Dijalektalna poezija

Moja hiža

Zeleni hatar, zelene gorice, moja hiža fajno zgledi, na zelenom bregu stoji. Drveni obloki, ferunge, zelene šalaporke. Moja hiža furt diši, i fajno zgledi. Pri hiži lepa dekla stoji i fijolicu gledi. Stara peć, babica sedi, kroz oblok deklu gledi. Fčera su ftiči na soncu popevali, a denes dežđ curi. Hajdinu zlefku pri peći babica mesi. Dedek si staroga ancuga oblači, na hajdinu fletno beži. Z večeri dedek, babica i dekla poslušaju cajgere na stari vuri i veter kak vuni zviždi. To je moja hiža koja fajno zgledi.

Dora Mlakar, 4. a

Vura

Vura na zidu stoji, i vreme broji. Celo vreme vura leti, nigdar ni mira, nigdar ne spi. Cegeri se vrtiju gori pa doli, krug za krugom, vura za vurom. Ide tak celoga života. Lana Bužanić, 4. a

Moj brat

Moj brat je mali kak ftić. Ima črne lasi kak kos. Voli se kaj ne valja, ali ja ga nebi dal za ništ. Fletni je kak zajec, a nekad spori kak puž. I pitate se zakaj ga imam rad? Imam ga rad jer on je moj brat!

Vito Lukinec, 4. a

Moj maček

Moj maček celo jutro spi i strahu je dok vino grmi.

On voli fino jesti i onda lepo presti.

Moj maček se voli puno igrati i onda celo noć u mojoj sobi spati.

Ena Horvat, 4. a

Dedek

Jedan dedek ima veliku hižu i puno pajdaša. Hiža mu je črna i ima deset obloki. Nedaleko od njegove hiže nalazi se dvorišče koje je zaprto lesom. Na tom dvorišču su: pajceki, krave i čučeki. Ima pesa koji ganja miševe. U jednoj štali drži traktora, a u drugoj živinu. Svako jutro ide brati kuruzu. Voli svoj život na selu jer ga usrećuje. Matija Prester, 4.

Došel sam dimu

Denes sam došel za škole vu dvanajsti vuri. Slekel sam za sebe bluzu i mešne hlače. Sel sam za stol i obedoval bažul z repom i kuruzni kruh. Prešel sam vun i živini sam nasipal kuruzu i dal friške vode. Gda sam si malo odehnul, išel sam zgotoviti zadaću. Gda sam bil fertih, sam si lepo prilegel na otoman i malo sam odremal.

Fran Vrbanić, 4. a

Pajdaši

Došel sem dimu i sel si pod brajde. Pozval sem svoje pajdaše. Popevali smo i popevali. Spili smo par gemišti iz stare brenčice. Obuli smo škornje, oblekli lajbeke i otišli se špancerati. Cesta nam se ljuljala i levo i desno. Kad se skmičilo, pajdaši i ja još smo jednu otpopevali i otišli svaki svojoj hiži.

Hana Vincek, 4. a