Nuummi ilinniarsimasuuvoq

– nalakkersuisarfimmiinnissani takorloortuaannarsimavaa

Hans-Henrik Djurhuus ukiut tallimat kingulliit umiartortuusimavoq.

Juunimi Imarsiornermik Ilinniarfimmiit, Grønlands Maritime Center

Nuummiittumit, sætteskipperitut ilinniarnerminik naammassisimavoq.

Ilinniarnermi iluani imarsiornermik ilinniarami ilinniarfimmini simulatorersuaq atorlugu umiartornissamut ilinniarpoq. Taanna nunarsuatsinni simulatorit annersaasa ilagaat, tssaniillunilu ajasoornalaanngitsoorneq ajornaqaaq, ilami pikkunaqigami. Kingorna umiarsuup naalagaatut atuaqqinnissani eqqarsaatigaa, tungaannullu suliinnarniarpoq. Takorluugaraa naalakkersuisarfimmi aalajangersimasumik sulilernissani.

”Sisimiuni Nuummilu peroriartorpunga. Ilinniarnertuunngoreerama iluatsitsillunga umiarsuarmut Georg Stagertunut ilaavunga, tamannalu asoorsuaq nuannaarutigaara. Taassuma kingorna RAL-ip angallataanni assigiinngitsuni ilinniartuullunga inuttaasarpunga, aammataaq niuffagiutinut ikiortitut.

Akkamma ilinniarnissannut isumassarsitinnikuuaanga. Siorngatigummi aamma ataataga maskinmesterisut angalasarnikuugami, taamaattumik suliluunniit atualernanga umiarsuarni suliassanut tunngassutillit ilisimasaqarfigilereernikuugakkit,” Hans-Henrik oqaluttuarpoq.

Sætteskipperisullu atualertinnani aamma ilinniagaqarsimasutut skibsassistentitut atuarsimavoq. Ullumikkut Ivalo Arcticami sulivoq.

Suleqatigiit imminnut paarisarput.

”Uanga umiarsuaaqqanut nunaqarfiliartaatinut inuttaarusunnerusarpunga, taakkunani suliassat amerlanerusarput aamma nunaqarfiit arlaqarneusut tikinneqartarput. Taamatut sulianut atatillugu angalanerit pissanganarnerusarput. Aammami taamaasillunga misilittakkakka tamatigoornerulerput. Ullut tamaviisa nutaanik ilikkagaqartarpunga.

Sapaatit akunneri arfinillit sulineq taavalu sapaatit akunneri arfinillit sulinngiffeqarneq uannut inuttut assut tulluarpoq, iluarisimaarpara.”

” Umiartorninni inuttat ilaanneeriarlutik taarserneqartarput, taamaakkaluartorli suleqatikka amerlanerit ilisarisimalluarpakka. Nutaat ikiorluarnissaat pingaartutut isigaara. Suleqatigiiulluta immitsinnut paarilluartarpugut. Angalaninni qiimasaartoqartuaannangajappoq, tamannalu inuttanut pingaaruteqaqaaq. Marlussoriarlungali aamma akerlianik nuannerpianngitsunik misigi-