對翻譯講起 詞彙ê差異、語法ê精差 2016年8月初2 基進台語文班 劉承賢
議程 • 實戰：《1Q84》 • 詞彙ê對譯 • 語法ê差異 • 台語tsiah有ê用法 • 實戰：koh試㇐擺
踏話頭：理想佮現實Ê差別 • 理想：用計劃書寫ê語言直接思考佮書寫 • 問題：因為袂慣勢iah是無熟手致使撞突閣了力 • 掠中和：先取上熟手ê語言kā寫hōo好，tsiah-koh翻譯。 • 心態 • 計劃beh書寫ê語言佇「語法」佮「詞彙」頂懸ê練習 • 練久就會熟手，毋通餒志
• 毋但是台語按呢，其他ê語言uân-nā仝款 • 下跤咱就取翻譯出發，來看台語、華語ê無仝
實戰：《1Q84》村上春樹 著，賴明珠 中譯
BOOK 1．第1章．第9頁．第2段 （華）青豆閉上眼睛，側耳傾聽著音樂。管樂器齊奏的美麗聲響傳入腦中。然後忽然想 起㇐件事。以計程車的收音機來說音質未免太好了。
現實當中會拄--著Ê問題
詞彙Ê對譯
錯誤Ê期待 X 會當㇐个對㇐个按呢揣著另外㇐个語言內底對應ê詞項 X 就準詞項佇無仝語言無㇐對㇐ê對應，上無嘛會有某㇐款對應（㇐對多、多對㇐） X 語言之間ê詞類有對應，比論：Tsit爿是副詞，hit爿若有對應詞嘛定著是副詞
無仝語言之間Ê詞彙共通點KAN-TANN有... • 語言之間ê詞彙差異是無道理thang講--ê，詞彙有任意性，除了有親屬關係ê語言，定定揣 袂著跨語言ê詞彙通性。 • 人類語言佇詞彙頂懸ê共通點kan-tann有： • 所有ê語言攏有動詞，所有ê語言嘛攏有名詞（有㇐寡語言佇有名詞抑無tsit件代誌猶有 爭議，因為hia-ê名詞ê某㇐寡表現嘛親像動詞仝款。） • 所有ê語言ê核心詞彙攏包括身體部位、色水ê詞彙kan-tann「烏」佮「白」㇐定有、另 外就是「爸母」佮「囡仔」、「暗暝」、「日--時」、「月娘」、「雨」等等。 • 所有ê語言攏有某㇐種代名詞系統，其中上無有區分「第㇐人稱」和「非第㇐人稱」兩 種，而且嘛攏有某㇐款關係「所有權」ê表達方式。
詞彙Ê無對應性 • 2004/06/22 BBC報導講有㇐个組織Today Translations對㇐千个語言學家針對「上 僫翻譯ê字詞」做調查 • 第㇐名是Congo東南部ê Tshiluba語ê「ilunga」 ，「ilunga」ê意思是「佇第㇐擺 hông欺負ê時總是會當原諒，第二擺猶有法度吞忍，毋過到第三擺就絕對無koh容 允ê人」
• 就準無對應詞，咱猶原會用得想辦法斟酌kā說明，總--是koh-khah按怎嘛無才調展 現㇐个詞伊牽涉及ê在地ê指涉性、文化經驗、文化意涵等等
詞彙Ê無對應性（續） • Canada ê原住民語Gitksan ê智識性模態詞是無固定ê強度--ê • 華語ê智識模態詞，對強到弱：『㇐定、應該、可能、大概／或許』
詞彙Ê無對應性（續） • 其他ê例： • 對應中文「江湖」ê英文詞是？ • 日文ê「積ん読（つんどく）」佇華語ê對應詞是？ • 台語ê「𢯾壁鬼」佇華語是對應啥mih詞項--leh？
• 某㇐个語言內底若揣無別ê語言ê詞項對應，嘛袂用得講伊就khah䆀 • 差不多逐个語言攏有別ê語言無ê詞彙，嘛有揣無別ê語言ê對應詞項ê情況 • Beh補充詞彙無困難：假使hit个語言猶原佇逐款都合真普遍咧使用，自然tik就會創 詞或者是直接吸收外來詞（語）
• 翻譯佮學習外語ê時，著愛注意詞彙無對應性ê事實
詞類Ê無對應性 動詞是所有人類ê語言--裡攏有ê詞類，名詞小可有爭議，毋過算是第二个普遍ê詞類— 對應人類認知ê兩個原型 咱對tsia thang知，咧翻譯ê時，咱咧揣ê某㇐个對應詞凡勢根本無屬佇仝㇐个詞類 兩个身軀邊ê例： • 真濟華語佮英語內底ê副詞，佇台灣南島語是動詞 • 台語ê副詞數額比華語ke足少
詞類Ê無對應性（續） Seediq/『賽德克語』（Holmer 2010:174 (17)）
台語ê副詞數量比華語ke足少，khah濟是用動詞表達（「X」表示無正確ê用法） • 華語真慣勢取『地／的』做副詞標記ê後綴：『靜靜地、高高地、高高興興地、心甘情願 地、用力地』 • 台語ê「仔」無tsit款能產性：「好禮仔、恬恬仔、X懸懸仔、X歡歡喜喜仔、X心甘情願仔、 X出力仔」，有人用詞尾加㇐个「ê」咧創造台語副詞，he koh-khah離經
按呢．．．欲按怎KHAH好？ • 假如有對應詞，字詞典佮𠢕人會當鬥相共 • 網路頂ê辭典資源（後㇐張投影片）
• 定定咱感覺「無對應詞」，是因為本身ê詞彙量缺欠，koh對使用工具查詢無夠熟手 • 若有影to無對應ê詞項，就只好： • 「換㇐个方式來講」 • 借詞 • 創詞（http://itaigi.tw/） • 例：牽索跳崁
詞彙翻譯Ê家私頭仔 • 《新編華台語對照典》樟樹出版社（TLPA 標音） • （線頂）台華對應綜合大詞典（傳統白話字） • （線頂）教育部臺灣閩南語常用詞辭典（臺灣羅馬字） • （線頂）台日大辭典台語譯本（傳統白話字）：愛看原書頁面ê掃描khah免誤譯誤導 • （線上）單純查漢字ê讀音（白話音、文讀音）佮用法：甘字典（傳統白話字） • 李江却台語文教基金會台北讀書會（逐禮拜㇐暗時７：３０；西門町）
注意：工具Ê限制 • 有ê字詞典工具kan-tann提供簡單ê對應詞，無相關ê用法、解說佮例句 • 例：（台語）巴結、儼硬、擒糊、堅強、tīng-tauh = （華語）『堅強』 • （台語） 「儼硬」佮「擒糊」和「巴結、堅強、tīng-tauh」無仝，有特殊ê使用限制 • 「儼硬」（giám-ngē）kan-tann用佇講女性 • 「擒糊」（khînn-kôo）kan-tann用來講男性
• 捷討論、捷請教、捷查有提供詳細解說、例句ê工具 • 真濟khah幼路ê物件是佇讀冊會學--著--ê
詞彙蓋幼路Ê精差 • 華語『硬』、『軟』 vs. 台語「tīng」、「硬（ngē）」、「軟」 • 華語『溼』、『乾』vs. 台語「澹、溼、tshî、潤」、「焦、loo」 • 華語『抱』vs. 台語「抱（離地）、mooh（無離地）、siâm（雙手箍--leh）」 • 華語『癢』vs. 台語『擽 (ngiau)、癢』 • 『華種』：台插甘蔗、台墊塗豆、台硩蕃藷 • 『 華送』 ：台送、台貺（hīng）
• 刣豬無相請，嫁查某囝咧貺大餅
• 『 華掏錢』 、「華掏槍』 ：台撏（jîm）錢、台拔（puh / puh）銃。 • 『 華你儘管吃』 ：「台做你食」
TANN，KOH試一擺！
• 非共通詞ê參考對應詞彙： 華語
台語
閉
瞌（kheh）
眼睛
目睭（bk-tsiu）
側耳傾聽
ànn耳聽
管樂器齊奏的美麗聲響傳入腦中。
齊奏
合奏
然後忽然想起一件事。以計程車的
聲響
聲音
然後
了後
忽然
雄雄
事
代誌
收音機
la-jí-ooh
未免
未免得
太
傷
了2
矣（--ah）
（華）青豆閉上眼睛，側耳傾聽著音樂。
收音機來說音質未免太好了。
詞彙是替換--AH，毋過….. （台）？？？青豆瞌上目睭，ànn耳聽著音樂。管樂器合奏ê美麗聲音傳入腦中。了後 雄雄想起㇐件代誌。以計程車ê la-jí-ooh來講音質未免得傷好--ah。
無要意語法Ê結果 • 干焦詞彙對譯，無考慮語法ê無仝，仝款無法度有好ê翻譯 • (法語)
Jean embrasse souvent Marie.
• (英語) X John kisses often Mary. (隨个詞對譯ê結果) • (英語) O John often kisses Mary. / John kisses Mary often. (隨个詞對譯+語法修正) • (英語)
John is talking with Mary.
• (法語) X Jean est parlant avec Marie. (隨个詞對譯ê結果) • (法語) O Jean parle avec Marie. (隨个詞對譯+語法修正) O Jean est en train de parler avec Marie. (隨个詞對譯+語法修正)
語法Ê差異
啥物號做語法？ • 屈折變化：印歐語系語言ê動詞有時貌性數變化、名詞單複數性別ê變化；漢語無 • 語序：語法牽涉著字詞組成語句ê排列組合方法 • 以主語（S）、謂語（V）佮賓語（Ｏ）ê基本語序來舉例 (1)a. 水順 佮意 銀環。(台) S
Ｖ
(2)a. 私は あなたを 愛している。(日語)
Ｏ
S
V
V （我
你 愛）
b. .난 널 사랑해。 (韓語)
b. 張三 喜歡 李四。(華) S
O
O
S O V
（我
你 愛）
(3) a. Mavaango imhuan yaw. (Siraya /『西拉雅語』) = 我愛你 V
O
S
（愛
你
我）
b. Maolah kako to pusi. (Pangcah / 『阿美語』) = 我 佮意 貓 V
S
O
（佮意
我
貓）
主謂賓Ê語序之外 • 毋通無去注意著hia-ê koh-khah幼路ê語序差異，比論：副詞位置 • 英語佮法語攏是「主謂賓／ＳＶＯ」ê基本語序 (4)a. Je fais toujours mes devoirs.（法語） 我做
總是
我ê 宿題
S V
O
b. I always do my homework.（英語） 我 總是 做 我ê 宿題 S
V
O
台語Ê賓語強制提前 (5)a. 我 吃飽 飯 了.....。
（華語）
b.X我 食飽 飯--ah.....。 （台語，語法錯誤） (6)a. 張三 做完 工作 了。 （華語） b.X水順 做完 工課--ah。（台語，語法錯誤） (7)a. 我 飯 食飽--ah.....。
（台語）
b. 我 食 飯 飽--ah.....。 （台語） (8)a. 水順 工課 做完--ah。 （台語） b. 水順 kā 工課 做完--ah。（台語）
佇當時賓語愛強制提前？ • 動作+結果
• 動作+ 了/完/煞/好
(9)a. 門 拍開。（台語，正確ê語句）
(12)a. 水順 冊 讀了--ah。（台語，正確ê語句）
b.X拍開 門。（台語，無好ê語句） (10)a. 火 點著。（台語，正確ê語句） b.X點著 火。（台語，無好ê語句） (11)a. 手 攑懸。（台語，正確ê語句） b.X攑懸 手。（台語，無好ê語句）
b.X水順 讀了 冊--ah。（台語，無好ê語句） (13)a. 慶餘 宿題 寫完--ah。（台語，正確ê語句） b.X慶餘 寫完 宿題--ah。（台語，無好ê語句） (14)a. 銀環 意見 講煞--ah。（台語，正確ê語句） b.X銀環 講煞 意見--ah。（台語，無好ê語句） (15)a. 阿卿 衫 洗好--ah。（台語，正確ê語句） b.X阿卿 洗好 衫--ah。（台語，無好ê語句）
㇐寡賓語提前Ê例外 • 例：刣死人、摃破甌仔 • Tsit寡例內底ê「死、破」檢采毋是結果（補語），猶原有動詞ê性質 • 例：死某、破柴、破甘蔗
• 而「刣、摃」是修飾「死」與「破」ê成份
動量詞佮名量詞 • 除了名詞性質ê賓語，動量詞及名量詞嘛無啥會當直接下佇頂面hit兩類ê謂語後壁， 咱著愛kā動詞重複 (16)a.X攑手，水順 有 攑懸 三擺。（台語，無好ê語句） b. 攑手，水順 有 攑懸 攑 三擺。（台語，正確ê語句） (17)a. X衫，阿卿 洗好 三領--ah。（台語，無好ê語句） b. 衫，阿卿 洗 三領 洗好--ah。（台語，正確ê語句）
單位詞／量詞頭前數字「㇐」袂使省略--得 • 重覆「數詞＋單位詞（或量詞）」表達分配性抑是隨个成組等等ê意思 (18)a. 學生㇐個㇐個離開了教室。（華語）
b. 米㇐包㇐包地被領走。（華語）
(19)a. 學生仔㇐个㇐个離開教室。（台語）
b. 米㇐包㇐包予人領--去。（台語）
• 華語定定將第二个數詞「㇐」kā省略，毋過，這款數詞簡省，佇台語是bē用--得--ê (20) 米㇐包包地被領走。（華語） (21)X米㇐包包予人領--去。（台語，無好ê語句）
單位詞/量詞Ê重疊使用 (22)a. 池塘邊，㇐隻隻的鴨子來來去去。（華語） b. 這裡的表演，場場都精彩！ （華語） (23)a.X埤仔墘，㇐隻隻ê鴨仔來來去去。（無好ê台語句） b.XTsia ê表演，場場攏精彩。 （無好ê台語句） (24)a.?埤仔墘，㇐隻㇐隻ê鴨仔來來去去。（比(23a)khah好，毋過猶原怪怪） b. Tsia ê表演，逐場攏精彩。 （好ê台語語句） (25)a. 埤仔墘，(有)鴨仔㇐隻㇐隻來來去去。 （好ê台語語句）
問句Ê類型佮構成 • 台語ê是非問句無咧用『嗎』做疑問助詞 (26) a. 你要去嗎？（華語） b. 你敢欲去？（台語） c. 你欲去--無？（台語） • 台語除了「是毋是」，無「Ｖ毋V」ê問句構成 (27)a. 你去不去花蓮？（華語） b.X你去毋去花蓮？（台語，無好ê語句） (28)a. 你高不高興？（華語） b.X你歡無歡喜？（台語，無好ê語句）
「V著」毋是「持續」Ê意思 • 華語ê「動詞+著」，表達--ê是「持續貌」 (29)a. 張三騎著腳踏車去學校了。(華語) b.X水順騎著跤踏車去學校--ah。(台語；無好ê語句) • 台語ê「動詞+著」，上定看--見--ê是表達「動作達成」（對應華語ê『動詞+到』） (30)a. 水順看著銀環--ah。（台語） b. 水順看到銀環了。 （華語）
「咱」佮「阮」 • 「咱」(lán) 包括對話者 • 「阮」(guán/gún) 無包括（排除）對話者
「KĀ」與『把』 • 台語「kā」ê功能佮語意，比華語ê『把』ke真豐富 (31)a. 添發kā阿卿拍。（台語） b.X添發把阿卿打。（華語，無好ê語句） (32)a. 添發kā阿卿賣㇐領衫。（台語） b.X添發把阿卿買㇐件衣服。（華語，無好ê語句） (33)a. 添發kā我偷走學。（台語） b.X添發把我逃學。（華語，無好ê語句） (34)a. 添發kā我食三罐酒--去-ah。（台語） b.X添發把我喝掉三瓶酒了。（華語，無好ê語句）
究勘「KĀ」Ê用法 • 上無會當接「受惠者」、「受事者」、「來源」、「標的」 (35)a. 水順 kā 銀環 量血壓。 (台語；根本無需要用「幫」) b. 水順 kā 銀環 拍。 c. 水順 kā 銀環 偷提 兩百箍。 d. 水順 kā 銀環 睨 足久。
動詞、形容詞重疊 • 紅紅（台語）：程度減輕 • 紅紅紅（台語）：程度加強 • 『我吃吃』（華語）＝「我食看覓」（台語） 「X我食食」（台語無tsit款用法） • 『快吃㇐吃』（華語）＝「緊食食--咧」（台語）
毋是形容詞+「地/的」就會變副詞 (36)a. 慶餘靜靜「地」坐在椅子上。（華語） b. 那些燈籠高高「地」懸在門前。（華語） c. 銀環高高興興「地」離開了辦公室。（華語） d. 水順不是心甘情願「地」捐錢的嗎？ （華語） e. 昨天，阿卿無巧不巧「地」遇見了前夫。（華語） f. 添發用力「地」掙脫繩子。 （華語） (37)a.X慶餘恬恬「ê」坐佇椅仔頂。（台語，䆀句） b.XHia-ê鼓仔燈懸懸「ê」吊佇門頭前。 （台語，䆀句） c.X銀環歡歡喜喜「ê」離開辦公室。（台語，䆀句） d.X水順敢毋是心甘情願「ê」寄附--ê？（台語，䆀句） e.X昨昏，阿卿千拄千「ê」拄著in前翁。（台語，䆀句） f. X添發出力「ê」kā索仔liòng--開。（台語，䆀句）
比較句（來源：邱偉欣）
比較句（來源：邱偉欣）
台語TSIAH有Ê用法
「對應」嘛袂得到Ê所在 • 對華語出發，翻做台語，罕得會去想著台語tsiah有ê詞彙、語法、用法、俗諺 • 這嘛是咱愛培養直接用台語思考、講話、寫作ê原因 • 下跤舉㇐寡例
KHAH愛用「主題」 • 語句會當拆做：「主題」（受評論ê對象／目標）佮「評論」兩个部份 • 「手攑懸」做例，「手」會當看做主題，「攑懸」會用得看做對「手」ê評論 • 台語khah愛句內底有提去頭前ê成份來做評論對象ê「主題」 (38)a. 有好空--ê伊攏嘛走代先。（台語；引自盧廣誠2002） b. Tse寫德語我看無。（台語） c. 你掀了siunn緊我看無明。（台語） d. 紙幾張仔予--我。 （台語；引自盧廣誠2007） e. 衫洗予清氣。 （台語）
「是」Ê用法 • 台語ê「是」會當出現佇咧華語袂使 用ê所在 (39)a. 張三 慌慌張張 是 要去買什麼？（華語） b. 阿卿 兇兇狂狂 是 欲去買啥？（台語） (40)a.X張三 是 慌慌張張 要去買什麼？（華語；台灣國語） b. 阿卿 是 兇兇狂狂 欲去買啥？（台語） (41)a. 水順 是 凡勢 走去台北揣銀環--ah。（台語） b. X張三 是 或許 跑去台北找李四了。（華語；無好ê語句）
謂語重複 • 台語會當透過謂語重複來表達「teh-beh發生」抑是「有某㇐款傾向」ê意思 (42)a. 外口 欲落雨 欲落雨。（台語） b. X外面 要下雨 要下雨。（華語；無好ê語句） (43)a. 水順 工課 做著 毋甘願 毋甘願，我看緊縒慢會辭掉無愛做。（台語） b. X張三 工作 做得 不情願 不情願，我看遲早會辭職不做。（華語；無好ê語句）
聽袂著Ê輕動詞HŌO後壁Ê動詞取代 • 食餐廳(在)、駛身份證(用)、食頭家(從)、洗sat-bûn(用)、啉甌仔(用)、食裝潢 (為)， 食生日(為) 小語句 輕動詞組
水順
動詞組
(用) sat-bûn
洗
「咧」VERSUS『在』 • 台語ê動貌詞「咧」ê用法佮華語『在』真無仝，下跤kan-tann舉㇐个類型做例 (44) a. (台) 我咧你咧今仔日是咧無代無誌咧落啥乜雨！ b. (華) X 我在你在今天是在無緣無故在下什麼雨！（無好ê語句） (45) a. (台) 啥乜咧好佳哉伊去台北！ b. (華) X 什麼在幸好他去台北！（無好ê語句） (46) a. (台) 我咧伊有夠gâu--ê啦！ b. (華) X 我在他好能幹呀！（無好ê語句）
實戰：再試㇐次
將語法問題改HŌO好 SI-Á-GEH （台）？？？青豆瞌上目睭，ànn耳聽著音樂。管樂器合奏ê美麗聲音傳入腦中。了後 雄雄想起㇐件代誌。以計程車ê la-jí-ooh來講音質未免得傷好--ah。 Khioh去語法錯誤： （台） ？青豆目睭瞌上， ànn耳聽音樂。管樂器合奏ê美麗聲音傳入腦中。了後雄雄想 起㇐件代誌。以計程車ê la-jí-ooh來講音質未免得傷好--ah。 Koh si-á-geh： （台） 青豆目睭放瞌， ànn耳聽音樂。管樂器合奏ê美麗聲音傳入頭殼內。了後雄雄想 著㇐件代誌。以計程車ê la-jí-ooh來講這音質若親像有傷過頭好--喔。
用MOJA WIERNA MOWO (CZESŁAW MIŁOSZ作)做例 My Faithful Mother Tongue
我會信憑--得ê母語
Faithful mother tongue,
我會信憑--得ê母語，
I have been serving you.
我㇐直teh服侍--你。
Every night, I used to set before you little bowls of colors
逐暗我佇你面頭前tshāi濟濟五彩ê甌仔，
so you could have your birch, your cricket, your finch as preserved in my memory.
自按呢你就有你ê水柯仔、蟋蟀仔佮望冬tiú仔 親像tiâu踮我ê記持--裡hit㇐樣。
This lasted many years.
Tsiah濟冬--ah。
You were my native land; I lacked any other.
你bat是我ê祖國因為我揣無別个--ah。
I believed that you would also be a messenger
我信你會做中人
between me and some good people
佇我佮㇐寡好人中間，
even if they were few, twenty, ten or not born, as yet.
就準好人真乏，廿个、十个， ia̍h者是未tsîng出世。
Now, I confess my doubt.
Tsit-má我承認我感覺憢疑。
There are moments when it seems to me I have squandered my life.
有bat幾若擺我ná親像是kā性命拍損--去。
For you are a tongue of the debased,
因為你是粗俗人ê語言，
of the unreasonable, hating themselves
是無講理ê人ê語言，是屬佇hia-ê怨恨in家己
even more than they hate other nations,
khah贏過怨恨別ê民族ê人--ê，
a tongue of informers,
抓耙仔ê語言，
a tongue of the confused, ill with their own innocence.
無頭神ê人ê語言， in因為in家己ê愚圖病kah。
But without you, who am I?
總--是若無你，我是算做啥貨？
Only a scholar in a distant country,
只不過是蹛佇迢遠ê外國ê㇐个學者，
a success, without fears and humiliations.
㇐个無驚惶佮見笑有出脫ê人。
Yes, who am I without you?
Hennh啊，無你我是算做啥siâu？
Just a philosopher, like everyone else.
kan-tann是㇐个㇐四界有ê哲學家。
I understand, this is meant as my education: the glory of individuality is taken away,
我了解講tse就是我受ê教育： 個人ê榮光卸離，
Fortune spreads a red carpet before the sinner in a morality play
榮華舖紅地氈
while on the linen backdrop a magic lantern throws
佇勸善ê戲內底ê罪人面頭前，
images of human and divine torture.
仝hit个時陣帶魔法ê鼓仔燈 tshiō出佇烏脂麻布頂人類hām神聖著磨ê圖。
Faithful mother tongue,
我會信憑--得ê母語--啊，
perhaps after all it's I who must try to save you.
檢采無論按怎我攏著愛救--你。
So I will continue to set before you little bowls of colors bright and pure if possible, for what is needed in misfortune is a little order and beauty.
所致我會繼續佇你面頭前tshāi濟濟五彩ê甌仔 若會用--得就予in光通koh清氣， 因為佇不幸ê當中咱需要--ê是淡薄仔秩序佮媠氣。
宿題 • 倒手爿這張相是佇新竹市內ê公車牌仔邊翕 --ê，請透過逐款方式（字詞典、問--人、 做伙討論…），將頂懸ê文字翻做台文－媠、 koh正pān ê台文。