Alex Kurz
Schlittefahrt uf Bethlehem Advänts- u Wiehnachtsgschichte
ALEX KURZ SCHLITTEFAHRT UF BETHLEHEM
IH_Kurz_Schlittelfahrt_2-Auflage.indd 1
27.11.18 09:57
Der Zytglogge Verlag wird vom Bundesamt für Kultur mit einem Strukturbeitrag für die Jahre 2016 –2020 unterstützt.
®
MIX Papier aus verantwortungsvollen Quellen
www.fsc.org
FSC® C083411
2. Auflage 2018 © 2018 Zytglogge Verlag Alle Rechte vorbehalten Lektorat: Angelia Schwaller Korrektorat: Jakob Salzmann Coverfoto: Fotografica, Mike Zobrist Layout/Satz: Melanie Beugger Druck: CPI books GmbH, Leck ISBN: 978-3-7296-0990-7 www.zytglogge.ch
IH_Kurz_Schlittelfahrt_2-Auflage.indd 2
27.11.18 09:57
Alex Kurz
Schlittefahrt uf Bethlehem Advänts- u Wiehnachtsgschichte
IH_Kurz_Schlittelfahrt_2-Auflage.indd 3
27.11.18 09:57
IH_Kurz_Schlittelfahrt_2-Auflage.indd 4
27.11.18 09:57
Inhalt
Schlittefahrt uf Bethlehem Cherzezieh
. . . . . . . . . . . . . . . . . . . . . . . . . .
7
. . . . . . . . . . . . . . . . . . . . . . . . . . . . . . . . . . . . . . . . . . . . .
13
Wien ir Altjahrswuche
. . . . . . . . . . . . . . . . . . . . . . . . . . . . . .
19
Ds Päckli
. . . . . . . . . . . . . . . . . . . . . . . . . . . . . . . . . . . . . . . . . . . . . . .
27
Exotisch
. . . . . . . . . . . . . . . . . . . . . . . . . . . . . . . . . . . . . . . . . . . . . . . .
35
E subere Tisch
. . . . . . . . . . . . . . . . . . . . . . . . . . . . . . . . . . . . . . . . .
43
Hunde-Eländ
. . . . . . . . . . . . . . . . . . . . . . . . . . . . . . . . . . . . . . . . . .
49
. . . . . . . . . . . . . . . . . . . . . . . . . . . . . . . . . . . . . . . . . . . . .
55
D Eggimaa
Blitz-Theologie
. . . . . . . . . . . . . . . . . . . . . . . . . . . . . . . . . . . . . . . .
E kosmischi Wiehnachtsgschicht Mönscheligs
. . . . . . . . . . . . . . . . . .
69
. . . . . . . . . . . . . . . . . . . . . . . . . . . . . . . . . . . . . . . . . . . .
75
Der Zuehörer
IH_Kurz_Schlittelfahrt_2-Auflage.indd 5
63
. . . . . . . . . . . . . . . . . . . . . . . . . . . . . . . . . . . . . . . . . .
81
27.11.18 09:57
IH_Kurz_Schlittelfahrt_2-Auflage.indd 6
27.11.18 09:57
Schlittefahrt uf Bethlehem
«Itz wott i no einisch hurti abe, nächär chöi mer mira hei», het der Dominik Meier syre Mueter erklärt. Fasch der ganz Namittag sy si scho hie, är u d Sandra, syni Schwoscht. Ds Strässli dür e Wald ab het me gsperrt u zu re Schlittelbahn gmacht, der Schnee vor letschte Wuche het für ideali Verhältnis am Hoger gsorget. Wo d Sandra und der Dominik nam Mittag sy häre gfüert worde, hets no nid vil Lüt gha. Ersch im Louf vom Namittag sy si cho, geng meh u meh, wo da i re ändlose Karawane der Wäg uuf glüffe sy – Chind mit ihrne Eltere oder alei, mit schöne Davoserschlitte am Bändel oder billige rote Plastigwanne. Itz, wos gäg di füfe geit, hets ändlech wider gmingeret. U itz hätt der Dominik äbe no einisch abe wölle. Itz, won er freji Bahn hätt und s no mal richtig chönnt la zieh. Drum chääret u bättlet er bi der Mueter, bis die schliesslech nache git. Si müess ja no ga kömerle, seit si, das chönn si o hie im Dorf. De syg si öppe i re Drüviertelstund wider zrügg für ne abzhole. D Sandra het gnue vom Schlittle und geit mit, der Dominik aber macht sech no einisch uf e Wäg der Stutz deruuf. Er isch no lang nid müed – im Gägeteil, ufddrääit isch er. Wül Winter isch, u s Schnee het, wüls Wiehnacht wird u drei Wuche Ferie git. I der Schuel louft nümm vil, d Lehrer hei mit em Jahr abgschlosse. Derfür gits 7
IH_Kurz_Schlittelfahrt_2-Auflage.indd 7
27.11.18 09:57
i der Pouse Schneeballschlachte u Ängeli im Schnee. U a de freie Namittage der Schlittelhoger! Letscht Jahr hei si ne gar nid frei ggä, wüls geng nume gschiffet het. Hüür isch es anders. Hüür isch der Dominik scho ds zwöit Mal hie. Für di letschti Abfahrt het er d Piste no einisch ganz für sich. Syner Schritte knirsche im Schnee, won er obsi louft, u vom Dorf glänze di erschte Liechter zuen ihm ufe. Dobe bringt er der Schlitte i Position u nimmt Aalouf. De leit er sech druuf, u los geits. Schnäll gwinnt er a Schuss, u geng schnäller geits voraa, di gfroreni Bahn ab mit ihrne Chrümp u Kurve. Es schüttlet ne düre, Schneestoub stüübt ihm i ds Gsicht, der Wind pfyft ihm um d Ohre. Der Bueb vergisst alls um sech ume. D Füess stüüre wie vo sälber, er verlageret ds Gwicht, ohni s o nume z merke, er bruucht gar nümm z überlege, was er mues mache. Er chas eifach la zieh. Es louft ihm so ring, dass er sogar abzweigt, vom Wäg furt u eifach wyterfahrt. Wyterfahrt dür e früsch Schnee vom Winterwald, wyter u geng wyter, bis er schliesslech zum Stah chunnt. Verwunderet luegt er ume. Er steit vor emne chlyne, grob zimmerete Waldhuus. Won er zueche trappet, gseht er e Liechtstrahl, wo vo dinn uf e Schnee use fallt, d Tür isch e Spalt wyt offe. Langsam zieht er se ganz uuf u gseht e grossi Stube. Allerlei Tische stöh
8
IH_Kurz_Schlittelfahrt_2-Auflage.indd 8
27.11.18 09:57
da binand mit Bärge vo Süessigkeite: Läbchueche, Wiehnachtsgüetzi, Schoggi. Im Egge hets e chlyni Chuchi mit emne Ofe, Chuchischaft u Schüttstei. Es isch gmüetlech warm u schmöckt so guet, das ihm ds Wasser im Muul zämelouft. Wo isch er hie glandet? Wär wohnt da? Isch das ds Huus vom Samichlous? Der Dominik rüeft, aber niemer git ihm Antwort. Da tüüsselet er wider use u wott wyter. Nid dass er öppen Angscht hätt vor em Samichlous, das nid. Aber däm itz hie z begägne, alei u mitts im fyschtere Wald, das bruucht er o wider nid. Tifig geit er zum Schlitte zrügg, blybt uschlüssig stah u luegt no einisch um sech. Schad wärs glych, wenn er sech nid wenigschtens es Versuecherli würd gönne vo de feine Sache, wos dinn het. Er louft zum Hüsli, rüeft no einisch lut «Hallo», u wo geng no niemer Antwort git, geit er yche zu de Tische. Schnäll stopft er sech es paar Güetzi i ds Muul u spüelt se mit Wasser ab em Hane ache. Dernaa probiert er o vo de Läbchueche u vom Schoggi. Won er wider dusse steit, ischs ihm halbers schlächt. Er het vil z schnäll ggässe, im Buuch ischs ihm komisch. Derzue chunnt, dass er langsam chalt het u hei wett. Er nimmt ds Handy vüre u wott der Mueter aalüte, aber er het ke Empfang. Nume ds Taschelämpli chan er bruuche. So zündet ers aa u geit wyter. Scho dünkts ne, er gseng der Schlittelwäg vor sech. Won er aber neecher chunnt, isch es nume e breiti Schneise im Wald. Langsam wirds
9
IH_Kurz_Schlittelfahrt_2-Auflage.indd 9
27.11.18 09:57
ihm uheimelig. Was, wenn er gar nümm würd zrüggfinde? Was, wenn er d Nacht hie usse müesst verbringe? Im Liecht vom Lämpli stoglet er vürersch. Wyter voore gseht er öppis im Schnee lige. Es isch e Katalog. E Spilzüügkatalog mit vil Elektronik u technischem Grät. Es mues ne öpper bim Loufe oder Schlittle verlore ha. Der Dominik bletteret drin – normalerwys würd ne das itz intressiere, normalerwys würd er luege, was es Nöis git, und überlege, was er sech dervo chönnt wünsche. Dasmal aber ischs ihm glych. Alei im dunkle Wald het er anderi Wünsch: z wüsse, won er isch, zum Byspil, z wüsse wos düre geit zum Schlittelwäg oder wenigschtens öpperem begägne, won ihm chönnt wyterhälfe. Wyt vom Wäg chan er nid sy, süsch würd hie sicher ke Katalog lige. Nume i weli Richtig dass er mues gah, weis er nid. So louft er quer dür ds Gjätt, immer schön der Nase naa. Einisch wird e Waldrand cho, u im Freie gseht me besser, wo men isch. Tatsächlech geits nid lang, da chunnt er zum Wald uus. Der Bueb luegt über ds verschneite Fäld u probiert sech z orientiere. Underdesse hets ygnachtet, u me gseht nümm grad vil. Vo rächts äne schynt es fyns Liecht. Der Dominik lat der Schlitte stah u louft druf zue. E Tschuppele Lüt het sech bim ne chlyne Unterstand versammlet. Alti u Jungi, Fröhlechi u Stilli. D Stimmig isch fridlech. Si machen ihm Platz – grad eso, als würd o är zu ihne ghöre. Ir Mitti steit e chlyni 10
IH_Kurz_Schlittelfahrt_2-Auflage.indd 10
27.11.18 09:57
Chrüpfe, u dert ligt sogar öppis drin. Isch das e Waldwiehnacht? Oder der Stall vo Bethlehem? De wär er aber de wyt abcho vo sym Schlittelwäg. Gwunderig geit er zueche ga luege: Es Chind, winzig chly u warm ypackt, ligt dert so zfride u still im Strou, dass o är ruehig wird. Itz, won er wider under Mönschen isch, het ers nümm so pressant. Me wird ihm dä Schlittelwäg de scho chönne zeige, u är isch sicher rächtzytig wider dert. D Mueter het geng öppe lenger, we si am Kömerle isch. Eifach no chli hie sy, no chli luege, no chli blybe ... hie, won er warm het u nümm alei isch. Über em Stall gseht er itz, ganz anders als uf em Päcklipapier u hundert Mal schöner als uf de Läbchüeche: en Ängel. Alls isch so eifach u klar: Er isch i der Wiehnachtsgschicht, i dere, wo hinter de Süessigkeite u de Gschänkkataloge wartet uf die, wo dür ds Dunkle müesse u nach em Wäg sueche. Lang steit der Dominik ar Chrüpfe, und es isch ihm, als wär d Zyt blybe stah. Schliesslech fragt der Ängel, ob er ne söll hei bringe. «I bi doch daheim», seit der Bueb verwunderet. De aber tagets ihm: d Mueter, der Vatter u d Sandra ... er het se ganz vergässe! Sicher warte si uf ne. Er mues doch zue ne zrügg. Ga Wieh nachte fyre. Er git em Ängel d Hand, u zäme styge si i d Hööchi ... chalte Wind blast ihm i ds Gsicht, u der Dominik tuet d Ouge zue. 11
IH_Kurz_Schlittelfahrt_2-Auflage.indd 11
27.11.18 09:57
Won er se wider uftuet, gseht er d Mueter. Sorgevoll böigt si sech über ne u seit sy Name. Wo si merkt, dass er se aaluegt, rüeft si: «Er erwachet!» D Sandra chunnt zueche. Si het der Schlitte am Bändel u isch ganz bleich. «I gloube, mir chöi ne grad uf em Schlitte zum Outo näh», meint d Mueter. «Chumm.» Zäme lüpfe si ne, u der Dominik merkt, dass ihm der Chopf weh tuet. Er stöhnet u gryft sech a d Stirn. Wo si ne churz drufabe uf e Rücksitz vom Outo bette, meint d Mueter zur Sandra: «I wott glych uf e Notfall mit ihm. I gloube zwar nid, dass es öppis Schlimms isch, aber e Hirnerschütterig chönnt er scho ha.» Si muschteret ne: «Geits?» Won er nickt, macht si: «Gäu, no hurti einisch abefahre u näär de mira hei.» Si schüttlet der Chopf. «Nume sött me de nid grad gringsvoraa in e Boum yche. Süsch geits de chli lenger.» Er weis es nümm. Er dänkt a Stall, a ds Chind ir Chrüpfe, a d Wermi. Und a Ängel, wo ne wider hei bbracht het. Het er das alls nume troumet? «Du hesch e schöne Schutzängel gha, junge Maa», meint d Mueter, bevor si d Outotür zuetuet. «Ja», seit der Dominik, und es Lüüchte geit über sys Gsicht, «ganz e schöne».
12
IH_Kurz_Schlittelfahrt_2-Auflage.indd 12
27.11.18 09:57