PANIMULA

Hi! Salamat sa pagiging matatag!

Sa paminsan-minsang dinadala ka ng kalungkutan, kahirapan, at pressure ng buhay sa puntong iiyak na lamang nang ikaw lang ang nakakaalam.

Sa tahimik ngunit nakaririnding bulong ng pag-iisip na gumagambala ng iyong hinahon.

Sa mga pagsubok na pilit kang nililimitahan at maging ang pagbangon mo sa araw-araw.

‘Pagkat hindi sapat ang pagiging matapang lamang upang makayanan ang mga ito. Ito ay iyong nakayanan, nawa’y ang mga bukas mo’y masundan.

Sa paghahanap mo ng kakampi, natagpuan mo ang panitikang ito. Marahil ang mga akda’y ‘di sapat ngunit sana’y matagpuan mo ang mga salitang gusto mong marinig.