Háhraða internet og hágæða sjónvarp
Matarmenn
EKKERT LÍNUGJALD, FRÍR ROUTER ENGIR AUKAREIKNINGAR frá 6.560 Kr/mán.
á Hringbraut og vf.is :30 fimmtudagskvöld kl. 20
Kapalvæðing • Hafnargata 21 • 421 4688 • kv@kv.is www.kv.is • www.facebook.com/kapalvaeding
magasín SUÐURNESJA
fimmtudagur 14. mars 2019 // 11. tbl. // 40. árg.
Tenging við hafið í nýju bæjarmerki Suðurnesjabæjar
Kostnaður í skóladagvistun með máltíðum næstlægstur í Reykjanesbæ Kostnaður fyrir eitt barn í skóladagvistun (frístundaheimili) með skólamáltíð og síðdegishressingu er næstlægstur í Reykjanesbæ. Þetta sýnir úttekt Verðlagseftirlitsins á gjöldum fyrir skóladagvistun með máltíðum í fimmtán stærstu sveitarfélögum landsins. Gjöldin fyrir þjónustu frístundaheimila með máltíðum í Reykjanesbæ hafa lengi verið með þeim lægstu í samanburði sem þessum. Þrátt fyrir lítilsháttar hækkun milli áranna 2018 og 2019 er gjaldið næstlægst í Reykjanesbæ af sveitarfélögunum fimmtán. Mánaðargjaldið nú er 25.338 kr. en var 24.565 kr. árið 2018, sem gerir hækkun um 3,1%. Mánaðargjald fyrir skólamáltíðir er einnig í hópi þeirra lægstu en systkinaafsláttur er hins vegar lægstur í Reykjanesbæ. Tekið er fram í frétt á vef Alþýðusambands Íslands að einungis sé um verðsamanburð að ræða, ekki sé lagt mat á gæði þjónustunnar.
Gróa ráðin skólastjóri Stapaskóla Gróa Axelsdóttir hefur nú verið ráðin skólastjóri Stapaskóla, sem er nýr skóli í Dalshverfi í Innri Njarðvík. Hún hafði gegnt starfi aðstoðarskólastjóra Akurskóla frá árinu 2014 þar sem hún hefur leyst af sem skólastjóri í vetur. Gróa lauk kennaranámi með B.Ed. gráðu árið 2005 frá Kennaraháskóla Íslands. Einnig lauk hún MA gráðu í menningarstjórnun frá Háskólanum á Bifröst 2014 og Diplóma í opinberri stjórnsýslu frá Háskóla Íslands 2018. Gróa starfaði sem grunnskólakennari við Sandgerðisskóla árin 2003–2008 og sem deildarstjóri við sama skóla frá 2008 til 2014.
Í Garði er merkilegt safn sem Ásgeir Hjálmarsson hefur tekið saman í gömlum bragga og var opið á Safnahelgi á Suðurnesjum. Hér gengur Ólafur Róbertsson inn á safnið ásamt afabarninu Guðmundi Ingvari Magnússyni. Víkurfréttamynd: Hilmar Bragi Bárðarson
ÖLL MET SLEGIN Á SAFNAHELGI – Veðurguðirnir hliðhollir 9500 safnagestum
Um 9500 manns lögðu leið sína á Safnahelgi á Suðurnesjum þetta árið en aldrei áður hafa eins margir sótt Suðurnesin heim í tengslum við þessa hátið sem haldin var í ellefta sinn. Veðurguðirnir voru Suðurnesjamönnum hliðhollir og skörtuðu sínu fegursta. Bæði söfn og einstaklingar lögðu grunn að fjölbreyttri hátíð þar sem menning og afþreying var í boði fyrir alla aldurshópa. Met voru slegin á nánast öllum söfnum sem tóku þátt og ljóst að Suðurnesjamenn og nærsveitunga þyrstir í menningu. Valgerður Guðmundsdóttir verkefnastjóri Safnahelgar var hæstánægð með helgina. „Safnahelgi á Suður-
nesjum var haldin hátíðleg í ellefta sinn um síðustu helgi og hefur aldrei gengið betur. Veðrið var dásamlegt
og auðséð að íbúar höfðu ákveðið að njóta nú þess sem í boði var og skoða söfnin sín. Einnig kom fjöldi gesta af höfuðborgarsvæðinu og mátti heyra aðdáunartón úr hverju horni þannig að við getum verið sátt með stöðu okkar. Undirbúningshópur verkefnisins er í skýjunum með hvernig til tókst og hugur í fólki að hefja fljótt undirbúning að næstu hátíð.“ ❱❱ Sjá nánar á síðu 6 í blaðinu í dag.
Marstilboð - Fljótlegt og gott 50%
54%
69 kr/stk
áður 149 kr
Coca Cola 3 tegundir, 33cl
40%
149 kr/stk
áður 299 kr
Hnetuvínarbrauð Myllan
Opnum snemma lokum seint
479 kr/pk
áður 798 kr
Pulled pork hamborgari Stjörnugrís, 2x120g
Krambúðin Innri — Njarðvík Tjarnabraut 24 Opnunartími: 08.00 - 23.30 Virka daga 09.00 - 23.30 Helgar
Í desember í fyrra var endanlega staðfest að sameinað sveitarfélag Sandgerðis og Garðs myndi fá nafnið Suðurnesjabær, en nafnið varð hlutskarpast í könnun á meðal íbúa og hlaut samþykki Samgöngu- og sveitarstjórnarráðuneytisins frá og með 1. janúar 2019. Næsta verkefni var síðan að hanna bæjarmerki fyrir hinn nýnefnda bæ. Bjarki Lúðvíksson, grafískur hönnuður hjá auglýsingastofunni Hvíta húsinu, var fenginn til verksins. Niðurstaða hans var að byggja merkið á tengslum bæjarins við hafið. Á því má sjá skip búið seglum bera við sjóndeildarhringinn. Samhverfan í línum skipsins og öldum hafsins undir vísa í sameininguna. Skipið sjálft er hvítt, en grunnliturinn blár, litur himins og hafs. Einnig eru til útfærslur með dökkum línum og ljósum bakgrunni þar sem aðstæður eða tilefni kalla á slíka útfærslu. „Við erum hæstánægð með útkomuna,“ segir Magnús Stefánsson, bæjarstjóri Suðurnesjabæjar um merkið á vef Suðurnesjabæjar. „Þetta er stílhreint merki með nútímalegum blæ en sker sig heldur ekki um of úr öðrum bæjarmerkum og myndefnið er viðeigandi fyrir staðsetningu, atvinnuhætti og menningu Suðurnesjabæjar.“
Byggðir verði tveir ungbarnaleikskólar Fræðsluráð Suðurnesjabæjar leggur til að skoðaður verði sá kostur að byggðir verði ungbarnaleikskólar í báðum byggðarkjörnum sveitarfélagsins enda sýna tölur að þörfin er fyrir hendi. Þetta kemur fram í fundargerð ráðsins frá síðasta fundi þess. Þar var tekið fyrir minnisblað Róberts Ragnarssonar um ungbarnaleikskóla og minnisblað Magnúsar Stefánssonar af fundi um leikskólann Sólborg. Þá leggur fræðsluráð áherslu á að inntökureglur á leikskólum sveitarfélagsins verði samræmdar. Fræðsluráð bendir á að litið verði gagnrýnum augum á viðmiðunarreglur um rými á hvert barn með þarfir nútímaskólastarfs á leikskólum í huga, einnig út frá lýðheilsufræðilegum sjónarmiðum barna og starfsfólks.
S TÆRS TA FRÉTTA- OG AUGLÝSINGABL AÐIÐ Á SUÐURNESJUM ■ AÐAL SÍMANÚMER 421 0000 ■ AUGLÝSINGASÍMINN 421 0001■ FRÉTTASÍMINN 421 0002