organizaciones sociales del Caquetá, hospital María Inmaculada de Florencia, 5 de febreru del 2010. 36 ACEU, conceyu del MOVICE cola Delegación Asturiana, Bogotá, 1 de febreru del 2010. 37 Entrevista con integrantes del Comité Executivu de FENSUAGRO, Bogotá, 11 de febreru del 2010. 35

d’Atención a Víctimes de la Violencia en Colombia. Empreses como Coca Cola tendríen alcordao colos grupos paramilitares el desaniciu de los sos sindicalistes.38

15. Nel Caquetá hai un documentu de la intelixencia militar dirixíu al comandante de la brigada 22 y numberáu como MDEJCCIMERIME653.1. El documentu ta orientáu a xudicializar a dirixentes sociales y políticos del departamentu por supuestos vínculos cola guerrilla nos conceyos de San Vicente, Montañita, Cartagena del Chairá y Milán. D’esa llista –que’l comandante militar ñega conocer– yá apresaron, basándose en testigos falsos, a 22 persones, 5 d’elles condergaes pol delitu de rebelión.39

16. La persecución a los defensores de los drechos humanos inclúi asesinatos. El 8 d’avientu del 2008 desapaeció na carretera que de San Vicente del Caguán conduz a Puerto Rico (Caquetá) el Sr. JOEL PÉREZ CÁRDENAS, fundador de la Corporación pola Defensa de Drechos Humanos Caguán Vive, que pertenez al Movimientu Nacional de Víctimes de Crímenes d’Estáu, MOVICE. Dos díes dempués alcontróse’l cadabre decapitáu, ensin uñes, quemáu y con un furacu nel craniu. A esta persona amenazóla de muerte’l capitán Escobar y desapaeció nuna zona controlada pol grupu Meteoro del exércitu nacional.40

17. El 21 d’abril del 2009 nel conceyu de Los Córdobas morrió acribillada delantre la fía, ANA ISABEL GÓMEZ, presidenta de la Xunta d’Esllarigaos, componente del Comité de Familiares de Víctimes de la Violencia en Córdoba. Hai seis años saliera por causa d’amenaces de los paramilitares de la casería familiar n’Unguía (Chocó) y el 1 d’abril del 2009 denunciara énte’l gobiernu que taben amenazándola pa que desistiere de la campaña por recuperar 2.400 díes de gües (300 hectárees) que los paramilitares arrampuñaron a los llabradores de la rexón. 18. El día 22 d’abril del 2009 asesinaron en San Pablo (Bolívar), a dos minutos d’un retén de la policía nacional, al dirixente de la Federación Agrominera del Sur de Bolívar, EDGAR MARTÍNEZ, que yera tamién presidente de l’Asociación de Integración de Comunidaes Agromineres, delegáu de la Xunta d’Aición Comunal de la collación El Retorno del conceyu de San Pablo, portavoz de la Mesa d’Integración Social pola Tresformación Social de San Pablo. Un mes antes del asesinatu, el grupu paramilitar "Autodefenses Gaitanistes de Colombia" anunció la so presencia armada na zona onde los llabradores s’oponen a los proyeutos d’infraestructura, minería y monocultivos de palma aceitero. Testimoniu d’un dirixente de SINALTRAINAL, Bogotá, 1 de febreru del 2010. Conceyu con organizaciones sociales del Caquetá, hospital María Inmaculada de Florencia, 5 de febreru del 2010. 40 Ib. 38 39

19. El 2 de febreru del 2010, dos díes dempués d’aconceyar cola Delegación Asturiana, foi víctima d’un atentáu l’ex-gobernador del puelu yanacona y conseyeru mayor del CRIC, ÁLVARO ANACONA, que dirixía la movilización indíxena nel marcu de la emerxencia territorial y educativa declarada pola Xunta Direutiva Rexonal de Cabildos Indíxenes. ANACONA tien midíes cautelares ordenaes pola Comisión Interamericana de Drechos Humanos, pero’l gobiernu colombianu nun-y asignó sistema de proteición.

20. El 10 de febreru del 2010 un grupu paramilitar llevó de cerca de Nechí a los hermanos OMAR ALONSO y JOSÉ RESTREPO, de 26 y 40 años, de profesión agromineros y socios de FEDEAGROMISBOL. Ente’l 12 y el 13 de febreru del 2010 los cuerpos apaecieron ensin vida nel ríu Cauca con signos de tortura visibles.41

21. El 18 de mayu del 2009 alcontraron muertu a ROBERT DE JESÚS GUACHETÁ, vicegobernador del comunal Honduras del puelu nasa de Tierradentro (Cauca), que venía siendo víctima d’amenaces, situación pola que taben pidíes midíes cautelares énte l’Estáu colombianu y la Comisión interamericana de Drechos Humanos. La víctima yera una autoridá crítica cola política del gobiernu d’entregar el territoriu a les empreses mineres d’oru y denunciaba los daños ambientales qu’en venti años dexó’l banzáu La Salvajina ensin que los asumiere la empresa española EPSA – Unión FENOSA. 42

22. La comunidá LGBT denuncia abusos policiales (detenciones arbitraries y maltratos físicos y verbales), panfletos amenazantes. Nes alcárceles esta comunidad marxínenla y violéntenla los demás presos. Hai asesinatos de persones del grupu LGTB en en delles ciudaes del país.

4.1.1. Execuciones estraxudiciales y masacres Les execuciones estraxudiciales o arbitraries son homicidios deliberaos ya inxustificaos cometíos por sirvidores públicos o por particulares qu’actúen col so apoyu, tolerancia o aprobación. La masacre, por definición del Estáu colombianu, ye l’homicidiu de cuatro o más persones nel mesmu actu. Boletín MOVICE, Bogotá, 9 de marzu del 2010. Les midíes cautelares son un mecanismu d’urxencia previstu nel artículu 25 del Reglamentu de la Comisión Interamericana de Drechos Humanos, pol que la CIDH, en valorando’l riesgu, pide al Estáu implicáu entamar midíes de proteición preventiva a favor de persones que tienen en riesgu la vida y la integridá. 41 42

“En Colombia, pola Constitución Política, dende’l 1910 nun hai execuciones estraxudiciales, que ye l’asesinatu d’una persona por axentes del Estáu, pero sí podemos falar de ‘falsos positivos’, que ye cuando faen pasar a les persones asesinaes como muertos en combate”.43

23. Les execuciones estraxudiciales son ún de los fenómenos más graves constataos nel panorama de los drechos humanos de Colombia. 24. Estos crímenes tienen como causa inmediata la direutiva gubernamental n u 29 del 2005, qu’establez “[...] el pagu de recompenses por apresar o abater en combate a xefes de les organizaciones armaes al marxe de la llei, material de guerra, intendencia o comunicaciones ya información sobre actividaes rellacionaes col narcotráficu y pagu d’información que sirva de fundamentu pa siguir colos llabores d’intelixencia y el plantegamientu posterior d’operaciones [...]”. 25. Les execuciones estraxudiciales conocíes pola Unidá de Drechos Humanos y Drechu Humanitariu Internacional de la fiscalía colombiana sumen 1.273 casos con 2.077 víctimes hasta setiembre del 2009 (122 muyeres y 59 menores d’edá) en dellos departamentos, d’onde se pue deducir que nun se trata de fechos aisllaos, sinón d’una práutica habitual de la fuercia pública que sigue un patrón de conducta común. 26. "El númberu de casos, les zones xeográfiques y la diversidá de les unidaes militares implicaes, indiquen qu’estos asesinatos cometiéronse d’una manera sistemática por parte d’elementos significativos dientro de los militares”.44 27. Sicasí, el mesmu Departamentu d’Estáu d’Estaos Xuníos certificó’l 8 de setiembre del 2009 que: “el gobiernu y la fuercia pública de Colombia cumplen colos requisitos llegales rellacionaos colos drechos humanos y la ruptura de vínculos con grupos paramilitares”, motivu pol qu’autorizó’l desembolsu de la totalidá de los fondos d’ayuda militar estaoxuniense pal añu 2009. 28. El 30 de xineru del 2008 en Silvia (Cauca), integrantes del batallón d’alta montaña n u 4 del exércitu nacional retuvieron, torturaron y asesinaron a los indíxenes ROBERT ASTAIZA, LUIS CARLOS OTERO y ELIAS PECHENÉ. Les víctimes civiles presentáronles los militares énte la prensa como guerrilleros daos de baxa en combate.

29. El 17 de setiembre del 2008 tropes del exércitu asesinaron con disparos a distancia curtia al indíxena y pastor evanxélicu JUSTINIANO TUNUBALÁ, de la comunidá de Pitayó del puelu nasa.

43 44

Fiscalía Xeneral de la Nación, Dr. Fernando Pareja, Vicefiscal Xeneral, Bogotá, 9 de febreru del 2010. Departamentu d’Estáu de EE. UU., Informe de Drechos Humanos Colombia.

30. N’ochobre del 2009 na inspeición del Danubio, conceyu de La Unión Peneya, l’exércitu executó a los llabradores JOSÉ CARRANZA, EDILBERTO RODRÍGUEZ, y ANDRÉS DURÁN; punxéron-yos prendes militares y fixéronlos pasar por guerrilleros.45

31. En Piñuñanegro una muyer denuncia una doble execución estraxudicial pol exércitu; les víctimes foron GERMÁN ALBERTO LUNA y FRANCISCO ONIAS LUNA. “Vi a unos homes con camiseta negra, llegaron a casa de los vecinos na collación La Juvenil. Dixeron que yeren de la guerrilla y llevaron a dos homes pa que los orientaren pel monte; al cachu hebo unos españíos y munchos tiros, fuimos a entrugar qué pasaba pero unos soldaos tiráronmos una granada pa que nun los buscáramos más. La enfermera hermana d’ún de los desapaecíos alcontrólos a otru día masacraos. L’exércitu que los llevó de so casa fixo un simulacru de combate y matólos, dempués vistiéronlos como guerrilleros y dexáronlos na morgue de Puerto Asís. Estos díes los militares van quedar en llibertá ensin pagar polo que fixeron [...]. Soi testigu de lo que pasó y tengo munchu mieu”.

32. “Nel departamentu del Caquetá hai unos 180 casos de ‘falsos positivos’ pero nun tenemos estadística disponible sobre eso”.46

33. La hermana d’un rapaz executáu pol exércitu afirmó: “Siempre creí que l’exércitu yera’l que cuidaba al puelu, foi mui duro damos cuenta de qu’arramaron la sangre del mio hermanu y más duro saber que’l gobiernu nun mos cree que yera inocente; l’exércitu llévalos engañaos con promeses d’emplegu, mátalos y deshónralos diciendo que yeren guerrilleros; nun son pocos casos, son munchos y yeren de la xente más probre del país. El mieu nun mos dexa reunimos, nin durmir; si maten inocentes, ¿qué nun fadrán con nosotres agora que los acusamos de tantos crímenes?”.47

34. “El mio fíu yera especial, tenía 16 años d’edá; matólu la brigada 15 del exércitu, batallón Santander, cerca de Cúcuta; sacáronlu vivu de Gamarra y alcontrémoslu na morgue vistiendo playeros y un uniforme que nunca tuvo porque andaba descalzu y puercu; presentáronlu como guerrilleru, eso duelme, tengo mieu, tamos soles frente al Estáu”.48

Primer Foru Rexonal pola Defensa de los Drechos Humanos y el Drechu Humanitariu Internacional, San Isidro (Caquetá), 27 de febreru del 2010. 46 Entrevista con una abogada de la Procuraduría Rexonal Caquetá, Florencia, 5 de febreru del 2010. 47 Entrevista cola hermana d’un executáu pol exércitu, Aguachica (Cesar), 6 de febreru del 2010. 48 Testimoniu de la madre d’un mozu executáu, Aguachica (Cesar), 6 de febreru del 2010.

35. A ISMAEL QUINTERO executólu l’exércitu’l 10 de xunetu del 2008. “El mio fíu yera un desemplegáu humilde que llimpiaba patios y lleváronlu con promesa de da-y trabayu por 15 díes, pero nun volvió; punximos la denuncia y escomenzó la busca; en marzu alcontrémoslu, diz que muertu en combate. Punxéron-y ropa militar y un fusil, too ye falso pero nun mos creen. El presidente ye’l que miente, nun ta acabando cola guerrilla sinón cola xente bono, dígan-y esa realidá al mundiu”.49

36. “A la mio hermana matóla l’exércitu saliendo de Valledupar hai cinco años, ella tenía tres fíos, la prensa dixo que yera guerrillera dada de baxa, venía fuxendo de los combates nel campu colos fíos y asesináronla na ciudá”.50

37. JUAN GABRIEL CARVAJAL BETANCUR, de 26 años d’edá, desapaeció’l 30 de xunu del 2008 de la ciudá d’Aguachica. “Unos homes que llegaron en moto lleváronlu, denunciemos el mesmu día, pero la policía díxomos qu’había que dexar pasar 72 hores, la radio dio la noticia d’un muertu en combate n’Ocaña y yera’l mio fíu, elli salió de la casa en sudadera y apaeció uniformáu y con granaes al llau. A otru día de que llevaren al mio fíu llevaron a otru peláu que yera soldáu profesional y tamién lu mataron los propios compañeros militares”.51

38. “De la qu’enterremos al fíu de don Enrique, esa mesma tarde desapaeció’l mio hermanu, ALBEIRO BALLENA, de 25 años, que desapaeció’l 4 de xunetu del 2008 y alcontrémoslu muertu pola brigada 15 n’El Carmen, Norte de Santander, diz que por ser ‘comandante de les FARC’. Taba asesináu na morgue d’Ocaña, los militares informaron que yera integrante del Frente 23 de les FARC. Elli taba incapacitáu, yera soldáu profesional y matólu la so propia xente de la brigada móvil 15 y punxéron-y al llau granaes y una pistola”.52

39. “El mio fíu, LUIS DEVIA, conocíu como Pilos, yera epilépticu, nun yera un rapaz normal; desapaeció’l 14 de xunu del 2008 a les 4 p.m. y a les 7 p.m. ya lu ‘dieren de baxa en combate n’Ocaña’, según dixo la brigada 15 del exércitu. El mio fíu nun sabía d’armes pero punxéron-y una granada en bolsu y una guacharaca al llau; tenía dos tiros na cara y trés más en cuerpu”.53 Ib. Testimoniu, Aguachica (Cesar), 6 de febreru del 2010. 51 Ib. 52 Ib. 53 Ib. 49 50

40. “Perdí a los dos fíos; JAIME yera pedagogu y matáronlu’l 7 de xineru del 2006; y MARLON yera bachiller y futbolista y por entrugar pol hermanu desapaeciéronlu’l 21 de marzu del 2007; yo nun quiero perres del Estáu, los mios fíos nun taben en venta”.54

41. ALEXANDER ARENAS GARZÓN, de 32 años, trabayador de la construcción, desapaeció’l 2 de xineru del 2008 del barriu El Porvenir de Soacha. El 21 d’agostu radio Furatena emitió un avisu pa qu’interesaos recoyeren el cuerpu na ciudá de Bucaramanga. Nel cementeriu los familiares supieron que lu enterraren el 21 de febreru del 2008. “Tenemos mieu a les represalies por denunciar la execución del mio hermanu; la fiscal de la xusticia penal militar púnxome delantre semeyes d’armamentu pa que lu reconociera, fusiles, granaes, ametralladores, una mesa enllena de bales y otres armes en fila y entrugábame delantre de cada arma ‘¿qué ye? ¿qué marca? ¿por qué lo sabes?’. Y nun me permitió l’accesu al abogáu. Díxome qu’esi armamentu yera’l que tenía’l mio hermanu, enseñóme una semeya d’Alexander muertu con uniforme nuevu, que la necropsia dicía que morrió d’un balazu a menos de 40 centímetros en combate. La xusticia penal militar nun quería entregar el cadabre nin la necropsia, l’espediente perdióse, por presión reapaeció na fiscalía pero dividiéronlu en dos, una parte por desapaición en Soacha y otra por homicidiu en Bucaramanga”.55

42. ANDRÉS PESCA, taxista residente nel barriu El Carmen de Bogotá, desapaeció’l 28 de febreru del 2008. Venti díes dempués la policía xudicial entamó la busca, a los seis meses de desapaecíu Medicina Llegal informó a la familia de que morriera en combate’l 5 de marzu del 2010 na collación Brasil, Norte de Santander. “En Cimitarra supimos que lu vieron en parque del puelu con un tal EDUARDO PÁEZ el 4 de marzu. Un testigu dixo qu’antes d’enterralos como NN los militares del batallón Sinaí ordenaron quemar los documentos y la ropa, lo mesmo fixeren con otres persones civiles asesinaes pol exércitu ensin que s’investigara nada. Nun queríen entregar el cuerpu, el xuez penal militar díxome qu’Andrés yera un estorsionador; l’enterrador y l’abogáu míu tán amenazaos de muerte, al médicu forense treslladáronlu, al militar responsable del asesinatu alcontráronlu muertu y ensin cabeza, l’exércitu pagó a un informante pa que los acusara a ellos y poder matalos empara de premios.56

43. El 5 de febreru del 2008 desapaecieron DIEGO MARÍN y DANIEL MONTAÑEZ. “Llevólos un reclutador que-yos prometió emplegu. Nuna llamada pa intentar dar con Ib. Testimoniu, conceyu con familiares de víctimes d’execuciones estraxudiciales o “falsos positivos” de Soacha, Bogotá, 8 de febreru del 2010. 56 Ib. 54 55

ellos contestaron nel so teléfonu dende una base militar en Boyacá. Apaecieron los cuerpos y xúlgase en Cúcuta”.57

44. JADER ANDRÉS PALACIOS, de 22 años, y DIEGO TAMAYO, de 26, desapaecieron el 23 d’agostu del 2008; tamién llevaron a otru mozu’l mesmu día. “Al día siguiente taben n’Ocaña, la brigada 15 del exércitu desapaeciólos a los trés dempués de tenelos enzarraos na casa d’un cabu del exércitu; diben enterralos como NN. Denuncié too esto y toi amenazada ‘pa que nun entame más xaréu’; el responsable de les amenaces ye’l presidente de la República; tuvi que me cambiar de casa”.58

45. El 9 d’agostu desapaeció del barriu Los Álamos de Bogotá JAIME CASTILLO. “Condorito yera vendedor de dulces en La Floresta y perdióse’l 10 d’agostu del 2008; busquémoslu y alcontrémoslu en Medicina Llegal muertu, rexistráu como dau de baxa en combate n’Altos de Bucaracica pola brigada 15: el procesu va ser en Cúcuta y da mieu dir”.59

46. VÍCTOR GÓMEZ ROMERO, de 23 años, yera porteru d’un bar y desapaeció’l 23 d’agostu del 2008. “Víctor y otros dos de los cuatro hermanos foron militares y tábemos arguyosos, pero l’exércitu matólu dos díes dempués de desapaecíu y presentólu como muertu en combate, punxéron-y uniforme enriba la sudadera. El 4 de febreru del 2009 asesinaron nuna tienda del barriu al hermanu de VÍCTOR, JHON NILSON, que taba amenazáu de muerte por andar pescudando quién engañara al hermanu. Disparáron-y, lllevémoslu mancáu pero dexáronlu morrer nel hospital de San Mateo. Toi amenazada por denunciar la muerte de dos de los fíos pol exércitu; nun perdono al presidente Uribe”.60

47. “FAIR PORRAS BERNAL yera un rapaz de 26 años con deficiencia mental, tomaba anticonvulsivos, yera manzorgu porque tenía paralizada la parte drecha del cuerpu, deprendió a descargar carros y a llixar nes carpinteríes. Desapaeció’l 8 de xineru del 2008, la fiscalía de Soacha nun quixo recibir la denuncia; busquémoslu ocho meses y alcontrémoslu en Medicina Llegal; metiéron-y nueve tiros pela espalda: punxéron-y un arma na mano drecha, que tenía paralizada; l’aseguradora MAPFRE ñegóse a faer el funeral, magar que se-y tenía pagáu un añu de seguru. Un home engañólu y llevólu pa Ocaña y el 9 de xineru entrególu al exércitu, que-y pagó 200.000 pesos (250 euros) por elli. L’exércitu matólu xunto a otros trés mozos n’Ocaña’l 12 de xineru del 2009, los Ib. Ib. 59 Ib. 60 Ib. 57 58

cadabres taben en sitios distintos. Los nuesos fíos nun foron a delinquir a Ocaña como dixo’l presidente Uribe. L’exércitu interrumpió la exhumación pidiendo permisos. Toi amenazada de muerte, esíxenme silenciu. Hai cuatro díes dexaron en llibertá a los militares qu’asesinaron al mio fíu por cumplimientu de plazos”.61

48. JAIME VALENCIA SANABRIA, de 16 años d’edá, desapaeció. “La fiscalía de Soacha nun quixo recibimos la denuncia; pela televisión supimos que los desapaecíos de Soacha taben apaeciendo n’Ocaña en sepultures comunes, allá taba’l mio fíu muertu, torturáronlu antes de matalu. L’exércitu dixo que lu matara en combate na carretera d’Otare y punxéron-y munches armes; el 2 de payares del 2009 enterránronlu. El 7 marzu del 2009 aparáronme dos homes armaos diciéndome que me queríen calladina, el 23 de xunu mandáronme mensaxes de muerte, pensé que mos diben matar a toos; a la mio fía n’Abastos diben matala na madrugada dos homes, pero dexáronla por tar embaranzada; a otra fía a la entrada de la escuela dixéron-y que nun agabitare más, ‘silenciu o muerren’, esixeron. Hai dos selmanes (23 de xineru del 2010) dexáronme un panfletu onde dicen ‘tenemos la victoria, vieyes cabrones, vamos por vustedes’”.62

49. Dalgunes dilixencies xudiciales rellacionaes coles execuciones paecen orientaes a protexer a los autores. “Los informes de necropsia y les actes de llevantamientu de los cuerpos nun informaron d’afayos que contradigan la versión de los militares responsables de les baxes; en munchos casos la versión d’un combate nun concasaba colos rastros nos cuerpos, dellos de los cuales teníen rastros de que los executaren n’estáu de’indefensión”.63

50. “La Procuraduría nos últimos siete años abrió investigaciones escontra 1.603 componentes del exércitu pola muerte de 812 persones n’aparentes casos de 'falsos positivos'. Los militares investigaos formen parte de 32 brigaes (nueve d’elles móviles) y de trés comandos operativos. Del total d’implicaos, 301 son oficiales, 488 son suboficiales y 814 son soldaos profesionales. La mayoría de los casos asocedieron en siete unidaes que formen parte de la Quinta División, que tien xurisdicción en Cundinamarca, Boyacá, Tolima y Huila”.64

4.1.2 Amenaces Ib. Ib. 63 El Tiempo, redacción xusticia. 30 d’avientu del 2009. 64 Ib. 61 62

“Sé que los militares van matame en cualquier momentu por dicir la verdá, pero nunyos callo [...]”.65 “[...] Esmolezme enforma’l fenómenu tan espardíu de les amenaces d’autores desconocíos escontra defensores de drechos humanos y familiares, que se materialicen bien de veces mandando panfletos, escritos, correos electrónicos, llamaes telefóniques y mensaxes de testu. Estes amenaces xeneren un clima de mieu dientro la comunidá de defensores de drechos humanos [...]”. “Un motivu fundamental de la inseguridá de los defensores de drechos humanos radica na estigmatización y el señalamientu sistemáticu de que son oxetu por parte de funcionarios del gobiernu”.66

51. Les amenaces xubieron en númberu y na so mayoría queden impunes, dalgunes son masives y dirixíes a integrantes d’organizaciones sociales, defensores y sindicalistes en delles ciudaes del país.

52. Esmuelen a la Delegación Asturiana los actos intimidatorios escontra los maxistraos de la Corte Suprema de Xusticia, víctimes d’amenaces de muerte, espionaxe illegal y “aiciones d’intelixencia ofensiva”, qu’incluyen a los familiares, por parte del Departamentu Alministrativu de Seguridá (DAS), policía secreta que depende del presidente Álvaro Uribe, coincidiendo coles investigaciones a un grupu de políticos afines al gobiernu polos nexos col paramilitarismu, ente ellos el senador Mario Uribe, primu hermanu del presidente Uribe, vinculáu a les investigaciones en febreru del 2010. Poles amenaces y ataques escontra la Corte Suprema trés maxistraos cunten con midíes cautelares de la Comisión Interamericana de Drechos Humanos (CIDH): María del Rosario González, Julio César Valencia ya Iván Velásquez.

53. Ye grave la situación d’amenaces de muerte y homicidios qu’afronten les comunidaes indíxenes de la zona Occidente y Norte del Cauca, les organizaciones sindicales y los dirixentes de la Minga Comunitaria, por parte del grupu paramilitar Águiles Negres qu’operen nuna rexón militarizada.

54. L’autoridá del puelu nasa de Tacueyó denunció la ocupación militar del territoriu de so y les amenaces de muerte llanzaes por integrantes del exércitu y de la guerrilla de les FARC nes comunidaes de Gualanday, Corinto y Jambaló (Cauca). La tropa ocupó sitios sagraos y ordena que la comunidá salga baxo amenaces de cometer masacres.

Testimoniu del Sr. CARLOS SILVA énte la Delegación Asturiana, Florencia, 5 de febreru del 2010. Declaración de Margaret Sekaggya, la Rellatora Especial pa los Defensores de Drechos Humanos de la ONX, 18 de setiembre del 2009. 65 66

55. Los grupos paramilitares del departamentu del Cauca tienen una llista de persones que van asesinar, ente elles tán los siete hermanos del llabrador desapaecíu OVER MUÑOZ, que tuvieron que marchar d’Argelia (Cauca).

56. Al Sr. ORLANDO BOLAÑOS, familiar de víctimes, un grupu paramilitar amenazólu de muerte y echólu d’Argelia (Cauca). So casa y otros bienes civiles ocupáronlos paramilitares, que los usen como base d’operaciones. “Búsquenme pa matame, viaxé a Bogotá, fui al Ministeriu del Interior pero ellí nun me quixeron recibir les denuncies de lo que pasa n’Argelia, solo apuntaron el casu. Llevo dos años fuxendo ensin deber nada; n’Argelia nun se ve más qu’exércitu y policía, pero los paramilitares pasen al pie d’ellos armaos y nunca los capturen y a min por denuncialos señálenme de guerrilleru del Frente 60 de les FARC, vivimos nel desesperu de ver cómo amenacen, maten y esllariguen a los familiares de les víctimes”.

57. HUGO OVIEDO, integrante de l’Asociación de Destechaos del Cauca, denuncia amenaces de muerte escontra ellos dende’l 2003, agravaes dende setiembre del 2009 pola presencia de personal armao nel asentamientu Villa Colombia, onde hai 200 families que lluchen por vivienda digna y escontra la privatización de los servicios públicos.67

58. Hai amenaces a integrantes de l’Asociación Llabriega d’Inzá, Tierradentro (Cauca), porque la so esixencia al gobiernu de que constituya una Zona de Reserva Llabriega ta señalada como “una propuesta de la guerrilla”.68

59. El Programa Asturianu d’Atención a Víctimes de la Violencia en Colombia acoyó nel primer semestre del 2010 a trés persones que tienen la vida en peligru: ISABEL CRISTINA PARDO GONZÁLEZ, auxiliar d’enfermería, defensora de drechos humanos, vien recibiendo amenaces de muerte n’Ibagué pol so llabor como integrante de la Fundación Comité de Solidaridá colos Presos Políticos y pola aición humanitaria de recoyer los cuerpos de dalgunos guerrilleros daos de baxa; MANUEL JAIMES ROA, componente de l’Asociación Colombiana d’Estudiantes na Universidá Industrial de Santander, integrante del Comité Permanente pola Defensa de los Drechos Humanos nel departamentu de Santander, por eses actividaes sufre siguimientos y amenaces de muerte de los paramilitares; LUIS MORALES HURTADO, defensor de drechos humanos, dende’l 2008 ye componente de la Mesa d’Organizaciones de

67 68

Testimoniu, Popayán, 31 de xineru del 2010. Ib.

Población Esllarigao del Conceyu de Medellín, por eses actividaes vien recibiendo amenaces de muerte. 60. Los estudiantes de la Universidá de l’Amazonía denuncien amenaces de muerte por grupos paramilitares. “La ultraderecha qu’ocupó’l país ocupó tamién la Universidá de l’Amazonía que ta enllena de corrupción; tola alministración ye del partíu d’Uribe Vélez, hai más de 20 estudiantes persiguíos; a l’ACEU acúsenla de ser de les FARC, impónenmos el silenciu, tremaron d’axentes secretos la universidá y agora apaecen más avisos de la guerrilla; son ellos mesmos pero atribúyenlos a nós”.69

61. “Sé que los militares van matame en cualquier momentu por dicir la verdá, pero nunyos callo. Soi d’esquierda, nun llevo armes, pero dicen que soi guerrilleru y amenácenme; yá m’apresaron una vez per dos años y tuvieron que soltame. Soi componente del comité executivu del Polu Democráticu Alternativu en San Vicente del Caguán. Vi dos puntos cerca del cuartel de la policía que me siguíen con cámares dende una moto ensin plaques y otros más nun coche blancu. Conocí ente ellos a Lancha, un guerrilleru desmovilizáu que provocó munches muertes en San Vicente. Acerquéme al cuartel y avisé a la policía, que los detuvo, yeren militares y dexáronlos marchar. Nun me voi esconder d’ellos, nun tengo por qué”.70

62. La señora Luzmery sufre estrés postraumáticu, foi víctima d’una detención arbitraria. “Llegó muncha tropa y policíes, sacáronmos col mio fíu de la casa con maltratos, lleváronmos con 13 persones más y esposáronmos, dexáronmos delles hores al sol; vendaos y amordazaos xubiéronmos a un helicópteru y lleváronmos a la base de Larandia. Ellí retratómos el DAS; dempués seis homes armaos punxéronme delantre un papel almitiendo que yera collaboradora de la guerrilla, punxéronme un arma na cabeza y pasáronme otru papel diciendo que recibiera bon tratu. Tuvi que firmalos dambos y con too y con eso tuvi presa dellos meses, pero salí por problemes psicolóxicos. Un día, de la que salía del hospital, cayó la policía a llevame otra vez, púnxime a glayar que me diben a desapaecer, nun pudieron llevame pero acusáronme de poner una bomba ¡na mesma fecha en que taba en manes de l’autoridá en Bogotá! Agora amenácenme de muerte, síguenme, tengo que durmir en sitios diferentes cada nueche”.71

63. Un grupu paramilitar vien amenazando de muerte a la dirixencia indíxena del departamentu de Risaralda con mensaxes de testu qu’alvierten: “señores xunta direutiva de la organización indíxena, tienen 5 díes de plazu pa qu’arrenuncien por Conceyu con organizaciones sociales, Florencia, 5 de febreru del 2010. Testimoniu del Sr. CARLOS SILVA énte la Delegación Asturiana, Florencia, 5 de febreru del 2010. 71 Énte la Delegación Asturiana, Florencia, 5 de febreru del 2010. 69 70

corruptos y si non cuerren el riesgu de que los asesinen a vustedes y a les families, atentamente Bloque Sur”.72

64. Pa la Oficina de l’Alta Comisionada de la ONX pa los Drechos Humanos en Colombia “ye bona idea la d’Asturies de tener un programa d’acoyida en periodos curtios pa persones en riesgu; pensái si se pue estender a grupos de defensores que nun son de vanguardia, como les persones de base que lluchen nes recuperaciones de tierra, persones anónimes que nun tienen vocación de profesionalizase”.73

65. Sigue la persecución a l’Asociación Agrícola de Santander, ASOGRAS, que tien 12 xudicializaos, 6 asesinaos, 21 esllarigaos y 10 amenazaos de muerte.74 66. Delles organizaciones de drechos humanos del departamentu de Nariño sufrieron amenaces del grupu paramilitar “Los Rastroxos”. “Encamentamos a toes estes organizaciones a desdexar el discursu subversivu arcaicu en favor de los drechos ya ideoloxíes de los narcoterroristes de les FARC y ELN y tolos cómplices del pasáu y del presente, de lo contrario vamos dir más allá de les amenaces. Declarar oxetivu militar a organizaciones como: CREAR, ARCOIRIS, COMITÉ DEPARTAMENTAL DE DRECHOS HUMANOS, FUNDEPAZ, MOVICE, PNUD, ESCUELA DE LOS PASTOS, PASTORAL DE TUMACO, UNIPA y CAMAWARI [...]. Nun mos faemos responsables polo que-yos pueda pasar a los líderes d’estes organizaciones si sabemos que tán nos nuesos territorios. Pasto, payares del 2009. GRUPU ARMÁU LOS RATROXOS – COMANDOS URBANOS.75

67. Los paramilitares realicen una persecución selectiva col mensaxe implícitu de que “nosotros somos llei”. “La naturaleza política d’esta dinámica tien que ver col fechu de que, pa siguir actuando como lo faen, estes redes criminales tienen l’apoyu y complicidá d’autoridaes y funcionarios públicos”.76

4.1.3.

Desapaición forciada

Comunicáu del Conseyu d’Organizaciones Indíxenes del Risaralda, CRIR. Representante Adxuntu de la Oficina en Colombia de l’Alta Comisionada de la ONX pa los Drechos Humanos en Colombia, Sr. Javier Hernández, Bogotá, 8 de febreru del 2010. 74 ASOGRAS, comunicáu 58, Bucaramanga, 9 de marzu del 2010. 75 Panfletos y correos recibíos poles organizaciones defensores de drechos humanos en Nariño, 2009. 76 María Emma Wills, profesora de la Universidá de Los Andes. 72 73

“Entiéndese por desapaición forciada l’arrestu, la detención, el secuestru o cualquier otra forma de privación de llibertá que sían obra d’axentes del Estáu o de persones o grupos de persones qu’actúen cola autorización, l’apoyu o l’aprobación del Estáu, siguida de la negativa a reconocer esa privación de llibertá o del esconder la suerte o’l paraderu de la persona desapaecida, sacándola de la proteición de la llei”. Convención Internacional escontra la desapaición forciada.

68. “Hai munchos cadabres de persones ensin identificar nos cementerios del país; de 28.000 persones que buscamos a 3.000 yá les atopemos. Fálase de dos mil cadabres ensin identificar nel cementeriu de La Macarena, l’enterrador de mano faló de 800 y agora diz que son 300, y l’exércitu reconoz que 350 muertos en combate taríen nesi cementeriu”.77

69. ALBA NELLY MURILLO TABORDA, de 34 años d’edá, llabradora, defensora de drechos humanos, presidenta de la Xunta d’Aición Comunal de la collación La Esmeralda, conceyu d’El Castillo (Meta), ta desapaecida dende’l 15 de febreru del 2009 cuando crució la ponte sobre’l ríu Llamanes controláu por tropes del batallón 21 Vargas. Como defensora de drechos humanos ALBA NELLY diera testimoniu pal IV Informe de la Delegación Asturiana pa Pescudar la Situación de los Drechos Humanos en Colombia na visita a la zona del altu Ariari en xunetu del 2008. Regresara a la so rexón cola familia dempués de sufrir un esllarigamientu forciáu poles amenaces y acusaciones que facíen escontra ella y escontra los habitantes de la rexón los grupos paramilitares y los militares de la séptima brigada, IV división del exércitu. Alba Nelly denunciara que nuna engarradiella verbal el mayor Baquero y otros integrantes del batallón 21 Vargas amenazárenla de muerte por denunciar los atropellos que cometen escontra los llabradores del altu Ariari. Un hermanu d’Alba Nelly, sindicalista afiliáu del Sindicatu de Trabayadores Agrícoles del Meta, SINTRAGRIM-FENSUAGRO-CUT, y otros componentes de la familia tán recibiendo amenaces de muerte por militares del mesmu batallón, qu’esixen que cesen les denuncies de la familia pola desapaición d’Alba Nelly ‘o va pasa-yos lo mesmo’”.78

70. El xefe paramilitar John Jairo Rentería, de nomatu Betún, afirmó énte un fiscal qu’enterraron "polo menos a 800 persones" na finca Villa Sandra, en Puerto Asís (Putumayo). "Había qu’esmembrar a la xente. Toos nes autodefenses teníen que deprender eso y munches veces fíxose con xente vivo".79

Fiscalía Xeneral. Dr. Luis González, xefe de la Unidá de Xusticia y Paz, Bogotá, 9 de febreru del 2010. Denuncies de la Comisión de Drechos Humanos del Alto Ariari, febreru del 2009. 79 Citao pol diariu Público, 26 de xineru del 2010. 77 78

71. “Alredor de la finca Casa de Teja hacia El Roble, de la collación Nuevo Horizonte hacia El Roble n’Argelia (Cauca), hai unos cabuercos, eso ye un mataderu de xente y fai falta una comisión que vaya a velo”.80

72. El 2 de xunu del 2008 del correximientu San Juan, conceyu d’Argelia (Cauca), un grupu paramilitar uniformáu como l’exércitu nacional llevó a cuatro persones: ARMANDO CERÓN, HENRY GAVIRIA, ELDER DAZA y GERARDO HOYOS. Sacáronlos de les cases y desapaeciéronlos. El xefe paramilitar de nomatu Erasmo fixo saber que los asesinaron, ún d’ellos incineráu y dos asesinaos. A les families d’estes persones obligáronles a marchar de la rexón baxo amenaces de muerte y súpose que los paramilitares buscábenlos na ciudá de Popayán “p’axusticialos por chivatos”, cuntando pa ello col apoyu del exércitu, ente ellos d’un militar d’apellíu AHUMADA, del batallón José Hilario López.

73. “Na madrugada los golpes na puerta obligáronmos a abrir. Trés meses dempués –por una llamada telefónica– supimos que taba vivu. Dempués tuviemos que marchar baxo amenaces de muerte cola orde d’acusar a la guerrilla como responsable porque ‘en Colombia nun hai paramilitares’”, afirmó un familiar d’ARMANDO CERÓN.81

74. “Na madrugada un grupu paramilitar que vistía como l’exércitu obligómos a abrir les puertes de la casa. Sacáronmos a golpes, amarráronmos y tiráronmos embaxo apuntándomos con un fusil na cabeza, revoltiáronlo too y llevaron a HENRY... quiero volver velu... nun se qué dici-yos a los fíos cuando entruguen pol padre, ún yá nun sabe en quién s’enfotar, nin na fiscalía, nin nel exércitu... Toos son iguales”.82

75. El xueves 12 de payares del 2009 un grupu paramilitar llevó a los llabradores OVER MUÑOZ y JESÚS ALVARADO, que trabayaben con madera en San Juan de la Guadua, conceyu d’Argelia. Lleváronlos nun vehículu que travesó’l cascu urbanu d’Argelia, onde hai un puestu de la policía nacional. Un familiar d’OVER rellata: “Busquémoslos per un camín onde una señora los vio pasar arrodiaos de paramilitares a caballu, fuimos a l’alcaldía y a la defensoría del puelu pero nun mos atendieron, ofreciéronmos perres pal pasaxe y que marcháremos de la rexón”.83

Entrevista con víctimes d’Argelia (Cauca), 31 de xineru del 2010. Conceyu con familiares de les víctimes d’Argelia (Cauca), 31 de xineru del 2010. 82 Ib. 83 Ib. 80 81

76. Dalgunes persones informaes como desapaecíes nos últimos años escomiencen a alcontrales en cabuercos comunes como’l del cementeriu de La Macarena. “Trátase del mayor enterramientu de víctimes d’un conflictu de que se tenga noticia nel continente. Habría que se treslladar al holocaustu nazi o a la barbarie de Pol Pot en Camboya, p’alcontrar dalgo d’esta dimensión”.84 77. “"Lo que vimos foi de repilu. Desinfinidá de cuerpos, y na superficie cientos de plaques de madera de color blanco cola inscripción NN y con feches dende 2005 hasta güei [...]. El comandante del exércitu díxomos que yeren guerrilleros ‘daos de baxa en combate’, pero la xente de la rexón fálamos d’un ensame de líderes sociales, llabradores y defensores comunitarios que desapaecieron ensin dexar buelga".85

78. “El 26 de mayu del 2008 l’exércitu colombianu pasó a territoriu del Ecuador pela collación Ají y llevaron de la collación San Miguel a los ciudadanos colombianos JAIME GONZÁLEZ y ALDEMAR CASTILLO; ellí amarráronlos y tiráronlos embaxo, torturáronlos, echáron-yos gasolina y metiéron-yos la cabeza ente bolses de plásticu; volvieron con ellos pel ríu al llau colombianu y tán desapaecíos”.86

79. “Más de 1.500 persones denunciáronse como desapaecíes ente’l 1986 y el 2007, y 1.029 persones desapaecíes más nun se denunciaron, lo que da un total de 2.553 desapaecíos nel departamentu de Casanare”.87

4.1.4. Tortures, tratu cruel o degradante y usu escesivu de la fuercia El protocolu d’Estambul establez que: “ha entendese pol términu ‘tortura’ tou actu pol que s’ocasionen intencionalmente a una persona dolores o sufrimientos graves, yá sían físicos o mentales, cola fin de consiguir d’ella o d’un terceru, información o una confesión, de castigala por un actu que cometiere o se sospeche que cometiere, o d’intimidar o coaccionar a esa persona o a otres, o por cualquier razón basada en cualquier tipu de discriminación, cuando dichos dolores o sufrimientos los ocasione un funcionariu públicu o otra persona nel exerciciu de funciones públiques, por inducción suya, o col so consentimientu o aprobación”.

Antonio Albiñana, diariu Público, Bogotá, 26 de xineru del 2010. Jairo Ramírez, Secretariu Xeneral CPDH, entrevista nel diariu Público, Bogotá, 31 xineru del 2010. 86 Dirixente comunal de Piñuñanegro, 2 de febreru del 2010. 87 Investigación del CINEP y COSPACC, 17 de payares del 2009. 84 85

80. En Colombia la tortura ye una práutica común y sistemática que cada vez implica más a la fuercia pública y que queda na impunidá por falta de denuncies, por temor y porque les investigaciones en munchos casos asúmeles la xusticia penal militar.88

81. La tortura ye práutica avezada nes alcárceles dirixíes por militares activos o retiraos, y consiste en golpes, fractures, aplicación del “escorpión” (esposáu de manes y pies), amenaces de muerte, obligación de desnudase, non accesu a atención médica, acosu sexual y agresión verbal. “[...] La tortura persiste na sociedá colombiana [...]. Hai mui poques investigaciones, y les condergues son escases con respeuto al númberu de denuncies interpuestes por casos de tortura [...]. Hai práutiques d’ocultación de la tortura”.89

82. "Ente xunetu del 2003 y xunu del 2008 sufrieron tortura polo menos 899 persones, de les que 229 quedaron con vida, a 502 asesináronles y 168 sufrieron tortura psicolóxica [...]. El 92,6 % del total de los casos foron responsabilidá del Estáu y mantiénense na impunidá [...]. A les guerrilles atribúise-yos l’autoría del 7,4 % de los casos de tortura (49 víctimes)”.90

83. Na alcárcel de máxima seguridad de Valledupar tortúrase: cuelguen de les rexes a los presos esposaos, cuélguenlos esposaos pela espalda, aplíquen-yos castigos coleutivos y “midíes incontinenti” pa enzarralos hasta seis díes siguíos; la falta d’agua y el calor convierten la prisión nun sitiu degradante, la guardia cobra por sacar en bolses l’escrementu de los presos porque tamién hai fallos nel sistema de cantarelláu; por causa d’eso hai contaminación de los alimentos. Hai una zona llamada Unidá de Tratamientos Especiales o celdes de castigu, con restricciones de visites severes, nun salen al sol y caminen nuna xaula una hora cada día”.91

84. Tamién hai munchos casos documentaos de tortura psicolóxica en forma d’aisllamientu, amenaces, presión sobre familiares y execuciones simulaes. Los responsables d’estos actos son, na so mayoría, los guardies y los funcionarios del INPEC, pero tamién l’exércitu y la policía.

Coalición Colombiana escontra la Tortura, Informe Alternativu, Bogotá, ochobre del 2009. Coalición Colombiana escontra la Tortura, Informe énte’l Comité escontra la Tortura de la ONX, 9 de payares del 2009. 90 Ib. 91 Conceyu cola Fundación Comité de Solidaridá colos Presos Políticos, Bogotá, febreru del 2010. 88 89

4.1.5.

Detenciones arbitraries y situación carcelaria “A los militares nun-yos pidimos otro que que respeten la llei”.92

85. L’Institutu Penitenciariu y Carcelariu nun autorizó l’ingresu de la Delegación Asturiana a l’alcárcel de máxima seguridá de Valledupar.

86. Ye bultable la falta de garantíes pa la defensa de los drechos humanos de les persones reteníes. Les autoridaes nun faciliten que se desarrolle’l llabor de les organizaciones de drechos humanos nes alcárceles. Nel casu de la Fundación Comité de Solidaridá colos Presos Políticos, a la que l’INPEC-y dificulta o-y ñega l’accesu a los establecimientos penitenciarios y carcelarios cola imposición de midíes alministratives, d’aiciones de fechu, de práutiques reiteraes y d’interpretaciones indebíes de les normes que rixen el sistema penitenciariu. 93

87. “El gobiernu garró’l modelu de les alcárceles de los Estaos Xuníos: tán construyíes en sitios desapartaos, los deteníos tán aisllaos dientro del establecimientu y de la familia. En Valledupar l’alcárcel diseñáronla pa paisanos pero l’autoridá carcelaria autorizó’l treslláu a la torre 9 de 104 muyeres que nun tienen agua por fallos nel diseñu del edificiu, la temperatura ye mui alta y nun tienen ventilación, solo diez internes rimen pena por trabayu, los guardies son homes que cometen abusos.

88. “El xueves santu, 5 d’abril del 2007, l’exércitu llegó a La Belleza, n’Argelia (Cauca), y señalóme como milicianu; sacáronme del puelu col fíu y col ñetu; entrugábenme: ‘¿Vusté qué vínculos tien cola guerrilla, ónde tien los toñiles?’. Lleváronme vendáu a un campamentu onde me moyaron tola nueche, dempués quemábenme con un mecheru peles piernes y dempués prendieron fueu per debaxo la siella onde taba amarráu; ‘d’equí a poco vas morrer, cabrón’ me dicíen, y dábenme más golpes, yá nun sentía nada; como yera de día dexáronme dir pa casa. El vienres santu fui a dar gracies al Señor por salvame la vida, pero a la salida de la ilesia taben esperándome, lleváronme a golpes y metiéronme un papel puercu na boca pa que nun glayara, metiéronme pal campamentu y fixéronme más interrogatorios; como nun sabía nada nun-yos podía dicir lo que queríen y dexáronme dir arrabiaos. El sábadu santu detiénenme por tercer vez, entrugáronme polos toñiles de coca y por un señor Gilberto; dicíenme qu’arrenegara de la guerrilla porque yo yera milicianu; díxi-yos que taben enquivocaos, entós lleváronme a un chabolu, enseñárome unes semeyes, colgáronme de los pies y punxéronme una bolsa na cabeza p’afogame si nun falaba, 92 93

Ib. Ib.

pero yo ensin saber nada... Entós dexáronme dir amenazáu de muerte, y ehí sí dexé’l pueblín y marché pa Popayán a pasar fame; tuvi seis meses peles cais como un méndigu; ello ye que regresé pal puelu a ver qué pasaba, y el 20 d’abril del 2008 volvieron los paracos a La Belleza y aconceyaron a tola xente del llugar, dixéronmos ‘somos Los Rastroxos, somos paramilitares o lo que vustedes quieran’ y amenazáronmos, pero ente ellos vi a dos soldaos de los que me torturaren l’añu anterior y ehí sí me dio mieu.”94

89. En Piñuñanegro son frecuentes les detenciones masives de persones pol exércitu basándose n’acusaciones de persones desconocíes, supónse que guerrilleros desmovilizaos.

90. Dalgunes persones privaes inxustamente de la llibertá opten presionaes por aceptar el delitu de rebelión. Acepten l’acusación pa consiguir el 50 % de rebaxa na pena y resolver pronto la situación xurídica.

91. “Ente’l 2006 y el 2008 hebo 24 detenciones nel puelu, dalgunes persones tuvieron 36 meses preses y punxéronles en llibertá por ser inocentes”.95

92. Una muyer de Piñuñanegro tevo presa 14 meses acusada del delitu de rebelión, nel momentu de la detención hebo un gran despliegue militar alredor de so casa, los soldaos lleváronla a ella y a tres fíos menores, ún de 11 años, otru de 9 y ún de 7 años.

93. La presidenta de la Xunta d’Aición Comunal d’una collación de Piñuñanegro tevo presa 32 meses acusada de rebelión pol exércitu; antes de la detención arbitraria denunciara ataques al DHI de l’armada colombiana, qu’atraca los barcos de guerra cabo los llugares y garra a la población civil como escudu por ataques eventuales de la guerrilla.

94 95

Testimoniu d’una víctima d’Argelia (Cauca), 31 de xineru del 2010. Testimoniu na asamblea comunal de Piñuñanegro, 2 de febreru del 2010.

94. L’Asociación Llabriega del Catatumbo, ASCAMCAT, denuncia la detención masiva dende’l 6 de febreru del 2010 de 17 persones, dirixentes comunales y pequeños propietarios acusaos de rebelión con montaxes.96

4.1.6 Violencia sexual, neños/es 95. Nel trescursu de cuasi 50 años del conflictu colombianu, la violencia sexual emplegáronla como arma de guerra tolos grupos armaos –fuercies militares del Estáu, paramilitares y grupos guerrilleros– tanto escontra les muyeres civiles como escontra les propies combatientes. 96. El puelu kokonuku denunció la violación de muyeres por soldaos del exércitu nacional.97

97. Toles partes en conflictu cometieron ataques graves a la Convención sobre los Drechos del Neñu, el protocolu facultativu referente a la participación de neños nos conflictos armaos y les normes del drechu humanitariu internacional. Danse davezu: l’allistamientu y usu de menores como soldaos y en xeres d’intelixencia, la muerte, la mutilación, los actos graves de violencia sexual, l’esllarigamientu forciáu, el secuestru, los ataques escontra escueles y hospitales y la denegación d’ayuda humanitaria.

98. Ente 8.000 (según el gobiernu) y 11.000 menores (según les ONG) taríen vinculaos al conflictu militar.

99. “La violencia sexual, lo mesmo que la esplotación y los abusos sexuales, constituyen una práutica habitual, estendida, sistemática ya invisibilizada nel contestu del conflictu armáu, por parte de los grupos armaos y, en dalgunos casos aisllaos, por parte de dalgunos axentes de les fuercies armaes nacionales”; nuna proporción alta por demás les víctimes conocíes yeren neños y neñes.98

Comunicáu d’ASCAMCAT, 7 de febreru del 2010. Autoridá del puelu kokonuku, La María, Piendamó, 30 xineru del 2010. 98 Corte Constitucional de Colombia, Autu 092, abril del 2008. 96 97

4.1.7. Impunidá 100. La impunidá tien otru elementu que la agrava nel 2009: la llibertá condicional por “cumplimientu de plazos” a los militares presuntos responsables de delitos graves, como les execuciones estraxudiciales, que cumplieren seis meses de prisión ensin que se los xulgare.

101. El gobiernu rexistra como un ésitu escontra la impunidá les 222 sentencies condergatories por crímenes escontra sindicalistes; pero los sindicatos siguen denunciando una impunidá del 97 % de los asesinatos y el fechu de que nunca se conocen los autores intelectuales.99

102. Pal gobiernu colombianu “son inxustes ya infundaes les crítiques qu’organizaciones y persones vinculaes a la defensa de los drechos humanos formulen al procesu de Xusticia y Paz”. “Gracies a la Llei de Xusticia y Paz güei tán en procesu de verificación 34.377 homicidios, 1.148 masacres, 1.520 casos d’allistamientu de menores, 2.786 desapaiciones forciaes, 3.607 casos d’esllarigamientu forciáu, 297 casos de tortura, 34 casos de violencia sexual y 1.123 secuestros sobre los que los paramilitares asumieron la responsabilidá nes versiones llibres. Más de 17.000 d’estos casos yá tán esclaraos dafechu”.

103. Ensin un procesu qu’estableza la verdá como base de la xusticia sedrá difícil que la compensación sía integral. Sicasí, el gobiernu colombianu informa con optimismu que “nel 2009 destinemos 100 millones de dólares pa compensaciones que beneficiaron a 26.300 persones que pertenecen a 10.593 families. Nel 2010 esta cifra va xubir a 150 millones de dólares, que van beneficiar a 39.000 persones de 15.000 families [...]”.100

104. Va cuatro años asesinaron a ÓSCAR SALAS, estudiante de la Universidá Distrital, y el casu sigue n’investigación. Óscar morrió por un proyeutil que llanzó la Policía Antialborotos, ESMAD, durante una protesta d’estudiantes a la que’l mayor Rafael Méndez ordenó que los policíes foren “con tolos xuguetes”: cápsules de gas llarimoso rellenes de banzones y esplosivos. En morriendo Óscar el comandante operativu de la policía, xeneral Alberto Ruiz, ordenó recoyer les evidencies y Entrevista nel Ministeriu del Interior y Xusticia col xefe del Programa de Proteición, Sr. Rafael Bustamante. Francisco Santos, vicepresidente de la República de Colombia, Conseyu de Drechos Humanos de la ONX, Xinebra, Suiza, 1 de marzu del 2010. 99

100

destruyiles nel basureru de Mondoñedo. Al padre d’Óscar amenazáronlu, igual qu’a Yuri Neira, el padre de NICOLÁS NEIRA, menor d’edá que morrió dempués d’una cuelma del ESMAD.101 105. Pela la parte so, el Movimientu de Víctimes de Crímenes d’Estáu afirma que: “Nun aceptamos que se borre de la memoria del puelu colombianu tolos métodos illegales, los episodios de corrupción de contino, los miles d’ataques a los drechos humanos que se cometieron nos últimos ocho años”. “La política de ‘seguridá democrática’ d’Uribe dexó los siguientes guarismos: La Llei de ‘Xusticia y Paz’ caracterizóse pol so grau altu d’impunidá, yá que de los 35.353 paramilitares supuestamente desmovilizaos, namás 698 tán siendo procesaos, esto ye, malapenes el 1,98 %. Y lo que ye peor, namás se condergó a ún”.102

106. La ex-gobernadora indíxena de la comunidá de La Laguna-Caldono, GLORIA CHOCUÉ, quedó inválida al mancala nuna emboscada soldaos del batallón Codazzi de Palmira. Nun hai responsabilidaes pol fechu.

107. Sigue na impunidá l’asesinatu d’EDWIN LEGARDA, comuneru nasa asesináu pol exércitu de la que pasaba un control nuna zona rural. Según l’autoridá indíxena los militares “planificaron el crime pa que paeciere un error, o como un falsu positivu”. La fiscalía asegura que nun hebo retén del exércitu nin disparos dende la camioneta onde morrió Legarda. La viuda, Aída Quilcué Viva, y la fía tán en peligru.

108. “El Defensor del Puelu del Cauca, Sr. VÍCTOR MELÉNDEZ, protexe a los paramilitares. Cuando fuimos a denuncialos el 20 de payares del 2009 díxomos: ‘Nun digan que los que los echaron son paramilitares, pa Uribe nun hai paramilitares, lo qu’hai son grupos al marxe de la llei, amás, ¿por qué dicen que son paramilitares?’, dixímos-y porque visten con prendes del exércitu, muévense xuntos y operen un día nos retenes militares y de la policía y al otru nos campamentos paramilitares”.103

109. “L’exércitu y el grupu paramilitar de Los Rastroxos cobren impuestos a les colleches de coca. La Comisión Ética de la Verdá visitómos n’Argelia y quedaron asoraos de ver que la tropa y la policía permiten el negociu del narcotráficu; los militares del batallón José Hilario López de la brigada 29 del exércitu dexen pasar la Llamáu de la familia a la movilización na so memoria y escontra la impunidá, Bogotá, marzu del 2010. Iván Cepeda, coordinador del MOVICE, Bogotá, 6 de marzu del 2010. 103 Conceyu con familiares de víctimes d’Argelia (Cauca), 31 de xineru del 2010. 101 102

coca y la base de coca como si foren pataques. Un teniente del exércitu díxomos que mientres haya coca Los Rastroxos van tar ehí”104

110. A los pocos díes d’entrevistase cola V Comisión Asturiana en Bucaramanga, al rector de la Universidá Industrial de Santander, Sr. JAIME ALBERTO CAMACHO PICO, grabáronlu mientres coordinaba per teléfonu col xefe paramilitar de nomatu Félix un “Plan Pistola” p’atentar escontra la vida de los dirixentes de los estudiantes y de los profesores de la universidá. Magar lu tán investigando dende xunu del 2009 pol presuntu delitu d’asociación pa delinquir, la Procuraduría Xeneral de la Nación nun lu suspendió del cargu, y la presidencia de la República designólu pa siguir como rector nel periodu 2009-2012. Siguen les persecuciones de los estudiantes, los profesores y los trabayadores de la UIS. Hai 6 estudiantes suspendíos, 2 espulsaos, 11 investigaciones disciplinaries a activistes estudiantiles y delles docenes d’amenazaos de muerte.105

111. Queden na impunidá les denuncies por maltratu y tortura de la guardia penitenciaria escontra los deteníos na alcárcel de máxima seguridá de Valledupar, y sobre manera les denuncies polos abusos de la guardia del penal escontra les muyeres deteníes na torre 9.106

112. Ye un avance escontra la impunidá’l que la Fiscalía Xeneral de Colombia vinculare a trés funcionarios de la multinacional Chiquita Brands, con sé en Cincinnati (EE. XX.), pol delitu d’asociación pa delinquir, agraváu por financiar grupos paramilitares cola suma de 1,7 millones de dólares ente 1997 y 2004 y apurri-yos 4.200 fusiles, amás de por tresportar coca camuflao ente la fruta en siete embarcaciones de la multinacional.107

4.1.8 Ataques a la llibertá d’espresión 113. El presidente Álvaro Uribe Vélez sedría’l responsable de los actos del Grupu d’Intelixencia Estratéxica 3 (G-3) escontra periodistes como Hollman Morris y Claudia Julieta Duque y escontra unes 300 persones d’ONG, periodistes, maxistraos de la Corte Suprema de Xusticia y líderes de la oposición.108 Ib. Asociación Colombiana d’Estudiantes Universitarios en Santander, xineru del 2010. 106 Conceyu cola Fundación Comité de Solidaridá colos Presos Políticos. 107 Unidá investigadora d’El Tiempo, 6 d’avientu del 2009. 108 Comunicáu conxuntu de Claudia Julieta Duque y Hollman Morris, rueda de prensa, Universidá Xaveriana, Bogotá, 9 de febreru del 2010. 104 105

114. A HOLLMAN MORRIS, el DAS aplicó-y estratexes de desprestixu y fixeron por torga-y la emisión del programa periodísticu d’investigación pela televisión, Contravía. Esti periodista foi víctima de dos detenciones arbitraries y de la incautación illegal de material periodístico.

115. A la periodista CLAUDIA JULIETA DUQUE, el DAS amenazóla xunto cola fía y sométela a persecuciones dende l’añu 2001 por pescudar los nexos ente’l gobiernu y el paramilitarismu y pola so investigación sobre los vínculos del ex-fiscal xeneral de la nación, Luis Camilo Osorio, colos grupos paramilitares. Les persecuciones escontra estos dos periodistes medraron de la que s’emitió’l programa de Contravía que descubre’l montaxe del DAS pa disviar la investigación del asesinatu del periodista JAIME GARZÓN.109

116. L’ex-ministru de Defensa, Juan Manuel Santos, acusó a MORRIS de ser "afín a les FARC", lo que desató amenaces nueves per corréu electrónicu, pero la fiscalía nun dio valor a estes acusaciones.

117. Tamién se consiguieron de manera illegal datos, correos electrónicos, teléfonos ya información privada d’organizaciones como la Fundación pa la Llibertá de Prensa (FLIP), l’Institutu Prensa y Sociedá (IPYS), Medios pa la Paz, Reporteros Ensin Fronteres (RSF) y el Comité pa la Proteición de Periodistes de Nueva York (CPJ), asina como de la Rellatoría Especial pa la Llibertá d’Espresión de la Comisión Interamericana de Drechos Humanos.

118. Otros periodistes afeutaos polos siguimientos illegales del G-3 son: CARLOS LOZANO GUILLÉN, direutor del selmanariu Voz; ALFREDO MOLANO, d’El Espectador; DICK EMMANUELSSON, corresponsal internacional; RAMIRO BEJARANO, columnista d’opinión del diariu El Espectador; CÉSAR JERÉZ de l’Axencia Prensa Rural, exiliáu; ADRIANA CUÉLLAR, xefa de prensa de la Corporación Coleutivu d’Abogaos José Alvear Restrepo; NICOLE KARSIN, collaboradora del diariu estaoxuniense San Francisco Chronicle; LIAM CREIG BEST, de Justice for Colombia, Reinu Xuníu, y LUISA MARGARITA GIL, de Redepaz. 110

109 110

Ib. Ib.

119. La Federación de Periodistes d’América Llatina y el Caribe (FEPALC) denunció que nel 2009 en Colombia asesinaron a seis periodistes: MARÍA EUGENIA GUERRERO, JOSÉ EVERARDO AGUILAR, HERNANDO SALAS ROJAS, DIEGO ROJAS VELÁSQUEZ, FERNEY HENAO, HAROLD RIVAS QUEVEDO.

4.1.9. Esllarigamientu forciáu Son esllarigaos internos los civiles que se vieron obligaos a abandonar los sos llares pa evitar los efeutos del conflictu armáu, de situaciones de violencia xeneralizada y de violaciones d’atentaos a los drechos humanos. ACNUR.

120. L’esllarigamientu forciáu de persones vieno n’aumentu a pesar del subrexistru de casos por mieu de la población o polos condicionantes impuestos por funcionarios que nun reciben denuncies d’esllarigamientu onde la responsabilidá s’atribuya al exércitu o a los grupos paramilitares.

121. La violencia escontra los neños/es abarca dellos aspeutos. La metá de los esllarigaos colombianos son menores de 18 años 111; ente 1997 y 2008, más d’un millón de neños y neñes foron víctimes del esllarigamientu forciáu.

122. Amnistía Internacional espresó esmolición pol aumentu notable del númberu de persones que se vieron obligaes en Colombia a abandonar les cases por causa’l conflictu armáu durante’l 2009. “Güei, en Colombia hai ente tres y cuatro millones de persones esllarigaes internamente, l’equivalente a la población entero d’Uruguai, lo que lu convierte nún de los países con mayor población esllarigao internamente del mundiu”.112

123. El 82 % de los esllarigaos colombianos vive na indixencia; el desaposiu de 44 millones de díes de gües (5,5 millones d’hectárees) dende 1998 con presiones y aiciones violentes afeutó a 385.000 families; ye una anti-reforma agraria que pauperiza a miles de families procedentes de les zones rurales, ensin incluyir el desaposiu de tierres a los puelos indíxenes y comunidaes afrodescendientes, que nun tienen posibilidaes reales de que-yos restituyan los drechos.113 Conseyeru Presidencial pa l’Aición Social de Colombia. Amnistía Internacional, comunicáu en Londres, 16 de xunetu del 2009. 113 Consultoría pa los Drechos Humanos y l’Esllarigamientu, 5 de payares del 2009. 111

112

124. “Nos últimos siete años más de dos millones de persones anden esllarigaes en Colombia, lo que pon en dulda la efeutividá de la política de ‘seguridá democrática' del gobiernu, que reconoz tener inscrito nel so rexistru 3,2 millones de colombianos como esllarigaos pola violencia, de los que 2,1 millones fuxeron dende mediaos del 2002, añu nel qu’Uribe asumió la presidencia.114

125. “Nel gobiernu d’Álvaro Uribe Vélez polo menos 2,4 millones de persones salieron a la fuercia de los sos territorios, cuasi la metá de la suma d’esllarigaos nos últimos 25 años, lo que suma más de 4,9 millones de persones esllarigaes nel país”.115

126. La mayoría d’esllarigamientos diose pola sema de palma, la gran minería y la estracción de petroleu.

127. Families esllarigaes de sitios distintos del país denunciaron qu’Aición Social de la Presidencia de la República oblígalos a mentir en documentos públicos porque nunyos dan ayudes si atribuyen l’esllarigamientu forciáu al exércitu, yá que “la tropa nun esllariga”, nin a los paramilitares porque “nun esisten”, d’esa miente, si quieren acceder a los subsidios pa sobrevivir, tienen qu’acusar del esllarigamientu a les guerrilles. “Paez ser una directriz, una llinia xurídica, una orde presidencial”.116

128. El puelu nasa del Cauca denuncia la práutica sistemática del esllarigamientu forciáu como “una agresión sistemática pa quitamos el territoriu y dexá-yoslu a les empreses de minería en gran escala”.117

129. “Cada añu saquen de les sos cases a ente diez y venti mil persones de los puelos indíxenes. Hai 34 puelos indíxenes en peligru d’estinción y la respuesta del gobiernu ye la fuercia, los censos illegales, el bloquéu alimentariu y de melecines, la non reconocencia de les nueses autoridaes tradicionales, la confrontación, la ocupación militar de los territorios y sitios sagraos, l’usu de los nuesos neños como mensaxeros o informantes; esto velo la guerrilla y llega a les nueses cases a Ib. MOVICE, comunicáu del 6 de marzu del 2010. 116 Entrevista con una abogada de la Procuraduría Rexonal Caquetá, Florencia, 5 de febreru del 2010. 117 Conseyu d’Autoridades Tradicionales Indíxenes del Oriente caucanu. 114 115

amenazar, amás el gobiernu señaló como terrorista la llucha de los indíxenes y xudicialícenmos, pero acomoda les lleis pa favorecer la ocupación de los nuesos territorios por empresarios; sicasí nun tien voluntá pa cumplir los compromisos que firma cuando mos movilizamos, nin p’aplicar les lleis que mos beneficien...”.118

130. Los indíxenes awá, cerca de 400 persones, tuvieron qu’esllarigase forciadamente del so territoriu ancestral dempués de la incursión militar na comunidá Tortugaña y tres les masacres cometíes poles FARC.

131. Según les cifres de la oficina en Colombia del Altu Comisionáu de la ONX pa los Drechos Humanos, los indíxenes constituyen el 7 % de los esllarigaos a pesar de que solo representen 3,4 % de la población total.

132. “N’Argelia (Cauca), los paramilitares delantre del exércitu asesinen, desapaecen xente y obligaron a unes 200 families a esllarigase ente’l 8 y el 21 d’avientu del 2008; la nuesa vida nun val nada, pero tampoco valimos rispiu fuera de la nuesa rexón, por eso 27 families decidimos regresar a la nuesa tierra buscando la verdá, porque tamos abandonaos, tenemos mieu pero la nuesa proteición nun ta nun fusil, nin nun uniforme, nin nel gobiernu, anque esixímos-y garantíes pal retornu y proteición pa los líderes de la comunida, la nuesa voz son vustedes que vienen a vemos dende la comunidá internacional, los asturianos van ser la voz de los mudos porque equí nunca mos dexen falar y si lo faemos amenácenmos o nun mos oyen, nin mos creen”.119

133. Los mayestros del Cauca del sindicatu SUTEC denuncien l’esllarigamientu forciáu de los afiliaos por amenaces de muerte nuna rexón d’un millón d’habitantes controlada por 29.000 militares. Afirmen qu’hai fumigaciones indiscriminaes de les colleches de los llabradores pa sacalos d’un territoriu onde’l gobiernu otorgó 32 concesiones mineres a empreses multinacionales y onde avanza la sema en monocultivu de caña d’azucre pa producir etanol.120

Ib. Testimoniu énte la Delegación Asturiana d’Orlando Bolaños, dirixente comunitariu d’Argelia (Cauca), amenazáu de muerte por denunciar los atropellos de los paramilitares y del exércitu colombianu, 31 de xineru del 2010. 118 119

120

Conceyu con dirixentes del SUTEC, Popayán, 31 de xineru del 2010.

134. Nos departamentos de Sucre y Bolívar y en particular na rexón de los Montes de María, el grupu paramilitar “Los Paisas” siguen amenazando, asesinando y desapolinando llabradores.121

135. “Na collación Peña Colorada nun quedó nin una persona en dellos años, toos tuvieron que marchar por mieu al exércitu y a los enfrentamientos cola guerrilla, lo mesmo que na Unión Peneya, onde apenes agora regresaron dalgunes persones”.122

136. “Na Unión Peneya y en San Isidro l’exércitu sacó a tol mundiu, quedaron solos en puelu faciendo dañu; yo fui presidente comunal y vi qu’esflundieron los comercios; nel mio negociu los soldaos entraron 24 díes, cagaron nos platos y metiéronlos na nevera, saquiaron les farmacies, lo que nun llevaron esfarrapáronlo; dellos díes salió un avisu dirixíu a min na emisora de radio de los militares, dicíenme: ‘Nectario, sabemos que vusté ye’l presidente de la guerrilla, desmovilícese’”.123

Ataques al drechu humanitariu internacional, mines antipersona

4.2.

“Pido perdón si les mios tropes cometieron errores y los atropellaron [...]. Hai qu’escacer que los de Piñuñanegro tán estigmatizaos como xente guerrillero [...]”.124

137. Los ataques al drechu humanitariu internacional son frecuentes nes árees de conflictu armáu internu, que foi treslladándose hacia la periferia, les árees de selva, les zones fronterices.

138. Siguen en poder de les FARC un grupu de persones civiles y militares, dalgunos dende hai diez años, ensin que se facilitare la lliberación.

139. La fuercia pública, en particular l’exércitu, “cometió homicidios, ataques indiscriminaos, esllarigamientos forciaos, actos de saquéu, tortura y tratos crueles, inhumanos y degradantes, amenaces y torgues arbitraries pal tránsitu llibre de Sindicatu Departamental d’Agricultores de Sucre. Bogotá, 1 de febreru del 2010. Conceyu con organizaciones sociales del Caquetá, hospital María Inmaculada de Florencia, 5 de febreru del 2010. 123 Testimoniu, Florencia, 5 de febreru del 2010. 124 Xeneral Rafael Colón énte l’Asamblea Comunitaria de Piñuñanegro (Putumayo), 2 de febreru del 2010. 121 122

persones y bienes. Delles veces, les restricciones a la circulación d’alimentos pudieron afeutar los niveles de desnutrición de la población, mayormente nos neños. Integrantes de la Fuercia Pública siguen ocupando ocasionalmente escueles, viviendes o otros bienes civiles, y allugando puestos militares al so alredor”.125

140. Hai esmolición nes autoridaes indíxenes del Cauca pola estratexa d’ocupación militar de los territorios pol exércitu y la policía colombiana. “Instálense nos poblaos, faen trincheres, ocupen escueles, campos deportivos y cases, cola apa de protexemos, pero cualquier presencia armada, sía llegal o non, ruempe’l nuesu equilibriu y ponmos como oxetivu militar. Pa controlar el nuesu territoriu según los nuesos vezos y costumes yá tenemos la Guardia Indíxena”.126

141. “Sufrimos problemes mui serios col mináu de los nuesos territorios, los armaos dexen esplosivos abandonaos, hai amenaces de muerte y señalamientos escritos, verbales, amenaces a les nueses autoridaes y presiones de los armaos sobre les nueses comunidaes”.127

142. “A los indíxenes eperara siapidara echáronlos con fuercia hai más d’un añu ensin posibilidá de retornu seguru; fumigaron tol comunal de San Miguel y otros de la costa Pacífica p’acabar cola coca ensin respetar a la xente, nin al agua, nin a la naturaleza”.128

143. “L’exércitu agora apaez faciendo brigaes de salú, y cívico-culturales, faciendo obres públiques pa llexitimase; el gobiernu ponlu a faer el trabayu que-y toca a instituciones civiles, pero lo que busquen ye consolidar la so presencia nos nuesos territorios; les nueses propuestes de paz el gobiernu veles como una estratexa d’osixenación del terrorismu, nun se quier aceptar que los indíxenes nun participamos de la guerra, por eso mos amenaza la guerrilla, los paramilitares y l’Estáu”.129

144. El puelu indíxena totoró denuncia la militarización del so territoriu: “Cola apa de combatir a la guerrilla tán metiendo ensin consultamos la carretera ‘Troncal del 125

Informe añal de l’Alta Comisionada de les Naciones Xuníes pa los Drechos Humanos sobre la situación de los drechos humanos en Colombia, 2009. 126 Elías Pechené, Conseyeru Mayor del CRIC, La María, Piendamó, 30 de xineru del 2010. 127 Ib. 128 Ib. 129 Ib.

Llibertador’, que va de los Llanos a Buenaventura; los militares anden de casa en casa entrugando poles nueses autoridaes; l’exércitu oblígamos a ser informantes y la guerrilla fai allistamientos forciaos”.130

145. Na comunidá nasa de Tacueyó (Cauca), los indíxenes queden con frecuencia metanes de la confrontación armada; delles persones morrieron al pisar campos minaos.131

146. L’autoridá indíxena de Toribío denuncia la ocupación del territoriu indíxena por más de 2.500 soldaos del exércitu nacional.

147. L’autoridá indíxena denunció que se cometieron de contino execuciones y homicidios con participación de militares de la tercer brigada del exércitu con sé en Cali. El xefe paramilitar “HH” dio datos sobre’l pasu de camiones con persones reteníes pela zona del Naya; los cuerpos de munches persones tendríenlos tirao a los ríos y a los sotambios de la cordelera.

148. “Los paramilitares allisten pola fuercia a neños/es menores d’edá; ellos tán per uquiera nos montes d’Argelia, controlen El Mango, Cristales Alto, El Encano, Sinaí, el norte de Nariño, Las Delicias y la vía a Tumaco, too eso ye paramilitar”.

149. “Los militares en Caloto y Corinto (Cauca) disparen davezu a persones civiles, incluso dientro les cases, y tamién torguen que se tresllade los mancaos a los centros de salú”.132

150. Son frecuentes les aiciones béliques nel puelu de Piñuñanegro. Una bomba de les FARC destruyó’l puestu de salú. El 3 d’avientu del 2008 la guerrilla convirtió n’oxetivu militar a la población civil al faer españar una bomba nel cascu urbanu. Nesta aición morrió un soldáu y dos resultaron mancaos. L’exércitu tomó represalies na población civil con amenaces de muerte: “Nestos díes vamos trayer un bote enllenu de paracos pa que rueden cabeces y borren esti puelu”; y atropellando a los civiles: “Al Autoridá del puelu totoró, La María, Piendamó, 30 de xineru del 2010. Autoridá del puelu nasa de Tacueyó, La María, Piendamó, 30 de xineru del 2010. 132 Coordinadora Estudiantil “Tuto González” de la Universidá del Cauca, 31 xineru del 2010. 130 131

mudu del puelu interrogáronlu y diéron-y una paliza pa que dixera ónde taba la guerrilla”.133

151. L’exércitu usa árees poblaes del territoriu indíxena del puelu murui p’aterrizar y despegar helicópteros militares. Los aparatos destecharon dalgunes cabañes; delles families indíxenes tuvieron qu’abandonar el llugar por mieu a les tropes y a un enfrentamientu cola guerrilla.

152. Les tropes del exércitu ocupen davezu les cases de los civiles y, les escueles; acampen y cuelguen hamaques en comedores escolares.

153. A un habitante a la entrada de Piñuñanegro l’exércitu acusólu de rebelión; ta presu en Bogotá y la familia tevo que marchar de la rexón; la casa ta ocupada por unidaes militares y convertida en trinchera.134

154. “Los soldaos llegaron mui agresivos y bederres a la collación Peña Colorada. Arrodiáronmos y dixeron ‘a tierra, cabrones, nun se muevan’, tiraron embaxo a homes, muyeres y neños, dempués hebo un tirotéu y quedemos en medio, n’acabando la xente marchó de la collación; cerca de les cases fixeron esplotar granaes”.135

155. L’exércitu tien un comportamientu foscu cola población civil, a la que ve como enemigu. “Yo llevé a la mio neña enferma a una llancha de l’armada nel ríu y nun la quixeron atender nin suplicándo-yos, baxáronme a emburriones, un enfermeru del exércitu díxome: ‘pída-y ayuda a la guerrilla, díga-y a la guerrilla que-yos capacite enfermeros’”.136

156. La infantería de marina colombiana impón a lo llargo del ríu Putumayo controles illegales pa identificar civiles: rexistren equipaxes, restrinxen la movilidá de les persones, tasen la cantidá de suministru qu’una persona pue tresportar p’alimentar a la familia, prohíben el tresporte de melecines, imponen toques de queda y censos Conceyu con pobladores de Piñuñanegro, 2 de febreru del 2010. Constatación de la Delegación Asturiana nel llugar, Piñuñanegro, 3 de febreru del 2010. 135 Asamblea comunal en Piñuñanegro (Putumayo), 2 de febreru del 2010. 136 Ib. 133 134

illegales. “La situación ye difícil, los puelos queden desabastecíos y nun podemos dir a comprar a Puerto Asís porque ta enlleno de paramilitares”.137

157. El 22 d’avientu del 2009 la guerrilla de les FARC sacó de so casa na ciudá de Florencia, secuestró y asesinó al gobernador del departamentu del Caquetá. Sr. LUIS FRANCISCO CUÉLLAR. La guerrilla reconoció’l crime: “[…] A pesar de los vínculos evidentes del gobernador del Caquetá […] col paramilitarismu, l’oxetivu de la retención nun yera axusticialu, nin face-y esixencies económiques, sinón realiza-y un xuiciu políticu por corruptu, por tener convertío’l fraude y la prevaricación en piedra angular de la so alministración”.138

158. Nos entamos del 2009 tropes del exércitu nacional pertenecientes a batallones de la brigada 29 entraron a les collaciones Volteadero y Bravo de la comunidá indíxena awá de Tortugaña Telembí (Barbacoas); entraron de manera abusiva a les viviendes y obligaron con maltratos a dar información sobre l’allugamientu de los guerrilleros de les FARC.139

159. Como represalia, personal armao y con insignies de les FARC asesinaron en dos masacres a 27 indíxenes awá de la comunidá de Tortugaña, incluyíos siete neños y dos muyeres embaranzaes. Los awá son ún de los puelos declaraos pola ONX como puelu en peligru d’estinción.140

160. Les FARC reconocieron l’ataque a los indíxenes awá: “1.- Que’l día 6 de febreru del 2009 nel sitiu Río Bravo, conceyu de Barbacoas (Nariño), les nueses unidaes guerrilleres detuvieron a 8 persones que recoyíen por grupos información sobre nós pa dempués llevala a les patrulles militares que desarrollen operaciones na zona [...]. 3.- Énte la presión del operativu, la so responsabilidá na muerte de numberosos guerrilleros y la so innegable participación activa que los implica nel conflictu, executóselos [...]. 6.- Esta aición nuesa nun foi escontra indíxenes, foi escontra persones que, independiente de la raza, relixón, etnia, condición social, etc, aceptaron Ib. Comunicáu del Bloque Sur de les FARC-EP, Montes del Caquetá, 24 d’avientu del 2009. 139 Comunicáu d’UNIPA, Unidá Indíxena del Puelu Awa y la ONIC, Pasto, 10 de febreru del 2009. 137

138

140

ONIC-UNIPA, citaos por Caracol TV, 17 de febreru del 2009.

dineru y punxéronse al serviciu del exércitu nun área que ye oxetu d’un operativu militar”.141

161. Los puelos indíxenes awá, nasa y yanacona denunciaron a les guerrilles por allistar menores d’edá y por semar mines antipersona nos sos territorios.

162. Hai zones del país que se minaron y provocaron víctimes y aisllamientu de los puelos indíxenes y de les comunidaes afrocolombianes. L’añu pasáu 67 militares y 44 civiles resultaron muertos y 373 militares y 148 civiles mancaos por mines antipersona; de los civiles afeutaos, 11 yeren muyeres y 49 menores d’edá.142

Drechos económicos, sociales y culturales

4.3.

“A les nueses comunidaes nun llega más que l’escaezu”.143

163. La esclusión social ye otra constante hestórica de la realidá colombiana. La probitú afeuta al 46 % de la población (65,2 % nes zones rurales); la probitú severa afeuta al 17,8 % y cuasi se duplica nes zones rurales (32,6 %).144 164. La probitú y la miseria tienen un afeuten de manera especial a los afrocolombiana y a les muyeres y a esllarigao. Hai informaciones de casos Cauca, Chocó, Nariño y Risaralda.

componente étnicu y de xéneru importante: departamentos de mayoría indíxena y los/es neños/es; y tamién a la población de muerte por fame física d’indíxenes nel

165. “El gobiernu recortó los recursos del Estáu destinaos a inversión social pa fortalecer la ‘política de seguridá democrática’ convirtiendo a Colombia nel segundu país d’América Llatina –dempués de Brasil– con mayor base de fuercia militar. Nel 2010 va destinase a la guerra’l 14,2 % del presupuestu xeneral de la nación; namás que’l 13,9 % va destinase a educación y el 1,7 % a vivienda y desarrollu”.145 166. Hai movilizaciones sociales importantes que reivindiquen drechos económicos, sociales y culturales, como les de los puelos indíxenes, que’l gobiernu estigmatiza y 141

Comunicáu de la Columna Antonio José de Sucre, FARC-EP, Montes de Colombia, 11 de febreru del 2009.

142

Datos del Programa Presidencial pa l’Aición Integral escontra Mines Antipersona. Ernesto Barros, presidente de los llabradores ensin tierra del conceyu de Regidor, sur del departamentu de Bolívar. 144 Datos de la Misión pal Empalme de les Series d’Emplegu, Probitú y Desigualdá. 145 Informe del Comité Permanente pola Defensa de los Drechos Humanos CPDH, Bogotá 2009. 143

reprime col usu escesivu de la fuercia y que los medios de comunicación de mases escuenden.146 167. Nos arrabaldes de la ciudá de Popayán (Cauca), más de 1.500 families esllarigaes viven en chaboles construyíes con desechos de madera y plásticu en terrenos propiedá del Conceyu. Nun hai soluciones de vivienda digna pero sí desaposios violentos de la policía, presencia de personal armao ayeno al asentamientu y cada día asesinen a hasta dos xóvenes ensin que los fechos se denuncien.147

168. La precarización del trabayu encabécenla empreses grandes, como Coca Cola, que tien cerca de 8.000 trabayadores en Colombia, el 96 % con subcontratos ensin drechos llaborales nin garantíes sindicales.148

169. Les autoridaes indíxenes nel Putumayo de los puelos siona, kishwa, kametsá y urui denuncien l’ataque a los drechos culturales por parte del Estáu colombianu, queyos arrinca y fumiga les plantes de coca destinaes al usu tradicional según les sos costumes.

170. Los llabradores de la selva del Putumayo nun tienen fontes d’ingresos pa llevar una vida digna. “Na nuesa zona nun hai inversión social del Estáu, nun tenemos alternatives rentables al cultivu de la coca, ún quier vivir y trabayar ensin problemes, pero agora lo único que tien mercáu ye la coca”.149

171. “Los drechos culturales de los puelos indíxenes y el drechu a la tierra de los colonos nun se faen efeutivos porque l’Estáu nun avanza na titulación de tierres ancestrales nin na titulación de tierra ermo. Les funciones del INCORA pasaron a los Conceyos, que nun tienen recursos pa titular, o al INCODER, que nun titula tierres más que pa los llatifundistes, y subsidia a los narcopalmeros y a los empresarios de los agronegocios”.150

Autoridá del territoriu ancestral nasa Sata Makiwe. Conceyu cola Asociación de Destechaos del Cauca, Popayán, 31 de xineru del 2010. 148 SINALTRAINAL, Bogotá, 1 de febreru del 2010. 149 Dirixente llabriegu d’ACSOMAYO, Piñuñanegro, 3 de febreru del 2010. 150 Entrevista con SINTRAINCODER-CUT, Bogotá, 29 de xineru del 2010. 146 147

172. La educación nel Putumayo ye escasa y de mala calidá. “La mocedá nun sal bien formao como p’aprobar esámenes nes universidaes públiques que queden mui lloñe; la nuesa única opción a la d’acabar el bachilleratu ye vinculamos al exércitu o a les FARC. De la mio escuela marcharon apocayá dos neñes menores d’edá pa la guerrilla, supimos que’l campamentu bombardiáronlu y que les mancaron y tarán soles en dalgún hospital, pero nun se pue dir a veles”.151

173. Los trabayadores de Ferrocarriles del Norte de Colombia, FENOCO, que trabayen pa les multinacionales Glencore (Suiza) y Drummond (EE. UU.), tienen un conflictu llaboral cola empresa, que se ñega a reconocer al sindicatu y a negociar el contratu coleutivu de trabayu. A dellos sindicalistes pegó-yos la policía.152

174. Les condiciones de trabayu de los obreros agrícoles nes plantaciones de palma aceitero son degradantes. “Nos palmerales humilden a los trabayadores, y llámenlos ‘sindicalistes’ si reclamen los drechos, y eso ye mui peligroso, como pasa na finca Palmeras San Lucas de la sociedá Londoño-Murgas-Uribe”.153

175. “La llegada de los palmerales anunciábase como lo máximo, agora vemos que produz esllarigamientos masivos, afeutaron a la naturaleza, secaron los manantiales; antes persiguíamos la guerrilla protexendo a los pequeños ganaderos, dempués llegaron los paramilitares y foi peor, porque semaron palmes y mieu, dempués llegó l’exércitu y nun protexe más qu’a los que tienen perres; el presidente Uribe tien palmeres equí semaes y yá nun se pue nin cortar lleña, too ye d’ellos, nun hai onde semar un poco pan”.154

176. “Los de les palmeres y los politiqueros dividiéronmos, yá nun falamos de lo social comunitario ensin que mos digan llocos, andamos como los güevos de la tortuga: ún equí y otru allá, los palmeros deforestaron too y yá nun hai nin pesca; los empresarios paguen 100 pesos por fradar a machete una palmera, pa ganar un euru hai que llimpiar 26 palmerones enormes, y eso son delles hores de trabayu mui duru”.155

Testimoniu d’un rapaz de la collación Cuembí, Piñuñanegro, 3 de febreru del 2010. Comunicaos de SINTRAIME-FUNTRAENERXÉTICA. 153 Asamblea comunitaria nel conceyu de Regidor, Bolívar, 6 de febreru del 2010. 154 Ib. 155 Ib. 151 152

177. “El mio fíu trabayaba na finca palmera del ministru Carlos Murgas, allá trabayando perdió un güeyu y como nun tienen seguru nun-y dieron nin una pastilla; por eso yo nun pongo los costinos pa que pa que se me xuban enriba los palmeros. Hebo amenaces de muerte porque’l cura y otros opunxéronse a que la xente vendiera les tierres a los palmeros”.

178. “Un ex-alcalde opúnxose a les plantaciones de palma y los paracos a poques lu maten, darréu desterraron a los dirixentes del puelu que pensaben lo mesmo qu’elli, dempués pagaron les tierres a 47’5 € el día de gües (1 millón de pesos la hectárea – 380 euros–) y engañáronmos; más tarde supimos que Rioviejo diba convertise en zona franca”.156

179. El 14 de xunetu del 2009 la policía nacional desapolinó con violencia a les 123 families llabradores qu’ocupaben la finca Las Pavas, de 24.000 díes de gües (3.000 hectárees). Estes families viven en chabolos nun terrenu de la collación Buenos Aires, nel sur de Bolívar. La petición pa desapolinar fixéronla dos empreses: Aportes San Isidro y empresa Tequendama del Grupo Daabon.

180. “Ye la tercer vez que mos saquen de les tierres: primero fueron los paramilitares nel 2003 al serviciu de los ganaderos, dempués la familia del capo Pablo Escobar y agora la familia Dávila Abondano, dueña del grupu Daabon; con too y con eso la finca tien entamáu un procesu d’estinción del drechu de dominiu pol INCODER pa repartir les tierres ente los llabradores, pero’l mesmu gobiernu mandó la policía a sacamos y apoya con subsidios a los empresarios que tán estrozando la viesca y les llagunes pa semar palma aceitero, amás dexáronmos ensin sustentu; que los que compren aceite de palma n’Europa sepian que consumen fame y sangre llabriego y estroza ambiental”.157

4.4.

Puelos indíxenes y afrocolombianos “Lo mesmo que vustedes nun escaecen la muerte de Xesucristu hai dos mil años, equí tampoco escaecemos los 518 años de muertes y daños que venimos padeciendo nós y los nuesos antepasaos”.158

Ib. Asamblea de llabradores desaposiaos de la finca Las Pavas, Buenos Aires, conceyu d’El Peñón (Bolívar), 6 de febreru del 2010. 158 Autoridá indíxena de l’Asociación de Cabildos Huitoto del altu Caquetá, Florencia, 5 de febreru del 2010. 156 157

“Tol qu’empuña armes sabe matar y ye los que-yos enseña a otros, por eso nun vamos empuñar les armes enxamás, anque mos toque morrer como corderinos”.159

181. El gobiernu intenta nun reconocer los títulos coloniales y republicanos de propiedá de los puelos indíxenes sobre los sos territorios, sometiéndolos a procesos de clarificación de la propiedá innecesarios que puen ser l’empiezu d’otru ciclu de desaposiu territorial.160 182. Al empar, el gobiernu emite autorizaciones pa executar proyeutos d’inversión nos territorios de los puelos indíxenes ensin el requisitu de consulta-yos previamente, como asocede n’Antioquia, Caldas, Cauca y Chocó. 183. El puelu yanacona del Cauca denuncia la práutica masiva de les fumigaciones aérees con glifosatu, qu’afeuta a la collecha de pan y a la salú de los/es neños/es 161, y l’allistamientu forciáu de xóvenes indíxenes por parte del exércitu nacional.

184. El puelu yanacona del Cauca denuncia que l’exércitu nacional trai persones reteníes en ciudaes como Cali y asesínales dientro del so territoriu simulando combates cola guerrilla pa xustificar la militarización del territoriu indíxena.162

185. L’autoridá indíxena atribúi a les FARC los asesinatos de los indíxenes del puelu nasa GENARO YUNDA, JOSÉ MARÍA ULCUÉ, ALDEMAR PINZÓN, CRISTÓBAL SECUÉ, acusaos de ser informantes del exércitu.163

186. “Los militares de la base d’Araracuara, na selva del Caquetá, atropellen a los puelos indíxenes, afirmen que los indíxenes somos l’atrasu del país, que nun dexamos trabayar a les empreses; tenemos un colexu, el Fortunato Really, pa que los xóvenes indíxenes estudien, pero l’exércitu vieno y llevó’l motor fuera borda diciendo que yera de la guerrilla; amás nun mos dexen pasar alimentos nin melecines pal internáu. Los soldaos nun respeten a los nuesos caciques, nin a los nuesos vieyos, y eso ye mui grave, péguen-yos, requísen-yos los bolsos. Los indíxenes nun queremos xente armao nel nuesu territoriu, nin paramilitares, nin guerrilles, nin exércitu, pero pela radio militar apregonen tolos díes que los que tamos nel colexu que mos entreguemos, que Profesor del colexu indíxena d’Araracuara “Fortunato Really”, Florencia, 5 de febreru del 2010. Ver l’oficiu nu 2400 del 24 de setiembre del 2009, del subxerente de promoción del Institutu Colombianu de Desarrollu Rural (INCODER), al subdireutor de xeografía y cartografía del Institutu Xeográficu Agustín Codazzi (IGAC). 161 La María, Piendamó, 30 de xineru del 2010. 162 Ib. 163 Asamblea Nacional d’Autoridaes Indíxenes, ONIC, resolución 01/09, 21 de marzu del 2009. 159 160

nun mos refuxemos ehí. Al rector anterior retúvolu l’exércitu y tocó treslladalu. Tol qu’empuña armes sabe matar y ye lo que-yos enseña a otros, por eso nun vamos empuñar les armes enxamás, anque mos toque morrer como corderinos”.

187. Sigue la violencia escontra la dirixencia indíxena. El 11 d’ochobre del 2009 asesinaron al mozu de 22 años LEONARDO WAZIRUKAMA, alguacil de la comunidá de Purembará, conceyu de Mistrató (Risaralda). Dos selmanes antes a los integrantes del Conseyu Rexonal Indíxena de Risaralda amenazáronlos de muerte paramilitares.

188. Na collación Nacederos asesinaron nel últimu añu a dos integrantes de la comunidá indíxena embera-chamí. El 25 de xunetu del 2008 asesinaron al gobernador mayor HUGO GONZÁLEZ BERNAZA, y el 1 de febreru del 2009 a JOSÉ DIONISIO CÓRDOBA CHICAMA.

189. “Homicidios, secuestros, desapaiciones forciaes, amenaces y esllarigamientos forciaos siguen faciendo estragos nes comunidaes indíxenes de Colombia. Asesinaron a más de 1.400 indíxenes ente los años 2002 y 2009, en medio del conflictu armáu. Nel 2009, polo menos 114 indíxenes foron víctimes d’homicidios y miles sufrieron d’esllarigamientu forciosu [...]. Los indíxenes sufren cada vez más ataques. Tán matándolos y amenazándolos, tán obligándolos a participar nel conflictu armáu y tán echándolos de les tierres sos”.164

5-. Conclusiones Nel 2009 la situación de los drechos humanos siguió siendo crítica y motivu d’esmolición de los organismos internacionales especializaos y pa l’Axencia Asturiana de Cooperación del gobiernu del Principáu d’Asturies. Hai avances importantes na preservación de la independencia de la xusticia y na llucha escontra la impunidá encabezaos pola Corte Suprema de Xusticia. Siguió’l conflictu militar ensin solución política a la vista y con un impautu tremendu sobre la vida y los drechos básicos de les persones, y engafentóse’l conflictu social, ensin calces 164

Amnistía Internacional, Marcelo Pollack, investigador sobre Colombia, 23 de febreru del 2010.

institucionales afayadizos pa resolvelos, polo que la represión y l’usu descomanáu de la fuercia son procedimientos avezaos. Toles partes involucraes nel conflictu armáu internu atacaron de manera sistemática’l drechu humanitariu internacional. La desmovilización de los grupos paramilitares y la eliminación de les sos redes económiques, polítiques y militares nun foron completes. Persiste y espoxiga’l fenómenu paramilitar en munches rexones del país cola aprobación de la fuercia pública y de les autoridaes llocales. Siguió la persecución de los sectores sociales más fráxiles, con too y colos gastos en proteición: sindicalistes, defensores de los drechos humanos, periodistes, dirixentes sociales y políticos d’oposición al gobiernu. Les víctimes de la violencia nun tienen garantizaos los drechos a la verdá, la xusticia y la compensación. Anque baxaron les cifres d’asesinatos de persones protexíes, como los sindicalistes, siguen siendo inaceptables los casos rexistraos y la persecución illegal d’opositores y periodistes polos axentes de seguridá y d’intelixencia del Estáu. Sigue siendo dramática la situación de los puelos indíxenes colombianos, amenazaos nos sos territorios, vides y cultures. Na crisis de los drechos humanos de Colombia nun hai namás responsabilidá del gobiernu, tamién de los gobiernos que-y vienden armes, como Estados Xuníos, y d’aquellos que, como’l gobiernu del Estáu español, otorguen dispenses a la responsabilidá del Estáu colombianu empara de mayores ventayes nos negocios pa les multinacionales sos. Colombia tien na desigualdá y na esclusión social el mayor peligru pal so desarrollu harmónicu y pa la paz social. Esti problema estructural nun apaez como prioritariu nes axendes de la cooperación internacional, nin nos planes del gobiernu.

6-. Recomendaciones Al gobiernu de Colombia

 Enfrentar y resolver la inequidá y la esclusión con una política d’Estáu empobinada a la redistribución de les tierres, la renta y l’ingresu, p’acabar colos desequilibrios que producen conflictu social y armáu y como forma de da-y una base material a la paz.



Devolver les tierres y demás propiedaes arrampuñaes con violencia o engaños a los esllarigaos forciosos.

 Garantizar el retornu con garantíes de los esllarigaos a les rexones d’orixe y la restitución de los bienes y tierres que-yos quitaron.



Cumplir les resoluciones del Conseyu de Seguridá sobre neños y neñes en conflictos armaos y los alcuerdos internacionales sobre menores; prohibir l’usu de neños/es por parte de les Fuercies Armaes con fines d’intelixencia militar y poner fin a los interrogatorios a neños y neñes desvinculaos/es de les guerrilles.



Ordenar la retirada de les tropes de los bienes civiles y nun faer actos militares nes escueles.

 Facilitar la denuncia y efeutiva investigación de los casos d’abusos sexuales cometíos por toles partes del conflictu y llevar a los responsables énte la xusticia.

 Protexer de manera efeutiva a los puelos indíxenes; ordenar el desbloquéu y la fin del confinamientu de les comunidaes sitiaes pol exércitu.

 Depurar los archivos d’intelixencia sobre defensores de drechos humanos, los familiares y les organizaciones.

 Zarrar la torre 9 de l’alcárcel de máxima seguridá de Valledupar.  Garantizar l’aplicación de la xusticia a los militares responsables de crímenes escontra la humanidá, en particular de desapaiciones forciaes y execuciones estraxudiciales.

 Desvincular a la fuercia pública, al executivu, al congresu y a los poderes públicos llocales de la influyencia de los grupos paramilitares y de narcotraficantes.

A los grupos armaos illegales: •

Reconocer públicamente la obligación de cumplir el drechu humanitariu internacional.

•

Comprometese a nun allistar a persones menores de 18 años. Tolos neños y neñes soldáu tienen que los lliberar darréu.

•

Denunciar ya impedir los casos de violencia sexual perpetraos polos sos componentes.

•

Arrenunciar al usu de mines antipersona y facilitar el desmináu nes árees de la so influyencia. 55

•

Dexar en llibertá a los rehenes y secuestraos que tienen nel so poder.

A los gobiernos del mundiu: Nun vender armes nin alcordar cooperación militar, nin policial col gobiernu de Colombia mentanto nun cumpla col deber de respetar los drechos humanos y protexer efeutivamente’l drechu a la vida y les llibertaes fundamentales de la población. Nun soscribir convenios nin trataos de comerciu con Colombia, hasta que’l gobiernu respete los drechos humanos. Abstenese de faer cooperación al desarrollu que s’use como preséu pa llexitimar a los militares nes zones onde vienen atacando con impunidá’l drechu humanitariu internacional. Interesase pola situación de reclusión de los deteníos políticos en Colombia. Constituyir una misión internacional y apoyar téunicamente les xeres d’exhumación / identificación de cadabres na fosa común de La Macarena. Apoyar los esfuercios de les organizaciones sociales colombianes pa la “reconstrucción de la memoria”. 7-. Anexos Cuadru de sindicalistes asesinaos nel 2009

Instituciones / autoridaes visitaes Ministeriu del Interior y Xusticia, xefe del Programa de Proteición, Sr. Rafael Bustamante; Carlos Bernal, coordinador del Programa de Prevención. Fiscalía Xeneral de la Nación, Dr. Fernando Pareja, vicefiscal xeneral; Dr. Luis González, xefe de la Unidá de Xusticia y Paz. Procurador delegáu pa los Drechos Humanos, D. Mario González Vargas. Representante adxuntu de la Oficina en Colombia de l’Alta Comisionada de la ONX pa los Drechos Humanos en Colombia, Sr. Javier Hernández, y Sr. Jesús Peña, Coordinador del Programa de Polítiques Públiques. Embaxada d’España en Bogotá, D. Luis Mateos Paramio, conseyeru políticu, y D. Fernando Rey, de la Oficina Téunica de Cooperación de l’AECID en Colombia. Reutor del colexu pa puelos indíxenes “Fortunato Really Coemany”. Procuraduría Rexonal del Caquetá. Defensor Seccional del Puelu del Caquetá, Sr. Álvaro Castelblanco. 56

Conceyal de Regidor (Bolívar), Sr. Luis Mora Rodríguez. Cura párrocu de Regidor, D. Ubaldo Díaz. Luis Santiago de La Rosa, ex-alcalde de Río Viejo, Bolívar. Moisés Urieles Obeso, conceyal d’Arenal, Bolívar. Alcaldesa de Caldono, Sra. Enelia Salinas Chivatá. Autoridades indíxenes de puelos del Cauca visitaes: Yanacones. Totoroes. Kokonukos. Eseares. Nasa. Misak – Guambianos. Kisgoes. Conseyu d’Autoridaes Tradicionales Indíxenes del Oriente Caucano. CRIC. Autoridades indíxenes de los puelos del Putumayo: Siones. Kametsá. Murui. Kishwa. Autoridades indíxenes de los puelos del Caquetá: Asociación de Cabildos Huitoto del altu Caquetá. Comunidaes y organizaciones visitaes / entrevistaes: Comité Permanente de Defensa de los Drechos Humanos, CPDH. Asociación Nacional d’Ayuda Solidaria, ANDAS. Fundación Comité de Solidaridá colos Presos Políticos, FCSPP. Central Unitaria de Trabayadores, CUT. Confederación Xeneral de Trabayadores, CGT. Coleutivu d’Abogaos José Alvear Restrepo. Comité de Drechos Humanos del baxu Ariari. Asociación Colombiana d’Estudiantes Universitarios, ACEU. Xusticia y Paz. Asociación d’Esllarigaos d’Argelia (Cauca). Sindicatu de Trabayadores del Institutu de Desarrollu Rural, SINTRAINCODER. Sindicatu de Trabayadores Agrícoles Independientes del Meta, SINTRAGRIM. Rede de Drechos Humanos Isaías Cifuentes. Conseyu Rexonal Indíxena del Cauca, CRIC. Procesu d’Unidá del Suroccidente colombianu. Asociación d’Usuarios de Servicios Públicos de Popayán. Asociación de Destechaos. 57

Movimientu Ensin Tierra Ñetos de Quintín Lame. Asociación Comunidá Indíxena pola Soberanía Alimentaria, ARISA. Sindicatu Unificáu de la Educación del Cauca, SUTEC. Asociación Llabriega d’Inzá,Tierradentro. Federación Nacional Sindical Agropecuaria, FENSUAGRO. CINEP. ANDESCOL. Corporación Colombiana de Xuristes. Colombianes pola Paz. Espaciu Nacional de Muyeres Esllarigaes. MOVICE. Sindicatu de Trabayadores Agrícoles de Sucre. SINALTRAINAL. SINTRAMIENERXÉTICA. Fundaprogresu d’Orito (Putumayo). Asociación Llabriega Agrícola del Putumayo, ASCAP. Cabildu indíxena Monaide Jitoma Muruy (Sol Naciente). Conseyu Comunitariu Afro de Piñuñanegro. Xuntes d’Aición Comunal de Piñuñanegro: collaciones d’Alto Príncipe, San Joaquín, Balsora, Botadero, Comité de Salú Alto Lorencito, Alto Aguablanca, collación Chufiyá, Brisas de Aguablanca, Patagonia, Puerto Tolima, Remolino, Santa Helena, Peña Colorada. Xuntes d’Aición Comunal de Piñuñablanco: collaciones de Monteverde, Alto Toalla, Campoají, Comité de Salú Puerto Silencio, Aguasnegras, San Ignacio, La Paz. Xuntes d’Aición Comunal de La Perla Amazónica: collaciones de La Juvenil, San Salvador, La Piña, Bajo Cuembí, La Frontera. Xunta d’Aición Comunal collación Puerto Boy, río Mecaya. Conseyu Comunitariu Afro. Cabildu indíxena mestu Monaide Jitoma. Asociación Llabriega del Suroriente del Putumayo, ACSOMAYO. Corporación Caguán Vive. Asociación de Xuntes d’Aición Comunal del Caguán. Comité de Drechos Humanos de San Vicente. Coordinación Nacional de Víctimes y Familiares del xenocidiu escontra la Unión Patriótica. CPDH Caquetá. Iniciativa de Muyeres Colombianes pola Paz. Asociación d’Institutores del Caquetá, AICA. ANTHOC. Asociación de Llabradores Ensin Tierra de Regidor (Bolívar). Asociación de Pescadores de Regidor, ASPER. Cooperativa Multiactiva d’Arenal, COMUARENAL. Federación Agrominera del Sur de Bolívar. Corporación SEMAR. Mamines d’Aguachica y Soacha. 58

Sigles usaes nel VI Informe: ACEU: Asociación Colombiana d’Estudiantes Universitarios. ACSOMAYO: Asociación Llabriega del Suroriente del Putumayo. AECID: Axencia Española de Cooperación Internacional al Desarrollu. ANDAS: Asociación Nacional d’Ayuda Solidaria. ANTHOC: Asociación Nacional de Trabayadores d’Hospitales y Clíniques de Colombia. ASOGRAS: Asociación Agraria de Santander. AUC: Autodefenses Uníes de Colombia, grupu paramilitar. CAMAWARI: Cabildu Mayor Awá de Ricaurte. CIDH: Corte Interamericana de Drechos Humanos. CINEP: Centru d’Investigación y Educación Popular. COSPACC: Corporación Social pa l’Asesoría y Capacitación Comunitaria. CPDH: Comité Permanente pola Defensa de los Drechos Humanos. CRIC: Conseyu Rexonal Indíxena del Cauca. CTI: Cuerpu Téunicu d’Investigación de la Fiscalía Xeneral de la Nación. CUT: Central Unitaria de Trabayadores de Colombia. DAS: Departamentu Alministrativu de Seguridá. DANE: Departamentu Alministrativu Nacional d’Estadística. DHI: Drechu humanitariu internacional. ELN: Exércitu de Lliberación Nacional. EPSA: Empresa d’Enerxía del Pacíficu, Sociedá Anónima. ESMAD: Escuadrón Móvil Antialborotos. FARC-ep: Fuerces Armaes Revolucionaries de Colombia, Exércitu del Puelu. FENOCO: Ferrocarriles del Norte de Colombia, S. A. FENSUAGRO: Federación Nacional Sindical Unitaria Agropecuaria. FUNDAPAZ: Fundación Desarrollu y Paz. GAULA: Grupu d’Aición Unificada pola Llibertá Personal. INCODER: Institutu Colombianu de Desarrollu Rural. INCORA: Institutu Colombianu de Reforma Agraria. INDEPAZ: Institutu d’Estudios pal Desarrollu y la Paz. INPEC: Institutu Nacional Penitenciariu y Carcelariu de Colombia. ISI: Iniciativa Solidaria Internacionalista. IU: Izquierda Unida. LGTB: Lesbianes, gays, transexuales, bisexuales. MAPFRE: Seguros, Mutua de l’Agrupación de Propietarios de Finques Rústiques d’España. MOVICE: Movimientu de Víctimes del Puelu. NN: del llatín nomen nescio: nome desconocíu. ONIC: Organización Nacional Indíxena de Colombia. OIT: Organización Internacional del Trabayu. PNUD: Programa de les Naciones Xuníes pal Desarrollu. PTJ: Policía Técnica Xudicial de Venezuela. 59

SINTRAINCODER: Sindicatu de Trabayadores del Institutu Colombianu de Desarrollu Rural. SINALTRINAL: Sindicatu Nacional de Trabayadores de la Industria d’Alimentos. SINTRAIME: Sindicatu de Trabayadores de la Industria Metalúrxica. SUTEC: Sindicatu Unitariu de Trabayadores de la Enseñanza del Cauca. UIS: Universidá Industrial de Santander. UNIPA: Unidá Indíxena del Puelu Awá. USAID: Axencia de los Estaos Xuníos pal Desarrollu Internacional.