Existe en Galicia unha fermosa tradición do Nadal case esquecida por todos: os cantares de reis. Tres ou catro cantores, un gaiteiro e varios percusionistas recorrían as casas de vilas de aldeas cantándolle aos reis e ao Nadal. Como agradecemento, os anfitrións aos que se lles cantaba, daban ao grupo un aguinaldo. Tradicionalmente, produtos da casa: comida, bebida, uns doces, … Recuperemos esta tradición: acordemos entre os ciclos que aulas lle cantan a que aulas e que se pode dar como aguinaldo aos cantores. Aquí vos deixamos algunhas ideas de aguinaldo: -
Unha tarxeta de Nadal para cada neno/a. Unha tarxeta de Nadal colectiva. Unha ilustración de Nadal. Un diploma aos “Mellores cantores de Reis”. Algúns doces típicos de Nadal , noces, peladillas,…
A continuación tedes algúns cantares dos que podedes botar man se vos apetece participar nesta actividade. Se tedes algunha dúbida, necesitades algún material ou realizades algunha actividade de Nadal, pedímosvos nolas fagades chegar: diríxedevos a Palola, Carina ou Thais (coordinadoras dos equipos de Biblioteca, Extraescolares e DLG). Desfrutade destas festas cos alumnos/as.
Un saúdo
E RORRO, RORRO MEU NENO ( de Fuxan os ventos) Eu son un probe galego veño do sul da terriña, i ó Neno Xesús lle traigo lenzo pra unha camisiña. O Meniño está no berce vistidiño de oletón os nenos que o arrolan os anxos do Ceo son!
E RORRO, RORRO MEU NENO, E RORRO, RORRO
E RORRO, RORRO MEU NENO, E RORRO, RORRO MEU AMOR.
TAN TAN Tan , tan Van polo deserto Tan, tan Melchor e Gaspar. Tan, tan Detrás un negriño Que todos lle chaman O rei Baltasar. Tan, tan Viron unha estrela Tan, tan Vírona brillar.
Tan, tan Tan pura e fermosa Que todos a seguen A ver donde vai. Tan, tan Cánsase o camelo Tan, tan Cánsase de andar Tan, tan Que vai cargadiño De incienso e de mirra Para quen será?
CON UN SOMBREIRO DE PALLA (de Fuxan os ventos) Con un sombreiro de palla un galego a Belén foi, mentras adouraba ó Neno, comeulle o sombreiro o boi,
DEIXADE OS PASTORES DEIXADEOS PASAR QUE VAN A CANTAR O NENO A XESUS NO PORTAL!
Nunha pallas deitadiño i en coiriños ah está!; sendo o Dono diste mundo e Señor de canto hai!
DEIXADE OS PASTORES DEIXADEOS PASAR QUE VAN A CANTAR O NENO A XESUS NO PORTAL!
NO PENDELLO (de A Quenlla) No portelo de xunto ó camiño, istes días pasados naceu; Un Meniño, Pequeniño, que parece do Ceo caeu!.
Din que é o Mesías, din que é o Ben!(bis). Corramos todos a bicarlle o pé!.
Vinde, vinde, rapaciños, vinde, vinde a vel-o Neno, que envoltiño, nuns carpaciños, e nun portaliño pequeno (bis)
MEU CARRAPUCHEIRIÑO (de Fuxan os ventos) MEU CARRAPUCHEIRIÑO, SOL DE BELEN BOTAME ISES OLLIÑOS, VASME MORRER. Miña Prendiña, miña Monada, Meu Queridiño, estás nesas pallas; por veces calas, por veces choras, e da bica dun galego, canto pides, tanto mandas! Quixera terte no colo, o teu Corpiño arrolar!; e, por veces, co meu folgo, ás túas bágoas enxugar! ás túas bágoas enxugar!
GUEDELLOS DE CABRA ( de Fuxan os ventos) CANTAMOSCHE OS REISES, GUEDELLOS DE GUEDELLOS DE CABRA. CANTAMOSCHE OS REISES. NON NOS DECHES NADA.
Sómol-os reises do quiquiriquí vimos a ver qué nos botan eiqui. sómol-os reises do cacaracá vimos a ver qué nos botan alá!
Sómol-os reises da «cabra fanada» viñemos eiquí: Non nos deron nada. Aquí vimos catro, cantaremos oito déanos o aguinaldo, fociño de cocho!
Ó aguinaldo vimos, ó aguinaldo andamos se nos dan touciño, tamén o levamos! Sómol-os reises do quiquiriquí se non nos dan nada... cagámoslle eiquí!
BUSCANDO UNHA ESTRELA (de O Quiquiriquí) Os pitiños Buscaban unha estrela E cando a atoparon Bailaron con ela (bis)
Ai laralai, larala A quen queres ti alumear Ao neno que xa naceu esta noite de Nadal (bis)
Os gatiños Buscaban unha estrela E cando a atoparon Bailaron con ela (bis)
Ai laralai, larala A quen queres ti alumear Ao neno que xa naceu esta noite de Nadal (bis)
Os peixiños Buscaban unha estrela E cando a atoparon bailaron con ela (bis)
Ai laralai, laralai A quen queres ti alumear Ao neno que xa naceu esta noite de Nadal (bis) O quiquiriquí, o quiquiriquí, se non nos dan nada marchamos de aquí!
AI MEU NENO MEU REI (de O Quiquiriquí) Imos levar unha pouca roupiña Tres polas, dous galos máis unha galiña, Un añiño, dúas pombas sen pel, tres rulas ó xeito e un tarro de mel.
Ai meu neno, meu rei meu meiguiño Non tés un albergue, non tes un leitiño. Sen arrimo nas pallas estás, Ai meu queridiño que frío terás (bis)
(Empeza amodiño e vaise repetindo o anterior cada vez máis rápido cinco veces, a última a todo meter!)
O BONECO DE NEVE FELIZ (de Mama Cabra) Este reno engalanado A súa lingua sae polo lado... UOUO! Tres coellos pola neve Tal velocidade non se debe... GUACHI GUARI! Tres alegres paxariños Entoando están o pío pío... UOUO! Un boneco que feliz Ten unha cenoria por nariz... GUACHI GUARI! Tres pingüíns bailaríns E outro que esqueceu os seus patíns... UOUO! Dous osiños pola man Dánse moitos bicos sen parar... GUACHI GUARI! Todos xuntos en unión Moi felices cantan a canción... UOUO!