MS WORD 2003 ПОЧЕТНИ ЕЛЕМЕНТИ Текст процесорот Microsoft Word е еден од најраспространетите и најкористените текст процесори во светот. Во секоја фирма или институција најголемиот дел од работата на компјутерите најчесто се одвива со користењето на Word. Сите деловни и административни преписки најчесто се пишуваат во Word. Иако неговите можности се огромни, Word е необично едноставен за користење. Сепак, со оглед на огромниот број на можности не може да се избегне извесен степен на сложеност. Во понатамошниот текст ќе бидат обработени оние делови на Word кои најчесто се користат не навлегувајќи во ексклузивни детали кои Word го чинат сложен.
АКТИВИРАЊЕ НА WORD Word се активира преку Start менито на следниов начин: 1. Се кликнува на копчето Start за да се отвори менито Start. 2. Во Start менито се избира All Programs. 3. Се избира Microsoft Office. 4. Во следното мени се кликнува на Microsoft Office Word 2003.
ПРОЗОРЕЦ НА WORD Секоја апликација по активирањето добива свој правоаголен простор на екранот кој се нарекува прозорец. Кога Word ќе се активира, на екранот се појавува прозорец на апликацијата Word. Со оглед на унифицираноста на објектите под Windows, прозорецот на Word ги има истите елементи како и кој било друг прозорец. Разликата е во бројот на лентите со алатки, кои овде ги има многу повеќе, во наредбите на мени линијата, статусната линија итн. Ако се има предвид намената и комплексноста на Word, јасна е причината за овие разлики.
ЛЕНТИ СО НАРЕДБИ Издавањето на наредбите во Word може да се одвива како и кај останатите апликации кои работат во Windows. Овие наредби можат да се зададат преку менијата, со кратенки од тастатурата или преку лентите со алатки. Кој метод ќе се одбере зависи, пред сé, од волјата на корисникот. Извршувањето на наредбите преку менијата се прави на класичен начин – се кликнува на името на менито и од листата која ќе се појави се избира соодветната наредба. Наредбите во менијата се појавуваат на два начина: адаптивно и комплетно. За разлика од комплетното прикажување на наредбите кога се прикажуваат сите наредби од менито, адаптивниот начин претставува прика-