Nuigen Pervinzioale Schriefwedstried 2014 Moi dailnemers, femilie en bekenden, Geern willen wie joe nuigen veur priesoetlangen van Pervinzioale schriefwedstried van t joar 2014. Wie binnen net as vleden joar wat loater in t joar zitten goan as dat je aaltied van ons wènd wazzen. Van t veurjoar noar d’haarst het toch weer hail wat schiere inzendens opleverd en meschain binnen ie wel ain van de prieswinnoars. De priezen zellen dit joar op vrijdagoavend 21 november oetlangd worden. De feestelke bieainkomst vindt ploats in t Huis van de Groninger Cultuur, Cascadeplein 4 in Stad. Deur gaait om zeuven uur lös en om haalf aacht begunnen we mit t officiële gedailte: t oetlangen van de priezen. t Pergram wordt muzikoal omliest deur de Grunneger zangeres Marlene Bakker. Wie hopen dat je mit hail wat volk noar Stad tou kommen, mor din willen wie vanzulf geern veuroet van joe waiten mit houveul je kommen, want din kinnen we goud reken holden mit t hapke en t drankje noa tied. Wie willen geern dat je joe aanmelden veur 10 november via: info@huisvandegroningercultuur.nl of n koartje sturen noar: Huis van de Groninger Cultuur, Cascadeplein 4, 9700 RM Groningen. In aals geval tot din en groutnis, Noamens de lu van t Huis van de Groninger Cultuur en Stichting t Grunneger Bouk,
Henk Scholte Jan Groenbroek