www.knisja.mt
Viżta Pastorali tal‑Arċisqof fil‑Parroċċa ta’ Santa Luċija
IL-ĦADD 20 TA’ JANNAR 8:30 am L-Arċisqof jamministra s-Sagrament tal-Qrar fil-Knisja Parrokkjali. 9:00 am L-Arċisqof jiċċelebra Quddiesa fil-Knisja Parrokkjali u wara jiltaqa’ ma’ dawk preżenti. 10:30 am L-Arċisqof jiltaqa’ mal-Kunsill Lokali u rappreżentanti tas-soċjetà ċivili għal laqgħa ta’ djalogu fis-sala parrokkjali. IT-TNEJN 21 TA’ JANNAR 5:30 pm L-Arċisqof jiltaqa’ mat-tfal u l-katekisti fis-sala parrokkjali. 7:00 pm L-Arċisqof jiltaqa’ mal-operaturi pastorali fil-sala parrokkjali. IT-TNEJN 28 TA’ JANNAR 6:30 pm L-Arċisqof jiltaqa’ mal-adolexxenti u ż-żgħażagħ tal-parroċċa għal laqgħa ta’ djalogu fis-sala parrokkjali. IT-TLIETA 29 TA’ JANNAR 11:00 am L-Arċisqof jiltaqa’ mal-istudenti u l-istaff tal-iskola sekondarja fil-Kulleġġ St Thomas More. RITRATTI TAL-VIŻTA PASTORALI: www.knisja.org /ritratti
20 – 29 TA’ JANNAR 2019
Messaġġ ta’ Mons. Arċisqof Charles J. Scicluna fl-okkażjoni tal-Viżta Pastorali fil-Parroċċa San Piju X, Santa Luċija Għeżież membri tal-Parroċċa ta’ Santa Luċija, huwa ta’ ferħ kbir għalija li f’dawn il-jiem se niġi f’din il-parroċċa għażiża għall-Viżta Pastorali. Fis-snin sittin, in-nies li kienu ġew joqgħodu fit-tarf tal-parroċċa ta’ Ħal Tarxien bdew jingħaqdu iżjed flimkien u ħassew il-ħtieġa li jkunu magħquda mhux biss bħala komunità ta’ residenti, iżda wkoll bħala komunità li ssib il-qofol tagħha fiċ-ċelebrazzjoni tal-misteri qaddisa. Dan sar bil-ħidma sfieqa ta’ ħafna nies, b’mod speċjali tal-għażiż saċerdot li għadu mibki sal-lum, Dun Amatore Gambin. Il-parroċċa riedu jiddedikawha lil Papa San Piju X, u l-predeċessur tiegħi l-Arċisqof Mons. Mikiel Gonzi, qatgħalhom xewqithom meta fl-1969 waqqaf il-knisja l-ġdida ta’ Santa Luċija bħala parroċċa indipendenti. Permezz taċ-ċelebrazzjoni tas-sagramenti, illum ukoll intom tinġabru bħala poplu ta’ Alla, lilu tagħtu qima u minnu tieħdu l-qawwa biex tkomplu tgħixu l-fidi tagħkom u tgħadduha lil uliedkom. Matul din il-Viżta Pastorali nixtieq mhux biss niċċelebra magħkom is-sagramenti imma nsir nafkom mill-qrib. Bħala l-Isqof tagħkom imsejjaħ minn Ġesù biex jagħti ħajtu għalikom, nixtieq immiss b’idejja r-realtà li qed tgħixu bħala komunità Nisranija u nitlobkom tgħinuni nifhimha iżjed. Waqt li nkun fil-parroċċa tagħkom ser niltaqa’ mat-tfal, maż‑żgħażagħ, mal-familji u ser niltaqa’ magħkom ilkoll, b’mod speċjali l-morda u l-anzjani. Nixtieq li ż-żjara tiegħi fostkom bħala l-Isqof tagħkom tkun esperjenza sabiħa għalina lkoll. Il‑Mulej iberikkom. X Charles J. Scicluna Arċisqof ta’ Malta