Häppi 1. Ouguscht

du wärtvolls Land voller wärtvolle Mönsche

Länder u Staate wärde bewärtet. Wie steits um üsi Schwyz? Der erscht Platz hei mir nid. Aber ds Empfinde für Wärte isch eh sehr persönlech. Mönsche u System wärte u bewärte. U mängisch sis mir, wo üs sälber beurteile u mängisch o abwärte.

Stell dir e 10er Note vor. Du lasch se im Hosesack u si landet ir Wöschmaschine. Du verchruglisch se, wirfsch se i Dräck u tramplisch no druf ume. Du zerrissisch se sogar. Wie viel wärt het die 10er Note no? Solang gnue Teili ume si bliebt sie 10 Franke wärt.

So ischs mit dim u mim Wärt. Was ou immer anderi u mir sälber üs hei ata: Es änderet nüt dran, wie wärtvoll mir si! So wie Gold hinderleit isch füre Wärt vo dere Note, so het Gott üse Wärt bestimmt, will mir sini Gschöpf si. Original. U für alles, wo falsch gloffe isch, für jedes Versäge, jede Dräck, jedes Unvermöge, het Jesus mit sim Bluet zahlt. Nüt u niemer cha drum öpis dran ändere, dass mir unbezahlbar wärt si. Will üse Wärt nid a däm cha gmässe wärde, wie mir usgseh, was mir leischte oder nid, wie alt mir si und so wyter. Di u mi Wärt besteit allei da drin, dass mir existiere. E Schöpfig une guete Gedanke vom Allerhöchschte. Es lohnt sich drum, am 1. Ouguscht nid nume übere Wärt vo üsem wunderbare Land nachezdänke us zfiire, sondern vilech ou es paar Minute über die eigeti Identität u Härkunft zsinniere.

Weisch wie schön, wede mit de Böller oder mira Leiserliechter am Abe alle Ballascht, alli Lugine über dir, alles Umvermöge chasch gen Himmel schicke u loslah. U vielech ladsch sogar dä Schöpfer i, dir im nächste Morgerot zbegägne. Der Räscht vom Ouguscht chönnte mir de nutze, zum ganz nöi entdecke, warums üs git uf dere Wält.