Roy’s LECHON
WE ACCEPT ORDERS
LECHON BABOY LECHON BAKA LECHON KARNERO
Damilag Manolo Fortich, Bukidnon For your orders contact cell #
09284446944-09056180290
Kagay-an Festival 1st Oro Lechoneros Encuentro Champion for orders: contact Yoyong: 09268083030 Yacapin-Burgos Sts. CdeO
Mindanao Star Inadlaw’ng Kasayuran ug Kalingawan sa Masa
BALITA
‘CCTV’ rekisitos sa bis permit renewal
VOL. I
No.109
Cagayan de Oro City
Biyernes
Nobembre 23, 2012
P8.00
Sinulat ni Fred B. Dellava Associate Editor
C
AGAYAN DE ORO CITY- SUBLING gihingusgan ni Mayor Vicente Emano nga sa sunod renewal sa mga business permits, dili na niini tugutan kun walay gimuntar nga closed circuit television (CCTV) camera ang usa ka establisiyemento.
Ang pamahayag gipagawas sa mayor human gitayog ang siyudad sa laing pagbusikad sa granada sa miaging adlaw nga miresulta
sa pagka-angol sa walo ka mga biktima, lakip na ang duha ka mga polis. Si Emano nagbutyag cctv /P4
‘Shabu dealer’ gisikop, gipriso Sinulat ni Arjay S. Felicilda, News Editor
BUTUAN City – Priso na karon ang usa ka gidudahang mamaligyaay sa ‘shabu’. Siya si Jimboy Sumabong nga taga-Purok 9, Brgy. Ong Yiu, ning dakbayan, kinsa nakuhaan og upat ka putos sa ‘shabu’ sa dihang gironda sa kapulisan ang iyahang balay kaniadtong petsa-20 ning bulana. Nakaplagan usab gikan sa iyahang balay ang tulo ka kawayan nga stick nga gihimong ‘sealer; upat ka disposable lighters; gunt-
ing; duha ka aluminum foils; lima ka basiyong sachets; transparent cellophane; ug kutsilyo. Ang pagronda sa balay ni Sumabong gisaksihan ni Barangay Kagawad Wilbert Ejos, DOJ Rep. Ronald T. Bedrijo ug Media Practitioner Danny Luyahan. Ang operasyon gipasikad sa search warrant nga gi-isyu ni Judge Augustus L. Calo sa RTC Branch 5, Butuan City. (basi sa report sa PRO-13 Information Office)
heighten alert level- Ang ginsakpan sa kapolisan sa Cagayan de Oro mas gipahugtan pa ang ilang pagbantay sa syudad human sa pagboto sa usa ka granada duol sa ganghaan sa police regional headquarter, niadtong Miyerkules sa buntag sa barangay Lapasan sakop ning syudad. Ang mga sakyanan ang gina-check sa mga personahe nga nag-checkpoint libot sa syudad. (hulagway kuha ni: GERRY LEE GORIT)
Armas sa anti-illegal logging task-force gikawat Sinulat ni Manuel M. Egay Jr Caraga Regional Editor
Butuan City – Igo na lamang sa pagpatala ngadto sa kapolisan ang nahimo sa mga miyembro sa anti-illegal logging task force human nga nahanaw ang pipila ka mga armas sulod mismo sa ilang gipuyang compound sa Dept. of Environment and Natural Resources Caraga Region niadtong Nobyembre 21, 2012. Sigon pa sa report nga daling nidangop sa kapolisan si Ireneo Supan Salvador, 48 anyos ang panuigon, usa ka logistic officer sa anti-illegal task force og iyang kauban nga si Ronald B. Reyes human nga ilang napalgan nga nahanaw na ang mga armas sa ilang kuarto. Temporaryong nahimutang ang ilang puy-anan sa Regional Training Center Hustel Building sulod mismo sa DENR Regional Compound, Ambago ning dakbayan. Nakuha gikan sa ilang lawak ang upat ka Thompson SMG kalibre 45, usa ka M16 baby armalite, 3 ka M16 magasin nga adunay 83 nga buhing bala armas /P4
2 priso misuway’g ikyas, dakpan Sinulat ni PJTREMEDAL, Western Mindanao Bureau
Oroquieta City - Duha ka binilanggo ang gustong magpakonsulta sa mga doctor sa Misamis Occidental Provincial Hospital ang misulay sa pag-ikyas nga nakaposas dihang manganaug na sa gisakyang tricycle kauban sa duha ka gwardia niini. Sa pakighinabi sa Mindanao STAR Balita kang Provinical Warden Gaspar
Dalumbar, iyang gikompirmar nga ang duh aka mga pinirisong gustong mo-ikyas sila si Ronie Teves, 26 anyos ang panuigon, minyo walay trabaho, Taga Calaran Calamba ug kasamtangang nabilanggo tungod sa kasong qualified theft kun pagpangawat ug si Jaybie Paglinawon, 23 anyos ang panuigon, ulitawo nga taga Bigaan, Mabini sa Lungsod sa Baliangao diin adunay giatubang kasong murder. Tungod sa pagpakabana
sa usa ka sakop sa OCTMB kun Oroquieta City Traffice Management Board nga si Sailidi Usman nga nakabantay sa duha ka tawo nga nagsikit ug gitabunan ang mga kamot, kini wala magpanuko sa pagdangop ngadto sa usa ka checkpoint nga aduna nagbantay nga pulis. Sa maong hitabo subling nadakpan ang mga miikyas nga binilanggo ug daling gi turn-over sa kapolisan sa pagmando ni Sa maong
pagkadeparar nasayran gayud nga ang duha ka tawo nagsikit mga binilanggo ug dali usab nga gidala sa kapolisan sa pagmando ni Superintendent Benjamin Talpis ngadto sa duha ka mga gwardiyang nasibatan. Ning pagbalita gibalik na sa ilang mga selda ang duruha ka mga binilanggo ug kasamtangan gipahigayong iusab ang usa ka imbestigasyon sa duha ka mga provincial Jail Guards.
Editorial: 74-5380, e-mail: mindanaostarbalita@gmail.com • Advertising: 0917-7121424