RHYBUDD AM DWYLL! Mae’r tÎm Safonau Masnach yn gofyn i breswylwyr Abertawe fod yn wyliadwrus yn dilyn cynnydd mewn gweithredoedd twyllodrus sy’n ymwneud â Coronafeirws. Mae nifer o weithredoedd twyllodrus COVID-19 wedi’u nodi, gan gynnwys y canlynol:
Gweithredoedd ad-dalu twyllodrus
Gweithredoedd twyllodrus ar garreg y drws
• Mae cwmnïau’n cynnig ad-daliadau ffug am wyliau i bobl sydd wedi gorfod canslo’u gwyliau. Dylai pobl sy’n ceisio ad-daliad hefyd fod yn wyliadwrus o wefannau ffug a grÍwyd i hawlio ad-daliadau am wyliau.
• Mae troseddwyr yn targedu pobl hŷn ar eu carreg drws ac yn cynnig gwneud eu siopa. Mae’r lladron yn mynd â’r arian ac nid ydynt yn dychwelyd. • Mae gwasanaethau glanhau carreg drws yn cynnig glanhau rhodfeydd a drysau i ladd bacteria ac atal ymlediad y feirws.
Gweithredoedd twyllodrus ar-lein • Mae pobl yn derbyn e-byst sy’n twyllo’r derbynnydd i agor atodiadau maleisus. Mae hyn yn eich rhoi mewn perygl o ladrad hunaniaeth, a bydd eich gwybodaeth bersonol, cyfrineiriau, cysylltiadau a’ch manylion banc mewn perygl. Mae rhai o’r negeseuon hyn wedi denu pobl i glicio ar atodiadau trwy gynnig gwybodaeth am bobl yn yr ardal leol y mae Coronafeirws wedi effeithio arnynt.
Nwyddau ffug • Mae hylifau diheintio, mygydau a phecynnau swabio COVID-19 ffug yn cael eu gwerthu ar-lein ac o ddrws i ddrws. Gall y nwyddau hyn fod yn beryglus.
Gweithredoedd rhoi twyllodrus • Mae rhai wedi adrodd am ladron sy’n gorfodi cwsmeriaid i roi arian trwy honni’u bod yn casglu rhoddion ar gyfer ‘brechlyn’ COVID-19.
Twyllwyr Credyd • Disgwylir i fenthycwyr arian anghyfreithlon dargedu caledi ariannol pobl, trwy fenthyca arian iddynt cyn codi cyfraddau llog a fďŹ oedd gormodol trwy fygythiadau a thrais.
Os oes gennych unrhyw amheuaeth ynghylch a ydych yn cael eich twyllo, neu os hoffech adrodd am weithred dwyllodrus, gallwch wneud hynny ar-lein – www.abertawe.gov.uk/ rhybuddionamweithredoeddtwyllodrus Fel arall, gellir adrodd am weithredoedd twyllodrus wrth Action Fraud ar-lein – www.actionfraud.police.uk neu drwy ffonio 0300 123 2040
20 Tŷ Agored: Rhifyn 2 2020
