vrijdagoavend 15 november 2013 Huis van de Groninger Cultuur, Cascadeplein 4 in Stad. Deur gaait om zeuven uur lös en om haalf aacht begunnen we mit t officiële gedailte.
Nuigen Priesoetlangen 18e Pervinzioale Schriefwedstried 2013 Moi dailnemers, femilie en bekìnden, Geern willen wie joe nuigen veur de priesoetlangen van Pervinzioale Schriefwedstried van t joar 2013. Wie haren al aangeven davve wat loater in t joar zitten gongen as dat je aaltied van ons wènd wazzen. Van t veurjoar noar d’haarst het toch hail wat schiere inzendens opleverd en meschain binnen ie wel ain van de prieswinnoars. De priezen zellen dit joar op vrijdagoavend 15 november oetlangd worden. De feestelke bieainkomst zel ploatsvinden in t Huis van de Groninger Cultuur, Cascadeplein 4 in Stad. Deur gaait om zeuven uur lös en om haalf aacht begunnen we mit t officiële gedailte. De priezen zellen din oetlangd worden deur veurzitter van Stichting Grunneger Toal, börgmeester Cor Dijkstra oet Grodegast. t Pergram wordt muzikoal omliest deur de Grunneger troebadour Hans van der Lijke. Wie hopen dat je mit hail wat volk noar Stad tou kommen, mor wie willen vanzulf geern veuroet van joe waiten mit houveul je kommen, want din kinnen we goud reken holden mit t hapke en t drankje noatied.
AANMELDEN Wie willen geern dat je joe aanmelden veur 10 november via info@huisvandegroningercultuur.nl of n koartje sturen noar Huis van de Groninger Cultuur, Cascadeplein 4, 9700 RM Groningen. Groutnis, noamens Huis van de Groninger Cultuur en Stichting Grunneger Toal, Henk Scholte Jan Groenbroek