Ciencies 8

Cartafueyos Asturianos de Ciencia y Teunoloxía Payares 2018 // Númberu 8

Les esceicionales

Cianobacteries /// /// ///

EVIDENCIES DEL CAMBÉU GLOBAL NA OCLA /// PEQUEÑA GRAN HISTORIA DE LES CUENQUES /// 100 AÑOS DEL PARQUE NACIONAL ///

REDAICIÓN Conseyu de redaición

SUMARIU 4/

Les Cianobacteries: seres esceicionales que nos dan y nos quiten la vida Por José Luis Caso Machicado

20 /

El pedreru de Miranda yá nun ta (¿Cómo nun ver les evidencies del cambéu global?)

Por José Manuel Rico Ordás

30 /

Cascoxos ciegos nes cueves d’Asturies Nota sobre la nueva especie Zospeum percostulatum Alonso et al., 2018 (Gastropoda, Eupulmonata, Carychiidae) atopada en Llanes Por Álvaro Alonso

40 /

Les plantes del Parque Nacional de losPicos d’Europa cien años dempués Por Herminio S. Nava Fernández

48 /

xxvii Alcuentros pola Defensa de Los Picos d’Europa

54 /

La «Pequeña Gran Historia» de les condiciones de vida nes cuenques mineres na revolución industrial asturiana (1885-1907) Por Luis Vicente Sánchez Fernández, Olga García Moreno & Rolando Neri Vela

74 /

Ciencia Práutica: Cromatografía de baxu costu Por Rubén Fernández Martínez

84 /

Amestadura: rellación d’artículos asoleyaos (2011-2017)

Presidenta: Ana María Cano González Direutor: Carlos Lastra López Secretariu Téunicu: Héctor García Gil

Comité d’espublización Mario Díaz Fernández Santiago García-Granda Xabiel García Pañeda Eva García Vázquez Juan José Lastra Menéndez Carlos López Fernández David Melendi Palacio Xosé Antón Suárez Puente Pedro Suárez Rodríguez

Diseñu gráficu y maquetación ARAZ.NET

Semeya de portada Estromatolitos d’El Rinconín (Xixón) Semeya: Beatriz González

EDITA Academia de la Llingua Asturiana C/ L’Águila 10 Apartáu de Correos 574 33080 Uviéu Tfnu. 985 211 837 Fax. 985 226 816 www.academiadelallingua.com alla@academiadelallingua.com AcademiadelaLlinguaAsturiana @ALLA_ast Depósitu Llegal: AS-4862-2011 ISSN: 2174-9639 Imáxenes: fontes al pie de semeya Les opiniones y artículos equí recoyíos son responsabilidá de los sos autores y nun han ser necesariamente compartíos pola revista.

/2/

Ciencies 8 (2018)

(2018) Ciencies 8

/3/

Les Cianobacteries: seres esceicionales que nos dan y nos quiten la vida Por José Luis Caso Machicado Profesor Titular xubiláu de Microbioloxía Departamentu de Bioloxía Funcional Universidá d’Uviéu Figura 1. Masa xelatinoso grande de Cianobacteries (Anabaena sp.) xorreciendo sobre un sustratu sólidu (cementu) en Sotu Cangues (Cangues d’Onís) nel iviernu de 2013. Semeya: J.L. Caso

/4/

Ciencies 8 (2018)

Figura 2. Masa de Cianobacteries non identificaes («verdín» en segundu planu tres de los nenúfares) xorreciendo nun estanque de Valencia de Don Juan (Lleón), n’agostu de 2013.

Semeya: J.L. Caso

(2018) Ciencies 8

/5/

/Les Cianobacteries: seres esceicionales que nos dan y nos quiten la vida

ENTAMU os biólogos estremamos ente dos grandes grupos de seres vivos en función de la complexidá de la so estructura celular.

Per un llau, tenemos el primer gran grupu, los seres Eucariotes, que tienen célules complexes nes qu’hai un nucleu bien definíu, que contién el material xenético de la célula y que ta aislláu del citoplasma pola membrana nuclear (la pallabra eucariota quier dicir en griegu «bon nucleu»).

Amás, les célules eucariotes tienen una serie d’orgánulos internos como’l retículu endoplásmicu, l’aparatu de Golgi, les mitocondries, etc.

Dientro d’esti gran grupu de seres podemos atopar tanto organismos unicelulares (xeneralmente microscópicos), agora denomaos Protistes, como les lleldos, dalgunos tipos d’algues o los antiguos Protozoos, como tamién seres pluricelulares, como les algues macroscópiques, al igual que toles plantes y los animales ensin esceición, incluyíos los seres humanos.

El segundu gran grupu de seres vivos son los Procariotes, pallabra que quier dicir «anterior al nucleu o precursor del nucleu». Nesti casu, el material xenético nun ta zarrao nun nucleu llendáu por una membrana, sinón que flota llibremente nel citoplasma de la célula. Per otru llau, les célules procariotes nun tienen tolos orgánulos internos yá mencionaos. Nuna pallabra, los Procariotes tienen una arquiteutura celular

L

/6/

Ciencies 8 (2018)

abondo más cenciella que la de los Eucariotes.

En xeneral, sacante esceiciones, los Procariotes son unicelulares, y polo tanto microscópicos, y dientro d’ellos namái conocemos güei dos subgrupos: les Bacteries y les Arquees.

Pues bien, l’oxetu d’esti artículu, les Cianobacteries, son un grupu de microorganismos con una estructura celular procariota dafechu, más en concreto bacteriana, y asina se reconoz na «biblia» de los microbiólogos, el Bergey’s Manual of Systematic Bacteriology (Garrity 1984).

Sicasí, consideróse a lo llargo de décades qu’estos microorganismos yeren algues y dioseyos el nome de Cianofícees, por analoxía con otros grupos de verdaderes algues pigmentaes como les Clorofícees, Rodofícees o Feofícees.

Históricamente, tamién les llamaren algues azules o verde-azulaes, Cianofites o inclusive microalgues. Hay que solliñar que tovía anguaño hai muchos biólogos y otros especialistes que siguen remanando estos términos, güei del too obsoletos.

La razón d’esta confusión ye mui comprensible, darréu que les Cianobacteries xorrecen en grandes mases cola apariencia d’ocla, d’algues, tanto cuando espoxiguen sobre sustratos sólidos (Fig. 1) como sobre l’agua (Fig. 2) y amás, a semeyanza de la ocla, son fotosintétiques.

Los sos hábitats son pervariaos, diendo dende suelos normales o desérticos a fontes termales (hasta 74 °C), pasando per hábitats hipersalinos, superficie de peñes y otros sustratos sólidos ya incluyendo agua tanto dulce como salao.

Cuando estos microorganismos habiten n’agua dulce, pueden esperimentar verdaderos españíos poblacionales si se dan les condiciones afayadices, ello ye: agua más o menos estancao, preferentemente eutrofizao (rico en nitróxenu y sobre manera en fósforu), abondante radiación solar, temperatures relativamente elevaes (15-30 °C), ph neutro o básico (ente 6 y 9) y ausencia de vientu. Estes condiciones danse con frecuencia en llagos, charques, fontanes, bebederos, preses de riegu, remanses de ríos, estanques como’l de la Figura 2, pero tamién na cola de banzaos destinaos a la obtención d’agua pa consumu humanu, como se verá más alantre.

Les cantidaes astronómiques de cianobacteries que s’acumulen nestos casos dan llugar a lo que popularmente se llama verdín y que cuasi tol mundu camienta (erróneamente) que ta formao por ocla. Magar que la ocla auténtico tamién forma verdín, n’agua rico en nutrientes esto ta formao normalmente por Cianobacteries.

1ª PARTE: DELLES PECULIARIDAES DE LES CIANOBACTERIES Les Cianobacteries son seres ciertamente singulares y ello ye poles razones que s’enumberen nesti apartáu y nel viniente: 1) Magar de ser bacteries, y a diferencia de la inmensa mayoría d’estes, nun son unicelulares, sinón que formen llarguísimos filamentos de miles y miles (o millones) de célules (Fig. 3B), que s’entecrucen al empar ente sí pa dar les enormes mases visibles a simple vista que s’amosaron enantes nes Figures 1 y 2.

2) Son los «fósiles vivientes» más antiguos que se conocen, con gran diferencia sobre cualesquier otru ser vivu, y con toa seguranza tuvieron ente los primeros seres vivos n’apaecer sobre la Tierra, darréu que los microfósiles más antiguos atopaos hasta agora, formaos hai unos 3.500 millones d’años (en delantre Ma), presenten una gran semeyanza estructural coles Cianobacteries actuales (Fig. 3), anque tamién con toa seguranza tuvo d’haber microorganismos unicelulares con anterioridá a los pluricelulares amosaos equí. Si aceutamos que los humanos modernos (Homo sapiens) apaecimos sobre la Tierra hai entre 100.000 y 200.000 años (Pääbo, 2015), resulta que les Cianobacteries lleven existiendo un periodu de tiempu entre 17.500 y 35.000 vegaes más llargu que la nuesa propia especie.

(2018) Ciencies 7

/7/

/Les Cianobacteries: seres esceicionales que nos dan y nos quiten la vida

Les Cianobacteries lleven espulsando y acumulando O2 nel agua y na atmósfera, y afitando’l nitróxenu, dende hai como mínimo 3.500 millones d’años, munchísimo primero que les plantes. Ensin elles nun sedríemos quien a existir nin les plantes, nin los animales, nin –n’últimu términu– los seres humanos

Un tipu especial de fósiles son los denomaos estromatolitos, formaos pola agregación de numberoses capes de microorganismos filamentosos alternando con sedimentos atrapaos ente elles.

Dalgunos d’estos estromatolitos tienen igualmente 3.500 Ma d’antigüedá (Fig. 4A), inda qu’hebo y sigue habiendo muncha controversia sobre si son d’orixe biolóxicu o non, y en casu de selo, sobre qué tipu de microorganismos los formaron. En concreto, albídrase que con anterioridá a los 3.000 Ma los microorganismos fosilizaos debíen ser anoxixénicos, concretamente bacteries verdes y púrpures, más que Cianobacteries (Madigan et al. 1997). Sicasí, los estromatolitos posteriores a esa fecha, incluyendo los que siguen existiendo güei nunos pocos llugares del mundu (Fig. 4B) tán formaos sobre too, anque non únicamente, por Cianobacteries. N’Asturies tamién tenemos exemplos d’estromatolitos fósiles, como los de la playa d’El Rinconín (Xixón) que s’amuesen na Fig. 5, anque muncho más «mozos» que los de Warrawoona.

ABAXO Figura 4.A. Seición tresversal al traviés del estromatolitu fósil más antiguu que se conoz (3.500 millones d’años) procedente del grupu Warrawoona (Australia noroccidental), allugamientu mui cercanu a Marble Bar. Hai qu’observar la estructura llaminar formada pola alternancia de capes de microorganismos con otres de sedimentos. B) Estromatolitos actuales en Shark Bay (Australia Occidental), a escasos 800 km de Warrawoona. Semeyes tomaes de Madigan et al. (1997).

ARRIBA Figura 3.A. Microfósiles procedentes de Marble Bar (Australia noroccidental) con una antigüedá de 3.500 millones d’años. Sacao de http://www.astrobiology.ucla.edu B) Filamentos d’una cianobacteria actual (Anabaena sp.). Les fleches indiquen los heterocistos (het), célules estremaes encargaes de la fixación del nitróxenu. (http://www.2011.igem.org/Team:Brown-Stanford/Powercell/Cyanobacteria).

DERECHA Figura 5. Estromatolitos fósiles de la formación Gijón (170 -100 Ma d’antigüedá) n’El Rinconín (Xixón).

Semeya: J.L. Caso.

/8/

Ciencies 8 (2018)

(2018) Ciencies 8

/9/

/Les Cianobacteries: seres esceicionales que nos dan y nos quiten la vida

2ª PARTE: LOS HUMANOS NUN PODRÍAMOS EXISTIR ENSIN LES CIANOBACTERIES Arriendes de les peculiaridaes qu’acabo de comentar, les Cianobacteries son tamién esceicionales pola cenciella razón de que-yos debemos la vida (lliteralmente), y non por un solu motivu, sinón por tres, toos ellos imprescindibles: 1) En primer llugar, estos microorganismos son fotosintéticos y oxixénicos, ello ye, absuerben el co2 de l’atmósfera y, utilizando como fonte d’enerxía la lluz solar, incorporen el carbonu al metabolismu propiu y espulsen a l’atmósfera un subproductu que ye l’oxíxenu molecular (o2, gaseoso), que-yos resulta inútil pa ellos magar que toles plantes y por supuestu los animales necesitémoslo ineludiblemente p’alendar y vivir.

L’atmósfera primixenio de la Tierra nun tenía oxíxenu n’absoluto, asina que, magar que se suel camentar que la mayoría del oxíxenu que respiramos vien de la fotosíntesis que faen les plantes verdes, lo cierto ye qu’estes nun apaecieron hasta hai unos pocos cientos de millones d’años, mentanto que les Cianobacteries lleven espulsando y acumulando o2 na atmósfera dende hai como mínimo 3.500 millones d’años, munchísimo primero que les plantes, polo qu’hai que suponer que lo más del oxíxenu qu’alendamos produxéronlo estos semidesconocíos microorganismos y non les relativamente nueves plantes fotosintétiques (ver esquema na Fig. 6).

Asina qu’equí va un mensaxe collateral a esti artículu, anque con fundamentu científicu: magar que toos teamos en contra de la deforestación de les viesques tropicales o de les

/10/

Ciencies 8 (2018)

quemes forestales y a favor de la plantación d’árboles per uquier (sacante los ocalitos) porque desanicien co2 y xeneren oxíxenu, nun nos escaecer de que, magar que les plantes, tanto les acuátiques (incluyío’l fitoplancton y les macroalgues marines) como les terrestres, xeneren oxíxenu pel día, la inmensa mayoría del oxíxenu que respiramos nun lo produxeron los árboles de les viesques tropicales y otres plantes (relativamente nueves), sinón que lo xeneraron a lo llargo de la so llarguísima esistencia unos seres tan modestos, desconocíos y escaecíos como les Cianobacteries que son oxetu d’esti artículu.

2) En segundu llugar, les Cianobacteries fixen nitróxenu per mediu de célules especializaes llamaes heterocistos (ver Fig. 3B). El nitróxenu molecular (n2, gaseoso) ye l’elementu más abondante na nuesa atmósfera actual, onde constitúi aproximadamente un 79 % del total.

Sicasí, nin les plantes nin los animales tenemos rutes metabóliques p’asimilar esi nitróxenu molecular. Pa poder usar el nitróxenu ye necesario que’l n2 «se fixe», ye dicir, que se combine o bien con oxíxenu pa dar los correspondientes óxidos nitroso y nítrico al igual que los sos respeutivos ácidos y sales (nitritos y nitratos) que les plantes sí pueden aprovechar (anque non los animales), o bien con hidróxenu pa dar amoniu (nh4+) y los

IZQUIERDA Figura 6. Comparanza a escala de l’antigüedá d’estremaos grupos fotosintéticos xeneradores d’oxíxenu. Ma= millones d’años.

sos derivaos, fundamentalmente aminoácidos, que son los únicos compuestos nitroxenaos que sí podemos asimilar los animales. Como yá comenté, l’atmósfera primixenio de la Tierra nun tenía nada d’oxíxenu, de mou que per munchos cientos de millones d’años les Cianobacteries únicamente podíen combinar nitróxenu con hidróxenu pa producir l’amoniu y los aminoácidos que constitúin los «lladriyos» colos que tán construyíes les nueses proteínes, anque pasu ente pasu entamaríen tamién a combinalo col oxíxenu que diben xenerando elles mesmes.

Asina que de nun ser por esti llabor de fixación del nitróxenu fecha poles Cianobacteries nun podríamos existir nin les plantes nin los animales, nin por supuestu los seres humanos.

3) Pa cabu, tolos autores tán güei d’alcuerdu en que nel so día, hai unos 1.500 Ma, les Cianobacteries establecieron rellaciones de simbiosis mutualista con dalgunos Eucariotes primitivos, tresformándose elles no qu’anguaño conocemos como cloroplastos, esenciales pa facer la fotosíntesis, y aniciando asina les primeres plantes verdes fotosintétiques (primero algues unicelulares, darréu pluricelulares y muncho más tarde les plantes terrestres, ver Fig. 6), ensin les que tampoco nun sedríen a existir nin los animales herbívoros nin los carnívoros.

Polo tanto, hai qu’insistir de nueves en qu’amás de ser unos seres esceicionales en dellos sentíos, ensin les Cianobacteries nun podríamos existir nin les plantes, nin los animales, nin n’últimu términu los seres humanos.

(2018) Ciencies 8

/11/

/Les Cianobacteries: seres esceicionales que nos dan y nos quiten la vida

ARRIBA Figura 7. Estructura química de la saxitoxina.

Sacao de Carmichael (1994).

ARRIBA DERECHA Figura 8. Mecanismu d’aición de la saxitoxina y análogos.

A) Situación normal: les canales de sodiu dexen pasar el Na+ escontra l’interior de la neurona y l’impulsu neuromotor propágase escontra’l músculu. B) Les toxines «taponen» la canal de sodiu, torgando’l pasu de Na+ escontra la neurona y desaniciando asina l’impulsu neuromotor.

/12/

Ciencies 8 (2018)

3ª PARTE: CIANOTOXINES, LA CRUZ DE LA MONEDA El llector que llegare hasta equí y que nun tuviere una conocencia previa de les Cianobacteries camentará que tolo que faen estos microorganismos ye bono, ya inclusive imprescindible, pa la existencia de plantes, animales y humanos, lo que ye rigurosamente cierto.

Sicasí, les Cianobacteries tienen tamién un llau escuru y ye que munches d’elles (anque non toes) producen toxines que pueden afeutar a la salú d’animales y humanos ya inclusive a vegaes resultar mortales. Estes sustancies conócense coleutivamente como cianotoxines y pueden subdividise, pelo menos, en tres clases estremaes de productos (dalgunos autores consideren qu’hai más): a) citotoxines y endotoxines b) neurotoxines c) hepatotoxines

a) citotoxines y endotoxines Son un grupu de compuestos variaos con una toxicidá que namái se comprobó in vitro sobre cultivos de texíos, pero nun consta que nunca produxeren daños reales nin n’animales nin n’humanos, polo que son d’escasu interés y nun se comentarán equí. b) neurotoxines Les neurotoxines son productos sintetizaos per aciu d’estremaos xéneros de cianobacteries (Anabaena, Nostoc, Oscillatoria y munchos otros), qu’actúen sobre’l sistema nerviosu y más concretamente sobre les neurones motores o motoneurones, que son les encargaes de tresmitir les órdenes de contraición/relaxación a los músculos. Al interferir cola función d’estes neurones, los músculos queden paralizaos, bien na so posición relaxada (parálisis fláccida, como nel

botulismu), o bien na so posición contraída (parálisis espástica, como nel tétanos). N’entrambos casos, l’aición d’estes neurotoxines pue provocar parálisis de distintos grupos musculares, como los que controlen la vista (produciendo fotofobia, visión doble, etc.), incapacidá pa inxerir alimentos y agua, inhibición del peristaltismu intestinal, parálisis d’estremidaes, abolición de los movimientos voluntarios, etc. En casos estremos, les neurotoxines pueden provocar la muerte, yá seya por asfixa pola mor de la parálisis de los músculos respiratorios o pola necrosis tisular y consiguiente cangrena pola mor de la constricción permanente ya irreversible de les arteries que se produz nos casos de parálisis espástica.

Dientro de les neurotoxines cianobacterianes estrémense al empar tres tipos en función del so mecanismu d’aición, que se repasen darréu curtiamente.

1) Saxitoxina y análogos. Son un grupu d’alcaloides (véase la estructura de la saxitoxina na Fig. 7), qu’actúen torgando les canales de sodiu de les motoneurones.

Pa que les motoneurones tresmitan al músculu la orde de contraese fai falta qu’entren los iones sodiu (Na+) nos sos axones y eso asocede gracies a la existencia de canales de sodiu, que son una familia de distintes proteínes qu’atraviesen de llau a llau la membrana del axón y dexen el fluxu de sodiu dende l’esterior escontra l’interior de la motoneurona. Pues bien, la saxitoxina y los sos análogos amiéstense a estes proteínes y taponen la canal como si se tratare del corchu d’una botella, torgando’l pasu de Na+ escontra l’interior de la neurona ya inhibiendo d’esti mou la tresmisión del impulsu neuromotor (Fig. 8). Asina, los músculos dexen de recibir la orde de contraese y permanecen paralizaos en posición relaxada (parálisis fláccida).

(2018) Ciencies 8

/13/

/Les Cianobacteries: seres esceicionales que nos dan y nos quiten la vida

La saxitoxina y una familia de más de 50 análogos sintetícenles les Cianobacteries pero tamién un grupu de verdaderes algues microscópiques pertenecientes a los Dinoflaxelaos; estos formen parte del fitoplancton marino y dan llugar a les llamaes «marees coloraes», que puen causar intoxicaciones pol consumu humanu de bivalvos, que los acumulen nel so cuerpu per filtración

Ye llamativu que la saxitoxina y una familia de más de 50 análogos sintetícenles tamién un grupu de verdaderes algues micrsocópiques pertenecientes al grupu de los Dinoflaxelaos, que formen parte del fitoplancton marino y que dan llugar a les llamaes «marees coloraes», que puen causar intoxicaciones por consumu de moluscos bivalvos que s’alimenten por filtración y qu’acumulen nel so cuerpu estos Dinoflaxelaos. Toi refiriéndome a moluscos talos como los moxones, amasueles, muergos, ostres, berberechos, etc, qu’al consumilos lleguen a producir intoxicaciones mortales en seres humanos. Sicasí, hai qu’insistir en que les Cianobacteries son Procariotes y los Dinoflaxelaos son verdaderos Eucariotes, polo que nun hai nenguna rellación filoxenética ente estos dos grupos, de forma que la producción de saxitoxina y análogos per parte d’entrambos grupos de microorganismos ye namás un casu llamaderu de converxencia evolutiva con un significáu real que tamos lloñe de ser quien a esplicar.

2) Anatoxina-a y análogos. Trátense de molécules que mimeticen a l’acetilcolina, que ye’l mensaxeru químicu normal que tresmite l’impulsu motor dende la motoneurona al músculu. Cuando l’acetilcolina (ac) s’amiesta a los sos correspondientes receutores asitiaos na membrana de les célules musculares, el músculu contráise, pero darréu actúa una acetilcolin-esterasa que degrada l’ac, de forma que’l músculu vuelve a la so posición relaxada (Fig. 9).

Pues bien, l’anatoxina-a y los sos análogos

/14/

Ciencies 8 (2018)

ARRIBA Figura 9. Ciclu normal de contraición/relaxación de los músculos. Les neurones motores secreten acetilcolina (ac), que ye captao polos correspondientes receutores na membrana de les célules musculares y eso desendolca la contraición muscular. Darréu, l’ac ye degradao pola acetilcolin-esterasa y el músculu vuelve a la posición relaxada.

ARRIBA Figura 10. L’anatoxina-a amiéstase a los mesmos receutores que l’acetilcolina y desencandena la contraición muscular, pero a diferencia de l’ac nun los degrada l’acetilcolinesterasa, polo que’l músculu permanez costantemente contrayíu, dando llugar a una parálisis espástica.

IZQUIERDA Figura 11. Mou d’aición de l’anatoxina-a(s). La toxina amiéstase al centru activu de l’acetilcolin-esterasa, torgando que l’ac pueda ser degradada, polo que’l músculu permanez permanentemente contrayíu, causando una parálisis espástica.

amiéstense al mesmu receutor que l’ac y disparen igualmente la contraición muscular, pero a diferencia de l’ac, nun los degrada l’acetilcolinesterasa, polo que’l músculu sigue recibiendo de mou permanente la orde de contraese, orixinándose asina una parálisis espástica asemeyada a la del tétanos (Fig. 10).

Esto pue causar efeutos sumamente graves, darréu que la contraición permanente de los músculos provoca la oclusión de les arteries qu’irriguen les estremidaes y otros muérganos, dando llugar a la muerte celular, necrosis, cangrena, y eventualmente, a la muerte del individuu.

3) Anatoxina-a(s). Nesti casu, el sufixu (s) vien del inglés salivary, yá qu’esti productu provoca una hipersalivación en mamíferos. Esta toxina amiéstase al centru activu de l’acetilcolinesterasa, torgando qu’esta pueda degradar a l’acetilcolina, polo que’l músculu permanecerá permanentemente contrayíu. L’efeutu será’l mesmu que’l de l’anatoxina-a (parálisis espástica), magar que’l mecanismu d’aición seya otru (Fig. 11). c) hepatotoxines Trátense de sustancies captaes específicamente pol sistema de tresporte de los sales biliares, que namái existe nos hepatocitos (célules que formen el parénquima hepáticu), polo qu’estos compuestos exercen la so aición tóxica únicamente nel fégadu.

Dende’l puntu de vista de la estructura química, les hepatotoxines producíes por Ciano-

(2018) Ciencies 8

/15/

/Les Cianobacteries: seres esceicionales que nos dan y nos quiten la vida

bacteries son péptidos cíclicos que se subdividen en dos tipos: les nodularines (sintetizaes principalmente pol xéneru Nodularia), que tán integraes por 5 aminoácidos, y les microcistines (del xéneru Microcystis), formaes por 7 aminoácidos, (ver Figures 12 y 13).

Les nodularines y microcistines sumen un grupu de más de 50 productos tóxicos con un mesmu mecanismu d’aición que se resume darréu: Los hepatocitos tienen una forma poliédrica, polo que vistos nun corte al microscopiu obsérvense con una forma más o menos hexagonal.

En condiciones normales, el grandor d’estes célules caltiénse constante porque hai un equilibriu ente dos tipos d’enzimes que son les proteínquinases y les proteín-fosfatases: les primeres faen que los microfilamentos d’actina s’acurtien y les célules mengüen de tamañu, mentanto que les segundes allarguen los filamentos d’actina y faen que les célules aumenten de grandor Pues bien, les nodularines y microcistines exercen la so aición tóxica porque inhiben a les proteín-fosfatases, faciendo que les microfibres d’actina s’acurtien y los hepatocitos mengüen de grandor (Fig. 14). Hai que se decatar que’l fégadu ye un muérganu altamente vascularizáu, atravesáu por enormes cantidaes de capilares sanguíneos con unes paredes que son monocapes de célules endoteliales que se caltienen íntegres y en posición gracies a la presión qu’exercen sobre elles los hepatocitos nes tres direiciones del espaciu. Énte una intoxicación aguda por nodularines o microcistines, y darréu

/16/

Ciencies 8 (2018)

ARRIBA Figura 14. Mecanismu d’aición de les nodularines y microcistines. Entrambos grupos inhiben les proteín-fosfatases nos hepatocitos, colo que se desplaza l’equilibriu natural ente quinases y fosfatases escontra la derecha, l’actina acúrtiase y les célules encueyen.

ABAXO Figura 15.Esquema d’aición de les nodularines y microcistines nel parénquima hepáticu (ver testu pa esplicación).

A) Situación normal. B) Situación d’intoxicación aguda.

ARRIBA Figura 12. Estructura química de les nodularines, péptidos cíclicos de 5 aminoácidos. Cada aminoácidu represéntase pente medies d’un color estremáu. Tomao de Carmichael (1994).

ABAXO Figura 13. Estructura química de les microcistines, péptidos cíclicos de 7 aminoácidos. Cada aminoácidu represéntase pente medies d’un color estremáu. Tomao de Carmichael (1994).

que’l grandor de los hepatocitos mengua, la presión exercío por estes célules sobre los capilares sanguíneos tamién disminúi o desapaez dafechu, y por tanto la parede de los capilares desintégrase (lliteralmente), lo que da llugar a hemorraxes intrahepátiques masives y a necrosis del texíu hepático que pueden resultar mortales (esquema na Fig. 15).

Pero amás, les nodularines y microcistines nun tienen namái un efeutu agudu a curtiu plazu, sinón que cuando s’inxeren en dosis sub-tóxiques tienen un efeutu acumulativu y resulten dañibles a llargu plazu, yá que provoquen alteraciones menos llamaderes pero igualmente letales: n’efeutu, sábese d’hai tiempu que l’equilibriu ente quinases y fosfatases non solo regula’l grandor de les célules, sinón qu’amás ye vital pa regular la proliferación celular. Cuando entrambos tipos d’enzimes tán n’equilibriu’l númberu de célules permanez constante, pero si les fosfatases tán inhibíes, que ye lo qu’asocede

(2018) Ciencies 8

/17/

/Les Cianobacteries: seres esceicionales que nos dan y nos quiten la vida

en presencia de les hepatotoxines, la proliferación celular dispárase de forma incontrolada, lo que lleva a l’apaición de tumores malignos (hepatocarcinoma o cáncer de fégadu, potencialmente mortal).

Como acabamos de ver, les toxines de Cianobacteries (tanto neuro como hepato-toxines) son perpeligroses y delles vegaes mortales, tanto a dosis altes y n’intoxicaciones agudes como inclusive a dosis baxes y a llargu plazu.

4ª PARTE: CIANOBACTERIES NES PRESES O BANZAOS ESPAÑOLES Y ASTURIANOS La presencia de Cianobacteries n’hábitats talos como suelos, agua marino o fontes termales nun presenta especiales problemes, y de fechu ye beneficiosa, como s’esplicó na 1ª y 2ª partes.

Ye más inquietante la so proliferación n’agua de lo que beben animales, como llagos y llagunes, champanes, fontanes, etc., yá que pue causar intoxicaciones agudes mortales nos animales que beban esta agua, lo que se documentó n’abondes ocasiones, tanto n’animales monteses como en ganáu y animales de casa.

Pero lo qu’esmolez sobre manera ye la so acumulación n’embalses destinaos a la obtención d’agua pa consumu humanu, yá que les toxines acumulaes nesta agua nun s’eliminen per aciu de nengún de los tratamientos potabilizadores n’usu güei nos países desendolcaos (cloración, ozonización, floculación, decantación, etc.), de forma que les toxines, magar que seya en baxes dosis, podríen tar llegando al agua que sal pelos caños de les nueses cases.

Nesti sen, hai que señalar qu’hai datos qu’indiquen que’l 51,5% de los embalses españoles tienen presencia de Cianobacteries abondantes o dominantes, el 37,4 % tienen presencia escasa y namás un 11,1 % tán llibres

/18/

Ciencies 8 (2018)

de Cianobacteries (de Hoyos Alonso, ensin fecha). En cuantes a Asturies, rexistráronse acumulaciones de Cianobacteries tanto nel banzáu de Los Alfilorios, qu’abastez a la ciudá d’Uviéu (diariu La Nueva España, 2 de marzu de 1998 y feches siguientes) como nos de Tañes y Rusecu, qu’abastecen a CADASA y por tanto a tola zona central d’Asturies (La Nueva España, 24 y 26 d’agostu de2001).

Quiciabes non por casualidá, un estudiu fechu por especialistes n’aparatu dixestivu del HUCA, Hospital Universitariu Central d’Asturies (Uviéu), del San Agustín (Avilés), del de Cabueñes (Xixón) y del Valle del Nalón (Llangréu), indica que la incidencia de cáncer de fégadu na fastera central d’Asturies ye más alta que n’otras zones d’España (La Nueva España, 30 de marzu de 1998). ¿Ye posible qu’heba una rellación causa/efeutu ente la presencia de Cianobacteries nos nuesos banzaos y esta alta incidencia d’hepatocarcinomes, o hai daqué otra causa (xenética o d’otra mena) per agora desconocida, o bien esti fechu ye una mera casualidá? Como dicía’l vieyu cantar de Bob Dylan: The answer, my friend, is blowing in the wind (la respuesta, mio amigu, ta flotando nel aire).

Especialistes n’aparatu dixestivu del HUCA, el San Agustín, Cabueñes y Valle’l Nalón dicíen en 1998 qu’había más incidencia de cáncer de fégadu na fastera central d’Asturies que n’otres d’España. ¿Tien rellación coles Cianobacteries de los banzaos que suministren l’agua de consumu? ¿hai dalguna otra causa?

5ª PARTE: MIDÍES DE PREVENCION Y CONTROL Énte la evidente peligrosidá de les cianotoxines que s’espunxo hasta equí, ye obvio qu’habríen tomase midíes de prevención empobinaes a desaniciar la presencia de les Cianobacteries y les sos toxines nel agua destinao a consumu humanu (embalses), y en menor midida, no destinao a consumu pol ganáu.

Nesti sen, hai qu’indicar que’l Real Decretu 140 de 2003, anguaño en vigor, establez que l’agua potable nun ha contener más de 1 μg

Carmichael, Wayne W. (1994).- Toxinas de Cianobacterias. Investigación y Ciencia, 210: 22-29.

(microgramu) de microcistines por llitru d’agua, anque nun menciona n’absoluto nin les otres hepatotoxines (les nodularines) nin tampoco les neurotoxines paralizantes. Sicasí, ye de destacar tamién qu’España ye ún de los pocos países, quiciabes l’únicu, qu’estableció hasta agora dalguna norma reguladora al rodiu d’estes sustancies peligrosísimes.

Per otru llau, propunxéronse delles estratexes pal desaniciu de les acumulaciones de Cianobacteries nos banzaos, que van del desaniciu físicu de les mases d’estos microorganismos por arrastre con redes hasta l’aplicación d’axentes biolóxicos antagonistes d’estos (virus, bacteries,

protozoos, etc.), pasando per métodos químicos como l’aplicación d’alguicides o herbicides, oxidantes y otres sustancias como cobre (Cu2), manganatu potásico (k 2mno4) agua oxixenao (h2o2), etc. (Cobo 2015). Sicasí, toos estos métodos tán en fase esperimental y nun s’atopó tovía un métodu o métodos definitivos que puedan iguar esti problema, qu’ensin dulda medrará nos años vinientes o décades pola mor del progresivu aumentu na temperatura de les agües continentales pola mor del calecimientu global.

Referencies bibliográfiques

Cobo, Fernando. (2015).- Métodos de control de las floraciones de cianobacterias en aguas continentales.

Limnetica, 34 (1): 247-268. de

Hoyos Alonso, Caridad, (s/f).- Cianobacterias en los embalses españoles. www.elaguapotable.com.

Garrity, George M. (editor-in-chief) (1984).- Bergey’s Manual of Systematic Bacteriology. 2nd Edition, Vol. One. Springer, New York.

Madigan, Michael T., John M. Martinko and Jack Parker (1997).- Brock Biology of Microorganisms, 8 Edition. Prentice Hall International, Inc., Upper Saddle River, New Jersey.

Pääbo, Svante (2015).- El hombre de Neandertal-En busca de genomas perdidos. Alianza Editorial, Madrid.

(2018) Ciencies 8

/19/

El pedreru de Miranda yá nun ta

(¿Cómo nun ver les evidencies del cambéu global?)

Playa de Cueva (Ouviñana, Cuideiru) Semeya: J.M. Risco

E

Por José Manuel Rico Ordás

Departamentu de Bioloxía d’Organismos y Sistemes Decanu de la Facultá de Bioloxía Universidá d’Uviéu

/20/

Ciencies 8 (2018)

l xixonés Faustino Miranda González fixo la so Tesis Doctoral titulada «Sobre las algas y Cianofíceas del Cantábrico, especialmente de Gijón». Lleóla en 1929, algamando’l Premiu Estraordinariu del Doctoráu. Pa la so ellaboración, la Junta para Ampliación de Estudios e Investigaciones Científicas concedió-y una beca y, más tarde, publicóla nos Trabajos

del Museo Nacional de Ciencias Naturales, nel añu 1931. Tamién en 1931, la Junta para Ampliación de Estudios concedió-y otra Beca, que fixo posible que prosiguiera los estudios de Bioloxía Marina nel Muséu d’Historia Natural de Paris y en Bretaña.

Nel añu 1932, llogró la Cátedra de Ciencies Naturales d’Institutos d’Enseñanza Media.

(2018) Ciencies 8

/21/

/El pedreru de Miranda yá nun ta (¿Cómo nun ver les evidencies del cambéu global?)

Faustino Miranda lleó la so tesis doctoral sobre la ocla y les Cianofícees del Cantábricu en 1929 y foi caderalgu y Direutor del Institutu Xovellanos dende 1935 a ochobre de 1937. Instaló un pequeñu llaboratoriu a pocos metros de la sablera de Xixón De primeres, ocupó la plaza del Institutu de Lugo, pero, en 1933, consiguió treslláu al Institutu de Pontevedra, par poder siguir ellí colos sos estudios sobre la ocla. Foi entós, nos años 1933, 1934 y 1935, cuando fixo les investigaciones sobro la ocla de la Ría de Pontevedra, qu’espublizó, de forma mui resumida, en 1934, nel Boletín de la Sociedad Española de Historia Natural, nu. 34, baxo’l títulu: «Materiales para una flora marina de las Rías Bajas gallegas». Per otra parte, nesos años d’estancia en Pontevedra, dirixó’l Llaboratoriu de Bioloxía Marina de Marín, lo que.y facilitaría abondo’l so llabor d’Investigación de les algues de la Ría de Pontevedra.

Dempués d’esti curtiu paréntesis fuera d’Asturies llogró, en 1935, per aciu de concursu de tresllaos, la Cátedra de Ciencies Naturales del Institutu Nacional d’Enseñanza Media Xovellanos de Xixón, colo que fixo realidá’l so deséu de volver a Asturies y continuar ellí los sos estudios sobre ocla. Pa ello, construyó un pequeñu llaboratoriu asitiáu a pocos metros de la sablera de Xixón. Al llegar a esti Institutu, foi nomáu Direutor del centru, cargu que desempeñó hasta’l mes d’ochobre de 1937, cuando Xixón foi ocupáu pol exércitu de Franco y tuvo que fuxir pela mar pa contra Francia, dende onde tornó a España, concretamente a Cataluña, desempeñando per dalgún tiempu la Cátedra de Ciencies Naturales d’un Institutu de Barcelona. al acabar la Guerra Civil volvió fuxir a Francia, onde trabayó de nuevo nel Muséu d’Historia Natural de París y,

/22/

Ciencies 8 (2018)

al pocu tiempu, en mayu de 1939, embarcó pa México, pa nunca volver a España.

El trabayu asoleyáu en 1931 como resultancia de la so tesis entá güei se considera de referencia pa la descripción de la flora marina na costa asturiana. Esta obra describía en detalle les distintes especies d’algues de la costa de Xixón (Miranda, 1931), con un llinguaxe inclusive poéticu, de mou qu’al falar d’una alga parda con aspeutu de correes, Himanthalia elongata (Fig. 1, arriba) refier como «cubre la roca, ensin dejar espaciu visible, d’una especie de pelame».

En 1995, como parte de les nueses xeres regulares de monitorización de la costa, comprobamos qu’eses mesmes algues enllenaben el pedreru de la Playa d’Artéu (Cuideiru), pero yá nun apaecíen más al e, de mou que yá yera imposible atopales na costa xixonesa, anque ente otres razones pal desaniciu ellí tendríamos el cambéu espectacular nesta zona por cuenta de la urbanización y desendolcu d’actividaes industriales y portuaries na segunda metá del sieglu xx. Güei ye imposible atopar Himanthalia elongata en nengún llugar de la costa asturiana, inclusive en llugares onde antes yera mayoritaria (Fig. 1).

DERECHA Figura 1. Cambeos na abondancia de la especie dominante Himanthalia elongata en La Playa d’Artéu (Cuideiru).

(2018) Ciencies 8

/23/

/El pedreru de Miranda yá nun ta (¿Cómo nun ver les evidencies del cambéu global?)

ARRIBA Figura 2. Esquema idealizáu de les corrientes marines nel Golfu de Vizcaya.

/24/

Ciencies 8 (2018)

Lo enantes descrito ye lo que se conoz como desplazamientu de la distribución d’una especie, nesti casu claramente reculando escontra l’Oeste, porque la especie nun apaez al sur de les Ríes Baxes, y cada vegada que la so llende de distribución se mueve escontra l’Oeste, la so presencia na costa Norte de la Península Ibérica mengua.

La causa más probable d’esti desplazamientu escontra l’o ye l’aumentu gradual de la temperatura del agua de mar na superficie de les agües costeres del s del Golfu de Vizcaya. Esti fenómenu, xuníu a «foles de calor marino cada vegada más frecuentes nos postreros cien años» (Oliver et al., 2018), esplica un camudamientu ensin precedentes nel paisaxe marín costeru de, ente otres, la costa asturiana.

La costa n d’España, de resultes del embolsamientu escontra l’e de les agües superficiales, especialmente marcáu pel branu y facilitáu por corrientes marines con dirección o-e (Fig. 2), carauterízase por agües marines más templaes cuanto más cerca de la costa francesa, y agües más fríes escontra la costa gallega.

D’esta manera, les especies que se distribúin preferentemente en zones más al norte, o característiques d’agües fríes o templao-fríes, son más abondoses escontra Galicia (especies que tamién s’atopen, por casu, nes costes de Bretaña o nes costes d’Irlanda), mentanto que pa

la costa de Guipúzcoa apaecen especies d’agües más templaes, dalgunes inclusive asemeyaes a les que podríamos atopar na costa S de Portugal y del sur atlánticu d’España. N’Asturies, asitiada más o menos nel centru de la costa n d’España, poro, ye posible atopar les especies d’agües «norteñes» dende El Cabu Peñes escontra l’o, y les más «meridionales» dende El Cabu Peñes escontra l’e. Esta sería la situación «normal», que foi tresformándose a midida que l’aumentu de temperatura (especialmente pel branu) desanició estes diferencies por eliminación d’esa zona más fría escontra l’o, como describimos para Himanthalia elongata.

El calecimientu global del planeta aceleróse nos últimos años, y l’enclín va caltenese nel futuru más próximu. L’aumentu mediu de la temperatura superficial del agua de mar (sst) foi de 0,6±0,2°C a lo llargo del sieglu xx, pero l’efectu foi especialmente acusáu nes rexones polar y templao-fríes. Nel Atlánticu Norte les temperatures medies añales xubieron más del doble de la media global, hasta más de 1,5°c dende 1950 (ipcc, 2007).

Per otru llau, la presencia d’eses foles de calor marino ye un fenómenu que se describió en detalle apocayá (Llima & Whetey, 2012), a partir de les esviaciones de los valores de temperatura del agua per un periodu prollongáu de tiempu, en comparanza col patrón habitual de variación

pa la zona oxetu d’estudiu. Estes foles de calor pueden ser llocales (Hobday et al., 2016) o afeutar a grandes rexones costeres, y pueden tar direutamente rellacionaes con foles de calor nel mediu continental, pero non esclusivamente.

El casu del xéneru Laminaria Ye probable (Voerman, Llera & Ricu, 2013) que fuera una d’estes foles de calor la que dio llugar al últimu socesu de desapaición llocal d’especies de macroalgues. En 2008 rexistróse un periodu braniegu anormalmente templáu, y dende entós observóse un amenorgamientu drásticu na bayura d’especies de Laminaria, un xéneru de grandes algues pardes que formen, nes zones del submareal d’ente 0 y 25 m de fondura, auténtiques «viesques» submarines nos qu’estes algues pueden llegar a algamar los 2 m d’altor.

Cuando emplegamos el términu «viesques de llaminaries» tamos faciendo referencia a un paisaxe submarín formáu por poblaciones d’estes algues, que pueden algamar más de 2 metros de llargor, con una fisonomía que recuerda a una viesca terrestre onde s’establecen comunidaes estructuraes y estratificaes que presenten una gran diversidá biolóxica, apurriendo, amás, un importante recursu tróficu pa dellos pexes y equinodermos.

Amás de constituyir un ecosistema complexu de gran valir ecolóxicu, les especies de

(2018) Ciencies 8

/25/

/El pedreru de Miranda yá nun ta (¿Cómo nun ver les evidencies del cambéu global?)

llaminaries tienen gran relevancia económica nuna amplia gama d’industries al usales l’home direutamente n’alimentación humana y animal, y en mayor midida nel llogru d’alxinatos, polisacáridos emplegaos poles sos propiedaes emulsionantes y espesantes en productos alimenticios, melecinables, hixénicos, cosméticos ya industriales como pintures y tintes. Esti aspeutu socioeconómicu amena un interés especial al considerar estes algues un recursu complementariu o alternativu a la pesca tradicional.

El gradiente de sst de branu ye’l principal factor abióticu que determina la distribución

ARRIBA Figura 3. Desapaición d’una viesca de Laminaria ochroleuca cerca de Cuideiru. Ente les dos semeyes, nel mesmu llugar, a 7 m de fondura, hai un intervalu de 5 años.

/26/

Ciencies 8 (2018)

xeográfica na exa o-e de les especies de Laminariales na costa asturiana. Hai delles especies de Laminariales dominantes nes comunidaes submarines dende L’Árticu a Bretaña con una distribución continua que más al sur amuesen una discontinuidá nel interior del Golfu de Vizcaya, volviendo a ser abondantes na faza de la costa n d’España baxo la influencia del afloramientu, lo que se traduz nuna transición ente flores d’agües fríes y d’agües cálides a lo llargo de la costa d’Asturies. Por esto les especies de los viesques de llaminaries n’Asturies tán próximes a la so llende térmica de distribución,

En 2006-07 produzse la desapaición de les grandes poblaciones de llaminaries n’Asturies, nes costes gallegues y portugueses y n’otres zones más alloñaes, alertando d’una posible manifestación del cambéu climáticu

llimitaes pola sst de branu escontra l’e, y por ello esperamos que seyan especialmente sensibles al aumentu de temperatura. L’efeutu nun se ve complicáu pol gradiente llatitudinal, toda vez que’l gradiente térmicu tien esclusivamente una componente o-e.

Na costa cantábrica’l paisaxe típicu de les viesques de llaminaries ta formáu poles especies de mayor porte como Saccorhiza polyschides, Laminaria ochroleuca y Laminaria hyperborea.

La distribución y bayura d’estes especies, propies de les agües templaes-fríes atlántiques, adquier un interés particular nel casu de la costa asturiana al presentar un gradiente bioxeográficu ente dos árees de vexetación bentónica de calter boreo-atlánticu presentes nes costes gallega y bretona, estableciendo una zona de transición marcada pol enclín meridional de la costa cantábrica que s’acentúa escontra’l Golfu de Vizcaya y que se fai más patente na zona intermareal.

Estes especies distribúiense verticalmente na nuesa costa nun ampliu rangu batimétricu que toma dende l’horizonte inferior de la zona mareal hasta superar los 20 metros de fondura nel casu de L. ochroleuca y, sobre manera, de L. hyperborea, en llugares espuestos y semiespuestos. Les viesques de llaminaries son típiques poblaciones submareales de gran estensión y

(2018) Ciencies 8

/27/

/El pedreru de Miranda yá nun ta (¿Cómo nun ver les evidencies del cambéu global?)

con elevada densidá de plantes, especialmente abondoses na metá occidental de la costa asturiana y de la que se tien conocencia de la so esistencia nesta zona cuantayá.

Nos años 2006 y 2007 produzse, de manera sorprendente, la drástica desapaición de les grandes poblaciones de llaminaries (Fig. 3), fechu constatáu por buceadores y pescadores submarinos observadores direutos del paisaxe infrallitoral, al igual que mariscadores y pescadores profesionales qu’alvierten cómo estes algues nun apaecen nes sos redes de enmalle de fondu tres periodos de fuerte aguaxe y nun s’atropen en grandes cantidaes nes sableres y ancones de cantiles, formando na seronda los arribazones antes habituales.

Esti socesu foi reparáu tamién nes mariñes gallegues y portugueses mientres la mesma dómina y n’otres zones más alloñaes del planeta, alertando a la comunidá científica énte un fechu que pudiera ser interpretáu como una manifestación de los efeutos del cambéu climáticu (Fernández, 2011; Voerman et al., 2013). Esti cambéu paez ser frecuente nes rexones onde les viesques son afeutaes por procesos naturales o d’orixe antrópicou (Steneck et al., 2002) de mou que los montes de llaminaries pueden tresformase de manera irreversible n’otru tipu dafechu distintu de comunidaes (Wernberg et al., ensin asoleyar).

Les viesques de llaminaries y les zones mariniegues apoderaes por Himanthalia son dos

exemplos de comunidaes con un papel importante nel funcionamientu del mediu costeru, nel recicláu de nutrientes, na protecición del mediu costeru frente a invernaes y dan un hábitat a numberoses especies d’otres algues y animales que pueden ser d’interés comercial (Teagle et al., 2017). Facilitar la conocencia del so estáu de caltenimientu y la so evolución futura nel contestu del cambéu global y una bona xestión del mediu costeru son vitales pa nun comprometer los servicios ecosistémicos esenciales que dan y p’asegurar la caltenibilidá de los recursos marinos costeros.

Referencies bibliográfiques Fernandez C. (2011).- The retreat of large brown seaweeds on the north coast of Spain: the case of Saccorhiza polyschides. European Journal of Phycology, 46, 352-360.

Hobday Alistair J.; Alexander Lisa V., Perkins Sarah E., Smale Dan A., Straub Sandra C., Oliver Eric C.J., Benthuysen Jessica A., Burrows Michael T., Donat Markus G., Feng Ming, Holbrook Neil J., Moore Pippa J., Scannell Hillary A., Gupta Alex Sen & Thomas Wernberg, (2016).- A hierarchical approach to defining marine heatwaves, Progress in Oceanography, Volume 141: 227-238. ipcc,

(2007).- Cambio climático 2007: Informe de síntesis. Contribución de los Grupos de trabajo i, ii y iii al Cuarto Informe de evaluación del Grupo Intergubernamental de Expertos sobre el Cambio Climático [Equipu de redaición principal: Pachauri, R.K. & A. Reisinger (direutores de la publicación)]. ipcc, Ginebra, Suiza.

Lima F.P. & D.S. Wethey (2012).- Three decades of high-resolution coastal sea surface temperatures reveal more than warming. Nature communications 3:704 DOI: 10.1038/ ncomms1713 Miranda, F. (1931).- Algas y Cianofíceas del Cantábrico, especialmente de Gijón. Trab. Muséu de Ciencies Naturales de Madrid, ser. Bot. 25: 1-106.

Oliver Eric C.J., Donat Markus G., Burrows Michael T., Moore Pippa J., Smale Dan A., Alexander Lisa V., Benthuysen Jessica A., Feng Ming, Gupta Alex Sen, Hobday Alistair J., Holbrook Neil J., Perkins-Kirkpatrick Sarah E., Scannell Hillary A., Straub Sandra C. & Thomas Wernberg (2018).- Nature communications 9: 1324.

Steneck, Robert; Graham M. H., Bourque, B. J., Corbett, D., Erlandson, J.M.; Estes, J. A.; & , M.J. Tegner (2002).- Kelp Forest Ecosystems: Biodiversity, Stability, Resilience and Future. Marine Sciences Faculty Scholarship. 65.

Teagle, H., Hawkins Stephen J., Moore, Pippa J. &Dan A. Smale (2017).- The role of kelp species as biogenic habitat formers in coastal marine ecosystems, Journal of Experimental Marine Biology and Ecology, Volume 492: 81-98.

Voerman, S. E., Llera E. & J. M. Rico (2013).- Climate driven changes in subtidal kelp forest communities in NW Spain. Marine environmental research 90: 119-127.

/28/

Ciencies 8 (2018)

(2018) Ciencies 8

/29/

Cascoxos ciegos nes cueves d’Asturies Nota sobre la nueva especie Zospeum percostulatum Alonso et al., 2018 (Gastropoda, Eupulmonata, Carychiidae) atopada en Llanes

Por Álvaro Alonso

Investigador independiente

/30/

Ciencies 8 (2018)

Figura 1. La Cueva La H.errería (Llanes).

Semeya: Á. Alonso

(2018) Ciencies 8

/31/

/Cascoxos ciegos nes cueves d’Asturies. Nota sobre la nueva especie Zospeum percostulatum Alonso et al., 2018 (Gastropoda, Eupulmonata, Carychiidae) atopada en Llanes

ENTAMU

A

sturies ye un llugar privilexáu pa la práutica de la espeleoloxía, pola mor de la so xeoloxía na qu’abonda lo caliar, con grandes formaciones cárstiques na fastera central y sobre manera pal oriente. Exemplu d’ello ye’l Sistema d’El Trabe y el Sistema d’El Cuetu del Cuevón, en Cabrales, qu’inclúin les dos torques de mayor fondura d’España, alredor los 1.600 metros, y que tán ente les más fondes del mundu. Munchos grupos espeleolóxicos, tanto asturianos como estranxeros, lleven restolando les cueves d’Asturies les últimes décades, faciendo un importante trabayu de cartografía.

Esta riqueza xeolóxica tendría de traducise nuna gran bayura de fauna. Sicasí, l’estudiu de la fauna soterraña nun foi sistemáticu, sinón que se dependió del interés de dellos estudiosos por determinaos grupos d’animales. Asina, ente que los Inseutos foron bien estudiaos por autores como Bolívar, Español, Fresneda, Salgado, etc., otros grupos como los Moluscos recibieron muncha menor atención. Nesti trabayu, resultáu d’un llabor de mostréu intensu, damos a conocer les especies más frecuentes qu’apaecen dientro de les cueves, amás del descubrimientu apocayá d’una nueva especie, Zospeum percostulatum, un diminutu cascoxu ciegu que vive na cueva de La H.errería en Llanes (Fig. 1) y otres cueves cercanes.

Especies de cascoxos de llugares escuros Nel casu de los cascoxos ye común qu’especies del esterior acaben arrastraes a la entrada de les cueves, o qu’entren nelles unos pocos de metros. Seya que non, la so presencia puede considerase accidental o llendada a la boca de les cueves, y nun se consideren parte de la fauna soterraña.

Sicasí, un par d’especies del esterior de les cueves tamién apaecen bien pal interior dientro d’elles, onde yá nun llega la lluz. Nesti casu, la so presencia nun ye accidental, sinón que les cueves son un hábitat alternativu a les sebes y viesques qu’ocupen nel esterior. Esti ye’l casu d’Elona quimperiana (Fig. 2), ún de los cascoxos más carauterísticos de la fastera cantábrica. Esta especie aliméntase de materia en descomposición, y prefier llugares escuros, como furacos de muries y calces de regatos secos cubiertos de matos, anque con frecuencia apaez abondo dientro de cueves, onde tamién fai les sos puestes de güévara.

Otru cascoxu habitual de les cueves ye Oxychillus cellarius (Fig. 3), cola cáscara achaplada y el cuerpu d’un llamaderu color azul. Esta especie aliméntase d’otros invertebraos muertos, sobre manera merucos y otros cascoxos. Como nel casu d’Elona quimperiana, les sos cáscares vacíes apaecen davezu en gran cantidá nel interior de les cueves onde vive.

ARRIBA Figura 2. Elona quimperiana en La cueva de La Paloma (Les Regueres). Semeya: A. Alonso

IZQUIERDA Figura 3. Oxychilus cellarius. Arriba; exemplar vivu en L’Infiestu. Abaxo; exemplar comiendo un merucu.

Semeyes: A. Alonso

/32/

Ciencies 8 (2018)

(2018) Ciencies 8

/33/

/Cascoxos ciegos nes cueves d’Asturies. Nota sobre la nueva especie Zospeum percostulatum Alonso et al., 2018 (Gastropoda, Eupulmonata, Carychiidae) atopada en Llanes

Gittenberger fixo, a lo primero de los años 80, les primeres cites de Cryptazeca vasconica y del xéneru Zospeum p’Asturies

Especies de cascoxos de les cueves asturianes La fauna soterraña tien, en xeneral, carauterístiques especiales p’adautase al so ambiente escuru y húmedu. Esti ye tamién el casu de los cascoxos que, por nun-yos facer falta, suelen perder el color y la vista. De les especies de cascoxos que namái viven en cueves, n’Asturies conócense solo dos xéneros: Cryptazeca y Zospeum, los dos ciegos, de pequeñu tamañu (perpequeñu nel casu de Zospeum), con cáscara delgada y tresparente, y qu’apenes s’estudiaren n’Asturies.

Exemplu d’ello ye que, anque la primer especie d’España, Zospeum schaufussi Frauenfeld, 1862, se describió de la cercana Cantabria yá nel sieglu xix, nun ye hasta los años 1980 y 1983 nos qu’un estudiosu neerlandés, Eddi Gittenberger, fai les primeres cites de Cryptazeca vasconica y Zospeum nes cueves d’Inguanzo y Los Quesos. Anque les cites de Zospeum n’Asturies s’identificaron como Z. schaufussi y Z. suarezi, dos especies descrites de Cantabria, anguaño la so verdadera identidá considérase duldosa.

Dende entós, estos dos xéneros estudiáronse con cierta atención nel País Vascu y fasteres cercanes, destacando nesti llabor el trabayu de Prieto, de la Universidá del País Vascu. Pelo contrario, nun foi hasta hai apenes un par d’años cuando s’entamó’l primer trabayu sistemáticu pal estudiu d’estes especies n’Asturies, escazan-

do docenes de cueves p’atopar estos pequeños cascoxos, col resultáu del descubrimientu y la descripción de Zospeum percostulatum, la primer especie del xéneru descrita d’Asturies.

Cryptazeca vasconica Esti cascoxu, de tamañu pequeñu, tien una cáscara fusiforme, delgada y tresparente (Fig. 4). Ye una especie bien fecha al hábitat soterrañu, que vive tanto en cueves –anque en xeneral cerca de la entrada– como en pequeños furacos de zones cárstiques. El so cuerpu ta poco pigmentáu, magar que caltién los güeyos. Esta especie solo se citare nun llugar asturianu (Gittenberger, 1983), nuna lladera caliar al pie de la carretera, cerca de Ponte Vidosa (Ponga). Hai otra cita d’Altonaga et al. (1994) en Verdera (Nava), que creemos duldosa y frutu d’un tracamundiu, por asitiase nun hábitat rural que nun correspuende col habitual d’esta especie, bien esixente al respeutu, y sí col de Cochlicopa lubricella, una especie de cáscara bien asemeyada y percomún n’Asturies.

Nos muestreos fechos afayamos esta especie en cuatro nuevos llugares d’Asturies –entá pendiente d’asoleyase– que confirmen la so presencia y enanten la so distribución conocida cuasi 100 km pa contra l’oeste.

ARRIBA Figura 4. Cryptazeca vasconica. Semeya: S. Quiñonero

/34/

Ciencies 8 (2018)

(2018) Ciencies 8

/35/

/Cascoxos ciegos nes cueves d’Asturies. Nota sobre la nueva especie Zospeum percostulatum Alonso et al., 2018 (Gastropoda, Eupulmonata, Carychiidae) atopada en Llanes

ABAXO Figura 5. Cueves de La H.errería, Collubina, Inguanzo y Los Quesos

ABAXO Figura 6. Zospeum percostulatum. Semeya: C. Prieto

Zospeum percostulatum Como yá diximos enantes, xunto colos sos collacios, l’autor d’esta nota estudió munches cueves per toa Asturies, atopando en dalgunes d’elles exemplares de cascoxos del xéneru Zospeum que, por tener la cáscara bien distinta a otres especies cantábriques yá conocíes, yeren de xuru especies nueves pa la ciencia. D’esta forma, describióse Zospeum percostulatum (Alonso et al.

2018), qu’apaez na Cueva de La H.errería (Fig. 5), La Cueva Collubina y otres cueves de Llanes.

Ye un cascoxu perpequeñu, de namás 1,8 mm d’altor máximu, magar que ye un tamañu grande pal so xéneru. Tien la cáscara cubierta de llámines o costielles perpequeñes (Fig. 6), lo que la fai única ente les especies ibériques descrites hasta agora. Como tolos miembros del xéneru Zospeum, ye un cascoxu ciegu y blanco-tresparente que namái vive en cueves, nes sos parees húmedes, o baxo piedres en suelu (Fig. 7).

ARRIBA Figura 7. Zospeum sp vivo en La Cueva de Valdemora (Candamu).

Semeya: A. Alonso

/36/

Ciencies 8 (2018)

(2018) Ciencies 8

/37/

/Cascoxos ciegos nes cueves d’Asturies. Nota sobre la nueva especie Zospeum percostulatum Alonso et al., 2018 (Gastropoda, Eupulmonata, Carychiidae) atopada en Llanes

Anque nel casu de Z. percostulatum foi posible facer la descripción basada namás que nes carauterístiques de la cáscara, tamién s’atoparon más exemplares de Zospeum que paecen corresponder a delles especies nueves, magar que la so distinción resulta más complexa pola so semeyanza a otres yá conocíes. Una d’elles atopóse nes zones más fondes de la mesma cueva (Fig. 8) onde se describió Z. percostulatum, que ye más abondosa nes zones más averaes a la entrada. Toos estos exemplares tán inda n’estudiu, estableciendo un conveniu de collaboración cola

Universidá de Berna pa la fechura del análisis d’adn d’amueses procedentes de tola fastera.

Les resultancies van dexar confirmar la identidá d’estos exemplares de Zospeum procedentes d’Asturies, y tenemos la certidume de que van facer posible la descripción de nueves especies.

Esperamos qu’esta nota informativa valga pa esclariar un pequeñu aspeutu de la fauna asturiana, y la importancia de les cueves dende’l puntu de vista biolóxicu, pola gran biodiversidá qu’atesoren y los munchos secretos que tovía guarden.

Referencies bibliográfiques Alonso A., Prieto C.E., Quiñonero-Salgado S., Rolán E. (2018).- A morphological gap for Iberian Zospeum filled: Zospeum percostulatum sp. n. (Gastropoda, Eupulmonata, Carychiidae) a new species from Asturias (Spain). Subterranean Biology, 25: 35-48.

Altonaga K., Gómez B.J., Martín R., Prieto C.E., Puente A.I., R allo A. (1994).- Estudio faunístico y biogeográfico de los Moluscos terrestres del norte de la Península Ibérica. Eusko Legebilt­zarra - Parlamento Vasco (Premio Xabier María de Munibe), Vitoria, 505 pp.

Frauenfeld, G.R.v. (1862).- Ueber ein neues Höhlen-Carychium {Zospeum Brg.) und zwei neue fossile Paludinen. Verhandlungen der Zoologisch-botanischen Gesellschaft in Wien, 12: 969−972.

Gittenberger E. (1973).- Eine Zospeum, art aus den Pyrenáen, Zospeum bellesi sp. nov. Basteria, 37: 137–140.

Gittenberger E. (1980).- Three notes on Iberian terrestrial gastropods. Zoologische Mededelingen, 55 (17) 201–213.

Gittenberger E. (1983).- On Iberian Cochlicopidae and the genus Cryptazeca (Gastropoda, Pulmonata). Zoologische Mededelingen, 57 (23): 301-319.

Gomez B.J., Prieto C.E. (1983).- Zospeum biscaiense nov. sp. (Gastropoda, Ellobiidae) otro molusco troglobio para la Península Ibérica.

Speleon, 26-27: 7–10.

ARRIBA Figura 8. Planta de La Cueva La H.errería.

En coloráu, los puntos onde s’atopó Zospeum. Dibuxu: A. Alonso

/38/

Ciencies 8 (2018)

Jochum A., Winter A.J. de, Weigand A.M., Gómez B. & Prieto C. (2015).- Two new species of Zospeum Bourguignat, 1856 from the Basque-Cantabrian Mountains, Northern Spain (Eupulmonata, Ellobioidea, Carychiidae). ZooKeys, 483: 81–96.

(2018) Ciencies 8

/39/

Les plantes del Parque Nacional de Los Picos d’Europa cien años dempués ENTAMU uando va un sieglu se creó, gracies a Pedro Pidal, el Parque Nacional de los Montes de Cuadonga, el primeru d’España, en realidá nun se fixo pol so espectacular relieve o poles singularidaes de la so guapura sinón, como indica’l nome de so, pa dar un marcu afayadizu a la Cueva y la Basílica. Unos setenta y cinco años dempués, con criterios más afechiscos, enanchóse al conxuntu de los Picos d’Europa y a la parte del Cordal Cantábricu septentrional asitiada al sur d’ellos.

La proximidá al mar y l’altor de los sos montes determinen una elevada pluviometría que más de la metá del añu anubre de ñeve les fasteres más elevaes. Per otra parte, la naturaleza caliar de Los Picos determina que nes zones meridionales, menos afeutaes poles encainaes que cubren en branu los valles septentrionales, heba una escasez notable d’agua, acusada sobre manera en Valdeón y la Garganta del Cares.

Darréu que’l rangu d’altitúes del Parque varia dende menos de 100 m hasta los 2.648 m de La Torre Cerréu, la bioclimatoloxía abarca tola variabilidá de pisos presentes na Cornisa Cantábrica.

C

/40/

Ciencies 8 (2018)

Por Herminio S. Nava

Departamentu de Bioloxía d’Organismos y Sistemes Área de Botánica Universidá d’Uviéu

(2018) Ciencies 8

/41/

/Les plantes del Parque Nacional de Los Picos d’Europa cien años dempués

Tocántenes a la peña madre, el nucleu central ta formáu por caliares de más de 1 km d’espesor, mentanto que na parte anexa del cordal y los valles, predominen los sustratos de naturaleza aceda.

L’estudiu de la flora en Los Picos d’Europa empecipia col viaxe de Lereche & Levier publicáu en 1880, y ente los trabayos monográficos del territoriu hai que solliñar el capítulu de Flora en Naturaleza y Vida de los Picos de Europa (de M. Laínz nel añu 1981), La Vegetación de la Alta Montaña Cantábrica. Los Picos de Europa (de Rivas Martínez et al., de 1984), La Flora y Vegetación Orófila de los Picos de Europa (d’H. Nava y de 1988), Picos de Europa. Flora de Alta Montaña (d’H. Nava & Fernández Casado El Catálogo Florístico de los Picos d’Europa (d’Alonso Felpeta et al., 2011).

LA CUBIERTA VEXETAL GÜEI La diversidá qu’acabamos de mentar determina que la flora del Parque seya bastante rica, con unos 1.750 taxones catalogaos (Alonso Felpeta et al., 2011), con un 15% d’endemismos ibéricos o de distribución más pequeña y, pelo menos, media docena de plantes esclusives del Parque Nacional: • Carduus cantabricus Devesa & Talavera • Helianthemum urrielense (M.Laínz) Nava & Fern. Casado • Laserpitium nestleri subsp. lainzii P. Monts.

• Linaria filicaulis subsp. faucicola (Levier & lereche) Rivas Mart. & al.

• Salix fontqueri (T.E. Díaz, Fern. Prieto & Nava) Fern. Prieto & al.

• Saxifraga aretioides subsp. felineri (Vargas) Nava & Fern. Casado

/42/

Ciencies 8 (2018)

ARRIBA Tres endemismos picoeuropeanos: Salix fontqueri, Helianthemun urrielense y Saxifraga aretioides subsp. felineri y tres formes de defendese del ganáu que paz peles camperes: el venenu del matallobos (Aconitum vulparia), el pinchar del fierru (Festuca x picoeuropeana ) y el guardase de la Crepis pygamaea.

(2018) Ciencies 8

/43/

/Les plantes del Parque Nacional de Los Picos d’Europa cien años dempués

L’aprovechamientu tradicional del territoriu determina un paisaxe formáu por cultivos y praos de siega nel pisu submontanu, onde tamién s’atopen diversos tipos de viesques, siendo de destacar los ancinales qu’ocupen les escarpes caliares de los valles de los principales ríos, y plantaciones arbórees, siendo especialmente destacable, ente estes, la reforestación de la redolada de Cuadonga, propósitu inicial como yá diximos, de la creación del Parque. Nel mediu monte predominen los fayeos qu’alternen colos praos de siega de monte, les viesques de carbayu albar y los abeduriales, estos yá asitiaos na llende altitudinal del monte y en contautu coles poblaciones de carbayu orocantábricu. El moentealtu de Los Picos ye un ermu caliar apenes chiscáu por delles camperes qu’ocupen los escasos suelos que’l fuerte relieve dexa que se formen y plantes fuertemente afeches a les severes condiciones ambientales y que tienden a mimetizase col sustratu o que se protexen per aciu d’estructures puntiaes o venenu de la depredación del ganáu y los robecos.

EVOLUCIÓN ESPERADA DE LA CUBIERTA VEXETAL Los espacios protexíos son un arma de doble filu pa la sobrevivencia de delles plantes, darréu que les especies más rellacionaes cola actividá antrópica tienden a desapaecer, aumentando la naturalidá del paisaxe, pero menguando la diversidá vexetal. Esto nun sedría importante si nun afeutara al caltenimientu d’especies protexíes, como ye’l casu del amenorgamientu de los praos de siega de monte, onde nun se pue rellacionar el so abandonu namás cola existencia del Parque, porque afeuta al conxuntu del cordal y ye pola mor de la mengua de la mano d’obra rural y pola dificultá, cuando non imposibilidá, de mecanizar el so aprovechamientu. La dinámica natural del territoriu nel que s’asienten estos praos, determina que tiendan a tresformase en fayeos y que desapaezan les plantes heliófiles que nellos se críen, como ye’l casu d’Aster pyrenaeus, la única especie del Parque recoyida nel Catálogu Español d’Especies amenazaes, como planta en peligru de desaniciu (Real Decretu 139/2011, de 4 de febreru). Faise necesario, poro, un plan específicu de caltenimientu de la especie, torgando que desapaeza nel únicu prau onde quiciabes viva.

El problema del cambéu d’usu del territoriu afeuta a otres munches especies, yá que s’observa una mengua de la carga ganadera nes zones más alloñaes o de mal accesu, mientres s’incrementa, llegando a la sobrecarga, nes más próximes y accesibles pa los vehículos motorizaos.

DERECHA Aster pyreneus.

Especie catalogada en peligru de desaniciu.

/44/

Ciencies 8 (2018)

(2018) Ciencies 8

/45/

/Les plantes del Parque Nacional de Los Picos d’Europa cien años dempués

Referencies bibliográfiques Alonso Felpeta, J.I., S. González Robinson, A. Fernández Rodríguez, I. Sanzo Rodríguez, A. Mora Cabello de Alba, A. Buenos Sánchez & T.E. Díaz González (2011).- El Catálogo Florístico de los Picos de Europa.

Doc. Jard. Bot. Atlántico, 8: 1-310 L aínz, M. (1981).- Flora: 82 121, en J. Echevarri (ed.) Naturaleza y Vida de los Picos de Europa. Incafo.

Madrid.

Lereche, L. & E. Levier (1880).- Deux excursions botaniques dans le nord de l´Espagne et le Portugal en 1878 et 1879. Lausanne.

Nava, H. (1988).- La Flora y Vegetación Orófila de los Picos de Europa. Ruizia, 6:1-243.

Nava, H. & M. A. Fernández Casado (1995).- Picos de Europa. Flora de Alta Montaña. Icona. Madrid.

Rivas Martínez, S., T.E. Díaz, J.A. Fernández Prieto, J. Loidi & A. Penas (1984).- La Vegetación de la Alta Montaña Cantábrica. Los Picos de Europa. Ed. Leonesas. León.

/46/

Ciencies 8 (2018)

(2018) Ciencies 8

/47/

xxvii Alcuentros

pola Defensa de Los Picos d’Europa En 36 alcuentros anteriores, conservacionistes y ecoloxistes d’Asturies, Cantabria y Lleón aconceyáronse nel territoriu del Parque Nacional (pn) de Los Picos d’Europa (alternando nes tres comunidaes). Un pn que consiguieron agrandar (1995) del vieyu pn de los Montes de Cuadonga (iniciativa de Pedro Pidal, Marqués de Villaviciosa), cola collaboración decisiva de la conseyera de Mediu Ambiente asturiana Mª Luisa Carcedo y l’emburrión final d’Humberto da Cruz, cuando foi direutor del icona.

Va unos años que nun se facíen esos conceyos y, con motivu del centenariu del pn, promovíos pola Asociación Asturiana d’Amigos de la Naturaleza, ana, axuntáronse otra vegada’l sábadu 27 d’ochobre n’Avilés (nel contestu d’un Conceyu Mediuambiental Cantábricu), pa

/48/

Ciencies 8 (2018)

discutir el Manifiestu qu’asoleyamos equí. Nél, espéyense la problemática y l’esmolecimientu pol caltenimientu del primer espaciu protexíu d’España (1918).

El Manifiestu nun pudo presentase en Cangues d’Onís, como taba programao, nel Centru d’Interpretación del pn, a cuenta de la ivernada que vieno na fin de selmana que se celebraba tamién el centenariu.

Ufiertámoslo nesta revista Ciencies como complementu del artículu sobre la flora del Parque Nacional (páxina 40) y col enfotu de collaborar nel caltenimientu d’esta ayalga bioxeolóxica y cultural del Cordal Cantábricu.

Carlos Lastra, Direutor

Conclusiones de los xxvii Alcuentros pola Defensa de Los Picos d’Europa nel Centenariu de la so Declaración como Parque Nacional.

(Avilés / Cangues d’Onís, 27 y 28 d’ochobre de 2018)

A

nguaño cúmplense 100 años de la declaración del Parque Nacional (pn) de los Montes de Cuadonga, güei Parque Nacional de Los Picos d’Europa. Sicasí, la deriva na xestión del pn anubre la celebración del centenariu del que foi primer Parque Nacional declaráu n’España, esto ye, el primer espaciu protexíu nel nuesu país polos sos valores naturales y estáu de caltenimientu.

Esta fin de selmana n’Avilés y Cangues d’Onís tuvieron llugar los xxvii Alcuentros pola defensa de Los Picos d’Europa, onde participamos persones pertenecientes a coleutivos ecoloxistes de les tres comunidaes implicaes nel pn, Asturies, Cantabria y Castiella y Lleón. Queremos facer la nuesa particular conmemoración nel centenariu de la creación del pn apurriendo la nuesa crítica a la xestión que se vien faciendo, que creemos alloñada del caltenimientu y de los valores ambientales y sociales que d’ella remanecen.

Los Picos d’Europa poles sos carauterístiques xeolóxiques y orográfiques y pol so allugamientu xeográficu constitúin una unidá con una elevada y singular bayura biolóxica. Magar ye cierto que’l caltenimientu de la naturaleza ye l’oxetivu cimeru del Parque Nacional, somos conscientes de que, nel casu de Los Picos d’Europa, la participación de 11 términos municipales que sumen más de 15.000 persones, de les que mil viven en 20 pueblos enclavaos nel so interior, faen de l’actividá humana un componente importante del nuesu Parque Nacional. Somos conscientes del retu que supón compatibilizar los oxetivos de caltenimientu de la naturaleza con garantizar el bienestar y prosperidá de les persones que viven nel pn y la so redolada inmediata.

Partiendo de les anteriores premises, y a manera de resume, queremos señalar dalgunos de los problemes más importantes d’esti espaciu protexíu. Y ello nun añu especialmente importante, por esta conmemoración del centenariu de la so creación y porque tán puestes sobre la mesa una nueva propuesta de xestión (sometida a información pública n’avientu de 2017) y la ellaboración del Plan Rector d’Usu y Xestión (prug) del pn, nun procesu empecipiáu a lo cabero de 2016.

Participación pública y tresparencia: la midida de la salú democrática del Parque Nacional La participación de los axentes sociales (económicos, sociales, culturales) que viven nel pn y la so redolada, lo mesmo que d’asociaciones y organizaciones rellacionaes colos fines del Parque, ente les que nos atopamos les asociaciones conservacionistes, somos una parte marxinal nel Patronatu –muérganu de participación pública del pn – y, polo xeneral, na xestión diaria del espaciu protexíu. Denunciamos les dificultaes y falta de sofitu a la de participar, los repitíos incumplimientos nes mesmes normes de funcionamientu y la falta de tresparencia nel funcionamientu del pn (nun s’espublicen les resoluciones alministratives, la información relevante omítese y les respuestes a les solicitúes d’información, cuando se dan, n’ocasiones son triviales ya irrelevantes). Esta falta de tresparencia ye especialmente grave no que cinca a les cuestiones económiques. Los planes previstos (nuevos Estatutos sometíos a información pública n’avientu

(2018) Ciencies 8

/49/

/xxvii Alcuentros pola Defensa de Los Picos d’Europa

de 2017) mermen entá más los porcentaxes de participación social. Ye necesario dar un xiru radical nesta cuestión, que consideramos clave, yá que ye’l venceyu qu’axunta a les alministraciones implicaes, habitantes, axentes sociales y toes aquelles organizaciones con unos fines que tienen rellación col pn. El refuerzu de personal y especialmente el de llabores de vixilancia, ye absolutamente necesariu. ¿Escontra la desintegración del Parque Nacional? Sobre la Xestión alministrativa El pn de Los Picos d’Europa espárdese per tres ccaa (Asturies, Cantabria y Castiella y Lleón).

Siendo conscientes de les dificultaes qu’ello supón pa la xestión del espaciu protexíu, ello nun pue sirvir de xida. Consideramos que la xestión fecha pol Consorciu creáu en 2010, punxo de manifiestu graves faltes nos llabores de coordinación y xestión integrada del pn. Los intereses «locales», los incumplimientos económicos per parte de les ccaa, les rotaciones añales de l’alministración y la falta d’integración del personal (Llistáu de Puestos de Trabayu) son la causa principal d’estes faltes. La propuesta que n’avientu de 2017 fixeron les tres ccaa pa modificar el réxime de xestión actual del pn, agrava entá más la situación, yá que vendría a suponer la creación de fechu de tres Parques Nacionales, caún cola so propia direición, col so propiu personal y los sos propios oxetivos de xestión. Reivindicamos un nuevu modelu de xestión unitaria que contemple, con estabilidá temporal abondo, un únicu Direutor/a- Conservador, con un cuerpu de trabayadores propiu (incluyendo guardería) y una cuenta presupuestaria común.

/50/

Ciencies 8 (2018)

El caltenimientu nel Parque Nacional y la falta del Plan Rector d’Usu y Xestión (prug) Más de venti años dempués de la declaración del pn de Los Picos d’Europa, en 1995, qu’enanchaba l’antiguu pn de los Montes de Cuadonga, siguimos ensin tener un prug que trate los oxetivos de caltenimientu, faciendo usu de les evaluaciones correspondientes sobre l’estáu de caltenimientu del Parque, de les capacidaes de carga de les distintes actividaes humanes nel pn y les regulaciones y zonificación pertinentes. Tamién nos referimos a aquelles árees que tienen de ser protexíes de toa actividá humana (Reserves Integrales) y aquelles xeres destinaes a la recuperación de procesos naturales güei perdíos o gravemente amenaciaos nel pn.

La falta d’esti prug ye la que fai que los criterios d’autorización de les estremaes actividaes nun tean claros y camuden d’un añu a otru. D’esta miente, pistes d’usu ganaderu y forestal peles que va unos años nun s’autorizaba’l tránsitu en vehículos agora sí se dexa, o los cambeos de criterios d’un añu pa otru de pruebes deportives masives (p.ex. La Travesera). Que l’actividá

(2018) Ciencies 8

/51/

/xxvii Alcuentros pola Defensa de Los Picos d’Europa

Participantes nos Alcuentros d’Avilés

cinexética siga siendo güei día una actividá que se dexa dientro del pn ye prueba d’ello. Tien de prohibise definitivamente la caza deportiva y escluyir la figura de Reserva Rexonal de Caza del espaciu protexíu.

La problemática de los Picos d’Europa Los problemes y amenaces qu’acosen al pn acumúlense y crecen añu tres añu. Los problemes de sobrepastoréu en delles zones (Áliva, Vega d’Enol y Liordes, por casu, y polo xeneral en zones forestales y turberes), causaos por una cabaña ganadera que suma 30.000 cabeces y puesto de manifiestu por distintos estudios, nun son nin trataos nin iguaos. El pn tien d’incentivar práutiques agroganaderas más ecolóxiques, torgando les agresives (p.ex. roces) y los usos intensivos. Les quemes son, tamién, un grave problema nel pn y tien que s’ellaborar un plan de vixilancia y prevención. La medría descontrola-

/52/

Ciencies 8 (2018)

da de pruebes deportives, en munchos casos de calter profesional (nun podemos dexar de mentar la Vuelta Ciclista a España) alloñen l’usu del pn de los valores que tendríen de ser parte de la so condición. Un Parque Nacional nun ye llugar pa pruebes deportives comerciales y masives.

Per esta mesma sienda va un turismu masivu (al rodiu de dos millones de visites al añu) que ta afeutando sobre manera a llugares con un usu bien intensivu (Ruta del Cares, Llagos d’Enol y La Ercina, H.uente Dé,…) y énte ello la única esmolición paez ser favorecer el so desendolcu incontroláu dotándolu de más infraestructures y mayores posibilidaes d’accesu. Refugamos la construcción de nueves infraestructures dientro del pn, incluyendo trenes cremallera, teleféricos y aparcadorios de vehículos (como los que se proyeuten y anuncien en H.uente Dé y Cuadonga) lo mesmo l’apertura y asfaltáu de pistes.

Refugamos igualmente la construcción de nue-

vos miradorios y llinies llétriques con fines turísticos (hotel d’Áliva) y que se dexe’l tránsitu per pistes especialmente sensibles que, amás, en dellos casos pretende convertir en carreteres (Pandébano y, especialmente, a La Collada de Remoña). Otres podríen siguir esti camín: la pista a la Vega de las Mantegas (Onís) tien el riesgu de convertise nuna nueva vía d’accesu a los Llagos. A última hora, conviértese a los visitantes del pn en puros consumidores dientro d’un parque temáticu. La falta d’un plan d’educación ambiental, dirixíu a los visitantes, escolares y población del llugar, ye llamadera por demás. Los datos de participación de persones n’actividaes feches pol pn (rutes guiaes, esposiciones, grupos escolares) son ridículos y tán comparativamente per debaxo de los d’otros espacios naturales de menor rangu del ámbitu cantábricu ya inclusive nacional. Nesta mesma llinia, l’ausencia d’un programa d’investigación propiu pon de manifiestu l’escasu interés por conocer y valorar la esceicional bayura de la biodiversidá del pn. el llobu y otres especies del pn Queremos facer una mención especial dientro d’esti apartáu a la situación del llobu. El pn de Los Picos d’Europa foi, hasta feches bien de recién, l’únicu pn con llobos n’España. Entendemos les condiciones particulares de delles actividaes ganaderes en Los Picos d’Europa: elevada presencia de ganáu ovino y caprino, poques esperiencies y dificultaes n’ocasiones pa implementar midíes preventives y de guarda del ganáu y especiales condiciones orográfiques que favorecen los ata-

ques de llobos y desapaición de ganáu. Sicasí, queremos denunciar l’usu retorcíu que se fai de los problemes que pue acarrexar la presencia de la especie nel pn, magnificando la so importancia y manipuliando les emociones venceyaes a los daños que provoca na cabaña ganadera. D’igual mou, manifestamos el nuesu refugu a la xestión de la especie realizada nel pn, llendada a cazar exemplares de manera indiscriminada, inclusive n’époques de xestación y cría, y dexando usar procedimientos que nun dexa la llei (batíes con participación de particulares, usu d’esplosivos).

La Direición del Parque Nacional tien de garantizar, como marca la llexislación, la proteición de la especie nel Parque per aciu d’un plan integral dotáu económicamente, güei inexistente, y que contemple propuestes de meyora del sistema de pagu de daños, de midíes preventives y de xestión ganadera y de siguimientu ya investigación sobre la especie, ente otres. Refugamos los controles de población de fauna que se faen amás de colos llobos con otres especies de fauna de mou cada vegada más habitual ya inxustificada.

Pa rematar esta declaración, reafirmamos el nuesu compromisu col Parque Nacional de Los Picos d’Europa. Los riesgos de que’l pn se convierta nun llugar onde l’únicu apueste seya la esplotación mercantil son güei pergrandes. Y cercanos a un puntu de non retornu. Camentamos que nos atopamos nunos momentos críticos. Entá ye posible qu’esti espaciu protexíu pueda ser una ferramienta de caltenimientu y d’exemplu de cómo compatibilizar los oxetivos de proteición de la naturaleza colos mesmos de garantizar y ameyorar les condiciones de vida de los sos habitantes. El compromisu de los grupos conservacionistes y ecoloxistes ye trabayar pa ello.

N’Avilés, a 27 d’ochobre de 2018

(2018) Ciencies 8

/53/

Por Luis Vicente Sánchez Fernández Departamentu de Medicina Área d’Historia de la Ciencia Universidá d’Uviéu

Olga García Moreno

Departamentu de Xeoloxía Universidá d’Uviéu

Rolando Neri Vela

Universidad Médico-Naval Ciudá de México

La «Pequeña Gran Historia» de les condiciones de vida nes cuenques mineres na revolución industrial asturiana (1885-1907)

Pobláu mineru de Bustiello (Mieres) Semeya: HGG

/54/

Ciencies 8 (2018)

(2018) Ciencies 8

/55/

/La «Pequeña Gran Historia» de les condiciones de vida nes cuenques mineres na revolución industrial asturiana (1885-1907)

L

a Gran Historia ye un intentu d’axuntar tolo que conocemos al rodiu del pasáu dende un puntu de vista unificador, amestando les histories del Cosmos, la Tierra, la Vida y la Humanidá. Tomando la creciente información científicamente contrastada que les distintes disciplines nos ufierten, créase un relatu que dellos autores consideren una nueva historia sobre los oríxenes pa la sociedá del sieglu xxi (Christian, 2018).

Pero la gran historia nun ye namás un relatu, ye una nueva manera d’averase y crear nueva conocencia.

Na ultraespecializada ciencia (considerando’l so raigañu etimolóxicu del llatín scientia: conocencia) que nos llevó a tantos avances pa la

/56/

Ciencies 8 (2018)

humanidá nos sieglos xx y xxi, piérdese la perspeutiva. Cada vegada ye más evidente que ye necesaria una mirada más amplia pa resolver los complexos problemes a los que la nuesa sociedá s’enfrenta güei. Na actualidá, los equipos d’investigación más prestixosos son multi- ya interdisciplinares y ye esa mirada amplia la clave del éxitu de los sos descubrimientos.

Tamién nos últimos años surdieron nueves disciplines, como pueden ser l’Astrobioloxía, les ciencies del Mediu Ambiente, etc., onde la novedá precisamente ta na so interdisciplinariedá aplicada a nuevos problemes o intereses de la nuesa sociedá.

La gran historia puede atalantase como una

ARRIBA Mieres. Vista de la fábrica de fierro de D. Numa Guilhou. 1.

Ponte de fierro y madera sobre El Río Caudal; 2. Tranvía; 3. Fornos de cock; 4. Fornu altu de fundición; 5. Fornos de fundición y talleres; 6. Viviendes de Ios obreros; 7.

Río Caudal; 8. Mines de carbón —(Segun cróquis del Sr. Sanahuja.) Semeya: Wikimedia Commons

nueva manera d’entender el nuesu mundu, la evolución del ser humanu y el so llugar nel universu, siempre dende la perspeutiva más amplia.

Esta nueva manera d’averase a la conocencia pue ser la clave pa resolver el mayor problema al que la nuesa sociedá s’enfrenta y que nun ye otro que’l saber caltener les condiciones tan especiales, denomaes en Gran Historia condiciones de «Ricinos d’oru o goldilocks», nes que pudo desendolcase daqué tan complexo como ye la sociedá humana. Nun hai mayor complexidá, comparando inclusive con cualesquier otra estructura, que conozamos del nuesu universu a cualquier escala. El llargu y complexu viaxe que nos traxo hasta equí (Álvarez, 2017) pue terminase d’una manera indeseada pa la nuesa especie si nun somos a entender lo fráxil de la nuesa situación nun universu que paez nun tar fechu pa los seres humanos, como pue deducise de la nuesa aparente soledá nel mesmu.

Pa entender la gran historia, hai que ser quien a dominar distintes escales temporales y espaciales y remanales como un chicle, de manera plástica, p’afaceles a los procesos que se tean estudiando en cada momentu. Nun ye una simple escoyeta de tolo qu’asocedió pa esplicar la evolución de la nuesa sociedá. Ye obvio que non tolos procesos qu’espliquen esi camín pueden estudiase col mesmu nivel de detalle, nin nel tiempu nin nel espaciu. Por eso la gran historia céntrase en determinaos momentos (llendes) y llugares onde surdieron eses condiciones aparentes, les de «ricinos d’oru», que fixeron posible la evolución dende les estructures más cencielles hasta les más complexes. Un exemplu d’ello sería entender cómo l’universu pudo organizase cada vez en mayor grau pa evolucionar dende una estrella (una de les formes más simples) hasta’l cerebru humanu (una de les más complexes).

(2018) Ciencies 8

/57/

/La «Pequeña Gran Historia» de les condiciones de vida nes cuenques mineres na revolución industrial asturiana (1885-1907)

En 1837, establezse la Sociedad de Minas de Carbón de Siero y Langreo. Poco tiempu dempués, un grupu de financieros ingleses creó l’Asturian Mining Company, estructura absorbida en 1868 pol francés Numa Guilhou pa formar la Fábrica de Fundición de Mieres

ARRIBA Mineros nel Pozu Sánta Bárbara (Samartín del Rei Aurelio) nel añu 1890. Semeya: asturias.es baxo llicencia Creative Commons

/58/

Ciencies 8 (2018)

Nesti exemplu pue entendese’l manexu plásticu de les escales temporales y espaciales. Esta evolución, de lo simple a lo complexo, ye un patrón xeneral na gran historia, que contradiz una llei xeneral del nuesu universu, la de la entropía o segunda llei de la termodinámica. Ye cierto que l’universu tiende al desorde (aumentu de la entropía) y sicasí, cruciáronse delles llendes onde l’orde aumentó y asina pue esplicase’l más qu’improbable viaxe que nos traxo hasta equí.

Hai munches maneres d’adientrar na gran historia y nesti artículu adoptamos una d’estes maneres. Nesta ocasión presentamos la propuesta pola gran historiadora de la Universidá d’Ámsterdam, nos Países Baxos, Esther Quaedackers, que plantegó la creación de pequeñes grandes histories pa entender momentos determinaos de la evolución del universu. Esti artículu trata con detalle un aspeutu d’una pequeña gran historia desendolcada pol equipu de la Gran Historia de la Universidá d’Uviéu sobre El Ríu Nalón (García Moreno, 2015 y García Moreno, en prensa). Nesta pequeña gran historia afitámonos na evolución del elementu Carbonu, dende la so formación nel nucleu de les estrelles, la so concentración na Tierra, la formación de los depósitos de carbón hai 300 millones d’años, hasta la so estraición pola sociedá industrial asturiana y la decadencia de les mines y la situación de la cuenca del Nalón na actualidá. Como un xuegu de moñeques ruses o matrioxques, les pequeñes grandes histories salen una d’otra.

Nesti casu podemos estrayer una interesante historia de les enfermedaes rellacionaes cola pequeña gran historia del Nalón que nos dexará entender meyor el momentu actual y d’esti mou arriquecer la nuesa gran historia.

Contestu históricu La minería carbonífera asturiana entamó la so andadura en 1593 n’Arancés (Castrillón). En 1789, Gaspar Melchor de Xovellanos escribió sobre’l beneficiu del carbón de piedra y la utilidá del so comerciu, afitando un ideariu pal so usu; plan que nun pudo llevase alantre.

Nun Real Decretu de xunetu de 1825, robláu por Fernando vii, promulgóse la Llei Minera na que se constituyía una Direición Xeneral de Mines en cada provincia; y asina pudo establecese, en 1837, la Sociedad de Minas de Carbón de Siero y Langreo. Poco tiempu dempués un grupu de financieros ingleses creó l’Asturian Mining Company pa esplotar la hulla y los altos fornos y forxes en Mieres, estructura absorbida en 1868 pol potentáu francés Numa Guilhou pa formar la Fábrica de Fundición de Mieres (Adaro Ruiz, 1966). Les empreses minero-siderúrxiques asitiáronse nes cuenques del Nalón y del CaudalAyer siguiendo l’estudiu del inxenieru hispanoalemán Guillermo Schultz, qu’en 1858 reflexó na so descripción xeolóxica de la provincia d’Uviéu que los xacimientos carboníferos utilizables taben na faza central d’Asturies (Riosa, Mieres, Tudela, Llangréu, Siero, Nava, Bimenes, Samartín del Rei Aurelio, Llaviana, Ayer, L.lena y Quirós) (Schulz, 1858).

(2018) Ciencies 8

/59/

/La «Pequeña Gran Historia» de les condiciones de vida nes cuenques mineres na revolución industrial asturiana (1885-1907)

de la tierra taba en manes de los sectores privilexaos que lo daben a los colonos empara d’una renta. Per otra parte, taben los 35.609 obreros de los que 12.631 yeren mineros de carbón (8.884 homes, 1.001 muyeres y 2.300 neños) y con ellos yéramos el principal productor nacional d’una hulla «de primer fuercia y d’escelentes condiciones», inclusive superior a lo procedente d’Inglaterra (Fuertes Arias, 1902).

Nesta faza central d’Asturies qu’estudiamos (Bimenes, L.lena, Llangréu y Mieres) en 1900 moraben 51.798 habitantes con una densidá de población de 89,82 habitantes por km2 (Cuadru I). Colo cual remanamos al 7,68% de la población nel 5,43% del territoriu, pero cola particularidá d’una concentración del 44,85% de la masa obrero asturiano.

Llangréu y Mieres foron unos focos d’aglutinación mui importante de xente, y como Asturies aumentó 1,57 fainos albidrar que foi por cuenta d’un éxodu campesín de los conceyos vecinos.

Sicasí, estos primeros movimientos industriales provocaron un pauperismu importante, inxusticia social denunciada aína polos médicos (Laín Entrialgo, 1982 y López Piñero et al., 1964). Na obra del médicu Ambrosio Rodríguez Rodríguez Contribución al estudio de la higiene de los trabajadores y enfermedades de los jornaleros, primer tratáu hispánicu orixinal sobre hixene y medicina industrial, quedó patente que «la ignorancia y el viciu» calteníen faltes de too tipu ente la población obrera (Rodríguez Rodríguez, 1902). Esti aspeutu foi’l que nos motivó a investigar les condiciones de vida, hasta agora escasamente conocíes, d’esti territoriu central d’Asturies nel cambéu del sieglu xix al xx.

Situación socio-económica d’España y d’Asturies. Realidá médica En 1885 entamó un periodu perimportante p’Asturies que va hasta 1907 y que nun ye otro que’l procesu de culminación de la so industrialización. Daquella, España yera un país probe onde destacaba la sociedá rural con un 71% d’analfabetismu. Esperábase con estos descubrimientos carboníferos qu’imitara a les principales naciones europees onde «el pan negro de la industria» daba trabayu al proletariáu.

Asturies algamaba los 637.801 habitantes en 1901; la base de la riqueza venía de una agricultura «ignorante y sin capital», pero la propiedá

/60/

ABAXO Cuadru I. Evolución de la población na zona d’estudiu ente 1845-1920. [Fonte: Madoz, Asturies, 1845/55: 85, 205, 238, 296 y 361 ya ine: www.ine.es/enebaseweb]

1845-1850

1900

1910

1920

Bimenes

2.964

2.891

3.219

3.816

L.lena

7.746

12.289

12.911

12.795

Llangréu

5.007

18.751

25.564

34.486

Mieres

6.474

17.867

28.193

38.921

Asturies

451.640

637.801

709.764

779.291

Ciencies 8 (2018)

L’análisis de les Topografías Médicas que remanamos, xuntu cola escelente monografía Nociones de higiene… de Muñiz Prada y les publicaciones de Gascué y Murga dexónos conocer les condiciones de vida nes cuenques mineres asturianes na fase espansiva de la Revolución industrial del d’Asturies (1885-1907).

Muyeres trabayando nel esterior de la mina.

Semeya: Valentín Vega, AHM

ABAXO Mineru trabayando. Semeya: asturias.es baxo llicencia Creative Commons

Calter de los habitantes y vestimienta El clima d’Asturies venceyáu a la floxedá de l’alimentación y a la insalubridá reinante quitaba «puxu al sistema nerviosu» xenerando individuos de temperamentu sele y linfáticu»; la so tacha yera la «indolencia», falta d’aséu y marcáu enclín a les bebíes alcohóliques. Na mesma llinia’l médicu de L.lena comentaba que los sos moradores yeren llabradores ya ignorantes, pero «dulces y de tratu bonaz» (Muñiz Prada, 1885 y Anónimu [L], 1907).

La vistimienta de los parroquianos rurales de Mieres consistía en calzón curtiu, faxa y montera picona, el restu usaba ropa más moderno, pero toos calzaben madreñes; cuasi naide andaba col «nudosu garrote» al que sustituyeron pola navaya. Los mozos cubríen la cabeza con boina o bombín cosmopolita y les moces adautaben la so indumentaria «al gustu común de la xente vulgar de les ciudaes».

La clas obrera vistía pantalón y xaqueta azul, bota alta y boina (Muñiz Prada, 1885 y Anónimu [L], 1907).

(2018) Ciencies 8

/61/

/La «Pequeña Gran Historia» de les condiciones de vida nes cuenques mineres na revolución industrial asturiana (1885-1907)

Entornu llaboral Les mines de carbón afayáronse nes fasteres de los montes, allugamientu escoyíu daqué más tarde pal allugamientu de les fábriques siderúrxiques.

Les lleis mineres de 1873, 1897 y 1900 contemplaben la prohibición de toa ocupación de menores de 10 años y llendábenla a 5 hores si teníen ente 10 y 13 años; prohibióse d’igual mena’l llaboréu d’interior a toles muyeres de cualquier edá o’l llabor de nueche per debaxo de 14 años (Borrás Llop, 2013). Los primeros obreros que s’incorporaron a estes industries foron los paisanos o «mistos» porque nun abandonaron l’agricultura y ganadería; más alantre incorporáronse los «urbanos», entendiendo como talos a los que vivíen esclusivamnete del traba-

La mayoría d’empresarios censuraben esti modelu llaboral, vixente hasta l’españíu de la i Guerra Mundial, pol abondosu absentismu llaboral. Luis Adaro entendía perfecutamente tal proceder cuidao que yera: «… la resultancia natural d’una situación en perpetua crisis, que nun ufierta garantía y enfotu pa nada. El mineru (esto ye, l’empresariu) nun estiende los sos llabores, porque tarrez qu’a otru día va tener qu’aparales; y l’operariu nun dexa’l so terruñu y les sos vaques, porque sabe que nun va comer ensin elles, el día que lu despidan de la mina» (Mañana Vázquez, 2002).

Los picadores sacaben, estrayendo media tonelada carbón al día, 2,28 pesetes.

Los entibadores 2,50-2,75, los vagoneros (trabayando 12 hores) 1,50 y les muyeres «llavadores» del esterior, ente 1,25 y 1,50 yu fabril (Aramburu Zuloaga, 1899). Nel organigrama tenemos a los picadores que trabayando unes siete hores al día, con un total añal de 285 díes llaborales, y estrayendo media tonelada de carbón per xornada, llograben 2,28 pesetes (Gascué y Murga, 1888); los entibadores cumplíen con 8 hores y ganaben ente 2,50 y 2,75; d’últimes el vagoneru trabayaba 12 hores y consiguía alredor de 1,50. Igualmente, citamos a los rellenadores o arrastradores, llabor d’interior que facíen neños de 11 a 15 años, los guah.es, el 18,87% de los obreros; cifra asemeyada a la nacional (Borrás Llop, 2013). Nel esterior, organizando y peñerando’l carbón, atopábense muyeres «les llavadores» –el 8,21% del conxuntu obreru-, que percibíen ente 1,25 y 1,50 pesetes al día (Muñiz Prada, 1885).

/62/

Ciencies 8 (2018)

DERECHA Carboneres de La Encarná. Semeya: Colección Asociación Amigos del Valle de La Güeria (Samartín del Rei Aurelio), asturias.es baxo llicencia Creative Commons

(2018) Ciencies 8

/63/

/La «Pequeña Gran Historia» de les condiciones de vida nes cuenques mineres na revolución industrial asturiana (1885-1907)

El Marqués de Comillas, exemplu de pensamientu paternalsita. Monumentu nel pobláu de Bustiello (Mieres).Semeya: HGG

Viviendes de llabradores: el «zaburdiu» La morada habitual de los llabradores de Mieres, ampliable a L.lena y Bimenes, resultaba altamente insalubre darréu qu’al nun tener chimenea taba too anegrazao pol sarriu, nu había escusaos, el piteru taba dientro de la casa, la corripa del gochu taba na mesma entrada y la vivienda comunicábase direutamente cola corte; dormíen sobre xergones de fueya de maíz. Nes antoxanes y contorna de la vivienda había una pila cuchu (Muñiz Prada, 1885). Un ambiente asemeyáu al qu’había nel restu d’España (Rodríguez Rodríguez, 1902).

Bromatoloxía. Alimentación L’aspeutu carencial espúnxolu de manera sintética Lucas Mallada y Puello (1841-1921) al manifestar que «Nes provincies del no [d’España], les tres cuartes partes de los habitantes nun prueben el pan, nin la carne, nin el vinu; el so pan ye boroña, la carne: pataques y berza, el vinu: agua del regueru» (Gómez Velasco y Alonso Chavarri, 2010).

Realidá que Membiela y Salgado (1885) tamién atopara en Galicia, Asturies, Cantabria y La Mancha. Con tala anomalía Aramburu Zuloaga (1889) entendía que’l rendimientu llaboral del obreru asturianu yera bien baxu porque «les pataques y la sidra (o l’alcohol amílico), nun pueden faer lo mesmo que la carne y el vinu».

La xente menos pudiente de L.lena comía castañes, fabones, berces condimentaes con sebu de carneru o de vaca y pan de boroña; inclusive «munches probes families» namás inxeríen «farinas», papiella de fariña de maíz cocío con agua; otres alimentábense con pan de boroña o d’escanda «tan cubierto de pelo qu’hasta los mesmos animales refuguen tomalo»; desgra-

/64/

Ciencies 8 (2018)

cia que los condenaba «a la miseria fisiolóxica» (Anónimu [L], 1907). Los meyor acomodaos amañaben pataques, arroz o garbanzos cola salazón de carne de gochu y de vaca. Otros productos qu’esfrutaben: carne fresco, frutes, pan de trigu, café, chocolate, bebíes espirituoses, cerveza, sidra y vinu «por demás xeneralizáu» (Muñiz Prada, 1885).

Rodríguez Rodríguez (1902) apuntaba que n’asuntos dietético-económicos l’obreru tenía d’inxerir alimentos afayadizos pa lo que habría ganar 5 pesetes por xornal; realidá imposible d’asumir. L’estudiu nacional d’Úbeda y Correal (1902) plantegaba que pa caltener a un grupu familiar de 4 miembros, con cierta dignidá, precisaba que’l xornal del xefe de la prole fora de 3,50 pesetes diaries con un total añal de 1.277 pesetes.

La bebida más usao yera l’agua: lo de L.lena tenía bones condiciones de potabilidá, non asina lo de Mieres y Bimenes. En Mieres los obreros allegaben a les tabiernes pa inxerir al añu 251.000 llitros de vinu, 84.000 de sidra y 6.980 de bebíes destilaes, cantidá equivalente a 50 llitros d’alcohol al añu; situación asemeyada asocedía nel Valle del Nalón onde una «de cada trés cases, tien tabierna» con frecuentes «reñes, engarraes y navayaes» (Muñiz Prada, 1885; Anónimu [L], 1907 y Anónimu [B], 1907).

Reclamu d’una vida meyor: el «pensamientu paternalista» Álvarez Builla, capataz de mines, aconseyaba en 1861 a los empresarios, en plena fervencia del pensamientu paternalista que habíen «atraer, aclimatar o entamar» a la masa obrero p’afitar población. Baxo esta premisa construyeron escueles infantiles, casinos, economatos o sociedaes cooperatives, ilesies, etc.; al igual que’l

(2018) Ciencies 8

/65/

/La «Pequeña Gran Historia» de les condiciones de vida nes cuenques mineres na revolución industrial asturiana (1885-1907)

fomentu del domingu como día llibre pa que l’obreru tuviera daqué espardimientu. La Fábrica de La Felguera y Vega estableció en 1856 una Caxa de Socorros. En 1885 la Fábrica de Mieres fundó’l Montepío o Caxa de Socorros.

El montu económicu salía del descuentu del 2% del xornal de los obreros, del 1% de la paga de los xefes y d’un donativu de 1.000 pesetes añales del propietariu, Numa Guilhou (Muñiz Prada, 1886). La Sociedá Hullera Española fixo lo propio en 1891 y dende 1900 completólu con una Caxa de retiru y beneficencia. La Unión Hullera y Metalúrgica cuntaba con estímulos asemeyaos (Fuertes Arias, 1902).

A esti respeutu tenemos dalguna quexa pol so mal serviciu en 1881, malestar que se caltuvo nel tiempu por «práutiques abusives y desidies noxoses», colo que nos camentamos que nun fora too tan altruista y arrogante. El callóndrigu Maximiliano Arboleya Martínez tamién taba molestu con esti sistema empresarial porque remanaba «a los obreros adultos, muyeres y neños como se trataba a los esclavos» y porque tampoco promovíen práutiques pa evitar la desidia nin l’aborregamientu (Gascué y Murga, 1888).

Per esta dómina los obreros n’Alemaña yá teníen un seguru obligatoriu establecíu pol Canciller Otto von Bismarck; les variantes podíen ser: «Contra accidentes», calteníu polos patronos, «Contra la enfermedá», «Contra la invalidez» y «Contra la vieyera» (Rodríguez Rodríguez, 1902).

Les viviendes obreres: intentu d’abandonu del «cuchitril» Les residencies construyíes n’Europa pa obreros nos primeros decenios del sieglu xix foron primeramente los denomaos «cuarteles»; cuestionaos polos perxuicios hixénicos y morales

/66/

Ciencies 8 (2018)

qu’acarretaba l’aglomeración humana (Sierra Álvarez, 1985). L’inxenieru y sociólogu francés Le Play foi l’encargáu de facer un modelu de vivienda pa la Esposición de París de 1867, onde quedó patente que l’arraigu del proletariáu diba ser más intensu si tenía una casa familiar con güertu en propiedá. Enclín que guañó en toa Europa sacante n’España, tovía a pesar de que’l 9 de setiembre de 1853 s’emitió un R.D. aguiyando la construcción de cases pa obreros (Membiela y Salgado, 1885).

Col panorama tan desolador dalgunos empresarios asturianos tomaron ciertes decisiones p’allugar a los sos trabayadores. La primera adoptóla la Fábrica de Mieres en 1844 llevantando 27 cases. En 1860 Duro y Cía. construyó una casa-habitación con 79 habitáculos (Román Cartavio, 1884). Un añu dempués Álvarez Builla aguiyaba que s’alzaren «... al pie de les sos mines pequeñes colonies en bones condiciones hixéniques, dando los cuartos n’arriendu equitativu, y construyendo cuarteles pa los obreros transeúntes y solteros, qu’ensin familia propia van poder vivir económicamente en comunidá» (Álvarez Builla, 1861).

Les opiniones de los nuesos inxenieru y médicu –Gascué Murga y Muñiz Prada respeutivamente– inclinábense más escontra una vivienda individual. Sicasí, los responsables competentes optaron por dos tipos de vivienda: la coleutiva o «cuartel» y la unifamiliar. El primer modelu caltúvose en vigor hasta 1905 y foi l’escoyíu pola Sociedá Hullera Española, Hulleras de Turón y pola Fábrica de Mieres. D’otra parte, la unifamiliar, como les llevantaes ente 1905 y 1910 pol Grupu Solvay en Lieres (Siero), la «Cité Ouvrière», con 108 viviendes en bloques de dos cases ado-

saes con un pequeñu güertu; una de les «xoyes» d’urbanización asturiana que fixo posible agospiar al 17% de los mineros (Álvarez Quintana, 1997). Asina mesmo, la Sociedad Hullera Española empezó a llevantar en 1890 el pobláu de Bustiello (Mieres) nel que pudo allugar al 10% de los operarios. Hemos de reconocer que tal prebenda otorgábase, xeneralmente en réxime d’arriendu, esperando testimoniu de llealtá y agradecimientu pa col patrón benefactor (Muñiz Sánchez, 2007).

Hospital de Bustiello. Semeya: HGG

Los hospitales d’empresa El primer hospital que s’allugó nesta zona minera data de 1856 y asitióse en Llangréu al cargu de Duro y Compañía (Álvarez Builla, 1861).

Les Lleis de Mines de 1859 y 1868 convirtieron la vixilancia de la salú de los trabayadores n’obligación estatal. Sicasí, la Llei d’accidentes de trabayu de 1900 dispunxo que los patronos habíen encargase de los curiaos médicos, quirúrxicos, farmacéuticos y de subsidiu a los obreros accidentaos; a tala fin teníen de cuntar con un médicu y un botiquín, un mandatu bien cuestionáu polos empresarios, pero que, sicasí, una serie de compañíes asturianes empobinaron esta iniciativa al traviés de les Sociedaes de Socorros Mutuos de fundación patronal con financiamientu mestu d’empreses y obreros pa llevantar «hospitalillos». Asina nos consta que la Fábrica de Mieres punxo ún de nueve cames y un botiquín, la Sociedad Hullera Española construyó en 1902 el sanatoriu de Bustiello en Mieres, la compañía minera Solvay de Lieres llevantó’l so en 1908 y la Sociedad Unión Hullera y Duro Felguera axuntáronse en 1910 pa poner en marcha’l Sanatoriu Adaro en Sama de Llangréu (Menéndez Navarro, 2010).

(2018) Ciencies 8

/67/

/La «Pequeña Gran Historia» de les condiciones de vida nes cuenques mineres na revolución industrial asturiana (1885-1907)

Demografía. Enfermedaes más frecuentes y mortalidá de los mineros No que cinca a Mieres y L.lena indicamos que la natalidá taba ente’l 18,33% y el 23,33% y la mortalidá xeneral banciaba ente’l 11,55% y el 14,44%. La vida media llegaba a 29,21 años y el númberu de fíos illexítimos llegaba al 2,89%. La causa más frecuente de fallecimientu yera la enfermedá respiratoria (17,86%), siguía-y la fiebre tifoideo (7,45%) y depués la tisis.

Les patoloxíes más habituales nel entornu mineru yeren les afeiciones del pechu; d’esta manera padecíen: catarros, pulmoníes, asma, anemia, antracosis o «tisis de los mineros» (4% de los trabayadores) pol «polvu del carbón» y les reumátiques; con una intensidá de 31 y 15% respeutivamente (Muñiz Prada, 1886 y Anónimu [L], 1907). La mayoría d’accidentes asocedíen por españíu de grisú (Rodríguez Rodríguez, 1902).

Les muyeres «llavadores» –d’acordies con Muñiz Prada (1886)- solíen tar cloró-anémiques por cuenta de la falta de lluz y mugor, polo que consideraba que yera «la [actividá] más insalubre y nociva de tolos demás operarios». De los neños mineros comentaba que gociaben de «poca salú»; amás esti oficiu oponíase al so espoxigue físicu y ye frecuentemente una torga pa la so instrucción».

En cuantes al nivel d’accidentes, pescudamos qu’en 1867 hubo ocho muertos de 4.750 mineros asturianos (Mañana Vázquez, 2002), en 1881 morrieron en Mieres once mineros (Román Cartavio, 1884) y en 1901 sufriéronse n’Asturies 263 percances y 26 fallecimientos (Fuertes Arias, 1902); yera un nivel bien baxu comparáu con España.

Mentanto, n’Inglaterra había un fináu cada 66.150 tonelaes estrayíes de hulla (Muñiz

/68/

Ciencies 8 (2018)

Prada, 1886); los cálculos p’Asturies dannos una muerte cada 51.417,1 tonelaes en 1867, ameyoráu sustancialmente en 1901 al algamar les 96.924 tonelaes por fináu (Fuertes Arias, 1902).

Mitin d’una dirixente socialista na Plaza del Ayuntamientu de La Pola (Llaviana). Añu 1914 Semeya: asturias.es baxo llicencia Creative Commons

Problemática obrera: fuelgues y descontentu

Nel añu 1867 la mortalidá minera n’Asturies yera d’ún muertu cada 51.417 tonelaes estrayíes; n’Inglaterra yera d’ún cada 66.150. Nel 1901 ameyorare equí algamando les 96.924 tonelaes por fináu

La Internacional llegó a España en 1868, magar que’l pensamientu socialista nun enraigonará nestes Cuenques hasta pasaos más de venti años (Ruiz, 1968). Asina Gascué y Murga (1888) dexó constancia de la «afabilidá de tratu» ente xefes y subordinaos y encamentaba que los empresarios caltuvieren, pa evitar la llucha de clases estendida per Europa, aiciones positives y «el deséu de «bienestar y prosperidá» escontra los sos obreros. Opinión coincidente con Fuertes Arias (1902) cuando indicaba’l bon ambiente llaboral esistente n’Uviéu, Mieres,

(2018) Ciencies 8

/69/

/La «Pequeña Gran Historia» de les condiciones de vida nes cuenques mineres na revolución industrial asturiana (1885-1907)

Llangréu, Ayer y Quirós frente a Xixón, llugar nel qu’amás s’atopaba’l nivel moral más baxu del proletariáu asturianu.

La primer fuelga minera asturiana foi en 1879 y secundáronla los fundidores de la Fábrica de Mieres énte una mengua salarial. Lo mesmo asocedió en 1881, en 1883 y 1884 (Ojeda, 1994). En 1887 empecipióse otru paru en Carbayín, el siguiente tuvo llugar en Lieres en 1889; el 6 de mayu de 1890 un nuevu conflictu bloquió tol Valle del Nalón y del Caudal porque los obreros pretendíen una xornada de trabayu d’ocho hores (Suárez Suárez, 1896). En 1898 repitióse’l procesu de fuelgues en Mieres y Turón y cuatro años más tarde una xuba de precios provocó una nueva reivindicación. En 1906, la Fábrica de Mieres rebaxó los salarios un 10%, a resultes anicióse una «fuelgona»: la empresa despidió a 700 trabayadores.

L’inxenieru Suárez Suárez (1896) afirmaba que’l mal de los nuesos obreros aniciaba nuna alimentación deficiente y la bayura de tabiernes; «focos d’infeición moral» y ruina de les families trabayadores. Tamién refería qu’esti xornaleru nun yera partidariu de les fuelgues porque caltenía vezos de llabrador coles sos «zunes in-

/70/

Ciencies 8 (2018)

nates»; pero respetaba l’autoridá y la xusticia, aspeutu que podíen camudar nun futuru. Amás, constába-y el caltenimientu d’una importante ignorancia, porque a llugares alloñaos nun llegaba «el maestru d’escuela, nin la hixene, nin la caridá».

Conclusiones Per aciu de la bibliografía remanada conocemos la realidá socio-sanitaria de la parte central d’Asturies a lo cabero del sieglu xix y principios del xx nel momentu del entamu de la Revolución industrial asturiana, y darréu española.

L’área estudiada yera dafechu rural. Sicasí, el procesu industrializador atraxo mano d’obra con una medría significativa de la población, pero a cuenta d’una insalubridá xeneralizada yá que los asentamientos humanos teníen falta de servicios básicos.

Gracies a les valientes opiniones del médicu Muñiz Prada y del inxenieru Gascué enterámonos de la cantidá d’abusos intolerables, y escasamente conocíos a día de güei, como vivienda insalubre, alimentación defectuoso, hixene inesistente, escesiva mortalidá, condiciones

llaborales inaceutables, especialmente pa neños y muyeres, etc. qu’afayen una sociedá probe, atrasada ya ignorante. Tamién barruntamos que les lleis que regulaben l’actividá na minería de los neños y de les muyeres nun taben cumpliéndose: una esplotación más, nesti casu sobre los más débiles de la cadena productiva.

D’igual miente, estos profesionales calteníen una actitú crítica sobre les cuestiones sociales que fomentaba’l «pensamientu paternalista».

Aspeutu que tenía claro l’obreru mestu», conservador, apegáu al so terruñu, y escasamente polémicu, pero con baxa implicación na evolución fabril. Estes midíes frenaron nun primer momentu la llucha de clases; un enclín que rompió en parte tres los cambeos políticos que traxo la finalización de la i Guerra Mundial.

Según los cálculos qu’ufiertamos pa que’l grupu familiar llevara una vida digna facía falta que la cabeza de familia cobrara un xornal diariu mínimu de 3,50 pesetes; datu que nos afala a pensar que’l «xornaleru urbanu» malvivía atarraquitáu y esplotáu y namás podía cubrir les sos necesidaes más elementales coles ayudes sociales del momentu o si trabayara tamién la so muyer y acaso un fíu.

Una de les prebendes más importantes yera’l gociar d’una casa individual con xardín yera una utopía inalcanzable, porque namái pudieron aportar a ella ente’l 10 y el 17% de los interesaos.

Acabamos indicando que 183 años dempués de que s’instalara la primer empresa minera na Cuenca del Nalón los políticos españoles, a instancies europees, tán plantegando’l zarru total de la minería asturiana. La situación qu’esponemos nesti artículu foi bien dura; la que queda como rescaldu del pasáu creemos que ye más dura inda.

(2018) Ciencies 8

/71/

/La «Pequeña Gran Historia» de les condiciones de vida nes cuenques mineres na revolución industrial asturiana (1885-1907)

Referencies bibliográfiques Adaro Ruiz-Falcó, L. (1966).- 175 años de la sidero-metalurgia asturiana. La Industria, Xixón. Álvarez Builla, R. (1861).- Observaciones prácticas sobre la minería de Asturias. [Facsímil de 1973 por Bibliófilos Asturianos, Uviéu]. Álvarez Quintana, C. (1997).- «Solvay & Cíe. (Lieres), Historia y arquitectura de una empresa belga en Asturias. El Poblado (la Cité Ouvrière) de Campiello». Boletín del Real Instituto de Estudios Asturianos, 150: 187-231. Álvarez, W. (2017).- A Most Improbable Journey: A Big History of Our Planet and Ourselves. W. W. Norton, New York.

Anónimo, (1907).- Geografía Médica del concejo de Bimenes. Madrid, RANM, (Citar: Anónimo [B]).

Anónimo, (1907).- Topografía médica del concejo de Lena. Madrid, RANM, (Citar: Anónimo [L]).

Aramburu Zuloaga, F. (1899): Monografía de Asturias. Estab. Tip. de Adolfo Brid., Uviéu.

Borrás Llop, J.M. (ed.) (2013): El trabajo infantil en España (1700-1950). Ed. Icaria, Universidad de Barcelona.

Christian, D. (2018).- Origin Story: A Big History of Everything. Little, Brown and Company, New York. dd.aa.

(1831).-Minas de carbón de piedra de Asturias. Reconocimiento hecho de orden del Rey N. Sr. por una comisión de facultativos. [Facsímil, Institutu Xeolóxicu y Mineru d’España, 2006].

Fuertes Arias, R. (1902).- Asturias industrial. Estudio descriptivo del estado actual de la industria asturiana en todas sus manifestaciones. Xixón. [Facsímil, 1999, Alvízoras Llibros, Uviéu].

García-Moreno, O. (2015). Introducing Big History to the general public by popular lecture series: The Little Big History of the Nalón River (Asturias, Spain). Origins, International Big History Association Newsletter, Vol. V, 6. 3-8.

García-Moreno, O. History. Routledge.

et al.(en

prensa).- The Little big history of the Nalon River. En Handbook of Big

Gascué y Murga, F. (1888).- Colección de artículos industriales acerca de las minas de carbón de Asturias. [Facsímil de 2007, Ed. Trea y Grupo HUNOSA].

Gómez Velasco, J.J. y Alonso Chavarri, I. (2010).- «Lucas Mallada. Un geólogo que intentó reformar España». De Re Metallica, 14: 91-98.

L aín Entralgo, P. (1982)-. Historia de la Medicina. Salvat Editores, Barcelona.

López Piñero, J.M.; García Ballester, L. y Faus Sevilla, P. (1964): Medicina y sociedad en la España del siglo XIX. Sociedad de Estudios y Publicaciones, Madrid,.

/72/

Ciencies 8 (2018)

Madoz, P. (1845-1850).- Diccionario geográfico, estadístico, histórico. Asturias, 1845. [Facsímil de la de Madrid, 1845-1850, Ed. Maxtor, Valladolid, 2009].

Mañana Vázquez, R. (2002).- Luis Adaro y Magro (1849-1915). Ingeniero de minas, agente innovador de la primera revolución industrial asturiana. Instituto Geológico y Minero, CSIC, Madrid.

Membiela y Salgado, R. (1885).- Higiene popular. La cuestión obrera en España, o estado de nuestras clases necesitadas y medios para mejorar su situación, Santiago, Imp. de Jesús L. Alende (Biblioteca Nacional de España).

Menéndez Navarro, A. (2010).- «Hospitales de Empresa: los primeros pasos de la medicina del trabajo».

En dd.aa., Trabajo y salud. Desde la protección a la prevención. Madrid, INSHT, Fundación Francisco Largo Caballero, Mutua Fraternidad-Muprespa.

Muñiz Prada, N. (1885).- Apuntes para la Topografía Médica de Mieres y de su comarca minera. Imp. del Hospicio Provincial, Uviéu.

Muñiz Prada, N. (1886).- Nociones de higiene con aplicación a los mineros de hulla. Lecciones dadas en la Escuela de Minas, Hornos y Máquinas de Mieres. Imp. Celestino Flórez y Comp., Uviéu.

Muñiz Sánchez, J. (2007).- Del pozo a casa. Genealogías del paternalismo minero contemporáneo en Asturias. Ed. Trea, Universidá d’Uviéu.

Ojeda, G. (1994)- «Concentración empresarial y auge del carbón». En Vázquez, J. y Ojeda, G. (directores): Historia de la economía asturiana. Editorial Prensa Asturiana, II, pp. 273-288.

Rodríguez Rodríguez, A. (1902).- Contribución al estudio de la higiene de los trabajadores y enfermedades de los jornaleros. Xixón.

Román Cartavio, Á. (1884).- Guía industrial y comercial de Asturias. Imp. de Vallina y compañía, Uviéu.

Ruiz, D. (1968).- El movimiento obrero en Asturias: desde la industrialización a la 2ª República. Ed. Amigos de Asturias, Uviéu.

Sierra Álvarez, J. (1985).- «Política de vivienda y disciplinas paternalistas en Asturias». Ería 8: 61-71.

Schulz, G. (1858).- Descripción geológica de la provincia de Oviedo. Con mapas y láminas. Imprenta y librería de José González, Madrid.

Suárez Suárez, J. (1896).- El problema social minero en Asturias. Imp. de Pardo, Gusano y Comp., Uviéu. Úbeda y Correal, J. (1902).- El presupuesto de una familia obrera. Est. Tip. de E. Teodoro, Madrid.

(2018) Ciencies 8

/73/

CIENCIA , PRAUT ICA Cromatografía de baxu costu Por Rubén Fernández Martínez

Miembru de la Sociedá Asturiana de les Ciencies, SABENCIA

/74/

Ciencies 8 (2018)

Semeya: © Natrij Llicencia Creative Commons

(2018) Ciencies 8

/75/

/Ciencia Práutica. Cromatografía de baxu costu

E

n 1957, el farmacéuticu Egon Stahl asoleyó una téunica d’análisis de compuestos orgánicos, la cromatografía de capa fina, que revolucionaría primero’l mundu de la farmacia y dempués el de la química. Esta nueva téunica supunxo un avance perimportante nel desendolque de la química orgánica, por ser un métodu rápidu, baratu y que da bonos resultaos nel análisis de compuestos y control de reaiciones. Polo fácil y bayuroso en resultaos d’esti métodu, y siguiendo la idea orixinal d’esta seición d’asoleyar esperimentos cenciellos y accesibles pa toos con materiales d’usu diariu, nesti númberu ufrimos al llector delles idees qu’ilustren la téunica de la cromatografía y que quieren ser el niciu de nuevos proyeutos que pueda discurrir el científicu aficionáu.

La cromatografía ye una téunica de xebra de los componentes d’una mestura que s’enconta nel principiu de retención selectiva de les molécules al pasar per un mediu. Esto llógrase faciendo pasar una sustancia al traviés d’una fase estacionaria, pente medies del fluxu d’una fase móvil; l’oxetivu d’esta ye tresportar la mestura, mentanto que la de la fase estacionaria ye retrasar el pasu de los componentes. Cuando los componentes de la mestura pasen pel sistema, estos sepártense en momentos estremaos, según la so afinidá cola fase estacionaria. Acordies cola naturaleza de la fase móvil, los métodos divídense en dos grupos: cromatografía de gases (la fase móvil ye un gas) y de llíquidos (la fase móvil ye un llíquidu), mentres que nos dos grupos la fase estacionaria pue ser un llíquidu o un llíquidu soportáu nun sólidu. El métodu

/76/

Ciencies 8 (2018)

que nós vamos usar, la cromatografía de capa fina (Fig. 1), usa un soporte llíquidu sobre sólidu como fase estacionaria, que pue ser de distinta naturaleza. Nós usaremos la celulosa como soporte (anque tamién son d’usu común el de síliz y l’alúmina). La fase móvil sedrá un llíquidu, que dependerá de la muestra que queramos estudiar, darréu que los componentes tienen que ser solubles nel llíquidu de la fase móvil, amás de ser a interaicionar cola fase estacionaria. Lo normal, ye qu’esta triba d’ensayu se faiga pol métodu ascendente, nel que la fase móvil xube por capilaridá, «arrastrando» les molécules al traviés de la estacionaria. Por mor de les carauterístiques estremaes d’estes, caúna va migrar a distinta velocidá y una distancia del orixe diferente. A lo cabero del procesu, lo que veremos nel soporte (fase estacionaria) ye un patrón de faces o manches (cromatograma), que correspuenden a los diferentes componentes principales del compuestu estudiáu. Nos ensayos que nós vamos ver, sedrán visibles, pero n’otros casos fadrá falta un reveláu o l’aplicación de marcadores fluorescentes.

Esta téunica tien milenta usos, talos como l’identificar los componentes d’una mestura, conocer los pigmentos vexetales, o detectar la presencia de sustancies concretes en muestres o análisis de pureza de compuestos.

Agora que yá sabemos los principios básicos de la cromatografía de capa fina (y de la cromatografía en xeneral), vamos pasar a ver dellos exemplos perbonos de facer, pero que van amosar l’espectru de posibilidaes qu’ufre al aficionáu a la ciencia esta téunica.

Figu

cu de un montaxe bási ra 1. Esquema d’

capa cromatografía de

fina.

(2018) Ciencies 8

/77/

/Ciencia Práutica. Cromatografía de baxu costu

Figura 3.

s de difere ar los pigmento iz al an p’ ao us ial Figura 2. Mater

Pigmentos de la tinta de los rotuladores L’estudiu de los pigmentos que s’usen nes tintes de los rotuladores ye l’esperimentu básicu pa ilustrar la cromatografía nes clases de ciencies de Secundaria, gracies a lo cenciello y barato que resulta facelo.

Como viemos enantes, la fase estacionaria qu’emplegaremos na serie d’esperimentos sedrá la celulosa, yá que vamos facer pasar los compuestos que s’estudien per tires de papel secante. En casu de nun tener accesu a esta triba de papel, da bon resultáu’l papel de los filtros de cafetera, ye más, nós vamos usar esti papel nos esperimentos.

Dependiendo de los rotuladores que ten-

/78/

Ciencies 8 (2018)

ro ntes tintes de

es pa caún Cromatogram

s analizaes.

caún de los rotuladores (Fig. 2), cortaremos unes tires de papel d’alredor de 10 cm de llargor y 2 cm d’anchor, y facer una raya a 2 cm del borde de la tira; ensin más metemos la tira nel agua, ensin somorguiar la traza de rotula-

tulador.

gamos, tendremos qu’usar un disolvente o otru como fase móvil.

Por casu, los qu’usé nesta esperiencia yeren rotuladores preescolares, que son persolubles n’agua, polo qu’usé agua como fase móvil, pues l’alcohol disolvíalos tanto que malapenes apaecíen rastros de los pigmentos nel cromatograma. Si usamos rotuladores non solubles n’agua, vamos tener qu’usar otros disolventes como l’alcohol isopropílico (alcohol de quemar) o l’alcohol etílico (alcohol sanitario).

Pa llograr un cromatograma de

a de les tinte

ograma del colo Figura 4. Cromat

r mariello y el so

espectru.

dor, y con cuidáu que la tira nun toque’l fondu’ vasu. Tenemos d’esperar mentanto xuba l’agua pela tira de papel hasta la llende que marca la presión capilar del mediu (esto vese bien, ya que l’agua va dexar de xubir).

El recipiente au ta la fase móvil vamos llenalu unos minutos primero d’entamar col ensayu, y vamos tapalu, tanto enantes como a lo llargo’l procesu, col envís de caltener un ambiente lo más saturao de disolvente dientro’l recipiente.

Agora sacamos les tires y dexámosles secar.

Nes semeyes vemos los cromatogrames que correspuenden a dellos colores (Fig. 3).

Estos resultaos son los qu’atopen los rapazos d’institutu, pero nós (y ellos) podemos dar un reblagu más nesti análisis, usando un programa gratuitu y d’usu llibre, Tracker (www.opensourcephysics.org), desendolcáu por Open Source Physics, y qu’anque ta pensáu pa estudiar procesos físicos en movimientu, tien la opción d’usar semeyes y sacar, ente otres coses, el so espectru (hai manuales tamién gratis pela rede). Al analizar el cromatograma como un espectru vamos atopar un análisis perasemeyáu al que daría un cromatógrafu dixital, o un análisis con espectrómetru.

Nel casu de colores primarios, o los que más s’asemeyaben d’ente los rotuladores qu’usé, va danos una idea de los tipos de patrón qu’atoparemos. Asina’l mariellu (Fig. 4) dio un patrón percarauterísticu, perbaxu y de poca amplitú, y con un picu namás, polo que podríamos interpretar, de mano, que la tinta tien un únicu componente de color.

(2018) Ciencies 8

/79/

/Ciencia Práutica. Cromatografía de baxu costu

r en ograma del colo Figura 6. Cromat r az ograma del colo Figura 5. Cromat

ul y el so espect

carnao y el so es

ru.

ograma del colo Figura 8. Cromat ograma de Figura 7. Cromat

/80/

Ciencies 8 (2018)

l color naranxa

pectru.

y el so espectru

r verde y el so es

Nel azul (Fig. 5), a falta de color cian, yá nun asocedió lo mesmo: yera un perfil poco ampliu, anque altu, y con dos picos reconocibles, un pa un azulín perclaro, y otro más escuro, lo que nos da la pista que pa esti color usaron una amestadura de dos tintes.

L’encarnáu foi col que más sorpresa llevamos, yá que lloñe de tener un patrón poco ampliu como los otros, nesti casu yera más ampliu, y altu, con dos picos definíos. Na imaxe (Fig. 6) vese bien cómo hai un picu pa un color agranatao, y otru pa un color arrosao.

Con estos tres colores, vemos tres clases de patrón que podemos atopar: 1) los poco amplios y baxos, 2) los poco amplios y altos, y 3) los llargos y amplios, daqué que nos diz lo complexo que ye caúna de les tintes.

Otros casos d’espectros poco amplios y baxos, correspuenden a tintes con un componente de color, o si tien dellos con poca proporción d’ún, ye’l exemplu del mariellu, y el naranxa (Fig. 7), que vemos equí abaxo, formáu por un pigmentu naranxa, y un poquiñin d’un arrosáu La segunda triba, poco ampliu pero altu, que vimos col azul, atopéla tamién al analizar el verde (Fig. 8). Nél apaecen dos picos estremaos, un pal mariellu (a distintu altor del mariellu puro, a lo meyor porque yeren pigmentos diferentes), y otru pal azul (cercano al altor del picu cian del patrón del azul, quiciabes porque ye’l mesmu pigmentu).

pectru.

.

(2018) Ciencies 8

/81/

/Ciencia Práutica. Cromatografía de baxu costu

La tercer triba, llargu y ampliu, exemplizada pol encarnáu, apaez nos colores más complexos como’l prietu (Fig. 9) y el moráu, con patrones amplios, llargos y con munchos picos, por causa de que tán compuestos por variedá de pigmentos.

Pigmentos fotosintéticos de les plantes Les plantes xeneren la so propia enerxía pola mor de la fotosíntesis, gracies a los pigmentos fotosintéticos qu’absuerben la lluz, y con ello la so enerxía. Les plantes disponen de delles tribes de pigmentos, qu’absuerben llonxitúes d’onda distintes col envís d’apurar al máximu la lluz que-yos llega. Atopamos tres tribes de pigmentos: clorofiles (de color verde), carotenos (de color encarnao), y xantofiles (de color mariello).

Por mor de les necesidaes adautatives de les plantes pa vivir en toa clas de medios, caúna de les especies usa una mayor o menor proporción de caún de los pigmentos fotosintéticos, en cata de maximizar la enerxía lluminoso que-yos llega, y al empar, determina la color de les fueyes, garrando estes el color del pigmentu que más abonda. Col sofitu de la cromatografía de capa fina, vamos ser quien a caltriar cuála ye la proporción de caún de los pigmentos que tien una planta.

Pa ello, quitamos los nervios de les fueyes de la planta que queremos analizar y mayamos la fueya nun concu. En mayándolo, afogamos la fueya col disolvente que usaremos como fase móvil. Los pigmentos fotosintéticos nun son solubles n’agua, polo que precisaremos d’otru disolvente, como l’alcohol etilílico. Pa unos 10 gr de fueya, valnos con 50 ml d’alcohol. Dexamos posar la mestura, y en colándolo, pasámoslo al cacíu

/82/

Ciencies 8 (2018)

ograma Figura 9. Cromat

Figura 11. Gráfi

del color prieto

ca colos resulta

y el so espectru

.

l análisis de lo os xenerales de

au pondremos les tires de papel, que, como nel esperimentu anterior, nun pueden llegar a tocar el culu’l vasu. Dexamos la muestra, siempre tapada, por exemplu una nueche, y secamos el cromatograma. Nél veremos como apaez una gradación de colores, más arriba colores mariellos (xantofiles), dempués colores encarnaos y amorataos (ca-

tales. s pigmentos vexe

Asina, la clorofila ye lo más importante, pues nes plantes verdes representa alredor del 60% de los pigmentos, y hasta nes plantes encarnaes, tien una presencia que rescampla, alredor d el 30%. Los carotenos, per otra parte, malapenes apaecen nes plantes verdes, pero son el pigmentu más importante, tamién alredor del 60%, nes encarnaes (por eso tienen esti color). Tocántenes a les xantofiles, mentanto que nes plantes encarnaes nun tienen cuasi representación, nes verdes son el segundu pigmentu, con más del 30%.

Estes diferencies na coloración vienen daes pola clas de lluz que llega a les plantes nel so mediu natural, pues les llonxitúes d’onda que lleguen a la plans. le ta xe ve s ta nun son les mesmes por exemplu nes de pigmento omatrogrames Figura 10. Cr llanaes que nuna viesca con vexetación mesto, o nuna dómina del añu concreta, como vemos na seronda, cuando los árboles de fueya cayedizo camuden el color, tratando de maximizar l’usu rotenos), y abaxo colores verdes (clorode la enerxía solar que-yos llega. files) (Fig. 10).

Camiento que’l llector pudo ver yá que la Con esti métodu podemos estucromatografía de capa fina, na so versión casediar, por exemplu, les fueyes que tenera, da munches posibilidaes pa la esperimentamos nel xardín, nos tiestos o na sebe ción amateur. Encamiento al llector inquietu a de casa. El llector pue ver darréu les esplorar posibilidaes. ¿Cómo camuden los pigproporciones estremaes de pigmentos mentos a lo llargo l’añu de la fueya d’una casque podemos atopar al analizar plantañal? ¿Qué asocederá si analizamos distintes tes comunes del nuesu rodiu. tribes de café? ¿Sedremos quien a xebrar dos Toa esta información ye de gran especies de plantes distintes que tienen les flointerés, y danos una idea de cómo funciona la res del mesmu color? ¿Qué rastru dexará nel fotosíntesis nes distintes plantes. Al atropar tola cromatograma’l vinu? Son unes poques idees información qu’atopamos nel análisis, agrupada qu’abren énte’l científicu aficionáu un mar de en dos grupos, plantes verdes y plantes coloraes, posibles esperiencies. vemos cuála ye la importancia d’unos y otros pigmentos. (Fig. 11).

(2018) Ciencies 8

/83/

Amestadura:

rellación d’artículos asoleyaos (2011-2017)

/84/

Ciencies 8 (2018)

(2018) Ciencies 8

/85/

Cartafueyos Asturianos de Ciencia y Teunoloxía Payares 2011 // Númberu 1

SUMARIU 4/

Entamu

6/

Dellos apuntes sobro’l patrimoniu xeolóxicu astur Por Pedro Farias Arquer

16 /

El terremotu de Lorca (Murcia) Asturies, un escenariu sísmicu perestremau Por Carlos López Fernández

26 /

Los nanomateriales, una revolución teunolóxica y un retu pa la cristalografía Por Santiago García-Granda

38 /

Patrimoniu Xeolóxicu Astur

Xenomes y cáncer Por Xosé Antón Suárez Puente

XENOMES Y CÁNCER Les llibélules d’Asturies Los nanomateriales, una revolución teunolóxica

SIETE RACES, UN PAÍS

l’Asturcón y la Cabra Bermeya

Campu San Francisco d’Uviéu

54 /

Les Llibélules d’Asturies Por Antonio Torralba-Burrial

80 /

Siete races, un país: (I) l’Asturcón y la Cabra Bermeya Por Antón Álvarez Sevilla

98 /

Campu San Francisco d’Uviéu: El primer xardín históricu d’Asturies Por Carlos Lastra López

110 / 122/

Espaciu medioambiental y cultura tradicional n’Asturies Por Xuan Porta Allende

Los batanes o pisones n’Asturies Por Gonzalo Morís Menéndez

El primer xardín históricu d’Asturies

(2018) Ciencies 8

/87/

Cartafueyos Asturianos de Ciencia y Teunoloxía Payares 2012 // Númberu 2

SUMARIU

Güelgues de Pterosaurios n’Asturies

4/

Güelgues de reptiles voladores (Pterosauria) del Xurásicu d’Asturies Por Laura Piñuela, José Carlos García-Ramos, José Ignacio Ruiz-Omeñaca & Arturo de Miguel

16 /

L’agua soterraño: una ayalga escondida nes peñes Por Beatriz González Fernández & Eduardo Menéndez Casares

28 /

Hormones vexetales Por Ricardo Sánchez Tamés

40 /

Los procesos bioteunolóxicos: futuru y caltenibilidá Por José Mario Díaz Fernández

54 /

62 / 84 / 102 /

Nanoteunoloxía, un nuevu retu de salú llaboral

Por Nélida Busto Serrano

La enerxía eólico n’Asturies. Centrales hidroeóliques

Por Pedro Mª Suárez Rodríguez & Luis Bayón Arnau

Moluscos marinos non autóctonos na costa d’Asturies

Por Andrés Arias Rodríguez

Siete races, un país (II).

La Vaca Roxa (Carreñana y Casina) Por Antón Álvarez Sevilla

L’AGUA SOTERRAÑO, l’ayalga escondida /// Hormones vexetales /// Mercáu enerxéticu y enerxía hidroeólico /// SIETE RACES, UN PAÍS. Vaques Carreñana y Casina ///

/88/

Ciencies 8 (2018)

(2018) Ciencies 8

/89/

Cartafueyos Asturianos de Ciencia y Teunoloxía Payares 2013 // Númberu 3

CAMBÉU CLIMÁTICU n’Asturies /// /// /// ///

SUMARIU 4/

Cambéu climáticu n’Asturies Por Ricardo Anadón Álvarez & Fernando González Taboada

48 /

El Cachuchu, bayura y biodiversidá nel monte submarín d’Asturies Por Francisco Javier Cristobo Rodríguez & Pilar Ríos

60 /

Los umerales de llamarga, ecosistemes camín del desaniciu Por Tomás Emilio Díaz González

78 /

Siete races, un país (y III): La Oveya Xalda, el Gochu Asturcelta y la Pita Pinta Por Antón Álvarez Sevilla

98 /

Ciencia práutica. Borrando cuantos de lluz

Por Rubén Fernández Martínez

EL CACHUCHU, bayura y biodiversidá nel monte submarín d’Asturies /// LOS UMERALES DE LLAMARGA, ecosistemes camín del desaniciu /// SIETE RACES, UN PAÍS (y III): la Oveya Xalda, el Gochu Asturcelta y la Pita Pinta /// CIENCIA PRÁUTICA. Borrando cuantos de lluz ///

(2018) Ciencies 8

/91/

Cartafueyos Asturianos de Ciencia y Teunoloxía Payares 2014 // Númberu 4

Evolución de los protocolos web nel so 25 aniversariu |

SUMARIU 4/

Mengua en dellos metros de los sistemes dunares costeros n’Asturies: ¿Nótase yá’l cambéu climáticu?

Por Ricardo Anadón Álvarez

24/

La biodiversidá que llevamos con nós.

Microbiota autóctono, probióticos y prebióticos Por Juan Evaristo Suárez

38/

Aceros avanzaos d’alta resistencia

Por Pablo García Chao

54/

Evolución de los protocolos web nel so 25 aniversariu Por David Melendi Palacio, Xabiel García Pañeda & Roberto García Fernández

80/

La nueche escura del ser: llocura y sociedá n’Asturies. Un repasu a l’asistencia psiquiátrica hasta la Guerra Civil (1936-1939) Por Ignaciu Llope Fernández

MENGUA EN DELLOS METROS DE LOS SISTEMES DUNARES COSTEROS N’ASTURIES ¿Nótase yá’l cambéu climáticu? /// /// LA BIODIVERSIDÁ QUE LLEVAMOS CON NÓS. Microbiota autóctono, probióticos y prebióticos /// /// ACEROS AVANZAOS D’ALTA RESISTENCIA /// /// LA NUECHE OSCURA DEL SER. Llocura y sociedá n’Asturies /// ///

(2018) Ciencies 8

/93/

Cartafueyos Asturianos de Ciencia y Teunoloxía Payares 2015 // Númberu 5

LA RESTAURACIÓN DE LA CÁMARA SANTA (2012-2014)

L’AICIÓN MOTORA BAXO LA LLUZ CIENTÍFICO Mediu sieglu de Praxeoloxía Motora /// /// MIOCARDIOPATÍA HIPERTRÓFICA FAMILIAR Y MUERTE DE SÓPITU Nueves ferramientes pal estudiu xenómicu /// /// CIRUXÍA ORTOPÉDICA ONCOLÓXICA Reseición y reconstrucción de los tumores óseos allugaos na pelvis /// /// CIENCIA PRÁUTICA /// ///

SUMARIU 4/

L’aición motora baxo la lluz científico: mediu sieglu de Praxeoloxía Motora Por Carlos Suari Rodrigue & Joseba Etxebeste Otegi

24 /

Miocardiopatía hipertrófica familiar y muerte de sópitu: nueves ferramientes pal estudiu xenómicu Por Xosé Antón Suárez Puente

40 /

Ciruxía ortopédica oncolóxica: reseición y reconstrucción de los tumores óseos allugaos na pelvis Por Alejandro Braña Vigil

56 /

La restauración de la Cámara Santa (2012-2014): crónica d’unes obres singulares Por Jorge Hevia Blanco

76 /

84 /

Ciencia Práutica: el caos del pingar del cañu

Por Rubén Fernández Martínez

Amestadura: rellación d’artículos asoleyaos (2011-2015)

(2018) Ciencies 8

/95/

Cartafueyos Asturianos de Ciencia y Teunoloxía Payares 2016 // Númberu 6

SUMARIU

Los 13

(neandertales) d’El Sidrón

4/

Proyeutu bapa: terminales móviles p’amenorgar daños por argayos y fanes n’Asturies Por María José Domínguez-Cuesta, Pablo Valenzuela & Montserrat Jiménez-Sánchez

16 /

Los microarn reguladores de les enfermedaes humanes.

Relevancia funcional y patolóxica de la cara «oculta» del xenoma Por Xurde Menéndez Caravia

34 /

46 /

62 /

Dellos datos sobre les Holoturies d’Asturies

Por Irene Fernández Rodríguez

El deprendizax automáticu computacional na valoración d’exemplares bovinos d’Asturiana de los Valles Por Jaime Alonso*, Jorge Díez*, Oscar Luaces*, J.J. del Coz*, A. Bahamonde* & F. Goyache**

El grupu neandertal de la Cueva d’El Sidrón (Borines, Piloña)

Por Marco de la Rasilla*, Antonio Rosas**,

Juan Carlos Cañaveras*** et al.

/// /// ///

LA FÁBRICA LA VEGA D’UVIÉU: patrimoniu esceicional /// DATOS SOBRE LES HOLOTURIES D’ASTURIES /// LOS microARN REGULADORES DE LES ENFERMEDAES HUMANES

80 / ///

La fábrica La Vega (Uviéu): Patrimoniu esceicional y oportunidá urbanística Por Kaila San Fabián, María Rosa Alba, Ana Carreño & Ana Piquero

(2018) Ciencies 8

/97/

Cartafueyos Asturianos de Ciencia y Teunoloxía Payares 2017 // Númberu 7

SUMARIU 4/

Neutrinos, les pantasmes del universu Por Pablo Fernández Martínez Miembru d’egads, Super Kamiokande, t2k Hyper Kamiokande, t2hk

Plantes invasores /// /// ///

20 /

Estudiu de riesgos xeolóxicos esternos nun tramu d’El Ríu de Trubia ente San Andrés y Veiga Trubia Por Iyán González Castro

38 /

Les plantes invasores como exemplu d’adautación a un territoriu. Situación actual n’Asturies Por Eduardo Cires Rodríguez & José Antonio Fernández Prieto

58 /

Les cachiparres (Arachnida, Ixodida) n’Asturies: faunística d’un taxon quizaleru na tresmisión de malures Por Vítor Xuan Melero Cimas

86 /

Los trestornos del sueñu: dormir de más, dormir de menos Por Xesús González Rato

NEUTRINOS /// CACHIPARRES D’ASTURIES /// TRESTORNOS DEL SUEÑU ///

(2018) Ciencies 8

/99/

/100/

Ciencies 6 (2016)