Fahamu Worcester Now | Mpango wa Jiji Zima wa Next! Katika kipindi cha miaka miwili, mchakato wa Worcester Now | Next uliwashirikisha wanajamii mbalimbali katika uundaji wa pamoja wa mpango wa kipindi kirefu katika kiwango cha jiji zima ambao unaonyesha ndoto na mahitaji ya jamii ya Worcester sasa, na kutoa mfumo wa kuongoza jinsi tunavyowekeza na kupanga jiji letu katika miaka 10 ijayo, hasa kuhusiana na maendeleo ya majengo na miundombinu ya Worcester. Changanua msimbo huu wa QR au utembelee now-next.worcesterma.gov ili upate maelezo zaidi kuhusu mpango na utoe maoni yako kuhusu hati ya Mpango wa Rasimu, ambayo inapatikana kwa maoni ya umma hadi tarehe 25 Februari. Maono Katika karne ya nne ya Worcester, tunatazamia kupata jiji bunifu la majirani wanaothamini ujumuishaji na wanaoheshimu uwepo wa tofauti. Tutainua jiji letu kwa kuwekeza kwa usawa kwenye jamii zetu, kuunganisha mitaa yetu na fursa, na kutoa kipaumbele kwa ukuaji endelevu unaowezesha ubora wa maisha ulioimarika kwa wote.
Vichwa vya Mpango Vichwa vitatu vikuu vya mpango viliibuka kutoka kwa majadiliano ya kina na uchambuzi uliofanywa kupitia mchakato huu wa kupanga. Vichwa hivi vinawakilisha msingi wa kile ambacho Mpango huu unahusu, na jinsi unavyoelekeza Jiji kuchukua hatua katika miaka michache ijayo. Mfumo unaozingatia maadili kwa ukuaji unaonufaisha wanajamii wote wa Worcester Uwekezaji wenye usawa na endelevu wa umma katika mitaa ya Worcester. Jiji lililounganishwa na linalofikika zaidi kwa wote
Vipaumbele vya Utekelezaji Vipengee vifuatavyo vya utekelezaji wa mapema vyenye kipaumbele cha juu vitakuwa lengo kuu la utekelezaji wa mpango huu katika miaka 3 - 5 ijayo. Vingi tayari vinaendelea kwa njia fulani.
Angalia ukurasa unaofuata ili upate maelezo zaidi kuhusu Mfumo wa Ukuaji ambao utaongoza upangaji wa mitaa katika siku zijazo, ugawanyaji upya wa maeneo, na uwekezaji wa miundombinu!
1. K ubuni na kutekeleza Mpango wa Utekelezaji wa Usafiri (Mobility Action Plan, MAP) 2. Kutekeleza mabadiliko yafuatayo (marekebisho ya awali) ya ugawanyaji wa maeneo: a. Kuhalalisha nyumba ndogo za ziada (ADUs) zinazotimiza kanuni katika jiji zima b. Kupunguza masharti ya kuegesha magari katika maegesho yaliyo mbali na barabara za umma c. Kurekebisha masharti ya ulinzi wa miti 3. Kubuni Mpango wa Kujenga na Kukarabati Nyumba 4. Kuunga mkono kukuza na kupata rasilimali za utekelezaji (uwezo wa wafanyakazi na ufadhili) 5. Kufanya tathmini za uwezo wa miundombinu na mahitaji 6. Kuanzisha marakebisho ya kina ya ugawanyaji wa maeneo katika jiji zima
Mfumo wa Ukuaji Worcester inakua kwa kasi—tulipata zaidi ya watu 25,000 katika kipindi cha miaka 10 iliyopita na tunahitaji kufanya mipango kwa ajili ya hadi wakazi wapya 60,000 kufikia mwaka 2040. Mpango huu unatoa mfumo unaotegemea mahali wa kuelekeza ukuaji wa siku zijazo ili kufikia uwezo mkubwa zaidi wa kuwezesha Worcester inayofikika kwa urahisi, yenye usawa, endelevu, thabiti na ya kufurahisha zaidi. Mfumo wa Ukuaji, unaojumuisha kategoria nne au aina nne za ukuaji, utakuwa msingi wa ugawanyaji upya wa maeneo kwenye jiji zima katika siku zijazo pamoja na juhudi za upangaji zinazolenga maeneo ya kijiografia, kuanzia katika Maeneo ya Ukuaji Unaoleta Mageuzi.
Ukuaji wa Msingi Katika Jiji Zima Kuruhusu ukuaji unaoongezeka taratibu kote katika jiji. Maeneo ya Ukuaji Yanayodhibitiwa Kuruhusu ongezeko la wastani la idadi ya nyumba ndani ya umbali wa robo maili kutoka kwa maeneo ya njia zilizopo na zinazotarajiwa katika siku zijazo. Maeneo ya Ukuaji ya Kujazia Kuhimiza ujenzi wa majengo ya ziada kwa matumizi ya mseto katika mashamba yasiyotumika au yanayotumika kwa kiwango kidogo katika maeneo yaliyopo yaliyo na ufikiaji wa juu wa kutembea kwa miguu na usafiri. Maeneo ya Ukuaji Unaoleta Mageuzi Kuwezesha uwekezaji upya mkubwa na mabadiliko ya mazingira halisi katika maeneo yaliyo na uwezo usiotumika wa ufikiaji wa juu wa kutembea kwa miguu na usafiri ambayo yanaweza kuwezesha ukuaji mkubwa wa kazi na/au ujenzi wa idadi kubwa ya nyumba zilizo na matumizi ya ziada ya kibiashara