Ciencies. Cartafueyos Asturianos de Ciencia y Teunoloxía, Payares 2012, Númberu 2 by Academia de la Llingua Asturiana

Cartafueyos Asturianos de Ciencia y Teunoloxía Payares 2012 // Númberu 2

Güelgues de Pterosaurios n’Asturies

L’AGUA SOTERRAÑO, l’ayalga escondida /// Hormones vexetales /// Mercáu enerxéticu y enerxía hidroeólico /// SIETE RACES, UN PAÍS. Vaques Carreñana y Casina ///

(2012) Ciencies 2

/1/

REDAICIÓN Conseyu de redaición

SUMARIU 4/

Güelgues de reptiles voladores (Pterosauria) del Xurásicu d’Asturies Por Laura Piñuela, José Carlos García-Ramos, José Ignacio Ruiz-Omeñaca & Arturo de Miguel

16 /

L’agua soterraño: una ayalga escondida nes peñes Por Beatriz González Fernández & Eduardo Menéndez Casares

Presidenta: Ana María Cano González Direutor: Carlos Lastra López Secretariu Téunicu: Héctor García Gil

Comité d’espublización Mario Díaz Fernández Santiago García-Granda Xabiel García Pañeda Eva García Vázquez Juan José Lastra Menéndez Carlos López Fernández David Melendi Palacio Xosé Antón Suárez Puente Pedro Suárez Rodríguez

28 /

Hormones vexetales Por Ricardo Sánchez Tamés

40 /

Los procesos bioteunolóxicos: futuru y caltenibilidá Por José Mario Díaz Fernández

Diseñu gráficu y maquetación www.nachoarbesu.com al traviés d’Araz.net

54 /

EDITA Academia de la Llingua Asturiana C/ L’Águila 10 Apartáu de Correos 574 33080 Uviéu Tfnu. 985 211 837 Fax. 985 226 816 www.academiadelallingua.com alla@academiadelallingua.com

62 / 84 / 102 /

Nanoteunoloxía, un nuevu retu de salú llaboral

Por Nélida Busto Serrano

La enerxía eólico n’Asturies. Centrales hidroeóliques

Por Pedro Mª Suárez Rodríguez & Luis Bayón Arnau

Moluscos marinos non autóctonos na costa d’Asturies

Por Andrés Arias Rodríguez

Siete races, un país (II). La Vaca Roxa (Carreñana y Casina) Por Antón Álvarez Sevilla

Depósitu Llegal: AS-4862-2011 ISSN: 2174-9639 Imáxenes: fontes al pie de semeya Portada: Arturo de Miguel

Les opiniones y artículos equí recoyíos son responsabilidá de los sos autores y nun han ser necesariamente compartíos pola revista.

/2/

Ciencies 2 (2012)

(2012) Ciencies 2

/3/

Güelgues de reptiles voladores (Pterosauria)

del Xurásicu d’Asturies Por Laura Piñuela, José Carlos García-Ramos,

José Ignacio Ruiz-Omeñaca & Arturo de Miguel Muséu del Xurásicu d’Asturies(MUJA), Colunga Fundación Osu d’Asturies(FOA), Proaza

PTEROSAURIU: «De tolos seres vivos del mundu antiguu, ésti yera’l más estraordinariu y, si-y devolvieren la vida, nun s’asemeyaría a nengún otru tipu de forma de vida» G. Cuvier (1824): Recherches sur les ossiments fossiles. Vol 5, Part 2. Recreación d’una escena del Xurásicu d’Asturies na que los pterosaurios compartíen territoriu, una zona encharcada d’un delta, colos cocodrilos y tortugues, perabondantes tamién nel rexistru fósil del Xurásicu del país. Ilustración: Arturo de Miguel.

/ Güelgues de reptiles voladores (Pterosauria) del Xurásicu d’Asturies

os pterosaurios foron un grupu particular de vertebraos adautaos perfeutamente al vuelu, d’ehí’l so nome, «llagartos voladores». Clasifíquense, al igual que los dinosaurios, dientro del grupu de los Reptiles, y el so momentu d’apaición tamién coincide, na segunda metá del periodu Triásicu, hai unos 230 millones d’años. A diferencia d’aquellos (los Dinosaurios), que llograron perpasar la llende del CretácicuTerciariu a traviés d’un únicu representante, el grupu de les Aves, los Pterosaurios desaniciáronse a lo cabero del Cretácicu. Clasifíquense tradicionalmente en dos grandes grupos (Figura 1): los Ranforrincoideos, qu’apaecieron a lo cabero del Triásicu, algamando’l so apoxéu nel Xurásicu y desaniciándose, cuasi dafechu, a lo cabero d’esti postrer periodu, hai alredor d’unos 150 millones d’años, y los Pterodactiloideos, que surdieron nel Xurásicu, llegando al so desendolcu máximu nel Cretácicu, periodu nel que tamién se desaniciaron. Al principiu de la so existencia, los pterosaurios teníen un tamañu perpequeñu que foi medrando a lo llargo del Mesozoicu, algamando les mayores dimensiones nel acabamientu de la so permanencia nel planeta, na postrer parte del Cretácicu. Dalgunes cadarmes nun superaben les dimensiones d’un gurrión, otros, pela cueta, llegaron a los 12 metros d’envergadura (Quetzalcoatlus), arriba o abaxo’l tamañu d’una avioneta. L’afayadura d’estos enormes reptiles confirma que dalgunos d’ellos foron los mayores vertebraos voladores conocíos a lo llargo de la historia de la Tierra.

/6/

Ciencies 2 (2012)

IZQUIERDA Figura 1. Cadarmes d’un ranforrínquidu y d’un pterodáctilu. Les principales diferencies ente ellos son: distintu númberu de deos nos pies, el llargor de la cola y la existencia o non de varielles ósees na mesma.

CONOCIENDO A LOS PROTAGONISTES Estos reptiles teníen un cuerpu delgáu y ruin, si lo comparamos col grandor de les ales que yeren escomanadamente llargues. El craniu yera comprimíu llateralmente, allargáu pola mor d’un picu pronunciáu, y relativamente grande, pero al empar llixeru gracies a les abertures que presentaba. Los güesos de los pterosaurios, lo mesmo que los de les aves, yeren mui llixeros y güecos pa facilitar el despegue y amenorgar l’altu consumu enerxéticu que requier l’esnalíu. Les manes de los pterosaurios teníen cuatro deos, de los que los tres primeros yeren curtios

y acababen en garres afilaes; el cuartu, munchu más llargu que los otros, yera’l que tenía pol ala. Los pies taben constituyíos por cinco deos, nel casu de los Ranforrincoideos, y por cuatro nel de los Pterodactiloideos, por cuenta que nestos últimos el quinto díxitu taba reducíu a un tucu. Dellos exemplares fósiles de pterosaurios inda conserven diverses evidencies qu’amuesen que’l so cuerpu taba cubiertu de pelo, posible-

mente col envís d’evitar la perda de calor y de caltener una temperatura corporal alto y constante; esto, xunto a la elevada enerxía que se precisa pa volar, llevó a los investigadores a pensar que, a la escontra d’otros reptiles, los voladores yeren de sangre caliente. Per otru llau, nin les manes nin los pies taben cubiertes de pelo, sinón que presentaben pequeñas escames de forma poligonal y llixeramente abultaes, asemeyaes a les que s’observen nes aves actuales.

(2012) Ciencies 2

/7/

/ Güelgues de reptiles voladores (Pterosauria) del Xurásicu d’Asturies

¿CÓMO ANDABEN? Especulóse muncho sobro qué posición garraríen los pterosaurios na llocomoción en tierra firme. Dellos autores propunxeron que la so marcha tendría que s’asemeyar a la de los esperteyos, ello ye, que se desplazaríen arrastrando malapenes parte del cuerpu y emburriando coles estremidaes posteriores. Otros consideraron qu’estos reptiles caminaben de forma bípeda asemeyada a la de les aves, usando namás los miembros posteriores. La tercer hipótesis, la más aceutada güei pola comunidá científica, surdió por aciu de les investigaciones llevaes alantre por W. L. Stokes en peñes del Xurásicu d’Arizona (Estados Xuníos). L’investigador americanu espublizó un artículu en 1957 nel que describió una retafila de resclavos de pisada o icnites que taben rellacionaes formando un carreru. Les impresiones, correspondientes tanto a manes como a pies atribuyóles Stokes a un pterosauriu. Esta afayadura amosaría que los reptiles voladores se movíen en tierra usando les cuatro estremidaes. Na llocomoción terrestre, les ales quedaben plegaes contra’l cuerpu asitiaes verticalmente; tala disposición obligaba a les manes a rotar pa contra los llaterales colo que los deos quedaben vueltos contra l’esterior y p’atrás; nestes circunstancies, los pies afitábense en suelu na so totalidá garrando asina una posición típicamente plantígrada (Figura 2).

Les icnites de pterosaurios son escases nel mundu, non más de 50 xacees xurásiques y cretáciques: 4 d’elles alcuéntrense n’Asturies ASTURIES NEL XURÁSICU Les icnites de vertebraos xurásicos n’Asturies, ente los que s’alcuentren los dinosaurios, pterosaurios, cocodrilos, tortugues y llagartos, afáyense a lo llargo d’una faza llitoral, d’unos 60 km de llargor, comprendíu ente’l Cabu Torres en Xixón y la Sablera d’Arra en Ribeseya. Esta franxa de cantiles y sableres conozse como «La Costa

de los Dinosaurios» y nella surden de forma espectacular los peñeos del Xurásicu, periodu del Mesozoicu que s’esparde ente los 200 y los 145 millones d’años antes del presente. Esti lapsu de tiempu, 55 millones d’años, ye más qu’abondo pa que nel país se produxeren numberosos cambeos nel paisaxe, dende mares abiertos como l’actual Cantábricu magar que muncho menos fondo, a ríos con reconcos que discurríen en llanaes ermes y que namái funcionaben en tiempu d’enllenes, o per deltes nosque desembocaben cargaos de sable nun mar interior protexíu del océanu abiertu por un umbral o barrera. Los resclavos de vertebraos del Xurásicu d’Asturies apaecen na segunda metá d’esi periodu y tán dataos al rodiu de los 152 millones d’años.

DERECHA Figura 2. Esquema nel que s’amuesa la forma de llocomoción en tierra firme d’un pterosauriu coles ales plegaes contra’l cuerpu y los deos de les manes vueltos contra afuera y p’atrás. Ilustración: Arturo de Miguel.

/8/

Ciencies 2 (2012)

(2012) Ciencies 2

/9/

/ Güelgues de reptiles voladores (Pterosauria) del Xurásicu d’Asturies

LES EVIDENCIES DE PTEROSAURIOS NEL PAÍS Les icnites de pterosaurios son perescases nel rexistru fósil mundial, non más de 50 xacees referenciaes en tol mundu, repartíes en peñeos del Cretácicu y Xurásicu; d’estes últimes, cuatro allúguense n’Asturies. Teniendo en cuenta amás, el perbón estáu de conservación de los resclavos asturianos, podríemos dicir qu’Asturies cuenta con ún de los meyores rexistros del mundu d’icnites de pterosaurios (Figura 3).

/10/

Ciencies 2 (2012)

Les güelgues de les manes son tridáctiles, mui asimétriques y allargaes, variando’l llargor ente 2,6 y 14 cm (Figura 4). Los tres primeros deos, aquellos afitaos nel desplazamientu terrestre (yá comentábemos que’l cuartu afitaba l’ala), tán vueltos contra la parte esterna del cuerpu y contra atrás y el so llargor medra del primeru al terceru. Xeneralmente son más fondes que les de los pies, darréu que los pterosaurios, cuando tomaben la posición cuadrúpeda, concentraben

DEBAXO Figura 3. Superficie con resclavos de pterosaurios na xaceda de Tazones (Villaviciosa). El reptil caminaba sobro folla del fondu d’un champán faciendo güecos coles sos estremidaes; eses depresiones, que llueu foron rellenaes por sable, constitúin agora los contramoldos. Los colores indiquen diferentes tipos de resclavos (coloráu: manes; verde: pies; azul: aruñazos per aciu d’arrastre de la corriente). Esquema: Laura Piñuela. Semeyes: José María Fernández Díaz-Formentí.

lo más del pesu na parte anterior del cuerpu, repartío ente la tiesta voluminosa, el llargu picu y el potente sistema muscular y oseu venceyáu a les ales. Les icnites de los pies, con un llargor comprendíu ente 3,4 y 18 cm, presenten una forma subtriangular, cola parte más estrecha correspondiente al calcañu (Figura 5). Los cuatro deos que les constitúin, permítennos atribuyiles a Pterodactiloideos, darréu que los Raforrincoideos teníen cinco; los dos centrales son llixeramente más llargos que los esteriores y toos ellos acababen en garres afilaes.

/ Güelgues de reptiles voladores (Pterosauria) del Xurásicu d’Asturies

TAMIÉN NADADORES La mesma superficie que conserva los mayores resclavos de pterosaurios d’Asturies, na xaceda de Tazones, amuesa amás les evidencies d’actividá d’otros organismos, nesti casu de bivalvos o lamelibranquios en posición de vida. Esti fechu amestáu a l’ausencia de señes de desecación del sustratu y a la disposición non

Na xaceda de Tazones vese per primer vegada nel mundu marques de la pelleya de pterosaurios, amás de les icnites de manes y pies d’hasta 18 cm de llargor

ordenada de les icnites en carreros, prueba que l’orixe d’estes últimes tuvo llugar baxo una pequeña cubrición d’agua. Asina ye posible inferir que los pterosaurios imprimieron los sos resclavos nel fondu d’una poza o llaguna costera d’agua salao asitiada na contorna d’un sistema deltaicu del Xurásicu. El fondu de la charca taba formáu por barru caliar parcialmente endurecío, lo qu’esplicaría la conservación perbona de dalgunos detalles de les manes y de los pies. En dalgunes de les icnites son perfeutamente visibles les escames tuberculares del pelleyu y les estriaciones verticales qu’estes producen nes parés llaterales de los resclavos, al meter el reptil el pie na basa (Figura 5). Trátase amás de la primer referencia a nivel mundial d’icnites de pterosaurios con impresiones del pelleyu.

IZQUIERDA Figura 4. Contramoldos n’arenisca que representen los resclavos de les manes d’ún de los pterosaurios que frecuentaron la rexón a lo llargo del Xurásicu Superior. Formación Lastres (Llastres). Los pequeños abultamientos allargaos foron probablemente producíos polos picotazos d’estos reptiles. DERECHA Figura 5. Resclavu del pie del mesmu pterosauriu nel que s’observa la so forma triangular y los cuatro deos acabaos en garres afilaes. Los pequeños bultos nel segundu deu entamando pela derecha correspuenden a la impresión del pelleyu. Semeyes: J.C. García-Ramos.

/12/

Ciencies 2 (2012)

(2012) Ciencies 2

/13/

/ Güelgues de reptiles voladores (Pterosauria) del Xurásicu d’Asturies

Toles xacees asturianes amuesen los resclavos ensin una ordenación aparente en rastros. Amás, en dalgunes de les superficies obsérvense pequeñes marques allargaes, dispuestes davezu en grupos de 3 ó 4 elementos paralelos que s’aniciaron pola mor del arrastre de les garres del reptil sobro’l barru del fondu de la poza, al ser emburriáu pola corriente de’agua (Figura 1). L’ausencia de carreros definíos, la presencia de les marques llonxitudinales por causa de les garres, y l’acusada desproporción d’icnites de manes y pies a favor de les primeres, apunten a que con frecuencia’l reptil adoptaba una posición de seminatación, ello ye, flotaba nunos casos mientres que n’otros afitaba intermitentemente dalguna de les estremidaes sobro’l fondu. La capacidá de natación de los pterosaurios foi puesta de manifiestu per primer vegada nesta xaceda del Xurásicu asturianu (Figura 6).

DERECHA Figura 6. Contramoldos conservaos na base d’un estratu d’arenisca amosando les icnites de los pies y manes pertenecientes a tres individuos diferentes, toos ellos de pequeñu tamañu. Xaceda de Quintueles (Villaviciosa). Esquema: Laura Piñuela Semeya: J.Mª Fernández Díaz-Formentí

ESCOMANÁU PAL SO TIEMPU Si tenemos en cuenta’l grandor de los resclavos asturianos, que tienen un llargor d’hasta 18 cm (los mayores conocíos hasta agora en roques del Xurásicu nel mundu), y comparámoslu coles

Los datos asturianos suxeren tamaños mayores pa los pterosaurios del Xurásicu Superior de lo que s’albidraba: 4 metros d’envergadura ¿QUÉ COMÍEN? Na superficie que conserva los resclavos de la xaceda de Tazones obsérvense amás numberoses marques asimétriques de pequeñu tamañu (dellos milímetros), dacuando con una disposición alliniada, que correspuenden a les impresiones del picu del pterosauriu na so actividá alimentaria (Figura 4). Posiblemente esti reptil tuviera nutriéndose de bivalvos (de los qu’apaecen evidencies de la so actividá), guxanos y crustáceos que vivíen somorguiaos no fondero la poza.

/14/

Ciencies 2 (2012)

cadarmes conocíes de los pies, podemos deducir que la envergadura del pterosauriu, ello ye, la distancia existente ente los estremos de les ales, tuvo de ser del orde de 4 m. Estes proporciones suxeren la presencia, nel Xurásicu Superior, d’individuos de mayor tamañu del qu’albidrábemos hasta agora a partir de los datos obteníos nel rexistru oseu; namás un exemplar descubiertu en Suiza, algamaría o inclusive superaría llixeramente, les dimensiones del pterosauriu asturianu.

L’AGUA SOTERRAÑO una ayalga escondida nes peñes

«¿Qué sabe’l pexe del agua onde nada tola so vida?» Albert Einstein

Por Beatriz González Fernández

& Eduardo Menéndez Casares

Departamentu Esplotación y Prospección de Mines Universidá d’Uviéu

/16/

Ciencies 2 (2012)

El Güeyu Deva, en Xixón, ye un bon exemplu de surdencia (2012) Ciencies 2 o fonte.

/17/

/ L’agua soterraño: una ayalga escondida nes peñes

L’AGUA NA NATURALEZA A LO LLARGO DE LA HISTORIA os seres humanos, por esa necesidá que siempre tuvieron de facese entrugues y d’acceder a la conocencia, buscaron esplicación al surdir del agua peles fontes que dan llugar a la nacencia de los ríos; esa estraordinaria manifestación que tien la Tierra d’espulsar dende les sos coraes el llíquidu esencial pa la vida llamó l’atención de los humanos dende’l principiu de los tiempos y a lo llargo d’ello foron dándose esplicaciones más o menos inxenioses, basaes cuasi siempre na observación de la realidá cercana onde se vivía, concibiendo teoríes que perduraron a lo llargo de milenios. L’agua que brota de lo fondero la tierra siempre tuvo venceyao a creyencies y cosmovisiones relixoses que presenten la tierra y l’agua como una Gran Madre de la que s’anicia la vida animal y vexetal; un símbolu astrautu de la diosa ye’l «güeyu» o los «güeyos», el güeyu únicu como idiograma de la divinidá o’l güeyu d’agua de la fonte, señal de la vida mesma en cuantes simboliza la fertilidá de la vida (Fernández X.R, 1998). El conceutu de ciclu hidrolóxicu, que güei nos paez tan obviu, nun foi sicasí, comprendíu polos pueblos antiguos, según atestigüen los sos escritos (Martínez Gil, J., 1972). Dende los tiempos más remotos de la historia hasta los tiempos más de recién del sieglu xviii, l’orixe del agua de les fontes qu’alimenten a los ríos constituyó un enigmáticu problema oxetu de numberoses especulaciones y discutinios, siendo la entrada del agua del océanu nel continente al traviés de grandes cavidaes o cueves, pa dempués ascender hasta los montes por cuenta de marees o vientos, la teoría más almitida. Na China, Oriente Próximu, Asia Central y tamién na India, disponíen de téuniques de cap-

/18/

Ciencies 2 (2012)

tación de fontes y construcción de pozos que nun se superaren hasta metá del sieglu xix. En Persia, hai más de 2.500 años desendolcaron un sistema de captación (kanats) que nos fai camentar que los constructores d’estes galeríes de filtriación, que drenaben les peñes sedimentaries, teníen una conocencia intuitiva del funcionamientu de los acuíferos dende la que foron desendolcando diverses téuniques de prospeición y aprovechamientu. En Grecia les idees hidrolóxiques tán direutamente influyíes pola xeoloxía llocal y los procesos ellí observaos. Los fenómenos cársticos, abondosos nesti país, sobre manera nes zones costeres, onde l’agua del mar entra nel continente, induxeron a pensar que ye’l mar l’elementu fornidor de ríos y fontes (Pulido Bosch, A., 2007). D’esti mou, les idees errónees del pensamientu griegu foron arrastrándose y les más comunes a lo llargo de toa esta dómina foron, según Davis y de Wiest (1966): 1) La existencia d’una rede de grandes cueves nel interior de la Tierra. 2) Creencia de que la succión del vientu, atracción capilar, fuercia de les foles y marees yeren abondo como pa elevar contra’l continente l’agua de los océanos. 3) L’aportación de les lluvies y les ñeves nun xustifica l’agua de los ríos y fontes. 4) La Tierra nun ye abondo permeable como pa permitir la filtriación de gran cantidá de lluvia. Tamién se pensaba que la filtración del suelu yera abondo como pa facer perder la salinidá al agua. Magar que los pensadores romanos introduxeron nueves nociones, por exemplu Vitruvio (s. i a. de C) llegó a rellacionar la calidá del agua cola triba de peña pela que circula y consideraba al sol como motor del vaporiase que, al empar, xenera nubes que provoquen la lluvia que se filtria y da llugar a les fontes, les sos idees

dexáronse de llau prevaleciendo les d’otros filósofos más influyentes (Pulido Bosch, op.cit.). Hasta finales del sieglu xvii aceutóse dogmáticamente la idea de que l’agua que descarguen les fontes y lo que drenen los cauces de los ríos nun podía proceder de les precipitaciones atmosfériques; de primeres, porque lo consideraron siempre cuantitativamente insuficiente y, de segundes, porque se pensaba que la superficie de la tierra yera enforma impermeable como pa permitir una filtriación y percolación masiva y fonda del agua de lluvia y demás agües meteóriques.

diálogu ente dos personaxes: «Teoría» y «Práutica», nel que la primera defende la hipótesis tradicional de que l’orixe del agua soterraño ta nel mar mentanto que-y respuende la segunda: «En tomando en consideranza seriamente per munchu tiempu la causa del orixe de les fontes y el llugar d’onde remanez la so agua, llegué, finalmente, a la firme convicción de qu’éstes proceden de les lluvies y nun son enxendraes por otra causa qu’ésta». Darréu d’ello esplica, d’un mou cenciellu y precisu, que l’agua de lluvia empapa primero la superficie del suelu, darréu se filtria y percola en fondura hasta dar con una peña impermeable, sobre lo que discurre hasta atopar

Hasta finales del s.xvii aceutóse que l’agua de les fontes y los ríos nun podía proceder de la lluvia: cuntaben que yera cuantitativamente insuficiente y que la tierra yera enforma impermeable pa dexalo caltriar Almitíos estos dos postulaos erróneos a lo llargo de tantos sieglos, los filósofos de les edaes Antigua, Media y Moderna tuvieron que recurrir al so inxeniu ya imaxinación pa esplicar el misteriosu orixe del agua soterraño. Ún de los trataos más influyentes (desconocíu n’Europa hasta mediaos del sieglu xx), del naturalista persa M. Karadi, escribióse a lo cabero del sieglu x y fala de temes rellacionaos cola circulación del agua, agua confinao y llibre, superficial y utilización de freatofites na prospeición d’agua soterraño (Pulido Bosch, op.cit.). N’Europa hai que destacar pola so claridá de pensamientu y visión adelantada, a Leonardo da Vinci (1452-1519) y, sobre manera, a Bernard Palissy (1510-1590) que ye’l primeru n’interpretar correutamente’l ciclu hidrolóxicu. Les sos teoríes al rodiu del orixe del agua soterraño, apaecen escrites en forma d’un orixinal ya interesante

un sumidoriu y, pa cabu, descarga, dando orixe a les fontes, dende les que, al traviés de los ríos, va dar al mar (Martínez Gil, op. cit.). Les idees que Vitruvio hai mil seiscientos años, y Palissy hai cien años, espunxeren y desendolcaren confirmóles dafechu Pierre Perrault (1608-1680) per mediu de meritorios trabayos esperimentales, que plantearon de nuevo’l controvertíu tema del orixe del agua soterraño. Perrault recompiló a lo llargo de tres años consecutivos los datos de pluviosidá de la conca alta del ríu Sena y, al mesmu tiempu, fixo, periódicamente, midiciones del caudal del ríu. N’acabando esti periodu, fixo comparanza ente los valores de los caudales del ríu colos de les lluvies, observando qu’éstes foren seis vegaes superiores a aquéllos; esti cálculu permitió-y demostrar la invalidez de l’antigua teoría qu’afirmaba que l’agua de les lluvies yera cuantitativamente in-

(2012) Ciencies 2

/19/

/ L’agua soterraño: una ayalga escondida nes peñes

suficiente pa xustificar les aportaciones de los ríos. Perrault espunxo los resultaos d’estes investigaciones na so obra espublizada en 1674, De l’origine des Fontaines. Mariotte (1620-1684), repitió y confirmó l’eperimentu de Perrault nun puntu estremáu de la conca del Sena, y les observaciones y esperimentos de Halley (1656-1742) al rodiu del índiz d’evaporación complementaron les idees establecíes por Perrault y Mariotte, creando con ello el primer cuerpu de doctrina sobro l’orixe del agua soterraño, del so desplazamientu, del caudal de los ríos y del ciclu hidrolóxicu en xeneral (Martínez Gil, op. Cit.).

ABAXO Figura 1. Esquema del Ciclu Hidrolóxicu

/20/

Ciencies 2 (2012)

LA HIDROXEOLOXÍA ACTUAL Tal como s’esplicó nos parágrafos anteriores, la idea de que l’agua de les fontes y lo que constitúi los ríos procede de les precipitaciones que caen sobre la superficie terrestre nun s’almitiere dafechu hasta lo cabero del sieglu xvii. Esta idea ye la base de lo que se conoz como Ciclu Hidrolóxicu o Ciclu del Agua (Fig. 1), conceutu qu’esplica’l movimientu del agua, qu’asciende pola mor de la vaporización y desciende por precipitación (lluvia, ñeve o xaraza) hasta la superficie de la tierra; una y bones ellí sigue’l viaxe, desplazándose sobro los calces o pel interior de les peñes y sedimentos. Puen estremase, polo tanto, dos etapes nel Ciclu del Agua: la superficial y la soterraña, que, obviamente tán coneutaes ente sí. De la etapa soterraña del Ciclu Hidrolóxicu ocúpase la Hidroxeoloxía que surde como auténtica ciencia a metá del sieglu xix cuando

diversos autores establecieron dalgunes de les principales lleis relatives al funcionamientu del agua soterraño. Ente estos autores destaquen Darcy, Boussinesq, Forcheimer, Thiem y Dupuit. A lo llargo del sieglu xx, coincidiendo col desendolque xeneral de toles ciencies, la Hidroxeoloxía algama cotes peraltes de conocencia siendo Theis y Jacob dos de los autores de mayor relevancia.

L’AGUA SOTERRAÑO: ACUÍFEROS Y FONTES Les dos etapes del Ciclu Hidrolóxicu enantes mentaes, faen referencia a los dos grandes grupos d’agua que se puen establecer acordies col mediu que utilice pa desplazase: lo superficial y lo soterraño, y ye importante resaltar la estrecha rellación qu’hai ente entrambes dos al igual qu’ente les diferentes etapes del Ciclu, darréu que cualquier procesu qu’afeute a una d’elles incidirá en toles demás. Esto, que paez enforma elemental, non siempre se tuvo en cuenta, llegando a esplotase l’agua soterraño d’una determinada conca como si fore independiente de les precipitaciones, llogrando con ello resultaos mui adversos. Ye’l casu, por exemplu, de la conca mediterránea española, onde la sobreesplotación de los acuíferos provocó la desapaición de dellos ríos. De toes estes diferentes etapes peles que pue atravesar l’agua y que tán interconeutaes ente sí, les que tienen llugar sobro la superficie terrestre –l’agua superficial– ye, en xeneral, bien conocío, comprendío y abondantemente usao (acumúlase en banzaos, tresvásase, etc.). Sin embargu, l’agua que se filtria en subsuelu foi tradicionalmente la gran desconocida del Ciclu del Agua, atribuyéndo-y, dacuando, un orixe y comportamientu enigmáticos. Esto contrasta

col fechu de que l’agua soterraño constitúi, tres los casquetes polares, la mayor reserva d’agua dulce continental (alredor del 97% frente a menos del 3% del agua de los ríos y llagos).

Lo soterraño ye’l 97 % del agua dulce continental; lo de los ríos y llagos, ye namái que’l 3 %

Como s’observa nel esquema del Ciclu Hidrolóxicu de la figura 1, del agua que cai en forma de precipitación una parte vapóriase primero de llegar al suelu y vuelve de nuevo a l’atmósfera; otro acumúlase en poces o sobro la vexetación y dende allí pue tamién vaporiase; otra parte filtria en subsuelu formando l’agua soterraño, y per último, lo que nin se vaporia nin se filtria circula sobro la superficie; dende equí, una porción pue sufrir tamién un procesu de vaporización, otra queda retenida en forma de ñeve, de xelu o en llagos y banzaos y el restu pasa a formar parte de les corrientes superficiales que s’empobinen contra la mar. El pasu d’agua superficial a soterraño entama cola filtriación, ello ye, cuando parte del agua procedente de les precipitaciones caltria en suelu y va desplazándose verticalmente hasta que s’atopa con peñes poroses y permeables, introduzse dientro de los sos poros y/o fendedures y circula pel so interior. En función de la capacidá pa contener y pro-

(2012) Ciencies 2

/21/

/ L’agua soterraño: una ayalga escondida nes peñes

porcionar agua puen estremase dos grandes grupos de peñes, les que permiten que l’agua s’acumule y circule pel so interior y aquélles que nun puen almacenar agua o, si lo faen, nun permiten qu’esto circule a traviés d’elles. Les primeres son peñes que dende’l puntu de vista hidroxeolóxicu se denomen acuíferos, mientres que les segundes son acuicludos y acuífugos. Los acuíferos almacenen l’agua porque tienen una propiedá conocida como porosidá, que se define como la rellación entre el volume de güecos y el volume total de peña. Pero amás de tener capacidá d’almacenamientu, los acuíferos permiten que l’agua circule al so traviés; esta propiedá conozse como permeabilidá. Polo tanto un acuíferu ye una peña poroso y permeable na que l’agua s’almacena dientro de los güecos o poros (de forma asemeyada a una esponxa o a una bañera enllena de sable a la que se-y amiesta agua) y desplázase a traviés d’ello a velocidaes que van dende centímetros a centenares de metros al día. Pol contrario los acuicludos son peñes qu’almacenen agua, pero tienen baxa capacidá pa tresmitilo y los acuífugos son peñes que nin almacenen nin tresmiten agua. Dientro de los acuíferos l’agua algama un determináu nivel, conocíu como nivel freáticu nos acuíferos llibres (Fig. 2) que son aquellos nos qu’hai una superficie llibre d’agua en contautu col aire y, polo tanto, a la presión atmosférico, de mou que perbaxo d’esti nivel tolos güecos qu’hai dientro del acuíferu tán ocupaos por agua; esta zona de los acuíferos conozse como zona saturada. Perriba del nivel freáticu alcuéntrase la zona non saturada (denomada tamién zona vadosa o zona d’aireación) que ye la parte del subsuelu comprendida ente la superficie del terrén y la

/22/

Ciencies 2 (2012)

DERECHA Figura 2. Corte vertical del terrén qu’amuesa les estemaes tribes d’acuíferos

zona saturada siendo la llende ente entrambes dos el nivel freáticu. Na zona non saturada los güecos tán ocupaos en parte por aire (que suel tar a presión atmosférico) y en parte por agua (a presión inferior a lo atmosférico), pero trátase d’un agua que nun circula sinón que permanez retenío poles fuercies moleculares formando una fina película alredor de les partícules sólides (agua pelicular, de retención o lligao) o bien queda retenío por capilaridá (agua capilar qu’asciende venciendo la gravedá). Arriendes de los acuíferos llibres hai otra mena d’acuíferos que son los acuíferos confinaos, cativos, presos o a presión, que son aquellos nos que l’agua s’alcuentra sometío a una presión superior a lo atmosférico, pola mor de tar xebraes de l’atmósfera por peñes y/o sedimentos impermeables, y l’agua ocupa tolos güecos de la formación acuífera, saturándola; el nivel qu’algama l’agua cuando se fai un pozu nun acuíferu confináu denómase nivel piezométricu que siempre s’asitia perriba del techu del acuíferu y pue llegar a algamar cotes superiores a les de la boca del pozu, falándose nesti casu de pozu artesianu surdiente (ver Figura 2).

l’acuíferu y procede mayoritariamente de la lluvia; la salida natural del agua soterraño a superficie produzse nes zones o puntos de descarga, representaos poles fontes y les zones de drenaxe difusu (llamargues o llamuergues n’Asturies). Les fontes non siempre son visibles darréu qu’en numberoses ocasiones los acuíferos descarguen l’agua direutamente a los ríos o al mar (fontes somarines). Los acuíferos puen asimilase a banzaos soterraños nos qu’apenes hai evaporación y nel que’l so rebosaderu natural son les fontes; Los acuíferos son más asemeyaos a banzaos soterraños éstos normalmente que ríos, corrientes soterrañes o «bolses» d’agua como surden nel contautu dellos creen ente materiales permeables ya impermeables (figuras 3a y 3b) o bien por efeutu del suelu permeable. La recarga d’un acuíferu ye la relieve topográficu, que pue llegar a cortar en cantidá d’agua por unidá de tiempu que recibe Un casu intermediu ye’l de los acuíferos semiconfinaos que s’estremen de los cativos porque los materiales confinantes nun son totalmente impermeables (acuitardos) sinón que permiten qu’heba daqué circulación d’agua per ellos; nesti casu’l nivel piezométricu tamién s’alcuentra perriba del techu del acuíferu. L’agua penetra nos acuíferos peles zones de recarga, que son aquelles zones nes que les peñes que constitúin l’acuíferu afloren en superficie o tán anubiertes baxo una cobertoria de

(2012) Ciencies 2

/23/

/ L’agua soterraño: una ayalga escondida nes peñes

dalgún puntu la superficie freática (figura 3c). Esta idea de banzáu soterrañu avérase más a lo que ye un acuíferu que la tan espardida de «ríos soterraños o corrientes soterrañes» y «bolses d’agua» que defenden los «zahorís». Lo más asemeyao a lo que sedría un ríu soterrañu son los acuíferos de peñes carbonataes (caliares y dolomíes, perabondantes n’Asturies) y yelsíferes cuando presenten una elevada carstificación1 manifestada por un ampliu desendolcu de cavidaes coneutaes ente sí peles que pue circular l’agua a mayor velocidá que pelos poros de los acuíferos terríxenos (d’arenes, arenisques, graves). Nos acuíferos cársticos l’agua pue permanecer almacenao puntual y temporalmente en torques parcialmente aisllaes y esto ye lo qu’induz a pensar, erróneamente, na existencia de «bolses d’agua». Los acuíferos, amás de dar llugar a les fontes, dan agua a la escorrentía básica que ye, xunto col agua procedente del desxelu, llagos y banzaos, lo qu’alimenta a los calces superficiales nos estiaxes, nos periodos ensin precipitación. Ensin esta aportación del agua soterraño tolos ríos llegaríen a secar tres d’un periodu de tiempu ensin lluvia.

ENRIBA Figura 3. Dellos tipos de fontes

/24/

Ciencies 2 (2012)

1. Carstificación: procesu de disolución que se produz en dalgunes peñes (caliares, dolomíes, yelsos…) y da llugar a la formación de güecos y conductos pelos que circula l’agua soterraño.

¿POR QUÉ SE MUEVE L’AGUA DIENTRO DE LES PEÑES? Esta entruga respondióla l’inxenieru francés Henry Darcy en 1856 per mediu d’un esperimentu nel que demostró que’l caudal d’agua, Q, que traviesa un tubo de seición A, rellenu de sable de permeabilidá K, ye direutamente proporcional a éstes y a la diferencia d’altor, Δh, ente’l puntu d’entrada del agua y el de salida, ya inversamente proporcional a la distancia ente entrambos dos puntos, Δl. Esta llei, conocida como Llei de Darcy esprésase asina: Δh =K. A. i Q=K. A. — Δl La rellación Δh/Δl denómase gradiente hidráulicu, i, y espresa la perda de nivel (piezométricufreáticu) por unidá de llargor qu’esperimenta l’agua cuando se desplaza pel interior d’un mediu porosu y permeable como son los acuíferos. La perda de nivel implica una perda d’enerxía del agua y esta energía equival, en cada puntu del acuíferu, a la suma del so altor (espresáu como la cota topográfica respeutive al nivel del mar) más la presión que soporta l’agua nesi puntu (espresao como metros de columna d’agua que tien per encima). Por exemplu, si nun punto asituiáu a una cota de 300 m.s.n.m. (metros sobro’l nivel del mar), el nivel piezométricu d’un determináu acuíferu ye 325 ms.n.m. y fúrase un sondéu que corta a talu acuíferu a 50 m de fondura, l’agua dientro d’esi sondéu ascendería los 50 m y sedría surdiente, algamando un altor de 25 m per encima de la boca del sondéu. Pa que l’agua soterraño se desplace ente dos

puntos, estos han de tener diferente nivel piezométricu o freáticu y el fluxu produciráse dende’l puntu de mayor nivel al de menor.

¿CÓMO S’APROVECHA L’AGUA SOTERRAÑO? Los sistemes d’aprovechamientu de los acuíferos consisten básicamente n’escavaciones que se faen nel terrén, tanto horizontales (galeríes, zanxes) como verticales (pozos, sondeos), p’acceder al nivel onde s’alcuentra l’agua soterraño. Dende’l puntu de vista del aprovechamientu d’un acuíferu ye importante conocer la diferencia ente los recursos y les reserves: los recursos son el volume d’agua que se filtria añalmente a los acuíferos, procedente mayoritariamente de les lluvies, y que se descarga direutamente a los calces superficiales y a traviés de les fontes y les reserves son el volume total d’agua almacenao nos acuíferos (nos sos poros, fractures y/o cavidaes cárstiques); utilizando de nuevo el símil de la bañera llena de sable, les reserves sedríen la cantidá total d’agua que fai la bañera y que s’alluga nos güecos qu’hai ente los granos del sable, si se-y amiesta más agua y principia arramase, esi volume d’agua «sobrante» sedríen los recursos. Una parte d’estos recursos cumple una importante función nel caltenimientu de diversos ecosistemes (aporten agua a los ríos, fontes, zones húmedes, etc) polo que l’aprovechamientu racional d’un acuíferu implica usar namái los llamaos recursos disponibles que se definen como la diferencia ente los recursos totales (ye dicir, la recarga añal del acuíferu) y el volume necesariu

(2012) Ciencies 2

/25/

/ L’agua soterraño: una ayalga escondida nes peñes

ABAXO Figura 4. Corte hidroxeolóxicu d’El Sueve, nel que se puen ver los dos drenaxes más importantes del acuíferu cársticu formáu poles peñes que constitúin dicha sierra (Caliar de Monte, del Carboníferu): Fuente Obaya, drenaxe norte y El Güeyu’l Ríu, drenaxe sur.

pal caltenimientu de los ecosistemes. Esto nun quier dicir que nun periodu de tiempu nun puedan aprovechase les reserves acuíferes per encima de los recursos disponibles, pero ésta ye una actuación que, en xeneral, tien que se restrinxir a los periodos secos. Nesti sen hai que recordar que l’agua, magar ser un elementu esencial pa la vida ye ún de los bienes de la naturaleza más castigaos y degradaos; pero l’agua ye muncho más qu’un recursu productible con interés económicu, pues tien importantes valores patrimoniales, culturales, emocionales, venceyaos al

territoriu, que s’han de defender. Los acuíferos, (al igual que los ríos, llagos y buelgues) nun son namái almacenes d’agua sinón ecosistemes indispensables pal caltenimientu de la vida de munchos organismos incluyida la especie humana; de la so conservación en condiciones ecolóxiques acionaes depende la nuesa vida y la de xeneraciones futures.

Biblografía Davis, S. N. & R. De Wiest (1966): Hydrogeology. Wiley, 463 pp. Fernández, X. R. (1998): Ecología. Deva, la güella de la diosa astur. Trabe.Uviéu. Halley, E. (1687): An estimate of the quantity of vapour raised out of the see by the warmth of the sun. Philosophical Transac. of the Royal Soc.of London, 16: 366-370. Halley, E. (1691): An account of the circulation of watry vapours of the sea, and the cause of springs. Philosophical Transac. of the Royal Soc.of London, 16: 469-473. Da Vinci. Leonardo: Del moto e misura del acqua. Publ. por F. Cardinali en: “Raccolta d’autori italiani che trattano del motto dell’acque”. Bolonia, 1826, pp. 273-450. Mariotte, E. (1866): Traité des mouvements des eaux et des autres corps fluides. E. Michallet. Paris. Martínez Gil, J. (1972): Aspecto histórico y evolutivo de las ideas acerca de las aguas subterráneas desde los tiempos más remotos hasta el nacimiento de la Ciencia Hidrogeológica. Universidad de Salamanca. Palissy, B. (1580): Discours admirable de la nature des eaux et fontaines. Versión inglesa: Univ. Illinois Press, 1957. Perrault, P. (1674): De l’origine des fontaines. Pierre le Petit Ed. Paris. Pulido Bosch, A. (2007): Nociones de Hidrogeología para Ambientólogos. Universidad de Almería, 492 pp. Vitruvio, M. P.: Tratado de Arquitectura, (Libro viii).

/26/

Ciencies 2 (2012)

(2012) Ciencies 2

/27/

HORMONES VEXETALES Por Ricardo Sánchez Tamés Profesor eméritu de la Universidá d’Uviéu Departamentu de Bioloxía d’Organismos y Sistemes Fisioloxía vexetal

a idea de que les correllaciones que s’establecen ente’l mediu ambiente y l’espoxigue d’una planta regúlense per mediu d’unos compuestos químicos que difunden a lo llargo del organismu nun foi bono d’asimilar, porque se taba mui lloñe de la conocencia qu’había al rodiu del control que sobro l’organismu animal exerce’l sistema nerviosu. El conceutu de control hormonal n’animales definióse muncho antes qu’en plantes y llevó tiempu la so aceutación per parte de la comunidá científica. En 1894 Berthold demostró n’esperimentos con pitinos la existencia d’una sustancia difusible producío nos testículos y que difundía na sangre. Foren Bayliss y Starling en 1902 los que descubrieron que’l páncrees respondía a la presencia d’una sustancia proceden-

/28/

Ciencies 2 (2012)

te del intestín delgáu y acuñaron el términu hormona pa esti tipu de sustancies. Hormona ye un términu garráu del griegu col significáu de «qu’escita». Ye polo tanto un mensaxeru que se produz nun muérganu o texíu y se tresporta a otra parte del cuerpu, al muérganu diana onde exerce los sos efeutos. El descubrimientu de les hormones vexetales foi precedíu per un refileru d’espublizaciones independientes y abondo xebraes en tiempu. En 1758 Duhamel de Monceau observó que cuan-

do s’eliminaba un aniellu de corteya nun tueru, na parte superior del anielláu producíase un hinchamientu y formábense raíces, pero nada d’esto ocurría na parte inferior. Posteriormente Sachs propunxo que les sustancies formadores de raíces producíense nes fueyes y desplazábense de forma descendente nos tallos.

Tomates ensin etilenu a la manzorga y en presencia d’ello (derecha); nel primer casu (enriba) caltiénense verdes ensin ello y nel segundu vese cómo maduren distinto.

(2012) Ciencies 2

/29/

/ Hormones vexetales: bioloxía d’Organismos y Sistemes

LA HORMONA DEL CRECIMIENTU (AUXINA) Nuna obra espublizada en 1880 sol títulu de The power of mouvements in plants, Charles Darwin a comuña col so fíu Francis concluyeron que: «cuando les plantes tán espuestes a illuminación llateral, dalguna influyencia tresmítese dende la parte superior a la inferior, faciendo qu’ésta se curve». Los trabayos de Boysen Jensen, Paal y Soding llevaron a postular la idea de que’l control del crecimientu facíalu una sustancia producío nel ápiz del coleóptilu y que se distribuyía de forma asimétrica. Hans Fitting observó qu’un estractu de granos de polen d’orquídees producía l’amostiar y la cayida de los pétalos, los mesmos efeutos qu’asocedíen cuando se facía la polinización de forma natural. A esa sustancia desconocío denomólo hormona vexetal. Si nos animales el fluxu de les hormones ta canalizáu per aciu del sistema circulatoriu, nes plantes el fluxu de sustancies con función d’hormones nun ye tan evidente; pue ser pela corriente ascendente impulsao pola trespiración, o per aciu del fluxu de los productos de la foto-

sustancia na parte escura que na allumada. Dolk demostró que, si un coleóptilu se coloca horizontalmente, la parte inferior contién más d’esta sustancia de crecimientu, cuasi’l doble, que la parte superior. Kögl y Haagen Smith propunxeron la palabra auxina del griegu auxein, (medrar, aumentar), pa designar la sustancia o sustancies que resultaben actives nel ensayu de curvadura del coleóptilu; estos autores demostraron qu’una sustancia aisllao del mexu humano amosaba gran actividá nel bioensayu puesto a puntu por Went; esta sustancia yera l’ácidu 3-indolacético

tar ápices de coleóptilos y allugalos sobro pequeños bloques d’agar a los que difundía «daqué» procedente de los ápices en función del tiempu de contautu. Posteriormente, estos bloques colo-

Nos animales ta canalizao pel sistema circulatoriu, pero nes plantes, el fluxu de sustancies hormonales nun ye tan evidente síntesis dende les fueyes –que son los muérganos productores– contra’l sumidoriu o muérganos consumidores y almacenadores, o bien per mediu d’un desplazamientu abondo más lentu que ye la difusión de solutos d’una célula a otra. El dilucidar la existencia y naturaleza de la primer hormona vexetal constitúi una historia llarga y apasionante. Foi Went, en 1928, quien llogró poner de manifiestu la so existencia al cor-

/30/

Ciencies 2 (2012)

cábalos asimétricamente sobro coleóptilos decapitaos lo qu’inducía néstos una curvadura, siendo l’ángulu de curvadura proporcional al númberu d’ápices depositaos sobro’l bloque y al tiempu de permanencia. D’estos resultaos deduxo que de los ápices de los coleoptilos difundía hacia los bloques d’agar una sustancia que yera a inducir la curvadura observada. Pudo asina comprobar que nel ápiz d’un coleóptilu produzse’l doble d’esta

y ye l’auxina por antonomasia. Posteriormente aisllóse ácidu 3-indolacético de formientos, de granos de maíz, de coleóptilos d’avena y de dellos texíos. Cítense na lliteratura otros compuestos con actividaá auxínica magar que paez que la so actividá depende de la posibilidá de que seyan tresformaes polos texíos n’ácidu 3-indolacético.

IZQUIERDA Figura 1. Portada de la obra de Darwin y el so fíu onde describen los sos esperimentos con plantes. ENRIBA Figura 2. L’auxina por antonomasia ye l’ácidu 3-indoalético.

LES HORMONES DE LA REPRODUCCIÓN (ÁCIDU XIBERÉLICO) Hai otra historia mui alloñada xeográficamente de la que llevó al descubrimientu de la primer hormona vexetal y que s’entamó nel Xapón anterior a la Segunda Guerra Mundial. En 1926 Kurosawa, un botánicu xaponés que trabayaba en Taiwan, estudiando una enfermedá del arroz llamada Bakanae (plantes lloques) observó que les plantes enfermes yeren más altes y amarellúes que les normales y frutaben muncho menos. Demostró que la enfermedá producíala’l fungu Gibberella fujikuroii y que un filtráu del mediu de cultivu en que crecía’l fungu, cuando s’aplicaba a les plantes d’arroz producía idénticos síntomes. Del filtráu del mediu de cultivu Yabuta y Sumiki aisllaron la sustancia responsable de producir los síntomes descritos y denomárenla Xiberelina A. Estos trabayos permanecieren inorados nel mundu occidental por torgues de comunicación, puesto que s’asoleyaren en xaponés y más entá pol españíu de la Segunda Guerra Mundial. Acabada la guerra, investigadores ingleses de la empresa Imperial Chemical Industries retomaren estos trabayos ya identificaren una sustancia a lo que denomaren ácidu xiberélico y que difería de la Xiberelina A porque ésta resultó ser una mestura de, pelo menos, 3 compuestos. Otra llinia d’investigación qu’empobinó a incrementar el conocimientu al rodiu de les xiberelines y el so papel nel control del crecimientu y desendolcu de les plantes fundamentóse na afición de los ingleses pola cerveza y ls so fabricación. A lo cabero del sieglu xix había nicios de que los azucres lliberaos a partir de la hidrólisis del almidón diben destinaos al crecimientu del embrión de la semiente de cebada y que si se desaniciaba l’embrión de la semiente, primero d’embebelos n’agua, nun había hidrólisis.

(2012) Ciencies 2

/31/

/ Hormones vexetales: bioloxía d’Organismos y Sistemes

IZQUIERDA Figura 3. Crecimientu de plántules d’arroz cuando s’apliquen concentraciones crecientes de xiberelina. El primer tiestu de la izquierda ye’l control. DERECHA Figura 4. L’ácidu xiberélicu ye la xiberelina más emplegada. ABAXO DERECHA Figura 5. Dalgunes de les citoquinines más conocíes

Tamién demostraren que los embriones aisllaos colocaos sobro una llámina d’almidón producíen un cercu d’hidrólisis na so rodiada. Pasaren bastantes años hasta que nuevamente en Xapón y estudiando’l mesmu fenómenu Yomo descubrió que’l mediu azucráu au tuvieren creciendo embriones aisllaos de cebada yera p’activar la hidrólisis del almidón. D’estos trabayos y de los de Paleg n’Australia llegóse a la conclusión de que la sustancia responsable d’inducir la hidrólisis del almidón, per aciu de la lliberación de α-amilasa, yera l’ácidu xiberélico. Magar que non toes puedan considerase hormones, puesto qu’en bien de casos se trata de catabolitos o de precursores metabólicos de les molécules actives, pasen del centenar les estructures moleculares tipu xiberelina aisllaes de fungos y distintos muérganos de plantes superiores (fueyes, flores, frutos, semiente, granos de polen ya inclusive de cloroplastos aisllaos). El conteníu nestos muérganos varia muncho acordies col estáu d’espoxigue de los mesmos.

LES HORMONES DE LA MULTIPLICACIÓN CELULAR (CITOQUININES) Otru grupu de sustancies con caráuter hormonal constitúinlu les citoquinines. El so estudiu pue considerase que s’entama nel añu 1913 cuando

/32/

Ciencies 2 (2012)

Haberlandt, observa que de los texíos floemáticos difundía una o unes sustancies capaces d’inducir la división celular en cachos de pataca. Esto fixo que se confirmare la idea de Wiesner, espuesta en 1892, de que tenía qu’haber nes plantes un sistema que controlare la división celular. Posteriormente, el mesmu Haberlandt observó que cuando se colocaben célules machucaes alredor d’una mancadura aumentaba la división celular nos bordes de la mesma, efeutu que desapaecía al llavar la mancadura. Como consecuencia de los estudios sobro cultivos de texíos y los problemes que se planteaben, Skoog observó que los segmentos de tallu de Nicotiana tabacum qu’incluyíen corteya, vasos y médula, nun medraben bien nun mediu simple y necesitaba amesta-y una auxina pa qu’hubiere allargamientu y proliferación de la médula. Per otra parte, si se ponía la médula aisllao y s’amestaba auxina, observábase un enorme allargamientu de les célules ensin que, pelo contrario, s’observare división de les mesmes. Sicasí, cuando la médula se ponía en contautu con texíu vascular, podía observase de nuevo división celular. Estos resultaos llevaron a la busca d’una sustancia responsable de la inducción de la división celular qu’actuare de la mesma forma que lo facía la sustancia desconocío del texíu vascular.

Alcontróse que la lleche de cocu, estractu de malta, estractu de formientu y adn sometíu al autoclave, presentaben actividá elevada como inductores de la división celular. Del productu de someter al autoclave adn de la espelma de arenques, obtuviéronse los primeros cristales d’una sustancia mui activo na inducción de la división celular. Pola so aición sobro la citocinesis denomóse kinetina o quinetina y poco dempués se sintetizaron un gran númberu de compuestos con propiedaes asemeyaes. Per munchu tiempu se duldó de la existencia de citoquinines nes plantes, pese a qu’había munchos datos y observaciones que presaxaben la so existencia. Na lleche de cocu hai sustancies con actividá citoquinina, darréu que citoquinina y lleche de cocu son equivalentes pa caltener el crecimientu de munchos cultivos de texíos. Nun s’atopó namái actividá citoquinina na lleche de cocu, sinón tamién en zusmiu de tomate,

estractos de flores, en raíces, tubérculos y nódulos radiculares; n’exudaos de xilema y floema tamién se detectó la presencia de citoquinines. En xeneral, una bona fonte de citoquinines constitúinla los frutos y la semiente inmaduro, observándose nesto un aumentu na xerminación. De semiente de maíz llogró aisllar Miller una citoquinina que, tres cristalización y estudiu de les sos propiedaes, denomó Zeatina. Posteriormente foron incorporándose nueves estructures al grupu de les citoquinines.

LA HORMONA DE LA MADURACIÓN (ETILENU) Los descubrimientos que llevaron a considerar l’etilenu (CH2=CH2) como una hormona vexetal remonten a 1878, añu nel que Wiesner estudia les curvadures y mutaciones producíes nos tallos de dalgunes plántules, observando qu’aquélles qu’espoxigaben n’escuridá, en cuentes de facelo verticalmente, amosaben xeotropismu negativu, tomando una posición horizontal. En 1884, Molishn refierse al efeutu que’l gas del allumáu y el fumu producen na respuesta xeotrópica de les raíces. Esti fechu pasa desapercibíu y en 1901 Neljubow demuestra que la orientación horizontal de les raíces yera pola mor de la presencia del gas del allumáu nel lla-

(2012) Ciencies 2

/33/

/ Hormones vexetales: bioloxía d’Organismos y Sistemes

boratoriu, identificando etilenu y acetilenu como los componentes activos, siendo l’etilenu’l más potente y carauterísticu nos síntomes producíos, ye dicir, mengua de la ellongación, aumentu de la espansión radial del tallu y orientación horizontal. Estos síntomes conociéronse dende entós como la respuesta triple de les plantes lleguminoses frente al etilenu. Non solamente se produz etilenu en frutos climatéricos a lo llargo de la so maduración, sinón tamién en fueyes nel periodu d’espansión, o nel amostiar de los pétalos.

Cousins demostró que les naranxes madures aceleraben la maduración de plátanos que taben nel mesmu recipiente: dalguna sustancia volátil de los frutos maduros yera p’acelerar la maduración d’otros L’etilenu constitúi una anomalía dientro del conceutu d’hormona, puesto que ye un gas a la temperatura ambiente y ensin embargu xuega un papel importante na regulación de dalgunos procesos, mui principalmente na maduración de los llamaos frutos climatéricos. Cousins observó

IZQUIERDA Y ABAXO Figura 6. Nestes plántules de faba apréciase l’efeutu del etilenu sobro’l so crecimientu. DERECHA Figura 7. Ácidu ascísico.

/34/

Ciencies 2 (2012)

que dalguna sustancia volátil producío polos frutos maduros yera p’acelerar la maduración d’otros frutos puestos nel mesmu recipiente; y asina demostró que les naranxes madures aceleraben la maduración de plátanos que taben nel mesmu recipiente. Trabayos posteriores fechos en dellos laboratorios llevaron a identificar esta sustancia como l’etilenou y dióse-y el nome d’hormona de la maduración. Al introducise téuniques d’análisis más fines, como la cromatografía de gases, comprobóse que l’etilenu nun lo producíen namái los frutos, sinón qu’otros muérganos de la planta tamién yeren capaces de producilo.

LA HORMONA DEL LLETARGU (ÁCIDU ASCÍSICO) Una de les últimes molécules incorporaes al grupu de les hormones vexetales ye l’ácidu ascísico. Nos Estaos Xuníos, Carns y los sos collaboradores estudiaben les causes poles que se producía la cayida temprana del frutu del algodón, cola consiguiente mengua na producción, y atoparen una sustancia antagonista del AIA que yera a promover l’ascisión. En 1963 Addicot llogró’l so aisllamientu y dio-y el nome d’Abscisina II. Paralelamente a estos estudios, Wareing en Gran Bretaña, descubrió una sustancia nes fueyes de dalgunos árboles de fueya cayedizo, a lo que denomó «Dormina», que causaba inhibición del crecimientu ya inducía al reposu de los brotos. Llueu se vio que Dormina y Abscisina II yeren la mesma sustancia y llamóse-y a esti compuestu ácidu ascísico. L’ácidu ascísico cumple

tolos criterios pa ser una hormona: aparte del so efeutu inhibidor sobro’l crecimiento cuando s’aplica a plantes intautes y antagonizar l’aición d’hormones promotores del crecimientu, exerce una gran variedá d’efeutos sobro’l metabolismu vexetal. Posteriormente aisllóse ácidu ascísico tanto de Monocotiledónees como de Dicotiledónees, inclusive s’atoparon en Ximnospermes y felechos. En plantes superiores aisllóse de fueyes, frutos, semiente, brotos, raíces, tallos y tamién n’exudaos de floema y xilema.

ESTRACCIÓN Y VALORACIÓN DE LES HORMONES VEXETALES Cuando se conoz la naturaleza del compuestu que se quier estudiar, la química analítica vien desedolcando un gran númberu de téuniques cada vegada mas refinaes pa la so identificación y midida. Sicasí, cuando lo único que se sabe ye qu’hai «daqué» qu’induz una respuesta nun muérganu, el problema complícase bastante, pues lo primero que fai falta ye saber qué ye esi «daqué» y aú s’alluga. Por ello los primeros trabayos nel estudiu de les hormones vexetales centráronse en comprobar que determinaos estractos contienen un principiu activu qu’ocasiona una respuesta nun texíu. Podemos ilustrar esti procesu col casu de l’Auxina. A partir del material vexetal que se quier estudiar, convenientemente triturao, procédese a la estracción con una mestura de metanol y

(2012) Ciencies 2

/35/

/ Hormones vexetales: bioloxía d’Organismos y Sistemes

naturaleza; hai que recurrir a la química analítica pa confirmar qu’efeutivamente la sustancia responsable d’incrementar el llargor de les seiciones de coleóptilu ye l’auxina. Establecida la rutina, pue almitise que la zona de papel qu’induz la respuesta máxima ye la que contién l’auxina, ensin falta de proceder al so aisllamientu y análisis. Sistemes análogos, con diferentes «detectores» usárense pa les demás hormones: p.ex. seiciones de granos de cebada pa les xiberelines; proliferación celular en callos de médula de tabacu o de cenahoria pa les citoquinines, etc. Pa dilucidar si nun texíu o muérganu hai hormones vexetales y en qué cantidá tán presentes hai que les estraer y proceder a la so cuantificación. El progresu de les téuniques analítiques incidió de forma importante nesti procesu. Dende los primeros tiempos en que se partía del orde del quilogramu pa entamar la estracción hasta

ARRIBA Figura 8: Seiciones de coleóptilu d’avena incubaes nun mediu control (izquierda) y énte una solución d’auxina (derecha)

agua, d’equí elimínase’l metanol, dexando un residuu acuoso que contién tolo que fore soluble na mestura inicial. Variando’l pH d’esti estractu acuoso, procédese al fraccionamientu con éter etílico, y na fracción ácida xebraránse na capa etérea aquelles sustancies que tengan esti caráuter. Esta capa etérea reduzse en volume per mediu de la vaporación y el concentráu resultante cromatografíase sobro papel. Del cromatograma resultante tómense seiciones a lo llargo del mesmu y caúna d’elles sométese a un bioensayu, ye dicir a una prueba que manifieste si nel cachín

/36/

Ciencies 2 (2012)

Dende los tiempos que se partía del orde del quilogramu pa entamar la estraición hasta güei, que pue facese la valoración a partir de miligramos, progresóse munchísimo

de papel cromatográfico hai dalguna sustancia capaz d’inducir una respuesta nun texíu qu’actúa como detector. Nel casu de l’auxina’l detector usáu son seiciones de coleóptilu d’avena nes que se mide la ellongación qu’esperimentaren llueu de tar en contautu col papel. Aquella seición qu’esperimente mayor ellongación que’l control supónse que ye pola mor de la presencia de la sustancia del nuesu interés. Esto diznos simplemente qu’existe la sustancia capaz d’estimular la ellongación de les seiciones de coleóptilu, pero nada al rodiu de la so

güei en que pue facese la valoración a partir de muestres de miligramos progresóse munchísimo. Estos avances llevaren a meyorar tamién les téuniques d’estracción y xebradura, pasando del repartu ente solventes a refinaes téuniques de cromatografía de diferente tipu, qu’inclusive lleguen a realizar la xebradura y l’análisis nuna única operación como l’acoplamientu de la cromatografía llíquida d’alta presión cola espectrometría de mases (HPLC-MS). Pa dalgunes hormones como l’ácidu indolacético, les citoquinines o l’ácidu ascísico desendolcárense, con considerable éxitu, téuniques inmunolóxiques pa la so separación y valora-

ción, per aciu de la preparación d’anticuerpos con mayor o menor grau d’especificidá.

EL PAPEL DE LES HORMONES Diemos nome a les hormones acordies col procesu más interesante que regulen, pero hai que señalar que toes elles causen efeutos pleiotrópicos, ello ye, nun regulen esclusivamente un procesu sinón que son a influyir na regulación de diferentes procesos y sobre manera d’interactuar unes con otres siendo malo d’atribuyir un papel esclusivu na regulación d’un fenómenu. Yá nos primeros estudios de cultivos de texíos, observóse que la médula de tabacu aisllao yera a aumentar el grandor de las célules en presencia de l’auxina, pero yera preciso amestar citoquinina pa llograr la división celular y polo tanto la proliferación de les célules hasta formar una masa multicelular denominao callu. Per otra parte hai antagonismu ente dalgunes hormones, asina l’ácidu ascísico inhibe l’efeutu estimulante de l’auxina na ellongación celular. Na regulación del florecimientu paez que ye preciso la participación simultánea de citoquinines y auxina. Magar que s’apliquen principalmente a colleches d’altu valor amestáu, un antagonista de les xiberelines pue aplicase para llimitar l’encamáu del trigu, o’l glifosatu, qu’inda que ye un yerbicida, incrementa’l conteníu d’azucre na caña d’azucre. Otros aplíquense al algodón pa desaniciar fueyes y dexar la bola d’algodón llibre de torgues y direutamente accesible a la máquina pañadora. Hai casos en que nun se busca tanto aumentar la producción sinón namái meyorar l’aspeutu de los frutos, como’l color de les mazanes o l’aspeutu de los cítricos. N’otros casos lo que se quier ye facer que’l frutu nun tea fuertemente venceyáu a la

(2012) Ciencies 2

/37/

/ Hormones vexetales: bioloxía d’Organismos y Sistemes

Non tolos yerbicíes son auxines, pero l’aniciu d’ellos ta nestes hormones, y una potentísima industria xorreció xenerando estos productos

IZQUIERDA Figura 9: Racimu d’uves ensin aplicación de ácidu xiberélico (izquierda) y tres de l’aplicación del mesmu (derecha). DERECHA Figura 10: Camudando la proporción de citoquinina (CQ) y auxines (AIA) pue obtenese, nun cachu de médula de tabacu, tallos, fueyes o masa indiferenciao de callu. (Fonte en castellanu). ABAXO DERECHA Figura 11: Delles molécules de calter auxínicu utilizaes n’agricultura como enraizadores o como yerbicides. (Fonte en castellanu).

Ún de los aspeutos más conocíos de l’aplicación d’hormones –auxines– ye’l desaniciu de la vecería nel pumar planta y asina qu’al facer la coyeta mecánica nun se causen daños a aquélla. Agrupar la coyeta nun tiempu más curtiu p’aplicar la pañadura mecánica d’una sola vegada. O pelo contrario, nel casu de los llimones ampliar la temporada de coyeta impidiendo’l deterioru de la corteya pente medies de l’aplicación de xiberelines. Quiciabes ún de los aspeutos más conocíos de l’aplicación de les hormones, y concretamente de les auxines, seya’l desaniciu de la vecería nel pumar, al traviés del claréu del florecimientu cuando ésti ye abondoso, yá qu’un añu tendrán muchos frutos y pequeños y al otru pocos y de meyor tamañu; lo que interesa ye caltener una producción uniforme en cantidá y calidá tolos años. Les auxines tamién puen usase pa evitar la cayida temprana de los frutos, concretamen

/38/

Ciencies 2 (2012)

te de les mazanes y evitar perdes nel momentu de la coyeta o tener que lo facer primero de que los frutos tean nel so meyor puntu. En dellos casos puen usase p’acelerar la formación de los frutos y poder tener colleches tempranes, lo qu’ameyora’l rendimientu económicu. Una aplicación interesante de les auxines ye’l so papel como inductores de la formación de raigaños n’inxertos, tanto de plantes ornamentales como d’árboles: comercialícense bayura de productos con esti envís que cualquier persona aficionada a cultivar plantes, anque seya en tiestu, usó. Tamién puen usase p’acelerar la floración, y llanzar asina al mercáu flores n’época temprana y polo tanto más rentable económicamente. Ye espectacular la so influencia nel aumentu del grandor de les uves. Retrasen la maduración de los llimones pa llograr qu’ésta se produza nos meses de mayor demanda. Yá mentamos que nel procesu de malteáu pa llograr cebada les xiberelines desendolquen un papel de repercusión económica abondo importante . L’etilenu ye un compuestu malu de remanar, por ser un gas a temperatura ambiente; sicasí, conócense molécules que son quien a lliberar etilenu cuando tán fuera o dientro de la plan-

ta. L’etilenu promueve l’ascisión de los frutos debilitando la xuntura del frutu a la planta y d’esti mou minimiza el puxu que tien que facer la máquina pañadora, evitando dañar les plantes. Nel cultivu de nueces desendolca un papel importante anticipando la coyeta de les mesmes, puesto que la maduración de la parte comestible tien llugar primero de que caya’l frutu, y una llarga permanencia nel árbol pue ocasionar alteraciones que les deterioren ya inutilicen pal mercáu. Tamién puen aplicase estos productores d’etilenu pa retrasar la floración y evitar daños poles xelaes tardíes en cerezal o pescal. L’aplicación d’ún d’estos compuestos ye a incrementar la producción d’exudáu de goma nel árbol del cauchu. Ye perconocíu’l so papel como aceleradores de la maduración nos frutos denomaos climatéricos; nun hai más que poner

unos quivis que nun tean entá maduros nun recipiente con mazanes madures y ver cómo los quivis asina trataos maduren rápido. De les citoquinines hai que destacar l’aplicación n’árboles frutales pa inducir la ramificación llimitando’l so espoxigue n’altor, lo que fadría más difícil la coyeta. Tamién pa incrementar la producción de claveles y roses darréu qu’a mayor ramificación más flores se producen. Un papel destacáu de les citoquinines ye’l cultivu in vitro, puesto que xunto coles auxines, y per mediu d’una aplicación equilibrada de les mesmes, pue regulase la formación de brotos o raíces a voluntá del cultivador. Poco se pue dicir de les aplicaciones práutiques del ácidu ascísico, magar que’l so potencial como antitrespirante ye evidente, por embargu nun s’atopó un métodu afayadizu pa la so utilización n’agricultura. Güei, les hormones naturales o sintétiques, al igual que los compuestos antagonistes o inhibidores de los sos efeutos, tienen amplia utilización n’agricultura, horticultura y floricultura y son más d’un millón d’hectárees de distintes colleches sobro les que s’apliquen dalgún d’estos compuestos. L’ámbitu de mayor aplicación de les auxines sintétiques ye ensin dulda nenguna’l de los yerbicíes y una una potentísima industria xorreció xenerando estos productos. Non toes son auxines en sentíu estrictu, pero l’aniciu de los mesmos ta nestes hormones.

(2012) Ciencies 2

/39/

Por José Mario Díaz Fernández Departamentu de Inxeniería Química y Teunoloxía del Mediu Ambiente Universidá d’Uviéu

Los procesos bioteunolóxicos

Semeyes Amanda Laca

futuru y caltenibilidá

1. L’ENFOQUE Y L’ALGAME n oxetivu frecuente en procesos de producción bioteunolóxica ye llograr productos metabólicos útiles a partir de materiales biolóxicos. Nos procesos de formentación, por exemplu, los aspeutos clave son la regulación y optimización de les tresformaciones biolóxiques y de microorganismos. Dalgunos métodos de recuperación de los productos son comunes a los que s’empleguen nos procesos químicos (separación, desecación, etc.), magar que cuando los materiales biolóxicos son más lábiles y requieren mayor pureza, diséñense métodos o equipos específicos. El desendolque de la industria bioteunolóxica en campos rellacionaos col aprovechamientu de los recursos bióticos, nos sectores de la salú, alimentación, medioambiente y educación, requier del desendolque d’un númberu altu de conocimientos interdisciplinares. L’oxetivu ye formar profesionales que, con sentíu críticu,

y vista xeneral de llaboratoriu. /40/ Autoclave Ciencies 2 (2012)

(2012) Ciencies 2

/41/

/ Los procesos bioteunolóxicos: futuru y caltenabilidá

/42/

apliquen los principios y métodos de la Inxeniería de Bioprocesos pal aprovechamientu racional ya integral de los recursos bióticos na producción de bienes y servicios que contribuyan a meyorar el nivel de vida de la sociedá. Too ello tien que s’encontar nos conocimientos básicos de bioloxía, física, química y matemátiques, de les ciencies de la inxeniería y del diseñu. El so campu d’aplicación ye ampliu. Pue emplegase nel sector industrial, incluyendo l’alimentariu, n’empreses procesadores d’alimentos, como les de formentación (vinos, cerveces, antibióticos, enzimes, ácidos orgánicos, formientos o lleldos, etc.), na obtención d’aminoácidos, polisacáridos, etc., o na obtención de materiales enerxéticos, o de productos biolóxicos d’usu diversu. Tamién s’aplica nel campu de la salú: desendolque de productos farmacéuticos, nueves drogues, hormones, etc. Baxo’l puntu de vista académicu y d’investigación, son árees de desendolque, campos como la ciencia y teunoloxía de los alimentos, la teunoloxía microbiana y la teunoloxía d’enzimes; pero tamién, campos talos como l’aplicación de la inxeniería xenética, la bioteunoloxía vexetal y el cultivu de célules y texíos animales. Los conocimientos adquiríos y los profesionales formaos tendrán interés pa empreses públiques o privaes, asesoríes, llaboratorios d’investigación, sectores de producción primaria y de tresformación ya industria de procesos. Ye un campu onde pue resultar afayadizo desendolcar una actitú entamadora que permita participar na creación d’empreses.

reacción catalítica, por exemplu, per aciu de la enzima E. o c) Per mediu de microorganismos, que ye carauterística de microorganismos y reaición autocatalítica.

2. LES BIOTRESFORMACIONES Los procesos de tresformación Podemos considerar dellos tipos de tresformaciones: a) El compuestu o sustratu A dará’l productu P., por exemplu, una hidrólisis; b) Una

Pa completar los diagrames de fluxu hai que conocer la estequiometría de les reaiciones biolóxiques. Por exemplu, pa saber cuántos kg d’ácidu lláctico podríen sacase por formentación de 1 kg de residuu con llactosa.

Ciencies 2 (2012)

Los diagrames de fluxu van constituyir una rede, con una ruta de fluxu a partir del orixe, que pue atayar, arrodiar, axuntar o retroceder; con noyos, xuntures y elementos. Habrá distintes uti-

Equipos auxiliares pa los procesos

lidaes o preseos, requiriéndose un instrumentu acionáu. Nos procesos podrá estraese, remover o llimpiar un elementu. Pa los cálculos tien que s’escoyer un elementu al que referir los balances. Con frecuencia entámase per calcular aproxi-

mao, dellimitar y meyorar les aproximaciones, buscar semeyanza, y finalmente facer la simulación. Hai dellos niveles de descripción, dalgunos con diferente interpretación nos testos: • De bloques; son los más básicos ya indíquense les operaciones que se van usando. • De fluxu; indíquense les corrientes principales con operaciones y elementos básicos. • Detalláu o completu; si presenten más especificaciones, con diferentes graos. • El documentu fundamental nel desendolque de la inxeniería qu’inclúi toles carauterístiques del procesáu, ye’l P&ID (Process and Instrumentation Diagram). Escala d’análisis L’análisis de les tresformaciones, o cambeos de materiales, faise a partir de principios físicos básicos xenerales, inda que la metodoloxía faise específica a diferentes niveles. Mesmo que l’análisis clásicu d’astronomía pue facese con iguales ecuaciones que’l fluxu nun ríu. Ún de los aspeutos que define una disciplina ye la escala o dimensión en que s’analicen los fenómenos. Los cálculos suelen riquir ellaborar un modelu, escoyer dalguna semeyanza, componer un métodu y facer una simulación, pa lo qu’hai qu’axuntar distintos conocimientos. Habrá que facer un plan, establecer un programa con contrastes. La Inxeniería de productu L’oxetivu final d’una producción ye tener un productu con ciertes carauterístiques y preciu. Hai munches carauterístiques diferentes que puen resultar d’interés, asina, golor, arrecendor, arume, perfume, llimpio, tastu, llucio, tieso, seco, moyao, mucoso, pegañoso, adherente, o por exemplu l’envoltoriu.

(2012) Ciencies 2

/43/

/ Los procesos bioteunolóxicos: futuru y caltenabilidá

La conocencia de la velocidá colo que se faen les tresformaciones biolóxiques ye fundamental pa saber el tiempu qu’hai que dar al procesu o’l volume en que tien de procesase un ciertu caudal

3. LOS PROCESOS BIOLÓXICOS Y LA SO VELOCIDÁ La velocidá de los procesos La conocencia de la velocidá (cinética) colo que se faen les tresformaciones biolóxiques ye fundamental pa saber el tiempu qu’hai que dar al procesu (en sistemes discontinuos), o’l volume nel que tien de procesase un ciertu caudal (en contino). La cinética pa la especie A suel notase como los moles d’A tresformaos por m3 y segundu. Tamién pue referise a la masa de catalizador o a una superficie. Son exemplos la cinética d’orde 1, d’orde 0, de tipu Michaelis-Menten o Monod. La cinética suel determinase primeramente nel llaboratoriu, pero ha de considerase que nel

procesu industrial, la cinética pue camudar pola mor de la presencia d’ impureces, o a la modificación de dalguna condición que se caltuviere con procuru nel llaboratoriu. Na operación con microorganismos suelen usase bacteries, lleldu, mugor... de distinta castra y vitalidá pa formentar en fase llíquida o formentar sólido. El formientu, non estéril, llévase a guariar nun caldu o sueru, pudiendo crecer, pa lo que se pue nairiar. Ha d’escoyese alimentu, dacuando estimular, puen consumise nutrientes pudiendo llegar a pasar fame, alendar, y llegar a debilitar el xorrecimientu. Esterilización Ye una reaición pa pasar de biomasa vivo a

Biorreactores de llaboratoriu

/44/

Ciencies 2 (2012)

biomasa muerto. Constitúi una operación básica previa pa la producción per aciu de microorganismos individuales deseaos vs. indeseaos, o n’otres aplicaciones como por exemplu pa la espedición de productos. Equipos pa les biotresformaciones La forma de fluxu pue determinase col métodu estímulu-respuesta, con inyeición tipu impulsu o saltu, pudiendo determinase modelos de tipu compartimentu, o por exemplu incluyendo la dispersión axal. El dimensionáu busca rellacionar el volume o’l tiempu cola eficiencia. Podrá determinase’l que vaya sumise o escosase un reactivu, determinar el compuestu «non convertíu», o si convién aplicar escesu de dalgún. Con frecuencia úsase un catalizador qu’aumenta la velocidá, pudiendo hinchase o contrayese, encoyer o esboroñase, o inclusive inactivase. En fase llíquida resulten importantes, pelomenos, la sema, la respiración, los tiempos, el restu o borra, o cuidar la materia recalcitrante. Na formentación en fase sólida, la «masa a formentar» suel ponese nuna «pila de formentación», n’ocasiones previa sema, cuidar l’alendar, el posu o borra, ente otros. Dalgunos tipos de biorreactores son: El tanque aballáu Ye’l sistema más usáu na práutica. Permite caltener la biomasa en suspensión, suministrándoy nutrientes, incluyendo por exemplu oxíxenu. P’axustar la composición a les necesidaes de los microorganismos en cada momentu, suel ser meyor emplegar un sistema discontínuu, o con adición de dalgunos nutrientes de forma intermitente. En dalgunos procesos de producción a gran escala, el tanque aballáu

Rotovapor

úsase con fluxu continuo, p’aumentar la productividá, y caltener el sistema en condiciones de propiedaes constantes. La operación en tanque aballáu aeróbicu ye una alternativa económica, por exemplu, pa la producción de vinagre (el sistema denómase acetador Frings). Métese aire pela base, en forma de burbuyes, usualmente aprovechando la propia velocidá del axitador pa la so rotura y distribución. Introduzse amás una héliz d’esfrecimientu (serpentín) y pel interior del mesmu pasa agua frío. La capacidá d’esfrecimientu que se requier, pue dar la impresión de que l’interior del tanque paeza simplemente un cambiador de calor. Tanques non aballaos Suelen aplicase en procesos tradicionales que se desendolcaron ensin equipos de mecedura mecánicos, y nos que nun se quieren camu-

(2012) Ciencies 2

/45/

/ Los procesos bioteunolóxicos: futuru y caltenabilidá

dar les propiedaes del productu, al modificar el procesu. Ye’l casu en particular, de formentaciones pa la producción de bebíes alcohóliques, en que la formación de CO2 actúa yá como un elementu d’aballadura ( aballadura autoinducida). Un exemplu abondo conocíu ye la producción de cerveza en tanques cilindrocónicos, nos que’l formientu acaba concentrándose na base, y dao qu’esi formientu ye lo que xeneral’l CO2, resultará que’l mayor altor del tanque produz un valor más eleváu de la potencia d’aballadura. Si queremos facilitar la estremancia de microorganismos del llíquidu, sedrá mui positivo que se formen flóculos (o biopelícules, que puen tratase nuna forma análoga). L’inconveniente de que se formen biopelícules o flóculos, ye que’l so interior pue quedar ensin oxíxenu, pudiendo resultar esa parte non activa. Columnes de rellenu Suelen aplicase pa microorganismos que formen biopelícules. Los microorganismos, con frecuencia, puen dir fixándose col tiempu a les superficies sólides formando biopelícules. La cantidá d’estos microorganismos pue aumentar abondo si s’enanta l’área de sofitu colocando rellenu nuna columna. Asina, na producción d’ácidu acético en biocolumna, úsase forgaxa, quedando inmovilizaes na so superficie les bacteries acétiques. Pela parte cimera faise pasar la bebida alcohólico (l’etanol, ye dicir, el vinu o la sidra), nairiándose. Al final cuéyese ácidu acético. Un problema importante ye que pue tupise la columna de rellenu nel fluxu de la corriente p’abaxo pola mor de la medría de la biopelícula.

/46/

Ciencies 2 (2012)

4. LOS PROCESOS ELEMENTALES Los procesos elementales Los principios básicos de la física constitúin la base del análisis. Al aplicar una fuercia a un sistema pue resultar un sistema equilibráu o inestable, pudiendo resultar una aceleración, y acumular cantidá de movimientu. La presencia de diferencia d’altor, incluyendo desnivel o inclinación, obliga a incorporar el términu d’enerxía potencial. Cuando se trabaya con gases, en particular al comprimise o movese, resulta más complexu l’análisis. El sistema pue presentar tamién dalgún tipu de oscilación, y al oscilar o balanciar l’elementu tienen que s’incorporar dalgunos otros términos o númberos adimensionales. Los fenómenos superficiales son importantes, asina, corroyer, cuayar, adherir, pue que fagan decayer, endelgazar, amortigañar, o debilitar dalguna propiedá. Son tamién importantes munchos fenómenos biolóxicos, talos que xerminar, enxendrar, aguiyar o envizcar, estenuar, avieyar, dañar, revivir... por exemplu, d’una semiente o un microorganismu. El fundamentu del análisis inclúi conceutos como semeyanza y tratase d’un sistema zarráu o contínuu, fonte o sumidoriu, entrada y salida, l’efeutu d’aumentar, amenorgar, oscilar o cortar l’esfuerciu, mover fuerte, mover cíclico, o mover dende equilibriu. La formación de burbuyes, al brotar o surdir, al burbuyar o trebolgar, y al ascender nun llíquidu, xeneren diferencies de velocidaes ente’l gas y el llíquidu. Los llíquidos puen pingar, rosar, formar chorru o chorru finu o bisbilera, o cayer un golpe d’agua, pero tamién puen esbariar o esnidiar, estancar o remansar.

Condiciones de mestura Ha de dáse-y el grau de mestura más afayadizu a cada tipu de bioprocesu, por exemplu pa suministrar a los biocatalizadores l’entornu amañosu pa la producción en condiciones rentables. Pue requerise tambén pa disolver materiales o pa suministrar nutrientes, o pa suspender partícules, o pa optimizar cada procesu en particular. Nun fai falta necesariamente que’l sistema seya dafechamente homoxeneu, por exemplu pol costu

aumentar la velocidá de consumu de O2 al tiempu que la so solubilidá nel agua amenorga. Nos años 40 la tresferencia de O2 supunxo ún de los problemes clave nos estudios pa emprimar el desendolque de la disciplina conocida como Inxeniería Bioquímica. Esti problema de tresporte de materia ente dos fases produzse tamién n’otres situaciones, por exemplu al disolver sólidos.

Los procesos biolóxicos suelen ser exotérmicos. Pa caltener un bioprocesu a 25 ºC ha d’esfrecese’l sistema, daqué que nun ye tan fácil, nin siquiera nel llaboratoriu qu’ello pueda implicar. Pero amás hai procesos que son más eficaces si nun hai mestura completa. La mestura nun recipiente requier aballar, bater, ximelgar, o con vuelcu, con diferentes tipos d’aballador a somorguiar: paleta, ancla… Tresferir materia Ye mui importante la tresferencia a traviés de la interfase, en particular de O2 dende la fase gas a la fase llíquida, por exemplu nun formentador. Suel suponer una llimitación importante pa trabayar con formentadores en condiciones aerobies. Si se necesita introducir 100 g/L de glucosa nel formentador, nun hai problema cola so solubilidá, pero, la solubilidá del O2 (dende l’aire) nel agua ye del orde de [O2]* = 0,01 g/L. Asina, los microorganismos podríen consumir estos 0,01 g de O2 en menos d’un minutu, mientres que, ensin embargu, quéda-y munchísima glucosa por consumir. Al aumentar la temperatura’l problema complícase, pues pue

Tresmisión d’enerxía (calor) Los procesos biolóxicos suelen ser exotérmicos, xeneren calor. Pa caltener un bioprocesu a 25oC, frecuentemente ha d’esfrecese’l sistema, daqué que nun ye tan fácil, nin siquiera a nivel de llaboratoriu cuando falamos de más de 2 o 3 llitros, pero resulta más complexo conforme s’aumenta’l volume, y l’área d’intercambéu col esterior por unidá de volume (del xenerador de calor) amenorga. Por exemplu, ye una llimitación fundamental na producción del formientu del pan. Pue llegar a ser difícil qu’entamen dalgunos procesos, en condiciones rentables, poles dificultaes d’eliminar calor. Con frecuencia fai falta evaluar el fluxu de calor pa calecer un sistema más fríu, o pa esfrecer un sistema más caliente. Pa evitar la tresmisión de calor pue usase un aislante o una pantalla térmica. N’ocasiones onde se produz un cambéu de fase, pue requerise evaluar el frente d’avance d’una fase. Pa llegar a un estáu xeláu

(2012) Ciencies 2

/47/

/ Los procesos bioteunolóxicos: futuru y caltenabilidá

Lliofilizador

La concentración de célules qu’hai nun bioprocesu pue ser aproximao del 0,1 %, ye difícil que llegue al 1 %

Eliminación d’agua Convién mentar la dilución no que s’atopen les célules y productos en munches formentaciones. La concentración de célules qu’hai nun bioprocesu pue ser aproximadamente de 0.1% (ye difícil que llegue al 1%). Esto quier dicir que de cada 100 kg de cultivu, 0,1 kg son célules y

Cromatógrafu GC-MSD

tuvo que se conxelar y xelar. Tamién suel requerir evaluase’l fluxu de calor preciso pa vaporiar, bullir o ferver un llíquidu. Pue trebolgar o fervicar. En rellación col usu de fornu, quemar o rustrir, tien que se considerar la llama, chispes, arroxar, o afumar; caldiar, xamuscar o amburar. La descripción de les operaciones básiques pue facese mui amplia. Si hai dos corrientes puen dir en sen diferente, a contracorriente o sen contrariu, o nel mesmu sen. Con frecuencia determínase’l volume y llargor de los equipos, o’l tiempu precisu n’operaciones discontinues. En sistemes sólidu/llíquidu, puen usase operaciones tales como prensar, filtriar o espesar. Les operaciones d’evaporación y condensación tán rellacionaes col fluxu de calor. La radiación ye un fenómenu importante, carauterizáu, por exemplu, como l’asoleyáu en naturaleza, teniendo que tener en cuenta por casu conceutos como zona escura, cuerpu irradiáu, el cuerpu radiante, el resplandiu, rellucir, rugosidá…

/48/

Ciencies 2 (2012)

Operaciones de separación La operación de separación (con frecuencia opuesta a la de dispersar) implica estremar compuestos, y con frecuencia quitar impureces. Por exemplu na operación con membrana, llógrase una refuga y un permiáu. Suel requerir escoyer primero les operaciones y dempués los equipos. La operación de secar, pa tresformar un sólidu húmedu en sólidu secu, ye abondo usual. La operación opuesta, humedecer, pue facese p’ablandiar, desfacese, esboroñar o disolver el sólidu. Hai munches operaciones con aire: humidificación pa modificar la humedá y secáu. Otres operaciones impliquen fundir o conxelar formando xelu. Dalguna operación implica separar en fase espluma, o en mediu denso. Xunto coles operaciones tradicionales, pa separar y pa concentrar componentes úsense con frecuencia operaciones en columna y de membrana.

99,9 kg ye fase acuosa. Ello ye, na producción de biomasa tendríamos qu’eliminar 999 kg de fase acuosa, que pue constituir un residuu, pa llograr al final 1 kg de productu. El procesu ye análogu cuando se quieren consiguir productos d’interés. Sian ye que resulten mui importantes les operaciones d’eliminación d’agua (fase acuosa) tales como:

• Sedimentación, aprovechando la fuercia de gravedá. • Centrifugación, per mediu de la fuercia centrífugo. • Evaporación: faise en fase llíquida (operación con adición de calor). • Filtriáu (a presión o vacíu). • Secáu: Operación onde se tresfier materia (agua) de fase sólida a fase gas. Suel partise d’una concentración moderada d’agua, p.ex., menos del 70%. 5. TRESPORTE, CONTROL Y EMPAQUETÁU Tresporte de fluyíos Nel tresporte de fluyíos nuna tubería o tubu, tenemos que considerar el tresporte de cantidá de movimientu mν (del que la so conservación, si nun hai fuercies esternes, ye ún de los cinco principios físicos básicos). Pa empecipiar el movimientu y superar dempués les fuercies de fricción tenemos qu’aportar fuercies esteriores. El caráuter viscosu del fluyíu estúdiase cola denomación de reoloxía. Ye abondo diferente nel casu d’una pastia, papiella, repla, gorollu o llamuerga. El movimientu de fluyíos ye’l resultáu del balance de fuercies. Los elementos puen torcese, endolcase, deformase, esgarrase, dar la vuelta… pudiendo apaecer torbolinos o remolinos, con movimientos al azar. Los fluyíos puen movese en tuberíes, o en canal (o preses), detenese nun banzáu, con alliviaderu pudiendo xenerar un puxu y foles, desaguar, vertir o taponar los fluyíos. La presencia de torgues puen

(2012) Ciencies 2

/49/

/ Los procesos bioteunolóxicos: futuru y caltenabilidá

obstruir, detener o atrancar el fluxu requiriéndose desatrancar. Otres vegaes pue tener un furacu, paleta o garganta, como parte del equipu. Tamién pue espesar o formar un sedimentu. El tanque puede llenar o vaciase, acogolmar y desbordase. Al entemecer llamuerga, tien que s’aballar y masar, o recudir. Nel fluxu d’aire, con aire frío o aire caliente, puen facese delles operaciones, soplar, dilatar, espandir o comprimir, inflar o llenar un recipiente, o dar un golpe d’aire. Operaciones con sólidos Hai un ampliu númberu d’operaciones específiques, asina, esmenuzar, trociar, cribar, masar, golpear, pulgar, ablandiar, alteriar, amontonar, dar vueltes, hinchar, encoyese, resgar, allisar, pulir…Dalgunos equipos frecuentes son: moxeca, montón, molín, morteru, peñeru, vañu, peñera, maya, aventador, tambor, cestu, llechu, moldu… El tipu de partícules ye mui diversu, povisa, brasa, poxa, cachu, fragmentu, freba, fino, blandio, dondo, crespo, suave, arregallao, amazacotao…En rellación col llíquidu pue llavase, enxuagar, rosar, recudir, chiscar… Procesáu mecánicu Los materiales pa los equipos sométense a distintos procesos de tratamientu, espurrir, acurtiar, agrandar, estender, deformar, doblar, curvar, o ablandiar.. o superficialmente, endurecer, o modificar pa dar caráuter flexible, duru, débil, tenacidá. Pero los materiales puen estropiase o deteriorase, agrietar, resquebrar, fracturar, allisar, rallar, raspar, mellar, mozcar, avieyar…, y tener grieta, fienda, resquiebra, raxa, mella, muezca o puerco. El material sucio o con manches tien que se llimpiar, esfregar…

/50/

Ciencies 2 (2012)

Con sólidos, delles operaciones posibles son esmenuzar, trociar, masar, pulgar, ablandiar, allisar… y dalgunos de los equipos: moxeca, morteru, peñeru, peñera, maya, moldu… Les partícules son mui diverses: povisa, brasa, poxa, freba, arregallao, amazacotao… tener un gran interés n’amenorgar el so costu en dalgún porcentax. Ésti ye’l motivu de que munchos procesos formentativos usen como materia primero los residuos d’otres industries, por exemplu, les fábriques d’antibióticos puen utilizar residuos de la industria azucrera. N’otros procesos, con productos d’altu valor amestáu, la materia primero representa, al contrario, un porcentax mui baxu, lo que fai que s’usen inclusive materiales puros o especialmente preparaos.

Sistemes de control Fai falta un sistema de control pa caltener el procesu de producción industrial nes condiciones apropiaes. Puen estremase distintes escales o xerarquíes. Dende’l control direutu, a traviés de controladores onde se coloquen distintos tipos de sistemes d’actuación, válvules, bombes, etc., usando diferentes axustes en función de les necesidaes de control (control proporcional, integral...), hasta’l control de máxima xerarquía nos ordenadores de control, y l’axuste en función de los sistemes d’emerxencia. El control, de distintu nivel xerárquicu, busca establecer unes condiciones qu’evolucionen o se caltengan predeterminaes nel equipu. Pa controlar un sistema, en forma básica, mídese una señal que se compara con un valor consigna, procurando evitar el ruíu. Fai falta conocer el comportamientu transitoriu, y evaluar el comportamientu inestable. El sistema suel manipulase, descomponese en partes, evitar retrasar, sobreelevar, desaxustase o perder el control. 6. CONSIDERANCES MEDIOAMBIENTALES Les llinies de producción y de residuos Nun diagrama simple de bloques puen estremase dos llinies de fluxu: (1) La de producción que conduz dende les materies primeres hasta la obtención de productu, lliberándose materiales non útiles; y (2) la de residuos, que recueye y procesa los materiales que paecen inútiles. Les materies primeres en munchos bioprocesos puen tener un costu considerable, pue llegar a ser del 50% del costu total, polo que podemos

Válvules d’inyeición

Los residuos d’un bioprocesu puen obtenese como la diferencia ente la masa qu’entra y lo que s’aprovecha. Pue tratase de materiales que quiciabes seyan valiosos, pero que nun se-yos atopó entá valir económicu. Paez pues, a priori, considerar que ye deseable tener bioprocesos con una llinia de producción de gran capacidá, y que seya pequeña la llinia de residuos que se xeneren. Los residuos orgánicos La consideranza de la concentración y la biodegradabilidá de la materia orgánico nun residuu complexu, son la información básica inicial pa pensar nel tratamientu biolóxicu de residuos. Con frecuencia nun se pue abordar nin plantear un análisis químicu perfeutamente definíu de caún de los componentes (determinar cuántos gramos hai de glucosa, de fructosa, etc.) en mestures complexes y variables nes que pue haber más de 100 compuestos diferentes. Poro, suel indicase globalmente tola materia orgánico (por exemplu, 1 g materia orgánico total/llitru). Pola mor del impautu de la diferente composición química na so biodegradación, la forma habitual d’espresar la materia orgánico total, faise en forma de cuántos gramos de O2 se precisen pa oxidar, por exemplu, 1L de disolución con materia orgánico. Esa oxidación de la materia orgánico pue ser química, la DQO (demanda química d’oxíxenu), que davezu se fai con dicromatu, magar qu’hai normes pa facelo tamién con permanganatu. La oxidación tamién pue midise per mediu del O2 que precisen los microorganismos mesturaos pa degradar la materia orgánico, lo que se denoma DBO (demanda biolóxica d’oxíxenu). Normalmente’l parámetro que más s’usa ye la DBO5 (l’oxíxenu que se precisa nun periodu de 5 díes, a una temperatura dao). Es-

(2012) Ciencies 2

/51/

/ Los procesos bioteunolóxicos: futuru y caltenabilidá

HPLC semipreparativu

Tolos procesos tán suxetos a la normativa llegal y ha de facese porque seyan caltenibles

/52/

Ciencies 2 (2012)

tes definiciones úsense tanto en tratamientu aerobiu nel que se xenera CO2 + H2O, como nel tratamientu anaerobiu en que se xenera CH4 y CO2, (junto con hidróxenu, derivaos del azufre, etc.).

El tratamientu de residuos (sólidos, llíquidos y gases) Pola mor de la prevalencia de materia orgánico, habitualmente biodegradable, nos residuos de los procesos bioteunolóxicos, el tratamientu biolóxicu de los residuos constitúi un bioprocesu al que se tien de poner atención. Tenemos de recordar que’l procesu de producción ha de considerar globalmente toles llinies, y l’actuación sobro los residuos ye una parte integral del propiu procesu. El tratamientu ye diferente acordies cola fase na que s’atopen los residuos. Sólida.- Si son sólidos asimilables a residuos sólidos urbanos (RSU), suelen llevase a un vertedoriu afayadizu, col costu que represente, p.ex., 20 euros por m3 amás del tresporte. Si nun son RSU, sinón residuos tóxicos o peligrosos (RTP), el tratamientu sedrá más costosu, por exemplu en vertedoriu controláu o incineración. El responsable de los residuos ye la empresa xeneradora hasta que nun algama un certificáu de que se desfixo de mou afayadizu d’ellos.

Llíquida.- La materia orgánico en fase acuosa, habitualmente biodegradable, suel tratase per aciu d’un tratamientu biolóxicu, análogo a como se produz nel mediu ambiente, por exemplu en ríos, pero intensificáu, lo que requier más costu enerxéticu.

Pa sólidos, en xeneral precísase «coyer el residuu», coyida d’escrementos, llimpiar, tratar o llevar a vertedoriu. Nel campu alimentariu son perfrecuentes, «residuos de carne», «residuos d’estrumir», de podrén...

Residuos en fase gas.- Suelen denomase como compuestos orgánicos volátiles (COV). Namái se traten en dalgunes situaciones específiques, por exemplu, oxidándolo (térmica o catalíticamente), absorbiéndolo, o reteniéndolo nun soporte. El tratamientu biolóxicu ye tamién una alternativa interesante, de magar s’absuerbe en fase acuosa, o simultáneamente a l’absorción nun procesu (por exemplu en columna).

7. FINAL Temes económicos y llegales En tou bioprocesu que se desendolca considérase la rentabilidá como un criteriu básicu. Nel funcionamientu social resulten precisos llabores como l’entamar, financiar, apalancar o aforrar. La investigación de mercáu resultará fundamental, amás de «trabayar bien», concertar, y tener «sentíu común», arriendes de tener suerte. Por supuestu hai que fabricar en condiciones afayadices, tantiguar y axustar les condiciones d’operación, probar nueves condiciones y satisfacer la calidá amañosa «al máximu». Asegurar la calidá, evitar el defeutu, y el «productu de mala calidá», malu o «ensin calidá» son importantes al igual qu’evitar la porquería y el desorde. La xestión de recursos humanos, la seguranza, y la investigación, el desendolcu ya innovación son, por supuestu, claves. Buscar ya indagar nuevos productos o estratexes, requier imaxinación, observar, guetar y pensar nesos nuevos productos. Pa cabu, l’actividá de divulgar ye mui conveniente en munchos campos, Amás, tolos procesos, dende la implantación de la empresa, la fabricación, y la comercialización tán suxetos a la normativa llegal, a importantes rellaciones cola sociedá, y cada vegada más a considerances de sostenibilidá: facer por ser caltenibles.

L’impautu nel mediu ambiente L’impautu nel mediu ambiente resulta diferente según el mediu. En fase gas, el residuu pue presentase difuso, en penachu o fumareda, y suel facer falta captalo pal so tratamientu. Inclúise la situación de «feder». En fase acuosa los vertíos, trataos o non, viértense, y la basa remánase en formes diverses. Nel ambiente natural, los diferentes medios tienen la so propia carauterística, por exemplu tipo buelguizu, arrecife, llamorgal o zona agrícola. Les operaciones de tratamientu previu suelen requerir alcantarillar, llevando hasta vertedoriu, dempués, un pozu o balsa, y darréu rexes o rexina con rastru pa estremar la broza y la piedra menúo. Al final la basa llévase a cierta sequedá. Suel asitiase tamién una balsa de truena (pa xarabatu) o de seguranza, pa protexer el procesu de tratamientu o el mediu ambiente de situaciones puntuales.

(2012) Ciencies 2

/53/

NANOTEUNOLOXÍA

un nuevu retu de salú llaboral Nélida Busto Serrano Inxeniera de Mines y Téunicu Superior en Prevención de Riesgos Llaborales

/54/

Ciencies 2 (2012)

Semeya: © Ignacio Martínez Fernández (2012) Ciencies 2

/55/

/ Nanoteunoloxía: un nuevu retu de salú llaboral

ENTAMU a xestión de la prevención de riesgos llaborales dixébrase en cuatro estayes: • Vixilancia de la salú. • Seguridá industrial. • Ergonomía y psicosocioloxía aplicada. • Hixene industrial. Esta última dedícase al control de los contaminantes físicos y químicos que puen producir una enfermedá profesional nel casu en qu’un trabayador se vea espuestu a los mesmos na so actividá llaboral. La hixene industrial tradicional sofítase na idea de midir la concentración de los contaminantes qu’hai nun llugar de trabayu pa dempués comparala con un valor máximu de referencia que nun ha de perpasase: Valores llende ambientales (VLA) españoles, Thresold Limit Value (TLV) americanos, etc. D’esta manera la empresa pue asegurar que los sos trabayadores puen desendolcar la so actividá ensin riesgu de sufrir una enfermedá profesional nel futuru. Hasta hai pocos años, tolos descubrimientos fechos na Química y otres rames de la ciencia con aplicación industrial podíen facer apaecer productos nos que la toxicoloxía tuviere por investigar pa conocer les consecuencies de la so esposición, afitar los valores llende ambientales, etc. Pero estes circunstancies yeren perfectamente compatibles colos principios de la hixene industrial tradicional. Güei, alcontrámonos énte una nueva teunoloxía que, amás d’allugar les bases de lo que pue ser la Revolución Industrial del sieglu xxi, desafía los principios qu’aplicaron dellos años los prevencionistes: la Nanoteunoloxía.

/56/

Ciencies 2 (2012)

Alcontrámonos énte una nueva teunoloxía que desafía los principios qu’aplicaren dellos años los prevencionistes, amás d’allugar les bases de lo que pue ser la Revolución Industrial del sieglu xxi

DERECHA Grafenu

Tamos falando de manipular material con granulometríes comprendíes ente 1 y 100 nanómetros (1 nm ye la millonésima parte d’un milímetru). Pa facese una idea clara de les dimensiones de les que tamos falando, podemos comparar esti datu con dalgunes de les referencies esta tabla: TAMAÑU MEDIU EN NANÓMETROS Gordor d’una uña

500.000 – 1.000.000

Diámetru d’un pelu humanu

17.000 – 180.000

Tamañu d’una bacteria

500 – 5.000

Tamañu del virus de la gripe

80 - 120

Esta nueva manera de remanar y construyir el material, que pue facese d’arriba p’abaxo o viceversa, llevó al descubrimientu de delles aplicaciones que güei tán en periodu de desendolcu, implantación o son parte de la nuesa vida cotidiana ensin que lo sepamos. Algunos exemplos curiosos de productos desendolcaos a partir de nanomateriales son: lentes que nun rayen, parabrises que se llimpien solos, ropa que nun se mancha nin s’engurria, esquís qu’esbarien meyor, raquetes de tenis más flexibles, crema solar fluyío que caltién el factor de proteición. Otru exemplu d’importancia incalculable nel

ámbitu la inxenería ye’l descubrimientu de los nanotubos de carbonu que, amás de tener munches otres carauterístiques, ye’l primer material que desafía, pola mor de la so alta resistencia, la rellación espesor/altor necesaria nos diseños constructivos pa que los edificios aguanten de pie y qu yeculpable de la necesidá d’enllenar les cocheres con eses columnes tan odiaes. Esti material fadrá posibles diseños arquiteutónicos nunca enantes imaxinaos, posibilitará l’almacenamientu d’hidróxenu (el combustible’l futuru), asina como otres aplicaciones que yá s’usen o tán siendo estudiaes anguaño. La importancia de la Nanoteunoloxía ta ta-

(2012) Ciencies 2

/57/

/ Nanoteunoloxía: un nuevu retu de salú llaboral

mién nes aplicaciones médiques coles que tán alcontrándose los científicos. Dende’l nanodiagnósticu, como la capacidá d’allumar célules canceríxenes nel torrente sanguíneu aplicando puntos cuánticos o nanoshells; hasta la nanoterapia, qu’inclúi conceptos como la lliberación intelixente de fármacos o l’ataque selectivu de les célules canceríxenes acabando con munchos de los efectos secundarios de la quimioterapia. Entós, ¿qué problema pue haber nel usu d’una teunoloxía qu’agospia tantes esperances de futuru? La mesma desconocencia que fai que los científicos alcuentren nueves aplicaciones torga que los prevencionistes sepan qué riesgos conlleva’l remanar estes sustancies, cómo cuantificar la esposición y qué midíes aplicar pa prevenir les consecuencies negatives que puean afectar a los trabayadores.

NANOTOXICOLOXÍA Güei nun hai conocencia clara de les caracteurístiques toxicolóxiques de los nanomateriales, anque sí hai dos axomes de referencia: • El tamañu perpequeñu de les nanopartícules fai incorreutu asemeyar el comportamientu toxicolóxicu d’éstes col de les de la mesma composición química y tamañu macroscópicu. • Nun ye posible falar d’unos efeutos toxicolóxicos globales de les nanopartícules, siendo necesario estudiar cada casu independientemente, d’ehí que teamos énte’l nacimientu d’una nueva disciplina: la Nanotoxicoloxía. Magar que ye verdá qu’esta regla nun pue aplicase al 100% de les sustancies, too apunta a que’l comportamientu toxicolóxicu d’una nanopartícula sedrá peor que’l de la sustancia macroscópica de la mesma composición química atendiendo a dellos principios científicos:

/58/

Ciencies 2 (2012)

• Reactividá: al ser de menor diámetru tien mayor superficie específica, lo qu’aumenta la reactividá siendo más probable la so interacción col organismu. • Les víes de penetración de la sustancia varien: mientres qu’enantes falábemos de Respiratoria/Dérmica/Dixestiva/Parenteral, per esti orde d’importancia, agora tenemos que nos decatar de que la nanopartícula tien la capacidá de penetrar al traviés de los texíos, camudando’l vieyu conceutu d’entrada y permanencia del contaminante nel organismu. Hai estudios fechos con rates de llaboratoriu qu’apunten cómo les nanopartícules que dempués d’inspirase quedaben na rexón nasal, treslladábense direutamente al cerebru al traviés del nerviu olfativu en cuenta d’al pulmón peles víes respiratories. Pa comprender la toxicoloxía de la partícula ye fundamental caracterizala física y químicamente, siendo perimportantes estes propiedaes: • Tamañu de la partícula. • Forma de la partícula. • Superficie específica. • Actividá catalítica y potencial REDOX. Hai que conseñar que los nanotubos de carbonu son consideraos de les nanopartícules más peligroses pola mor de la so forma de partícula y la capacidá de formar agregaos que queden allugaos nos alveolos comportándose de manera asemeyada a la síliz llibre cristalino culpable de la enfermedá profesional conocida como silicosis.

VALORACIÓN DE LA ESPOSICIÓN A NANOPARTÍCULES N’hixene industrial tradicional úsense muestreos químicos personales o midiciones directes de la concentración d’un contaminante nel ambiente pa llueu comparar esi datu col valir d’esposición llende ambiental. Si intentamos facer esto colos nanomateriales atoparemos dos torgues: • Nun se publicaron tovía VLA específicos pa nanopartícules. • Nun hai mididor direutu de concentración de nanopartícules portátil que puea usase nel llugar de trabayu y, si queremos facer un muestréu personal a un trabayador, nun hai filtros qu’actúen como soportes de captación de les nanopartícules yá que, pola mor del tamañu de poru, usar filtros tradicionales ye como querer garrar una mosca cola mesma rede qu’usaríemos pa cazar una parpayuela. Por eso dalgunes publicaciones apunten hacia l’aplicación de metodoloxíes cualitatives pa la valoración de la esposición como ye’l Control Banding. Esto consiste en facer una carauterización de la peligrosidá d’una sustancia sobre la base a les rempuestes consiguíes nuna encuesta hixénica qu’entruga sobro les carauterístiques fí

Los nanotubos de carbonu son de les partícules más peligroses pola so forma y la capacidá de formar agregaos que –allugaos nos alveolos pulmonares– compórtense como la síliz culpable de la silicosis.

sico-químiques, datos toxicolóxicos conocíos de la nanopartícula y de la sustancia macroscópica de la mesma composición química y manera d’usu. Según esto, pue clasificase’l trabayu en cuatro niveles de riesgu qu’indiquen les midíes a aplicar: 1. Midíes de control tradicionales. 2. Estación d’aire llocalizada. 3. Confinamientu. 4. Consulta a un espertu. Otra opción ye aplicar les midíes de proteición magar que nun se conozan los valores d’esposición. Tales midíes puen ser: • Equipos de protección individual (E.P.I.). Anque seya difícil demostrar la so eficacia, yá que la nanopartícula pue colase pelos texíos de la ropa de proteición, ta indicáu l’usu. Amás, descubriéronse y ta trabayándose nel desendolcu de texíu que torne les nanopartícules. Esti texíu, sorprendentemente, ta fecho a partir de nanopartícules, polo que’l problema ye parte de la solución. • Implantar procedimientos de trabayu más seguros. Por exemplu, ye meyor utilizar les nanopartícules en disolución coloidal col fin de llantales, no posible, a otru y evitar que tean llibres pa dispersase pel llugar de trabayu. • Midíes organizacionales: dientro d’esti grupu taríen sistemes d’organización de la producción que llenda’l númberu de trabayadores espuestos, tiempu d’esposición, etc. • Diseñu de los llugares y equipos de trabayu: tien que procurase confinar los equipos qu’usen nanopartícules a granel, interponiendo

(2012) Ciencies 2

/59/

/ Nanoteunoloxía: un nuevu retu de salú llaboral

barreres físiques ente éstes y los trabayadores. De la mesma manera, hai que llendar, zarrar y señalar les zones onde se remanen estes sustancies, siendo un exemplu a siguir les mídies usaes nos llaboratorios de microbioloxía que tán diseñaos como sales blanques. Tamién ye fundamental que la empresa forme los sos trabayadores sobre los riesgos a los que tán espuestos, qu’amás ye una obligación afitada na llei de prevención, y los mantenga informaos de les midíes adoptaes pal control del riesgu por esposición a nanopartícules. Destacáu III: El texíu que torne les nanopartícules tará fecho tamién a partir de nanopartícules: el problema sedrá parte de la solución De la mesma manera, ye perimportante que les empreses que remanen estos materiales se comuniquen ente elles y actualicen la so conocencia sobre l’estáu de la téunica no que cinca al control del riesgu por esposición a nanopartícules.

Nanoteunoloxía na llucha escontra’l cáncer

/60/

Ciencies 2 (2012)

CONCLUSIONES La Nanoteunoloxía ye una ciencia emerxente que tará involucrada en milenta procesos industriales, polo que ye d’esperar que munchos trabayadores tean espuestos a elles dientro d’unos años. Anque hai munches duldes sobre cómo actuar na xestión del riesgu por esposición a nanopartícules puen aplicase munchos principios existentes na hixene tradicional. Les empreses han de conocer los riesgos qu’introducen nos sos procesos productivos pola mor d’usar nanopartícules ya informar a los trabayadores. Exemplos históricos como’l númberu de trabayadores que morrieron nos años 70 pola esposición a asbestos cuando nun había conocencia

de les consecuencies de la mesma, diznos que ye necesario acompañar los avances tecnolóxicos con esfuerzu n’investigación sobre los riesgos que conlleva y cómo lluchar escontra ellos. Otru casu por toos conocíu ye’l de la esposición a los Rayos X. Los descubrimientos cola aplicación de los Rayos X y la reactividá fechos por Marie Curie y munchos otros investigadores abríen nueves posibilidaes a munchos campos de la ciencia, sobre manera na medicina. En 1934, Marie Curie morría víctima d’una enfermedá causada polos mesmos cuerpos radioactivos a los que-yos dedicó la so carrera. Pero esto nun ye un argumentu pa frenar el desendolcu científicu y naide pue discutir que la nuesa calidá de vida actual sedría impensable ensin la conocencia de la radioactividá y los Rayos X. Y güei aplíquense midíes preventives nel usu d’esta teunoloxía que protexe a los trabayadores y al públicu en xeneral de sufrir una enfermedá pola mor de la esposición a la mesma. D’ehí que, como dixo Confucio: «Estudia’l pasáu si quies pronosticar el futuru», y polo tanto, heba que da-y tantu pesu a los estudios que lleven a conocer y prevenir los riesgos remanecíos de l’aplicación de la nanoteunoloxía como a los que desendolquen nueves aplicaciones y productos con nanopartícules. Asina, non solo pronosticaremos el futuru, sinón que diremos per delantre d’él y podremos disfrutar de tolos adelantos que nos brinda la Nanoteunoloxía previniendo les sos posibles consecuencies negatives. Pa una meyor conocencia sobro los nanomateriales pue consultase l’artículu «Los nanomateriales, una revolución teunolóxica y un retu pa la Cristalografía» de Santiago García-Granda en Ciencies 1: 26-37.

(2012) Ciencies 2

/61/

La enerxía eólico n’Asturies

Centrales hidroeóliques

Por Pedro Mª Suárez Rodríguez

& Luis Bayón Arnau

Departamentu de Matemátiques Área de Matemática Aplicada Universidá d’Uviéu

/62/

Ciencies 2 (2012)

Parque eólicu en Balmonte de Miranda Semeya: © Eugenio Fernández Corral Fonte: http:/flickr.com/photos/eugenio fernandez (2012) Ciencies 2 corral

/63/

/ La enerxía eólico n’Asturies. Centrales hidroeóliques

1. ENTAMU amaremos central hidroeólica a una instalación xeneradora de lletricidá basada nel usu de la enerxía eólico y la enerxía que vien d’una central hidroeléctrica de bombéu. Les centrales hidroeóliques presenten abondes ventayes. Pa ser a entendeles, ye necesario saber cómo funciona’l mercáu llétricu güei.: a nueva normativa española permite a los parques eólicos vender la enerxía xenerao, polo qu’han de comportase como cualquier otru axente xenerador. En consecuencia, tienen de preparar les sos ufiertes, programar la producción y venta d’enerxía nel mercáu llétricu. La enerxía eólico tien unes carauterístiques especiales que lo estremen d’otru tipu de productores d’enerxía llétrico. La diferencia cimera ye la imprevisibilidá de la producción nos parques eólicos. Hai dellos modelos de predicción, pero la dificultá principal a la hora de predicir la enerxía eólico ta en que la potencia ye proporcional al cubu de la velocidá del vientu; esto traduzse en que variaciones pequeñes na velocidá del vientu producen grandes esviamientos na predicción d’enerxía. En casu d’escesu o escasez, otros productores tienen d’amenorgar o aumentar la so producción pa iguar l’esviamientu, lo que se traduz en perdes económiques; estes perdes dan llugar a lo que se conoz como penalizaciones por esviamientu que tendrán de pagar, tanto los parques eólicos como cualquier otru productor d’enerxía que s’esvíe de les sos previsiones. Énte esta situación, los parques eólicos tienen delles opciones, en teniendo esviamientos nel mercáu diariu, puen: • dir al mercáu intradiariu (d’esti mou puen comprar o vender de nuevo la enerxía y

/64/

Ciencies 2 (2012)

asina compensar errores de predicción) • pagar les penalizaciones por esviamientu o • tratar d’almacenar la enerxía eólico. Propunxéronse dellos métodos p’almacenar enerxía: aire comprimío, bateríes pa coches llétricos, volantes, sistemes d’almacenamientu de calor, imanes superconductores, l’hidróxenu y el que s’analiza nesti trabayu, «l’agua bombiao». Nesti artículu presentamos el nuesu estudiu de la optimización conxunta d’una central hidráulica de bombéu y un parque eólicu, ello ye, la optimización de les llamaes centrales hidroeóliques. Estes constitúin un elementu clave por delles razones: • Suponen un métodu perbonu p’almacenar enerxía. • Permiten amenorgar los costos por esviamientu de les centrales eóliques y • Ayuden a regular el cada vegada más caóticu mercáu enerxéticu español.

2. EL MERCÁU LLÉTRICU ESPAÑOL 2.1 Los mercaos L’actual mercáu llétricu entamó a funcionar en 1997, cuando entró n’usu la Llei del Mercáu Llétricu y afítase na competencia ente les empreses. Tien como oxetivu incrementar la calidá del suministru, la meyora del mediu ambiente y sobre manera facer que los precios s’autorregulen nun mercáu llibre. Esta nueva regulación implica que munchos determinos qu’enantes se tomaben pola alministración agora tán lliberalizaos y déxense a criteriu de les empreses. Nesti nuevu marcu económu son les compañíes xeneradores les qu’individualmente planifiquen la operación de los sos recursos cola

intención de maximizar el so beneficiu. Nesti puntu esplicaremos los principales organismos que regulen el mercáu de la lletricidá. En realidá hai dellos mercaos polos que productores y consumidores apauten un determináu preciu por una determinada cantidá d’enerxía: Mercaos non organizaos: son contratos billaterales qu’apauten un productor y un consumidor pa un periodu de tiempu determináu (por exemplu, seis meses). Mercaos de producción diarios ya intradiarios (mercáu spot), qu’entama l’Operador del mercáu ibéricu d’enerxía (OMIE). Son mercaos horarios onde se deciden precios y cantidaes pa toes y caúna de les hores de añu. Mercaos d’operación del sistema, que xestiona Red Eléctrica Españoña (ree) y tán empobinaos a organizar los axustes d’hora cabera p’asegurar el mentáu equilibriu instantáneu ente xeneración y consumu: mercaos de servicios complementarios, solución de restricciones téuniques, xestión d’esviamientos, etc. Na península ibérica, lo más de la lletricidá xestiónase nel mercáu spot –mercaos diario ya intradiarios– (nel 2005, por exemplu, esta cantidá yera del 90%). Por ello centrarémonos sobre too n’esplicar estos mercaos. Del funcionamientu del sistema llétricu nacional encárguense dos entidaes independientes, que son l’Operador del Mercáu (OM) y l’Operador del Sistema (OS). La parte téunica del sistema llétricu desendólcala l’Operador del Sistema (OS), Red Eléctrica de España S.A., a la que correspuende la realización de toes aquelles funciones que remanecen del funcionamientu de los servicios d’axuste del sistema, de les esviaciones producíes nel mercáu de producción d’enerxía llétrico, lo mesmo que la lliquidación y comunicación de

les obligaciones de pagamientu y derechos de cobru a que dean llugar los servicios d’axuste del sistema y la garantía de potencia. El mercáu de lletricidá ta iguáu por una secuencia de mercaos nos que la xeneración y la demanda intercambien enerxía llétrico n’estremaos plazos temporales. Veamos con daqué más detalle los distintos mercaos.

2.1.1 Mercáu Diariu Al llegar el día D-1 (un día enantes de la entrega física de la enerxía / despachu de les centrales), los axentes intercambien enerxía pal día D nel mercáu diariu. Amás, nel plazu curtiu, dientro de les 24 hores anteriores al momentu del despachu de la enerxía, los xeneradores y los comercializadores puen axustar les sos posiciones comerciales comprando y vendiendo enerxía nos seis mercaos intradiarios existentes na actualidá, y de funcionamientu mui asemeyáu al del mercáu diariu. L’Operador del Sistema, comunica a les 8:30 hores del día D-1 la previsión de demanda pal día D (día de la entrega física de la enerxía), les indisponibilidaes de xeneración y la situación de la rede de tresporte. Los axentes que quieran participar nel mercáu diariu presenten al Operador del Mercáu ente les 8:30 y les 10:00 hores les ufiertes de compra o venta d’enerxía, procediendo ésti a la casación de diches ufiertes, determinándose nesti momentu’l preciu y el volume d’enerxía que s’aceuta. El tipu d’ufiertes que puen presentase nel mercáu diariu son les llamaes «Ufiertes Simples con Regles adicionales». Una ufierta simple ye una pareya cantidá-preciu que s’aceuta o refuga namái en función del preciu resultante nel mercáu. Sicasí, les ufiertes simples presenten dalgu-

(2012) Ciencies 2

/65/

/ La enerxía eólico n’Asturies. Centrales hidroeóliques

ARRIBA Figura 1. Horizonte del mercáu diariu y los intradiarios. Fonte: www.observaelmercadoelectrico.net (Fonte en castellanu).

nes estorbises pola mor de que la lletricidá tien carauterístiques propies que lo estrema d’otros bienes. Pa iguar estos inconvenientes, nel mercáu español amiéstense riegles adicionales a esta ufierta simple: Condición d’indivisibilidá, Gradiente de carga, Ingresos mínimos y Parada programada. Les tresaiciones, asignaes o casaes, de compraventa d’enerxía dan llugar al Programa Base de Casación. N’analizando esti programa dende’l puntu de vista de seguranza del suministru pol Operador del Sistema y n’iguando les restricciones téuniques, per aciu de la reasignación de los grupos xeneradores énte esviamientos de la demanda, obtiénse’l Programa Diariu Viable Definitivu.

/66/

Ciencies 2 (2012)

2.1.2 Mercaos Intradiarios Estos mercaos xestionaos pol Operador del Mercáu, tán empobinaos a que los participantes del mercáu diariu, que presenten desaxustes ente lo ufiertao y lo adquirío, puedan facer axustes a los sos compromisos de producción/adquisición de magar se conozan los resultaos del mercáu diariu. El mercáu diariu pa les 24 hores del día «D» zarra a les 10h del día “D-1”, y las casaciones conócense alredor de les 14h. Como se ve na figura, caún de los 6 mercaos intradiarios tien un plazu temporal determináu pa facer nueves ufiertes. Los esviamientos puen ser por causa de munches razones. Una avería d’una central de producción, averíes de la rede, un aumentu de caudal d’agua qu’aumente la producción hidráulica, un cambéu de previsión de temperatura qu’afeuta al consumu o un cambéu na previsión del vientu qu’afeutará a la producción de parques eólicos.

Esti mercáu intradiariu ta iguáu en seis sesiones y namái puen presentar ufiertes de compra o venta d’enerxía aquellos axentes que participen na sesión del mercáu diariu. El programa de tresaiciones resultante de cada mercáu intradiariu tien que lu analizar ree pa garantizar el cumplimientu de los criterios de seguridá, y depués d’ello obtiénse’l Programa Horariu Final. 2.1.3 Mercaos d’Operación Nestos mercaos inxértense toles operaciones de xestión téunica del sistema, xestionaos por ree , y que tien como oxetivu que’l suministru d’enerxía llétrico se produza nes condiciones de calidá, fiabilidá y seguridá necesaries y que se verifique de forma permanente la ecuación d’equilibriu ente la potencia xenerao y la demanda. Esta operación del sistema céntrase en tres tipos d’actuaciones per parte del OS: • Xestión de restricciones téuniques. Per-

mite resolver les conxestiones ocasionaes poles llimitaciones de la rede de tresporte sobro la programación prevista pal día viniente, al igual que les que surdan en tiempu real. Una y bones l’OMEL resuelve la casación, y teniendo en cuenta los contratos billaterales físicos, l’OS fai’l procesu d’análisis de restricciones téuniques de la rede de tresporte nel que se verifica la viabilidá del programa de xeneración y consumu resultante emplegando modelos de fluxos de rede y otros algoritmos que simulen l’estáu en que quedaría’l sistema llétricu énte determinaos fallos predefiníos en dellos elementos de la rede, como son disparos de grupos xeneradores, de lllinies y/o de tresformadores. En casu de que’l programa resultante del mercáu diariu nun seya téunicamente factible, l’OS resuelve les conxestiones de la rede alterando’l programa de xeneración aplicando criterios téunicos de seguridá, pero tamién económicos. • Xestión de los servicios complementarios. Los servicios complementarios, ufiertaos polos xeneradores y xestionaos pol OS, tienen como oxetivu que’l suministru se faiga en condiciones de seguridá y fiabilidá en tou momentu y que puedan iguase desequilibrios ente la xeneración y la demanda en tiempu real. • Xestión d’esviamientos. Resuelve, cuasi en tiempu real, los desaxustes ente la ufierta y la demanda de lletricidá. Na operación normal, los axentes de producción d’enerxía llétrico comuniquen al OS les previsiones d’esviamientos aniciaos en causes estremaes lo que, xunto coles variaciones na previsión de producción eólica que fai l’OS, y namás nel casu de que’l conxuntu de los esviamientos previstos nel periodu ente dos mercaos intradiarios perpasen los 300 MW en media horaria, da llugar a que l’OS convoque’l mercáu de xestión d’esviamientos. Esti mer-

(2012) Ciencies 2

/67/

/ La enerxía eólico n’Asturies. Centrales hidroeóliques

cáu de xestión d’esviamientos consiste en pidir ufiertes a los xeneradores nel sen opuestu a les esviaciones previstes nel sistema. Na península ibérica, lo más de la lletricidá xestiónase nel mercáu diariu (nel 2005, por exemplu, esta cantidá yera del 90%). Por ello centrarémonos sobre manera n’esplicar esti mercáu. 2.2 Funcionamientu del mercáu diariu Pa esplicar el funcionamientu del Mercáu Llétricu vamos ver de mano cómo se faen les tresaiciones de compra y venta d’enerxía. El mercáu diariu ye marxinalista, ye dicir, tolos xeneradores reciben un mesmu preciu, que ye’l que resulta al cruzar les curves d’ufierta y demanda. 2.2.1 La Curva d’Ufierta La ufierta d’un xenerador representa la cantidá d’enerxía que ta dispuestu a vender a partir d’un ciertu preciu mínimu. Asina, les ufiertes competitives d’un xenerador consten de dos partes: • Cantidá. Ésta tien q’espeyar les restricciones físiques a les que ta suxeta la so instalación (por exemplu, la potencia disponible, la potencia mínimo a lo qu’ha d’operar la central pa que la mesma seya estable y segura o mínimu téunicu, la disponibilidá de combustible o d’agua embalsao, la rapidez cola que puen incrementar la producción ente una hora y la viniente, etc.). • Preciu ufiertáu. De mano, asemeyaría que’l preciu habría espeyar los costos de xeneración de la teunoloxía implicada, de manera que per baxo d’esi preciu nun seya rentable xenerar (pol costu del combustible, por casu). Sicasí, el motivu verdaderu pa fixar los precios nes ufiertes ye’l costu d’oportunidá, conceutu más ampliu qu’engloba los costos de producción al igual qu’otros factores a tener en cuenta.

/68/

Ciencies 2 (2012)

Por exemplu, supongamos que tenemos una central hidroeléctrica d’embalse. Si les reserves s’alcuentren al llímite de capacidá y ye conveniente evacuar agua rápido, la central fadrá ufiertes a preciu mui baxu de manera que s’asegure «entrar» na casación. Al contrario, si’l nivel de reserves ye mui baxu, entós fadrá ufiertes a preciu pereleváu p’asegurase que namás turbina agua empara d’una gran remuneración, de manera que pue permitise’l lluxu de nun producir mientres aguarda una futura situación de preciu de casación eleváu. Les centrales hidroeléctriques tán mui condicionaes pola meteoroloxía y la capacidá del banzáu, pero non pol costu del so «combustible» (l’agua, que lo reciben de baldre). Per otra parte les centrales térmiques, pa tener en cuenta’l costu d’oportunidá, tendrán d’analizar la evolución del preciu del combustible (gas, carbón, etc.), la capacidá d’estoc, lo mesmo que’l costu d’arranque y parada que conlleva una gran turbina. Sicasí, nel casu de los parques eólicos, de mano tien más difícil tener en cuenta’l costu d’oportunidá, darréu que si tien ocasión de xenerar nuna situación de vientu favoratible, nun lo facer nun aumenta la posibilidá de llograr mayores beneficios nel futuru, porque nin aforra en combustible nin pue almacenalo pa una ocasión posterior. Por ello les sos ufiertes suelen ser a a un preciu cero p’asegurar la casación. Esta estratexa d’ufierta ye tamién habitual en plantes fotovoltaiques y la hidráulica fluyente (ensin banzáu) polos mesmos motivos. Les centrales nucleares tamién ufierten a preciu cero, pero por causes diferentes. Les centrales nucleares, pola teunoloxía involucrada, tienen poca capacidá de variar el nivel de producción nel tiempu. Ye polo que se consi-

dera una potencia constante y lo deseable ye que funcionen a potencia nominal. Polo tanto, les ufiertes a preciu cero busquen asegurar la casación pa caltener un nivel de producción constante. Queda entós aclarao que’l preciu d’ufierta que faen les unidaes xeneradores nel mercáu diariu nun tien que ver meramente col costu de la teunoloxía en sí, sinón tamién col costu d’oportunidá pa ellaborar una estratexa de máximos beneficios nun contestu de llibre mercáu. En presentando los vendedores les sos ufiertes al mercáu pa caúna de les hores del día viniente, l’OMEL amiéstales y ordénales por preciu ascendente, resultando asina la curva d’ufierta del mercáu pa cada hora (ver figura 2). Esta curva reflexa de forma más o menos clara tramos o pasos que correspuenden a ufiertes de centrales de la mesma teunoloxía.

2.2.2 La Curva de Demanda Al empar, los consumidores, direutamente –nel casu de ser consumidores cualificaos, actualmente namás dalgunes grandes empreses– o indireutamente, per mediu de les empreses comercializadores o distribuidores, faen ufiertes de compra. La participación de los estremaos tipos de consumidores nel mercaáu depende de la modalidá de suministru a la que tean acoyíos: «Suministru d’Últimu Recursu» o «mercáu lliberalizáu». • Cola modalidá de Suministru d’Últimu Recursu (SUR), que namás ye accesible a potencies contrataes iguales o menores de 10 kW, los consumidores participen indireutamente nel mercáu. Fáenlo per aciu del Comercializador d’Últimu Recursu (CUR) qu’escoyeren. Esti ye l’axente encargáu d’estimar la demanda de los sos consumidores y, consecuentemente, facer nel mercáu les ufiertes de compra d’enerxía que se precisen. • Sicasí, los más de los consumidores participen indireutamente nel «mercáu lliberalizáu» per mediu del so comercializador. Esti ofrez unos precios (fixos o semifixos) que s’afaen a les preferencies de cada consumidor. Al igual que nel casu de la curva d’ufierta, la curva de demanda tamién tien tramos nos que s’agrupen indireutamente determinaos tipos de consumidores, como amuesa la figura 3. ARRIBA Figura 2. Curva d’ufierta. Fonte: www.observaelmercadoelectrico.net (Fonte en castellanu). IZQUIERDA Figura 3. Curva de demanda. Fonte: http://www.energiaysociedad.es (Fonte en castellanu).

(2012) Ciencies 2

/69/

/ La enerxía eólico n’Asturies. Centrales hidroeóliques

• Los «comercializadores d’últimu recursu» y munchos «comercializadores» suelen ufiertar al máximu preciu permitíu, llamáu preciu instrumental (180 €/MWh). La razón ye asegurar que los consumidores tendrán asegurada la enerxía que demanden. Esto nun quier dicir que vayan pagar dichu preciu sinón que pagarán el que resulte de la casación nel mercáu. • Per otra parte munchos consumidores namás tán dispuestos a comprar enerxía si’l preciu ye menor a un ciertu valor. Estos consumidores son los que tienen la posibilidá d’adautar el so consumu a los precios del mercáu (p.ex., dalgunos consumidores industriales o xeneradores hidráulicos de bombéu consumen lletricidá preferentemente nos periodos de precios baxos). Estos consumidores son los qu’apaecen na curva de demanda con una cierta pendiente. ABAXO Figura 4. Curves amestaes d’ufierta y demanda. Fonte: http://www.energiaysociedad.es (Fonte en castellanu).

/70/

Ciencies 2 (2012)

2.2.3 El preciu Sumando les ufiertes de compra íguase una curva amestada llamada curva de demanda. Per otru llau, sumando les ufiertes de venta íguase una curva amestada denomada curva d’ufierta. Obsérvase na figura 4 cómo la interseición d’entrambes curves en cada hora, determina la enerxía total casao y el preciu marxinal.

2.2.4 Influyencia de les renovables nel mercáu diariu Vamos ver cómo inflúin les enerxíes renovables nel mercáu llétricu pa estudiar el comportamientu de los parques eólicos nel mesmu. De mano ye importante decatase de la prioridá qu’impón el mercáu, a ciertes fontes. Les enerxíes nucleares y renovables, que nun se puen esperdiciar nin aparar, cubren, en primer llugar, la demanda estimada. Primero acceden les nucleares, porque al tener una gran inercia térmica los parones y arranques nun seríen viables por costosos.

DERECHA FIGURA 5. Influyencia de les renovables. Fonte: AEE (Fonte en castellanu).

Darréu, les enerxíes renovables por normativa llegal que promueve’l so desendolcu. Esta prioridá fuercia que la enerxía disponible per aciu d’eses teunoloxíes s’ufierte a cero euros. Dempués, entren les demás enerxíes. La última en vender pa cubrir la demanda proyeutada, al preciu más caru, marca’l preciu marxinal, ye dicir, la tarifa de toes. Polo tanto, les enerxíes renovables, magar que tienen aseguráu un preciu reguláu o una prima tamién tán obligaes a pasar pel mercáu, y como entren a preciu cero nel mercáu de la lletricidá, desplacen a unidaes de xeneración convencional de costu marxinal eleváu, que fixaríen precios marxinales más altos. D’esti mou, la presencia de les renovables produz un abaratamientu del preciu final del mercáu (ver figura 5). El fechu d’ufiertar a preciu cero pue dar llugar a situaciones tan paradóxiques, como que nos casos nos que la demanda d’enerxía llétrico seya igual o inferior a la ufierta d’enerxía de centrales con ufierta de cero euros, l’efeutu será que toa esa enerxía casao tendrá un preciu nulu. Esta situación prodúxose, por exemplu, a lo llargo de 74 hores, ente los díes 28 d’avientu del 2009 y el 15 de xineru del 2010. A primeros de marzu de 2010, produxérosen otres 58 hores ensin preciu. Un añu dempués diéronse de nuevo les condiciones suficientes pa que nes hores

valle del ciclu de demanda d’enerxía llétrico, la casación d’ufierta y demanda se produxere a 0€/MWh. Les hores 3ª a la 7ª la casación foi nula, produciéndose precios anormales tamién nes hores 2ª; 8ª y 9ª onde los precios foron de: 4 € /MWh; 4.01 € /MWh y 5,01 € /MWh. L’impautu económicu d’esta situación ente los diferentes axentes productores ye diferente, siendo perbeneficiosu pal bombéu al que-y costó la enerxía cero euros y pa les enerxíes del réxime especial que tienen un preciu mínimu garantizáu. Fai falta un análisis fondu porque nel casu de nun se tomar midíes de nengún tipu (en rellación cola curva de carga del sistema nes hores valle) y siguiere aumentándose la capacidá eólica, de la manera que ta prevista, nun amenorgare la xeneración de base nuclear y nun aumentare lacapacidá de bombiar y esportar enerxía llétrico, el sistema llétricu presentará más irregularidaes. Les midíes enerxétiques (como la que presentamos nesti trabayu) que tengan en cuenta les circunstancies anteriores, potenciando’l bombéu, serán perinteresantes pal mercáu.

(2012) Ciencies 2

/71/

/ La enerxía eólico n’Asturies. Centrales hidroeóliques

2.3 El réxime especial La Llei 54/1997, del Sector Llétricu, establez los principios d’un modelu de funcionamientu que ta basáu na llibre competencia y nel que se crucen ufiertes y demandes de lletricidá, determinando asina’l preciu de la enerxía como vimos anteriormente. Ensin embargu, dicha Llei fai compatible esti principiu cola consecución d’otros oxetivos, como la meyora de la eficiencia enerxética, la mengua del consumu y la proteición del mediu ambiente. Con esti fin establezse la existencia d’un Réxime Especial de producción como complementu al Réxime Ordinariu. Establezse d’esti mou una estremancia clara ente dos tipos de xeneración llétrica: el réxime ordinariu y el réxime especial. El réxime ordinariu fórmenlu toes aquelles centrales con potencia instalao que seya igual o superior a 50 MW y el réxime especial ta formáu, ensin entrar en particularidaes, por aquelles unidaes de producción con potencia instalao menor de 50 MW qu’utilicen la coxeneración, enerxíes renovables, biomasa, cualquier clas de biocarburantes y residuos non renovables. El réxime especial gocia d’un réxime económicu y xurídicu beneficiosu en comparanzan col réxime ordinariu que compriende a les teunoloxíes convencionales.

Nin toles renovables tán nel réxime especial de producción qu’establez la llexislación nin esi réxime especial ye renovable dafechu

/72/

Ciencies 2 (2012)

Les teunoloxíes que componen el réxime ordinariu son el carbón, el fuel, les centrales nucleares, los ciclos combinaos de gas y les grandes centrales hidroeléctriques con más de 50 MW. Nel réxime especial asítiense toles demás teunoloxíes, incluyíes les centrales hidroeléctriques con potencies instalaes menores de 50 MW. Constitúi un error común identificar les enerxíes renovables col réxime especial: nin toles renovables tán nel réxime especial, nin el réxime especial ye dafechamente renovable. Los productores de réxime especial, paavender, total o parcialmente, la so producción d’enerxía llétrico, tendrán d’escoyer una de les opciones vinientes: • Tarifa regulada: cobrar una tarifa fixa por kWh xeneráu. • Mercáu de producción: cobrar el precio del mercáu (pool) más una prima. 2.4 Penalizaciones por esviamientu Cuando un productor nun pue suministrar la enerxía qu’ufiertó anteriormente, otros productores han d’amenorgar o incrementar la producción y pa evitar, dientro de lo posible, esti efeutu negativu, les compañíes llétriques tienen de pagar penalizaciones por esvíamientu. El costu del esviamientu cargaráse al axente de mercáu responsable del mesmu, siguiendo les pautes determinaes por RD 661/2007, y supón una perda d’ingresos en cualquier escenariu de precios, primes o tarifes, y esto inclúi a les enerxíes renovables, incluyíos los parques eólicos. Estes penalizaciones son les qu’intentamos evitar o pelo menos minimizar per mediu del estudio que presentamos más alantre.

3. LA ENERXÍA EÓLICO 3.1 Teunoloxía Los aeroxeneradores son dispositivos que convierten la enerxía cinético del vientu n’enerxía mecánico. La captación de la enerxía eólico produzse per mediu de l’aición del vientu sobro les pales. Hai munches clasificaciones pa los aeroxeneradores, pero ensin entrar en detalle diremos qu’actualmente, los más eficientes y que polo tanto s’impunxeron sobro’l restu son los aeroxeneradores d’exa horizontal (paralela al suelu) y provistos de 3 pales. Esta abulta ser la meyor opción en cuantes a optimización de la potencia obtenío, durabilidá de la instalación, y que meyor s’afayen a los vientos habituales. Nesta triba d’aeroxeneradores la producción llétrica ye nula pa velocidaes baxes de vientu, hasta una velocidá llende denomada «cut-in» o velocidá de conexón, abondo pa vencer el rozamientu inicial y poner en marcha el xenerador (esta velocidá ta comprendío xeneralmente entre 3-5 m/s). A partir d’ehí, la producción de potencia aumenta rápidamente col vientu, hasta la llamada potencia nominal del aeroxenerador. Dende esi puntu, el xenerador maniobra pa caltenese produciendo la máxima potencia énte mayores velocidaes del vientu, hasta qu’esti llega a un valor determináu «cut-out» o velocidá de corte, onde les turbines tienen que parar por razones de seguranza, darréu que a talos vientos la estructura ta soportando una gran carga aerodinámica (esta velocidá considérase xeneralmente a partir de 25 m/s).

El rápidu aumentu de la potencia eólico a partir de la velocidá «cut-in» ye pola mor que la potencia disponible nel vientu pa ser estrayío, aumenta según el cubu de la velocidá, acordies cola fórmula que vien darréu: P = ½ ρ Ar v3 onde ρ ye la densidá de aire, Ar ye la superficie del rotor y v la velocidá. Polo tanto yá vemos qu’ún de los problemes que tienen los parques eólicos, pa poder predicir la enerxía xenerao pal día viniente, pa puyar nel mercáu diariu, ye que pequeñes variaciones na predicción del vientu, causen grandes esviamientos na potencia.

3.2 Situación de la enerxía eólico n’España Acordies colos datos d’AEE (Asociación Empresarial Eólica), los datos básicos de lo eólico n’España son los vinientes: • Nel añu 2011, cubrió’l 15,75% de la demanda llétrica del país. • España ye’l cuartu país del mundu por potencia eólico instalao, tres Estaos Xuníos, Alemaña y China. • La potencia instalao a lo cabero de 2011 yera de 21.673 MW. • La eólica foi la tercer tecnoloxía nel sistema llétricu en 2010, per detrás del gas y la nuclear, con una producción de 43.692 GWh, pero foi la primera en marzu de 2011.

(2012) Ciencies 2

/73/

/ La enerxía eólico n’Asturies. Centrales hidroeóliques

IZQUIERDA Figura 6. Repartu de la potencia instalao por Comunidaes Autónomes en 2011. Fonte: AEE

DERECHA Figura 7. Cobertura de la demanda d’enerxía llétrico. Fonte: AEE ABAXO Figura 8. Parques eólicos n’Asturies. Fonte: Asturias.es

3.3 Situación de la enerxía eólico n’Asturies Acordies colo qu’espubliza’l Gobiernu del Principáu, na so páxina web, Asturies tien 13 parques eólicos instalaos, con 355,95 megavatios y 387 aeroxeneradores. Na tabla viniente podemos ver la so distribución. NOME

ALLUGAMIENTU

Pico Gallo

Nel mapa podemos ver l’estáu a 19-01-2011. A los 13 parques en funcionamientu, amiéstense dos n’obres: Carondio y Muriellos (50 MW, Allande y Villayón), y Peña del Cuervo (18 MW, Les Regueres). El mapa reflexa amás otros 15 parques en proyeutu. P (MW)

Nº A.

Picu’l Gayu - L’Altu Bustel.lán (Tinéu)

24,42

La Bobia San Isidro

A Serra da Bovia (Vilanova d’Ozcos y Eilao)

49,30

Chao das Grallas

Chao das Grallas (Vilanova d’Ozcos)

28,00

Sierra de los Lagos

A Serra dos Llagos (Allande)

38,94

Sierra de la Cuesta

A Serra d’A Costa (Grandas de Salime)

7,92

Sierra del Acebo

A Serra del Acebo (Grandas de Salime)

17,82

Sierra de Bodenaya

La Sierra Boudenaya (Salas)

18,00

Penouta

Alto de Penouta (Bual)

5,95

Belmonte

La Sierra de Bixega (Miranda)

34,85

Curiscao

La Sierra de Curiscáu (Salas)

45,90

Baos y Pumar

La Sierra de Los Vaos y Pumar (Salas y Cuideiru)

34,85

Sierra de Tineo

La Sierra de Tinéu (Tinéu)

44,00

Alto de Abara

Alto d’Abara (El Franco y Cuaña)

6,00

355,95

387

Tot. Parques Eólicos en Funcionamientu n’Asturies a 28 d’ochobre de 2009. Fonte: Asturias.es

/74/

Ciencies 2 (2012)

/ La enerxía eólico n’Asturies. Centrales hidroeóliques

IZQUIERDA Figura 9. Picu’l Gayu, Tinéu. Fonte: http:/flickr.com/potos/eugenio fernandez corral

Según noticia asoleyada en La Nueva España (13-09-2009), el Gobiernu asturianu axudicó la instalación de 40 nuevos parques eólicos nel occidente del país, que xunto a los que yá hai supondrá la instalación n’Asturies d’un total de 72 centrales de molinos de vientu, con una potencia conxunto de 1.576,85 MW. La moratoria de siete años que’l Principáu llevantó en xunu de 2008 provocó un refileru de solicitúes. Tres l’axudicación definitiva, entamaránse los trámites llegales pa la construcción d’estes centrales, incluyíos los medioambientales, lo que fai prever que nun entamen a funcionar hasta l’añu 2015. El Principáu recibió ente’l 4 de xunu de 2008, cuando se llevantó la moratoria a la construcción de parques eólicos, y el 13 de xunetu de 2009 un total de 127 solicitúes pa construyir aeroxeneradores.

3.4 Centrales de bombéu n’Asturies Una central de bombéu ye simplemente una central hidrollétrica que funciona bidireicionalmente, ye dicir, ye a tresformar enerxía potencial n’enerxía llétrico y viceversa. Estes centrales inxértense nel sistema d’«Almacenamientu enerxéticu en rede» ayudando a adautar la xeneración a la curva de la demanda colo que s’amenorguen les variaciones d’energía que tienen que facer les teunoloxíes menos acionaes pa ello. D’esti mou les centrales reversibles bombiarían nes hores valle, y turbinaríen nes hores picu y asina pue utilizase como una especie de batería xigante. Nes hores valle, que son les de menor demanda enerxética, y en consecuencia pue dicise que la enerxía llétrico ye más barato, tales bombes tarán bombiando agua al depósitu cimeru.

/76/

Ciencies 2 (2012)

CENTRO/DERECHA Figura 10. Centrales de Rusecu y Tañes. Fontes: http:foros.embalses.net/showthread. php/10846-Embalse-de-Tanes http:foros.embalses.net/showthread. php/10846-Embalse-de-Rioseco

• Saltu netu mediu: 102 metros en xeneración, 105 metros en bombéu. • Volume útil del banzáu (Hm3): 25,3 en Tañes; 2,82 en Rusecu.

Nes hores picu, que contraponiéndose a les valle, son nes que la demanda ye mayor y en consecuencia’l costu enerxéticu mayor, les bombes apagaránse, que son les que consumen enerxía llétrico pa tresformalo en potencial y les turbines prenderánse pa xenerar enerxía lletrico a partir de lo potencial. Les centrales hidrollétriques reversibles, tienen, lóxicamente, un menor rendimientu cuando tán funcionando como bombes que cuando tán funcionando como turbines. N’Asturies hai una central de bombéu. Ye la central de Tañes–Rusecu, propiedá d’HC Enerxía. Ta asitiada nel ríu Nalón, nos conceyos de Casu y Sobrescobiu y consta de dos banzaos: el cimeru de Tañes y el baxeru de Rusecu. La puesta en funcionamientu foi nel añu 1978.

4. CENTRALES HIDROEÓLIQUES Pa comprender lo que nós proponemos p’Asturies entamemos analizando’l referente a nivel mundial sobro les centrales hidroeóliques: el proyeutu de la islla d’El Hierro.

Los datos téunicos principales son los que vienen darréu: • Potencia instalao (MW): 123 en xeneración; 114,5 en bombéu. • Enerxía producible n’añu mediu: 85.000 MWh y 115 en bombéu. • Caudal máximu d’equipamientu: 119,5 m3/s en xeneración; 115 m3/s en bombéu.

4.1 La instalación de la islla d’El Hierro La islla canaria d’El Hierro, ye Reserva Mundial de la Biosfera dende l’añu 2001 y surde del agua del Atlánticu algamando les sos lladeres arispies los 1.500 metros d’altor, lo que da llugar a una orografía singular permanentemente zurdida pol aire. Tien una superficie de 278 quilómetros cuadraos y una población de 10.668 habitantes. El proyeutu 100% Energías Renovables para El Hierro contempla la construcción d’una central hidroeólica quien a cubrir tola demanda llétrica de la islla, convirtiéndose ésta na primer comunidá del mundu n’autoabastecese única y esclusivamente con enerxía renovable.

(2012) Ciencies 2

/77/

/ La enerxía eólico n’Asturies. Centrales hidroeóliques

La central dispondrá de dos depósitos d’agua y contará con un parque eólicu de 5 aeroxeneradores, una central de bombéu y una central de motores diesel (yá existente) qu’entraría en funcionamientu en casos esceicionales d’emerxencia nos que nun hubiera nin agua nin aire abondos pa cubrir la demanda. El proyeutu nun ye una utopía. Nes semeyes de la figura 11 pue apreciase l’estáu avanzáu de les obres, tanto nos depósitos como nel parque eólicu. De fechu, les primeres pieces de los aeroxeneradores de la Central Hidroeólica d’El Hierro yá tán montándose en Los Dares, Valverde a lo cabero de xineru de 2012.

4.2 Estudiu d’una central hidroeólica La central hidroeólica d’El Hierro nun va entrar nel mercáu llétricu, porque la so misión ye autoabastecer la islla, ensin embargu si se construyere una central d’esta triba n’Asturies o n’otru puntu de la península lo normal sedría que tuviere qu’ufiertar la so enerxía nel mercáu llétricu y esi ye l’oxetu del nuesu estudiu, pa facelo de la manera más eficiente posible. Los nuevos marcos regulatorios llograron asitiar a España como’l segundu país en tol mundu con mayor capacidá d’enerxía eólico. El nuevu Reglamentu (RD661/2007) permite a los parques eólicos acudir al mercáu a vender la enerxía xenerao poles sos instalaciones, en consecuencia, tendrá de preparar les sos ufiertes, la programación de la producción d’enerxía y la posterior venta al mercáu. Sicasí, la enerxía eólico tien un refileru de carauterístiques que lo faen especial, y la más importante ye’l problema de la imprevisibilidá de la producción de los parques eólicos. Magar qu’hai

/78/

Ciencies 2 (2012)

DERECHA Figura 11. Construcción de la central hidroeólica d’El Hierro. Fonte: http:www.panoramio.com/photo/ 63130865

Depósitu baxeru

Depósitu cimeru

Parque eólicu

(2012) Ciencies 2

/79/

/ La enerxía eólico n’Asturies. Centrales hidroeóliques

dellos modelos de predicción comerciales (Apolo y Casandra, por exemplu), la principal torga pa la predicción de la enerxía eólico ye que la potencia xenerao ye proporcional al cubu de la velocidá del aire. Eso quier dicir que pequeñes variaciones na velocidá producen grandes esviamientos na potencia producío. En casu d’escesu o escasez, los productores d’otres compañíes tienen de menguar o aumentar la producción pa iguar l’esviamientu, polo qu’incurrirán en perdes financieres. Esta perda financiera conocida como penalizaciones por esviamientu ta recoyida tamién nel RD661/2007. Na actualidá, el costu de talos esviamientos nun se paga hasta pasaos dos años aproximadamente, pues depende de les midiciones de los contadores per parte del operador del sistema. Polo tanto, la práutica habitual ye que les penalizaciones por esviamientu s’afiten, en xeneral, nun 25-30% del preciu d’equilibriu del mercáu spot. Otru puntu importante a tener en cuenta ye’l fechu de que les enerxíes renovables reciben distintos tipos de subvenciones del Gobiernu. Estes primes tamién tán recoyíes nel RD661/2007. Dao que tanto les instalaciones d’enerxía eólico como les centrales hidrollétriques de menos 50 MW tán inxeríes nel presente Reglamentu, nun sedrá preciso considerar les primes nel nuesu estudiu. Énte esta situación, los parques eólicos tienen delles opciones: puen acudir al mercáu intradiariu pa compensar d’esti mou los errores de predicción; puen pagar les sanciones asociaes o puen tratar d’almacenar

/80/

Ciencies 2 (2012)

la enerxía eólico escedente, de dalguna manera. Propunxéronse diversos métodos p’almacenar esta enerxía: almacenamientu d’aire comprimío, bateríes pa coches llétricos, volantes, sistemes d’almacenamientu de calor, imanes superconductores, hidróxenu, y el que s’analiza nesti trabayu: l’agua bombiao. Vamos plantear dos estudios en rellación a les centrales hidroeóliques

4.2.1 Vender al mercáu Nesti primer estudiu consideraremos la optimización conxunta d’una central de bombéu y un parque eólicu y analizaremos qué estratexa ye la meyor posible. Consideraremos dos configuraciones estremes (ver Figura 12):

ABAXO Figura 12. Dos configuraciones. (Fonte n’inglés). ARRIBA DERECHA Figura 13. Dos escenarios. (Fonte n’inglés).

(a) El parque eólicu y la central de bombéu trabayen de manera independiente, y caúna viende la enerxía que produz nel mercado por separao. (b) El parque d’enerxía eólico nun viende nel mercáu, sinón qu’utiliza la enerxía xenerao pa bombiar agua al banzáu cimeru de la central de bombéu. Pa esta configuración, la central de bombéu tien que ser a bombiar y turbinar de forma simultánea. Esti problema íguase fácilmente duplicando’l númberu de tomes d’agua, (b), l’únicu beneficiu ye l’hidráulicu, qu’aumenta y creando un conxuntu de conducciones indebultablemente pues el volume d’agua disponible pendientes con turbines reversibles y bombes. tamién aumenta. Ye evidente qu’hai múltiples factores La primer tabla amuesa los resultaos algaqu’inflúin nel resultáu final, como por exemplu: maos nel escenariu (i). Comparando entrambes la eficiencia de la planta hidrollétrica, el volume configuraciones nesti escenariu (i), de baxa prod’agua disponible, les penalizaciones por esviaducción d’enerxía eólico n’hores punta, vemos mientu o la producción d’enerxía eólico. Vamos que’l beneficiu total en (b) ye superior al obteníu considerar dos escenarios (ver Figura 13): (i) en (a) namás pa los esviamientos superiores al Producción eólica baxa n’hores picu y (ii) Pro50%. Namás nestos casos la opción (b) sería la ducción eólica alta n’hores picu y llueu procedemás interesante. remos a analizar la influencia de les penalizaciones por esviamientu. Col envís de nun enguedeyar sobre manera l’estudiu, vamos suponer que los esviamientos, d, son un ciertu % de la enerxía eólico producío nel intervalu de’optimización. Vamos analizar dellos casos, dende esviamientos baxos (30% en perComparanza de beneficios n’escenariu (i). (Fonte n’inglés). mediu) a esviamientos altos (70% en permediu). El beneficiu hidráulicu na configuración (a) ye siempre’l mesmu, mentanto que’l beneficio de la enerxía eólico mengua progresivamente col aumentu de los esviamientos. Nun hai beneficiu de la enerxía eólico na configuración Comparanza de beneficios n’escenariu (ii). (Fonte n’inglés).

(2012) Ciencies 2

/81/

/ La enerxía eólico n’Asturies. Centrales hidroeóliques

La segunda tabla amuesa los resultaos algamaos nel escenariu (ii). Como pue vese, el beneficiu total (b) nesti escenariu d’alta producción d d’enerxía eólico n’hores punta nun perpasa’l valor obteníu en (a) en práuticamente nenguna situación de los posibles esviamientos. La razón ye que’l preciu de mercáu ye peraltu nes hores picu y paga la pena vender la enerxía eólico a pesar d’incurrir en penalizaciones por esviamientu. En conclusión, la configuración (b) nun paez mui conveniente en xeneral. Namás cuando la planta hidráulica tien mui poca agua disponible sería una opción interesante. El fechu de que más del 90% de les plantes d’enerxía eólico del sistema español acudan al mercáu a vender la energía que producen ye, agora, un dato comprensible. Sicasí, como vimos, el sistema ye mui sensible a munchos factores y cada empresa tien d’evaluar cuidadosamente les situaciones particulares que puen dar llugar a variaciones na configuración óptima. El nuesu estudiu proporciona una ferramienta amañosa, cenciella y mui eficiente pa la toma de tal determín.

4.2.2. Funcionamientu óptimu d’una central hidroeólica. Tres l’estudiu anterior, y n’asumiendo qu’entrambes centrales acudirán al mercáu coles sos ufiertes correspondientes, llega’l momentu de tratar el problema viniente: ¿Cómo modelizar el funcionamientu combináu de la que se llama central hidroeólica? Trátase, en primer llugar, d’emplegar los escedentes eólicos pa bombiar agua, evitando asina les penalizaciones por escesu (errores positivos) y, en segundu llugar, d’utilizar la central hidráulica turbinando agua pa compensar les esviaciones por defeutu (errores negativos). Ye

/82/

Ciencies 2 (2012)

la configuración (c) que s’amuesa na Figura 14. La primer cuestión nun tien nengún problema: los escesos de producción eólica sobro lo ufiertao desaniciaránse nel intre. Pero la segunda cuestión nun ye tan trivial. Nun hai qu’escaecer que la central de bombéu yá fixo la so ufierta al mercáu estimando’l gastu d’agua pal otru día.

dencia. D’esti mou la información del mediu plazu (selmanes) influyiría nel curtiu plazu (un día). Como vemos ye un problema que tien que s’analizar con procuru considerando con detalle los múltiples factores qu’inflúin. Y ente ellos nun nos escaecer de la modelización acionada de la central de bombéu: capacidá del depósitu inferior, capacidá de bombéu, etc.

5. CONCLUSIONES El nuesu estudiu amosó los beneficios de la optimización conxunta y destacó los parámetros cimeros del modelu a la hora de diseñar una central hidroeólica. Dende’l puntu de vista económicu y de funcionamientu del mercáu llétricu, hai razones poderoses pal diseñu de centrales hidroeóliques

como la propuesta nesti trabayu. - Per un llau, l’altu grau d’implantación de los parques eólicos ta entamando a causar graves problemes na regulación de la rede llétrica pola mor de la imprevisibilidá de los parques eólicos convencionales. Prevése un incrementu nos requisitos qu’ha cumplir la xeneración eólica qu’obligue a los parques a adautase téunicamente pa collaborar na regulación. Un parque eólicu dotáu d’un sistema acumulador d’enerxía como’l propuestu podría adautase abondo meyor a estos cambeos. - Per otra parte, la regulación del mercáu llétricu ta cambiando continuamente. La meyor manera de protexese frente a estos cambeos normativos ye disponer del sistema más eficiente y flexible posible, que permita funcionar acionadamente en cualquier contestu de mercáu.

ARRIBA Figura 14. Configuración (c). (Fonte n’inglés).

Si al otru día, por exemplu, la producción eólica ye muncho inferior a la ufiertada y , poro, precisamos muncha agua pa compensar el defeutu de producción eólica: ¿d’aú sal esa agua? Si esa agua lo tuviéramos, seguramente ufiertaríamoslo al mercáu. La solución que proponemos ye crear una «reserva ficticia» dientro’l banzáu pa cubrir estes continxencies. Esta reserva crearíase coles aportaciones de lo eólico nos errores positivos y d’ello gastaríase agua nos errores negativos. Lóxicamente, si los errores negativos son superiores a los positivos, esa reserva escosará en munches ocasiones. Y esti ye un problema al que l’operador de la central tien de poner muncha atención, iguando les sos predicciones en casu d’observar esta ten-

Referencies http://www.omie.es/inicio http://www.energiaysociedad.es http://www.observaelmercadoelectrico.net http://www.redeléctrica.es http://www.lne.es/economia/2009/09/13/40-parques-eolicos-occidente/807655.html http://www.aeeolica.org/es/sobre-la-eolica/la-eolica-en-espana/

Bayón, L., J. M. Grau, M. M. Ruiz, P. M. Suárez (2011).- Mathematical modelling of the combined optimization of a pumped-storage hydro-plant and a wind park, Mathematical Modelling in Engineering & Human Behaviour, Valencia, Spain, September 6-9.

(2012) Ciencies 2

/83/

Moluscos marinos non autóctonos na costa d’Asturies

Por Andrés Arias Rodríguez Departamentu B. O. S. - Zooloxía Universidá d’Uviéu

Entamu na de les amenaces más grandes pa los ecosistemes marinos llitorales ye la introducción, arrémente o accidental, d’especies non autóctones (exótiques) que nel so nuevu ambiente puedan llegar a desendolcar un comportamientu invasivu, siendo quien a competir y desplazar a especies autóctones, xenerando desequilibrios ecolóxicos y ocasionando graves daños al ecosistema con grandes reper-

/84/

Ciencies 2 (2012)

cusiones económiques en dalgunos casos. Dacuando, estes invasiones biolóxiques tienen una repercusión más llimitada, camudando namás la biodiversidá llocal. Pero nesta dómina de globalización, les invasiones biolóxiques afeuten y alterien tamién la biodiversidá global del planeta. Per otru llau, ye imprescindible insistir en que’l calecimientu global permitió la espansión de munches especies exótiques a rexones fuera

de la llende de la so área de distribución nativa, nes que previamente, magar que foren a introducise, nun consiguiríen sobrevivir nin reproducise (Walther et al., 2009; Arias & Anadón, 2012). Pero los cambeos nes condiciones climátiques que se produxeron nes últimes décades conllevaron una alteración de les dinámiques de les poblaciones de les especies natives, variando los sos rangos de distribución xeográfica y

la estructura y composición de les comunidaes qu’igüen, al igual que’l funcionamientu global del so ecosistema. De manera asemeyada, el cambéu climáticu tamién inflúi direutamente na probabilidá de supervivencia y naturalización de les especies exótiques que colonicen un nuevu territoriu, seya espardiéndose de forma natural o como consecuencia direuta o indireuta de les actividaes antropoxéniques.

(2012) Ciencies 2

/85/

/ Moluscos marinos non autóctonos na costa d’Asturies

Nesti sen, el golfu de Vizcaya representa un área interesante sobre manera pal estudiu de los efeutos del cambéu global en xeneral, y del cambéu climáticu y de les invasiones biolóxiques en particular, poles razones que vienen darréu: Lo primero, por tratase d’un enclave de marcáu calter mediterraneu, delimitáu por rexones con predominiu de fauna boreal, pudiendo actuar como un focu potencial d’asentamientu pa especies «alien» subtropicales. En segundu llugar, na costa cantábrica la temperatura medio incrementóse ente 0,6 y 0,8 ºC por década nos últimos 30 años (IPCC 2001). Nesti trabayu recuéyense les fiches d’once especies «alien» de Moluscos marinos presentes na costa d’Asturies (tres d’elles invasores), que, como bien suel dicise, son toles que tán pero nun tán toles que son. Les especies escoyíes quieren ser una pequeña amuesa del ampliu númberu d’especies exótiques marines introducíes nes nueses agües. Escoyéronse principalmente pola facilidá na so identificación, el so éxitu colonizador o pol grau de conocencia que se tien de les mesmes. Ente les especies incluyíes podemos alcontrar: una especie de quitón (Poliplacóforos), cinco especies de Gasterópodos, cuatro de Bivalvos y una de Cefalópodos. Pa les más de les especies, sobre manera naquélles que tienen un espoxigue direutu (ensin llarves planctóniques), asúmense como vectores d’introducción les actividaes que remanecen direuta o indireutamente de l’acuicultura, darréu que s’atopen comúnmente puestes de gasterópodos n’importaciones de lotes d’ostres y nos parques ostrícoles. Esti fechu nun ye d’estrañar, darréu que les comunidaes del Norte d’España –Galicia, Asturies, Cantabria y País Vasco– presenten una gran tradición marisquera, lo mesmo que los llugares del fondu del Golfu de Vizcaya

/86/

Ciencies 2 (2012)

(Francia), remontándose a los sieglos xviii y xix los primeros cultivos de moluscos marinos y el tráficu d’especies (principalmente ostricultura).

Les más de les once especies que se recueyen nel artículu vinieren darréu de l’acuicultura, qu’entamó nel nuesu mar nos sieglos xviii-xix

FICHES D’ESPECIES NON AUTÓCTONES POLIPLACÓFOROS Chaetopleura angulata (Spengler, 1797) (Quitón Americanu)

NATURALIZADA

Figura 1. Chaetopleura angulata

Pa facilitar la catalogación de les especies non autóctones basámonos na terminoloxía de Richardson et al. (2000), na que se clasifica a les especies exótiques en función del «grau d’invasión» en tres grupos: • Especie Introducida: Especie tresportada a un nuevu hábitat fuera de la so área de distribución nativa. • Especie Naturalizada: Especie introducida que supera les barreres ecolóxiques y se reproduz regularmente, pudiendo nun causar efeutos negativos sobro l’ecosistema. • Especie Invasora: Especie naturalizada qu’entama a espardese y a reproducise n’árees distantes del so llugar d’introducción, entrando en competencia coles especies llocales y presentando siempres efeutos negativos sobro l’ecosistema. Evidentemente, una especie exótica invasora sedrá la que pasó, obligatoriamente, peles tres fases anteriormente descrites, pero tanto una especie introducida como una naturalizada, nun tienen por qué pasar siempres al nivel viniente, pudiendo caltenese estables nel tiempu na mesma categoría.

Descripción: Quitón de gran tamañu (hasta 6 cm). Cuerpu carauterísticu del grupu de los Poliplacóforos, con 8 plaques articulaes arrodiaes por un cintu carnosu. Les plaques tán suavemente narquiaes, perpulimentaes con una coloración ocre claro, con rayes de color blanco brillante y una escultura carauterística que faen que seya malo de tracamundiar con cualquier otra especie. Distribución xeográfica: Nativu de les costaes del Atlánticu SE. Hábitat: Atópase n’agües someres, sobro roques. Introducción n’Asturies: La so presencia n’Asturies deteutóse yá nos años 80 nel estuariu de la Ría del Eo. Güei tamién se pue atopar nel intermareal rocosu cercanu al puertu d’El Musel, en Xixón. Observaciones: C. angulata ye una especie d’introducción histórica, remontándose al sieglu xix les primeres afayadures d’esti quitón nes costes de Galicia y Portugal.

(2012) Ciencies 2

/87/

/ Moluscos marinos non autóctonos na costa d’Asturies

GASTERÓPODOS Crepidula fornicata (Linnaeus, 1758)

GASTERÓPODOS NATURALIZADA

Crepipatella dilatata (Lamarck, 1822)

NATURALIZADA

Figura 3. Crepipatella dilatata, A:vista ventral. B: Aspeutu d’una colonia invadiendo l’intermareal rocosu.

Figura 2. Crepidula fornicata Descripción: Cáscara achaplada, ovalada y cóncava, con un ápiz llixeramente endolcáu nel cabu posterior de la cáscara. La so forma recuerda a la de les llámpares, pero éstes presenten un saliente internu (septu) que protexe parcialmente al animal y da-y una superficie d’anclaxe a la cáscara. El color ye ocre claro, mariello o pardo, con pintes o rayao de pardo acolorazao. Interior de la cáscara blancu o con pintes. Distribución xeográfica: Nativa de les costes del Noreste de los EE.XX. Hábitat: Intermareal ya infrallitoral, puen vivir apegaes y apilaes unes a otres formando grandes amiestos d’individuos mui carauterísticos (ver Fig. 2), o sobro otros moluscos, como les cáscares de pelegrín (Pecten maximus, P. jacobaeus) y «volanderes» (Aequipecten opercularis). Introducción n’Asturies: La so introducción n’Asturies ta venceyada a l’acuicultura, remontándose a principios de los años 70, onde yá s’atoparon los primeros exemplares nuna ensenada pequeña xunto al Cabo Vidíu (Ouviñana) venceyaes a les ostres exótiques (Crassostrea gigas y C. virginica). Güei pue alcontrase na Ría del Eo, n’Ouviñana, n’Avilés, en Xixón y na Ría de Villaviciosa. Sicasí, magar que cuente con una amplia distribución na costa asturiana, nun llogra grandes densidaes, como les que pue tener n’otros llugares, a vegaes superiores a los 1700 individuos por m2 (Blanchard, 2009). Cuando les sos poblaciones son tan abondantes causa daños a los cultivos de bivalvos (cáscares de pelegrín y ostres principalmente) fincándose nuna parte determinada de la cáscara pa aprovechar la corriente inhalante (y filtrar d’ella les partícules alimenticies) que xeneren los bivalvos p’alimentase. Inclusive n’hábitats arenosos, C. fornicata pue camudar tanto la composición del suelu, pola deposición masiva de les sos cáscares, que llega a alteriar la reproducción de dalgunos pexes bentónicos como los llinguaos (Solea solea) (Le Pape et al., 2004). Observaciones: Ye una especie hermafrodita protándrica, ello ye, nacen como machos y de la que medren entamen a camudar el sexu, alcontrándose individuos intersexuales, con gónada masculina y femenina al empar. Los individuos de gran tamañu son femes. C. fornicata tien un desendolcu planctónicu, polo tanto les sos llarves puen ser tresportaes nes agües de llastre de los barcos.

/88/

Ciencies 2 (2012)

Descripción: Cáscara achaplada, cóncava, ovalada o arredondiada qu’algama un tamañu máximu de unos 4 cm de llargor. L’ápiz ye bastante pronunciáu y ta orientáu contra’l llau derechu (vista ventral); tien una escultura con fines llinies radiales de color pardo y tamién se puen detectar les estríes de medría. El septu ye cóncavu y presenta más de la metá del cantu esquierdu llibre; la coloración esterna ye acolorazada col interior blancu brillante con una banda de color parducio nel marxe. Distribución xeográfica: Nativa de les costas de Chile y l’Arxentina. Hábitat: Intermareal ya infrallitoral sobro un sustratu duru, tamién puen vivir sobro bivalvos como les ostres (Ostraea edulis, Crassotraea spp.) y los muxones (Mytilus galloprovincialis). Introducción n’Asturies: La so presencia ta llimitada al intermareal rocosu de la sablera de L’Arbeyal, cercana al Puertu d’El Musel. Los sos vectores d’introducción nun tán mui claros, pero ye bien posible que viniere con partíes de bivalvos procedentes de les Ríes Baxes gallegues, onde la so presencia rexistráronla dende 2005 Rolán & Horro. Observaciones: Al igual que la especie anterior, ye hermafrodita protándrica y tamién viven apilaos unos sobro otros, magar que nesti casu les piles d’individuos que formen son muncho menos numberoses que les de C. fornicata. Esta especie nun tien un desendolcu planctónicu, sinón que de les puestes formaes por cápsules de güevos (Fig. 4A) eclosionen xuveniles con desendolcu direutu (Fig. 4B). Polo tanto, nesti casu desaníciase la posibilidá de tresporte per mediu d’agües de llastre.

Figura 4. Crepipatella dilatata. A: Cápsula con embriones; B: Xuveniles apegaos a una cáscara adulta.

(2012) Ciencies 2

/89/

/ Moluscos marinos non autóctonos na costa d’Asturies

GASTERÓPODOS

Cyclope neritea (Linnaeus, 1758) (Bígaru Cíclope)

NATURALIZADA

Columbella adansoni (Menke, 1853) (Columbela Atlántica)

NATURALIZADA

Figura 5. Cyclope neritea. A: Alimentándose d’un cámbaru muertu xunto col nasáridu autóctonu Nassarius nitidus (Jeffreys, 1867). B: C. neritea moviéndose sobro’l sable. Descripción: Cyclope neritea ye un pequeñu bígaru marín perteneciente a la familia de los Nasáridos que nun suel sobrepasar los 15 mm de llargor. Esta especie carauterízase pola forma ovalada de la so cáscara, que ta amás achaplada dorsoventralmente y tien un brillu carauterísticu. Distribución xeográfica: Mar Mediterraneu y Atlánticu axacente (estrechu de Xibraltar). Hábitat: Ye una especie de hábitos carroñeros qu’habita en sustratos areno-fangosos de la zona intermareal ya infrallitoral de poca fondura. Introducción n’Asturies: Esta especie de distribución orixinal mediterránea pue atopase n’Asturies en Lluanco, en la Ría de Villaviciosa y en la Ría de Tinamenor. Observaciones: Nel noroeste d’España, C. neritea pue alcontrase tamién en Galicia (nes Ríes Baxes), en Cantabria y otros llugares del suroeste de Francia. N’Asturies, la so presencia ta venceyada a zones con presencia d’ostra xaponesa (Crassostrea gigas), siendo detectáu per primer vez en 2009 nel estuariu de la Ría de Villaviciosa y en Lluanco y darréu en 2010 na Ría de Tinamenor. Güei, considérase que’l bígaru cíclope s’introduxo de forma non intencionada nes caxes de cultivu d’ostres procedentes del Mediterraneu o del Sur de Portugal (árees natives), mecanismu pel que se comprobó que s’introduxo nel fondu Francés del golfu de Vizcaya. C. neritea nun tien un desendolcu planctónicu, ello ye los sos gametos nun se lliberen al medio marín onde se produciría la fecundación, sinón que desendolquen puestes y de la güévara eclosionen direutamente xuveniles asemeyaos al adultu. Polo tanto la so proxenie nun pue dispersase peles corrientes marines, y los sos xuveniles tienen mui poca capacidad de dispersión. Tamién pola mor del so tipu de desendolcu descártase’l posible tresporte per mediu del agua de llastre de los barcos. Cyclope neritea nun pue considerase como una especie invasora, porque, per agora, nun desarrolló comportamientu talu, a pesar de superar la barrera de la reproducción: tanto en Villaviciosa como en Lluanco y Tinamenor, les sos densidaes de población son baxes, considerándose como una especie poco abondante, más bien escasa.

/90/

Ciencies 2 (2012)

Figura 6. Columbella adansoni, vistes dorsal y ventral Descripción: Cáscara d’hasta 2 cm, sólida, con 7-9 vueltes d’espires reutes, la cabera convexa, y la superficie nidia. Abertura estrecha y allargada con llabiu gruesu, principalmente na parte central. Protocáscara multiespiral carauterística de desendolcu planctotróficu. Coloración variable, con manches castaño, anaranxaes o amarelludes sobro fondu blancu formando un bandeáu más o menos sinuosu carauterísticu. Distribución xeográfica: Atlántica: África occidental, Canaries, Madeira y Azores. Hábitat: Intermareal rocosu y subllitoral poco fondu pastando sobro los tapices d’ocla que medren sobre les roques o otros organismos. Introducción n’Asturies: Esta especie alcontróse namái nel intermareal rocosu de la playa de L’Arbeyal, cercana al Puertu d’El Musel. Pola mor del allugamientu nuna zona mui concreta averada a un área portuaria, ye bien probable que llegare como polizón nes agües de llastre de los buques procedentes de dalguna islla atlántica o de les costes de Marruecos, onde ye nativa. Hasta la fecha nun se demostró un verdaderu potencial invasor, darréu que dende que s’atopó per primer vegada en 2009, nun espandió l’área de distribución y el so númberu nun aumentó, calteniéndose en baxes densidaes de población. Observaciones: Nel Mediterraneu, la Columbella adansoni sustitúila una especie asemeyada, C. rustica (Linnaeus, 1758), que s’estrema d’aquélla esencialmente pola so protocáscara globosa y de desendolcu direutu.

(2012) Ciencies 2

/91/

/ Moluscos marinos non autóctonos na costa d’Asturies

BIVALVOS

GASTERÓPODOS Umbraculum umbraculum (Lightfoot, 1786)

INTRODUCIDA

Crassostrea gigas (Thunberg, 1793) = C. angulata (Ostra Xaponesa, Ostión, Ostra Portuguesa, Ostra Rizada)

INVASORA

Figura 8. Crassostrea gigas Figura 7. Umbraculum umbraculum

Descripción: U. umbraculum ye un gasterópodu perteneciente al grupu de los Opistobranquios, que tien un cuerpu grande de planta circular; el pie ye de color anaranxao y sobresal de la cáscara en tola so circunferencia, presentando na so cara dorsal una gran cantidá de tubérculos. El mantu, baxo la cáscara, ta poco desarrolláu. La cáscara tien forma d’escudu y ta tapizada davezu por ocla y otros organismos epibiontes. Distribución xeográfica: Circuntropical, habitando en tolos océanos y mares tropicales y subtropicales cálidos, inclusive’l Mar Mediterráneu. Hábitat: Pue atopase dende la zona intermareal nes poces de marea hasta fondures de 70 m. Habita tanto en fondos de sable como rocosos. Introducción n’Asturies: Alcontróse nel intermareal rocosu de Xixón en poces intermareales. Ye probable qu’esta especie subtropical, pola mor del calecimientu de les agües del Cantábricu, tea enanchando la so área de distribución contra’l Norte. Observaciones: Descubrióse de recién qu’U. umbraculum tien sustancies na epidermis, denomaes umbraculamines, que resulten tóxiques pa los pexes, evitando asina la so depredación. Ye una esceición ente los opistobranquios, que normalmente nun pasen del añu de vida, porque llega a vivir dos.

/92/

Ciencies 2 (2012)

Descripción: La cáscara ye sólida, inequivalva, estremadamente escarapullosa y llaminada; la valva esquierda (inferior) ye fondamente cóncava con llaos cuasi verticales; la valva derecha (superior) ye plana o llixeramente convexa, encontándose dientro de la esquierda; los llaos son desiguales, con umbos protuberantes, tendiendo a ser más llargues qu’anches, pero siempres mui distorsionaes ya irregulares. La forma de la cáscara varia col mediu ambiente, pero siempres presenta lameles mui sobresalientes en tola so superficie (d’ende que tamién se conoza vulgarmente como ostra «rizada») Fig. 9C. El color suel ser blanquecino con rayes moraes y puntos que radien del umbu. L’interior de la cáscara ye blancu, cola impresión del músculu aductor normalmente blanca, anque en dellos exemplares pue ser violácea, pero nunca negra. Distribución xeográfica: Nativa de les costes del Sudeste Asiáticu, fundamentalmente de Xapón. Hábitat: La Ostra Xaponesa habita tanto na zona intermareal como submareal poco fonda, afincada sobro un sustratu duru o inclusive sobro otres ostres formando amiestos que puen llegar a ser mui grandes, conformaos por delles xeneraciones apilaes les unes sobro les otres. Estos amiestos formen verdaderos «arrecifes artificiales» qu’en zones de sustratu blandio, permiten el desendolcu de biota propia del sustratu rocosu, que d’otra forma nun podría vivir nun mediu arenosu. Introducción n’Asturies: La so introducción fíxose arrémente con fines d’acuicultura, na década de los 60-70 nos principales estuarios del país, Eo, Villaviciosa, Tinamayor y Tinamenor. Güei esta especie invasora tien una distribución peramplia, alcontrándose práuticamente a lo llargo de tola costa d’Asturies, siendo más abondante nos llugares enantes mentaos (nos que s’esplota económicamente) y nel intermareal arenosu de Xixón y Avilés.

(2012) Ciencies 2

/93/

/ Moluscos marinos non autóctonos na costa d’Asturies

BIVALVOS Crassostrea gigas (Thunberg, 1793) = C. angulata (Ostra Xaponesa, Ostión, Ostra Portuguesa, Ostra Rizada)

INVASORA

Observaciones: A principios del sieglu xx l’acuicultura de la Ostra Xaponesa convirtióse nuna actividá creciente nel fondu francés del golfu de Vizcaya, faciéndose importaciones masives d’ésta y otres especies de Crassostrea (como C. virginica) dende Xapón y los EE.XX. C. gigas pue llegar a formar grandes densidaes, ocasionando problemes nes zones portuaries y pantalanes onde llega a tapizar los canales de desagüe fixándose a los muros de formigón, polo que se faen necesaries aiciones de llimpieza pal so desaniciu. La Ostra Americana Crassostrea virginica (Gmelin, 1791), tamién ye una especie invasora que ta presente nes costes asturianes, anque menos estendida que la xaponesa, siendo llocalmente abundante na Ría de Villaviciosa. C. virginica estrémase de C. gigas, poles sos lameles non sobresalientes, los bordes poco crenulaos y la impresión del so músculu aductor que ye siempres mui escura (Fig. 9 E y F). Entrambes dos, puen estremase fácilmente de la ostra plana autóctona –Ostrea edulis (Linneaus, 1758)– por tener ésta última una forma más o menos arredondiada, nun tener lameles sobresalientes na cáscara, el color homoxeneu ensin manches nin rayes marcaes y la impresión del músculu aductor siempres blanca (ver Figura 9, A y B).

DERECHA Fig. 9. Comparanza ente les ostres presentes n’Asturies: A y B: Ostrea edulis (vistes esterior ya interior de les valves, respeutivamente). C y D: Crassostrea gigas (vistas esterior ya interior de les valves). E y F: Crassostrea virginica (idem).

/94/

Ciencies 2 (2012)

(2012) Ciencies 2

/95/

/ Moluscos marinos non autóctonos na costa d’Asturies

BIVALVOS Mercenaria mercenaria (Linnaeus, 1758) (Amasuela Americana, Amasuela Mercenaria)

BIVALVOS NATURALIZADA

Ruditapes phillipinarum (Adams & Reeve, 1850) (Amasuela Xaponesa o de Cultivu, Amasuela de Manila)

INVASORA

Figura 11. Ruditapes phillipinarum

Figura 10. Mercenaria mercenaria Descripción: Cáscara sólida, gruesa, equivalva con contornu ampliamente oval. Llúnula bien definida, amplia, con forma de corazón. Escultura de llinies concéntriques, elevaes en crestes y llinies radiales fines. N’especímenes nuevos les crestes y costielles radiales grueses tán presentes sobro tola cáscara, pero nel adultu persisten, dempués del desgaste, namás cerca de los márxenes anterior y posterior. Bordes internos de la cáscara crenulaos. Color blanco sucio, brillu café claro, gris opaco o gris-café. Interior de la cáscara blancu, dacuando violeta fondo alredor de les impresiones musculares de los aductores. Distribución xeográfica: La distribución xeográfica nativa de la especie abarca dende Canadá hasta’l Golfu de Méxicu. Pero tamién s’introduxo na costa oeste de los EE.XX. (Washington y California), Puertu Ricu, el Reinu Xuníu, Francia, Países Baxos y Bélxica n’Europa, y Taiwán n’Asia. Actualmente, M. mercenaria tamién ta siendo cultivada en Wenzhou y Yantai, en China. Hábitat: M. mercenaria vive sapozada en sustratos blandios (sedimentos compuestos por una mestura de sable y basa con daqué de material grueso), dende la zona intermareal hasta unos 15 m de fondu. Introducción n’Asturies: N’Asturies la so presencia ta llendada a una pequeña ensenada arenosa cercana a Cabu Vidíu (Ouviñana) y tien poblaciones estables dende lo cabero de los años 70 (Arias y Anadón, 2012). Observaciones: El so mecanismu d’introducción n’Asturies, foi una consecuencia direuta o indireuta de les actividaes d’acuicultura. Na década de los 70, col «boom» de l’acuicultura, munches piscifactoríes asturianes, entamaron a esperimentar con distintes especies de moluscos bivalvos pa intentar obtener los que presentaren un mayor rendimientu. Ente ellos, taba l’Amasuela Americana, pero esta especie nun presentó una gran tasa de crecimientu comparada con otres amasueles y la so resistencia a les enfermedaes foi baxa. Polo tanto, la especie refugóse a favor d’otra con un mayor rendimientu, la xaponesa; pero dalgunes americanes, o la so proxenie, foron a escapar al mediu marín, onde llograron reproducise y caltenese hasta los nuesos díes. Güei, dende que s’atoparon les primeres M. mercenaria n’Ouviñana a principios de los años 70, la especie nun estendió’l so rangu de distribución, calteniéndose en baxes densidaes, averada a la so zona orixinal d’introducción. Polo tanto, l’amasuela americana, inda que pasó a formar parte de la fauna llocal, nun ye una especie invasora, qu’ocasione daños al ecosistema.

/96/

Ciencies 2 (2012)

Descripción: Cáscara sólida, equivalva, con forma ovoidal. La llúnula ye allargada con forma acorazonada, poco delliniada, con bordes radiales finos de color café escuro. Superficie con estructura de costiellaes radiales y fendedures concéntriques. Les estríes o aniellos de crecimientu son notorios. El sen paleal ye relativamente fondu, magar que nun s’estiende más allá del centru de la cáscara. L’Amasuela Xaponesa ye mui variable nel so patrón de coloración: blanca, mariella, parda, grisácea o café, con rayes, manches o llinies ziszaseantes de color más escuro. L’interior de la cáscara ye de color blanco o con un tinte anaranxao, comúmente con manches de color púrpura na rexón anterior de la cáscara. Distribución xeográfica: Nativa de les costes del Sudeste Asiáticu, Filipines, China y Xapón. Hábitat: L’Amasuela Xaponesa vive sapozada en sustratos areno-fangosos, dende la zona intermareal hasta’l submareal poco fondu. Introducción n’Asturies: La so introducción foi intencionada con fines d’acuicultura, na década de los 70 nos principales estuarios del país, Eo, Navia, Villaviciosa, Tinamayor y Tinamenor. Güei esta especie invasora tien una distribución mui amplia atopándose práuticamente a lo llargo de tola costa de’Asturies, siendo más abondante nos llugares enantes mentaos (nos que s’esplota económicamente) y nel intermareal arenosu de Xixón y Avilés. Observaciones: Urtado et al., (2010) comprobaron que l’Amasuela Xaponesa pue hibridar cola Amasuela Fina autóctona, siendo la descendencia d’éstes viable. L’individuu híbridu presenta carauterístiques intermedies ente entrambos dos proxenitores, y paez gociar del denomáu «vigor híbridu» constituyendo l’amasuela dominante de los principales estuarios asturianos (Villaviciosa, Eo, Tinamayor y Tinamenor).

(2012) Ciencies 2

/97/

/ Moluscos marinos non autóctonos na costa d’Asturies

BIVALVOS Ensis directus (Conrad, 1843) (Muergu Americanu, Navaya Americana)

CEFALÓPODOS INVASORA

Ocythoe tuberculata (Gray, 1849) (Pulpu Verrugosu)

INTRODUCIDA

Figura 12. Ensis directus

Descripción: Cáscara cola típica forma de les navayes. Les sos valves son allargaes y estreches, y la so superficie esterna ye de color verdoso brillante. Ye mui asemeyada a la especie autóctona E. arcuatus (Jeffreys, 1865), estremándose d’ésta por ser más ancha y curtia, en rellación al llargor total, pola morfoloxía del sen paleal na parte interna de les valves (n’E. directus tien forma de S y n’E. arcuatus tien forma d’U) y pol llargor del músculu aductor (muncho mayor n’E. arcuatus). Distribución xeográfica: Nativa de les costes del Noreste de los EE.XX. Hábitat: El Muergu Americanu vive sapozáu en sustratos arenosos, dende la zona intermareal hasta la zona infrallitoral. Introducción n’Asturies: Asúmese güei que la introducción n’Europa d’esta especie d’orixe americanu, tuvo llugar a partir d’exemplares introducíos por aciu d’agües de llastre nel estuariu del Elba, n’Alemaña. Dende ellí, la especie introdúxose rápidamente n’otros países como Bélxica, Países Baxos, Inglaterra, Francia y nel añu 2000 llegaron los primeros exemplares a Asturies (Arias & Anadón, 2012), probablemente n’agües de llastre procedentes de barcos fletaos dende los puertos europeos con presencia d’E. directus. Una vegada yá na costa d’Asturies, les llarves planctóniques d’esta especie pudieron dispersase per mediu de les corrientes marines dende les zones averaes al puertu d’El Musel (onde se lo localizó per primer vez) hasta los llugares onde tamién s’alcuentra güei: Outur, Avilés, Lluanco y la Ría de Villaviciosa. Observaciones: Dende qu’esta especie s’introduxo per primer vegada n’Europa, convirtióse na especie de muergu dominante nes costes d’Alemaña, Bélxica y Países Baxos, llevando a les especies de muergu natives cuasi al desaniciu. Lo mesmo, ocurrió nel estuariu de la Ría de Villaviciosa, onde’l muergu americanu desplazó al autóctonu (E. arcuatus), coincidiendo el primer rexistru d’E. directus nel añu 2000, col desaniciu d’E. arcuatus del estuariu, que yera mui abundante nos años 80 y la Ría de Villaviciosa constituyía un área importante de reclutamientu pa la especie. (Anadón et. al, 1997; Arias & Anadón, 2012)

/98/

Ciencies 2 (2012)

Figura 13. Ocythoe tuberculata (Exemplar donáu a la coleición del Departamamentu. Por Noelia Rodríguez García).

Descripción: O. tuberculata tien un acusáu dimorfismu sexual: les femes algamen un tamañu d’unos 30 cm mientres que los machos raramente superen los 3 cm. El mantu ye gruesu y musculosu; la cara ventral del mantu nes femes ta cubierta por series de tubérculos coneutaos per mediu de crestes, que-y dan un aspeutu reticuláu. Nesta especie’l sifón y los brazos son mui llargos. Distribución xeográfica: Mares y océanos tropicales y subtropicales cálidos. Hábitat: Especie peláxica que nada averada a la superficie. Introducción n’Asturies: Nel Atlánticu Este cítase nes islles Canaries y nes Azores y tamién nel Mediterraneu occidental. N’Asturies, hasta la fecha capturáronse dos exemplares en llugares de Valdés y Tapia. Los exemplares capturaos n’agües atlántiques de la península Ibérica rellaciónense con fenómenos anómalos d’incrementu de la temperatura superficial del agua. Observaciones: Les femes aliméntense principalmente d’heterópodos, pterópodos (gasterópodos de vida peláxica) y pequeños pexes peláxicos. El que seyan la única especie de cefalópodu que tien vexiga natatoria, permíte-yos controlar la flotabilidá y poder capturar les sos preses. Tamién son la única especie de cefalópodos que ye ovovivípara, ello ye, les femes incuben la güeva dientro del cuerpu, nos oviductos.

(2012) Ciencies 2

/99/

/ Moluscos marinos non autóctonos na costa d’Asturies

Glosariu Agua de llastre: Cuando un barcu mercante s’alcuentra ensin carga, usa agua de mar o d’estuariu como llastre, pa caltenese somorguiáu per baxo de la llinia de flotación, lo que-y permite maniobrabilidá pa navegar de forma segura. L’agua de llastre ye un vehículu importante nel tresporte d’organismos acuáticos. Especie autóctona: (nativa) especie que vive dientro de la so área de distribución natural y de dispersión potencial. Especie exótica: (non autóctona; «alien»; alóctona; foránea) especie qu’apaez fuera de la so área de distribución natural (pasada o actual) y de dispersión potencial. Especie invasora: especie exótica que s’establez nun hábitat y a partir d’ésti llogra dispersase a otros llugares alloñaos del puntu d’introducción, amenazando la biodiversidá nativa. Introducción: nesti casu, entendemos como introducción el movimientu d’una especie fuera de la so área de distribución nativa potencial, pudiendo ser introducida pola xente, direuta o indireutamente, o por otros factores (p. ex. el calentamientu global favorez la espansión d’especies exótiques a rexones fuera de la llende de la so área de distribución nativa) Vector: Entiéndese como’l mediu físicu o axente nel que, o per mediu del que, una especie pue ser tresportada fuera de la so área de distribución natural.

Bibliografía Anadón, N., A. Anadón, C. Santos-Salas & C. Álvarez-Claudio (1997).- Macrozoobentos de la Ría de Villaviciosa (Asturias, Norte de España). Bol. Cien. Nat. RIDEA, 44: 201-206.

Le Pape, O., D. Guérault & Y. Désaunay (2004).- Effect of an invasive mollusc, American slipper limpet Crepidula fornicata, on habitat suitability for juvenile common sole Solea solea in the Bay of Biscay. Mar. Ecol. Progr. Ser. 277: 107–115. Ortea, J.A. (1974)..- Moluscos marinos gasterópodos y bivalvos del litoral asturiano entre Ribadesella y Ribadeo, con especial atención a la subclase Opistobranquia. Tomo I. Tesis Doctoral, Universidad de Oviedo, 342 pp. Poppe, G. T. & Y. Goto (2000).- European seashells, Vol. 1 (Polyplacophora, Caudofoveata, Solenogastra, Gastropoda). ConchBooks. Hackenheim., 221 pp. Poppe, G. T. & Y. Goto (2000).- European seashells, Vol. 2 (Scaphopoda, Bivalva, Cephalopoda). ConchBooks. Hackenheim., 221 pp. Richardson, D. M., P. Pysek, M. Rejmánek, M. G. Barbour, F. D. Panetta & C. J. West (2000).- Naturalization and invasion of alien plants: concepts and definitions. Diversity and Distributions, 6: 93-107. Urtado, N. K., C. Pérez-García, P.Morán, J.J.Pasantes (2010).- Genetic and cytological evidence of hybridization between native Ruditapes decussatus and introduced Ruditapes philippinarum (Mollusca, Bivalvia, Veneridae) in NW Spain. Aquaculture. 311(1–4): 123-128. Walther, G. R., A. Roques, P. E. Hulme, M. T. Sykes, P. Pysek, I. Kühn, M. Zobel, S. Bacher, Z. Botta-Duka, H. Bugmann, B. Czucz, J. Dauber, T. Hickler, V. Jarosik, M. Kenis, S. Klotz, D. Minchin, M. Moora, W. Nentwig, J. Ott, V. E. Panov, B. Reineking, C. Robinet, V. Semenchenko, W. Solarz, W. Thuiller, M. Vila, K. Vohland & J. Settele (2009).- Alien species in a warmer world: risks and opportunities. Trends in Ecology and Evolution, 24: 686–693.

Arias, A. & N. Anadón (2012).- First Record of Mercenaria mercenaria (Bivalvia: Veneridae) and Ensis directus (Bivalvia: Pharidae) on Bay of Biscay, Iberian Peninsula. Journal of Shellfish Research, 31(1): 57-60. Arias, A., A. Richter & N. Anadón (2012).- Estado actual de los Moluscos marinos no autóctonos en aguas del Cantábrico. Notas científicas en el 4º Congreso Nacional sobre Especies exóticas invasoras. Pontevedra, 10-12 setiembre: 99-103. Bañón Díaz, R. (2012).- Introducción al estudio de las especies exóticas marinas en Galicia. Revista Galega dos Recursos Mariños (Monog.), 3: 1-67. Blanchard, M. (2009).- Recent expansion of the slipper limpet population (Crepidula fornicata) in the Bay of Mont-Saint-Michel (Western Channel, France). Aquat. Living Resour, 22: 11-19. Capdevila-Argüelles, L., A. Iglesias-García, J. F. Orueta & B. Zilletti (2006).- Especies Exóticas Invasoras: Diagnóstico y bases para la prevención y manejo. Organismo Autónomo de Parques Nacionales. Ministerio de Medio Ambiente. Madrid, 287 pp. IPCC (2001).- Climate Change, The Scientific Basis. Cambridge Univ. Press, 881 pp.

/100/

Ciencies 2 (2012)

(2012) Ciencies 2

/101/

Por Antón Álvarez Sevilla Ganaderu Especialista en races autóctones

Siete races, un país: (II)* La Vaca Roxa (Carreñana y Casina) * Nel númberu 1 d’esta revista diba la primer parte d’esti trabayu y nél falábase del Asturcón y la Cabra Bermeya.

LA VACA ROXA Un averamientu a la so historia Baxo esti nome de nueso, la Vaca Roxa, amiesto les dos castres de ganáu vacuno del país: la Carreñana o Asturiana de los Valles ya la Casina o Asturiana de la Montaña. La Vaca Roxa ye la raza cimera del denomáu «Tueru castañu», tanto pol so censu como poles sos carauterístiques productives. L’albeitre A. Sanchez Belda al falar del Tueru castañu (Bóvidu castañu cóncavu) diz:

/102/

Ciencies 2 (2012)

«El so asitiamientu coincide cola cordelera cántabro-astur-galaica espardiéndose pel cabu occidental, escontra tierres más baxes de Zamora ya Portugal (...) L’aniciu d’esti xenogrupu ye européu, sofitándose na presencia de formes étniques asemeyaes nel interior continental. Poro, ye afayadizo atribuyir al pueblu celta l’aportación del tueru castañu.»

Nel castru la Campa Torres (Xixón) apaecieron na parte cavada en 1950 restos óseos que se correspuenden con 70 exemplares vacunos diferentes. Los armentíos pa los ástures d’esta dómina, yeren yá parte perimportante de la so comida. L’emplegu del ganáu bovino como presea de valoración dientro de la sociedá asturiana pue datase yá na segunda metada del sieglu xi,

medrando davezu les ventes de tierres que se merquen con gües. La valoración del güe como bien de consumu apaez yá nel 1055, data na que se fai un cambéu d’un terrén, nel llugar de Casar, na villa d’Olivares, al par d’Uviéu, por un «pesu de mies», tres «sestarios» de carne de güe ya otros bienes ensin especificar por valor de tres «emines».

(2012) Ciencies 2

/103/

/ Siete races, un país: (II) La Vaca Roxa (Carreñana y Casina)

Sicasí, pa Santiago Aguadé (1983): «ye la posibilidá del so emplegu como fuercia de tiru, qu’amestáu col llabiegu fai posible la medría de la tierra de llabor, lo que convierte al güe n’oxetu d’estima na sociedá del país, ya desplica’l so papel nes ventes ya como mediu de valoración.» Asina, los gües apaecen siempres na valoración del ganáu de burriquía: Nel añu 1032 (un caballu equival a 10 gües); nel 1101 (una yegua val por dos gües); nel 1112 (dos caballos bonos valen 15 gües, ya un güe equival a 7 modios), etc. Nun documentu datáu nel 1153, doña Gontrodo Pérez funda’l Monesteriu de La Vega (Uviéu), estremando ente los animales de la so cabana en: «100 vacas bravas, 40 bueyes dondos y 30 vacas madres en los prados y 10 yeguas bravas y caballos.» Nel añu 1447, Xuan ii concedió un privilexu, confirmáu polos reis vinientes, a los vecinos del Conceyu Casu, pol que: «sus ganados o bestias podían andar salvos e seguros por cualesquiera pastos de los sus reinos e señoríos paciendo las hierbas e bebiendo las aguas e durmiendo en cualesquiera ciudades e villas e lugares e concexos de los dichos reinos e señoríos sin que sean presos nin prendados por concexo ni persona alguna, pena de mil doblas o 10.000 maravedises.» Nes Ordenances Conceyiles d’Arenas de Cabrales fechaes en 1726, nel so Capítulu 11 recuéyese que’l día 25 d’abril de cada añu axuntábense nel Corral del Conceyu tolos nuviellos del pueblu, pa ser rexistraos pol Vedor, los Celadores ya dos persones enforma conocedores de les castres del llugar, col envís d’escoyer los gües. Los de peor fustax, capábense nesi día. Los otros xubíen llibremente a Portudera, pa baxar el primer festivu de setiembre, día nel que s’esbillaben los meyores pa padriar. En siendo

/104/

Ciencies 2 (2012)

escoyíos, taba vedao capalos nel añu, pagando una multa quien lo fixera de cuatro ducaos, amás de mercar otru con tan bona clas como’l de la capía. Los paisanos que nun baxaben los sos nuviellos, pagaben diez reales por caún. Les Ordenances del Conceyu Casu, asemeyábense abondo a les de Cabrales. N’Orllé escoyíense los anoyos el día 8 de setiembre, ya n’El Campu nel mes d’ochobre nel «Día los gües». Andrés Fugier (1931) na so Tesis doctoral apúrrenos dellos datos al rodiu de la ganadería nel Principáu nel añu 1799. Asina’l censu del ganáu vacuno yera de 130.000 exemplares, 13.000 burres, 57.200 oveyes, 17.500 cabres ya 31.900 gochos. Una bona parte d’esti ganáu esportábase a les llanaes trigueres de Castiella ya Lleón. Nesti mesmu añu foren 1.000 los bovinos que salieren, permediando en 200 reales (50 pesetes) por tiesta, el so valir. En 1859 el Dr. Pascual Pastor y López describe asina al ganáu vacuno asturiano: «Bos taurus: Toru, güe, vaca, según el so sexu ya estáu. Llamen xatu al tenral. Al mio paecer pasen del mediu millón el númberu de cabeces d’esti ganáu que pastia n’Asturies. Raza asturiana: son pequeños, de pelo castaño claro, cuerna delgada ya curtia, goyeres, fechures escurríes. La lleche de la fema de diario, permedia ente los diez ya los dolce cuartiyos. Ye ganáu perdondo». Cinco años más sero, en 1864 Francisco Javier de Bona espubliza na Revista Xeneral d’Estadística un censu ganaderu fechu en 1861, nel que s’espeyen 171.908 exemplares bovinos. Esti censu tan baxu, yera según l’autor poa mor de les guerres últimes. Nel 1891 el censu algamaba los 663.977 exemplares. En 1898 Felix de Aramburu y Zuloaga na so Monografía de Asturias fala de tres tribes de vaques: la de la Montaña, la Mariña ya la de los

Valles del Centru. El censu que recueye nesi añu ye de 658.880 exemplares. Dionisio Martín Ayuso en 1908 al rodiu la vaca roxa diz: «La raza’l país ye d’altor pequeñu ya color roxo davezu, midíes fechures ya carnes asumedio. P’ameyorar la raza precísase reparar nes condiciones del país pa pescudar el xeitu que tien d’emplegase. Anguaño nun hai dulda que lo más conveniente ye valise de la mesma raza, emplegando bonos gües ya mirando bien polos xatos. L’ameyoramientu de la castra n’Asturies ye más fácil de lo que paez.» En 1916, los inxenieros agrónomos, Manuel

Naredo ya Federico Bajo espublicen la so memoria titulada El ganado Bovino de Asturias. Esti foi’l primeru ya’l meyor trabayu fechu sobro’l ganáu d’Asturies. Nél fálennos, tanto de la casina ya la carreñana como de tol ganáu amecío, al empar d’avisar del peligru de desaniciu que cuerren les nueses races (sobre manera la casina), pola mestría que fan los paisanos, cola sida d’enantar los rendimientos, pues cola perda de terrén pola tracción mecánica, tronaron los sos importantes mercaos del País Vascu ya Navarra. La mapa de lo casino nesta dómina, asítienla nos conceyos de Casu y Ayer, espardiéndose pel conceyu de Sayambre, ya trescantiando la cordelera pelos de Lillo, Boñar, Cármenes, Gordón, Valdepiélago, Valdeteja, Vegacervera ya Villamanín na Provincia de Lleón. Por desgracia

(2012) Ciencies 2

/105/

/ Siete races, un país: (II) La Vaca Roxa (Carreñana y Casina)

ye la propia Diputación d’Asturies la qu’andecha p’amecer el ganáu cola importación de sementales foriatos de ratín (Pardo alpina). Con respeuto a la carreñana, falen de la conveniencia d’amestar a los ganaderos interesosos na castra, dao’l pequeñu númberu de gües con clas. Abril Brocas, en 1918, nel so trabayu Consideraciones sobre la ganadería Asturiana describe les dos tribes, ocupando sobre manera la casina los conceyos de Somiedu, Casu, Piloña ya L.l.ena. La fastera La Mariña (Xixón, Siero, Valdés y Avilés) yera per onde viñaba la carreñana. Na Topografía Médica del Conceyu d’Illas, espublizada en 1923, empondéranse de tal xeitu a los gües de tiru, que se diz d’ellos que son fermosos, nobles ya sufríos. «Ensin dulda ye’l ganáu que con mayor cuidu se tien nel país. Hai xuntes almirables, destinaes a carretiar.» Nel 1929 naz el Llibru Xenealóxicu de la raza Asturiana de Montaña (Casina), nel que solo se rexistren exemplares de los conceyos de Casu y Ayer, ya desendoca el so trabayu fasta la guerra civil. El censu oficial de ganáu vacuno en 1938 (nel que s’inclúin amás de les races de nueso, la ratina ya la frisona), yera de 383.579 exemplares. L’albeitre Ochoa Uriel apurre en 1947 nueves anuncies al rodiu la frasca denomada «ancla de potru» (culón), nes vaques carreñanes. En 1956 el mesmu Ochoa encamienta a la Direición Xeneral de Ganadería la necesidá de facer estudios fonderos sobro la castra carreña

/106/

Ciencies 2 (2012)

na, cola sida d’afitar el caráuter culón na mesma. Foron los conceyos de Grandas de Salime, Allande, Tinéu ya Gozón los que presentaben mayor númberu d’exemplares con esti caráuter. En 1957 comunícase a la Xunta Provincial de Fomentu Pecuariu que son 374 les vaques paridiegues casines inscrites nes Delegaciones de Casu ya Cabanaquinta. Nesti añu inscríbense 26 gües ya 59 femes. Nesti mesmu añu nel Conceyu Gozón hai asentaes nel Llibru Xenealóxicu de la carreñana 158 vaques paridiegues con 12 sementales ya 35 mosees. En 1958 foron 118 los reses asentaos, algamando yá les 472 casines; el númberu de carreñanes rexistraes nel so Llibru foi de 215 femes ya 45 machos. Nos años 60, el Llibru Xenealóxicu del casín pasa al Serviciu Provincial de Ganadería. Cuando entamen los 70, reconozse’l fracasu de la ratina, ya pela parte del Ministeriu d’Agricultura encamiéntase la recuperación ya caltenimientu de la casina al traviés de l’aída por asentales nel Llibru Xenealóxicu, merca de gües ya femes nun programa de marcax d’animales con clas, fechu pel Centru de Seleición Animal de Somió (Xixón.) En 1972, Antonio Santamarina Fernández, na so Tesis doctoral conseña que «la raza de vacuno más conocida nel Valle de Suarna (Lugo), ye una frasca de vaca montañesa asturiana, de tamañu pequeñu, pero de bon caldar». Ya darréu diz: «D’hai poco p’acó, introdúxose la raza rubia gallega, pero non con exemplares de castra, sinón amecíos, llograos per aciu de la inseminación ar-

tificial con semen de gües de castra gallega ya exemplares de vaca’l país.» En payares de 1981 ígüense les dos Asociaciones de Criadores: ASEAVA, pa la carreñana, y ASEAMO pa la casina, que de magar entamen a funcionar arrecostinen colos llabores de xestión ya caltenimientu de los Llibros Xenealóxicos. ¿D’aú remanecen? Los arqueólogos, güei, cuando trabayen nuna xaceda castreña, desendolquen un trabayu multidisciplinar, porque non solo recueyen la cerámica, el fierro, l’oru... qu’apaez, sinón que la semiente, los güesos de los animales ya les arestes de los pexes son examinaos ya dataos. Esti trabayu multidisciplinar vien fayéndose d’hai pocos años p’acó. N’Asturies, quiciabes foi en La Campa Torres (Xixón) au s’entamó trabayar d’esti xeitu con resultaos enforma granibles. Sicasí, camiento qu’inda güei falta a los nuesos arqueólogos zarrar el círculu, o... pel filu allegar al duviellu. D’au entama la nuesa alcordanza vien falándose de los ástures como un pueblu qu’apuerta emigráu ya yá fechu. Esta ye la visión que da Silio Itálico cuando fai a éstos descendientes d’Astyr «el probín armíxeru de Mennon, fuxendo de la so patria, taliando delles tierres, llorándo-y al alba hasta allegar a lo septentrional del ermu ocasu.» Los Britanos tamién tendríen esti aniciu míticu troyanu, en primeres de Bruto, fíu d’ Enees, conforme manuscritu en llingua bretona atopáu por Geoffroy de Monmouth na Bretaña Armoricana. Pa los nuesos historiadores antiguos, los ás-

tures foron un pueblu qu’allegaron cola gran riada celta. Acordies con esto, los Astyres sedríen una triba de galos-celtes, que xebraos de los que s’asentaron en Galicia, pasaron per El Bierzu, poblando lo que depués se nomó como Asturia Cismontana ya Tresmontana. Yá Diego Suárez de Corvín, nacíu n’Urbiés, Val.l.e de Turón, nel antiguu conceyón de L.l.ena, (güei Mieres) espublizó nel 1607 unos Romances d’Asturies d’Uviéu: «Saved que como soy vieja (ye Asturies la que fala) tengo un grande Arcaz cerrado depósito de memoria muy antiguo por el cabo a mi poblaron franceses de su Alto Delfinado acompañando a su caudillo llamado el príncipe Astor.» Ya esto escríbelo muncho enantes d’aprucir los restos de Hallstaat ya les tumbes principesques ya tola teoría alpina de la nacencia de los celtes. Como vemos, toes estes lleendes tienen un mesmu camazón, el d’un pueblu qu’allega a Asturies ya s’afita equí. ¿Pero, ya los historiadores nuevos qué ye lo que nos dicen? J. M. González (1976) escribe: «La indoeuropeización y absorción de la xente megalítica d’Asturies polos invasores d’aniciu continental foi, de xuru, obra del tiempu ya foi escurque pola so superioridá nos preseos de guerra, na so organización ya quiciabes nel so

(2012) Ciencies 2

/107/

/ Siete races, un país: (II) La Vaca Roxa (Carreñana y Casina)

maor númberu; de toes maneres lo más probable ye que la población d’Asturies nel momentu d’asitiase equí nuevos güéspedes europeos, nun fos pernumberosa ya viviese abondo arramada pel so territoriu.» El profesor de la Universidá de Barcelona J. L. Maya (1988), al falar del orixe de los castros asturianos señala: «L’orixe de los castros ta nel contautu de xente continental que penetraron pel Pirinéu, cola xente yá allugao nel país, aniciando toa una riestra de desaxustes que dieron na construcción de poblaos fortificaos.» Los ástures, non solo enantes peles cites romanes, sinón agora peles ayalgues atopaes nos castros, sabemos que yeren un pueblu ganaderu, que criaba vaques, oveyes, cabres, burres ya gochos. Peles carauterístiques biomorfolóxiques de los güesos atopaos na Campa Torres, les castres que criaben nos sieglos ii-i enantes de Cristu yeren les mesmes qu’inda güei se caltienen al entamar el mileniu; ye n’allegando equí cuando hai que s’entrugar: ¿Estes vaques, burres, oveyes ya gochos foron adondaos n’Asturies? ¿Foi equí entós un llugar au s’acabestraba’l ganáu, o pela cueta, esti ganáu venía yá dondo cola xente a lo que pertenecía, ya remanecía d’otru país? Nesti sen, Marco Simón afita: «La espansión territorial foi siempres ún de les salíes peles qu’una sociedá dio treslláu a los sos problemes internos nuna dómina d’espansión

política. La necesidá d’enanchar la tierra cautivao ya los pascones pal ganáu, siempres perimportantes nuna sociedá d’esti xeitu.» Polibio conseña, na so Historia Universal, la importancia del ganáu como elementu valoratible pa venceyar a los nobles colos sos dependientes, ya falando de les migraciones céltiques nel norte d’Italia diz: «La única facienda que tienen estos pueblos ye l’armentíu ya l’oru, darréu que’l so calter de vida, ye lo único que lleven bien a tolos llaos.» Lo que persabemos de xuru ye qu’Asturies nun foi nengún llugar na vieya Europa au tea reconocíu l’acabestramientu de ganáu. Poro la reciella, l’armentíu ya les burres dondes tuvieron que venir hasta equí como dicíamos enantes, emigrando con un pueblu. Asina l’historiador alemán Adametz (1943) falando sobro’l caballu, caltién: «Del conceutu cenciellu de la domesticidá animal por pueblos antiguos, surde la necesidá de la conocencia de los pueblos que lo adondaron y esti eternu caleyar históricu, tan enllenu d’opiniones ya suxerencies aceñaes de xemes en cuando, tracamundiaes otres vegaes, conseña al caballu como suxetu amestáu al pueblu que lu emplega.» L’albeitre G. Ferreras sofita tamién esta idega, pues afirma que «cada animal dondu pertenez a una triba de xente determinao, pues ensin homes nun hai animales adomaos.»

Los ástures yeren un pueblu ganaderu, que criaba vaques, oveyes, cabres, burres ya gochos: Polos güesos atopaos na Campa Torres (Xixón), les castres que criaben nos sieglos ii-i e.C. yeren les mesmes de güei

/108/

Ciencies 2 (2012)

Cuando falamos de migración de pueblos, de tribes, de clanes, tamos falando de xente, muyeres, homes ya neños, colos que diba’l so ganáu, en rebaños ya menaes curiaes por pregueros a pie ya guerreros d’a caballu; inda güei, pueblos como los mongoles siguen fayendo alzaes estacionales, nes que se tresllada tola familia col ganáu. Esti foi’l mesmu casu que los nuesos vaqueiros hasta la década de 1960. Estes migraciones de pueblos suponíen una riestra xente moviéndose meses ya quiciabes años, pero siempres caminando cola so facienda, trevesando ríos, páramos ya cordeleres nes qu’otra xente yá taría afitao, hasta atopar una tierra, un país nel que poner el ramu ya llantar el texu... pero, ¿podemos dir güei escontra los resclavos que dexó esi ganáu, eses castres adondaes en dómines protohistóriques y allegar al so probable llugar d’aniciu o, pelo menos, al terrén más allonxáu que depués de 2.500 años afoucasu se caltién? Encadarmaes dientro’l «Tueru Castañu» tán la raza Tudanca (nel occidente de Cantabria), la Manteguera Lleonesa (nel norte de Lleón), güei cuasimente desaniciada; les Morenes del Noroeste, nel oriente d’Orense; l’Alistana-senabresa en Senabria (Zamora) ya la Mirandesa na Tierra de Miranda, nel noreste de Portugal. La Vaca Roxa, espárdese tamién de siempres per Suarna ya los Ancares lucenses. A la mesma vaca roxa de nueso atopámosla en Francia na rexón d’Auvernia, col nome d’aubrac, nel Macizu Central francés, nel Departamentu d’Aveyron. Col nome de parthenaise na rexón de Nantes ya nel Departamentu de Deux-Sévres. Dientro d’esta castra ta la maraichine, cuasi desaniciada ya qu’inda güei s’atopa embaxo los nomes de nantaise, gatinaise ya vendéene. Nel Departamentu de Saboya

alcuéntrase la tarantaise. Toes estes castres, según M. H. French, remanecen del mesmu tueru. Nel norte d’Italia nos valles de Susa ya de Chisone, na Provincia de Turín, afáyase la raza tarina, que pa dellos tratadistes tien el so orixe na tarantaise, pues llenda con esta na cordelera de los Alpes. En viendo l’espardimientu del Tueru Castañu per Europa nun dexen de llamamos l’atención dos cuestiones. Per un llau, dientro la Península, decatámonos que’l Tueru Castañu ocupa’l terrén históricu per au s’espardieron los ástures, bien seya na dómina romana o na altomedieval, ensamando tamién pelos conceyos que llenden con elli. Esti territoriu foi al empar el dominiu históricu de la llingua asturiana abarcando: Asturies, Lleón, l’antigua Asturies de Santillana ya Zamora, asina como la Tierra de Miranda nel norte de Portugal. A lo cabero pel occidente ensama la llende del gallego-asturianu col gallegu, ya na parte de Los Ancares, Caurel ya Ourense algama la fastera na que taben allugaos los ástures Susarros, Luguei, Gigurros ya Tiburi, siendo ésta tamién la llende qu’estrema otros fechos de fondu calter etnográficu: l’horru astur-horru gallegu; el xugu cornal-xugu de canga, existencia de la cambiel.l.a, etc. Hai que facer costar tamién que la fastera qu’inda güei ocupa la castra Tudanca ye práuticamente la mesma que la denomada Asturies de Santillana, zona d’espansión de los pueblos astures. La segunda cuestión que nos estraña, en viendo la distribución del Tueru Castañu n’Europa, ye qu’anguaño namái somos quien a rastrexala en Francia ya un poquinín na Italia alpina ya n’Alemaña: En Francia, el cogollu la castra caltiénse nel Macizu Central francés (Cordal de la Margueride ya l’Aubrac) au tan les fontes

(2012) Ciencies 2

/109/

/ Siete races, un país: (II) La Vaca Roxa (Carreñana y Casina)

La toponimia de les rexones au queden vaques del Tueru Castañu y los nomes de les tribus gales que les habitaben resúltennos abondo familiares: ríos Allier ya Tarn, los Lingones, Turones, Medulios, Salassios, etc.

del Ríu Allier, asina comu les traveseres que faen l’escobiu del ríu Tarn. El segundu garapiellu n’importancia ye’l de la tarantesa, allugáu nos Alpes, nel Delfináu; ya nos valles que tán degolando la Cordelera, ye au atopamos la tarina (Piamonte, Italia). Ya pa cabu, la raza parthenesa, na Rexón de Nantes güei como una islla pequeñaa nel camín de la Bretaña, pos embaxo otros nomes, hasta primeros del pasáu sieglu entá s’atopaba na Península Armoricana. Les tribus que nel sieglu i enantes de la Era habitaben estos territorios yeren: los Arvernos, na rexón de L’Aubrac, tando más al norte los Eduos ya los Lingones; na rexón de la tarantesa, los Alobroges ya los Medulios, na de la tarina los Salassios ya nel terrén de la parthenesa, los Pictos ya los Turones.

/110/

Ciencies 2 (2012)

Ye de solliñar que, mesmo la toponimia d’estes rexones como les tribus gales que les habitaben, resúltennos abondo familiares (rios Allier ya Tarn; tribes como los Lingones, Turones, Medulios, Salassios...). Camiento tamién que ye probable que les castres del Tueru Castañu ocupasen n’otres dómines fasteres que tuvieren más escontra el norte y acaso pal este, pues les races que güei tán afitaes nestes rexones son feches pol home a finales del sieglu xix, desaniciando les vieyes races ente les que de xuru taría la vaca roxa. Pa sofitar la ficia, entá atopamos n’Alemaña dos races, la murbodner ya la murnau-werdenfelser (dambes con censos mínimos) qu’escurque pertenecen al Tueru Castañu.

En viendo tolo amosao fasta equí, creyo poder da-y treslláu a la entruga ¿D’aú remanecen? • Al mio xacíu, la distribución que tien el ganáu vacuno de Tueru Castañu, asina como les otres especies de les que tamos falando (poni asturcón, oveya xalda, gochu celta, etc.) ye’l resultáu de les migraciones que fixeron poblaciones humanes col so ganáu.

• Que la distribución del vacunu de Tueru Castañu na Península correspuéndese col terrén históricu de los ástures na dómina romana y altomedieval. • Qu’estes mesmes races inda les atopamos n’otros llugares d’Europa, ente pueblos que caltienen una cultura perasemeyada a l’asturiana ya que la historiografía tradicional identifica como d’aniciu celta.

Carauterístiques Morfolóxiques La Casina (Asturiana de la Montaña) • Tiesta: Bien repartida. Pequeña. Perfil reutu o llixeramente subconvexu. Cóncanos orbitarios poco prominentes. • Oreyes: Pequeñes, sollertes ya con vediyes. • Güeyos: Daqué salientes, delles tienen goyeres de pelo prieto. • Cuerna: La nacencia ye na llinia la ñucla, paletos, pa medrar darréu escontra alantre ya p’arriba. La color ye blanco o xaro colos cabos prietos. • Focicu: Anchu, de bréfetes grandes, col pelo esblancuxao alredor. • Mucoses: Prietes, o llouxa escuro pel focicu, llabios ya per dientro la boca incluyida la llingua. Les mucoses del cursu ya la natura son tamién d’esta mesma color. El cantu los párpagos, les pistañes ya les serdes de la panoya son tamién prietes. • Pescuezu: De llargor medianu, poco musculáu, cervices abondoses con pliegues enforma marcaes. • Tueru: Renaz allargáu, colos contos na llinia del serriellu. El rau ye davezu en cayáu. • Pates: De llargor mediu a curtiu. De cadarma fina. Caces pequeñes, arrondaes, pedreses, zarraes, simétriques ya de color prieto. Cinquen correutamente. • Altor: Nos gües: 130 cm. Nes vaques: 120 cm. Midíes de la Campa Torres: 107,3 cm. • Pelleya: De color prieto ya suelto. • Pelame: Nidio, munches con bona moña. Pel iviernu médra-yos enforma. • Color: Toles frasques del roxo: xaro, mariello, belgo, guinda y ablana. Los gües son más escuros pela cervigada ya la palotiya. • Cañáu: De bona traza ya remueyu enforma. Tetos medianos ya permediaos. •Testículos: La color de la pelleya ye blanco-arrosao, con guedeyos llargos de la mesma color, esceición fecha de les partes baxes que son prietes. • Pesu: Nes femes 450-500 kgs; los gües ente los 600-700 kgs.

(2012) Ciencies 2

/111/

/ Siete races, un país: (II) La Vaca Roxa (Carreñana y Casina)

La Carreñana (Asturiana de los Valles) La carreñana estrémase de la casina por ser más corporienta ya de mayor pesu. Les otres carauterístiques: color, tiesta, focicu, pelleya, pates, rabu, etc. son práuticamente les mesmes. Estrémense solo por pequeñes diferencies. Asina la cuerna de la carreñana ye más cenciella, mesmo que les cervices. El renaz ta en llinia, nun ye un migayu reselláu como na casina. El cayáu que davezu tien la casina na nacencia‘l rau apaez de ralo en ralo ente les carreñanes. • Alzada: Nos gües 1,45 m ya 1,35 m nes vaques. • Pesu: Ente 800 ya 1.100 kgs nos gües ya cuasi 700 kgs nes femes. Lo que xebra dafechu les dos tribes, ye como albidramos al falar sobro la historia de la Vaca Roxa, la presencia de «culones» dientro de la carreñana. Los xatos culones amuesen una medría escomanada de les mases musculares, con perbonos rendimientos nes sos canales, d’au remanez una pergrande superioridá carnicera sobro los xatos corrientes. PERSPEUTIVES FUTURES La vaca roxa tien per delantre un gran futuru como agrupación racial. Gracies a la so conservación ya espardimientu per tol territoriu asturianu, tornó la entrada de les castres cárniques europees, fechu esti que tevo llugar ensin esceición y con fondura, en toles comunidaes vecines. Amás la vaca roxa ta espardiéndose per otres fasteres, sobre manera peles rexones venceyaes al área de distribución histórica del tueru castañu. Asina, la casina ye cada vegada más demandada en Cantabria, Burgos y otres zones de Castiella y Lleón, pa emplegala como vaca paridiega y como encontu pal cruzamientu

/112/

Ciencies 2 (2012)

industrial con races d’aptitú cárnica, pola mor de la so rusticidá, capacidá maternal ya les sos bones cualidaes pa criase n’estensivo ensin mano d’obra. Nel casu de la carreñana, convirtióse na raza cárnica d’eleición na montaña lleonesa (Babia, L.laciana...) –en realidá vuelve ocupar una rexón na que yá tuviera históricamente–, ya s’esparde enaína per Salamanca ya Estremadura. Arriendes los sementales carreñanos (ya la so espelma) son cada vegada más cataos pal cruce industrial coles races ruques de la meseta y de la devesa; la espelma xelao ya los embriones entamen a esportase a dellos países suramericanos. El futuru de les nueses races llariegues de vacunu, tien de sofitase nos siguientes pegollos: • Reforzamientu de les asociaciones de criadores. • Caltener los programes d’escoyeta. • Caltener el sofitu a la casina como raza en pelligru d’esanicie. • Afitamientu y desendolque de les etiquetes de calidá que protexen los productos de les castres: «Xata roxa» ya «Carne de Casín». Namái pue caltenese una castra si se-y da salíu comercial a los sos productos. «Xata Roxa» N’ochobre de 2000 la xunta xeneral de socios d’ASEAVA, acordó iguar una marca de calidá pa protexer namái a la carne que remaneciere d’animales fíos de reproductores asentaos nel Llibru Xenealóxicu. La marca denómase «Xata Roxa/Ternera Roxa» ya iguóse n’andecha colos gremios de carniceros. Les principales carauterístiques d’esta marca son les que vienen darréu: • La carne ye esclusivamente d’animales de pura castra asturiana de los valles, ensin amiestu nengún con races foriates. Pa dar la seguran-

za de pureza racial la carne tien que proceder de xatos fíos de vaca ya güe asentaos nel Llibru Xenealóxicu oficial de la raza Asturiana de los Valles. • El sistema de producción de la nuesa xata ye’l de costume, con una cebera sofitada na lleche materno ya nos puertos, con un rigorosu control de les materies primeres emplegaes na fabricación del piensu d’acabáu, que son namái cereales ya soya. • Los animales sacrifíquense con menos de dolce meses d’edá. • La nuesa xata véndese namái en carniceríes tradicionales asociaes ya nun réxime estrictu d’esclusividá, ye dicir, ensin que pueda amecese con castres d’otru aniciu. • El control ya la certificación failos una entidá esterna ya independiente, cualificada acor-

dies y autorizada, que ye la que fai les correspondientes inspeiciones y auditoríes pa dar la seguranza al consumidor de la calidá, sanidá del productu ya la veracidá del conteníu de la etiqueta ya los cartelos asoleyaos nel puntu venta. «Carne de Casín» La marca de calidá «Carne de Casín» protexe la carne que remanez d’animales de pura raza casina a los que se-yos da una ceba natural controlada pola Asociación de Criadores y por una empresa esterna de certificación. Estrema dos clases de productos: • «Xatu Casín»: edá máxima 20 meses • «Güe Casín»: machu capáu, con una edá máxima de 48 meses.

Bibliografía Adametz, L. (1943).- Zootecnia general. Labor. Barcelona. Aguadé, S. (1983).- Ganadería y desarrollo agrario en Asturias durante la Edad Media. El Albar. Barcelona Álvarez Sevilla, A., (2001).- Les Races Autóctones del Principáu d’Asturies. Cartafueyos de Belenos. Uviéu. Fugier A. (1931).- La Junta Superior de Asturias y la Invasión Francesa (1810-1811). Tesis doctoral. Universidá d’Uviéu. González, José Manuel (1976).- Antiguos pobladores de Asturias. Ayalga, Xixón. Martín Ayuso, D. (1908).- Elementos de agricultura y técnicas agrícolas. Establecimiento Tipográfico La Cruz. 1908. Maya González, J. L. (1988).- La cultura material de los castros asturianos. Estudios de la Antigüedad 4, 5. Universitat de Barcelona. Pastor y López, P. (1859).- Apuntes sobre la fauna asturiana. Edición facsímil d’Ayalga (1987). Santamarina Fernández, A. (1973).- El habla del Valle de Suarna. Tesis doctoral, 2 vols. Universidad, Secretariado de Publicaciones, Santiago de Compostela.

(2012) Ciencies 2

/113/

Na xaceda de Tazones vese per primer vegada nel mundu marques de la pelleya de pterosaurios, amĂĄs de les icnites de manes y pies dâ&#x20AC;&#x2122;hasta 18 cm de llargor