Imaani iluatsilluassagaanni taava ilinniarluarsimasariaqarneq pingaaruteqarpoq

Forstanderi Bent Olesen Imarsiornermik Ilinniarfimmi Nuummiittumi, assut pimoorusserpalaarluni atuarfik takornariartippaa.. Maani aalisarnerup niuffannerullu iluani ilinniarneqarsinnaasut neqeroorutigineqarput. Tamakku saniatigut ilinniarfiup ilinniaqqinnerit pikkorissarnerillu STCW-mik taaneqartartut aamma ingerlatarai.

Maani atuarfimmi ilinniartut 10-25 miss. amerlassuseqarput – amerlanerillu angutaallutik. Inuusuttut pissarsiarineqarsinnaasut qassiuneri atuartussarsiornermut apeqqutaalluinnartarpoq. Ilinniartitsisut kalaallisut qallunaatullu atuartitsisarput. Atuarnermut naleqqulluartunik atortorissaarutinik amerlasuunik atuarfik peqarpoq, minnerunngitsumik taasinnaavarput nunarsuarmi aalisarnemut simulatorit annersaasa ilaat, – K-Sim aalisarnermut simulatori, taassuma ilinniartut misigitillualaavittarpai, soorlu tassa umiartuinnallarluni, allanit qanoq nigorterinissaq aamma qanoq talinnissap tungaatigut ilinniutaalluarluni.

Umiartortut naligiissinneqarlit

”Ukiuni kingullerne aalisariutit ikiliartuinnavipput, kisiannili ullutsinni aalisariutit siornatigor- nit angininngornikuupput. Tamanna isumaqarpoq ullutsinni aalisariutit ikinnernik inuttaqartalersut, kisianni uagut isumaginiarparput taakku inuttaasut naleqquttumik ilinniagaqarnissaat aamma pikkorissarnerit naleqquttut neqeroorutigineqarnissaat, taamaalioruttami suliffimmi isumannaallisaanikkut pissutsit isumannaassuserlu pitsaanerpaaffissaminniissammata,” forstanderi oqarpoq. Bentip qallunaat kalaallillu assigiimmik piginnaatitaaffeqarnissaat aamma sulissutigaa: ”Ullumikkut umiartortut Nunatsinni nunallit Danmarkimilu nunallit assigiinnik piginnaatitaaffeqanngillat. Assersuutigalugu umiarsuarni nunatsinneersuni sulisunut Nunatsinnilu najugalinnut atorfininnermut isumaqatigiissut piumasaqaataanngilaq. Nunatsinni imarsiorfik Danmarkip ataani inissisimavoq. Isumaga naapertorlugu tamanna akisussaaffigiumanngissutsimik takutitsineruvoq, naak tamanna pisinnaatitaaffiugaluartoq ajunngivissoq,” Bent Olesenip ilanngullugu oqaatigaa. Imarsiornermi inuussutissarsiornerit assut sullikkusuppai: ”Siunissamissaaq kalaallit inerisarluarsimasumik aalisarsinnaanissaat ilungersorluta iliuuseqarfigerusupparput. Taassuma