business@bridgend - Hydref 2013

01656 815322 | business@bridgend.gov.uk Uned Datblygu Economaidd

www.bridgend.gov.uk cliciwch Parth Busnes

Ford yn cadarnhau buddsoddiad gwerth miliynau ym Mhen-y-bont ar Ogwr Tudalen 2

A ydych chi’n ddigon dewr i fynd i ffau’r Dreigiau?

Rhagweld dyfodol iach i Mackworth

Gwobrau Fforwm Busnes Pen-y-bont ar Ogwr 2013

Tudalen 3

Tudalen 6

Tudalen 12-13

hydref 2013

Ford yn cadarnhau buddsoddiad gwerth miliynau ym Mhen-y-bont carbon isel dros gyfnod o bum mlynedd.

bartneriaeth lwyddiannus hon.”

Mae’r cyhoeddiad yn cynnwys cymorth o £12 miliwn gan Lywodraeth Cymru, a bydd yn gweld nifer y swyddi yn Ford Pen-y-bont yn cynyddu i 2,300 eleni, sef yr uchaf yn ei hanes o 33 blynedd.

Meddai Edwina Hart, Gweinidog yr Economi yn Llywodraeth Cymru: “Mae Llywodraeth Cymru wedi gweithio’n agos gyda Ford i ddiogelu’r buddsoddiad hwn, ac mae’n bleser cadarnhau pecyn cymorth £12 miliwn tuag at y rhaglen gyffrous hon. Bydd hyn yn helpu i ddiogelu a chreu swyddi cynhyrchu a pheirianneg o ansawdd uchel yng Nghymru.”

Mae Ford Pen-y-bont yn cynhyrchu 2,668 injan pedwar silindr bob dydd ac mae’n allforio i Sbaen, Sweden, yr Almaen, Rwsia, Gwlad Belg a’r Unol Daleithiau. Mae hyn yn darparu £1.5 biliwn o werth allforio blynyddol o’i gyfuno â gweithrediadau eraill Ford UK.

Mae cyfleuster Pen-y-bont ar Ogwr yn un o leoliadau Ford UK sy’n elwa ar fuddsoddiad arfaethedig y cwmni o £1.5 miliwn a gyhoeddwyd yn 2010. Bydd y buddsoddiad tymor hir hwn yn rhoi cefnogaeth uniongyrchol i raglenni sy’n gysylltiedig â gwaith ymchwil, datblygu a chynhyrchu technoleg cerbydau

Meddai Mark Ovenden, Rheolwr Gyfarwyddwr Ford ym Mhrydain: “Mae Llywodraeth Cymru wedi bod o gymorth mawr i fanteisio i’r eithaf ar botensial buddsoddiad Ford ei hun ym Mhen-ybont ar Ogwr, ac rydym wedi cyfarfod â Phrif Weinidog Cymru a Gweinidog yr Economi er mwyn cydnabod y

Mae Ford wedi cadarnhau rhaglen fuddsoddi gwerth £24 miliwn yn ei waith uwch-dechnoleg ym Mhen-ybont ar Ogwr ar gyfer cynhyrchu injan betrol EcoBoost 1.5 litr newydd rhad ar danwydd.

2

Uned Datblygu Economaidd

Pen-y-bont ar Ogwr yw’r ganolfan gynhyrchu Ewropeaidd ar gyfer y injan EcoBoost 1.5 litr newydd yn y tymor hir.

Bydd y gwaith yn dechrau yn 2014 ac wedyn yn cynyddu yn ystod y ddwy flynedd ddilynol i sicrhau bod Pen-ybont ar Ogwr yn cynhyrchu cymaint ag y gall yn ystod y cyfnod hwn. Bydd yr injan newydd yn cael ei hadeiladu ochr yn ochr â’r injan EcoBoost 1.6 litr, a gyflwynwyd yn 2011.

A ydych chi’n ddigon dewr i fynd i

ffau’r Dreigiau?

Thema’r Wythnos Entrepreneuriaeth Fyd-eang ar gyfer 2013 yw ‘cymryd cam ymlaen’.

O gofio hyn, bydd Fforwm Busnes Pen-y-bont ar Ogwr yn gweithio mewn partneriaeth â Busnes mewn Ffocws a Cherryblue Training Ltd i gynnal digwyddiad busnes ddydd Iau 21 Tachwedd 2013, gan dargedu unrhyw un sy’n rhedeg ei fusnes ei hun neu sy’n awyddus i ddatblygu syniad busnes.

Mae’r fforwm hefyd yn chwilio am unigolion sy’n fodlon camu ymlaen i gyflwyno eu syniadau busnes i banel o arbenigwyr mewn eitem debyg i ‘Dragon’s Den’.

Os ydych mewn busnes neu os oes gennych syniad am fusnes yr ydych yn angerddol amdano, rydym am glywed gennych. Anfonwch eich cynnig at business@bridgend.gov.uk a byddwn yn llunio rhestr fer. Gwahoddir yr ymgeiswyr gorau i gyflwyno eu cynigion i’r arbenigwyr ar y dydd. Bydd y gwobrau’n cynnwys sesiynau mentora am ddim gydag aelodau’r panel.

Uchafbwynt arall i’r digwyddiad fydd sgwrs gan westai arbennig; Dale Williams, perchennog Yolk Recruitment Ltd sydd wedi ei leoli yng Nghaerdydd. Credir y bydd Dale yn entrepreneur lluosog yn y dyfodol, ac ar hyn o bryd mae’n berchen ar gwmni cynnal a chadw adeiladau ac mae’n bartner busnes mewn cwmni menter gymdeithasol yn ogystal â Yolk.

Mae hefyd wrthi’n lansio brand bwyd a diod FMCG ymhlith prosiectau eraill.

Yn fwy diweddar, gwelwyd Dale yn arddangos ei sgiliau coginio ar raglen boblogaidd y BBC ‘MasterChef’, pan lwyddodd i gyrraedd y rowndiau terfynol.

Mae Dale yn frwd dros entrepreneuriaeth ifanc, ac mae’n ymwneud â gwireddu syniadau trwy gynorthwyo pobl â syniadau a chynlluniau busnes i wireddu’u potensial trwy ei gwmni menter gymdeithasol. Mae hefyd wedi cytuno i fod ar banel y beirniaid.

Bydd cyfle hefyd i fynd i amrywiaeth o seminarau a chyflwyniadau busnes a fydd yn ymdrin â phynciau sy’n hanfodol i unrhyw fusnes; gan gynnwys ariannu, cynllunio busnes, marchnata, dylunio, gwerthiant a gwneud i rwydweithio weithio i chi.

Yr Wythnos Entrepreneuriaeth Fyd-eang (18-24 Tachwedd 2013) yw ymgyrch fwyaf y byd i hybu entrepreneuriaeth.

Meddai Alison Hoy, Cadeirydd Fforwm Busnes Pen-y-bont ar Ogwr: “Nod yr wythnos yw annog y genhedlaeth nesaf o entrepreneuriaid, meithrin syniadau busnes ac ysbrydoli pobl i wireddu eu llawn botensial. Y digwyddiad hwn yw’r llwyfan delfrydol i fanteisio ar gyfoeth o wybodaeth a chyngor defnyddiol, a cheir cyfle unigryw i gyflwyno eich syniad i banel o arbenigwyr busnes.”

Dyddiad: 21 Tachwedd 2013 Lleoliad: Gwesty Heronston, Ewenny Road, Pen-y-bont ar Ogwr Amser: 9am – 12.30pm I gael mwy o wybodaeth ffoniwch Mary Pope ar 01656 815320 neu anfonwch e-bost at: mary.pope@bridgend.gov.uk I drefnu lle ewch i: www.bridgendbusinessforum.co.uk/gew neu anfonwch e-bost: business@bridgend.gov.uk

Uned Datblygu Economaidd

3

Noddwyd gan

Cinio Nadolig 2013 Fforwm Busnes Pen-y-bont ar Ogwr Siaradwr gwadd: Max Boyce Mae’n bosibl y byddwn yn canu ‘hymns ac arias’ yng nghinio Nadolig Fforwm Busnes Pen-y-bont ar Ogwr eleni, gan fod Max Boyce yn un o’r gwahoddedigion arbennig.

Dathlodd y gŵr o Lyn-nedd ei ben-blwydd yn 70 yn gynharach eleni ac mae mor boblogaidd ag erioed, gyda phob tocyn wedi'i werthu ar gyfer ei gyngherddau diweddar. Mae ei hiwmor a’i gerddoriaeth yn eang ac amrywiol, ac mae’n boblogaidd ym mhedwar ban byd. Llanwodd Dŷ Opera Sydney yn 2003.

“Mae Max Boyce yn ymgorffori Cymru a’r hyn y mae’n ei olygu i fod yn Gymro. Mae ei ganeuon angerddol yn berthnasol yn ogystal â doniol, ac yn anthem i’n cenedl.”

Gareth Evans, Colofnydd, y Western Mail.

Bydd y rhai ohonoch sy’n mwynhau cerddoriaeth wrth eich boddau hefyd â’r pedair chwaer ifanc eithriadol; LaSe sy’n creu cyfuniad unigryw o leisiau gan ddod â sawl gwahanol fath o gerddoriaeth ynghyd gan gynnwys jazz, pop; canu’r enaid, gospel, caneuon y sioeau a chaneuon traddodiadol o Gymru a’r Iwerddon.

Cynhelir y cinio ddydd Iau 12 Rhagfyr 2013 yng ngwesty hardd, pedair seren Coed-y-Mwstwr, Pen-y-bont ar Ogwr.

Dyma gyfle gwych i rwydweithio, diddanu cleientiaid allweddol neu ddathlu llwyddiant blynyddol eich cwmni.

Cost: £39.50 (+TAW), bwrdd o ddeg £395.00 (+TAW). Mae’r gost yn cynnwys diodydd cyn y pryd bwyd, cinio tri chwrs, te a choffi.

I gadw eich lle yn y digwyddiad, anfonwch e-bost i: business@bridgend.gov.uk gwefan: www.bridgendbusinessforum.co.uk I gael mwy o wybodaeth, ffoniwch Mary Pope ar 01656 815320.

Cwmni cyfrifwyr yn dathlu

degawd o lwyddiant Mae Hawthorn Accountancy Solutions, aelod o Fforwm Busnes Pen-y-bont ar Ogwr, yn dathlu deng mlynedd o lwyddiant eleni. Mae’r cwmni wedi dod ymhell ers i’r cwpl priod, Paul a Liz Gibbs-Murray, sefydlu’r busnes yn 2003.

Ar ôl tyfu’n rhy fawr i weithio gartref, a’r swyddfa a ddilynodd, symudodd y tîm i safle newydd yn 2012.

Pan gânt eu holi am lwyddiant y cwmni, mae Paul yn amlygu’r prif reswm yn gyflym: “Ni waeth beth fo maint y busnes, mae lefel y gwasanaeth yn bwysig wrth ofalu am gyfrifon cleient.

O’r cychwyn cyntaf, roeddem ni’n benderfynol o beidio ag ymuno â’r rhestr o gyfrifwyr sy’n siarad â’u cleientiaid unwaith y flwyddyn. Mae ar fusnesau angen cymorth ariannol parhaus, a dyna rydym ni’n ei gynnig.”

Yn ogystal â gwasanaethau cyfrifyddiaeth, mae Hawthorn wedi

4

Uned Datblygu Economaidd

datblygu cyfres o atebion i’r swyddfa, megis cymorth ysgrifenyddol, hyfforddiant ar feddalwedd cyfrifyddu, a marchnata trwy e-bost. Mae Liz yn egluro sut y daeth y gwasanaethau swyddfa yn hollbwysig i’r busnes.

“Yn y bôn, ’doedd ein cleientiaid presennol ni ddim eisiau mynd i unrhyw le arall, ac roedden nhw’n ein hargymell ni i’w cleientiaid a’u cyflenwyr.

Rwy’n meddwl bod hyn yn digwydd wrth fagu ymddiriedaeth dros amser, yn enwedig pan eich bod yn ymdrin â chyfrifon busnes. Edrychodd Paul a minnau ar ein cryfderau, gan benderfynu y byddem ni’n gallu cynyddu ein hamrywiaeth o wasanaethau pe byddai’r sgiliau a’r profiad gennym ni.

Meddai Liz wrth drafod eu haelodaeth o’r fforwm: “Rwy’ bob amser yn edrych ymlaen at ddigwyddiadau’r fforwm;

maen nhw bob amser wedi eu trefnu’n dda ac mae llawer yn dod iddynt. Mae gan y fforwm enw rhagorol ar draws de Cymru am fod yn rhagweithiol a threfnus. Daliwch ati!”

Ychwanegodd Liz: “Rydym ni’n dîm sy’n datblygu yma yn Hawthorn Accountancy Solutions, ac rydym ni’n edrych ymlaen at y ddeng mlynedd nesaf. Hoffem ddiolch i bawb ym Mheny-bont a thu hwnt sydd wedi ein cefnogi ni dros y blynyddoedd.” www.hawthornaccountancy.co.uk

Partneriaeth yn helpu i roi cyngor ar AD a chyfraith cyflogaeth Mae Fforwm Busnes Pen-y-bont ar Ogwr yn parhau i adeiladu ar ei hanes rhagorol o ddarparu cyfres o ddigwyddiadau sy’n canolbwyntio ar Adnoddau Dynol ar gyfer busnesau ym Mhen-y-bont a’r cyffiniau.

Mae’r fforwm wedi bod yn gweithio mewn partneriaeth â nifer o sefydliadau, gan gynnwys Canolfan Ansawdd Cymru a Chyfreithwyr Hugh James i arwain y digwyddiadau hyn sydd, ar gyfartaledd, yn denu 80 i 100 o gynrychiolwyr i bob sesiwn.

Bydd y gyfres yn dechrau eto yn y flwyddyn newydd ar 13 Chwefror 2014, gyda pheryglon a maglau TUPE. Â melin cyfraith cyflogaeth yn dal i droi, bydd Helen Iles ac Emma Poole o Gyfreithwyr Hugh James yn cyfuno’r cyfreithiol â’r ymarferol ac yn rhoi cyflwyniad cynhwysfawr ar gyfraith cyflogaeth ar 3 Ebrill 2014, sy’n hanfodol i bawb sydd â chyfrifoldebau rheoli.

Bydd y sesiwn hon yn amlinellu’r newidiadau deddfwriaethol diweddaraf, ac yn edrych ar beth sydd gan weddill 2014 a thu hwnt i’w gynnig i gyflogwyr. Bydd yn archwilio detholiad o achosion allweddol i ddod i lawr o lysoedd y DU a thribiwnlysoedd cyflogaeth.

Yn y modd arferol, bydd y digwyddiad hwn yn cau â sesiwn holi ac ateb, gan roi cyfle i gael cyngor ar unrhyw faterion cyflogaeth yr ydych yn ymgodymu â nhw ar hyn o bryd.

Yn nes ymlaen yn y flwyddyn, y digwyddiadau sydd ar y gweill yw ‘Diogelu Data ac Eiddo Deallusol’ ar 5 Mehefin, y diweddaraf ar gyfraith cyflogaeth ar 9 Hydref, a ‘Difenwad a Chyfryngau Cymdeithasol’ ar 27 Tachwedd 2014.

Mae pob digwyddiad yn dechrau â chofrestru / brecwast am 8.30am, a’r prif ddigwyddiad am 9am hyd 11am.

Mae’n rhaid cadw lle ymlaen llaw: Anfonwch e-bost i: business@bridgend.gov.uk I gael mwy o wybodaeth, ffoniwch: Mary Pope ar 01656 815320 neu anfonwch e-bost at: mary.pope@bridgend.gov.uk

Rhaglen yr hydref: 6 Tachwedd 2013 Brecwast busnes gwibrwydweithio Gwesty a Chlwb Hamdden Heronston, Pen-y-bont ar Ogwr, 7.30 ar gyfer 8am hyd 10am 14 Tachwedd 2013 Seminar TGCh Canolfan Waterton, Pen-y-bont ar Ogwr 8.30 ar gyfer 9am -11am Ar y cyd â Control 2K 21 Tachwedd 2013 Wythnos Entrepreneuriaeth y Byd 2013 A ydych chi’n ddigon dewr i fynd i Ffau’r Dreigiau?

Gwesty a Chlwb Hamdden Heronston, Pen-y-bont ar Ogwr, 8.30 ar gyfer 9am hyd 1pm 27 Tachwedd 2013 Gweithdy cyfryngau cymdeithasol a marchnata Canolfan Waterton, Pen-y-bont ar Ogwr 8.30 ar gyfer 9am - 12.30am Mewn partneriaeth â Chanolfan Ansawdd Cymru, Cynghrair Meddalwedd Cymru a Phrifysgol De Cymru 12 Rhagfyr 2013 Cinio Nadolig Blynyddol Fforwm Busnes Pen-y-bont ar Ogwr Gwesty Coed-y-Mwstwr, Pen-y-bont ar Ogwr, Hanner dydd ar gyfer 12.30pm – 3pm

I gadw lle ar unrhyw un o’r digwyddiadau uchod, anfonwch e-bost i: business@bridgend.gov.uk (mae’n rhaid cadw lle ymlaen llaw) neu ewch i: www.bridgendbusinessforum.co.uk Cewch ymaelodi â Fforwm Busnes Pen-y-bont ar Ogwr yn RHAD AC AM DDIM E-bost: business@bridgend.gov.uk neu ffoniwch: Mary Pope, Trefnydd Digwyddiadau Busnes, ar 01656 815320 neu anfonwch e-bost at: mary.pope@bridgend.gov.uk Gallwch ddilyn y fforwm ar Twitter @bridgendforum, ein hoffi ni ar Facebook neu ymuno yn y drafodaeth ar LinkedIn

Uned Datblygu Economaidd

5

Cronfa’n ailagor i fusnesau Mae cynllun y Gronfa Fuddsoddi Leol, sy’n cynnig cymorth ariannol i fusnesau bach a chanolig, wedi cael dyraniad cyllid ychwanegol. Mae’r cynllun wedi bod yn llwyddiant gwirioneddol i Gyngor Bwrdeistref Sirol Pen-y-bont ar Ogwr, a chafodd y rownd flaenorol o gyllid i gyd ei chlustnodi.

“Rwy’n falch hefyd fod yr Uned Datblygu Economaidd eisoes yn archwilio ffyrdd o ddatblygu cynllun cymorth newydd ar gyfer busnesau lleol dan y rownd nesaf o gyllid yr Uned Ewropeaidd.”

Erbyn hyn, mae Swyddfa Cyllid Ewropeaidd Cymru wedi dyfarnu mwy o arian y Gronfa Fuddsoddi Leol i Uned Datblygu Economaidd y cyngor, er mwyn parhau â’i chymorth gwerthfawr.

Ychwanegodd Ray Pearce, Rheolwr Adfywio a Datblygu Economaidd: “Hyd yn hyn, rydym wedi gallu cefnogi mwy na 160 o gwmnïau – rhai newydd a rhai wedi’u hen sefydlu.

Dyfarnwyd mwy na £1 miliwn i fusnesau lleol er mwyn creu swyddi ac ysgogi buddsoddiad a thwf.

Meddai’r Dirprwy Arweinydd, y Cynghorydd David Sage: “Cefais y cyfle i gyflwyno adroddiad ar y Gronfa Fuddsoddi Leol gerbron y Cyngor yn ddiweddar, gan amlinellu llwyddiant rhagorol y cynllun hyd yma.

“Dylai unrhyw gwmnïau sydd â diddordeb mewn cyflwyno cais am arian gan y Gronfa gysylltu â ni ar unwaith. Er bod gennym ni arian ychwanegol, bu galw mawr eisoes am yr arian sy’n weddill.”

“Trwy ddefnyddio ein grantiau gan y Gronfa, mae busnesau lleol wedi gallu datblygu a thyfu gan fuddsoddi mewn gweithfeydd a pheiriannau, offer TGCh, datblygu gwefannau, marchnata, a gweithiau adeiladu mewnol ac allanol.

I gael mwy o wybodaeth am y Gronfa Fuddsoddi Leol, ffoniwch y tîm ar 01656 815315 neu anfonwch e-bost i business@bridgend.gov.uk

“Mae’r cynllun wedi cael effaith sylweddol ar yr economi leol trwy greu mwy na 300 o swyddi newydd a helpu i ddiogelu bron i 1,300 o swyddi yn y fwrdeistref sirol. Fel cyngor, rydym wedi ymrwymo i ddarparu cyngor a chymorth ariannol i fusnesau lleol trwy Gronfa Datblygu Rhanbarthol Ewrop.

Rhagweld dyfodol iach i Mackworth Mae Mackworth Healthcare wedi bod yn cynhyrchu eitemau gofal iechyd yn y DU am fwy na 30 mlynedd, gan wasanaethu marchnadoedd cenedlaethol a byd-eang.

Cychwynnodd Mackworth fel busnes teuluol bach, ac mae’n cadw at yr ethos hwn hyd heddiw.

Mae wedi buddsoddi llawer mewn datblygu cynhyrchion newydd a thechnolegau ar gyfer atebion gofal iechyd y dyfodol.

Mae’r cwmni, sy’n dilyn y safonau rheoli ansawdd uchaf, wedi buddsoddi mewn prosesau gweithgynhyrchu darbodus, trwy ddefnyddio dulliau torri â laserau. Trwy gymorth gan y Gronfa Fuddsoddi Leol, buddsoddodd y cwmni mewn peiriant gwnïo a arweinir gan laser sydd wedi helpu i gynyddu cynhyrchiant, lleihau gwastraff, ac yn ei dro, gwella proffidioldeb.

Mae Mackworth wedi cynyddu ei allu cynhyrchu 40 y cant, gan gael effaith sylweddol ar y busnes. Mae’r cwmni wedi diogelu sawl contract tymor hir o ran ei slingiau a’i ystod o declynnau codi newydd, gan gynyddu trosiant a chyflogi mwy o staff.

Meddai Neil Smith, y Rheolwr Gyfarwyddwr: “Mae’r cyfleoedd ar gyfer Mackworth yn y dyfodol yn ddiddiwedd, ’nawr bod gennym fuddsoddiad a strwythur cadarn ar dir solet o 30 mlynedd o beirianneg.

“Rwy’n falch o ddweud ein bod ni wedi cadw’r gweithlu presennol a gwreiddiol i gyd, ond hefyd wedi creu 16 o swyddi newydd mewn deng mis.

“Wrth ddatblygu hyn, rydym wedi rhagori ar ein targedau twf arfaethedig hyd yma.

Yn ddiweddar, derbyniodd y cwmni wobr ‘Busnes Gweithgynhyrchu’r Flwyddyn’ hefyd yng Ngwobrau Fforwm Busnes Pen-ybont ar Ogwr 2013.

“Hoffem ddiolch o galon i’r tîm yn Uned Datblygu Economaidd y cyngor, gan y gallaf gadarnhau na fyddai cynnydd o’r fath wedi ei gyflawni heb gefnogaeth y Gronfa Fuddsoddi Leol.” www.mackworth-healthcare.com

6

Uned Datblygu Economaidd

Microfusnes yn ennill gwobr BAFTA Cymru

Mae datblygwr a chyhoeddwr gemau fideo ym Mhen-ybont ar Ogwr wedi profi ei fod ar y brig trwy gasglu Gwobr Academi Brydeinig Cymru am Gemau.

Casglodd Wales Interactive Ltd, sydd wedi’i leoli ym Mharc Technoleg Pencoed, y wobr am ‘Go Candy’, sef gêm a ddatblygodd ar gyfer y cwmni animeiddio creadigol, Sitting Duck Ltd. Nid dyma’r unig gydnabyddiaeth a dderbyniodd y cwmni, gan fod ‘Go Candy’ hefyd wedi ennill dau glod arbennig gan BAFTA am sain a cherddoriaeth, yn ogystal ag am y dyluniad gorau o ran gemau. Casglodd y cwmni glod arbennig hefyd am gyflawniad artistig, am ei gêm antur ditectif, ‘Stride Files: The Square Murder.’

Ers i’r cwmni ennill y gwobrau clodfawr hyn, mae wedi mynd o nerth i nerth. Mae bellach yn barod i lansio’r gêm PlayStation 3 gyntaf yn yr iaith Gymraeg, sef antur arswyd indi o’r enw Enaid Coll (Master Reboot yn Saesneg), ar draws y byd yn ddiweddarach eleni.

Mae’r cwmni wedi llwyddo i sicrhau cyllid trwy’r prosiect Blagur Gwyrdd, er mwyn datblygu’r busnes yng Nghanolfan Dechnoleg Pencoed o ‘GamesLab’, sef menter gemau digidol ar gyfer graddedigion TGCh a myfyrwyr gradd Meistr, i fasnachu’n llawn fel cwmni cyfyngedig.

Gosodwyd delweddau o waith y cwmni hefyd ar furlun ym Maes Awyr Caerdydd.

Hyd yma, mae’r prosiect Blagur Gwyrdd wedi darparu arian a chyngor i fwy na 60 o fusnesau lleol, gan arwain at greu bron i 20 o swyddi amser llawn.

I gael mwy o wybodaeth am y prosiect Blagur Gwyrdd, ffoniwch Andrew Care, y Swyddog Mentrau Gwledig, ar 01656 815318 neu anfonwch e-bost i andrew.care@bridgend.gov.uk * Busnes sy’n cyflogi naw neu lai o bobl ac sydd â throsiant neu fantolen o lai na €2 filiwn yw microfusnes.

Golau gwyrdd ar gyfer unedau cychwyn busnes yn Sony UK TEC Ymwelodd Alun Davies AC, y Gweinidog Adnoddau Naturiol a Bwyd, â Chanolfan Dechnoleg Sony UK, Pencoed yn ddiweddar, i agor y Ganolfan Mentrau Gwledig gyntaf yn y fwrdeistref sirol.

Bydd y ganolfan, a ariennir trwy brosiect Blagur Gwyrdd Cyngor Bwrdeistref Sirol Pen-y-bont ar Ogwr ac a weinyddir gan yr Uned Datblygu Economaidd, yn darparu gofod bychan â chymorth ar gyfer microfentrau – y rhai hynny sy’n cyflogi naw neu lai o bobl. Nod y ganolfan yw galluogi busnesau i ddatblygu ac arddangos eu cynhyrchion, rhwydweithio â chwmnïau eraill, ac elwa ar y cyfleusterau o’r radd uchaf a gynigir yn y safle.

Yn ystod y lansiad, ymunodd y Gweinidog â Janice Gregory, yr AC dros Ogwr; y Cynghorydd Mike Gregory; Darren Mepham, yr Aelod o’r Cabinet dros Adnoddau yn CBS Peny-bont ar Ogwr; Prif Weithredwr CBS Pen-y-bont ar Ogwr; Steve Dalton, OBE, Rheolwr Gyfarwyddwr Sony UK TEC, a Syr Howard Stringer, Cyn-gadeirydd a Phrif Swyddog Gweithredol Sony Corporation i fynd o amgylch y safle i weld y cyfleusterau newydd.

Meddai’r Gweinidog: “Mae’n hollbwysig inni wneud popeth y gallwn i annog entrepreneuriaeth a helpu i gefnogi ein busnesau llai, fel y gallant dyfu’n gynaliadwy a chreu swyddi yn ein cymunedau gwledig.

“Felly, mae’n bleser gen’ i agor Canolfan Mentrau Gwledig gyntaf Pen-y-bont ar Ogwr a fydd yn helpu i gefnogi a datblygu busnesau gwledig yn yr ardal.”

Meddai’r Cynghorydd Mike Gregory: “Mae’r cyngor wedi mwynhau perthynas waith hir a llwyddiannus gyda Sony UK TEC yma, ym Mwrdeistref Sirol Pen-y-bont ar Ogwr. Rydym ni’n falch o fod yn gweithio gyda nhw eto i ddarparu prosiect Blagur Gwyrdd y Ganolfan Mentrau Gwledig.

“Rydym ni’n falch iawn mai hon yw’r ganolfan gyntaf o’i bath yn yr ardal, a chredwn fod y prosiect hwn yn enghraifft wych arall o sut y gall ein sefydliadau weithio gyda’i gilydd i gefnogi a meithrin mentrau mewn ardaloedd gwledig megis Pencoed.

“Gyda safle ardderchog, cymorth gan un o’r sefydliadau gorau yn y byd, a chysylltiadau o’r radd uchaf - prin y gallai’r M4 fod yn nes - pa ddechrau gwell y gallai microfenter ei gael?”

Mae saith o’r deg uned eisoes wedi eu llenwi, ac mae dau o’r busnesau hyn (Wales Interactive a Dojo Arcade) hefyd wedi elwa ar fwrsariaeth Blagur Gwyrdd.

Rhan o Reach: Rhaglen Datblygu Gwledig Pen-y-bont ar Ogwr yw Blagur Gwyrdd, ac mae wedi derbyn arian trwy Gynllun Datblygu Gwledig Cymru 2007-2013 a ariennir gan Lywodraeth Cymru a Chronfa Amaethyddol Ewrop ar gyfer Datblygu Gwledig.

Uned Datblygu Economaidd

7

Tri o gyrsiau golff Cymru i groesawu

rownd gymhwyso 2014 Mae Clwb Golff Royal Porthcawl wedi cael y fraint o groesawu’r Brif Bencampwriaeth gyntaf erioed i gael ei chwarae yng Nghymru, pan gynhelir y Bencampwriaeth Agored Hŷn, a gyflwynir gan Rolex, rhwng 24 a 27 Gorffennaf 2014.

“Mae’r digwyddiad cymhwyso ar y dydd Llun wedi dod yn rhan annatod o’r Bencampwriaeth Agored Hŷn , gan ddod ag effaith economaidd gadarnhaol i’r economi leol, ac felly rydym ni’n edrych ymlaen at weld y tri lleoliad hyn yn chwarae rhan bwysig ym Mhencampwriaeth 2014.”

Cyhoeddwyd hefyd y cynhelir y digwyddiad cymhwyso ddydd Llun ar dri o brif gyrsiau golff lincs Cymru - Clwb Golff Ashburnham, Clwb Golff y Pîl a Chynffig, a Chlwb Golff Southerndown – cyn Pencampwriaeth Agored Hŷn 2014 a gyflwynir gan Rolex.

Mae tocynnau bellach ar werth ar gyfer y Bencampwriaeth Agored Hŷn yn Royal Porthcawl, ac mae gostyngiadau arbennig cyn y Nadolig ar gael.

Ar ôl y nifer fwyaf erioed o ymgeiswyr yn 2013, disgwylir y bydd mwy na 300 o olffwyr yn cymryd rhan yn y digwyddiad cymhwyso ddydd Llun 21 Gorffennaf 2014, gan obeithio ennill lle ym Mhrif Bencampwriaeth gyntaf Cymru.

Byddant yn cystadlu am oddeutu 30 o leoedd ar gyfer y Bencampwriaeth Agored Hŷn a’r cyfle i chwarae ochr yn ochr â rhai o fawrion y gêm, fel Fred Couples, pencampwr 2012; Bernhard Langer, ac Ian Woosnam, y ffefryn lleol.

Meddai Johnnie Cole-Hamilton, Cyfarwyddwr Gweithredol Pencampwriaethau, yng nghlwb golff y ‘Royal and Ancient’, ar ran y Bencampwriaeth: “Pencampwriaeth Agored Hŷn y flwyddyn nesaf, a gyflwynir gan Rolex, fydd y gyntaf i gael ei chwarae yng Nghymru. Rydym wrth ein boddau y bydd y tri chwrs golff lincs gwych hyn - Clwb Golff Ashburnham, Clwb Golff Y Pîl a Chynffig, a Chlwb Golff Southerndown - i gyd yn cymryd rhan, ynghyd â Royal Porthcawl.

8

Uned Datblygu Economaidd

Mae tocynnau tymor a brynir cyn 31 Rhagfyr ar gael am £60, sef 25 y cant yn llai na’r £80 wrth y giât. Mae tocynnau diwrnod ymarfer ddydd Mercher hefyd ar gael am bris gostyngol o £10, £5 yn rhatach na’r pris wrth y giât. Caiff plant dan 16 oed fynediad am ddim pan eu bod gydag oedolyn, ac mae cyfleusterau parcio hefyd ar gael yn rhad ac am ddim.

I brynu tocynnau ar-lein, ewch i www.senioropengolf.com neu ffoniwch +44 (0)800 0232557, ac mae manylion am becynnau lletygarwch hefyd ar gael.

Sony UK TEC yn anelu am y sêr Mae Canolfan Dechnoleg Sony UK (UK TEC) wedi cyhoeddi ei bod wedi cynhyrchu ei miliwnfed Raspberry Pi. Ers diogelu contract gweithgynhyrchu trydydd parti gwerth miliynau ar gyfer y cyfrifiadur maint cerdyn credyd flwyddyn yn ôl, mae’r busnes, sydd wedi ei leoli ym Mhencoed, wedi mynd o nerth i nerth.

Cafodd gontract yn wreiddiol i gynhyrchu 300,000 o unedau o’r ddyfais ar gyfer dosbarthwr electroneg aml-sianel, element 14, ond yn sgil galw aruthrol am y cynnyrch aeth y busnes heibio i’r garreg filltir saith ffigur mewn llai na 12 mis.

Mae’r cynnydd cyflym yn y galw yn newyddion gwych i Fwrdeistref Sirol Peny-bont ar Ogwr, gan ei fod wedi caniatáu i’r busnes, sydd bellach yn cynhyrchu hyd at 12,000 o unedau’r dydd, gyflogi 40 o weithwyr ychwanegol.

Cyflwyno Raspberry Pi aur i Steve Dalton, Rheolwr Gyfarwyddwr SONY UK TEC

Meddai Steve Dalton OBE, Rheolwr Gyfarwyddwr Canolfan Dechnoleg Sony UK: “Mae’r Raspberry Pi yn enghraifft wych o arloesedd, dyluniad a pheirianneg y DU ar ei orau. O’r diwrnod y lansiwyd y cynnyrch, roeddem ni’n gwybod y byddai’r Raspberry Pi yn llwyddiant, ac roeddem ni eisiau bod yn rhan ohono. Rydym wedi ein plesio a’n synnu gan y galw parhaus am y Pi o bedwar ban byd, ac nid oes unrhyw arwyddion y bydd yn lleihau ar unrhyw adeg cyn bo hir.

“Mae’r Raspberry Pi yn dystiolaeth i’r ffaith y gall unrhyw syniad fod yn

llwyddiant ysgubol os oes gennych chi'r cynnyrch, y gweithgynhyrchydd, y sianeli dosbarthu a’r galw iawn gan gwsmeriaid.”

Meddai’r Cynghorydd Phil White, yr Aelod Cabinet dros Gymunedau yng Nghyngor Bwrdeistref Sirol Pen-y-bont ar Ogwr: “Mae’n newyddion gwych fod y Raspberry Pi wedi bod yn llwyddiant mor ysgubol i Sony UK Tec. Mae wedi dod â swyddi i Bencoed, ond mae hefyd yn gosod Bwrdeistref Sirol Pen-y-bont ar Ogwr ar reng flaen technoleg a datblygu.

“Ar ran pawb yn y fwrdeistref sirol, hoffwn longyfarch Sony UK TEC am eu llwyddiant enfawr o ran y Raspberry Pi, a dymunaf bob lwc iddyn nhw yn y dyfodol.”

Mae’r cwmni hefyd yn dathlu yn dilyn coroni safle Pencoed yn ‘Ffatri Gorau Prydain’ yng Ngwobrau Ffatri Orau 2013.

Enillodd y cwmni wobr arloesedd hefyd, yn ogystal â’r wobr ar gyfer safle electroneg a thrydanol yn y seremoni, sydd bellach ar ei 22fed flwyddyn.

Mwy o resymau dros siopa ym Mhorthcawl Ar ôl aros hir, cadarnhawyd yn ffurfiol gan Gabinet Cyngor Bwrdeistref Sirol Pen-ybont ar Ogwr mai datblygwr archfarchnad Porthcawl fydd Wm Morrison Supermarkets PLC. Bydd mwy na £5 miliwn yn cael ei fuddsoddi mewn creu ffyrdd, draeniau a chyfleustodau newydd a gwella’r seilwaith ar gyfer yr archfarchnad newydd.

Mae datblygiad yr archfarchnad, y bwriedir iddi fod o fantais i gymuned Porthcawl yn ogystal â’r cynllun adfywio cyffredinol, yn rhan bwysig o’r cynlluniau ar gyfer ardal y glannau.

Mae’r cyngor wrthi’n dewis contractwr i wneud y gwaith ffyrdd a seilwaith angenrheidiol. Ar ôl ei gorffen, bydd yr archfarchnad yn darparu cysylltiad pwysig â Dock Street a chanol y dref, cyfleusterau parcio newydd ar gyfer y dref, a mannau cyhoeddus deniadol wedi’u tirlunio, gan gynnwys rhodfa Ddwyreiniol newydd.

Bydd hefyd yn galluogi’r cyngor i ganolbwyntio ar gamau pwysig eraill o’r gwaith adfywio, gan gynnwys tir wedi ei neilltuo at ddibenion hamdden yn rhan isaf Salt Lake a datblygiad Adeilad Jennings gerllaw.

Meddai David Sage, y Dirprwy Arweinydd: “O ystyried mai ychydig dros flwyddyn yn ôl y tynnwyd cynigion gwreiddiol Tesco yn ôl, rwy’n fwy na balch o weld cynlluniau yn cael eu datblygu ar gyfer adeiladu archfarchnad newydd Morrisons ym Mhorthcawl.

“Gwnaed addewid gennym ni bryd hynny y byddem ni’n gwneud pob ymdrech i gael y rhan hon o’r gwaith adfywio yn ôl ar y trywydd cywir cyn gynted â phosib. Diolch i lawer o waith caled ac ymrwymiad, rydym ni bellach mewn sefyllfa gyffrous lle y sefydlwyd datblygwr newydd sbon ac y cyhoeddir enw contractwr ar gyfer y gwelliannau ffyrdd yn fuan.

“Dywedom hefyd mai dim ond un elfen o’r cynlluniau adfywio oedd yr archfarchnad, gan addo bwrw ymlaen â phrosiectau eraill yn y cyfamser.

“Gyda Marina newydd sbon Porthcawl yn dod i drefn yn gyflym, cynllun menter treftadaeth treflun yn dod i’r amlwg ar gyfer adeiladau yn ardal y glannau, a pharatoadau ar y gweill ar gyfer marchnata adeilad hanesyddol Jennings i ddatblygwyr posibl, rwy’n meddwl ei bod yn deg dweud ein bod wedi cadw at ein gair.

“Mae hwn yn newyddion gwych i Borthcawl, ac rwyf i’n cefnogi’r cynnig yn galonnog.”

Uned Datblygu Economaidd

9

Mae band eang ffibr, cyflym yma!

Rhaglen gwerth miliynau yw Cyflymu Cymru i gyflwyno band eang cyflym iawn yng Nghymru.

Mae Llywodraeth Cymru a BT yn gweithio mewn partneriaeth trwy’r rhaglen er mwyn darparu buddiannau band eang cyflym i ardaloedd sydd wedi’u lleoli y tu allan i gynlluniau’r sector preifat.

Mae’r rhan fwyaf o’r cyfnewidfeydd ffôn ar gyfer Bwrdeistref Sirol Pen-y-bont ar Ogwr wedi’u huwchraddio i ddarparu ffibr dan raglen fasnachol BT. Bydd y ddwy gyfnewidfa sy’n weddill, sef

Maesteg a Bro Ogwr, yn cael eu huwchraddio i ffibr cyn bo hir, ynghyd â pheth gwaith llenwi yn ardaloedd cyfnewidfa Abercynffig, Pen-y-bont, Pencoed a Phontycymer yn rhan o’r rhaglen. Bydd mwy o waith llenwi’n cael ei wneud ar gyfnewidfa Porthcawl yn ystod haf 2014.

O ganlyniad i’r gweithgareddau hyn bydd oddeutu 6,000 eiddo ychwanegol yn elwa ar fand eang ffibr yn y fwrdeistref sirol erbyn diwedd mis Rhagfyr 2013, yn ogystal ag 8,000 eiddo ychwanegol yn ystod blwyddyn ariannol 2014/15.

Golyga hyn y bydd band eang ffibr ar gael ar gyfer y rhan helaeth o ddinasyddion a busnesau Bwrdeistref Sirol Pen-y-bont ar Ogwr erbyn 2015.

Bydd band eang cyflym iawn yn cael effaith fawr ar fusnes. Bydd cysylltiad cyflymach a mwy dibynadwy yn helpu eich busnes i achub y blaen – mae cymaint o offerynnau a gwasanaethau ar flaenau eich bysedd.

I gael mwy o wybodaeth a chanfod pa bryd y bydd eich busnes chi yn cael ei gysylltu, ewch i: ww.cyflymu-cymru.com

Newyddion cryno Cronfa Datblygu Digidol Nod y Gronfa Datblygu Digidol, gwerth £2 filiwn, yw helpu i gefnogi busnesau’r diwydiannau creadigol i fanteisio ar farchnadoedd busnes newydd yn yr economi ddigidol fyd-eang trwy dechnolegau digidol sy’n dod i’r amlwg.

Mae Llywodraeth Cymru yn dymuno ariannu prosiectau sy’n defnyddio’r dyfeisiau, llwyfannau a sianeli digidol ehangaf posibl. Astudiaeth beilot yw’r gronfa, a chroesewir unrhyw adborth sydd â’r nod o helpu i wella’r gwasanaeth. Wrth i’r gronfa gael ei chyflwyno, gallai meini prawf cymhwysedd a chanllawiau gael eu newid pan fo angen.

Nod y gronfa yw cefnogi prosiectau a all gyflawni enillion masnachol sylweddol trwy gyfleoedd yn y farchnad ryngwladol. Gall y Gronfa Datblygu Digidol ddarparu cyllid o hyd at £50,000 a hyd at 50 y cant o gostau cymwys pob prosiect. Nid ad-delir y cymorth a roddir dan y gronfa hon.

Ni fwriadwyd y gronfa ar gyfer buddsoddiad cychwyn busnes, camau cynnar gwaith ymchwil a phrosiectau datblygiad yn unig, nac ar gyfer digideiddio cynhyrchion creadigol anfasnachol.

Pe hoffech gael cymorth â’r broses ymgeisio, neu os nad ydych yn siŵr a yw eich prosiect yn gymwys ar gyfer y Gronfa Datblygu Digidol, darllenwch adran y Cwestiynau Cyffredin a’r meini prawf ar y wefan: www.business.wales.gov.uk/ digitaldevelopment

10

Gwefan GwerthwchiGymru ar ei newydd wedd Mae gwefan GwerthwchiGymru ar ei newydd wedd, sef porth caffael y sector cyhoeddus ar gyfer cyflenwyr a phrynwyr Cymru bellach ar gael ac yn gweithio.

Bwriedir i’r wefan newydd, sy’n gyfuniad o’r brand PrynwchiGymru a GwerthwchiGymru, fod yn fwy modern a dibynadwy na’r safleoedd presennol.

Bydd caledwedd, meddalwedd a swyddogaethau newydd, a gwell diogelwch, i gyd yn sicrhau bod y safle yn addas i’w diben, ar hyn o bryd ac am y pum mlynedd nesaf. Mae hefyd yn edrych ac yn teimlo’n newydd sbon.

Gall defnyddwyr presennol o’r gymuned brynu ddefnyddio sawl swyddogaeth y maent eisoes yn gyfarwydd â nhw, yn ogystal â chyfleuster newydd, hawdd ei ddefnyddio i ddod o hyd i gyflenwyr. Byddant hefyd yn derbyn dyfynbrisiau ar gyfer gofynion rhatach trwy ddefnyddio swyddogaeth newydd o’r enw ‘Quick Quote.’

Ewch i’r wefan ar ei newydd wedd yma: www.gwerthwchigymru.gov.uk

Uned Datblygu Economaidd

Ffynhonnell gyllid newydd ac unigryw A yw eich busnes yn ystyried ffyrdd o ariannu menter newydd? Gallai cyfle ariannu amgen fod yr ateb yr ydych yn chwilio amdano.

Mae’r twf yn y defnydd o’r rhyngrwyd wedi ei gwneud hi’n haws i niferoedd mawr o bobl gael gafael ar arian trwy lawer o gyfraniadau bychain yn lle ychydig o rai mawr. Mae’r cysyniad gweddol newydd, cyllid torfol, yn caniatáu i fusnesau gael symiau sylweddol trwy fuddsoddiadau bychain gan nifer fawr o bartïon.

Cyfeirir at gyllid torfol hefyd fel benthyciad cymar i gymar, ac mae’n bodloni anghenion cwmnïau i gael gafael ar yr arian angenrheidiol i ehangu eu busnes, yn ogystal â rhoi cyfran fach o’r busnes, ac enillion ariannol, i’r buddsoddwyr. Mae’n dod yn ffordd fwy a mwy poblogaidd i gwmnïau bychain godi arian ar adeg pan fo cyfleoedd i sicrhau cyllid trwy ffyrdd mwy traddodiadol yn dod yn fwy a mwy cyfyngedig.

Ym mis Rhagfyr 2012, cydnabu Vince Cable, yr Ysgrifennydd Busnes, bwysigrwydd y ffordd hon o fenthyca trwy addo £55 miliwn o arian y Llywodraeth Ganolog i fenthycwyr cymar i gymar a chyflenwyr cyllid eraill, trwy gynllun y Bartneriaeth Cyllid Busnes.

Paratowyd adroddiad diweddar gan yr elusen annibynnol, Nesta, yn edrych ar ddata a gasglwyd gan ‘Funding Circle’, gwefan fwyaf y DU ar gyfer benthyciadau cymar i gymar rhwng busnesau.

Canfu’r adroddiad mai £35,000 oedd maint cyfartalog y benthyciad a godwyd gan y cwmnïau a arolygwyd, gyda 418 o bobl ar gyfartaledd yn rhoi benthyg arian i bob cwmni. Cyfradd llog gyfartalog y benthyciadau i’r cwmnïau a samplwyd oedd 8.02 y cant. Roedd chwe deg y cant o’r cwmnïau wedi ceisio cael benthyciad banc cyn mynd at Funding Circle.

I gael mwy o wybodaeth am sut y gallai cyllid torfol helpu eich busnes chi i dyfu, ewch i www.ukcfa.org.uk

Hanes o lwyddiant i gyn-weithwyr Remploy ym Mhen-y-bont ar Ogwr Flwyddyn yn ôl, cyflogodd Espack Eurologistica 12 o gynweithwyr Remploy o ffatri Pen-y-bont ar Ogwr, ar ôl iddi gael ei chau, a’r diswyddiadau a ddilynodd.

Flwyddyn yn ddiweddarach, mae’r gweithwyr hynny yn gweithio’n llwyddiannus yn ffatri Espack Eurologistica ar Stad Ddiwydiannol Pen-y-bont ar Ogwr, ac maent yn rhan barhaol a hanfodol o’r gweithlu.

swyddi gweithio peiriant yn Brynwood Holdings ar Stad Ddiwydiannol Brynmenyn.

Gwnaed addasiadau rhesymol yn benodol ar gyfer anghenion unigol, a oedd yn cynnwys cynnal asesiadau ar gyfer offer cymorth gan Dîm Mynediad i Waith yr Adran Gwaith a Phensiynau, gan arwain at ddosbarthu peiriannau galw i rybuddio staff â nam ar eu clyw am sefyllfaoedd argyfyngus.

Mae adborth gan y gweithwyr newydd yn dangos bod yr addasiadau i’r gweithle wedi bod yn llwyddiannus iawn, gyda’r staff yn nodi eu bod ‘wedi cael croeso mawr’ a’u bod ‘wrth eu boddau’ â’u swyddi newydd.

Jorge Escalada a thîm rheoli Espack yn derbyn eu plac cyllido gan y Gronfa Fuddsoddi Leol oddi wrth Arweinydd Cyngor Bwrdeistref Sirol Pen-y-bont ar Ogwr, y Cynghorydd Mel Nott, OBE yn y Swyddfeydd Dinesig

Roedd yn rhaid gwneud addasiadau i’r safle, a chyda chymorth Cyngor Bwrdeistref Sirol Pen-y-bont ar Ogwr a'r Adran Gwaith a Phensiynau, adeiladodd y cwmni gyfleuster ystafell lân penodol yn eu warws presennol. Trwy gydol y broses, cynorthwywyd Espack hefyd gan Weithwyr Achos Personol Remploy yn yr Adran Gwaith a Phensiynau.

Roedd addasiadau pellach yn cynnwys darparu ffreutur ar y safle, sy’n cynnwys mynediad i bobl anabl ac ailadrodd prosesau Remploy, gan gynorthwyo i hwyluso’r trosglwyddiad i’r swyddi newydd. Cefnogwyd yr addasiadau hyn trwy arian grant Cronfa Fuddsoddi Leol gan Uned Datblygu Economaidd y cyngor a'r Grant Cymorth i Gyflogwyr y mae Llywodraeth Cymru wedi ei roi ar gael yn benodol ar gyfer helpu pobl anabl cymwys a oedd yn arfer gweithio i Remploy.

Mae’r cynllun Grant Cymorth i Gyflogwyr gan Lywodraeth Cymru yn annog busnesau yng Nghymru i gyflogi un cyn-aelod o staff Remploy trwy gyfrannau at gostau cyflog am bedair blynedd a chynorthwyo â hyfforddiant priodol ac addasiadau i’r gweithle y gallai fod eu hangen er mwyn eu galluogi i weithio’n ddiogel.

Mae’r cynllun bellach wedi ei ymestyn hyd at 2014.

Meddai’r Cynghorydd Phil White, Aelod y Cabinet dros Gymunedau yng Nghyngor Bwrdeistref Sirol Pen-y-bont ar Ogwr: “Cefais y fraint yn ddiweddar o gael fy ngwahodd i ffatri Espack Eurologistica i edrych ar y cyfleusterau newydd a siarad â chyn-staff Remploy. Rwyf wrth fy modd eu bod yn hapus yn eu swyddi newydd a’u bod wedi eu hintegreiddio’n llawn i’r gweithlu. Rwyf hefyd yn falch fod y cyngor wedi gallu chwarae ei ran, trwy arian y Gronfa Fuddsoddi Leol, i gynorthwyo’r trosglwyddiad pwysig hwn.

Meddai tîm rheoli Espack: “Pan oeddem ni’n ystyried cyflwyno cynnig am y gwaith proses bwndelu falfiau, ar ôl cau ffatri Remploy Pen-y-bont ar Ogwr, ein hymagwedd oedd “os nad yw e wedi torri, does dim angen ei drwsio’.

“Roedd gan dîm rheoli a chynhyrchu Remploy hanes rhagorol o ddim diffygion, gan gyflawni cant y cant o ran danfon ar amser i’r cwsmer. Ni ellid gwella ar yr enw da hwn, ac felly, symudwyd yr offer a’r bobl i gyfleuster cynhyrchu newydd a adeiladwyd yn ein safle presennol.

“Oherwydd yr amserlen eithriadol o dynn, cafwyd sawl her. Fodd bynnag, gyda chymorth a chydweithrediad swyddogion o uned datblygu economaidd y cyngor, yr Adran Gwaith a Phensiynau, a thîm rheoli Remploy, bu trosglwyddiad y gweithredu yn llwyddiant llwyr heb unrhyw darfu ar y cyflenwad i’r cwsmer.

“Mae cyn-dîm Remploy bellach wedi eu hintegreiddio’n gyfan gwbl i dîm presennol Espack, ac yn parhau i ddarparu’r lefel uchaf o wasanaeth i’r cwsmer; dim diffygion, a chant y cant o ran amser danfon.”

Mae pedwar aelod arall o staff Remploy Pen-y-bont ar Ogwr gan gynnwys dau weithiwr sy’n hollol fyddar, wedi eu rhoi mewn

(O'r dde i'r chwith) Jeff Peters, Uned Datblygu Economaidd Cyngor Bwrdeistref Sirol Pen-y-bont ar Ogwr, Y Cynghorydd Philip White, canol y rhes flaen Mr Martyn Phillips (cyn-reolwr Remploy) y tu blaen ar y dde (yn eistedd) John Larkin (Remploy gynt). Y rhes gefn (o'r dde i'r chwith) Robert Williams, Arwyn Lewis (Rheolwyr Espack), Jason Simmonds a John Richards (Remploy gynt)

“Mae hefyd yn wych clywed bod y cynllun Cymorth Grant i Gyflogwyr wedi ei ymestyn, gan ei fod yn golygu ein bod yn gallu parhau i helpu’r bobl hyn i ddod o hyd i waith.”

I gael mwy o wybodaeth am y cynllun Grant Cymorth i Gyflogwyr, anfonwch e-bost i remployprojectmail@wales.gsi.gov.uk neu ffoniwch Vicky Taylor ar 07500 814663.

I gael mwy o wybodaeth am y Gronfa Fuddsoddi Leol, ffoniwch y llinell ymholiadau busnes ar 01656 815315 neu e-bostio: business@bridgend.gov.uk

Uned Datblygu Economaidd

11

A’r enillydd yw…

Cyhoeddwyd mai Aircraft Maintenance Support Services Ltd (AMSS Ltd) yw ‘Busnes y Flwyddyn Pen-y-bont ar Ogwr 2013’ yng Ngwobrau cyntaf Fforwm Busnes Pen-ybont ar Ogwr a gynhaliwyd yng Nghoed-yMwstwr, Llangrallo, ddydd Gwener 20 Medi.

cwmni i fwynhau twf sylweddol a chyson yn ystod y Arweinydd y Cyngor, Y Cynghorydd, Mel Nott tair blynedd OBE gyda Gary Lynch, AMSS Ltd a Sian Lloyd. ddiwethaf, a hynny ar adeg o ddirwasgiad byd-eang.

Meddai Alison Hoy, Cadeirydd Fforwm Busnes Pen-y-bont ar Ogwr, a gyflwynodd y wobr ‘ Busnes y Flwyddyn Pen-y-bont ar Ogwr’: “Gwnaed argraff arbennig arnom gan safon uchel y mentrau a ymgeisiodd, ond roedd hynny'n golygu bod y broses ddyfarnu yn eithriadol o anodd i ni! Mae hwn yn gyfnod anodd i lawer o gwmnϊau, ond mae enillwyr ein gwobr yn dangos bod busnesau ac entrepreneuriaid sy’n dangos gwir benderfyniad yn gallu ffynnu, hyd yn oed dan yr amodau mwyaf heriol.”

Noddwyd y gwobrau, a oedd yn dathlu rhagoriaeth mewn mentergarwch ar draws y fwrdeistref sirol, gan Gyfreithiwyr Berry Smith, Business in Focus, kksolutions, United Graphic Design, Bridgend Business Against Crime, gyda chefnogaeth Cyngor Bwrdeistref Sirol Pen-y-bont ar Ogwr, y Gronfa Fuddsoddi Leol a Chwarae Teg.

Alison Hoy, Cadeirydd Fforwm Busnes Pen-y-bont ar Ogwr gyda Gary Lynch, AMSS Ltd a Sian Lloyd.

Enillodd y cwmni, sydd wedi ei leoli yn Y Pîl ers mwy na 35 mlynedd, y brif wobr ar ôl iddo gael ei enwi’n gynharach yn ‘Fusnes Gweithgynhyrchu/Rhyngwladol y Flwyddyn 2013’.

Meddai Andy Cookson, Rheolwr Gyfarwyddwr AMSS Ltd: ”Rydym wrth ein boddau o fod wedi ennill y ddwy wobr hyn.

Fel busnes, rydym yn cystadlu’n llwyddiannus yn erbyn cwmnïau byd-eang, gan wneud yn well na'r disgwyl yn aml.

Rydym ni wedi cyflawni hyn trwy weithio’n agos gyda’n partneriaid busnes yma ym Mhen-y-bont ar Ogwr, fel uned datblygu economaidd y cyngor a thrwy gael cefnogaeth lawn Carwyn Jones, ein AC, a Madeleine Moon, ein AS. “Yn anad dim, rydym wedi cael y gydnabyddiaeth hon oherwydd y gweithlu â sgiliau rhagorol sydd gan AMSS yn ne Cymru. Mae’r dalent sydd gennym ni yn y fwrdeistref sirol wedi cyfiawnhau’r penderfyniad i fuddsoddi 1.4 miliwn o bunnoedd mewn ehangu ein cyfleusterau, creu 40 o swyddi ychwanegol, ailgyflwyno cynllun prentisiaeth, sydd i gyd wedi galluogi’r

12

Uned Datblygu Economaidd

Meddai Arweinydd y Cyngor, y Cynghorydd Mel Nott, OBE, a gyflwynodd y wobr ‘Busnes Gweithgynhyrchu/Rhyngwladol y Flwyddyn 2013’ i AMSS Ltd: “Rwy’n hynod o falch fod y cyngor wedi gallu darparu llwyfan i’r gwobrau hyn trwy waith Fforwm Busnes Pen-y-bont ar Ogwr. Mae’r gwobrau wedi amlygu faint o fusnesau rhagorol sy’n gweithredu yn ein hardal.

Rydym yn falch o gydnabod llwyddiannau’r cwmnïau hyn, eu hymrwymiad, eu hymroddiad, a’u cyfraniad i'r economi.”

Roedd bron i 150 o westeion yn aros yn eiddgar i ganfod pa fusnesau a fyddai'n cael eu cyhoeddi fel y rhai gorau yn ardal Bwrdeistref Sirol Pen-y-bont ar Ogwr.

Llywyddwyd y noson gan ddarlledwraig a chyflwynydd y BBC, Sian Lloyd, gyda Chyfreithwyr Berry Smith yn brif noddwyr.

Gerald Davies CBE DL

‘Myfyriwr Busnes y Flwyddyn’ Hazelwood Gardens by Becki.

‘Entrepreneur y Flwyddyn’ Fruity Bouquets R Us

‘Busnes Newydd y Flwyddyn’ Wiggleys Fun Farm Daeth One Nine Design a Liberty Horses yn agos i'r brig yn y categori hwn.

Daeth Linda Narbeth, Cherryblue Ltd ac Accelero Digital Solutions yn agos i'r brig.

‘Manwerthwr Annibynnol y Flwyddyn’ Home & Colonial Fine Foods Daeth Pink Butterfly Brides ac Eclectic Vintage Boutique yn agos i'r brig.

“Mae ein tîm ni yn Home & Colonial mor falch o fod yn enillwyr yng Ngwobrau Fforwm Busnes Pen-y-bont ar Ogwr2013, ac mae ein cwsmeriaid wrth eu boddau hefyd. Rhoesom ein gwobr ar ben y cownter ar y dydd Sadwrn yn dilyn y seremoni, a dechreuodd un cwsmer lefain oherwydd ei bod hi mor falch!

Mae’r wobr hon yn golygu llawer i ni, gan fod gwneud bywoliaeth fel adwerthwr wedi bod yn anodd iawn yn ystod yr ychydig flynyddoedd diwethaf. Roeddem ni wrth ein boddau bod pobl yn gallu cydnabod y gwaith a’r ymroddiad sydd wedi mynd i wneud Home & Colonial y llwyddiant yr ydyw heddiw. Mae Pen-ybont ar Ogwr yn fwrdeistref wych, gyda chymaint i’w gynnig, ac rydym wrth ein boddau, bod gweddill Cymru'n cael clywed amdanom nawr!” Abbe Vaughan, Perchennog, Home & Colonial Fine Foods.

‘Busnes Gweithgynhyrchu’r Flwyddyn’ Mackworth Healthcare Ltd Daeth First4Numbers yn ail.

“Mae ennill gwobr gweithgynhyrchwyr y flwyddyn wedi codi calon pawb yn ein sefydliad. Rydym ni wedi bod yn eithriadol o brysur yn ddiweddar, gyda llyfr archebion gwerth uchel, ac mae’r staff wedi bod yn gweithio’n galed iawn oherwydd hynny. Rwy’n falch iawn drostyn nhw. Rwy’n teimlo eu bod nhw wir wedi haeddu hyn, a bod eu gwaith caled wedi dwyn ffrwyth trwy dderbyn cydnabyddiaeth o’r fath.” Neil Smith, Mackworth HealthCare Ltd

‘Busnes Gwasanaethau Busnes y Flwyddyn’ ISA Training Ltd Daeth TSW Training Ltd a Just Perfect Catering yn agos i'r brig.

“Roeddem wrth ein boddau ein bod ar y rhestr fer, ond mae ennill yn anghredadwy! Yn enwedig pan welsom ni safon y rhai a oedd ar y rhestr fer gyda ni, ac yn wir, safon yr holl fusnesau a oedd bresennol yn y digwyddiad. Mae hyn yn llwyddiant i’r tîm cyfan, sy’n gweithio’n ddiflino i gadw ISA ar reng flaen dysgu seiliedig ar waith yn y sector trin gwallt a harddwch.”

Shirley Davis-Fox, Rheolwr Gyfarwyddwr, ISA Training Ltd

Cafodd y gwesteion hefyd wledd o gerddoriaeth gan James Williams, y canwr cyffrous o Gymru a chan y grŵp o gantorion benywaidd newydd ‘LaSe’.

Roedd Fforwm Busnes Pen-y-bont ar Ogwr hefyd yn dathlu ei bumed flwyddyn lwyddiannus yn y seremoni, ac meddai Alison Hoy, Cadeirydd Fforwm Busnes Pen-y-bont ar Ogwr: “Mae’r gwobrau hyn yn ymwneud â dathlu llwyddiant mewn busnes, ac roeddem ninnau wrth ein boddau yn dathlu pumed pen-blwydd y fforwm.

“Mae cymaint wedi ei gyflawni yn ystod y pum mlynedd ddiwethaf trwy gymorth Cyngor Bwrdeistref Sirol Pen-y-bont ar Ogwr. Mae gennym ni 461 o aelodau, rydym ni wedi cynnal mwy na chant o ddigwyddiadau a seminarau busnes ar gyfer cefnogi busnesau lleol, ac wedi croesawu mwy na 1,800 o gynrychiolwyr o bob rhan o dde Cymru.”

Y Cynghorydd, Mel Nott, OBE, Alison Hoy, Cadeirydd Fforwm Busnes Pen-y-bont ar Ogwr a Darren Mepham, Prif Weithredwr Cyngor Bwrdeistref Sirol Pen-y-bont ar Ogwr gyda’r deisen 5ed pen-blwydd.

Uned Datblygu Economaidd

13

Gwersyllwyr hapus mewn cyrchfan newydd i dwristiaid Mae parc carafanau teithio a gwersylla 60 llain newydd wedi ei ddatblygu ym Melin Ifan Ddu, Pen-y-bont ar Ogwr gan y teulu Edwards a thîm Twristiaeth y cyngor.

Mae’r safle, sydd â’r potensial i gael sgôr o bedair neu bum seren gan ‘Croeso Cymru’ (cangen dwristiaeth Llywodraeth Cymru) wedi ei ddatblygu i gyd-fynd â gwaith adeiladu'r ‘Llwybr Celtaidd’ (cyfres o lwybrau beiciau mynydd) wrth ymyl y ffarm, yn rhan o raglen adfywio ‘Y Cymoedd’.

Nid oedd y tir, a ddefnyddiwyd yn wreiddiol at ddibenion amaethyddiaeth ac a gafodd ei drin gan dair cenhedlaeth o’r teulu Edwards, yn gallu cynnal ei etifeddiaeth ffermio. O ganlyniad, arallgyfeiriodd y teulu yn 2000 i ddarparu ffrwd incwm arall, sef Parc Fferm Lakeside sy’n cynnwys llynnoedd pysgota brithyll, mannau chwarae i blant, ac ystafell digwyddiadau ar gyfer cynnal cynadleddau a phriodasau. Mae’r enillion o’r prosiect hwn wedi eu buddsoddi yn ôl yn y busnes er mwyn

ariannu’r safle newydd a diogelu bywoliaeth y teulu.

Meddai Eira Edwards: “Cawsom gymorth cyllido trwy ‘reach’ (Tîm Datblygu Gwledig ym Mhen-y-bont ar Ogwr) i osod cyflenwad trydan a system gynhesu drwy gompost arloesol yn ychwanegol i’r system wresogi solar a thraddodiadol, gan wneud y bloc tai bach a chawodydd yn fwy gwyrdd a chynaliadwy.

“Rydym ni hefyd wedi gosod golau foltedd isel yn y bloc cyfleusterau a gwres oddi tan y llawr, er mwyn sicrhau amgylchedd cyfforddus i’n hymwelwyr.

“Mae’r cymorth hefyd wedi ein galluogi i osod cawodydd Paralympaidd wedi eu huwchgylchu sy’n cydymffurfio’n llawn â Deddf Gwahaniaethu ar Sail Anabledd, ac sy'n gymharol rhad i'w rhedeg a chynaliadwy.

bloc cawodydd a thai bach a hyd yn oed datblygu ein logo newydd!”

“Rydym ni’n hynod o ddiolchgar i’r holl dimau yn y cyngor, sydd wedi gweithio gyda’i gilydd i gefnogi’r prosiect hwn.

Mae’r swyddogion wedi bod yn gymwynasgar iawn ynglŷn â chyngor a chyfeirio, sydd wedi ein helpu ni bob cam o’r ffordd i wireddu’r fenter newydd hon. “Rydym ni’n edrych ymlaen yn eiddgar at hybu’r ardal fel cyrchfan o ansawdd uchel i dwristiaid.”

I gael mwy o wybodaeth, ewch i: www.ourwelsh.co.uk

"Roeddem hefyd yn gymwys ar gyfer grant Cronfa Fuddsoddi Leol trwy’r timau twristiaeth a datblygu economaidd, sydd wedi ein helpu ni i dirlunio’r parc, rhoi gorchudd ar ein

Tanysgrifiad AM DDIM i business@bridgend Rydym yn cynnig y dewis i ddarllenwyr ‘optio i mewn’ i dderbyn rhifynnau o gylchgrawn business@bridgend yn y dyfodol, YN RHAD AC AM DDIM. Rhowch eich manylion ar y ffurflen isod, ac anfonwch hi trwy ffacs at Nicola Fedyszyn, Swyddog Marchnata - Cymunedau ar 01656 642433, neu sganiwch y dudalen hon ac anfonwch hi trwy e-bost i business@bridgend.gov.uk. Mae’r cylchgrawn ar gael ar ffurf electronig hefyd, o www.bridgend.gov.uk a thrwy glicio ar ‘Parth Busnes’.

Enw: ............................................................................................................................................................................................................

Enw’r cwmni:..............................................................................................................................................................................................

Cyfeiriad: .................................................................................................................................................................................................... ........................................................................................................ Cod Post: ........................................................................................

Cyhoeddwyd gan Uned Datblygu Economaidd Cyngor Bwrdeistref Sirol Pen-y-bont ar Ogwr.

Dylid anfon eitemau newyddion at Nicola Fedyszyn, Swyddog Marchnata - Cymunedau.

E-bost: business@bridgend.gov.uk Rhif ffôn: 01656 815322

14

Uned Datblygu Economaidd