PRENTSA-OHARRA 2014-12-17 SOPELAKO PRENTSA-OHARRA 2014-12-17 SOPELAKO UDALA UDALA 2015. URTERAKO AURREKONTU PROPOSAMENA
PRENTSA OHARRA
2014-12-17
Sopelako Udal Gobernuak milioi bat euroko inbertsioak aurreikusi ditu 2015. urterako aurrekontu proposamenean Aurrekontua abenduaren 30eko osoko udal bilkuran bozkatuko da. Inbertsio nagusiak honakoak izango dira: bidegorrien eraikuntza, umeentzako jolas berriak, HAPO berria eta irisgarritasuna eta oinezkoen mugikortasunaren hobekuntza. Sopelako Udal Gobernuak 2015. urterako aurrekontu-proposamena osatu du, ia-ia 13 milioi euroko kontuetara helduz, 12.989.099 euro, hain zuzen ere (iaz aurrekontua 12,5 milioi eurokoa izan zen). 2015. urtean Udalak izango dituen diru-sarrerak handituko direla aurreikusi du Udal Gobernuak, 2014. urteko kontuekin konparatuz gero. Sarrerak %3,85 igoko direla aurreikusi du tokiko gobernuak, batez ere beste erakundeen aldetik jasoko diren ekarpenei esker (Udalkutxaren ekarpena %6,19 igoko da). Udalak dituen sarrera propioak %0,67 igoko dira, prezio publikoetan eta bestelako sarreretan %8,07 gehiago jasoko den arren. Izan ere, udal zergetan %3 gutxiago jasoko da (Obra eta Eraikuntzen zergetan eta Hiri Izaera duten Lurzoruen zergetan). Diru-sarrera hauen aurreikuspenetan oinarriz, Udal Gobernuak aurrekontu-proposamen orekatua egin du. Ohiko gastuak udal aurrekontuaren gorakadaren azpitik igoko dira. 2013. urtetik, Udalak ez du inolako zorrik eta bere kontuak egoera egonkorrean daude. Horrek, hainbat eremutan inbertsioak egitea ahalbidetuko du. 2009-2011 tartean ez bezala, 2012. urtetik ohiko gastuetatik inbertsioetara bideratutako portzentajea positibo bihurtu da eta urtez urte handituz doa: 2009. Urtean %-0,19 izan zen, 2010 eta 2011. Urteetan %-0,23. 2012. Urtean %4,07, 2013. Urtean %4,86, 2014. Urtean %6,86 eta hurrengo urterako, %7,69-koa izango dela aurreikusten da. Testuinguru orokor honetan, aurrekontu proposamena aurreikusitako gastuetara egokituta dago, larriak diren inbertsioak kontuan hartuz eta ongizate sozialean beharrezkoak diren inbertsioak bideratuz. Aurrekontu hauen helburu nagusia honakoa izango da: sopeloztarren beharrizanak asetzen saiatzea, bizi dugun egoera ekonomikoan, herritarrek Udalaren aldetik konpromiso eta parte-hartze handiagoa eskatzen dutelako. Ekonomiaren sustapenak eta enpleguak diru-sail zehatzak izango dituzte, eta Ongizate Sozialerako baliabideak ere mantenduko dira. Aurrekontu-proposamenak ezaugarri oso gazteak dituen herritarren ekarpenak izan ditu kontuan (Sopela Autonomi Erkidegoko herri gazteen artean dago). Inbertsio nagusiak Udal Gobernuaren aurrekontu-proposamenak milioi bat euro bideratuko ditu inbertsioetarako. Dirusail nagusia bidegorri-saria handitzeko izango da. Gatzarri単eko bidegorriaren kasuan, Ander Deuna
PRENTSA-OHARRA 2014-12-17 SOPELAKO PRENTSA-OHARRA 2014-12-17 SOPELAKO UDALA UDALA 2015. URTERAKO AURREKONTU PROPOSAMENA
ikastolako erabiltzeen aldarrikapen historikoa izan da. Atxabiribil etorbideko bidegorriaren kasuan, Sopelmarreko auzokideek eta hondartzetako erabiltzaileek sinadura-bilketa egin zuten aipatu bidegorria eskatzeko. Udalak kontuan hartu ditu eskakizun horiek eta 315.000 euro bideratuko ditu horretarako. Hurrengo diru-sailik handiena Hirigintza Antolamendurako Plangintza Orokorrerako (HAPO) izango da, 150.000 eurorekin. 2014. urtean Arau Subsidiarioen berrazterketa egiteko prozesua hasi zen, eta HAPO-a idazten hasi zen, idazketa-taldearen kontratazioarekin. Eremu honetan aurreikusten diren lanak 2017. urtera arte luzatzea espero da. Udal Gobernuak HAPOaren bidez orain arte bultzatutako hirigintza-eredua aldatu nahi du, etxebizitza soziala bultzatuz, mugikortasun jasangarria, ingurunea errespetatuz, e.a. Bide horretan, HAPOa ezinbestekoa izango da. Umeentzako jolasei dagokionez, Udalak 146.000 euroko diru-saila bideratuko du. 2011. Urtetik, Udalak azpiegitura ugaritan hobekuntzak egin ditu, eta bost jolasgune berri sortu ditu herriko gune ezberdinetan. Diru-sail honekin, hobekuntzak behar dituzten hainbat jolas hobetuko dira, eta aterpea duen jolasgune bat eraikitzeko aukera aztertuko da. Bestelako inbertsioak honakoak izango dira: 125.000 euro erdiguneko mugikortasuna eta irisgarritasuna hobetzeko, 89.000 euro kolektoreak konpontzeko, 77.000 euro eraginkortasun energetikoarekin jarraitzeko, 13.000 euro banku eta kaleko azpiegiturak, 10.000 euro markesina berri bat eraikitzeko, e.a. Era berean, modu nabarmenean mantenimenduagaz lotutako diru-sailak handitu dira: 8.000 euro errepide eta espaloien mantenimendurako, 18.000 euro kaleko argiteria konpontzeko, 5.000 euro iturrientzat, e.a. Kultura, euskara, ongizate soziala eta enplegua Kulturari dagokionez, Udal Gobernuak Kurtzio Kultur Etxearen eskaintza kulturalaren aldeko apostu sendoa egiten du. Bere kalitatezko programazioa erreferentziazkoa bihurtu da eskualdean. Era berean, herriko elkarteekin batera elkarlanean jarraituko da hainbat jarduera antolatuz. Sopelako Kosta Fest jaialdiaren bigarren edizioa ere bultzatuko da, oso harrera ona izan baitzuen herritar eta bisitarien artean. Kurtzio Kultur Etxeko programazioan euskarak eta euskarazko ekoiztutako lanak protagonista izaten jarraituko du. Kurtzio Kultur Etxean, beraz, bertako ekoizpenei babesa ematen jarraituko da, herriekoizpenarekin Udalak duen konpromisoa berretsiz. Euskarari dagokionez, Udal Gobernuak euskararen erabileraren aldeko apostu irmoa egiten jarraituko du udalerri osoan zeharka arlo guztietan lan eginez, oinarri oinarritik hasita. 2015. Urteko aurrekontu proposamenak Euskararen Erabilerarako Ekintza Planean zehazten diren gidalerroak barnebiltzen ditu. Aipatu Plana udal bilkuran proposatu da. Era berean, Kirolean ere euskaraz programa indartuko da, eta Udalak dituen beste egitasmoekin jarraituko da: Euskara indartzeko saioak, Gurasoak lagunduz, e.a. Ongizateari dagokionez, Udalak Mankomunitateari ematen dion kuotan 30.000 euroko gorakada egongo da (Uribe Kostako Mankomunitatearen eskumena da arlo hau). Era berean, errenta baxua duten familientzat zergak eta tasak ordaintzeko dirulaguntzak mantenduko dira. Enpleguari dagokionez, Udalak Behargintzan parte hartzen du eta ekintzaile, ostalari eta bertako dendariei babesa ematen jarraituko da: lan-bitartekaritzarako programak sustatiz, enpresak sortzea
PRENTSA-OHARRA 2014-12-17 SOPELAKO PRENTSA-OHARRA 2014-12-17 SOPELAKO UDALA UDALA 2015. URTERAKO AURREKONTU PROPOSAMENA
lagunduz, berrikuntza bultzatuz, formakuntza eskainiz, e.a. bideratuko dira.
Enpleguari begira 65.000 euro
Aurrekontuak osatzeko prozesua Laugarren urtez, Udalak aurrekontuak osatzerako orduan prozesu partehartzaile bat antolatu du. Horretarako, auzoetan lau bilera antolatu zituen eta herriko etxebizitza guztietan inkesta bat banatu zuen. Behin proposamen guztiak jaso direnean, Udal Gobernuak aurrekontuetarako proposamen hau egin du eta oposizioko alderdi politikoei bidali zien azaroaren 28an, euren ekarpenak jasotzeko asmoz. Udal Gobernuak ez du gainontzeko alderdien inolako erantzunik jaso. Aurrekontu-proposamen hau abenduko osoko bilkuran bozkatuko da, hilaren 30ean hain zuzen ere, 19:30ean udaletxeko areto nagusian, ikasturte hasieran zehaztutako egutegia jarraituz.